Kyaikhto Revolution and Information Network

Home
Kyaikhto Revolution and Information Network

သတင်းအချက်အလက်များကို telegram acc https://t.me/kyaikhtorin သို့လည်း ဆက်သွယ်ပေးပို့နိုင်ပါသည်။ Kyaikhto Revolution and Information Network - KRIN

1.

KRIN page ကို ဘယ်သူတွေက ဘယ်လိုရည်ရွယ်ချက်နဲ့ စတင်ခဲ့တာလဲ?

လူငယ်တစုက တော်လှန်ရေးနဲ့ ပတ်သက်ပြီး ပြည်သူလူထု သိသင့်သိထိုက်တဲ့အကြောင်းအရာတွေ၊အခြေအနေအမှန်တွေ ဖော်ပြနိုင်ရေး၊ စိတ်ဓာတ်စစ်ဆင်ရေးရာကိစ္စရပ်တွေ ပြုလုပ်နိုင်ရေး အစရှိသဖြင့် ရည်ရွယ်ချက်တွေနဲ့ စတင်ခဲ့ပါတယ်။

2. လက်ရှိမှာ ဘာတွေလုပ်နေလဲ?

ဖော်ပြ၍ ရသော တိုက်ပွဲသတင်းအချက်အလက်များနှင့် အကြမ်းဖက်စစ်အုပ်စု၏ လူထုအပေါ် ဖိနှိပ်မှုများကို ဖော်ထုတ်တင်ဆက်ခြင

်း၊ အများပြည်သူမှ ပေးပို့လာသော ရန်သူစစ်အုပ်စုနှင့် ဒေါက်တိုင်ဒလန်များ၏ လှုပ်ရှားမှုများအား တော်လှန်ရေးအဖွဲ့များထံ စိစစ်၍ ပြန်လည်ပေးပို့ခြင်းများကို အဓိကပြုလုပ်နေပါတယ်။

3. သတင်းတိကျမှုကို အာမခံနိုင်ပါသလား?

၉၀ ရာခိုင်နှုန်းကျော်ထိ အာမခံပါတယ်။ ဘာဖြစ်လို့ ၁၀၀ ရာခိုင်နှုန်း အပြည့်မဖြစ်တာလဲဆိုရင်တော့ တခါတလေမှာ သေချာစိစစ်နေတဲ့ကြားကနေ အချက်အလက်အမှားများရရှိခြင်း၊ အဆက်အသွယ် ပျောက်ဆုံးခြင်းနှင့် အခြားသော အားနည်းချက်တချို့ရှိနေသေးတဲ့အတွက် ဖြစ်ပါတယ်။

4. ရရှိသမျှ တိုက်ပွဲသတင်းကို ဖော်ပြလေ့ရှိပါသလား? ဖော်ပြတယ်ဆိုရင် တိုက်ပွဲဖြစ်ပြီးတာနဲ့ (သို့်မဟုတ်) သတင်းရပြီးတာနဲ့ တင်ပါသလား? KRIN အနေနဲ့ သတင်းတပုဒ်ကို ဖော်ပြဖို့အတွက် အကျိုးအပြစ်အားလုံးကို သေချာစွာတွက်ချပြီးမှသာလျှင် ဖော်ပြလေ့ရှိတာမို့ ရရှိသမျှ တိုက်ပွဲသတင်းအားလုံးကို ဖော်ပြခြင်းမရှိပါ။ တိုက်ပွဲသတင်းများကို ဖော်ပြရာမှာလည်း တိုက်ပွဲကိုဖော်ဆောင်ခဲ့တဲ့ အဖွဲ့မှ ရဲဘော် (သို့မဟုတ်) တာဝန်ရှိသူထံ ဖော်ပြ၍ ရမရ မေးမြန်းပြီးမှသာ သတင်းတင်ဆက်တာမို့ အနိမ့်ဆုံး နှစ်နာရီခွဲခန့် အချိန်ခြားပါတယ်။

5. သတင်းပေးပို့ချင်ပင်မဲ့ လုံခြုံရေးကို စိုးရိမ်လို့ မပေးပို့ဖြစ်ပါဘူး။ သတင်းပေးပို့သူရဲ့ လုံခြုံရေးကို KRIN မှ တာဝန်ယူပေးနိုင်ပါသလား?

ပြည်သူလူထုက ပေးပို့လာတဲ့ သတင်းအချက်အလက်တွေနဲ့ပတ်သက်ပြီး KRIN မှာ လုပ်ငန်းစဉ် သုံးခုရှိပါတယ်။ မှတ်တမ်းတင်သိမ်းဆည်းခြင်း၊ တော်လှန်ရေးအင်အားစုများထံ မျှဝေခြင်းနှင့် အများပြည်သူထံ တင်ဆက်ခြင်းတို့ဘဲ ဖြစ်ပါတယ်။ ဖော်ပြသင့်၍ ဖော်ပြအပ်သော သတင်းများနှင့် ပတ်သက်၍ ပေးပို့သူ မည်သူမည်ဝါမှန်း မသိရှိရအောင် သတင်းအချက်အလက်အချို့ကို ပြောင်းလဲပြင်ဆင်ခြင်း၊ လူများစွာထံမှ မှတ်ချက်များ တောင်းယူမေးမြန်းခြင်း နှင့် အချက်အလက်တချို့ ထိန်ချန်ခြင်းတို့ ပြုလုပ်တာမို့ လုံခြုံရေးအရ အာမခံနိုင်ပါတယ်။

6. စစ်ကားတွေ ဖြတ်သွားနေတာတော့ တွေ့ပါတယ်။ သိပ်အရေးမကြီးဘူးထင်လို့ မပြောဖြစ်တာပါ။

ရန်သူရဲ့ လုပ်ရှားမှုတိုင်းက အင်မတန်မှ အရေးကြီးပါတယ်။ ရန်သူရဲ့ လုပ်ရှားမှုတိုင်းဟာ ဗျူဟာဖော်နေခြင်းဖြစ်ပြီးတော့ လူထုကသာ တွေ့မြင်တိုင်း သတင်းပေးမယ်ဆိုရင် ရန်သူရဲ့ဗျူဟာကို အလွယ်တကူမှန်းဆနိုင်ပါတယ်။
(ဒါကြောင့်လည်း တွေ့မြင်တိုင်းမှာ ပေးပို့ကြဖို့ မေတ္တာရပ်ခံပါတယ်)

#စစ်ရေးသတင်း #လုံခြုံရေး #ပြည်သူ့ထောက်လှမ်းရေးကွန်ယက်

06/06/2024

သိမ်ဇရပ်မှာ စစ်တပ်၏ လက်နက်ကြီးပစ်ခတ်မှု ကျေးရွာတွေဘက် ကျရောက်ပေါက်ကွဲ၊ သီလရှင်တစ်ပါးနှင့် ပြည်သူတစ်ဦး ထိခိုက်ဒဏ်ရာရပြီး လူနေအိမ်များပျက်စီး

ကျိုက်ထို၊ ဇွန်လ ၆ ရက်

မွန်ပြည်နယ်၊ သိမ်ဇရပ်ရှိ စစ်ကောင်စီလက်အောက်ခံ အမတ (၃၁၀) မှ ကျေးရွာများဘက်သို့ ဇွန်လ (၂) ရက်နေ့ မနက် (၉:၃၀) အချိန်ခန့်ကစ တစ်နေ့လုံးနီးပါး လက်နက်ကြီးအလုံး (၄၀) နီးပါး ပစ်ခတ်ခဲ့ပြီး ပြည်သူများနှင့် လူနေအိမ်များ ထိခိုက်မှုများရှိခဲ့ကြောင်း ဒေသခံပြည်သူများက KRIN ကို ပြောသည်။

မနက် (၉:၃၀) အချိန် ပစ်ခတ်မှုတွင် စစ်ကွင်းရွာသို့ ၆ လုံးထက်မနည်း ကျရောက်ပေါက်ကွဲခဲ့ပြီး တည့်တည့်ကျခဲ့သည့် အိမ်မှာ လုံးဝပျက်စီးသွားခဲ့သည်။ ဒါ့အပြင် ဘေးအနီးက အိမ် ၂ လုံးလည်း ကျည်ထိမှန်ပျက်စီးခဲ့ပြီး လူထိခိုက်မှုတော့ မရှိခဲ့ပါ။

နေ့လည်ပိုင်း ပစ်ခတ်မှုတွင် မုက္ခမော့ရွာ၊ သုံးခွ၊ ဝါးဒက်ကွင်းနှင့် ဝါးဂေါက်ကွင်းလမ်းတို့ဘက် လက်နက်ကြီးကျည်များ ကျရောက်ပေါက်ကွဲခဲ့သည်။ သုံးခွရွာရှိ ခရစ်ယာန်ကျောင်းအနီး ပေါက်ကွဲမှုတွင် သီလရှင်တစ်ပါး (မစိုးရိမ်ရ) ဒဏ်ရာရရှိိခဲ့ပြီး ဝါးဒက်ကွင်းရွာထဲ ပေါက်ကွဲမှုတွင် ဟိန်းမင်းသူဆိုသူတစ်ဦး (မစိုးရိမ်ရ) ဒဏ်ရာရရှိိခဲ့ကြသည်။

ညပိုင်းပစ်ခတ်မှုတွင်လည်း ခရွဲကျေးရွာ အရှေ့ဘက်သို့ (၆ လုံး) ကျရောက်ပေါက်ကွဲခဲ့ပြီး လူထိခိုက်မှု မရှိသော်လည်း သီးနှံပင်များ ပျက်စီးခဲ့သည်။

ဒါ့အပြင် ဇွန်လ (၃) ရက် မနက်ပိုင်းတွင်လည်း မုက္ခမော့ရွာနှင့် ခရွဲ ကျေးရွာဘက်သို့ လက်နက်ကြီး (၄) လုံး ထပ်မံကျရောက် ပေါက်ကွဲခဲ့သည်။

ပုံ - စစ်ကွင်းရွာက လက်နက်ကြီးကျည် ကျရောက်ပေါက်ကွဲခဲ့သည့် လူနေအိမ် (CJ)

#သိမ်ဇရပ် #လက်နက်ကြီး

05/05/2024

သိမ်ဇရပ်စစ်တပ်မှ ပစ်ခတ်သော လက်နက်ကြီးများ ရွာတွေထဲသို့ ကျရောက်ပေါက်ကွဲ၊ လူနေအိမ် ၆ လုံးပျက်စီး

မေလ ၅ ရက်၊ ကျိုက်ထို

မွန်ပြည်နယ်၊ သိမ်ဇရပ်ရှိ စစ်ကောင်စီလက်အောက်ခံ ခမရ (၂၀၇) တပ်မှ ယမန်နေ့ မေလ (၄) ရက် နေ့လည် (၁၁:၁၈) အချိန်ခန့်က (၈၁ မမ) လက်နက်ကြီး သုံးလုံး ပစ်ခတ်ခဲ့ရာ ခမရ (၂၀၇) မြောက်ဘက်ရွာထဲရှိ ခြံသို့ နှစ်လုံး ကျရောက်ပေါက်ကွဲခဲ့ပြီး စစ်ကွင်းရွာအရှေ့ဘက် ဈေးဆိုင် (၁) လမ်းသို့ တစ်လုံး ကျရောက်ခဲ့တယ်လို့ KRIN သတင်းရင်းမြစ်ထံမှ သိရသည်။

စစ်ကွင်းရွာသို့ လက်နက်ကြီးကျည် ကျရောက်ခဲ့သည့်နေရာသည် အရပ်သားများရှိသော နေရာဖြစ်သော်လည်း မပေါက်ကွဲခဲ့သည့်အတွက်သာ လူထိခိုက်မှုမရှိခဲ့ခြင်းဖြစ်ပြီး မပေါက်ကွဲခဲ့သည့် ကျည်ကိုလည်း တူးဖော်ရှင်းလင်းပေးခဲ့တယ်လို့ သိရသည်။

ဒါ့အပြင် ဧပြီလ ၂၈ ရက် ည (၉:၄၅) အချိန်ခန့်က သိမ်ဇရပ် အမြှောက်တပ် အမတ (၃၁၀) နဲ့ ဝေါမြို့ အထက်ကွေ့ကြီး ဘုန်းကြီးကျောင်းနောက် လက်ကွင်းမှာ တပ်စွဲထားတဲ့ စစ်တပ်မှလည်း (၁၂၀ မမ) လက်နက်ကြီး ၇ လုံး ပစ်ခတ်ခဲ့ရာ ကျိုက်ထိုမြို့၊ ခရွဲကျေးရွာသို့ ကျရောက်ပေါက်ကွဲခဲ့ပြီး လူနေအိမ် (၆) လုံး ပျက်စီးခဲ့ကြောင်း သိရသည်။

လက်နက်ကြီးကျည် တိုက်ရိုက်ကျရောက်ခဲ့သည့် အိမ်တစ်လုံးမှာ လုံးဝ ပျက်စီးသွားခဲ့ပြီး ကျန်အိမ်များမှာ အမိုးအကာများနှင့် ကြမ်းခင်းများ ပေါက်ပြဲခဲ့သည်။

Photo - CJ (စစ်ကွင်းရွာထဲကျရောက်ခဲ့သည့် လက်နက်ကြီးကျည် နှင့် ခရွဲရွာက နေအိမ်များ ပျက်စီးမှု)

#လက်နက်ကြီး #ခမရ၂၀၇ #အမတ၃၁၀
#သိမ်ဇရပ် #ခရွဲ #စစ်ကွင်း

02/05/2024

စစ်ကောင်စီအကျဉ်းဦးစီး လက်ထောက်ညွှန်မှူးတစ်ဦး ပ-စ်ခ-တ်ရှ-င်းလ-င်းခံရ

မေလ ၂ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့၊ မရမ်းချောင် (ရွှေဖြူ) အကျဉ်းဦးစီးဌာနက လက်ထောက်ညွှန်မှူး ဦးစင်းအောင် (ခ) ဦးဝင်းအောင် ဆိုသူကို ဧပြီလ ၂၉ ရက်၊ မနက် (၁၁:၁၉) အချိန်ခန့်က ၎င်း၏ မယားငယ်အိမ်ရှေ့ ဘီးလင်းမြို့၊ ယက္ကန်းသည်မကျေးရွာတွင် ပ-စ်ခ-တ်ရှ-င်းလ-င်းခဲ့ပြီး နေရာတွင်ပင် သေဆုံးခဲ့ကြောင်း ကျိုက်ထိုတော်လှန်ရေးအင်အားစု KRF က သတင်းထုတ်ပြန်ထားသည်။

ဦးစင်းအောင် ဆိုသူသည် စစ်မှုထမ်းဟောင်း (စထဟ) ဗိုလ်ကြီးတစ်ဦးဖြစ်ပြီး လက်နက်ငယ် ကိုင်ဆောင်ထားကာ တော်လှန်ရေးအနှောက်အယှက်ပေးနေသူတစ်ဦးဖြစ်ကြောင်း သိရသည်။

အဆိုပါ ပစ်ခတ်မှုကို KRF နှင့် ကျိုက်ထို ပကဖ တို့ ပူးပေါင်းလုပ်ဆောင်ခဲ့တာဖြစ်ပြီး တော်လှန်ရေးအင်အားစုဘက်မှ အထိအခိုက်မရှိ ပြန်လည်ဆုတ်ခွါနိုင်ခဲ့ကြောင်း ထုတ်ပြန်ထားသည်။

ပုံ - KRF’s telegram

#အကျဉ်းဦးစီး #စထဟ
#ကျိုက်ထို

29/04/2024

ဘီးလင်း တဂေးလောင်းရွာသို့ စစ်တပ်က လေကြောင်းဖြင့်တိုက်ခိုက်၊ စာသင်ကျောင်းနှင့် လူနေအိမ်များ ပျက်စီး

ဧပြီလ ၂၉ ရက်၊ ကျိုက်ထို

ကေအဲန်ယူ-ဘီးလင်းမြို့နယ်ထဲက တဂေးလောင်းကျေးရွာကို ယမန်နေ့ ဧပြီလ ၂၈ ရက် ည (၁၁:၃၁) အချိန်မှာ စစ်တပ်က ဂျက်တိုက်လေယာဉ်ဖြင့် ဗုံး ၂ လုံးကြဲချ တိုက်ခိုက်ခဲ့ကြောင်း ကေအဲန်ယူ-ဒူးသထူခရိုင်က ယနေ့ သတင်းထုတ်ပြန်ထားသည်။

လေကြောင်းတိုက်ခိုက်မှုကြောင့် တဂေးလောင်းရွာ အလယ်တန်းကျောင်း စာသင်ဆောင် (၃) ဆောင်၊ ဓာတ်ဆီဆိုင် (၁) ဆိုင်၊ ဆိုင်ကယ်ပြင်ဆိုင် (၁) ဆိုင်နဲ့ အရပ်သားနေအိမ် (၂) လုံးတို့ ထိခိုက်ပျက်စီးခဲ့တယ်လို့ သိရသည်။

ဒါ့အပြင် ယခုနှစ် ၂၀၂၄၊ မတ်လ (၂၃) ရက် ညကလည်း ဘီးလင်းမြို့၊ မင်းစောကျေးရွာကို စစ်တပ်က လေကြောင်းတိုက်ခိုက်ခဲ့တာကြောင့် စာသင်ကျောင်း၊ သာသနာ့အဆောက်အဦး၊ နှမ်းဆီကြိတ်စက်ရုံနဲ့ လူနေအိမ် စုစုပေါင်း အဆောက်အဦး (၁၇) လုံး ပျက်စီးခဲ့ပြီး အရပ်သား (၁) ဦး ထိခိုက်ဒဏ်ရာရခဲ့သေးသည်။

ပုံ - ကေအဲန်ယူ-ဒူးသထူခရိုင်။

#ဘီးလင်း #လေကြောင်း

26/04/2024

သတင်းပေးဒလန်လုပ်နေတဲ့ စစ်မှုထမ်းဟောင်းအငြိမ်းစား ကျော်ကျော် ပစ်ခတ်ခံရ

ဧပြီလ ၂၆ ရက်၊ ကျိုက်ထို

စစ်ကောင်စီ လုံခြုံရေးယူထားတဲ့ ကျိုက်ထို အင်းဝဘဏ်ဘေး ဆိုင်ကယ် ကယ်ရီဂိတ်မှာ ယနေ့ မနက် (၇:၁၀) အချိန်ခန့်က သတင်းပေးဒလန်လုပ်နေတဲ့ ကျိုက်ပိရွာသား စစ်မှုထမ်းဟောင်း ကျော်ကျော် ဆိုသူကို ပစ်ခတ်ခဲ့တယ်လို့ PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့က သတင်းထုတ်ပြန်ထားသည်။

ပစ်ခတ်မှုကြောင့် ကျော်ကျော်မှာ ပေါင်နှင့် ဆီးခုံနေရာတွင် ကျည်ထိမှန်ခဲ့ပြီး ကျိုက်ထိုဆေးရုံမှ သထုံဆေးရုံသို့ ပို့ဆောင်ထားကြောင်း သိရသည်။

ပစ်ခတ်မှုဖြစ်ပြီးနောက် အင်းဝဘဏ်နှင့် မြို့ထဲထွေအုပ်တို့မှာ တပ်စွဲထားတဲ့ စစ်သားများမှလည်း ရမ်းသမ်းပစ်ခတ်မှုများ ရှိခဲ့ကြောင်း သိရသည်။

ယခုနှစ်စပိုင်း ဇန်နဝါရီ ၁၂ ရက်နေ့ကလည်း အဆိုပါ အင်းဝဘဏ်မှာ ပစ်ခတ်မှုများရှိခဲ့ပြီး စစ်သားတစ်ဦး သေဆုံးခဲ့သေးသည်။

#စစ်မှုထမ်းဟောင်း #ဒလန်
#ကျိုက်ထို

25/04/2024

ကော့ထင်းအုပ်ကြီး ရှင်းလင်းခံရမှု UG အဖွဲ့ထုတ်ပြန်

ဧပြီလ ၂၅ ရက်၊ ကျိုက်ထို

ကျိုက်ထိုမြို့၊ ကော့ထင်းကျေးရွာ အုပ်ချုပ်ရေးမှူး ဦးဝင်းအောင် ဆိုသူကို ဧပြီလ ၂၃ ရက် ညနေ (၆:၀၅) အချိန်ခန့်က ၎င်းတို့ ပစ်ခတ်ခဲ့တာဖြစ်တယ်လို့ PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့က ယနေ့ သတင်းထုတ်ပြန်ထားသည်။

ဦးဝင်းအောင် ဆိုသူသည် စစ်တပ်အာဏာသိမ်းပြီးနောက် အုပ်ချုပ်ရေးမှူးဖြစ်လာပြီး လက်နက်ကိုင်ထားသူ ပျုစောထီးခေါင်းဆောင်တစ်ဦးလည်းဖြစ်သည်။ ဒါ့အပြင် စစ်မှုထမ်းဥပဒေကို အကောင်အထည်ဖော် ဆောင်ရွက်နေသူဖြစ်ပြီး ၎င်း၏ သားသည်လည်း မှော်ဘီလေတပ်ရဲ့ အရာရှိတစ်ဦးဖြစ်ကြောင်း သိရှိရသည်။

ပုံ - UG’s telegram

#ကော့ထင်း #အုပ်ချုပ်ရေးမှူး #စစ်မှုထမ်း
#ကျိုက်ထို

24/04/2024

လက်နက်နှင့် CDM ဝင်လာသော စစ်သားကို ငွေကျပ် သိန်း (၃၀) ချီးမြှင့်ခဲ့ကြောင်း အာဠာဝကစစ်ကြောင်း ထုတ်ပြန်

ဧပြီလ ၂၄ ရက်၊ ကျိုက်ထို

ပြည်သူ့ကာကွယ်ရေးတပ်မတော် တပ်ရင်း - ၃၊ အာဠာဝကစစ်ကြောင်းထံသို့ ပစ္စတိုတစ်လက်နှင့်အတူ CDM ဝင်လာသော စစ်သားကို ငွေကျပ် သိန်း (၃၀) ပေးအပ်ချီးမြှင့်ခဲ့ကြောင်း သိရသည်။

ဒါ့အပြင် ၎င်း၏ လိုအင်ဆန္ဒအတိုင်း လွတ်မြောက်နယ်မြေတစ်နေရာသို့ပါ ပို့ဆောင်ပေးခဲ့ကြောင်း ထုတ်ပြန်ထားသည်။

ပုံ - ပြည်သူ့ကာကွယ်ရေးတပ်မတော် တပ်ရင်း - ၃၊ အာဠာဝကစစ်ကြောင်း

24/04/2024

ကော့ထင်းကျေးရွာ အုပ်ချုပ်ရေးမှူး ပ-စ်ခ-တ်ရှ-င်းလ-င်းခံရ

ဧပြီလ ၂၄ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့၊ ကော့ထင်းကျေးရွာက အသက် (၆၂) နှစ်အရွယ် ကျေးရွာအုပ်ချုပ်ရေးမှူး ဦးဝင်းအောင် ဆိုသူမှာ ယမန်နေ့ ညနေ (၆:၃၀) အချိန်ခန့်က ပ-စ်ခ-တ်ရှ-င်းလ-င်းခံလိုက်ရတယ်လို့ သိရသည်။

ပစ်ခတ်ခံရမှုကြောင့် ယာနားထင်၊ ယာပါး၊ ယာပေါင်၊ ယာတင်ပါး ဦးခေါင်းနောက်စိ နဲ့ ဝဲနှုတ်ခမ်း ဒဏ်ရာ (၁)ချက်စီဖြင့် နေရာတွင်ပင် သေဆုံးခဲ့ကြောင်း စစ်ကောင်စီဝါဒဖြန့် တယ်လီဂရမ်က တင်ထားသည်။

အဆိုပါပစ်ခတ်မှုနှင့် ပတ်သက်ပြီး မည်သည့်အကြောင်းကြောင့် ပစ်ခတ်ခဲ့ကြောင်းနှင့် မည်သည့်အဖွဲ့က လုပ်ဆောင်ခဲ့ကြောင်း သတင်းထုတ်ပြန်ထားခြင်း မတွေ့ရသေးပေ။

#ကော့ထင်း #အုပ်ချုပ်ရေးမှူး
#ကျိုက်ထို

23/04/2024

စစ်တောင်းတံတားသစ် စစ်ဆေး‌ရေးဂိတ်ကို တော်လှန်ရေးအင်အားစုတွေ တိုက်ခိုက်

ဧပြီလ ၂၃ ရက်၊ ကျိုက်ထို

ပဲခူးနဲ့ မွန်ပြည်နယ်ကြား စစ်တောင်းမြစ်ကူးတံတားသစ်ရှိ စစ်ကောင်စီ စ‌စ်ဆေးရေးဂိတ်ကို ယနေ့မနက်ပိုင်းမှာ တိုက်ခိုက်ခဲ့တယ်လို့ ပကဖအသံ သတင်းအရ သိရသည်။

အဆိုပါ တိုက်ခိုက်မှုကို ရန်ကုန်တိုင်း ပကဖ တိုက်ခိုက်ရေး တပ်ဖွဲ့ (၁/၂)၊ တိုင်းရင်းသားတော်လှန်‌ရေးအဖွဲ့ EROs နဲ့ တော်လှန်ရေးအင်အားစုတွေ ပူးပေါင်းပြီး တိုက်ခိုက်ခဲ့တာဖြစ်တယ်လို့ သိရသည်။

အကြမ်းဖက်စစ်တပ်အနေနဲ့ နယ်စပ်ဒေသတွေကနေ နိုင်ငံအတွင်းပိုင်းဒေသ‌တွေမှာ ပြောင်းလဲ ခံစစ်စည်း ယူလာရတာကို စစ်တောင်းတံတား တိုက်ခိုက်မှုအပါအဝင် မြေပြန့်ဒေသ တိုက်ခိုက်မှုမျိုးစုံက ပြသလျက်ရှိတယ်လို့ ဖော်ပြထားပါတယ်။

အဆိုပါတံတား တိုက်ခိုက်ခံရမှုကို စစ်ကောင်စီဝါဒဖြန့် တယ်လီဂရမ်ချန်နယ်များမှ သိမ်ဇရပ်အကွက် ၇ နဲ့ မုပ္ပလင်ဆင်ရုပ်ကျောင်းတို့ကို မွှေနှောက်ကြဖို့ သတင်းဖြန့်ဝေလျှက်ရှိပါတယ်။

ပုံ - ပကဖ အသံ

#စစ်တောင်းတံတား #ရန်ကုန်တိုင်းပကဖ
#ကျိုက်ထို #သိမ်ဇရပ်

21/04/2024

ရာအိမ်မှူး အောင်ကျော် ဆိုသူကို ၎င်းတို့ ပစ်ခတ်ခဲ့တာဟု UG အဖွဲ့ ထုတ်ပြန်

ဧပြီလ ၂၁ ရက်၊ ကျိုက်ထို

ကျိုက်ထိုမြို့၊ မြောက်ပိုင်းရပ်ကွက်၊ ငပိစိမှာနေတဲ့ ရာအိမ်မှူး အောင်ကျော် ဆိုသူကို ဧပြီလ ၁၈ ရက် မနက် (၅:၂၆) အချိန်က ပစ်-ခတ်-ရှင်း-လင်းခဲ့တယ်လို့ PDF တပ်ရင်း-၇၈၀၅၊ တပ်ခွဲ-၄ UG အဖွဲ့က ယနေ့ သတင်းထုတ်ပြန်ထားသည်။

အကြမ်းဖက်စစ်ကောင်စီရဲ့ စစ်မှုထမ်းဥပဒေ လည်ပတ်နိုင်ရေး ဦးစီးလုပ်ကိုင်နေပြီး လိုက်လံစာရင်းကောက်ယူနေမှုကြောင့် ပစ်ခတ်ရှင်းလင်းတာဖြစ်တယ်လို့ ထုတ်ပြန်ချက်အရ သိရသည်။

ပုံ - ပစ်ခတ်မှု မဖြစ်ခင် နံပြားထုတ်နေချိန် (Telegram)

#ရာအိမ်မှူး #စစ်မှုထမ်း
#ကျိုက်ထို

20/04/2024

ကျိုက်ထိုနဲ့ သိမ်ဇရပ်မှာ ပြည်သူ့စစ်ခေါင်းဆောင်နဲ့ စစ်မှုထမ်းကိစ္စ ဆောင်ရွက်နေသူတို့ ပ-စ်ခ-တ်ရှင်းလင်းခံရ

ဧပြီလ ၂၀ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့၊ မြောက်ပိုင်းရပ်ကွက်၊ ငပိစိမှာနေတဲ့ ရာအိမ်မှူး အောင်ကျော် ဆိုသူကို ဧပြီလ ၁၈ ရက်၊ မနက် (၆:၀၀) နာရီအချိန်ခန့်က သူ့ဆိုင်မှာတင် ပစ်ခတ်ခံရပြီး ဦးခေါင်းပွင့်ထွက် သေဆုံးခဲ့တယ်လို့ သိရသည်။

ကိုအောင်ကျော် ဆိုသူဟာ စစ်မှုထမ်းရန် လူငယ်တွေကို စာရင်းကောက်နေတာတွေ ပြုလုပ်နေတာကြောင့် သတိပေးစာ ပို့ခံထားရသူလည်း ဖြစ်ပါတယ်။

ဒါ့အပြင် သိမ်ဇရပ်မှာလည်း ပြည်သူ့စစ်ခေါင်းဆောင် ဖိုးလုံး ဆိုသူကို ဧပြီလ ၁၉ ရက် မနက်ပိုင်းက ပစ်ခတ်ခံရပြီး ဆေးရုံပို့ဆောင်စဉ် သေဆုံးသွားခဲ့တယ်လို့ သိရသည်။

ဦးဖိုးလုံးကို ၎င်းအလုပ်လုပ်နေတဲ့ သိမ်ဇရပ် ဝါးဒက်ကွင်း ဝါးတားဂိတ်မှာ ပစ်ခတ်ခံခဲ့ရတာ ဖြစ်ပြီး သူလည်း သတိပေးစာ ပို့ခံထားရသူတစ်ဦး ဖြစ်တယ်လို့ သိရသည်။

ယခု ပစ်ခတ်မှု ၂ ခုလုံးကိုတော့ မည်သည့်အဖွဲ့တွေက လုပ်ဆောင်ခဲ့ကြောင်း ထုတ်ပြန်ထားတာ မရှိသေးပါဘူး။

#ပြည်သူ့စစ် #စစ်မှုထမ်း
#ကျိုက်ထို #သိမ်ဇရပ်

17/04/2024

စစ်တပ်ရဲ့ လေကြောင်းတိုက်ခိုက်မှုများကြောင့် သေဆုံးခဲ့ရသည့် ပြည်သူများအတွက် ဆုတောင်းမေတ္တာပို့သသည့် စက္ကူလေယာဉ်သပိတ် ပြုလုပ်

ဧပြီလ ၁၇ ရက်၊ ကျိုက်ထို

ယနေ့ မြန်မာနှစ်ဆန်း (၁) ရက်နေ့ ဧပြီလ (၁၇) ရက်နေ့မှာ စစ်တပ်ရဲ့ လေကြောင်းဗုံးကြဲတိုက်ခိုက်မှုတွေကြောင့် အသက်သေဆုံးခဲ့ရသည့် ပဇီကြီး နှစ်ပတ်လည်နေ့နှင့် နိုင်ငံတဝှမ်းက အသက်သေဆုံးခဲ့ရသည့် ပြည်သူများအတွက် ဆုတောင်းမေတ္တာပို့သသည့် စက္ကူလေယာဉ်သပိတ် လုပ်ဆောင်လျှက်ရှိကြောင်း သွေးစွန်းငွေဖြတ်တောက်ရေးအဖွဲ့ တာဝန်ရှိသူတစ်ဦးက KRIN ကိုပြောသည်။

“ဒီနေ့က ပဇီကြီးမှာ ပြည်သူတွေ သေဆုံးခဲ့ရပြီး ရက်လည်တဲ့ တစ်နှစ်ပြည့်ပါ။ ဒါကြောင့် ပဇီကြီးအပါအဝင် လက်ယက်ကုန်း၊ အနန့်ပါ၊ လိုင်ဇာ စတဲ့ နိုင်ငံတဝှမ်းက လေကြောင်းကြောင့် အသက်ဆုံးရှုံးခဲ့ရသူတွေအတွက် ဆုတောင်းမေတ္တာပို့သတဲ့အနေနဲ့ အခုလို စက္ကူလေယာဉ်သပိတ် ပြုလုပ်တာပါ” လို့ ပြောသည်။

ဒါ့အပြင် နိုင်ငံတကာအနေနဲ့လည်း အကြမ်းဖက်စစ်တပ်ထံကို လေယာဉ်ဆီ တင်ပို့ရောင်းချနေတာတွေ ချက်ချင်းရပ်တန့်ဖို့ လေယာဉ်ဆီဖြတ်တောက်ရေးလှုပ်ရှားမှုတွေမှာလည်း ပြည်သူတွေ ဆက်လက်ပါဝင်ကြဖို့ တိုက်တွန်းထားသည်။

#လေယာဉ်တွေမြင်တဲ့အခါ

#စက္ကူလေယာဉ်သပိတ်

14/04/2024

ကျိုက်ထိုခရိုင်တရားရုံး ဗုံးဖြင့်တိုက်ခိုက်ခံရ၊ ရုံးဝန်ထမ်းကားပျက်စီး

ဧပြီလ ၁၄ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့နယ်က စစ်ကောင်စီလက်အောက်ခံ ခရိုင်တရားရုံးကို ယမန်နေ့ နေ့လည် (၁:၃၆) အချိန်ခန့်က လက်ပစ်ဗုံးဖြင့် ပစ်ခတ်တိုက်ခိုက်ခဲ့ပြီး ရုံးဝန်ထမ်းကား ထိခိုက်ပျက်စီးခဲ့တယ်လို့ PDF တပ်ရင်း - ၇၈၀၅၊ တပ်ခွဲ - ၄ UG အဖွဲ့က ထုတ်ပြန်ထားသည်။

တရားရုံးကို ဗုံးတစ်လုံးဖြင့်သာ တိုက်ခိုက်ခဲ့သည့်အတွက် ပေါက်ကွဲသံ မကျယ်သည့်အပေါ် စစ်ကောင်စီဘက်မှ သတင်းဖုံးထားလျှက်ရှိသည်။

အဆိုပါရုံးနေရာသည် ယခင်က ကျိုက်ထိုမြို့နယ်အထွေထွေအုပ်ချုပ်ရေးရုံးအဖြစ်ရှိခဲ့ပြီး စစ်တပ်အာဏာသိမ်းပြီးနောက် ဘီးလင်း၊ ကျိုက်ထိုနှင့် သိမ်ဇရပ်ကို ကျိုက်ထိုခရိုင်အဖြစ် သတ်မှတ်ကာ ခရိုင်အထွေထွေအုပ်ချုပ်ရေးရုံးနှင့် ခရိုင်တရားရုံးအဖြစ် ပြောင်းလဲသတ်မှတ်ခဲ့သည့်ရုံးဖြစ်သည်။

ပုံ - ၂၀၂၂ ခုနှစ်တွင် နာမည်ချိန်းခဲ့သည့် ခရိုင်တရားရုံး

#တရားရုံး #ခရိုင် #ကျိုက်ထို

12/04/2024

ကျိုက်ထိုနှင့် ဘီးလင်းရှိ ပြည်သူများ စစ်ကောင်စီအနီး စုဝေးခြင်းများ မပြုလုပ်ရန် UG အဖွဲ့ထုတ်ပြန်

ဧပြီလ ၁၂ ရက်၊ ကျိုက်ထို

မွန်ပြည်နယ်၊ ကျိုက်ထို နှင့် ဘီးလင်းမြို့တို့ရှိ ပြည်သူများအနေဖြင့် သင်္ကြန်ကာလ မြို့တွင်း mission များ ဖြစ်ပွါးချိန် ထိခိုက်မှုမရှိစေရန် စစ်ကောင်စီကျင်းပသည့် သင်္ကြန်ကာလအတွင်း လူစုလူဝေးများ၊ ပျော်ပွဲရွှင်ပွဲများ မပြုလုပ်ကြရန်နှင့် စစ်ကောင်စီအနီးနှင့် စစ်ရေးပစ်မှတ် နေရာများအား မသွားကြရန် PDF တပ်ရင်း - ၇၈၀၅၊ တပ်ခွဲ - ၄ UG အဖွဲ့က အသိပေးထုတ်ပြန်ထားသည်။

အသိပေးထုတ်ပြန်ထားပြီးနောက် လိုက်နာမှုမရှိဘဲ mission များဖော်ဆောင်ချိန် ထိခိုက်မှုများ ရှိခဲ့ပါက တာဝန်ယူမည် မဟုတ်ကြောင်းလည်း ထုတ်ပြန်ထားသည်။

PDF တပ်ရင်း - ၇၈၀၅၊ တပ်ခွဲ - ၄ UG အဖွဲ့သည် ကျိုက်ထိုနှင့် ဘီးလင်းရှိ စစ်တပ်ထောက်တိုင်များ၊ စစ်ကောင်စီကင်းစခန်းများနှင့် စစ်မှုထမ်းဥပဒေ အကောင်အထည်ဖော်သူများကို အရေးယူနေသော အဖွဲ့တစ်ဖွဲ့ဖြစ်သည်။

ပုံ - UG အဖွဲ့၏ ထုတ်ပြန်ချက်

#ကျိုက်ထို #ဘီးလင်း

10/04/2024

စိုးဝင်းနဲ့ ကာမီကာဇေ

ဧပြီလ ၁၀ ရက်၊ ကျိုက်ထို
by KRIN

လက်တလောကာလမှာ ခွဲမရတဲ့အတွဲကို ပြောပါဆိုရင် စိုးဝင်းနဲ့ ကာမီကာဇေ လို့တောင် ပြောရမလားဘဲ။

အကြမ်းဖက် ဒုစစ်ခေါင်းဆောင် စိုးဝင်း ခင်ဗျာ ရတခ (အရှေ့တောင်တိုင်းစစ်ဌာနချုပ်) ကို စစ်ရေးဆိုင်ရာ အစည်းအဝေးလာလုပ်ရင်း စစ်ရေးပစ်မှတ်ထား တိုက်ခိုက်ခံရပါသတဲ့။

နိုင်ငံတဝှမ်းက ပြည်သူတွေကို လေကြောင်းကနေ စိတ်ကြိုက် ပစ်ခတ်တိုက်ခိုက်နေတဲ့ မအလတို့အုပ်စု ကိုယ်တိုင် လေကြောင်းနဲ့လည်း ပြန်တိုက်ခံရရော အဆင်ပြေကြပါရဲ့လားလို့တောင် မေးချိန်မရ တန်းနေတာမှ ဆေးရုံကိုပင်။

စစ်ရဟတ်ယာဉ်နဲ့ ရက်ရက်စက်စက် ပစ်ခတ်ခဲ့တဲ့ ပဇီကြီး (၁) နှစ် ပြည့်ခါနီး နှစ်ရက်အလိုမှာပဲ စိုးဝင်းမှာလည်း ကာမီကာဇေနဲ့ တည့်တည့်ကို ပစ်ခံရလေပီ၊ တစ်ခါတည်းပင်မဟုတ်။

အာဏာရှင် ခေါင်းကြီးပိုင်းတွေကို တဖြည်းဖြည်း ဖြိုလာနေတဲ့ ဒီတော်လှန်ရေးဟာ မကြာမီမှာ တစ်နိုင်ငံလုံး အာဏာရှင်လက်အောက်က လွတ်မြောက်နိုင်မည်မှာ မလွဲဧကန်ပေ။

ပြည်သူတွေအနေနဲ့သာ ရရာနည်းနဲ့ ဒီတော်လှန်ရေးကို အမြန်ကူရင် …..

09/04/2024

ကျိုက်ထိုတွင် စစ်ယာဉ်တန်းနှင့် စစ်တပ်ခိုအောင်းရာအိမ်ကို ပစ်ခတ်တိုက်ခိုက်၊ စစ်တပ်ဘက်မှ ၈ ဦးသေ ၂၁ ဦး ဒဏ်ရာရပြီး စစ်ကား ၃ စီး ပျက်စီး၊ တော်လှန်ရေးရဲဘော်တစ်ဦး ကျဆုံး

ဧပြီလ ၇ ရက်၊ ကျိုက်ထို

ပဲခူးဘက်မှ မွန်ပြည်နယ်သို့ လာသော (၁၈) စီးပါ စစ်ယာဉ်တန်းကို ကျိုက်ထိုအဝင် အင်္ဂဘိုကျေးရွာအနီးတွင် ယနေ့မနက် (၈:၀၅) အချိန်ခန့်က တော်လှန်ရေးအင်အားစု ပူးပေါင်းတပ်ဖွဲ့များမှ ပစ်ခတ်တိုက်ခိုက်ခဲ့ကြောင်း ကျိုက်ထိုတော်လှန်ရေးအင်အားစု KRF က သတင်းထုတ်ပြန်ထားသည်။

ပစ်ခတ်တိုက်ခိုက်မှုတွင် စစ်ကောင်စီယာဉ်တန်းမှ စစ်ကား (၃) စီး ပျက်စီးခဲ့ပြီး (၈) ဦး သေဆုံးခဲ့သလို အရာရှိ (၂) ဦးနှင့် တပ်သား (၁၉) ဦးလည်း ပြင်းထန်ဒဏ်ရာရရှိခဲ့သည်။ အဆိုပါတိုက်ခိုက်မှုကို KRF, KNU/KNLA, ABSDF, PDF တပ်ရင်း (၃) ၊ ကဝ-ပကဖ နှင့် ကျိုက်ထို ပကဖ ပူးပေါင်းအဖွဲ့က လုပ်ဆောင်ခဲ့တာဖြစ်ပြီး PDF တပ်ရင်း (၃) မှ ရဲဘော်တစ်ဦး ကျဆုံးခဲ့ရကြောင်း သိရှိရသည်။

ဒါ့အပြင် စစ်သားများ ခိုအောင်းရာ လက်ပံပင်သင်္ချိုင်းရှေ့ရှိ အိမ်ကိုလည်း KRF NightHawks နှင့် PDF ခရမ်း အဖွဲ့တို့မှ ဒရုန်းဖြင့် ဗုံးသီး (၇) လုံးချ တိုက်ခိုက်ခဲ့ကြောင်း သိရသည်။

ပုံ - ဒရုန်းဖြင့် တိုက်ခိုက်ခဲ့သော စစ်တပ်ခိုအောင်းရာ နေအိမ် (KRF - telegram)

#စစ်ယာဉ်တန်း
#ကျိုက်ထို

07/04/2024

ဘီးလင်းမှာ ဘုရားထီးတင်ပွဲကို အကြောင်းပြုပြီး အာဝါဒေးတွေ ပြုလုပ်နေ၊ စစ်တပ်နဲ့ ဘုန်းကြီးကို သိန်း ၅၀ စီ ပေးထားတယ်ဟုဆို

ဧပြီလ ၇ ရက်၊ ကျိုက်ထို

မွန်ပြည်နယ်၊ ဘီးလင်းမြို့၊ နှင်းပုလဲစံပြကျေးရွာမှာ မတ်လအကုန်ပိုင်းကစလို့ ဓမ္မရိပ်သာ ဘုန်းကြီးကျောင်း ဘုရားထီးတင်ပွဲကို အကြောင်းပြုပြီး အာဝါဒေးတွေ တစ်ခုပြီးတစ်ခု ပြုလုပ်နေတယ်လို့ ဒေသခံများထံမှ သိရသည်။ ယခုလို အာဝါဒေးပြုလုပ်နိုင်ဖို့အတွက် စစ်တပ်၊ ဘုန်းကြီးနဲ့ PDF ကို သိန်း ၅၀ စီ ပေးထားရတယ်လို့ အာဝါဒေးကန်ထရိုက်နဲ့ ၎င်းတို့အသိုင်းအဝိုင်းမှာ သတင်းပျံ့နေပေမဲ့ PDF က သူတို့ယူဆောင်ထားခြင်း မရှိကြောင်း ဒေသခံများ၏ မေးမြန်းမှုအပေါ် ဖြေကြားထားတယ်လို့ သိရသည်။

ဒါ့အပြင် အာဝါဒေးရှိပြီးနောက် ခိုးဆိုးလူနှိုက်မှုများ ပိုပေါလာသလို အာဝါဒေးနေရာတဝိုက်မှာ လက်နက်ကိုင်လူတစ်စုလည်း ရှိနေပြီး လက်နက်တွေကို လွယ်အိတ်တွေထဲသာ ထည့်ထားကြတယ်လို့လည်း အမည်မဖော်လိုသူ ဒေသခံတစ်ဦးက KRIN ကို ပြောသည်။

“အာဝါဒေးရက်ဖြစ်ပြီးနောက် သူခိုးဂျပိုးတွေကလည်း ပိုပိုပေါလာပြီ။ နောက်ပြီး အာဝါဒေးထဲမှာ လက်နက်ကိုင်လူတစ်စုလည်း တွေ့ရတယ်၊ ပေါ်ပေါ်ထင်ထင်တော့ မကိုင်ဘူး၊ ဒီတိုင်း အိတ်တေထဲမှာတော့ လက်နက်တွေ ပါလာတာတို့ တွေ့ရတယ်” ဟု ပြောသည်။

ယခုလို အာဝါဒေးလုပ်နိုင်ဖို့ကို ဘုရားထီးတင်ပွဲ အကြောင်းပြုပြီး စီးပွားရေးသမားတချို့က ဘုရားထီးတင်တဲ့ ဘုန်းကြီးကျောင်းက ဘုန်းကြီးနဲ့တိုင်ပင်ပြီး လုပ်ဆောင်တာဖြစ်တယ်လို့ သိရသည်။ ဒါ့အပြင် ထီးတင်ပွဲပြီးသွားပေမဲ့လည်း နောက်ထပ်ပွဲတွေ ဆက်လုပ်နေတဲ့အတွက် အာဝါဒေးတွေ ဆက်မလုပ်ဖို့ ရွာသားများက မြို့နယ်သံဃာ့နာယကကို တိုင်ကြားထားတာ ရှိပေမဲ့ အာဝါဒေးလုပ်တဲ့သူတွေ၊ ကိုယ်ကျိုးပဲကြည့်ကြတဲ့လူ‌တွေက သံဃာ့နာယကကိုပါ ပိုက်ဆံနဲ့ပိတ်ထားတဲ့အတွက် အာဝါဒေးကို နေရာအနည်းငယ်သာရွှေ့ပြီး ဆက်လုပ်နိုင်နေတယ်လို့ ၎င်းက ဆက်ပြောသည်။

“ရွာမှာ ဘုရားထီးတင်ပွဲ ရှိတယ်ဗျ။ ထီးတင်ပွဲက သက်သက်ပေါ့ဗျာ။ ကိုယ့်အမြတ်ပဲကြည့်ပြီး အများအကျိုးမငဲ့တဲ့ လူတစ်စုက ဘုန်းကြီးနဲ့တိုင်ပင်ပြီးတော့ ဘုရားထီးတင်ပွဲ အထိမ်းအမှတ်နဲ့လုပ်တာ။ အခုက ထီးတင်ပွဲ ပြီးသွားပြီ။ ဒါပေမဲ့ အာဝါဒေးကို နေရာနည်းနည်းရွှေ့ပြီး နောက်ပွဲတွေ ဆက်လုပ်တဲ့ပုံစံမျိုးရှိတယ်။ ဒါကိုဆက်မလုပ်ဖို့ ရွာသားတွေက မြို့နယ်သံဃာ့နာယကအဖွဲ့ကို တက်တိုင်တယ်။ မြို့နယ်အဖွဲ့က ဘာမှပြောလို့မရဘူး။ ဘာလိုလဲဆို အခုလက်ရှိ အာဝါဒေးလုပ်နေတဲ့ ကန်ထရိုက်က သံဃာ့နာယကအဖွဲ့ကိုပါ ပိုက်ဆံနဲ့ပိတ်ထားလို့” ဟု ၎င်းက ဆက်ပြောပြသည်။

#အာဝါဒေး #နှင်းပုလဲ
#ဘီးလင်း

07/04/2024

ကျိုက်ထိုမြို့နယ်ရှိ စစ်ကောင်စီတပ်စခန်း ၄ နေရာကို ဒရုန်းအပါအဝင် လက်နက်ကြီးဖြင့် တိုက်ခိုက်၊ စစ်တပ်နှင့်ရဲ ၅ ဦးသေဆုံး ၅ ဦးဒဏ်ရာရ၊ ရဲကား ၂ စီး ပျက်စီး

ဧပြီလ ၇ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့နယ်ရှိ စစ်ကောင်စီတပ်စွဲထားရာ ရွှေစေတီငွေစေတီဘုရားကုန်း၊ မုပ္ပလင်စစ်ဆေးရေးဂိတ်၊ လက်ပံပင်သင်္ချိုင်းကုန်းနှင့် အင်္ဂဘိုတာဝါတိုင်စခန်းတို့အား ယ‌မန်နေ့ နေ့လည် (၁၂:၁၉) နှင့် ညနေ (၅:၁၀) အချိန်ခန့်တို့တွင် ဒရုန်းဗုံးသီးချတိုက်ခိုက်မှုအပါအဝင် လက်နက်ကြီးများဖြင့်ပါ ပစ်ခတ်တိုက်ခိုက်ခဲ့တယ်လို့ ကျိုက်ထိုတော်လှန်ရေးအင်အားစု KRF က သတင်းထုတ်ပြန်ထားသည်။

ပစ်ခတ်တိုက်ခိုက်မှုများကြောင့် ဘုရားကုန်းနေရာတွင် စစ်သား (၂) ဦး၊ မုပ္ပလင်စစ်ဆေးရေးဂိတ်တွင် ရဲ (၃) ဦး‌ သေဆုံးခဲ့ပြီး ရဲကား (၂) စီးနှင့် ၎င်းတို့တာဝန်ယူလက်ခံထားသည့် လိုင်စင်မဲ့ကား (၁) စီး ပျက်စီးခဲ့ပြီး ပျက်စီးခဲ့သည့် လိုင်စင်မဲ့ကားအတွက် လျော်ကြေးပေးရမည်ဟုလည်း သိရသည်။ ဒါ့အပြင် လက်ပံပင်သင်္ချိုင်းကုန်း တိုက်ခိုက်မှုတွင် အရာရှိခွဲမှူး (၁) ဦး ဘယ်လက်မောင်းနှင့် ဘယ်နားရွက် ရှပ်ထိဒဏ်ရာရပြီး စစ်သား (၄) ဦး ပြင်းထန်ဒဏ်ရာရခဲ့ကြောင်းနှင့် အင်္ဂဘိုတာဝါတိုင်စခန်း ပစ်ခတ်မှုတွင် ထိခိုက်သေဆုံးမှုကို ဆက်လက်စုံစမ်းနေဆဲဖြစ်ကြောင်း သိရှိရသည်။

ယခုလို ပစ်ခတ်တိုက်ခိုက်မှုများကို KRF အပါအဝင် KNU/KNLA, NightHawks, YEF, တပ်မဟာ(၁)-PDFတပ်ရင်း၊ တောကျီးကန်းအဖွဲ့၊ ခရမ်းPDF နှင့် ကျိုက်ထို ပကဖ တိုး ပူးပေါင်းလုပ်ဆောင်ခဲ့တာဖြစ်ပြီး ပူးပေါင်းအဖွဲ့ဘက်မှ အထိအခိုက်မရှိခဲ့ကြောင်း သိရသည်။

မုပ္ပလင်စစ်ဆေးရေးဂိတ်သည် ၃ ရက်အတွင်း ဒုတိယအကြိမ် ထပ်မံတိုက်ခိုက်ခံရခြင်းဖြစ်သည်။

ပုံ - KRF telegram

#လက်နက်ကြီး
#ကျိုက်ထို

05/04/2024

မုပ္ပလင်လမ်းဆုံ စစ်ဆေးရေးဂိတ် ဒရုန်းဖြင့်တိုက်ခိုက်ခံရ

ဧပြီလ ၅ ရက်၊ ကျိုက်ထို

စစ်ကောင်စီရဲ့ အင်အားအများအပြားနဲ့ ဘန်ကာများ အခိုင်အမာတည်ဆောက်ပြီး ခရီးသွားပြည်သူများကို အတင်းအကြပ် စစ်ဆေးမှုတွေ ပြုလုပ်နေတဲ့ ကျိုက်ထိုမြို့၊ မုပ္ပလင်လမ်းဆုံဂိတ်ကို ယမန်နေ့ နေ့လည် (၂:၂၅) အချိန်ခန့်က ဒရုန်းဖြင့် တိုက်ခိုက်ခဲ့တယ်လို့ ကျိုက်ထိုတော်လှန်ရေးအင်အားစု KRF က သတင်းထုတ်ပြန်ထားသည်။

အဆိုပါ ဂိတ်စခန်းတိုက်ခိုက်မှုကို KNU/KNLA၊ ကျိုက်ထို ပကဖ နှင့် KRF တို့ ပူးပေါင်းလုပ်ဆောင်ခဲ့တာဖြစ်ပြီး ဂိတ်ခေါင်မိုးပေါ် တည့်တည့်ကျရောက်ပေါက်ကွဲခဲ့တယ်လို့ သိရသည်။ ဒါ့အပြင် ၎င်းဂိတ်စခန်းကို မဖျက်သိမ်းဘဲ အင်အားဆက်လက်တိုးချဲ့ တည်ဆောက်နေပါက ယခုထက် ပိုပြင်းထန်သည့် တိုက်ခိုက်မှုများ လုပ်ဆောင်သွားမည်ဟု သတိပေးထုတ်ပြန်ထားသည်။

မုပ္ပလင်ဂိတ်စခန်းသည် KRF အပါအဝင် တော်လှန်ရေးအဖွဲ့အစည်းများ၏ မကြာခဏ တိုက်ခိုက်မှုများ ပြုလုပ်လေ့ရှိသော ဂိတ်စခန်းတစ်ခုဖြစ်သည်။

ပုံ - KRF telegram

#မုပ္ပလင် #စစ်ဆေးရေးဂိတ်
#ကျိုက်ထို

03/04/2024

စစ်မှုထမ်းဥပဒေ အကောင်အထည်ဖော် ဆောင်ရွက်သူ တောင်စွန်းရွာသား ကျော်ကျော် ပ-စ်ခ-တ်ရှ-င်းလ-င်းခံရ

ဧပြီလ ၃ ရက်၊ ကျိုက်ထို

ဘီးလင်းမြို့၊ တောင်စွန်းကျေးရွာ၏ စစ်ကောင်စီလက်အောက်ခံ အုပ်ချုပ်ရေးရုံးအကူ ကျော်ကျော် အား စစ်မှုထမ်းဥပဒေ အကောင်အထည်ဖော် လုပ်ဆောင်နေမှုကြောင့် ယနေ့ ညနေ (၃:၃၀) အချိန်ခန့်က ကျိုက်ထို ပကဖ နှင့် KRF တို့ ပူးပေါင်၍ ပ-စ်ခ-တ်ရှ-င်းလ-င်းခဲ့ရာ နေရာတွင်ပင် ေ-သဆုံးခဲ့ကြောင်း ကျိုက်ထိုတော်လှန်ရေးအင်အားစု (KRF) က သတင်းထုတ်ပြန်ထားသည်။

ကျော်ကျော်ဆိုသူသည် တောင်စွန်း၊ ဇုတ်သုတ် ကျေးရွာများတွင် စစ်မှုထမ်းရန်အတွက် လူငယ်စာရင်း လိုက်လံကောက်ယူနေသည့်အပြင် တောင်စွန်းကျေးရွာတွင်လည်း အုပ်ချုပ်ရေးမှူးထက် ပိုမိုအရေးပါနေပြီး စကစ၏ အုပ်ချုပ်ရေးယန္တရား လည်ပတ်နိုင်စေရန် စစ်ကောင်စီပြုလုပ်တဲ့ အစည်းအဝေးတွေကို အုပ်ချုပ်ရေးမှူးကိုယ်စား ပါဝင်တက်ရောက်နေသူတစ်ဦးဖြစ်ကြောင်း ရေးသားဖော်ပြထားသည်။

ပုံ - KRF telegram

#စစ်မှုထမ်း #တောင်စွန်း
#ဘီးလင်း

02/04/2024

လူငယ်များကို အတင်းအဓမ္မ စစ်မှုထမ်းစေသူ အုပ်ချုပ်ရေးမှူး စံလွင် ပ-စ်ခ-တ်ရှ-င်းလ-င်းခံရ

မတ်လ ၂၄ ရက်၊ ကျိုက်ထို

ကျိုက်ထိုမြို့၊ တောင်ကလေးကျေးရွာ၏ စစ်ကောင်စီခန့် အုပ်ချုပ်ရေးမှူးအသစ် စံလွင် ဆိုသူကို လူငယ်တွေ စစ်မှုထမ်းရန် အတင်းအဓမ္မ ဖိအားပေးလုပ်ဆောင်နေမှုကြောင့် ယနေ့မနက် (၉:၀၃) အချိန်က ပ-စ်ခ-တ်ရှ-င်းလ-င်းခဲ့တယ်လို့ ကျိုက်ထိုတော်လှန်ရေးအင်အားစု KRF က သတင်းထုတ်ပြန်ထားသည်။

ထုတ်ပြန်ချက်အရ ဦးစံလွင်သည် တောင်ကလေးကျေးရွာအုပ်စုရှိ ကျေးရွာများဖြစ်သည့် အင်းဝ၊ ကွင်းကလေးနှင့် တောင်ကလေး ရွာများမှ လူငယ်များကို စစ်ကောင်စီထံ စစ်မှုထမ်းစေရန် အတင်းအဓမ္မ ဖိအားပေး လူစုဆောင်းနေပြီး မနက်ဖြန်တွင် မဲနှိုက်ရွေးချယ်ရန် စီစဉ်နေသူဖြစ်ကြောင်း သိရသည်။

ယခုလို ပ-စ်ခ-တ်ရှ-င်းလ-င်းမှုကို KRF နှင့် ကျိုက်ထို ပကဖ တို့ ပူးပေါင်း၍ ၎င်းနေအိမ်မှ ရုံးအသွား စစ်ကောင်စီ ခမရ(၂) တပ်အနီး လမ်းခုလတ်တစ်နေရာ၌ လုပ်ဆောင်ခဲ့ခြင်းဖြစ်ပြီး နေရာတွင်ပင် ေ-သဆုံးသွားကြောင်း သိရသည်။

KRF မှ ယခုလို စစ်မှုထမ်းကိစ္စ ပါဝင်ဆောင်ရွက်သူများကို ထိထိရောက်ရောက် အရေးယူမည်ဟု ထုတ်ပြန်ထားပြီးနောက် ဦးစံလွင်သည် ပထမဆုံး စတင်ရှ-င်းလ-င်းခံရသူ ဖြစ်သည်။

ပုံ - KRF telegram

#စစ်မှုထမ်း #အုပ်ချုပ်ရေးမှူး
#ကျိုက်ထို

02/04/2024

ကျိုက်ထိုမှာ စစ်မှုထမ်းဥပဒေ အကောင်အထည်ဖော်သူ ဒလန် မြအေး ပ-စ်ခ-တ်ရှင်းလင်းခံရ

ဧပြီလ ၁ ရက်၊ ကျိုက်ထို

ကျိုက်ထိုမြို့၊ ကော့စံနိုင်ရပ်ကွက်နေ ပြည်သူ့စစ်သင်တန်း တက်ရောက်ထားပြီး ဒလန်လို့နာမည်ကြီးသူ ဦးမြအေး အား ယနေ့ ညနေ (၄:၀၀) အချိန်ခန့်က ပ-စ်ခ-တ်ရှ-င်းလ-င်းခဲ့တယ်လို့ ကျိုက်ထိုတော်လှန်ရေးအင်အားစု (KRF) က ထုတ်ပြန်ထားသည်။

ဦးမြအေးဆိုသူသည် စစ်တပ်အာဏာသိမ်းပြီးနောက်ပိုင်း နိုင်ငံရေးတက်ကြွလှုပ်ရှားသူများကို ဖမ်းဆီးရန် သတင်းပေးခြင်း၊ ပြည်သူ့စစ်သင်တန်း တက်ရောက်ထားပြီးသူဖြစ်ခြင်း၊ ဒါ့အပြင် စစ်မှုထမ်းဥပဒေအား ရပ်ကွက်အုပ်ချုပ်ရေးမှူး၊ စာရေးမတို့နှင့်ပေါင်းကာ တက်ကြွစွာ လူငယ် စာရင်းကောက်ခံမှုများကို ယနေ့ချိန်ထိ ပါဝင်ဆောင်ရွက်နေခြင်းတို့ကြောင့် KRF ၏ ထိထိရောက်ရောက် အရေးယူမည်ဟု ထုတ်ပြန်ချက်အတိုင်း ပ-စ်ခ-တ်ရှ-င်းလ-င်းခဲ့ခြင်းဖြစ်ကြောင်း သိရသည်။

ဒါ့အပြင် ကျိုက်ထိုမြို့ပေါ် ရပ်ကွက်များနှင့် ကျေးရွာများမှ အုပ်ချုပ်ရေးမှုများ၊ ရာအိမ်မှူးများနှင့် ဆယ်အိမ်မှူးများကိုလည်း စစ်ကောင်စီရဲ့ စစ်မှုထမ်းဥပဒေကို ဆက်လက်အကောင်အထည်ဖော် ဆောင်ရွက်နေပါက ဦးမြအေးထက် ပိုဆိုးသော ပြစ်ဒဏ်များကို ခံယူကြရမည်ဖြစ်ပြီး စကစလက်အောက်မှ အမြန်ဆုံးနှုတ်ထွက်ကြဖို့ကိုလည်း တိုက်တွန်းထားသည်။

ပုံ - ပ-စ်ခ-တ်ရှ-င်းလ-င်းခံရသူ ဦးမြအေး (KRF telegram)

#စစ်မှုထမ်း
#ကျိုက်ထို

02/04/2024

လျှပ်စစ်မီးရုံး ပစ်ခတ်ခံရပြီး ၎င်းရှေ့က စစ်တပ်ဘန်ကာ ၂ ခု ပျက်စီး၊ ဘန်ကာအတွင်းမှ ပြန်လည်ပစ်ခတ်မှုကြောင့် အမျိုးသမီးတစ်ဦး ဒဏ်ရာရ

ဧပြီလ ၂ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့အဝင် စစ်ကောင်စီ ခလရ (၉၆) တပ်ရှေ့ရှိ စစ်တပ်ဘန်ကာနဲ့ လုံခြုံရေးယူထားတဲ့ လျှပ်စစ်မီးရုံး ယနေ့ မနက် (၈:၀၀) အချိန်ခန့်က ပစ်ခတ်တိုက်ခိုက်ခံရတယ်လို့ ဒေသခံများထံမှ သိရသည်။

ပစ်ခတ်တိုက်ခိုက်မှုဖြစ်နေချိန် ဘန်ကာထဲမှ ပြန်လည်ရမ်းသန်းပစ်ခတ်မှုများ ရှိခဲ့ပြီး ၎င်းအနီးဝန်းကျင်က အမျိုးသမီးတစ်ဦး လက်ကို ကျည်ထိမှန်ဒဏ်ရာရခဲ့ကာ လက်ရှိ ကျိုက်ထိုဆေးရုံမှာ ဆေးကုသမှုခံယူနေရတယ်လို့ သိရသည်။ ဒါ့အပြင် ပစ်ခတ်မှုဖြစ်ပြီး မိနစ်ပိုင်းအကြာမှာ ကျိုက်ထို (၄၄) တပ်ထဲကလည်း လက်နက်ကြီး ပစ်ခတ်သံ (၃) ချက်ထက်မနည်း ကြားရကြောင်း ဒေသခံတစ်ဦးက KRIN ကို ပြောသည်။

ပစ်ခတ်တိုက်ခိုက်မှုကို PDF တပ်ရင်း - ၇၈၀၅၊ တပ်ခွဲ - ၄ UG အဖွဲ့က လုပ်ဆောင်ခဲ့တာ ဖြစ်ပြီး လုံခြုံရေးအပြည့်အဝ ယူထားတဲ့ ၎င်းမီးရုံးကို (၄၀ မမ) လက်နက်ကြီးတစ်လုံးအပါအဝင် လက်နက်ငယ်များဖြင့် ပစ်ခတ်ခဲ့ပြီး ရုံးရှေ့က စစ်တပ်ဘန်ကာ ၂ ခု ပျက်စီးခဲ့တယ်လို့ ထုတ်ပြန်ထားသည်။

ပုံ - ခလရ (၉၆) ရှေ့ လျှပ်စစ်မီးရုံး (ခွဲရုံ - ဒေသအခေါ်)

#လျှပ်စစ်ရုံး #ခလရ၉၆
#ကျိုက်ထို

27/03/2024

ကျိုက်ထိုသပိတ်စစ်ကြောင်း ဖြိုခွဲခံရမှုနှင့် ရဲဘော်ကိုအောင်ညီထွေးကျဆုံးခြင်း (၃) နှစ်ပြည့် အိမ်တွင်းသပိတ်ပြုလုပ်

မတ်လ ၂၇ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့မှာ ၂၀၂၁ မတ်လ (၂၇) ရက်နေ့ ဖက်ဆစ်တော်လှန်ရေးနေ့မှာ သပိတ်စစ်ကြောင်း အကြမ်းဖက်ဖြိုခွဲခံရမှုနှင့် ဖက်ဆစ်စစ်တပ်၏ လူမဆန်စွာ ပစ်ခတ်ဖြိုခွဲမှုကြောင့် ရဲဘော် ကိုအောင်ညီထွေး ကျဆုံးခဲ့ရခြင်း (၃) နှစ်ပြည့် အောက်မေ့ဖွယ်အထိမ်းအမှတ်အဖြစ် ယနေ့မှာ ကျိုက်ထိုမြို့ရှိ မြို့နေပြည်သူများက အိမ်တွင်းသပိတ်ပြုလုပ်ခဲ့ကြောင်း သိရသည်။

အိမ်တွင်းသပိတ်မှာ “ပေးဆပ်သူတို့ အချည်းနှီးမဖြစ်ဖို့
တော်လှန်ရေးကို အရှိန်မြှင့်တင်ကြ၊ တော်လှန်စိတ်ကို အမြဲမွေးကြ၊ သူရဲကောင်းတို့ သွေး ဘယ်တော့မှ မအေး” စသည့် စာသားများဖြင့် တော်လှန်စိတ်တို့ ပိုမိုမြှင့်တင်ရန် ရည်ရွယ်ကြောင်း သိရှိရသည်။

ယခင်နှစ်တွေက ကျဆုံးခဲ့တဲ့နေရာမှာ ပြုလုပ်နိုင်ခဲ့သော်လည်း ယနေ့မှာတော့ လုံခြုံရေးအခက်အခဲတချို့ကြောင့် အိမ်တွင်းသပိတ်သာ ပြုလုပ်နိုင်ခဲ့တယ်လို့ ဒေသခံတစ်ဦးက KRIN ကို ပြောသည်။

#မတ်လ၂၇ #ဖက်ဆစ်တော်လှန်ရေးနေ့
#ကျိုက်ထို

27/03/2024

ဘီးလင်းမှာ ပြည်သူတစ်ဦးကို စစ်တပ်က ပစ်သတ်

မတ်လ ၂၇ ရက်၊ ကျိုက်ထို

မွန်ပြည်နယ်၊ ဘီးလင်းမြို့၊ သပြေနီကျေးရွာအနီးမှာ မတ်လ (၂၂) ရက်နေ့ နေ့လည် (၁၂:၀၀) ဝန်းကျင်အချိန်က ရှမ်းစုကျေးရွာက အမျိုးသားတစ်ဦးကို စစ်ကောင်စီတပ်က အကြောင်းမဲ့ ပစ်သတ်လိုက်တယ်လို့ ဒေသခံများထံမှ သိရသည်။

အဆိုပါ အမျိုးသားမှာ နွားဝယ်ရန် သပြေနီကျေးရွာသို့ သွားချိန် စစ်ကောင်စီအင်အား ၁၀ ယောက်ခန့်ပါ ကင်းလှည့်စစ်ကြောင်းနှင့်တွေ့ပြီး ခေါ်ယူမေးမြန်းချိန်မှာ ပစ်ခတ်ခံရတာဖြစ်တယ်လို့ သိရသည်။ ပစ်ခတ်ခံရမှုကြောင့် အမျိုးသားမှာ နေရာတွင် သေဆုံးပြီး ၎င်းစီးသွားသည့် 125 ဆိုင်ကယ်တစ်စီးနှင့် နွားဝယ်ရန်ပါသည့် ငွေသား သိန်း (၂၀) ခန့်ကို စစ်တပ်က ယူဆောင်သွားကြောင်း သိရသည်။

၎င်းစစ်ကြောင်းသည် စစ်ကောင်စီယာဉ်တန်း ဖြတ်သန်းရန် ကင်းလှည့်စောင့်ဆိုင်းနေတာဖြစ်ပြီး ထိုနေ့ နေ့လည်တွင် ကျိုက်ထိုမှ ဘီးလင်းဘက်သို့ စစ်ကောင်စီတပ်က အိမ်စီးကား Alphard အမျိုးအစား (၁၃) စီး အပါအဝင် စစ်ကားတန်းဖြတ်သန်းမှုများလည်း ရှိခဲ့ကြောင်း မျက်မြင်တွေ့ခဲ့သူတစ်ဦးက KRIN ကို ပြောသည်။

#ဘီးလင်း

26/03/2024

ဘီးလင်း မင်းစောကျေးရွာကို စစ်ကောင်စီက လေယာဉ်ဖြင့် ဗုံးကြဲတိုက်ခိုက်

မတ်လ ၂၆ ရက်၊ ကျိုက်ထို

ဘီးလင်းမြို့၊ မင်းစောကျေးရွာကို မတ်လ (၂၃) ရက် ည (၁၀:၂၀) အချိန်ခန့်မှာ စစ်ကောင်စီက လေယာဉ်ဖြင့် မိနစ် (၃၀) ကျော်ကြာ ဗုံးကြဲတိုက်ခိုက်ခဲ့တယ်လို့ KNU ဒူးသထူခရိုင်က သတင်းထုတ်ပြန်ထားသည်။

လေကြောင်းတိုက်ခိုက်မှုကြောင့် မင်းစောကျေးရွာက ကော်သူးလေအလယ်တန်းကျောင်းဆောင် (၃) လုံး၊ သာသနာ့အဆောက်အဦး (၂) လုံး၊ အရပ်သားအိမ် (၁၂) ဦး နှင့် နှမ်းဆီကျိတ်စက်ရုံငယ် (၁) လုံး ထိခိုက်ပျက်စီးခဲ့ပြီး အသက် (၅၆) နှစ်အရွယ် တီးကယ်ဆိုသူ ဒေသခံ (၁) ဦး ညာဘက်လက်ရှပ် ထိခိုက်ဒဏ်ရာရခဲ့ကြောင်း သိရှိရသည်။

ယခုလို တိုက်ခိုက်မှုမတိုင်မီ ကင်းထောက်ပျံဝဲမှုများရှိပြီး လေကြောင်းဗုံးကြဲချိန်မှာ တိုက်ပွါးဖြစ်ပွါးနေခြင်း မရှိဘဲ အပြစ်မဲ့ အရပ်သားများအပေါ် ရည်ရွယ်ချက်ရှိရှိ ပစ်ခတ်တိုက်ခိုက်ခဲ့ခြင်းဖြစ်ကြောင်း သိရှိရသည်။

ပုံ - ကေအဲန်ယူ-ဒူးသထူခရိုင်

#လေကြောင်း #ဗုံးကြဲ
#ဘီးလင်း

25/03/2024

လက်နက်ကိုင်ဘုန်းကြီးတစ်ပါးနှင့် ပျူစောထီးအဖွဲ့ဝင်တစ်ဦး ပစ်ခတ်ရှင်းလင်းခံရ၊ ဘုန်းကြီးသေဆုံး

မတ်လ ၂၅ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့၊ ကင်မွန်းချောင်းကျေးရွာရှိ ကျောက်ဖြူတောင်ကျောင်း (ဘောဂဝတီကျောင်း) က လက်နက်ကိုင်ထားသူ ဘုန်းကြီး ဉူးစန္ဒိမာ နှင့် ပျူစောထီးအဖွဲ့ဝင် စင်တော်ကဖီးပိုင်ရှင် တင်ငြိမ်း ဆိုသူ နှစ်ဦးကို ယနေ့ နေ့လည် (၁:၀၀) အချိန်ခန့်က စစ်ရေးပစ်မှတ်ထား ပစ်ခတ်ရှင်းလင်းခဲ့ပြီး ဘုန်းကြီးမှာ နေရာတွင် သေဆုံးသွားကြောင်း ကျိုက်ထိုတော်လှန်ရေးအင်အားစု KRF က ထုတ်ပြန်ထားသည်။

ဉူးစန္ဒိမာ ဆိုသူသည် သေနတ်တိုတစ်လက် ကိုင်ဆောင်ထားသူဖြစ်ပြီး တော်လှန်ရေးအဖွဲ့များ၏ သတင်းစုံစမ်း ထောက်လှမ်းမှုများ၊ စစ်တပ်နှင့်ရဲများ ကင်းလှည့်ရာတွင် ၎င်း၏ကားကို အသုံးပေးပြုမှုများ၊ စကစနှင့်ပေါင်း၍ ရွာသားများကို ခြိမ်းခြောက် မတရားဖမ်းဆီးမှုများ၊ သင်္ကန်းနှင့်မလျော်ညီစွာ အရက်သောက်၊ မိန်းမရှုပ်မှုများ ရှိကြောင်း သိရသည်။

ဒါ့အပြင် တင်ငြိမ်း ဆိုသူမှာ တပ်မိသားစုဝင်ဖြစ်သလို ပျူစောထီးအဖွဲ့ဝင်လည်းဖြစ်ကြောင်း၊ ဉူးစန္ဒိမာနှင့်ပေါင်း၍ ရွာသားများအပေါ် ခြိမ်းခြောက်မှုများရှိကြောင်း၊ တော်လှန်ရေးအဖွဲ့များ၏ သတင်းကို စကစထံ ပေးပို့သည့် သတင်းပေးအမာခံဖြစ်ကြောင်း သိရသည်။

ယခုလို ပစ်ခတ်ရှင်းလင်းမှုကို KRF နှင့် ကျိုက်ထို ပကဖ တို့ ပူးပေါင်း၍ ကင်မွန်းချောင်းလမ်းဆုံရှိ စင်တော်ကဖီးဆိုင်ရှေ့တွင် ပစ်ခတ်ရှင်းလင်းခဲ့တာဖြစ်ပြီး ဉူးစန္ဒိမာမှာ နေရာတွင် သေဆုံးကာ တင်ငြိမ်းဆိုသူမှာ ကျည်ရှပ်ထိဒဏ်ရာများ ရသွားကြောင်းနှင့် တော်လှန်ရေးအဖွဲ့များမှာ အထိအခိုက်မရှိ ပြန်လည်ဆုတ်ခွါနိုင်ခဲ့ကြောင်း သိရှိရသည်။

ပုံ - KRF telegram

#ပျူစောထီး #ကင်မွန်းချောင်း
#ကျိုက်ထို

22/03/2024

ကောင်းကွတ်တီယိုဆိုင်ပိုင်ရှင် ခရိုင်ထောက်လှမ်းရေးအဖွဲ့ဝင်တစ်ဦး ပစ်ခတ်ရှင်းလင်းခံရ

မတ်လ ၂၂ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့က စစ်ကောင်စီ ခရိုင်ထောက်လှမ်းရေးအဖွဲ့ဝင် ကောင်းကွတ်တီယိုဆိုင်ပိုင်ရှင် အသက် (၅၀) ကျော်အရွယ် နေမင်းကြည် ဆိုသူကို ယနေ့မနက် (၁၀:၁၈) အချိန်တွင် ပစ်ခတ်ရှင်းလင်းခဲ့တယ်လို့ PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့က ထုတ်ပြန်ထားသည်။

ထုတ်ပြန်ချက်အရ တော်လှန်ရေးအသွင်ယူ ထောက်လှမ်းနေမှုများရှိသည့်အတွက် ပစ်ခတ်ရှင်းလင်းခဲ့ပြီး နေရာတွင်ပင် သေဆုံးခဲ့ကြောင်း သိရသည်။

ဒါ့အပြင် စစ်အာဏာသိမ်းအစ သပိတ်စစ်ကြောင်းများ ထွက်စဉ်ကတည်းက ဒလန်လို့ လူသိများပြီး ၂၀၂၁ မတ်လ (၂၇) ရက်နေ့က ကျိုက်ထိုသပိတ်စစ်ကြောင်း ဖြိုခွဲခံရစဉ်မှာလည်း ဆိုင်အတွင်း ဝင်သူများကို အော်ထုတ်သည့် ဖြစ်စဉ်များ ရှိခဲ့သလို ၎င်းဆိုင်ဘေးတွင် ပြည်သူတစ်ဦး ကျဆုံးခဲ့သည့်အပေါ် နှစ်စဉ် ပန်းစည်းချမှုများကိုလည်း ဖယ်ရှားမှုများ ပြုလုပ်ခဲ့သည်ဟု သိရသည်။

ပုံ - PDF တပ်ရင်း - ၇၈၀၅၊ တပ်ခွဲ - ၄၊ UG

#ထောက်လှမ်းရေး #ကျိုက်ထို

18/03/2024

ကျိုက်ထိုမှာ စစ်မှုထမ်းရန် ထွေအုပ်ရုံးသို့ ၂ ရက်ကြာမှ စာရင်းသွင်းရမည်ဟု ဆိုသော်လည်း လက်တွေ့မှာ တခါတည်း ခေါ်သွားဟုဆို

မတ်လ ၁၈ ရက်၊ ကျိုက်ထို

မွန်ပြည်နယ်၊ ကျိုက်ထိုမြို့မှာ မြို့ပေါ်ရပ်ကွက်နဲ့ ကျေးရွာတွေရှိ လူငယ်တချို့ကို (၁၇) ရက် နေ့စွဲဖြင့် ဆင့်ခေါ်စာ ပေးပို့ပြီး (၁၉) ရက်နေ့မှာ မြို့နယ်ထွေအုပ်သို့ မှတ်ပုံတင်ဖြင့် စစ်မှုထမ်းရန် အသက်အရွယ်ရောက်သူအဖြစ် မှတ်ပုံတင်ရမယ်လို့ ဖော်ပြထားပေမယ့် ယနေ့ (၁၈) နေ့မှာ လာရောက်ခေါ်ဆောင်သွားမှုများရှိပြီး အယောက် (၂၀) ဝန်းကျင် ပါထားကြောင်း ဒေသခံများက KRIN ကို ပြောသည်။

ယနေ့တစ်ရက်ထဲတွင် တောင်သူစုရပ်ကွက်၊ မြောက်ပိုင်းရပ်ကွက်၊ အောင်ချမ်းသာဘက်တွေမှာ (၁၀) ယောက်ထက်မနည်း ခေါ်ဆောင်ခံထားရပြီး တစ်မြို့လုံးအနေနဲ့ အယောက် (၂၀) ဝန်းကျင်ရှိကြောင်း သိရှိရသည်။

ဆင့်ခေါ်စာပါ စာအရ စာရင်းများကို ကျေးရွာ၊ ရပ်ကွက်များက ပေးပို့ထားတာဖြစ်ပြီး ၎င်းစာရင်းအရ ဆင့်ခေါ်စာပေးပို့ကာ လာရောက်စာရင်းသွင်း မှတ်ပုံတင်ကြရန်နှင့် ပျက်ကွက်ပါက အရေးယူခံရမည်ဟု ရေးသားဖော်ပြထားသည်။

တစ်ဖက်မှာလည်း စစ်မှုထမ်းဥပဒေ အကောင်အထည်ဖော် ဆောင်ရွက်သူများကို ထိထိရောက်ရောက် အပြစ်ပေး အရေးယူသွားမည်ဟု ကျိုက်ထိုတော်လှန်ရေးအင်အားစု KRF နှင့် PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့တို့က ယမန်နေ့က ထုတ်ပြန်ထားသည်။

ပုံ - ၁၇ ရက်နေ့ ရက်စွဲဖြင့် စစ်မှုထမ်းစာရင်းသွင်းရန် ဆင့်ခေါ်စာ

#စစ်မှုထမ်း #ကျိုက်ထို

18/03/2024

စစ်မှုထမ်းကိစ္စ ဆောင်ရွက်နေသူများကို ပြင်းပြင်းထန်ထန် အရေးယူမည်ဟု PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့ ထုတ်ပြန်

မတ်လ ၁၈ ရက်၊ ကျိုက်ထို

မွန်ပြည်နယ် ကျိုက်ထိုနဲ့ ဘီးလင်းမြို့အတွင်းက ကျေးရွာ၊ ရပ်ကွက်တွေမှာ လူငယ်တွေကို စစ်ကောင်စီထံ စစ်မှုထမ်းရန်အတွက် အုပ်ချုပ်ရေးမှူး၊ ရာအိမ်မှူး၊ ဆယ်အိမ်မှူးများနဲဲ့ ကူညီနေသူများအားလုံးကို ပြင်းပြင်းထန်ထန် အရေးယူသွားမယ်လို့ PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့က မတ်လ (၁၇) ရက်နေ့ နေ့စွဲဖြင့် ထုတ်ပြန်ထားသည်။

ဒါ့အပြင် ကျိုက်ထိုတော်လှန်ရေးအင်အားစု KRF လည်း ယမန်နေ့က အလားတူ ထုတ်ပြန်ထားပြီး ဖြစ်ပေမယ့် ကျိုက်ထိုမြို့မှာတော့ စစ်မှုထမ်းဖို့အတွက် မတ်လ (၁၇) ရက်နေ့ နေ့စွဲဖြင့် ဆင့်ခေါ်စာများ ပေးပို့ပြီး ယနေ့ မတ်လ (၁၈) ရက်နေ့မှာ စတင်ခေါ်ဆောင်မှုများ ပြုလုပ်လျှက်ရှိသည်။

ပုံ - PDF တပ်ရင်း - ၇၈၀၅၊ တပ်ခွဲ - ၄၊ UG အဖွဲ့၏ ထုတ်ပြန်ချက်

#စစ်မှုထမ်း
#ကျိုက်ထို

Address

Website

facebook.com

Alerts

Be the first to know and let us send you an email when Kyaikhto Revolution and Information Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kyaikhto Revolution and Information Network:

Videos

KRIN ရဲ့ Weekly Podcast အစီအစဉ် ဒီတပတ် Weekly Podcast အစီအစဉ်မှာ KRIN တင်ဆက်သွားမှာကတော့ စစ်ခေါင်းဆောင် မင်းအောင်လှိုင် ထုတ်ပြန်လိုက်တဲ့ “ပြည်သူ့စစ်မှုထမ်းဥပဒေ” ကြောင့် ဖြစ်ပေါ်လာရသော နောက်ဆက်တွဲဆိုးကျိုးတွေထဲက တစ်ခုဖြစ်တဲ့ လူငယ်တွေ ပြည်ပထွက်ခွာရာမှာ ကြုံတွေ့ရတဲ့ အခက်အခဲတွေအကြောင်း ပေါ့ပေါ့ပါးပါး ပြောဆိုနေကြပုံကို နားဆင်ရမှာပဲ ဖြစ်ပါတယ်။ #KRIN #Weeklypodcast #ပြည်သူ့စစ်မှုထမ်းဥပဒေ

KRIN ရဲ့ Weekly Podcast အစီအစဉ် ဒီအပတ်ရဲ့ Weekly Podcast အစီအစဉ်မှာတော့ စစ်ကောင်စီကနေ "စစ်မှုထမ်းဥပဒေ" ထုတ်ပြန်ပြီးနောက် လူငယ်တွေရဲ့ ဘဝတွေကို ထင်ဟပ်နေတဲ့ အသံတွေကို စုစည်းတင်ဆက်ပေးသွားမှာပဲ ဖြစ်ပါတယ်။ #KRIN #Weeklypodcast #ပြည်သူ့စစ်မှုထမ်းဥပဒေ

KRIN ရဲ့ Weekly Podcast အစီအစဉ် ဒီတပတ် Weekly Podcast အစီအစဉ်မှာ KRIN ဝိုင်းတော်သား ၂ ဦးက စစ်ခေါင်းဆောင် မင်းအောင်လှိုင် ထုတ်ပြန်လိုက်တဲ့ “ပြည်သူ့စစ်မှုထမ်းဥပဒေ” အကြောင်း ဘာတွေဆွေးနွေးကြမလဲဆိုတာ နားထောင်လိုက်ရအောင်ပါ။ #KRIN #Weeklypodcast #ပြည်သူ့စစ်မှုထမ်းဥပဒေ

ကောင်းကင်ယံ၌ အလင်းရောင်တခု ရွေ့လျားမှုဖြစ်ပေါ်ခဲ့ ကျိုက်ထို၊ ဒီဇင်ဘာ ၁၅ ယနေ့ ညနေပိုင်းမှစ၍ အလင်းရောင် မီးလုံးပုံစံနှင့် အငွေ့တန်းတခု ရွေ့လျားမှာတခုဖြစ်ပေါ်ခဲ့ပြီး မြန်မာနိုင်ငံ အနောက်ဘက်ခြမ်း စစ်ကိုင်း၊ ရခိုင်နှင့် မွန်ပြည်နယ်တို့မှ ထင်ရှားစွာ တွေ့မြင်ခဲ့ရသည်။ ယနေ့ ဒီဇင်ဘာ ၁၅ ရက်နေ့မှာ ဂြိုလ်သိမ်တလုံး ဖြတ်သန်းမှုရှိမည်ဟု သိထားရပြီး ယခုဖြတ်သန်းမှုသည် ၎င်းဂြိုလ်သိမ် ဟုတ်မဟုတ် အတည်မပြုနိုင်သေးပါ။ Updated ❗ (8:45pm) ယခုအလင်းတန်းသည် အိန္ဒိယနိုင်ငံ၏ the Nuclear capable Agni-V Intercontinental Ballistic Missile (ICBM) စမ်းသပ်မှုဟု သိရှိရပါသည်။ Ref : MASES Video - အလင်းတန်း ကျိုက်ထိုမြို့ဖြတ်သန်းနေချိန် (CJ) #KRIN

ပိန္နဲကုန်းရွာအနီး ပစ်ခတ်မှုတွင် စစ်သာ ၂ ဦး သေ၊ နေအိမ် ၈ လုံးထက်မနည်း မီးရှို့ခံရ၊ ရွာသား ၂ ဦးလည်း ပျောက်ဆုံးနေ ကျိုက်ထို၊ အောက်တိုဘာ ၂၀ ကျိုက်ထိုမြို့၊ ပိန္နဲကုန်းကျေးရွာအနီး စစ်ကြောင်းထိုးဝင်ရောက်လာတဲ့ စစ်ကောင်စီတပ်နှင့် နယ်မြေခံတော်လှန်ရေးအင်အားစုများအကြား ယမန်နေ့မနက်ပိုင်းက ပစ်ခတ်မှုဖြစ်ခဲ့ပြီး စစ်သား ၂ ဦး သေဆုံးခဲ့တယ်လို့ တော်လှန်ရေးရဲဘော်တစ်ဦးထံမှ သိရှိရသည်။ စစ်သား ၂ ဦးသေဆုံးပြီးနောက် နေ့ချင်းမှာပဲ သင်္ဂြိုလ်ခဲ့တယ်လို့ သိရပြီး နောက်မှာ ရွာထဲရှိ နေအိမ်တွေကို စတင်မီးရှို့ခဲ့ခြင်းဖြစ်သည်။ အကြမ်းဖက်စစ်သားများက နေအိမ် (၈) လုံး နှင့် ဆိုင်ကယ် (၃) စီး ထက်မနည်း မီးရှို့ခဲ့ကြပြီး တခြားအိမ်များကိုလည်း ဖျက်ဆီးခဲ့ကြကြောင်း၊ အိမ်ရှိပစ္စည်းများကိုလည်း ရိုက်ခွဲဖျက်ဆီးကြခဲ့ကြောင်း သိရှိရသည်။ ရွာသား ၂ ဦးမှ

ကျိုက်ထီးရိုးတောင်တက်ဂိတ် ပစ်ခတ်မှု CCTV မှတ်တမ်းထွက်ပေါ်လာ ကျိုက်ထို၊ အောက်တိုဘာ ၁၄ ရက် အောက်တိုဘာလ ၁၂ ရက်နေ့က ကျိုက်ထီးရိုးတောင်ခြေ ကင်မွန်းစခန်းတောင်တက်ကားဂိတ် ပစ်ခတ်မှုဖြစ်ပွားခဲ့ပြီး နှစ်ဖက်အပြန်အလှန် စွပ်စွဲခဲ့မှုများ ထွက်ပေါ်လာပြီးနောက် ၂ ရက်အကြာမှ ယခုလို CCTV မှတ်တမ်း ထွက်ပေါ်လာခြင်း ဖြစ်သည်။ မှတ်တမ်းထဲတွင် ရဲကင်း ကတုတ်ကျင်း အနောက်ဘက်သို့ ပစ်ခတ်သည်ဟု ယူဆရပြီး ရဲကင်းနှင့် ပေ (၄၀) ခန့်အကွာရှိ တောင်တက်ကားသို့ တက်ရောက်နေသော အမျိုးသမီးတစ်ဦး လဲကျသေဆုံးခဲ့သည်ကိုလည်း တွေ့ရှိရသည်။ သို့ရာတွင် ပေါက်ကွဲသည့်နေရာ၊ ပစ်ခတ်သည့်နေရာများ မြင်တွေ့ရသော cctv များ ထွက်ပေါ်လာခြင်း မရှိသေးပါ။ Video - ၂ ခုပေါင်း ဖော်ပြခြင်းဖြစ်ပြီး အစတွင် ရဲကင်းရှိရာနှင့် အလယ်တွင် ရဲကင်းနှင့် ပေ (၄၀) ခန့်အကွာ ဖြစ်စဉ်။ (cctv) #ကျိုက်ထီးရိုး #ကင်းမွန်

CDM ဒုတပ်ကြပ် ကိုကျော်နိုင်စိုး နှင့် ဇနီး ဒေါ်အုန်းထွေး တို့ကို တွေ့ဆုံမေးမြန်း

ခမရ (၂၀၇) က CDM ဒုတပ်ကြပ် ကိုကျော်နိုင်စိုး နှင့် ဇနီး ဒေါ်အုန်းထွေး တို့ကို တွေ့ဆုံမေးမြန်း by KRIN ၊ ကျိုက်ထို၊ ဩဂုတ်လ ၁၆ ရက် အာဏာသိမ်းစစ်ကောင်စီ လက်အောက်မှ စစ်တပ်ကို ကျောခိုင်းထွက်ခွာလာသူ၊ ပြည်သူ့ဘက်မျက်နှာမူ တစ်သားတည်းရပ်တည်ပြီး CDM ပါဝင်ခဲ့သူ တပ်မ (၄၄) လက်အောက်ခံ သိမ်ဇရပ်အခြေစိုက် ခမရ(၂၀၇) က ဒုတပ်ကြပ် ကုိကျော်နိုင်စိုး နှင့် လွတ်မြောက်နယ်မြေမှာ ပြန်လည် ဆုံဆည်းခွင့်ရခဲ့တဲ့ ဇနီး‌ ဒေါ်အုန်းထွေး တို့ကို KRIN က ဆက်သွယ်မေးမြန်းထားသည်။ #သိမ်ဇရပ် #ခမရ_၂၀၇ #CDM #ဒုတပ်ကြပ် #ကျော်နိုင်စိုး #ဒေါ်အုန်းထွေး #လွတ်မြောက်နယ်မြေ #KRIN

ဘီးလင်းတွင် စစ်ကောင်စီတပ်ဖွဲ့ပါလာသော ရထားတစ်စင်းကို ‌မိုင်းဆွဲတိုက်ခိုက်

ဘီးလင်းတွင် စစ်ကောင်စီတပ်ဖွဲ့ပါလာသော ရထားတစ်စင်းကို ‌မိုင်းဆွဲတိုက်ခိုက် (ရုပ်/သံ) ကျိုက်ထို၊ ဩဂုတ်လ ၁ ရက် မွန်ပြည်နယ်၊ ဘီးလင်းမြို့၊ ဒုံဝန်းကျေးရွာနှင့် နှင်းပုလဲကျေးရွာကြားရှိ ရထားလမ်းပိုင်း တစ်နေရာတွင် ယမန်နေ့ ည ၁၁:၀၅ အချိန်က မော်လမြိုင်မှ ကျိုက်ထိုသို့ ဦးတည်လာသော စစ်ကောင်စီတပ်များပါ ရထားတစ်စင်းကို ဖောက်ခွဲတိုက်ခိုက်ခဲ့တယ်လို့ အမှတ် (၂) PDF တပ်ရင်းက သတင်းထုတ်ပြန်ထားသည်။ တိုက်ခိုက်မှုကို သထုံခရိုင် PDF တပ်ရင်း (၂) ရှိ တပ်ခွဲ (၂) နှင့် တပ်ခွဲ (၃) တို့ ပူးပေါင်းလုပ်ဆောင်ခဲ့တာ ဖြစ်တယ်လို့ သိရသည်။ မိုင်းဆွဲခံရပြီးနောက် အခင်းဖြစ်ရာနေရာသို့ ရှေ့ပြေးရထားတစ်စင်းဖြင့် လာရောက်စစ်ဆေးခဲ့ပြီး ထိခိုက်သေဆုံးမှုကိုတော့ မသိရသေးဘဲ ယနေ့မနက် ၆ နာရီအချိန်ခန့်မှာတော့ လူနာတင်ကား ၂ စီး ရောက်လာခဲ့ကြောင်း သိရသည်။ “ရထားက မော်လမြိုင

မြဝတီ - ဝေါ်လေလမ်း တိုက်ပွဲ (ရုပ်/သံ)

မြဝတီ-ဝေါ်လေလမ်း တိုက်ပွဲတွင် သိမ်ဇရပ်အခြေစိုက် ခမရ ၂၀၇ မှ ဗိုလ်ကြီးတစ်ဦး အပါအဝင် ၅ ဦး သေဆုံး ကျိုက်ထို၊ ဇူလိုင်လ ၈ ရက် ဇူလိုင်လ ၇ ရက်နေ့တွင် စကစတပ်မ ၄၄ လက်အောက်ခံ ကျိုက်ထိုမြို့နယ်၊ သိမ်ဇရပ်အခြေစိုက် ခမရ(၂၀၇) မှ စကစတပ်သားများသည် မြဝတီ-ဝေါ်လေ ကားလမ်းပေါ်ရှိ သုံးထပ်ကွေ့ (ဒေသအခေါ်) နေရာသို့ စစ်ကြောင်းရောက်ရှိချိန် လုံခြုံရေးယူထားသော ကော်ဘရာ စစ်ကြောင်းနှင့် ထိတွေ့တိုက်ပွဲဖြစ်ပွားခဲ့တယ်လို့ ကော်ဘရာစစ်ကြောင်းက ယနေ့မနက်တွင် သတင်းထုတ်ပြန်ထားသည်။ သတင်းထုတ်ပြန်ချိန်အထိ အာဏာသိမ်း စစ်ကောင်စီဘက်မှ ဗိုလ်ကြီးတစ်ဦး၊ ဆေးမှူးတစ်ဦး အပါအဝင် အလောင်း (၅) လောင်း အတည်ပြုတွေ့ရှိရပြီး စစ်ကောင်စီတပ်သား အများအပြား ထိခိုက်သေဆုံး၊ ဒဏ်ရာ ရရှိထားသည်ကို တွေ့ရှိထားကြောင်း၊ MA -1 တစ်လက်၊ ၎င်းကျည် (၅.၅၆) ကျည် (၄၇၅) တောင့်၊ ကျည်ဘောက်(၄) ခု၊ အီနာဂ

မအလအုပ်စုလက်နက်ဝယ်သော ဒေါ်လာဝင်ငွေလမ်းကြောင်း ရပ်တန့်ရေး ပြည်သူမှပြည်သူသို့သတင်းစကားပါး

တော်လှန်ရေး အောင်ဖို့ မြန်မြန်ရှေ့ရောက်ဖို့ ဘာကို အဓိက လိုအပ်နေပါသလဲ။⁉️ မအလအုပ်စု၏ လက်နက်ဝယ်ယူရေး ဒေါ်လာဝင်ငွေ လမ်းကြောင်း ရပ်တန့်ရေးအတွက်.... ပြည်တွင်း၊ ပြည်ပ သပိတ် ကော်မတီများ၊ တော်လှန်ရေး အင်အားစုများ၊ တက်ကြွ လှုပ်ရှားသူများနှင့် အနုပညာရှင်များက ပြည်သူလူထုကို သတင်းစကား ပါးထားပါတယ်။ အကြမ်းဖက် အာဏာရူး စစ်အုပ်စုရဲ့‌ ငွေကြေးဒေါက်တိုင်တွေကို ဖြတ်တောက်နိုင်ဖို့အတွက် အမေရိကန်သမ္မတ ဘိုင်ဒင် အနေနဲ့ MOGE ကိုဒဏ်ခတ်ပိတ်ဆို့ရေး Blood Money - သွေးစွန်းငွေဖြတ်တောက်ရေးလှုပ်ရှားမှု အဖွဲ့မှ ဦးတည်‌တောင်းဆိုတဲ့ လှုပ်ရှားမှုဖြစ်ပါတယ်။ ပြည်သူတစ်ဉီးချင်းစီ ပါဝင်နိုင်တဲ့ အသေးစိတ်အချက်အလက်ကိုတော့ အောက်ဖော်ပြပါ page ‌တွင် ဝင်ရောက်ကြည့်ရှုနိုင်ပါတယ်။ https://www.facebook.com/BloodMoneyCampaignMM/ #US_SanctionMOGE #TakeAction_NoMoreWords #BloodMoneyMyanmar #KRIN

အကြမ်းဖက် ယုတ်မာရိုင်းစိုင်းမှုတွေကို စစ်အုပ်စုက အခုချိန်ထိ ဘာကြောင့်လုပ်နေနိုင်တာလဲ?

အကြမ်းဖက် ယုတ်မာရိုင်းစိုင်းမှုတွေကို စစ်အုပ်စုက အခုချိန်ထိ ဘာကြောင့်လုပ်နေနိုင်တာလဲ? သင်ရောဘယ်လိုတားနိုင်မလဲ? ဒီလှုပ်ရှားမှု(၂)ခုမှာ ပါဝင်ခြင်းဖြင့် တာဆီးပါ 1. https://m.facebook.com/story.php?story_fbid=279157527764042&id=108745491471914 2. https://m.facebook.com/story.php?story_fbid=284798817199913&id=108745491471914 အသေးစိတ်လေ့လာကြည့်ရှုရန် https://www.facebook.com/BloodMoneyCampaignMM/ #KRIN

အကြမ်းဖက် စကစယာဉ်တန်း ကြားဖြတ်တိုက်ခိုက်ခံရ (ရုပ်သံ)

အင်္ဂဘိုအနီး အကြမ်းဖက် စကစ ယာဉ်တန်းကို KNU/KNLA ပူးပေါင်းတပ်ဖွဲ့ဘက်မှ ပစ်ခတ်တိုက်ခိုက် (ရုပ်သံ) ကျိုက်ထို၊ မေလ ၁၀ ရက် ယနေ့ မနက် ၉:၀၀ အချိန်ခန့်က ကျိုက်ထိုမြို့ အင်္ဂဘိုကျေးရွာအနီး တနေရာ၌ ‌စစ်တောင်းတံတားဘက်မှ ကျိုက်ထိုဘက်သို့ ဦးတည်မောင်းနှင်လာသော ၁၀ စီးပါ အကြမ်းဖက် စကစယာဥ်တန်းကို KNU/KNLA ပူးပေါင်းတပ်ဖွဲ့ဘက်မှ ပစ်ခတ်တိုက်ခိုက်ခဲ့ပြီး တိုက်ခိုက်မှုကြောင့် ထိခိုက်သေဆုံးမှုရှိကာ အသေးစိတ်ကိုတော့ မသိရှိရ‌သေးဘဲ ပူးပေါင်းတပ်ဖွဲ့ဘက်မှ ထိခိုက်မရှိ အောင်မြင်စွာ ပြန်လည်ဆုတ်ခွာနိုင်ခဲ့တယ်လို့ မြေပြင်နှင့်နီးစပ်သူတစ်ဦးထံမှ သိရသည်။ ထို့နောက် အရပ်ဝတ် စခများမှ အိမ်စီးကားဖြင့် ထပ်မံရောက်ရှိလာပြီး လူနေအိမ်တွေကြားထဲ ၄၀ မမ (၃ချက်) အပါအဝင် လက်နက်ငယ်များဖြင့် ပစ်ခတ်မှုများ ပြုလုပ်သွားခဲ့ကြောင်း သိရသည်။ #KRIN

Blood Money သွေးစွန်းငွေဖြတ်တောက်ရေး လှုပ်ရှားမှုအဖွဲ့၏ သွေးစွန်းငွေဖြတ်တောက်ရေးသံချပ်

MOGE က ငွေတွေနဲ့ လူတွေကို သတ်နေတယ်ဆိုတာကို လူထုကိုသိစေချင်တဲ့ ရည်ရွယ်ချက်နဲ့ တော်လှန်သင်္ကြန်မှာ ပြည်သူလူထု နားဆင်နိုင်ဖို့ Blood Money သွေးစွန်းငွေ ဖြတ်တောက်ရေး လှုပ်ရှားမှုမှ သံချပ် တင်ဆက် ကျိုက်ထို၊ ဧပြီလ ၁၆ ရက် အကြမ်းဖက်စစ်အုပ်စုက ရေနံ၊ ဓာတ်ငွေ့ ကဏ္ဍကနေ လက်နက်ဝယ်ဖို့ နိုင်ငံခြားဝင်ငွေတွေ မြောက်များစွာရရှိနေပါတယ်။ ဒီငွေတွေနဲ့ တိုင်းရင်း‌သားဒေသ မြန်မာပြည်တဝှမ်း နေ့တိုင်းနီးပါး လေကြောင်းထိုးစစ်ဆင်နေတာတွေ၊ မြေပြင်ကနေ လက်နက်မျိုးစုံနဲ့ ထိုးစစ်‌ဆင်နေတာတွေ၊ ပြည်သူလူထုအား ဖိနှိပ်သတ်ဖြတ်တာ‌တွေ လုပ်ဖို့အတွက် စစ်အုပ်စုကအသုံးပြုနေတာ ဖြစ်နေတာဖြစ်ပါတယ်။ ရေနံနဲ့ ဓာတ်ငွေ့လုပ်ငန်း(MOGE) ဝင်ငွေတွေကို အကြမ်းဖက်စစ်အုပ်စုဆီ မရောက်အောင်တားဆီးကြဖို့လိုပါတယ်။ သွေးစွန်းငွေလှုပ်ရှားမှုနဲ့အတူ ပြည်သူလူထုပူးပေါင်ပြီး စစ်အုပ်စု

စစ်ကားပေါ်မှ ဆဲဆိုကာ ကလေးပါမချန် ‌မြင်မြင်သမျှ ပစ်သတ်ရန်နှင့် ရွာပါမီးရှို့ရန် ပြောဆိုနေ

ယမန်နေ့ ဘီးလင်း ရွှေရောင်ပြရွာအနီး စကစပစ်ခတ်မှုကြောင့် ကလေး ၂ ဦး သေဆုံးခဲ့ရသည့် (ရုပ်/သံ) တွင် ကလေးငယ်ပါမရှောင် မြင်မြင်သမျှပစ်သတ်ရန်နှင့် ရွာမီးရှို့ရန် စစ်ကားပေါ်မှပြော ကျိုက်ထို၊ မတ်လ ၃၀ ရက် ယမန်နေ့ မတ်လ ၂၉ ရက်နေ့က အစီး ၃၀ ပါ စကစကားတန်းဟာ ဘီးလင်းမြို့ ရွှေရောင်ပြရွာအနီးမှာ နှစ်ဖက်တိုက်ပွဲ မဖြစ်ဘဲ ကားပေါ်မှ ရမ်းသန်းပစ်ခတ်ခဲ့သည်ကို စစ်ကားပေါ်မှ ရိုက်ကူးထားခြင်းဖြစ်သည်။ ပစ်ခတ်ချိန်တွင် လမ်းဘေးရှိ ဘုံးဘီးပေါ်မှ လူများ လမ်းအောက်ဝပ်နေချိန် ကလေး ၂ ဦးကို ပစ်သတ်ခံရပြီး အရပ်သားတချို့လည်း ထိခိုက်ဒဏ်ရာ ရရှိမှုများပါ ရှိခဲ့သည်။ ဒါ့အပြင် ကားပေါ်ပါ စစ်သားများမှ ရွာကိုပါ မီးရှို့ရန်နှင့် မြင်မြင်သမျှ ပစ်သတ်ဖို့ ဆဲဆိုသံများပါ ကြားရသည်။ စစ်တပ်က ပစ်သတ်လိုက်သော ကလေးငယ် ၂ ဦးမှာ အသက် ၆ နှစ်အရွယ် မောင်ကြယ်စင်မင်း (ဆီးခုံ

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

06/06/2024

05/05/2024

02/05/2024

29/04/2024

26/04/2024

25/04/2024

24/04/2024

24/04/2024

23/04/2024

21/04/2024

20/04/2024

17/04/2024

14/04/2024

12/04/2024

10/04/2024

09/04/2024

07/04/2024

07/04/2024

05/04/2024

03/04/2024

02/04/2024

02/04/2024

02/04/2024

27/03/2024

27/03/2024

26/03/2024

25/03/2024

22/03/2024

18/03/2024

18/03/2024

Address

Website

Alerts

Contact The Business

Videos

CDM ဒုတပ်ကြပ် ကိုကျော်နိုင်စိုး နှင့် ဇနီး ဒေါ်အုန်းထွေး တို့ကို တွေ့ဆုံမေးမြန်း

ဘီးလင်းတွင် စစ်ကောင်စီတပ်ဖွဲ့ပါလာသော ရထားတစ်စင်းကို ‌မိုင်းဆွဲတိုက်ခိုက်

မြဝတီ - ဝေါ်လေလမ်း တိုက်ပွဲ (ရုပ်/သံ)

မအလအုပ်စုလက်နက်ဝယ်သော ဒေါ်လာဝင်ငွေလမ်းကြောင်း ရပ်တန့်ရေး ပြည်သူမှပြည်သူသို့သတင်းစကားပါး

အကြမ်းဖက် ယုတ်မာရိုင်းစိုင်းမှုတွေကို စစ်အုပ်စုက အခုချိန်ထိ ဘာကြောင့်လုပ်နေနိုင်တာလဲ?

အကြမ်းဖက် စကစယာဉ်တန်း ကြားဖြတ်တိုက်ခိုက်ခံရ (ရုပ်သံ)

Blood Money သွေးစွန်းငွေဖြတ်တောက်ရေး လှုပ်ရှားမှုအဖွဲ့၏ သွေးစွန်းငွေဖြတ်တောက်ရေးသံချပ်

စစ်ကားပေါ်မှ ဆဲဆိုကာ ကလေးပါမချန် ‌မြင်မြင်သမျှ ပစ်သတ်ရန်နှင့် ရွာပါမီးရှို့ရန် ပြောဆိုနေ

Shortcuts

Share