परिचयः
सोलुखुम्बु विश्वमा परिचित जिल्ला हो । यही जिल्लामा अवस्थित विश्वको सर्वोच्च शिखर सगरमाथाको नामबाटै नेपाल विश्वभर परिचित रहेको छ । पर्यटकीय दृष्टिले यहाँका सम्भावना र विकासका बारेमा अब सायदै कसैलाई पनि भनिरहनु नपर्ला किनकी यसक्षेत्रमा आउने पर्यटक र उनीहरुले निरन्तर देखाइरहेको रुचीले यसको पुष्टि गरिसकेको छ । सोलुखुम्बु जिल्लाको उत्तरीक्षेत्रका लुक्ला, नाम्चे, खुम्जुङ पर्यटकीय विकासको दृष्टिक
ोणले काठमाडौंको ठमेलभन्दा कम छैनन् भन्दा अत्युक्ती नहोला । त्यहाँ उपलब्ध गराइने सेवा÷सुविधा, त्यहाँको व्यवसाय र विविधताले साँच्चै नै एकपटक ठमेललाई बिर्साइदिन सक्छ तर त्यस्तालाई समग्र जिल्लाको विकास भन्ने अवस्था भने अझै बनिसकेको छैन । त्यसो तः पर्यटीय हिसाबले मात्र नभई विविधताको हिसाबले पनि धनि मानिने सोलुखुम्बु जिल्ला अझै विकट जिल्लाको सुचीबाट हट्न नसकेको तीतोसत्य भोग्न हामी बाध्य छौ ।
विश्वको सर्वोच्च शिखर सगरमाथामात्र नभई सयौंको संख्यामा हिमशिखरहरु अनि जातीय विविधता, साँस्कृतिक, धार्मिक एवम प्राकृतिक स्रोत साधनको हिसाबले पनि उत्तिकै महत्वपुर्ण र उत्कृष्ट मानिएको यो जिल्लालाई नेपालीहरुको गौरबसँग जोड्न नसक्नु दुःखद पक्ष हो । यस्ता गौरवमय सम्भावना भएका ठाउँमा रहँदारहँदै पनि आजको एक्कासौँ सताब्दीमा सुचना र प्रविधिबाट टाढा हुनुले जिल्ला थप ओझेलमा परेको प्रसस्तै आधारहरु छन् । यद्यपी सोही कुराहरुलाई एउटै मालामा गासेर समग्र देश तथा विदेशमा पस्कने अभिलाषाका साथ सोलुखुम्बु मिडिया प्रा.लि. नामक संस्थाले सञ्चारको अहम् भूमिका खेलिरहेको र सोलुखुम्बुको पहिलो अनलाइन पत्रिका पनि भएको कुरा यहाँहरुलाई अवगत गराउन चाहान्छौं । चेतनाकोस्तर उन्नति विना दिगो विकाश असम्भव हुने ठहर गर्दै हामीले सोलुखुम्वु एवंम नेपालको हरेक स्थानहरुलाई चिनाउन एवं विश्वमान चित्रको घटना चिन्तन एवं विकासका सिद्धान्तलाई हरेकको मन मस्तिष्कमा पु¥याउन सोलुखुम्वु मिडिया प्रा.लि. मार्फत “खबर हामै्र गाउँघरको” मुल नाराका साथ सोलु अनलाइन डट कम सञ्चालन गरिरहेका छौं ।
