الفترة هاي مليانة ضغط على الكل !!
اللي بدرس للتوجيهي و اللي بدرس للجامعة و اللي مضغوط بشغله..
مش لازم تكون الأول و الأفضل بكل شيء ولا لازم تقدّم و تبذل أكثر من قدرتك ، أعطي لحالك فرصة تتنفّس و تعيش..
أنت مش مضطر تتحمل فوق طاقتك و ربنا ما بحملك أكثر من طاقتك ف هوّنها على نفسك و اتركها لرب العالمين بعد ما تجتهد عشان ربنا يراضيك و يعطيك 🤍
10/03/2024
" بكون قاعد في أمان الله و فجأة بقول هو أنا رح أعيش كم مرة و باجي آخد أغبى قرار في الدنيا "
09/03/2024
الثقة بالله حلوة بس غريبة كثير..
بتكون الدنيا كلها معاكستك و كل شي بالدنيا و ظروفك ضدك لكن أنت مصدق إنها رح تُفرج ❤️
و إن شاء الله إنها رح تُفرج 🤍
09/03/2024
" كيف يمكن للبذرة أن تصدق أنّ هناك شجرة ضخمة مخبّأة داخلها؟ ما تبحث عنه موجود بداخلك." 💙
09/03/2024
نحن أُمة تبتهج باقتراب أفضل شهر فى السنة.. شهر رمضان لكن هاي السنة كلنا ناقصين أشياء و كلنا حاسين بالغصة !!
و سعادتنا ناقصة بسبب الظروف اللي بمرّ فيها أهلنا في فلس_طين
والله لا نملك إلا قلباً ينكر كل الإنكار و يحزن كل الحزن على أوضاع إخواننا و أهلنا..
فاللهم بلّغ أهلنا رمضان آمنين مطمئنين و فرجاً قريباً من عندك لكل المستضعفين في الأرض 🤍
06/03/2024
" ما في داعي تعاير المنبه عشان تصحى عالشغل.. ايمتا ما صحيت بتروح عادي ..
وما في داعي تعاير المنبه عشان تصحى وتروح عالامتحان بالمدرسة.. ايمتا ما صحيت بتروح عادي
مثل ما بتطنش وبتكون نايم وما بتصحى ع صلاة الفجر وعندك عادي
النجاح ببدأ بصلاة الفجر لتكسب البركة والرزق والصحة
بعدين بيجي شغلك ودراستك بعد صلاة الفجر لتكسب فيهم البركة ❤️"
06/03/2024
" اكتشفت فعلًا إنه الإنسان ضعيف بدون الصلاة، وبنفس الوقت قلبه قاسي، ومتشتت وعقله مشغول، الصلاة بتقوّي الواحد وبنفس الوقت بتحنن قلبه وبتمنعه من كثير شغلات غلط وبتهدي عقله.
الله يرزق كلّ الناس نعمة الانتظام في الصلاة، اللهم ثبّت أقدامنا على الصلاة
“لا حياة بلا صلاة" والله مش جملة بتنحكى وبس ❤️ "
_مقتبس
06/03/2024
" يُدهشني توقيت رمضان كل عام، وكأنه ميعاد مُقدّر بالثانية مع حجم الطاقة التي نمتلكها، مع فقدان آخر ذرة من طاقتنا، مع كثرة احتياجاتنا النفسية وغير النفسية، مع تقصيرنا الديني وشتاتنا الفكري وحيرة قلوبنا وتزاحم الأحداث في حياتنا، دائمًا ما يأتي رمضان في موعده المناسب، اللهم بلّغنا إياه، و ارزقنا حسن العبادة فيه !"
04/03/2024
احنا بحاجة لكثير من الحنية بحياتنا !!
في تعاملاتنا و علاقاتنا و أشغالنا..
احنا بحاجة للحنيّة حتى تسهل علينا شوي كل العبء اللي احنا فيه..
بحاجة للكلمة الطيبة و نظرة الحب و لمسة الحنيّة حتى نحس حالنا أحسن أو ممكن أأمن 😅
عالمنا بده حنيّة عشان كلنا نحس بالأمان!!
04/03/2024
أحيانًا.. أو فينا نحكي بأغلب الأحيان !
احنا مش بحاجة للعتاب و النصيحة ولا بحاجة لحلول لمشاكلنا..
احنا فعلياً بنكون بحاجة للإيد الحنونة اللي تطبطب علينا أو لشخص يحكيلنا "معلش ! طول ما أنا معك رح تهون و ما تاكل هم اشي !"
الحلول و الآراء بتيجي مع الوقت و التفكير بس الحنية هي اللي بنحتاجها والله !
04/03/2024
مع الوقت رح تدرك إنه الصحة اهي أهم نعمة بحياتك !!
و إنه لو راحت منك يوم رح تخسر كتير و إنه ثروتك بالحياة هي إنك تقدر كل يوم تقوم من تختك و تطلع على شغلك و تشوف أهلك و صحابك و تعمل كل اللي بنفسك فيه ..
بدون ما تتقيد بموعد دوا أو مراجعة مستشفى أو زيارة الطوارئ كل يومين و الثاني..
ف احمدوا الله غلى نعمة الصحة و إن لم تكن تامة 🤍
Be the first to know and let us send you an email when Laith writings posts news and promotions. Your email address will not be used for any other purpose, and you can unsubscribe at any time.
