Hein - Just Sharing (2024)

12/06/2024

ငွေကြေးမှ ဖောင်းပွတာမဟုတ်ဘူး
သတင်းအချက်အလက်တွေကလဲ ဖောင်းပွတယ်

တချို့တွေ အလုပ်ဖြစ်တာနဲ့
ကိုယ်အလုပ်ဖြစ်တာတူမှာမဟုတ်ဘူး

တစ်ချို့တွေက timetable နဲ့
တစ်နေ့တာအလုပ်တွေလုပ်ရတာအဆင်ပြေပေမယ့်
ကိုယ့်အတွက်ကြ task နဲ့ဒီနေ့ ဒီ Task ပြီးရင်ရတယ်
ဘယ်ချိန်လုပ်လုပ်ရတယ်ဆိုတာက အဆင်ပြေနေနိုင်တယ်

နေမြင့်မှ ထလေ့ရှိသူက ညနက်လေ အလုပ်လုပ်ရတာကောင်းလေ ဖြစ်မှာပဲ
မနက်စောစော ထလေ့ရှိတဲ့သူက ညနေဆောင်းလေ အလုပ်လုပ်လို့ကောင်းလေ အာရုံးစူးစိုက်မှုကောင်းလေပဲ

တစ်ချို့တွေအတွက် ကိုယ်ပိုင်အလုပ်ကအဆင်ပြေလိမ့်မယ်
တစ်ချို့တွေအတွက် အေးအေးဆေးဆေး ဝန်ထမ်းလေးလုပ်နေတာက ပိုအဆင်ပြေလိမ့်မယ်
တချို့တွေအတွက် Freelance လုပ်တာကပြေလိမ့်မယ်

ဘယ်သူပြောတာ မျှဝေတာက မှန်တယ်မှားတယ်ဆိုတာမရှိဘူး
ကိုယ်နဲ့ ကိုက်ညီ မညီဆိုတာပဲရှိတာ

ကိုယ့် Role model ထားတဲ့သူရဲ့ အလေ့အကျင့်က ကိုယ်နဲ့ကိုက်ချင်မှကိုက်မယ်
မကိုက်ညီတာကိုလဲ တအားလိုက်လုပ်စရာမလို့ဘူး
အရေးကြီးတာက ကိုယ်အတွက် ဘယ်ဟာကအလုပ်ဖြစ်လဲ
ဘယ်ဟာကို ပိုအဆင်ပြေလဲဆိုတာ ရွေးဖို့ပဲ

မျှဝေတာတွေ သတင်းအချက်အလက်တွေကတော့
အများကြီးရှိနေမှာပဲ ကိုယ်က
ကိုယ်နဲ့ကိုက်ညီတာ ကိုယ့်အတွက်အလုပ်ဖြစ်တာကိုယူတက်ဖို့ပဲလိုတာ

Hein - Just Sharing
12June2k24

11/06/2024

လေ့လာခြင်းဟာ လောကအမြင်ကို
အများကြိးပြောင်းလဲစေတယ်
များများလေ့လာတဲ့သူဟာ
အမြင်ကျယ်ပြီး
အမြင့်ကိုပိုရောက်တယ်။
လေ့လာခြင်းကနေ
သတင်းအချက်အလက်တွေရမယ်
ဒီသတင်းအချက်အလက်တွေကို အသုံးချပြီး
ကိုယ်ဘဝပြောင်းလဲတိုးတက်ဖို့
ကိုယ်လိုချင်တဲ့ဘဝကို ပိုင်ဆိုင်နိုင်ဖို့
အများကြီးအထောက်အကူဖြစ်လိမ့်မယ်။
လေ့လာခြင်းဟာ
လောကကိုမြင်တဲ့အမြင်တွေစစ်မှန်လာမယ်

Hein - Just Sharing
11June2k24

10/06/2024

ကိုယ့်လိုချင်တဲ့ ဘဝကို
ကိုယ်ကိုယ်တိုင် တည်ဆောက်
လဲရင်ပြန်ထ ဘယ်သူမှ လာမထူဘူး
ဘယ်သူမှာမှလဲ တာဝန်ရှိမနေဘူး

အဲ့အတွက် စိတ်ရှည်ရမယ်
နေ့ချင်းညချင်း တော့ဖြစ်မှာမဟုတ်ဘူး

မနက်ဖြန် သဘက်ခါ အတွက်ပဲ
လုပ်နေလို့တော့မရဘူး

နောက်သုံးနှစ်မှာ ငါးနှစ်မှာ
ကိုယ်ဘာဖြစ်ချင်လဲ
ဘာတွေပြောင်းလဲချင်လဲ
သိဖို့လိုတယ်

နောက်သုံးနှစ်ဆို
လက်ရှိဝင်ငွေ ထက် ဆယ်ဆ အဆတစ်ရာ
တိုးပြီးရချင်တာလား
ဒါမှမဟုတ် ပညာရပ်တစ်ခုခုကို
တစ်ဖက်ကမ်းခပ် ဂေါ်နေအောင်
ကျွမ်းနေချင်တာလား
ဒါတွေ ရှင်းရှင်းလင်းလင်း သိအောင်
လုပ်ဖို့လိုတယ်

ကိုယ်လိုချင် ကိုယ်ဖြစ်ချင်တဲ့ပေါ်မူတည်ပြီး
လုံလောက်တဲ့ ပညာဝမ်းစာဖြည့်ဖို့လိုတယ်
စီးပွားရေး လုပ်မယ်ဆို
စီးပွားရေးပညာနဲ့ပတ်သက်တဲ့
ဝမ်းစာပြည့်ဖို့လိုတယ်
ပညာရပ်တစ်ခုကို တစ်ဖက်ကမ်းခပ်
ဂေါ်နေအောင် ကျွမ်းချင်တယ်ဆို
အဲ့ပညာနဲ့ပတ်သက်တဲ့ ဝမ်းစာ
ပြည့်ဝနေဖို့လိုတယ်
အမြဲဖြည့်နေဖို့လိုတယ်

Hein - Just Sharing
10June2k24

09/06/2024

ပျော်မှ စိတ်ပါမှ ဆိုတဲ့စိတ်ကိုဖျောက်ပြီး ငါလုပ်ကိုလုပ်ရမယ် ဆိုတဲ့စိတ်နဲ့ အလုပ်လုပ်ဖို့လိုတယ်။

ရော်နယ်ဒို အင်တာဗျူး တစ်ခုမှာပြောတာလေး အတော်သဘောကျဖို့ကောင်းတယ်

“လူတော်တော် များများက ဘာပြောလဲဆိုတော့ Gym ကိုနေ့တိုင်းသွားရတာ ကြိုက်တာလားတဲ့ ဟင့်အင်း အဲ့လိုတော့ဘယ်ကြိုက် မလဲ ကြိုက်လို့ပျော်လို့ သွားနေတာမှမဟုတ်တာ ဘယ်သူကတော့ နေ့တိုင်းကြီးသွားရတာကြိုက်မလဲဗျာ ဒါပေမယ့် သွားရမယ် သွားမှရမယ်ဆိုတဲ့ စိတ်နဲ့ သွားတာဗျ ငါလုပ်ရမယ်ဆိုတဲ့စိတ်နဲ့လုပ်တာဗျ “

ဒါကသူပြောသွားတဲ့ အစိတ်အပိုင်းတစ်ခုပါ အများကြီးပဲ သူပြောသွားတာ ကျွန်တော်တို့တွေလဲ ကိုယ်လိုချင်တဲ့ဘဝရဖို့ ကိုယ်ဖြစ်တာဖြစ်ဖို့ လုပ်ချင်မှာလုပ်တာမျိုး စိတ်မပါလို့ မလုပ်ဘူးဆိုတာမျိုးလုပ်လို့မရဘူး
ရော်နယ်ဒိုပြောသလို ငါ လုပ်ကိုလုပ်ရမယ်ဆိုတဲ့ စိတ်နဲ့လုပ်မှ ရှေ့ရောက်မျာ လိုချင်တာကိုအရယူနိုင်မှာ ။

Hein - Just Sharing
9June2k24

08/06/2024

ကိုယ်ကိုယ်ကိုယ် ပြန်သုံးသပ်ဖို့လိုတယ်

ဒီတစ်ပတ်အတွင်းမှာ တစ်လအတွင်း ကိုယ်လုပ်ခဲ့တဲ့
ဘယ်အရာတွေကကောင်းလဲ မကောင်းဘူးလဲ
ဘာတွေပြင်ဖို့လိုမလဲ ဘာတွေလေ့လာဖို့လိုမလဲ
ဒါတွေသိဖို့ နားလည်ဖို့လိုတယ်
ဒါမှကိုယ်ကိုယ်တိုင်က ပြောင်းလဲတိုးတက်လာမှာ

ကိုယ့်ကိုယ်ကိုယ် ပြန်သုံးသပ်တဲ့အခါ
ကိုယ့်ရဲ့အားနည်းချက်တွေ ကိုရဲရဲကြည့်ရဲဖို့လိုတယ်
ကိုယ့်ရဲ့ အားနည်းချက်တွေကို ရဲရဲကြည့်ရဲလာမှ
ပြုပြင်ဖို့လဲရဲလာမယ် ဒါမှ
ကိုယ်က တိုးတက်ပြောင်းလဲလာမယ်
ဒါမှမဟုတ်ရင် အမှားတွေကြားမှာ
ဝဲချာလှည်ပြီးရှေ့မရောက်ဖြစ်နေတက်တယ်

ကိုယ့်ဘဝနေ့စဉ် ပြောင်းလဲတိုးတက်ဖို့ဆိုရင်
ကောင်းတာတွေကို ထိန်းထားဖို့လိုပြီး
မကောင်းတာတွေကိုလဲ ရဲရဲကြည့်ပြီး
ပြုပြင်ရဲဖို့လိုတယ်

Hein - Just Sharing
8June2k24

07/06/2024

ကျောင်း တစ်ပိုင်းတစ်စ နဲ့ဖြစ်စေ
ဘွဲ့ရပြီးလို့ဖြစ်စေ
အလုပ် စဝင်နေကြပြီ
ဖြစ်တဲ့ လူငယ်တွေအနေ
ကိုယ်ဝါသနာပါတဲ့ အလုပ်ကို
လုပ်နေရတာ ဟုတ်ချင်မှ ဟုတ်မယ်
ကိုယ့်ဘွဲ့နဲ့ ကိုက်ညီတဲ့ အလုပ်ကို
လုပ်နေရတာ ဟုတ်ချင်မှ ဟုတ်မယ်
ဒါပေမယ့်
ကိုယ်လုပ်နေတဲ့အလုပ်
ကိုယ်တာဝန်ယူရတဲ့အပိုင်းကို
ဆရာကျကျ ကျွမ်းကျင်အောင်
ကြိုးစား ကြပါ
ဒါဆိုရင်
အလုပ်ကျွမ်းကျင်လာတဲ့အတွက်
အလုပ်မှာပျော်လာမယ်
ကိုယ့်ကိုကိုယ်
ယုံကြည်မှုပိုတိုးလာမယ်
အလုပ်ပြောင်းချင်ရင်တောင်
ထွက်စာတင်ဖို့
ကြောက်နေတော့မှာမဟုတ်ဘူး

လုပ်ချင်သည်ဖြစ်စေ
မလုပ်ချင်သည်ဖြစ်စေ
လုပ်ကို လုပ်ရတော့မယ်အရာဆို
အချိန်ကုန်သွားတာချင်း အတူတူ
အားထုက်ရတာချင်း အတူတူ
အကောင်းဆုံး လုပ်လိုက်ပါ

အနည်းဆုံးတော့
ကိုယ်ဟာ ရေစာခိုသူ
အချောင်ခိုသူ
တစ်ယောက်တော့ မဟုတ်တော့ဘူးပေါ့

Hein - Juat Sharing
7June2k24

06/06/2024

ကျွန်တော်တို့ရဲ့ တစ်ရက်တာမှာ
Golden time လေးတွေရှိတယ်

အလုပ်ချိန် ၈ နာရီမှာ
အဲ့ ၈ နာရီလုံးက ကျွန်တော်တို့
အလုပ်တွေကို ရှေ့မရောက်စေပါဘူး

တစ်နေ့တာရဲ့ Golden time လေးကပဲ
အလုပ်တွေပြီး မြောက်စေတယ်
အလုပ်တွေ ရှေ့ရောက်စေတယ်

မြန်မာလိုဆို လမိုင်းကပ် တဲ့အချိန်ပေါ့
တစ်ယောက်နဲ့ တစ်ယောက်တော့
မတူကြဘူး
တချို့က မနက်ခင်းမှာ လမိုင်းကပ် တယ်
တချို့က ကော်ဖီသောက်ပြီးချိန်
တချို့က ညနေပိုင်း
တချို့က ရုံးဆင်းကာနီး

စာကြည့်ရတဲ့သူတွေဆိုလဲ
ညမှာ စာပိုရတာ
ထမင်းမစားခင်ကျက်ရင်ပိုရတာ
မနက်ခင်းသူများမထမှီကြည့်ရင်ပိုရတာ

WFH သမားတွေဆိုလဲ
စောစောထလုပ်ရင် Task တွေ
ပိုပြီးတာ ညဘက်မှလုပ်ရင်
ခရီးပိုရောက်တာ
စသဖြင့် အမျိုးမျိုးပဲ

ကိုယ်က ဘယ်ချိန်မှာ
လမိုင်းကပ် လဲဆိုတာ
သတိထားဖို့လိုတယ်
သတိထားပြီး သိပြီဆို
အဲ့အချိန်ကို
ရွှေလိုသာတန်ဖိုးထားပေတော့

ကျွန်တော် ရုံးတက်တုန်းကတော့
ညနေ သုံးနာရီ ကော်ဖီသောက်ပြီးကနေ
ရုံးဆင်းထိပဲ အဲ့အချိန်က
ကျွန်တော့်ရဲ့ Golden time ပဲ

Hein - Just Sharing
6June2k24

05/06/2024

ဘယ်နေရာရောက်ရောက် ဒီ ၃ ခုအမြဲရှာ

၁. ပိုက်ဆံရှာ
၂. ပညာရှာ
၃. မိတ်ဆွေရှာ

၁.ပိုက်ဆံရှာ
အိမ်ပြင်ထွက်တာပိုက်ဆံလိုနေတာ ဖြစ်တဲ့အတွက် ပိုက်ဆံရှာ သမာအာဇီဝကျတဲ့နည်းနဲ့ရတဲ့နေရာကရှာ။ ငွေကပြဿနာတော်တော်များမျာကိုပြေလည်စေသလို နှောင့်နှေးမှုတွေကိုလဲ မြန်စေတယ်။

၂. ပညာရှာ
Skills ဖြည့် ပညာရှာ ရတဲ့နည်းနဲ့ရှာ ရတဲ့နေရာမှာရှာ ဘယ်တော့မှမပြောင်းလဲတဲ့အရာက အပြောင်းအလဲပဲ အပြောင်းအလဲတွေကို ရင်ဆိုင်ဖို့ Skills တွေရှိဖို့လိုတယ် ပညာတွေပြည့်ဖို့လိုတယ်။ အထူးသဖြင့် ကိုယ်လိုချင်တဲ့ဘဝရဖို့ တိုးတက်ပြောင်းလဲဖို့ ပညာ Skills တွေကအများကြီး အထောက်အပံ့ဖြစ်စေလိမ့်မယ်။

၃. မိတ်ဆွေရှာ
မိတ်ဆွေတွေက ကိုယ်မသိတယတွေ လမ်းပြနိုင်တယ် အခတ်ခဲဖြစ်တဲ့အခါကူညီနိုင်မယ် ရှေ့ကို 2x 3x ရောက်အောင်လုပ်ပေးနိုင်တယ်။ ဂဏန်းလို့ မိတ်ဆွေမျိုးတော့ရှောင်ပေါ့။

Hein - Just Sharing
5June2k24

04/06/2024

၆ လဟာကြာတယ်လို့ထင်ရင်
၂၀၂၃ ဒီဇင်ဘာ ၃၁ ရက်နေ့ကို
ပြန်တွေးကြည့်လိုက်ပါ

ကျွန်တော်တို့က
ရှေ့ကိုကြည့်ရင် ကြာတယ်လို့ထင်ပြီး
နောက်ကိုပြန်ကြည့်တော့ မြန်နေပြန်ရော့

ရှေ့ကိုကြည့်လို့ကြာတဲ့အခါ
ဒါလဲပြီးသွားမှာပါဆိုပြီးရင်ဆိုင်ရတယ်

နောက်ကိုကြည့်လို့ မြန်တဲ့အခါ
ငါအကောင်းဆုံးကျော်ဖြတ်ခဲ့သားပဲဆိုပြီး
ရှေ့ဆတ်ဖို့ အားယူရတယ်

Hein - Just Sharing
4June2k24

03/06/2024

မျှစ်နဲ့ ဝါး

အကယ်၍ ကိုယ်က မျှစ်စားချင်တယ်ဆိုရင်
ဝါးပင်ကို မမျှော်လင့်ပါနဲ့
အကယ်၍ ကိုယ်က ဝါးပင်ကိုရချင်တယ်ဆိုရင်
မျှစ်စားချင်စိတ်ကို သည်းခံနိုင်ရမယ်
ကိုယ်က မျှစ်စားဖို့စိုက်တာလား ဝါးရဖို့စိုက်တာလား ကွဲကွဲပြားပြားသိဖို့လိုတယ်
ဘဝမှာလဲ ဒီလိုပါပဲ
ဝါးရဖို့ စိုက်ပြီး မျှစ်စားချင်စိတ်ပေါ်နေတာ
မျှစ်စားဖို့စိုက်ပြီး ဝါးရဖို့မျှော်လင့်နေတာ ဒါမျိုးတွေကြုံရပါတယ်
မျှစ်ကကောင်းတယ် ဝါးကကောင်းတယ်ရယ်တော့ မရှိပါဘူး
ကိုယ့်အခြေနေပေါ်ပဲမူတည်တာပါ။
အဓိကက ကိုယ်အပင်စိုက်တဲ့ ရည်ရွယ်ချက်ကို

Hein - Just Sharing
3June2k24

02/06/2024

ဒီကာလမှာ
စိတ်မညစ်တဲ့သူ
စိတ်ဓာတ်မကျတဲ့သူ
ပူပန်သောက မရောက်တဲ့သူ ရယ်လို့တော့
မရှိသလောက်ပါပဲ

ကျွန်တော် ကတော့
တတ်နိုင်သမျှ ဒါတွေလုပ်ဖြစ်တယ်

တစ်ယောက်ထဲ ဖြစ်မနေအောင်နေတယ်
အလုပ်လုပ်နေတဲ့ အချိန်ကလွှဲရင်
လူအများရှိတဲ့ ဆီမှာနေလေ့ရှိတာ
အပေါင်းသင်းတွေ မိတ်ဆွေ
ချစ်ရခင်ရသူတွေကို အချိန်ပေးဖြစ်တယ်

တစ်ယောက်ထဲ ဖြစ်နေရင် ဒါမှမဟုတ်
စိတ်ညစ်စရာ စိတ်မကောင်း ဖြစ်စရာ
တွေတွေ့လာကြုံလာရင်
ကိုယ်စိတ်ဝင်စားပြီးအကျိုးရှိမယ့် အရာ
တစ်ခုခုကို အာရုဏ်စိုက်လုပ်လေ့ရှိတယ်
ဇာက်ကားကြည့်တာ မျိုး စာအုပ်ဖတ်တာမျိုး
တစ်ခုခုလေ့လာတာမျိုးလုပ်တယ်

တစ်ယောက်ထဲ ဖြစ်နေတတ်တဲ့သူ မျိုးဆို
စာအုပ်ဖတ်တဲ့ အလေ့ အကျင့်လုပ်စေချင်တယ်
စာအုပ်ထဲမှာမှ ရသ စာပေးမျိုး ဖတ်စေချင်တယ်
ကျွန်တော် ဒီကာလမှာ
စိတ်ညစ်စိတ်ဓာတ်ကျနေရာကနေ
ပြန်ရပ်တည်လာနိုင်တာ
ရသစာအုပ်တစ်အုပ် ကြောင့်ပဲ
ရသစာပေထဲက ရတဲ့
စိတ်အားတတ်ကြွမှုဟာ
တကယ်လေးနက်တယ်
လွယ်လွယ်နဲ့လဲ ပျောက်မသွားဘူး
ကြိုက်တဲ့ စာအုပ်ချင်းတော့
တူကြမှာမဟုတ်ဘူး

Social media သုံးတာလျှော့တယ်
အထူးသဖြင့်် Facebook သုံးတာလျှော့တယ်
Instagram ပိုသုံးဖြစ်လာတယ်
YouTube မှာ Tutorial တွေကြည့်ဖြစ်တယ်

တစ်နေ့ ပြီးမြောက်ရမယ့် Task တွေထားတယ်
စာသင်ဖို့ Course ပြင်တာ
ရုံကလုပ်ရမယ့်အလုပ်တွေ
ဖတ်ကိုဖတ်ရမယ့်စာတွေ
စတဲ့ Task တွေထားပြီး ပြီးအောင်လုပ်လေ့ ရှိတယ်
Task တွေပြီးသွားရင်
တစ်နေ့တာအဓိပ္ပါယ်ရှိတယ်လို့ ခံစားရတယ်
အဲ့ခံစားမှုက နောက်နေ့အသက်ရှင်စေဖို့
အားဖြစ်စေတယ်

အားလုံးပဲ
ကိုယ်ကျန်းမာရေး ဂရုစိုက်ဖို့လိုသလို
စိတ်ကျန်းမာရေးလဲ ဂရုစိုက်ကြပါ

Hein - Just Sharing
2June2k24

01/06/2024

Facebook မှာ ကျွန်တော်တို့ အားကျတာတွေ့ ကြရင် ရှယ်ကြတယ်။ One Day ဆိုပြီး။ ဥပမာ - စုံတွဲလေးတွေ ခရီး သွားရင်း Ro နေတာ တွေ့ရင် One Day ဆိုပြီး Share ကြတယ်။ မိဘ တွေကို လစာစုပြီး ကန်တော့ ကြတာတွေ့ ပြီး တော့လဲဲအားကျပြီး One Day ဆိုပြီး ရှယ်ကြတယ်။ သူငယ်ချင်းတွေ စုပြီး စိတ်ကူထားတဲ့ အိမ်မတ်တွေ ဖြစ်ချင်တာတွေ လိုချင်တာတွေ ဒါတွေ ပြောကြတယ်။ နောက်ပြီးတော့ စကားအဆုံးသပ်မှာ ပြောကြတယ်။ One Day ပေါ့ကွာဆိုပြီး။ ကျွန်တော့ တို့ ဘဝတစ်လျှောက်မှာ One Day ဆိုပြီးပြောခဲ့ကြတာကြာပြီ။

ကျွန်တော်တို့ One Day ကနေ Day One ဆိုပြီး ကျွန်တော်တို့ ပြောင်းရတော့မယ်။ ကျွန််တော်တို့ မိဘတွေကို လစာတွေ စုပြီးတော့ ‌ကန်တော့ချင်တာကို One Day လို့ပြောနေမယ်အစား အသုံးလျှော့ပြီး Day One လို့ပြောရမယ့်အချိန်ရောက်ပြီ။ အင်္ဂလိပ်စာ ပြောတက်ချင်တယ် ရေးတက်ချင်တယ် One Day ပေါ့လို့ပြောနေမယ့် အစား အင်္ဂလိပ်စာ လေ့လာခြင်း One Day ဆိုပြီး စသင့်ပြီ။ JLPT စာမေးပွဲအောင် ချင်တယ် သူများအောင်တာတွေ ကြည့်ပြီး One Day ပေါ့လို့ပြောတာရပ်ပြီး JLPT အောင်ဖို့ နည်းမှန်လမ်းမှန်းကြိုးစားဖို့ Day One ဆိုပြီးစသင့်ပြီ။ သူများတွေ လစာအများကြီး ရတာကိုသိပြီး ငါတို့လဲ One Day ပေါ့ လို့ပြောနေမယ့် လစာနဲ့ထိုက်တန်တဲ့ အရည်းချင်းတွေ ရှိဖို့ လိုအပ်တဲ့ Skill တွေဖြည်ဖို့ Day One ဆိုပြီးစသင့်ပြီ။

Application တွေ Website တွေသူများတွေ ရေးထားတာ Developer အနေနဲ့ Code တွေ ရေးနေတာတွေ ကြည့်ပြီး ငါလဲ One Day ပေါ့ကွာလို့ပြောနေတာ ရပ်ပြီး HeinLearn မှာသင်တန်းအပ်ပြီး Day One Learning For Web Developer၊ Day One learning for Programming Fundamental ဆိုပြီးစလိုက်ပါ။

ခင်ဗျားတို့လိုချင်တာတွေ ဖြစ်ချင်တာတွေ ခင်ဗျားတို့ရဲ့ ရည်ရွယ်ချင်ပန်းတိုင်တွေ ကို တကယ်ဖြစ်မြောက်အောင် တကယ်ရအောင် လုပ်ပေးမှာက One Day မဟုတ်ဘူး Day One ကနေပဲလုပ်ပေးမှာ။
One Day ပေါ့ လို့ပြောပြီး ဘယ်လောက်ထိ ယောင်ဝါးဝါးလုပ်နေအုန်းမှာလဲ။

တောင်ထိပ်ရောက်ဖို့ ပထမခြေလှမ်းကနေ စရတယ်။
ကျွန်တော်တို့ရဲ့ ရည်ရွယ်ချက်ပန်းတိုင်တွေ အတွက် Day One ကနေစရတယ်။

One Day ပဲပြောပြီး
Day One မစသ၍
ခင်ဗျားတို့ဖြစ်ချင်တာတွေ ဝေးနေအုန်းမှာပဲ။
ခင်ဗျားတို့လိုချင်တာတွေ လှမ်းကွာနေအုန်းမှာပဲ။
ခင်ဗျားတို့ရည်ရွယ်ချင်ပန်းတိုင်တွေ ဝေဝါးနေအုန်းမှာပဲ။

One Day လိုပဲပြောနေအုန်းမလား
Day One ဆိုပြီး စလုပ်မလားဆိုတာတော့
ခင်ဗျားကိုယ်တိုင်ပဲ ဆုံးဖြက်ရမှာပါ။

Hein - Just Sharing
1June2k24

31/05/2024

Life is building. ပဲ
ဘဝဆိုတာတည်ဆောက်ခြင်း လို့ခံယူတယ်
ကိုယ်လိုချင်တဲ့ ဘဝ ကိုယ်လိုချင်တဲ့ပုံစံ
ကိုယ်ဖြစ်ချင်တာ ကိုယ်လိုချင်တာ
ကိုယ်ရည်ရွယ်ထားတဲ့ပန်းတိုင် ဒါတွေကို
ကိုယ်ကိုယ်တိုက်ပဲ တည်ဆောက်ယူရမှာ
ဘယ်သူမှလာမကယ်ဘူး
ဘယ်သူမှ လာမကူဘူး
ကိုယ့်ဘဝမှာ ကိုက Hero ပဲ ကိုယ့်လူ
ဘယ်ကယ်တင်ရှင်မှလာ မကယ်ဘူး
စိတ်ဓာတ်မကျနဲ့
ဇွဲ့လျှော့နဲ့
လက်မလျှော့နဲ့
လုံ့လဝီရိယ ထား
စိတ်ရှည် သည်းခံ
ဉာဏ်နဲ့ယှဉ်ပြီး ကြိုးစား
ပညာကို ရတဲ့နေရာမှာယူ
လိုတဲ့နေရာမှာသုံး

သုံးမိနစ်နဲ့ အသင့်စားလို့ရရအောင်
ဘဝက မားမား ခေါက်ဆွဲ မဟုတ်ဘူး ကိုယ့်လူတို့

Hein - Just Sharing
31May2k24

30/05/2024

အရာရာ သိသိသာသာ ဈေးတက်နေချိန်
ဈေးမတက်တဲ့အရာတွေကတော့ ပညာရပ်တွေပဲ

Recording သင်တန်းတစ်ခုဟာ
သောင်းဂဏန်းပဲရှိတယ်
Professional သင်တန်းပဲဖြစ်ဖြစ်
ဘာသာစကား သင်တန်းပဲဖြစ်ဖြစ်

Zoom Live သင်တန်းတစ်ခုဟာ
အချိန် လူအင်အား အချိန်ပြည့် စိုက်ထုတ်ရတဲ့သင်တန်းတွေတောင် သုံးသိန်း ပတ်ချာလည်ပဲရှိတယ်

နယ်ပယ်ပေါ်မူတည်ပြီး
အမျိုးမျိုးရှိကြပေမယ့် ယေဘုယျအားဖြင့်
ဈေးအဆမတန်တက်လာတယ်လို့ ပြောလို့မရသေးဘူး

ကိုယ်သာ Self-Study အားကောင်းတယ်ဆို
Recording သင်တန်းတွေဟာ အင်မတန်
ဈေးချိုသေးတယ် လို့ပြောလို့ရတယ်

အငယ်တွေအနေနဲ့
အင်တာနက်သုံးလို့ရနေတယ်ဆိုရင်
ထိုင်စိတ်ညစ်နေတာ
ပတ်ပြီးအပြစ်တင်နေတာဟာ အဖြေမဟုတ်ဘူး
တစ်ခုခုကို လေ့လာ နေခြင်းကသာ အဖြေဖြစ်တယ်
ငါတို့မှာတစ်ခြားရွေးစရာများများစားစားမရှိဘူး

ဘာတွေလေ့လာသင့်လဲဆို
ဘာသာစကား တစ်ခု ကိုတစ်စိုက်မတ်မတ်လေ့လာစေချင်တယ်
အသက်မွေးဝမ်းကြောင်း ပညာရပ်တစ်ခုခုကို တစ်စိုက်မတ်မတ် လေ့လာစေချင်တယ်

စိတ်ညစ်တိုင်းလေ့လာ
လေ့လာရင်အဖြေတွေ့လိမ့်မယ်

Hein - Just Sharing
30May2k24

29/05/2024

ကျွန်တောတို့တွေ ဘယ်လိုပဲတိုးတက်ပြောင်းလဲ နေပါစေ ကိုယ့်ကိုယ်ကိုယ်ကျေနပ်အားရမှု မရှိကြပါဘူး။
သင်တန်းမတက်နိုင်ခင်က သင်တန်းတက်နိုင်ဖို့ သင်တန်းတက်နိုင်ပြီးရင် အလုပ်ရဖို့ အလုပ်ရပြီးရင် လစာကောင်းဖို့ ရထူးတိုးဖို့ နိုင်ငံခြားသွားဖို့နဲ့ ပြီးဆုံးတယ်မရှိသော မျှော်လင့်ချက်တွေနဲ့ မပျော်နိုင် မရွှင်နိုင်ဖြစ်နေကြရပါတယ်။ ဒါဟာလဲလူတိုင်းပါပဲ။ ပိုင်ကောင်းတဲဘဝကိုပိုင်ဆိုင်ရလေ မျှော်လင့်ချက်ကလဲ ကိုကိုကြီးမြင့်လေပဲ မဟုတ်လား။ ဒီတော့ ကိုယ်စိတ်တိုင်းကျတဲ့ ဘဝဆိုတဲ့ လိုက်လေဝေးလေ ဖြစ်နေပါတက်တယ်။

“ပျော်ရွှင်ဖို့ မထမဆုံးစည်းမျဉ်းက မျှော်လင့်ချက်နည်းနည်းထားဖို့ပါပဲ” ဒါကို အသက် ၉၉နှစ်ထိနေခဲ့ရတဲ့ ချာလီမန်ဂါက ပြောခဲ့တာပါ။
ဒီတော့ ပျော်ရွင်ဖို့ဆိုရင် မျှော်လင့်ချက်တွေကို ထိန်းဖိုလိုပါတယ်။ မျှော်လင့်ချက်တွေကိုထိန်းဖို့ဆိုတာ အပြောလွယ်သလောက် လုပ်ရခတ်ပါတယ်။
ဒါပေမယ့် ဒီသုံးချက်လေးလိုက်လုပ်ကြည့်ပါ။ အရင်ကထက် ဘဝမှာပျော်ရွှင်လာပါလိမ့်မယ်။

၁။ တခြားသူတွေနှိုင်းယှဉ်တာတွေလုပ်တာလျှော့ပါ။
သူများပြီးပြီးသာ ပန်းချီကားနဲ့ ကိုယ်ခုမှစတဲ့ ပန်းချီကားကို နှိုင်းယှဉ်တာမျိုးတွေ လုပ်မိတဲ့အခါ ကိုယ့်ရဲ့ အကြည်ဓာတ်တွေ ပျောက်သွားတယ်။ လုပ်လက်စတွေမှားနေပြီလားဖြစ်သွားမယ်။ ကိုယ့်ကိုယ်ကိုယ်အားမရတာကနေ လုပ်လက်စတွေထိခိုက်လာမယ်။ ရလဒ်တွေပါမကောင်းဖြစ်သွားမယ်။

၂။ မဖြစ်နိုင်တာကို လိုချင်နေတာထက် ရှိတာကို အသုံးချတက်ဖို့ လိုပါတယ်။ ရောင့်ရဲတယ်လို့ပြေလဲမမှားဘူး
တစ်ခုခုလေ့လာဖို့ ဖုန်းရှိမှ အင်တာနက်ရှိမှ လက်တော့ရှိမှ ဆိုတာမျိုးထက်ရှိနေတဲ့ အရင်းမြစ်တွေကို အသုံးချလို့ရတယ်။ ရှိရင်ပိုကောင်းတာမှန်တယ် ဒါပေမယ့် လက်တလောမဖြစ်နိုင်သေးတဲ့အခါ ရှိတာကို အသုံးချရင်းလုပ်နေဖို့လိုအပ်တယ်
လက်ထဲက ဖုန်းလေအဆင်ပြေနေပေမယ့် ဖုန်းအသစ်ထွက်တဲ့အခါ လိုချင်တာမျိုး။ မဖြစ်နိုင်သေးတဲ့ ရောင့်ရဲတက်ဖို့လိုတယ်။

၃။ ချမ်းသာ အောင်မြင်တာနဲ့ ဂုဏ်ပကာသန တွေက မျှော်မှန်းထားသလောက် ပျော်ရွှင်မှုမပေးနိုင်တာဘူးဆိုတာသတိထားပါ။
ချမ်းသာအောင် မလုပ်ရဘူး အောင်မြင်အောင် မလုပ်ရဘူးဆိုတာမျိုးပြောတာမဟုတ်ဘူး။ ချမ်းသာအောင် အောင်မြင်အောင် လုပ်ရင်းလဲ ပျော်တက်ဖို့ပြောတာပါ။
ကိုယ့်ချစ်သူချစ်သူ ဇနီးမယား မိသားစု စတဲ့သူတို့အပေါ်မှာ ကိုယ်က အထက်စီးက ဆက်ဆံတာ လေးစားမှု ကြင်နာမှု ဂရုစိုက်မှုမရှိလို့ အဆင်မပြေဘူးဆိုရင် ဒီအကျင့်တွေကို မပြင်ဘူးဆိုရင် ချမ်းသာသည်ဖြစ်စေ အောင်မြင်သည်ဖြစ် စေ ပျော်ရွှင်မှုအစ်ကို ရမှာမဟုတ်ပါဘူး

Hein - Just Sharing
29May2k24

28/05/2024

ကိုယ်နဲ့ကိုက်ညီတဲ့ ကိုယ်ပိုင်လုပ်ငန်းလုပ်ဖို့ အိုင်ဒီယာကိုဘယ်ကရှာကြမလဲ

1. ကိုယ်ဘာလုပ်တက်လဲ ဘာကျွမ်းလဲ ကိုယ့်ကိုကိုယ်ပြန်မေး။ သိရင်အဲ့ဒါနဲ့စလို့ရပြီ အဲ့ဒါနဲ့ ဝင်ငွေဝင်အောင်လုပ်လို့ရပြီ
2. ကိုယ့်မှာ မိသားစုလုပ်ငန်းရှိရင် အဲ့လုပ်ငန်းမှဝင်လုပ်ပြီး သိဖို့တက်ဖို့ လိုအပ်တာတွေကိုလေ့လာပြီးရင်။ ပြီးရင်လုပ်ငန်းခွဲပြီး လုပ်ငန်းတစ်ခုစနိုင်တယ်။
3. ဝန်ထမ်းဆိုရင် ကိုယ်လက်ရှိလုပ်နေတဲ့ ကုမ္ပဏီကိုကြည့်။ သူတို့မလုပ်တဲ့အရာ ဝန်ဆောင်မှုတွေက ဘာတွေလဲ ဒါတွေလေ့လာကြည့်။ သိပြီဆိုရင် အဲ့ဒါနဲ့လဲ လုပ်ငန်းတစ်ခုစလို့ရတယ်။
4. ကိုယ်လုပ်နေတဲ့ ကုမ္ပဏီက မအောင်မြင်တဲ့ ပယ်ချလိုက်တဲ့ အကြံဉာဏ်တွေကို ကြည့်ပြီး မတူတဲ့ ပုံစံနဲ့ ကိုယ်လုပ်နိုင်မယ်ဆိုရင်လဲ လုပ်ငန်းတစ်ခုစလို့ရတယ်။
5. အလုပ်တစ်ခုကိုကြည့်ပြီး သူတို့ထက်သာအောင် ကိုယ်ဘာလုပ်နိုင်လဲ ဘာဝန်ဆောင်မှုပေးနိုင်လဲ လေ့လာစမ်းစစ်ပြီးသူတို့နဲ့ ပိုထူခြားတဲ့ အတွေးရှိရင်လဲ လုပ်ငန်းတစ်ခုစလို့ရတယ်။
6. ငယ်ငယ်က ကျောင်းသားဘဝတုန်းက ကိုယ်လုပ်ချင်ခဲ့တဲ့ စိတ်ကူးယဉ်ခဲ့တဲ့ အကြံဉာဏ်တွေကို အကောင်ထည်ဖော်ကြည့်ပါ။

Hein - Just Sharing
28May2k24

27/05/2024

ကျွန်တော် လမ်းပျောက်နေတဲ့အခါ မျှော်လင့်ချက်တွေမယ့်နေတဲ့အခါ ဘယ်သူ့ကို အားကိုရမယ်မှန်းမသိ ခိုကိုးရာမဲ့နေတဲ့အခါ စတဲ့အခါမျိုးတွေမှာ ကျွန်တော်လုပ်ဖြစ်တာတွေကတော့

၁။ စာအုပ်ဖတ်တယ်

အထူးသဖြင့် ကျွန်တော်ကတော့ ရသစာအုပ်တွေဖတ်တယ်။ ဝတ္ထုတွေပေါ့။ အဲ့ဒီထဲမှာ အခြေနေပေါင်းစုံကို ပုံစံမျိုးစုံနဲ့သိခွင့်ရတယ်။ ဇာတ်လိုက် ဘာလို့တော်လဲ တော်ဖို့ ဘယ်လိုကြိုးစားခဲ့လဲ ဆိုတာတွေ သူရဲ့ ဘယ်လိုစိတ်ထားတွေ ဘယ်လို ခံယူချက်တွေက လူချစ်လူခင်များစေတာလဲ သူ့ရဲ့အကြင်နာတရားတွေ စတဲ့ ကောင်းတာတွေလေ့လာရသလို ဗီလိန်ဆိုရင်လဲ ဘာကြောင့် ဗီလိန်ဖြစ်သွားခဲ့ရတယ်ဆိုတာတွေ ဘယ်လိုဆင်ခြင်ရမယ်ဆိုတာတွေ ဒါတွေကို သိခွင့်ရတယ်။ ဇာတ်ပို့ ဇာတ်ရံတွေရဲ့ အကြောင်းတွေ မိသားစုတွေအကြောင်း သူငယ်ချင်းစိတ်ထားတွေအကြောင်း စတဲ့ လူတွေရဲ့ စရိုက်လက္ခဏာတွေ ကို ရသစာပေတွေထဲကနေ လေ့လာခွင့်ရတယ်။ ဒီစာအုပ်တွေထဲကပဲ အားကျရတာတွေရှိတယ် အားတက်ရတာတွေရှိတယ် အတုယူရတာတွေရှိတယ် ဝမ်းနည်းရတာတွေရှိတယ် ပီတိဖြစ်ရတာတွေရှိတယ်။

စိတ်နေစိတ်ထားနဲ့ပတ်သက်တဲ့စာတွေ Personal Development နဲ့ဆိုင်တာတွေ Self-help motivation စတာတွေအစုံပါပဲ ကိုယ်နဲ့ အဆင်ပြေတာတွေ ကိုစိတ်နဲ့ တိုက်ဆိုင်တာတွေဖတ်ဖြစ်တယ်။

၂။ Audio book တွေနားထောင်တယ်၊ စာပေဟောပြောပွဲတွေနား ထောင်တယ်။

သူကလဲ စာဖတ်ခြင်းတစ်မျိုးပါပဲ တစ်ခုခုလုပ်နေတဲ့အခါမျိုးတွေမှာ တခြားကို စိတ်အာရုံလွှင့်မသွားအောင် မကောင်းတဲ့ အတွေးတွေ ဝင်မလာအောင် Audio book တွေ စာပေဟောပြောပွဲတွေ ဖွင့်ပြီး နားထောင်ဖြစ်တယ်။

၃။ စကားပြောတယ်

ကိုယ့်ထက်အဆင်ပြေနေတဲ့သူတွေ ပျော်နေတဲ့သူတွေ တက်ကြွနေတဲ့သူတွေ ကိုယ့်ထက်သာတဲ့သူတွေနဲ့ စကားပြောတယ်။ အတုယူစရာတွေရှိယူတယ်။

ကိုယ်လိုလူတွေနဲ့ပြောတယ်။ ကိုယ်ဘာမှားနေလဲ သင်ခန်းစာယူတယ် ဘာတွေပြင်ရမလဲ ကို့ကိုယ်ကို သိလာတယ်လို့ခံစားရတယ်။ အချင်းချင်းဖေးမစကားတွေက အားရှိရတယ်။

ကိုယ်လောက်မှ အဆင်မပြေတဲ့သူတွေနဲ့ပြောတယ်။ လိုအပ်တာရှိရင်ကူညီတယ်။ အားပေးစကားတွေပြောတယ် အကြံဉာဏ်တွေပေးတယ်။ စာနာဖေးမကူညီရတော့ ကို့ကိုယ်ကို တန်ဖိုးရှိသေးတယ်လို့ ခံစားရတယ်။

ကိုယ့်ထက်အတွေ့ကြုံရင့်တဲ့သူတွေ ဘဝတွေကိုဖြက်သန်းလာကြတဲ့ အသက်ကြီးတဲ့သူတွေနဲ့ပြောတယ်။ သူတို့တွေ မှားခဲ့တဲ့အမှားတွေကနေ သင်ခန်းစားရသလို အတူယူဖွယ်တွေလဲ အများကြီးရတယ်။

၄။ စာရေးတယ်၊ မျှဝေတယ်။

ကိုယ်ခံစားရတာတွေရေးဖြစ်သလို။ ကိုယ်သိလိုက်တဲ့ အသိတရားတွေ ကိုယ်တက်လိုက်တဲ့ အတက်ပညာတွေ ဒါတွေကိုမျှဝေဖြစ်တယ်။

ကိုယ့်ခံ ယူချက်တွေကို မျှဝေဖြစ်တယ်။

၅။ အလုပ်လုပ်တယ်။

အားမနေအောင် အလုပ်တွေလုပ်တယ်။ အလုပ်လုပ်တဲ့အတွက် Task တစ်ခုပြီးတိုင် Achievement ရတယ်။ အဲ့ Achievement ကနေ ကိုယ့်ကိုကိုယ် စိတ်ကျေနပ်မှုရစေတယ်။ နေပျော်စေတယ်။ ပိုက်ဆံလဲရတယ်။

ကျွန်လဲ အားလုံးကိုတစ်ပြိုင်တည်း မလုပ်နိုင်ပါဘူး။ စိတ်ဓာတ်ကျတဲ့အခါ လမ်းပျောက်တဲ့အခါ စိတ်ညစ်တဲ့အခါ ဘဝကနေမပျော်လာတဲ့အခါ ဒါမျိုးတွေ ဖြစ်ရင် လုပ်ဖြစ်တဲ့အရာလေးတွေကို မျှဝေတဲ့သဘောပါ။ အကျိုးတစ်စုံတစ် အထောက်အကူဖြစ်ခဲ့ရင်ပဲ ကျေနပ်မိပါတယ်ဗျာ။

Hein - Just Sharing
27May2k24

26/05/2024

ကျွန်တော်တို့တွေဟာ အလုပ်တွေမနိုင်နင်း ဖြစ်လာတဲ့ အခါ အလုပ်ကို ပိုကျွမ်းကျင်အောင် ကြိုးစားကြတယ်။ ပြီးတော့ အချိန်ကို စီမံခန့်ခွဲနိုင်အောင် ကြိုးစားကြတယ်။

ဒါဟာမကောင်းဘူးလားဆို ကောင်းပါတယ်။ ဒါပေမယ့် အဲ့ဒါရဲ့နောက်မှာ ထောင်ချောက်တစ်ခုရှိနေပါတယ်။ The efficiency trap လို့ခေါတဲ့ ကျွမ်းကျင်မှုထောင်ချောက်ပါ။

ပိုကျွမ်းကျင်လေလေ ပိုခိုင်းခံရလေဆိုတာမျိုးပါ။
မီတင်စီမံတာ ပိုကျွမ်းလေလေ မီတင်လုပ်တိုင်းကိုယ်စီမံရလေပေါ
Presentation file ပြင်တာကောင်းရင် presentation file ပြင်တာခိုင်းခံရလေ ဆိုတာမျိုးပေါ့

ကိုယ်ကတော့ အလုပ်တွေပိနေလို့ ကျွမ်းကျင်ပိုင်နိုင်အောင် မြန်အောင် အချိန်စီမံနိုင်အောင် လုပ်ပါမှ အလားတူအလုပ်တွေက ပိုများလာတာမျိုး ဖြစ်တက်ပါတယ်။ အဲ့တော့ အလုပ်တွေပုံသွားတာ လျှော့သွားလားဆိုတတော့ မလျှော့သွားပဲ တာဝန်ယူရတာ ပိုများလာပါတယ်။ အဲ့တော့ ကိုယ့်အတွက် အချိန်ပေးဖို့ကိုနည်းလာပါတယ်။

Skills အသစ်အတွက် သင်တန်းတက်ဖို့ ဘာသာစကားအသစ်လေ့လာဖို့ ကိုယ်ဝါသနာပါတာ လုပ်ဖို့ စတဲ့ ကိုယ့်အတွက် အချိန်တွေ နည်းလာပြီး ပိုကျွမ်းလေ ပိုခိုင်းခံရလေ ဆိုတာမျိုးဖြစ်တက်ပါတယ်။

အဲ့လိုမဖြစ်ဖို့ ဆိုရင် ကိုယ်ကျွမ်းကျင်ချင်တဲ့အပိုင်းကဘယ်အပိုင်းလဲဆိုတာ သိဖို့လိုပါတယ်။
အားလုံးဟာ အကုန်ကျွမ်းလေ မိုက်လေဆိုပြီးထင်တက်ကြပါတယ်။
အဲ့လိုမဟုတ်ဘဲ ကိုယ်ကျွမ်းကျင်ချင်တာများလေ ပိုခိုင်းခံရလေဖြစ်ပြီး ကိုယ်ဟာ အလုပ်မှာ ဘက်စုံဖွံ့ဖြိုးတိုးတက်သော တောက်တိုမယ်ရ ဖြစ်လာတက်ပါတယ်။
အဲ့အတွက် ကိုယ်တကယ်ပိုင်နိုင်ကျွမ်းကျင်ပြီး ကိုယ်လုပ်ချင်တဲ့ တကယ့်နယ်ပယ်ကိုပဲဉီးစားပေး ကျွမ်းအောင်လုပ်ဖို့လိုပါတယ်။

ကိုယ်အားတဲ့အခါ No လို့ပြောလို့ရသလို
ကိုယ်မကျွမ်းကျင်ရင်လဲ No လို့ပြောလို့ရပါတယ်။
ဒါမှသာကိုယ်ကိုယ်ကိုယ် အချိန်ပေးနိုင်ပြီး ကိုယ့်လုပ်ချင်တာတွေ ကိုယ့်တိုးတက်ရေးအတွက်ပြင်ဆင်သင့်တာတွေ ဒါတွေကို အချိန်ပေးလိုပ်ပေးနိုင်မှာ ဖြစ်ပါတယ်။

Hein - Jus Sharing
26May2k24

25/05/2024

ကျွန်တော်တို့ လောကဆိုတဲ့ ပင်လယ်ကြီးထဲမှာ

ဘဝဆိုတဲ့ လှေကိုလှော်နေတဲ့အခါ

ဒုက္ခဆိုတဲ့မုန်တိုင်းကတော့ တိုက်မှာပဲ

ကျွန်တော်တို့က ဒုက္ခဆိုတဲ့ မုန်းတိုင်းကို

မတိုက်အောင် တားလို့မရဘူး

အဲ့တော့ ကျွန်တော်တို့ရဲ့ ဘဝလှေကိုပဲ

မမှောက်အောင် ပဲထိန်းရမယ်

လှေမမှောက်ဖို့ လိုအပ်တဲ့

အသိပညာ ဗဟုသုတတွေ စည်းပူးရမယ်

လောကဓံ လှိုင်းလုံးတွေကြားမှာ

ဘဝဆိုတဲ့ လှေကလေး လူးမယ့် လွန့်မယ်

ဒါပေမယ့် မတိန်းမှောက်ဖို့ကတော့

မိမိမှာသာ တာဝန်ရှိတယ်

Hein - Just Sharing
25May2k24

24/05/2024

Slow slow go

သူငယ်ချင်းနှစ်ယောက်
အလုပ်အတူတူ လျှောက်တယ်
လစာ တစ်သိန်းခွဲ နည်းလို့
တစ်ယောက်က မလုပ်ဘူး
တစ်နှစ်ခွဲ နှစ်နှစ်ကြာတဲ့အခါ
လုပ်တဲ့သူငယ်ချင်းက
လစာ ငါးသိန်းအထက်ရနေပြီ
မလုပ်တဲ့သူက CV တင်လို့ကောင်းတုန်း
အလုပ်လဲ မရှိသလို လစာလဲ မရှိဘူး

JLPT ဖြေရင် နှစ်တွေကြာမှာမို့မလုပ်ဘူး
လုပ်တဲ့သူက တစ်နှစ်ခွဲနဲ့ N3 အောင်လို့
ဂျပန်သွားဖို့ပြင်နေပြီ
မလုပ်တဲ့သူက ယောင်ပေပေပဲ

သင်တန်းမှန်မှန်တက်ပြီး
သင်တန်းပြီးသွားတော့
အလုပ်ရှာဖို့လုပ်နေပြီ
သင်တန်းကလဲကြာလိုက်တာ ခတ်လိုက်တာ
ဆိုတဲ့သူက သူများအလုပ်ရတော့တောင်မှ
သင်တန်းအပ်ပြီး ပျက်လိုက်အပ်လိုက်ဖြစ်နေတုန်း

Slow slow go ဆိုတာ ဖြေးဖြေးသွား
ဆိုတာကို လူငယ်တွေကြား
အင်္ဂလိပ်စာနဲ့ပတ်သက်ပြီး စနောက်ကြတဲ့
စကားလေးပါ ဒါပေမယ့် ခေါ်လို့ကောင်းတယ်

ကျွန်တော်တွေဟာ
ကိုယ်လိုချင်တဲ့ ပန်းတိုင်ရောက်ဖို့
ကိုယ်လိုချင်တာအရယူနိုင်ဖို့
ကိုယ်လိုချင်တဲ့ဘဝ
ကိုယ်တိုင်တည်ဆောက်နဲ့ဖို့ဆိုရင်
Slow slow go နေဖို့လိုအပ်ပါတယ်။

လူငယ်အားလုံး
ဖြေးဖြေးပုံမှန်အောင်ပွဲခံနိုင်ကြပါစေဗျာ

Hein - Just Sharing
24May2k24

23/05/2024

ဘဝရဲ့ အခတ်ခဲဆုံး နှစ်မိနစ်

စာလုပ်တဲ့အခါ အခတ်ခဲဆုံးက
စာမဟုတ်ဘူး စာထက်ခတ်တာက
စာစလုပ်ဖြစ်ဖို့ ပထမဆုံး ၂ မိနစ်ပဲ

အလုပ်လုပ်တဲ့အခါ အခတ်ခဲဆုံးက
အလုပ်မဟုတ်ဘူး အလုပ်ထက်ခတ်တာက
အလုပ်စလုပ်ဖြစ်ဖို့ ပထမဆုံး ၂ မိနစ်ပဲ

Gym ဆော့အခါ အခတ်ခဲဆုံးက
Gym မှာအလေးများများ
မတာ ကာရီရိုဆော့တာ မဟုတ်ဘူး
Gym စဆော့ဖြစ်ဖို့ ပထမဆုံး ၂ မိနစ်

စာဖတ်ဖို့ သင်တန်းJoinဖို့
စာလေ့လာဖို့ စတဲ့စတဲ့အရာတွေလုပ်ဖြစ်ဖို့
အခတ်ခဲဆုံးက စလုပ်ဖြစ်ဖို့ ပထမဆုံး ၂ မိနစ်ပဲ

ဒီ ၂ မိနှစ်သာ စလုပ်ဖြစ်သွားမယ်ဆို
ကျန်တာတွေဟာ အလိုလိုလွယ်သွားလိမ့်မယ်

Hein - Just Sharing
23May2k24

22/05/2024

အချိန်စွဲတက်တာ ဒီနှစ်ခုကြောင့်ဖြစ်နိုင်တယ်

ပထမတစ်ခုက ပြီးပြည့်စုံချင်တဲ့စိတ်
ဉပမာ စာကြည့်ရင်အမှတ်အများဆုံးဆိုတာမျိုးတွေ။ အလုပ်လုပ်ရင် သူမတူ ရလဒ်တွေရဖို့ဆိုတာမျိုးတွေ ကိုအရင်တွေးပြီး လုပ်တက်ကြတယ်။ တကယ်လုပ်ကြည့်တော့ ထင်သလိုဖြစ်မလာ စိတ်ညစ် မလုပ်ချင် နဲ့ ဝေ့နေရော့ပဲ။ အချိန်ကပ်လာမှ အသည်းအသန် ခဲမှန်လုပ်တော့ ထွက်လာတဲ ရလဒ်ကလဲ ထူးမနေတော့ဘူး။ အဲ့တော့ ပြီးပြည့်စုံချင်တဲ့စိတ်ပေါ်လာပြီဆို အချိန်ဆွဲဖို့လမ်းစပဲလို့ တွေးပြီး အလုပ်ပြီးဖို့ အလုပ်ဖြစ်ဖို့ကို အာရုံစိုက်လိုက်ပါ။

ဒုတိယတစ်ခုက အမှားမခံချင်တဲ့စိတ်
အလုပ်လုပ်တဲ့အခါ ငါမှားသွားရင်ဘယ်လိုလုပ်မလဲ စာကြည့်ရင်လဲ ငါစာမေးပွဲမအောင်ရင်ဘယ်လိုလုပ်မလဲ စတဲ့ မှားမျာ ဖြစ်မလာမှာကိုစိုးတဲ့စိတ်ကလဲ အချိန်စွဲဖို့တွေဖြစ်လာတယ်။ မှားတဲ့အခါလဲရှိမယ် မှားတဲ့အခါပြင်ပြီး မှန်တဲ့အခါလဲ ဆက်လုပ်ဖို့ပါပါဲ။

ဒီစိတ်နှစ်ခုကို အဓိကမထားပဲ
အလုပ် လုပ်ဖြစ်ဖို့ကို အဓိကထားရင်
အလုပ်ပြီးဖို့ကို အဓိကထားရင်
အချိန်စွဲပြီး ဝေ့တက်တဲ့အကျင့်ပါ ပျောက်သွားလိမ့်မယ်

Hein - Just Sharing
22May2k24

21/05/2024

တစ်နေ့လုံးအဓိပ္ပာယ်မဲ့ ဖုန်းသုံးနေပြီး အိပ်ယာဝင်ခါနည်းမှာ အဲ့အချိန်စာကြည့်ခဲ့ရင်ကောင်းမှာ။ အလုပ်အတွက် လိုအပ်တာပြင်ဆင်ခဲ့ရင်ကောင့်မှာ။ ကိုယ့်အတွက်အကျိုးရှိတာလုပ်ခဲ့ရင်ကောင်းမှာဆိုပြီး နောင်တရဘူးလား။ အဲ့အချိန်သာ ဂိမ်းမဆော့ခဲ့ရင်ဆိုပြီးဖြစ်ဘူးလား။ ဒါဟာစိတ်အလိုလိုက်ပြီး ပြစ်စလက်ခတ်နေမိလို့ပါ။ အဲ့အတွက်နည်းလမ်းကတော့ အရေးကြီးတာကို အရင်လုပ်ပြီးမှာ တခြားဟာကိုလုပ်တာမျိုး လေ့ကျင့်ကြည့်ပါ။ စာတစ်ပုဒ်ရရင် ဂိမ်းတစ်ပွဲဆော့မယ်။ သင်တန်းတက်ပြီးမှ Facebook သုံးမယ်စသဖြင့်ပါ။ အရေးကြီးတာကို အရင် လုပ်ပြီးမှ တခြားအရာကိုလုပ်တာမျိုးပါ။
နောက်တစ်ခုရှိပါသေးတယ်။ အလုပ်ရှုပ်တာနဲ့ အလုပ်ပြီးတာ ဒါဟာမတူပါဘူး။ တချို့တွေက အလုပ်ရှုပ်နေပြီး ဘာမှမယ်မယ်ရရပြီးမြှောက်တာမျိုးမရှိဘူး။ Result ပြစရာမရှိဘူး။ မရောင်ရာဆီလူးနေတက်ပါတယ်။ အလုပ်ရှုပ်နေတာထက် အလုပ်ပြီးတာကအရေးကြီးပါတယ်။ အလုပ်ပြီးမြှောက်မှုမရှိရင် ကိုယ်ကိုယ်တိုင်လဲ တိုးတက်မှာမဟုတ်ပါဘူး။
ဘာသာစကားသုံးမျိုးလောက်ကို တချိန်ထဲလေ့လာနေတယ်။ တစ်နှစ်တာကုန်သွားတယ် ဘယ်ဘာသာစကားမှ ကောင်းကောင်းမတက်ဖြစ်နေတက်တယ်။ ဒါဟာ အကုန်အရေးကြီးတယ်ယူဆပြီး လျှောက်လုပ်နေလို့။ တကယ်က ကိုယ်လက်ရှိအသုံးဝင်တာကို ဉီးစားပေးပြီး ထိထိရောက်ရောက်အရင်လေ့လာရမှာ။ ဒါမှထိရောက်တဲ့လေ့လာမှုရမှာဖြစ်သလို Result လဲထွက်မျာ။
အရေးကြီးတာတွေ အရာပေးမှ အရာရောက်သူဖြစ်မှာပါ။

Hein - Just Sharing
21May2k24

20/05/2024

Activate Your Positivity

အကောင်းမြင်စိတ်ကို ဒီသုံးချက်နဲ့ Activate လုပ်ကြည့်နိုင်တယ်။ အကောင်းမြင်စိတ်ရှိရင် စိတ်ဖိစီးမှုတွေ စိတ်ပင်ပန်းမှုတွေ စိတ်အားငယ်မှုတွေ ကိုလျော့နည်းစေတယ်။ ပိုပျောတဲ့လူတစ်ယောက် ဖြစ်လာစေနိုင်တယ်။ ပေါင်းသင်းဆက်ဆံရေးကောင်းသူဖြစ်လာသလို လုပ်ငန်းခွင်မှာလဲ စွမ်းဆောင်ရည်ပိုမြင့်တဲသူဖြစ်လာနိုင်တယ်။ အကောင်းမြင်စိတ်ရှိတဲ့သူတွေဟာ နုပျိုလန်းဆန်းပြီး အသက်ပိုရှည်ကြတယ်။ ဒါကြောင့် အကောင်းမြင်စိတ် ပိုမြင့်လာအောင် ဒီသုံးချက်လေးကိုပဲ အရင်စလုပ်ကြည့်စေချင်တယ်။

၁။ ကောင်းတဲ့အရာတွေကိုအာရုံစိုက်တာ
ကိုယ့်ဘဝမှာ ဖြစ်ပျက်ကြုံခဲ့ရတဲ့ ကောင်းတဲ့အရာတွေကို အာရုံစိုက်ခြင်းနဲ့ အကောင်းမြင်စိတ်ပိုဖြစ်လာမယ်။ ဘယ်လောက်ပဲသေးငယ်တဲ့ ကောင်းတဲ့အရာဖြစ်ပါစေ ဒါကို အာရုံစိုက်လိုက်တာနဲ့ အကောင်းမြင်တဲ့စိတ်တိုးလာမယ်

၂။ ကျေးဇူးတင်တက်အောင်လေ့ကျင့်တာ
ကိုယ့်နေ့စဉ်အဆင်ပြေအောင် ကူညီပေးနေသူတွေ ဆုံးမစကား ပြောပေးသူတွေ နည်းပေးလမ်းပြပေးသူတွေ စသတဲ့ ကျေးဇူးတင်သင့်တဲ့သူတွေကို ကျေးဇူးတင်စကားပြောတာ ဒါမှမဟုတ်လဲ နေ့စဉ်ကျေးဇူးတင်ရမယ့်သူတွေကို ချရေးတာမျိုး လုပ်တာကလဲ အကောင်းမြင်စိတ်ပိုတိုးစေတယ် ပိုဖြစ်စေတယ်

၃။ အဆိုးမြင်တာတွေကို လွှတ်ချတာ
ကိုယ်ကိုယ်ကိုယ် ငါမလုပ်နိုင်ဘူး ငါကညံ့တယ် ငါက သူများလိုမတော်ဘူး စတဲ့စတဲ့ အဆိုးမြင်စကားပြောတာတွေ ရှောင်သင့်တယ်။ အဆိုးမြင်တဲ့ အတွေးတွေကိုလဲ အကောင်းမြင်တဲ့အတွေးတွေနဲ့ အစားထိုးထားရမယ်။

ဒီသုံးချက်နဲ့ ကိုယ့်ရဲ့အကောင်းမြင်စိတ်ကို တိုးပွားအောင်လုပ်လို့ရတယ်။

Hein - Just Sharing
20May2k24

19/05/2024

ဆင်ခြေပေးတဲ့ ပါးစပ် ထမင်းငတ်တတ်တယ် တဲ့

တစ်ခုခုဆို ဆင်ခြေ ပဲရှာနေတက်ကြတယ်

ကိုယ့်လုပ်ရမယ့် အလုပ် သက်မှတ်ထားတဲ့ အချိန်

မပြီးရင် ဘာဖြစ်လို ညာဖြစ်လို့ ဆိုပြီး

ဆင်ခြေပေးတဲ့လမ်းကိုပဲ ရွေးကြတယ်

တာဝန်ယူမှု တာဝန်ခံမှု လမ်းကိုမရွေးကြဘူး

ကိုယ်လုပ်ရမယ့်အရာတွေအပေါ်မှာ

တာဝန်ယူမှု တာဝန်ခံမှု ရှိသူတွေဟာ

ပိုယုံကြည်ခံရတယ် ပိုအားကိုးခံရတယ်

အလုပ်တွေကိုလဲ ထိထိရောက်ရောက် လုပ်နိုင်မယ်

ကိုယ့်ရဲ့ တိုးတက်ရေးလမ်းစဉ်မှာလဲ

ပိုပြီးထိရောက်မယ် ပိုပြီးခရီးရောက်မယ်

ဆင်ခြေပေးဖို့ကလွယ်တယ်

တာဝန်ယူ တာဝန်ခံပြီး လုပ်ပေးဖို့က

လူတိုင်းမလုပ်ကြဘူး

အဲ့ဒီမှာ လူတွေခြားနားသွားကြတာပဲ

Hein - Just Sharin
19May2k24

18/05/2024

အိမ်တစ်လုံး ဆောက်ဖို့

လချီနှစ်ချီ ကြာနိုင်တယ်

ဒါပေမယ့် ပျက်ဆီးဖို့ မိနစ်ပိုင်းပဲ

လူ့ခန္ဓာကိုယ် ကြီးထွားဖို့

ဖွံ့ဖြို့းလာဖို့ နှစ်ဆယ်ချီ

စားသောက်ဂရုစိုက်ရတယ်

ဒါပေမယ့် သေဖို့ကျ

အောက်ဆီဂျင်လေး

ပျက်တာနဲ့တင်သေတယ်

ဒီလိုပဲ တိုးတက်ဖို့

ကောင်းတာတွေဖြစ်လာဖို့

တဖြေးဖြေးချင်း ရက်တွေ လတွေ

ဆက်တိုက် လုပ်ပေမယ့်

ရလာတဲ့ ရလဒ်က နည်းပြီး

အားရစရာ မကောင်းလှဘူး

ဒါပေမယ့် ပျက်စီးဖို့

ကျရှုံးဖို့ကြ ချက်ချင်းရောက်လာနိုင်တယ်

ကိုယ်လိုချင်တာ ကိုယ်ဖြစ်ချင်တာတွေ

ရဖို့ တိုးတက်လာဖို့က ကျရှုံးမှုထက်

အလှမ်းဝေးနေတယ်လို့ ခံစားရလိမ့်မယ်

ဒါပေမယ့် လူတွေရဲ့

ဦးနှောက်တွေဟာ အဆုံးသက်ရလဒ်

ဘာဖြစ်မလဲဆိုတာကိုပဲတွေးကြပါတယ်

အူစိန်ဘော့ ဟာ ကမ္ဘာ့အမြန်ဆုံး လို့သိကြပေမယ့်

ကမ္ဘာ့အမြန်ဆုံးဆိုတာ ဖြစ်ဖို့

သူ ဆယ်နှစ်ကျော် လေ့ကျင့်ခဲ့တာ

ကြိုးစားခဲ့တာကို လူတွေသတိမထားကြဘူး

ကိုယ်လိုချင်တဲ့ ရလဒ်မရသေးရင်

ဒါဟာ အဆုံးသက်မဟုတ်သေးလို့ပဲ

ကိုယ်လိုချင်တဲ့ဘဝကို

ကိုယ်တိုင် တည်ဆောက်ရမယ်

Hein - Just Sharing
18May2k24

17/05/2024

သူများ Drama တွေမှာ Feel တက်မနေနဲ့

ငယ်ငယ် က သူငယ်ချင်းကို စာရပြီလားမေးရင်
မရသေးပါဘူး ဘာတွေမှန်းမသိလို့ ဂိမ်းဆော့နေတာ
အဲ့လိုပြောပြီး Result ထွက်လာတော့ သူအဆင့်က
ကိုယ့်အထက်မှာ ကိုယ့်ထက်သာနေတာ

စာမေးပွဲခန်းထွက်လာတော့ မေဂျာတူ သူငယ်ချင်းကို
ဖြေနိုင်လာမေးတော့ စာတွေကခတ်လို့မဖြေနိုင်ဘူးပြေပြီး
Result ထွက်တော့ သူကကိုယ့် ထိပ်မှာ

JLPT စာမေးပွဲဖြေခါနီး အတန်းဖော်ကို
စာရပြီလားမေးတယ် သူက ခမ်းကြီးကခတ်လို့မကျက်ဘူးဆိုပြီး
Result ထွက်တော့ သူကအောင်ပြီး ကိုယ်ကကျနေခဲ့တယ်

သင်တန်းလေးဘာလေးမတက်ဘူးလား
ဘာတွေလေ့လာနေလဲ မေးတော့
ခေတ်ကာလ မကောင်းတော့ ဘာမှမလုပ်ဖြစ်ပါဘူး
ဘာမှလေ့လာချင်စိတ်မရှိဘူး လို့ပြောပြီး
သုံးလလောက်နေတော့ Certificate တွေတင်ပြီးကြွယ်ပြနေပြီ

အလုပ်ရှာနေတဲ့သူငယ်ချင်းကို အလုပ်ရပြီလားမေးတော့
မရသေးပါဘူး အလုပ်ကရှာရခတ်လိုက်တာ ဆိုပြီး
တစ်ပတ်လောက်နေတော့ သူကအလုပ်သွားနေပြီ

ဒီလိုဖြစ်ဘူးကြလား
ကျွန်တော်တို့တွေက သူများ Drama ခင်းပြတာတွေကို
တကယ်မှတ်ပြီး Feel တက်နေကြတာ
အားလုံးက ခင်ဗျားတို့ရှေ့မှာ Drama တွေခင်းပြီး
ခင်ဗျားတို့နောက်ကွယ်မှာ အသေကျုံးနေကြတာကြီးပဲ

သူများ Drama တွေကို တကယ်မှတ်ပြီး
Feel တက်မနေပါနဲ့ ကိုယ်လုပ်စရာရှိတာကို
ပိုးစိုးပတ်ဆက်လုပ်ပါ။
ကိုယ်လိုချင်တာကို ရအောင်ယူပါ

Hein - Just Sharing
17May2k24

16/05/2024

Think big, start small.

Laravel တို့လို Framework ကိုသုံးပြီး
လူတွေအတွက် အသုံးဝင်မယ့်
Web Application တွေရေးချင်တယ်
စတဲ့အခါမှာတော့ HTML ကိုစလေ့လာရမယ်
Internet ကောင်းကောင်း မသုံးတက်ရင်
Internet ကောင်းကောင်းသုံးတက်အောင်လေ့ကျင့်ရတယ်

လုပ်ငန်းလေးတစ်ခုစချင်တယ်
ဒီလုပ်ငန်းနဲ့ပတ်သက်ပြီး
ကိုယ်ရည်မှန်းထားတာကအကြီးကြီး
ဒါပေမယ့် အဲ့အတွက်အရင်းနှီးက
လောလောဆယ်မတက်နိုင်သေးဘူး
ဒါပေမယ့် စထားလို့ရတဲ့အပိုင်းတွေစလုပ်ထားမယ်

အွန်းလိုင်းရှော့သမားတွေဆိုလဲ
ရှိတဲ့အရင်းနှီးလေးနဲ့စရောင်းကြည့်ထားမယ်

စာသင်တဲ့သူတွေကလဲ
အပြင်တန်းတွေ ဖွင့်ဖို့ အဆင်မပြေသေးပေမယ့်
Online class တွေ
စဖွင့်ထားတာမျိူးတွေလုပ်ထားလို့ရမယ်

တင်ဇာမော် နဲ့ ဖြူဖြူကျော်သိန်း
ဆိုထားတဲ့ သီချင်းလိုပေါ့

🎶ရည်ရွယ်တဲ့လမ်းက ဘယ်လောက်ဝေးဝေးကွယ်
ဒီခြေတစ်လှမ်းနဲ့ စတင်ဖို့သာလိုတယ်....
ပထမဆုံး ဒီခြေတစ်လှမ်းဟာ
နောက်ဆုံးတော့ ပန်းတိုင်ရောက်နိုင်မယ် 🎶

အရေးကြီးတာက ပထမဆုံးခြေလှမ်းကို စဖြစ်ဖို့ပဲ

Hein - Just Sharing
16May2k24

PhotoCrd

15/05/2024

စာလုပ်နေတဲ့အခါ

အလုပ်လုပ်နေတဲ့အခါ

အတန်းတစ်ခုခု Join နေတဲ့အခါ

စသဖြင့် တစ်ခုခုကို အာရုံစိုက်နေတဲ့အခါ

Social Media တွေကနေ

သတင်းထူး သတင်းဉီးတွေ ပွဲတွေ

လွက်သွားမလားဆိုပြီး စိုးရိမ်တတ်ကြတယ်

တကယ်တမ်းတော့ ဘာမှလွတ်မသွားပါဘူး

မစိုးရိမ်ပါနဲ့ ကိုယ်အာရုဏ်စိုက်ပြီး လုပ်စရာရှိတာလုပ်ပါ။

လွတ်သွားရင်တောင် အဲ့ဒါက အရေးမကြီးပါဘူး

အရေးကြီးရင် သင့်ကို မရမက ဆက်သွယ်ပါလိမ့်မယ်။

Stay Focused.

Hein - Just Sharing
15May2k24

14/05/2024

ကိုယ်ရည်မှန်းထားတဲ့

ရည်မှန်းချက်ပန်းတိုင်က

တောင်ပေါ်ရောက်ဖို့

တောင်ထိပ်ကို ရောက်အောင်

တက်ဖို့ ဆိုတာ သေချပြီဆိုတာနဲ့

ကိုယ်ဂရုစိုက်ရမယ့် အရာက

တောင်ထိပ် မဟုတ်တော့ဘူး

တောင်ထိပ်ကို ရောက်အောင်တက်နေတဲ့

ခြေလှမ်းတွေကိုပဲဖြစ်တယ်

ဒီခြေလှမ်းတွေကမှ

တကယ့် တောင်ထိပ်ကို

ရောက်အောင်ပို့ပေးမှာဖြစ်တယ်

နောက်တစ်ခုက

တောင်ထိပ်ရောက်မှ

View လှတာမဟုတ်ဘူး

တောင်ပေါ်တက်နေတဲ့

တစ်ဆင့်ခြင်းဆီရဲ့ View point တွေဟာ

တစ်မျိုးဆီလှတယ်

ဒါကို ခံစားတက်ဖို့လိုတယ်

ဘဝရည်းမှန်းချက်တွေလဲ ဒီလိုပဲ

ကိုယ်ကသက်မှတ်ပြီးပြီး ဆိုတာနဲ့

ကိုယ်သက်မှတ်ထားတဲ့ ရည်မှန်းချက်

ပန်းတိုင်ကို ရောက်ဖို့ လိုအပ်တဲ့အရာတွေ

လေ့လာရမယ့်အရာတွေ ရင်ဆိုင်ရမယ့်အရာတွေ

ဒါတွေကိုပဲ ဂရုစိုက်ပြီး

ရည်မှန်း ချက်ပန်းတိုင်ကို

တကယ်ရောက်စေမယ့် ခြေလှမ်းတွေကို

ပိုပိုဂရုစိုက်ပြီး ရည်မှန်းချက်ပန်းတိုင်ကို

သွားနေတဲ့ တလျှောက် လုံးမှာလဲ

အခိုက်တန့်တွေကို စိတ်ကျေနပ်တက်ဖို့

ကိုယ့်ကိုယ့်ကိုယ် ဂုဏ်ယူတက်ဖို့

စိတ်အပန်းဖြေတက်ဖို့

ပျော်ရွှင်တက်ဖို့လိုအပ်ပါတယ်

Hein - Just Sharing
14May2k24

Hein - Just Sharing