គណបក្សមូលដ្ឋានឃុំព្រះអណ្ដូង CPP (2025)

27/03/2024

ថ្ងៃទី២៧ ខែមីនា ឆ្នាំ២០២៤ លោក ឃឹម ឡុង ប្រធានគណបក្សឃុំព្រះអណ្ដូងស្ដីពី និងសមាជិក បាននាំយកថវិការបស់ លោក អ៊ុម វិបុល ប្រធានក្រុមការងារចុះជួយមូលដ្ឋានឃុំព្រះអណ្ដូង និងសហការី ចំនួន ៤០០,០០០៛ និងថវិការបស់គណបក្សឃុំ សាខាបក្ស ចំនួន ២៤០,០០០៛ សរុបថវិការួមចំនួន ៦៤០,០០០៛ ឧបត្ថម្ភជូន លោក ជិ ផាត ប្រធានក្រុមបក្សទី៤២ ភូមិព្រះអណ្ដូងទី១ និងភរិយា ដែលបានជួបគ្រោះថ្នាក់ចរាចរណ៍ កំពុងសម្រាកព្យាបាលនៅមន្ទីរពេទ្យកាល់ម៉ែត ។

16/02/2024

នៅថ្ងៃទី១៦ ខែកុម្ភៈ ឆ្នាំ២០២៤ លោក អ៊ុម វិបុល ប្រធានក្រុមការងារចុះជួយឃុំព្រះអណ្តូង និងឯកឧត្តម ខឹម ចិន្ដា អនុប្រធានក្រុមការងារចុះជួយឃុំ និងសហការី បានរៀបចំកិច្ចប្រជុំជីវភាពប្រចាំខែកុម្ភៈ ឆ្នាំ២០២៤ ក្រោមអធិបតីភាព លោក ឃឹម ឡុង ប្រធានគណបក្សមូលដ្ឋានឃុំព្រះអណ្ដូងស្ដីទី ។
សរុបវត្តមានចូលរួម ចំនួន ២០នាក់ ស្រី ៣នាក់។
ក្នុងនោះផងដែរ លោកប្រធានក្រុមការងារ និងសហការី បានឧបត្ថម្ភថវិកាដល់គណបក្សឃុំ សម្រាប់ចំណាយផ្សេងៗ ចំនួន ៥០០,០០០៛ ឧបត្ថម្ភថវិការចូលរួមសាងសង់ផ្លូវមុខសាលាអនុវិទ្យាល័យមិត្តភាពកម្ពុជា-ចិន ព្រះអណ្តូង ចំនួន ៦០០,០០០៛ និងចូលរួមឧបត្ថម្ភថវិកាសាងសង់បង្គន់អនាម័យដល់គ្រួសារសមាជិកបក្សជួបការលំបាក ចំនួន ២គ្រួសារ ក្នុង១គ្រួសារ ១៥០,០០០៛ សរុប ៣០០,០០០៛ ។

28/05/2023

នៅថ្ងៃទី២៦ ខែឧសភា ឆ្នាំ២០២៣ គណៈកម្មាធិការគណបក្សឃុំព្រះអណ្ដូង បានរៀបចំពិធីបញ្ចូលសមាជិកគណបក្សថ្មី ចំនួន ១៣៤នាក់ ស្រី ៨៦នាក់ ក្រោមអធិបតីភាព លោក ស៊ិន សុខុន ប្រធានគណៈកម្មាធិការបក្សស្រុក លោក អ៊ុម វិបុល សមាជិកអចិន្ត្រៃយ៍បក្សខេត្ត និងជាប្រធានក្រុមការងារចុះជួយឃុំ និងលោក អំ សេងអ៊ូ ប្រធានគណៈកម្មាធិការបក្សឃុំ ។
ឆ្លៀតក្នុងឱកាសនោះដែរ លោក ស៊ិន សុខុន ប្រធានគណបក្សប្រជាជនកម្ពុជាស្រុកស្ទឹងត្រង់ បានមានមតិផ្តាំផ្ញើ សាកសួរសុខទុក្ខ និងស្វាគមន៍យ៉ាងកក់ក្តៅ ចំពោះសមាជិកថ្មី ចំនួន១៣៤នាក់ ដែលបានចូលរួមជីវភាពជាមួយគណបក្សប្រជាជនកម្ពុជា គឺជាការសម្រេចចិត្តដ៏ត្រឹមត្រូវ ពីព្រោះគណក្សប្រជាជនកម្ពុជា ជាបក្សនយោបាយ ដែលបានសាងស្នាដៃជាច្រើន សម្រាប់សង្គមជាតិ និងមានគោលនយោបាយច្បាស់លាស់ ក្នុងការកសាងជាតិ។ ក្នុងនោះដែរ លោក អ៊ុម វិបុល ប្រធានក្រុមការងារចុះជួយឃុំព្រះអណ្ដូង បាននាំយក ថវិកា និងអាវមួកគណបក្ស របស់ឯកឧត្តមប្រធាន ហ៊ុន ម៉ានិត ឧបត្ថម្ភ ជូនដល់សមាជិកបក្សថ្មី ក្នុង១នាក់ ថវិកា ១០,០០០៛ និងអាវមួក ចំនួន១ ។
ក្រោយបញ្ចប់កម្មវិធីបញ្ចូលសមាជិក គណបក្សស្រុក និងក្រុមការងារគណបក្សឃុំ សាខាបក្សភូមិ បានចុះសួរសុខទុក្ខសមាជិកបក្សតាមខ្នងផ្ទះ និងនាំយកអំណោយរបស់ ឯកឧត្តម ហ៊ុន ម៉ានិត អនុប្រធានទី១ នៃក្រុមការងារថ្នាក់កណ្ដាលចុះជួយខេត្តកំពង់ចាម និងជាប្រធានក្រុមការងារចុះជួយស្រុកស្ទឹងត្រង់ ចែកជូនដល់សមាជិកគណបក្ស នៅភូមិព្រះអណ្ដូងទី២ ចំនួន ១២១នាក់ ក្នុង១នាក់ ទទួលបាន ថវិកា ១០,០០០៛ និងសារុង ១ ។
*សរុបរួម៖ ៥,០៤១,០០០៛ និង ៣៤៥.៨$

29/01/2023

#គណបក្សប្រជាជនកម្ពុជាឃុំព្រះអណ្ដូង
នៅថ្ងៃទី២៩ ខែមករា ឆ្នាំ២០២៣ លោក អ៊ុម វិបុល ប្រធានក្រុមការងារគណបក្សចុះជួយឃុំព្រះអណ្ដូង និងសហការី រួមជាមួយក្រុមការងារគណបក្សឃុំ សាខាបក្សភូមិ បានអញ្ជើញចុះសួរសុខទុក្ខ និងសំណេះសំណាលជាមួយសមាជិកគ្រួសារបក្សតាមខ្នងផ្ទះ និងបាននាំយកអំណោយរបស់ ឯកឧត្តម ហ៊ុន ម៉ានិត ប្រធានក្រុមការងារចុះជួយស្រុកស្ទឹងត្រង់ ចែកជូនដល់គ្រួសារសមាជិកបក្ស ចំនួន ១០គ្រួសារ នៅភូមិព្រះអណ្ដូងទី២ ចំនួន២គ្រួសារ និងភូមិព្រែកស្ដី ចំនួន៨គ្រួសារ ដោយក្នុង១គ្រួសារ ទទួលបាន អង្ករ ១បេ (២០គីឡូ) ទឹកត្រី ១យួរ ទឹកស៊ីអ៊ីវ ១យួរ ប្រេងឆា ១ដប (១លីត្រ) សាប៊ូដុំ ២ដុំ និងថវិកាចំនួន ២០,០០០រៀល ។ ក្រោយពីចុះសំណេះសំណាលសួរសុខទុក្ខ និងចែកអំណោយសមាជិកបក្សរួច លោកប្រធានក្រុមការងារគណបក្សចុះជួយឃុំបានអញ្ជើញចុះសួរសុខទុក្ខសមាជិកបក្សតាមខ្នងផ្ទះដែលកំពុងសាងសង់បង្គន់អនាម័យ ចំនួន ៥ខ្នងផ្ទះ ដោយក្នុង១ខ្នងផ្ទះ លោកប្រធានចូលរួមឧបត្ថម្ភថវិកាសាងសង់បង្គន់ ចំនួន ១៥០,០០០៛ សរុប ៧៥០,០០០៛ ព្រមទាំងជូនថវិកាដល់ប្រជាពលចាស់ជរាចំនួន ១០០,០០០៛ ផងដែរ។បន្ទាប់ពីចុះសួរសុខទុក្ខតាមខ្នងផ្ទះសមាជិកបក្សរួចលោកប្រធានក្រុមការងារបានអញ្ជើញចុះពិនិត្យការសាងសង់កញ្ចុះស្នាក់អាស្រ័យ នៅមាត់អូរដំបងទទឹង សម្រាប់ទុកឲ្យប្រជាពលរដ្ឋធ្វើដំណើរចេញចូលទៅស្រែចំការសម្រាប់ឈប់ជ្រកអាស្រ័យ ក្នុងនោះលោកប្រធានបានចូលរួមឧបត្ថម្ភថវិកាសាងសង់ ចំនួន ៦០៤,០០០៛ ។
#គាំទ្រអំពើល្អគឺគាំទ្រគណបក្សប្រជាជនកម្ពុជា

Address

Website

facebook.com

Alerts

Be the first to know and let us send you an email when គណបក្សមូលដ្ឋានឃុំព្រះអណ្ដូង CPP posts news and promotions. Your email address will not be used for any other purpose, and you can unsubscribe at any time.

គណបក្សមូលដ្ឋានឃុំព្រះអណ្ដូង CPP