LTY Vlog

28/07/2024

အမှတ်တရ ချောက်ကမ်းပါး - Pai Canyon (PAI TRIP 2024)

Pai Canyon - ပိုင် ချောက်ကမ်းပါးဟာ ထိုင်းနိုင်ငံ မယ်ဟောင်ဆောင်ခရိုင် ပိုင်မြို့မှာတည်ရှိပါတယ်။

ချင်းမိုင်မြို့ကနေ (၃) နာရီဝန်းကျင် ကားစီးပြီး ပိုင်တောင်ပေါ်မြို့ကိုသွားရောက်နိုင်ပါတယ်။

ပိုင်မြို့ကနေ ၁၅ မိနစ် - ၂ဝ မိနစ်လောက် ကား၊ဆိုင်ကယ်နဲ့ Pai Canyon ကိုနံနက် (၆) နာရီကနေ (၇)နာရီအတွင်း သွားရောက်လည်ပတ်နိုင်ပါတယ်။

ချောက်ကမ်းပါးပေါ်က လမ်းကျဉ်းလေးတွေက စိတ်လူပ်ရားစရာကောင်းပါတယ်။ အမြင့်ကြေက်တတ်သူ မတက်ရောက်သင့်ပါဘူး။

ဝင်ကြေးအခမဲ့ပါ။

No Sponsor Video.

Pai Canyon - ပိုင် ချောက်ကမ်းပါးဟာ ထိုင်းနိုင်ငံ မယ်ဟောင်ဆောင်ခရိုင် ပိုင်မြို့မှာတည်ရှိပါတယ်။ချင်းမိုင်မြို့ကန....

22/07/2024

Wat Pha Lat - Hidden Temple

#ချင်းမိုင်

more video
https://vt.tiktok.com/ZSYWWkyMU/

22/07/2024

PAI TRIP - Yunlai View Point (2024)

ပိုင်မြို့ ဟာ ထိုင်းနိုင်ငံ မယ်ဟောင်ဆောင်ခရိုင် မှာတည်ရှိပါတယ်။

ထိုင်းမြောက်ပိုင်းမြို့တော် ချင်းမိုင်မြို့ကနေ မော်တော်ကားနဲ့ (၃) နာရီဝန်းကျင်အကွာအဝေး၊ထိုင်းမြန်မာနယ်စပ်၊ မယ်ဟောင်ဆောင်မြို့နဲ့ (၄)နာရီဝန်းကျင် အကွာအဝေးမှာတည်ရှိပါတယ်။

ဒီဗီဒီယိုဖိုင်မှာတော့ Yun Lai View Point ကိုကြည့်ရူရမှာပါ။
ပိုင်မြို့ရဲ့ အလှဆုံး နေထွက်ချိန်ကြည့်တဲ့နေရာလို့ ထင်ရှားပါတယ်။

၂ဝ၂၃ ကလည်းတခါသွားဖူးပါတယ်။ ဒါကတော့ ၂ဝ၂၄ ဇူလိူင်လထဲသွားရောက်ထားတာပါ။

Yun Lai View Point, Pai, Pai District, Mae Hong Son, Thailand.

#ပိုင်မြို့ #ထိုင်း
#မယ်ဟောင်ဆောင်

ပိုင်မြို့ ဟာ ထိုင်းနိုင်ငံ မယ်ဟောင်ဆောင်ခရိုင် မှာတည်ရှိပါတယ်။ထိုင်းမြောက်ပိုင်းမြို့တော် ချင်းမိုင်မြ....

21/07/2024

ချင်းမိုင်တက္ကသိုလ် ရေကန်

မြို့နဲ့နီးတဲ့နေရာမှာရှိပြီးတော့
စိတ်အပန်းဖြေဖို့သွားရောက်သင့်ပါတယ်

ရှားပါးတဲ့ငှက်မျိုးစိတ်တွေ လွပ်လပ်စွာသွားနေတဲ့ဒေါင်းတွေ ရေပြင်ကျယ်တွေ တောင်တန်းတွေကိုကြည့်ရူနိုင်ပါတယ်

#ချင်းမိုင်

17/07/2024

Big Buddha in Pai (ပိုင် တောင်ပေါ် ဘုရားကြီး)

Wat Phra That Mae Yen လို့ခေါ်ဆိုတဲ့ တောင်ပေါ် ဘုရားကြီးဟာ
ထိုင်းနိုင်ငံ ၊ မယ်ဟောင်ဆောင်ခရိုင် ပိုင်မြို့မှာတည်ရှိပါတယ်။

ပိုင်မြို့ကို မြန်မာ-ထိုင်းနယ်စပ် မယ်ဟောင်ဆောင်မြို့ကနေသွားရောက်နိုင်သလို ချင်းမိုင်မြို့ကနေလည်း ၃ နာရီဝန်းကျင် ကားစီးပြီးသွားရောက်လည်ပတ်နိုင်ပါတယ်။

ခုရုပ်သံဖိုင်ကတော့ ပိုင်မြို့က Big Buddha ကိုဒုတိယအကြိမ် မြောက် ၂ဝ၂၄ ဇူလိူင်လထဲမှာ သွားရောက်ထားတာကို ရိုက်ကူးထားတာပါ။

https://www.youtube.com/watch?v=M32RUejkb1s

#ပိုင်မြို့

Big Buddha in Pai (ပိုင် တောင်ပေါ် ဘုရားကြီး)Wat Phra That Mae Yen လို့ခေါ်ဆိုတဲ့ တောင်ပေါ် ဘုရားကြီးဟာထိုင်းနိုင်ငံ ၊ မယ်ဟောင်ဆောင်...

07/07/2024

ပိုင်မြို့ရဲ့ Mango Sticky Rice

ထိုင်းနိုင်ငံ ၊ပိုင်မြို့ကနေ မိနစ် ၂၀လောက် ဆိုက်ကယ်စီးသွားရတဲ့ Bamboo Bridge ရှိတဲ့ရွာကလေးရဲ့ အပြန်လမ်းမှာ ထိုင်းရိုးရာ Mango Sticky Rice လို့ခေါ်တဲ့အုန်းသီးနံ့မွှေးမွှေး သရက်သီးအရသာလေးနဲ့ နူးနူးညံံ့ညံ့ ကောက်ညှင်းပေါင်းကို မြူဆိုင်းနေတဲ့တောင် တန်းတွေကြည့်ရင်းစားဖြစ်ခဲ့တဲ့ခဏမှာတော့ Yummy Yummy😋😋😋😋😋

ပိုင်မြို့ကို ချင်းမိုင်မြို့ကနေ ၃ နာရီလောက်ကားနဲ့သွားရောက်နိုင်ပါတယ်

#ပိုင်

30/06/2024

နတ်တွေ စောင့်တဲ့ အပြာရောင် ဘုရားကျောင်း - ချင်းရိုင်

ထိုင်း-မြန်မာနယ်စပ် (တာချီလိတ်မြို့တဖက်ကမ်း) မယ်ဆိုင်မြို့အနီးမှာရှိတဲ့ ချင်းရိုင်မြို့ဟာ မြောက်ပိုင်းရဲ့ ရိုးရာယဉ်ကျေးမှုတွေ ထုံမွန်းထားတဲ့မြို့ တမြို့ပါ။

ထိုင်းရဲ့ ဒုတိယအကြီးဆုံး မြောက်ပိုင်းမြို့တော် ချင်းမိုင်မြို့နဲ့လည်း ကားနဲ့သွားရောက်ရင် (၃) နာရီအကွာလောက်မှာတည်ရှိပါတယ်။

ချင်းရိုင်မြို့ဟာ ဘုရားစေတီတွေ ပန်းဥယာဉ်တွေ တောတောင်စခန်း ရေတံခွန်တွေ လည်ပတ်စရာများစွာရှိပါတယ်။

ချင်းရိုင်မြို့တွင်းမှာ တည်ရှိတဲ့ အပြာရောင် ဘုရားကျောင်း- ချင်းရိုင် (Blue Temple - Chiang Rai) ဟာလည်း လည်ပတ်သူတွေကြားမှာ နာမည်ကျော်ပါတယ်။

White Temple သွားပြီးရင် Blue Temple ကိုလည်းသွားရောက်လည်ပတ်နိုင်ပါတယ်။ Blue Temple ကတော့ နံနက် ၇ နာရီကနေ ည ၈ နာရီထိဖွင့်ပြီ ဝင်ကြေးအခမဲ့ပါ။

Blue Temple ကို Wat Rong Suea Ten လို့လည်းထိုင်းလို ခေါ်ပါတယ်။

မုဒ်ဝမှာ ထူးခြားလှပတဲ့ နတ်ရုပ်ကြီး နှစ်ရုပ်က သင့်ကိုကြိုဆိုနေမှပါ။

ဘုရားကျောင်းရှိရာ နေရာဟာ ပြီးခဲ့တဲ့ နှစ် ၁ဝဝ လောက်က စွန့်ပစ်ရာနေရာတခုဖြစ်ပြီး ကျားတွေလွပ်လပ်ရာနေထိုင်ရာ နေရာဖြစ်တယ်လို့လည်း သမိုင်းမှာဖော်ပြပါတယ်။

ဒေသခံတွေက ၁၉၉၆ ခုနှစ်မှာ စေတီ ဘုရားကျောင်းကို ပြန်လည်ပြုပြင်မွမ်းမံပြီးဆောက်လုပ်ခဲ့ပါတယ်။

၂ဝဝ၅ ခုနှစ်မှာ ခေတ်မီတဲ့ ပြုပြင်မွန်းမံရေးကို စတင်လုပ်ဆောင်ခဲ့ပြီး ၂၀၁၆ မှာခုမြင်ရတဲ့အတိုင်း ပြီးစီးခဲ့ပေမယ့် ဆက်လက်ဆောက်လုပ်နေတယ်လို့သိရပါတယ်။

Blue Temple ကို နာမည်ကျော် White Temple (Wat Rong Khun) ဆောက်လုပ်ခဲ့တဲ့ ထိုင်းဗိသုကာပညာရှင် Chalermchai Kositpipat ရဲ့တပည့်ဖြစ်တဲ့ ထိုင်းအနုပညာရှင် Phuttha Kabkaew ကဒီဇိုင်းထုတ်ဆောက်လုပ်ခဲ့တာပါ။

ရိုးရာနဲ့ခေတ်ပေါ် ဗိသုကာလက်ရာတွေ နဲ့တည်ဆောက်ထားတာကြောင့် Blue Temple ဟာ White Temple လိုပဲ အံဖွယ်ရုပ်ထုတွေ ဒီဇိုင်းတွေကို ကြည့်ရူရမှာပါ။

ဗုဒ္ဓရဲ့ ဖြစ်စဉ်တွေကို ခေတ်မီစွာရေးဆွဲထားတဲ့ အပြာရောင်ဘုရားကျောင်းဆောင်ကို ဝင်ရောက်ဖူးမျှော်ရင်း ဆုမွန်ကောင်းတောင်းနိုင်ပါတယ်။

ဘုရားကျောင်းဆောင် နောက်က ထူးဆန်းတဲ့ ရုပ်ထုတွေရှိတဲ့ သမိုင်းပြတိုက်ကိုလည်း သွားရောက်လေ့လာသင့်ပါတယ်။

Blue Temple ဟာတိတ်ဆိပ် တဲ့နေရာဒေသမှာ ရှိတဲ့အတွက် ညနေပိုင်းမှာ အေးအေးလူလူ သွားရောက်လည်ပတ်ရင် အကောင်းဆုံးပါပဲ။

သွားရောက်ဖို့ ခက်ခဲသူများ ဒီဗီဒီဖိုင်နဲ့ အတူ ကြည့်ရူလေ့လာနိုင်ပါတယ်။

https://www.youtube.com/watch?v=yCDum4e4fPY

#ချင်းရိုင်

ထိုင်း-မြန်မာနယ်စပ် (တာချီလိတ်မြို့တဖက်ကမ်း) မယ်ဆိုင်မြို့အနီးမှာရှိတဲ့ ချင်းရိုင်မြို့ဟာ မြောက်ပိုင်းရဲ.....

26/06/2024

ချင်းမိုင် သိမ်ကြီးဈေး (Kad Luang)

ရန်ကုန်မှာ အနေကြာခဲ့သူဆိုရင် ချင်းမိုင်မြို့က ကတ်လုံဈေးကြီး ရောက်တာနဲ့ သိမ်ကြီးဈေးရောက်သလို ခံစားရမယ်။

ထိုင်းလိုတော့ Warorot Market (Kad Luang) လို့ခေါ်တယ်။ ဂူဂယ်မက်မှာလည်း ရိုက်ရှာလို့ရတယ်။

ချင်းမိုင်လာလည်တဲ့ နိုင်ငံခြားသားနဲ့ မြန်မာတွေကြားမှာ နာမည်ကြီးတယ်။
မယ့်ပင်မြစ်ကြီး ဘေးနဲ့ သာဖယ်လမ်းကြီး အနီးမှာတည်ရှိတယ်။

ဈေးရုံကြီးတွေက ကမ်းနားဘက်ခြမ်း တရုံ လမ်းမဘက် တဘက်ခြမ်းမှာ တရုံရှိတယ်။
လူကူးဂုံးကျော်တံတား လည်းရှိတယ်။ တရုတ်ဘုံကျောင်းလည်းရှိတယ်။

အဝတ်အထည်၊အစားအသောက်၊ လူသုံးကုန် ၊ အထည်အလိပ် ၊ အလှကုန်နဲ့ တိုလီမိုလီတွေ လက်လီလက်ကား ဝယ်လို့ရတဲ့ ချင်းမိုင်ရဲ့တခုထဲသော ဈေးရုံကြီးပါ။

ညရောက်ရင်တော့ ပင်းမြစ်ဘေးကနေ တရုတ်ဘုံကျောင်းဘက် အထိ ညဈေးတလျှောက်မှာလည်း လည်ပတ်စားသောက်နိုင်ပါတယ်။

နံနက်ပိုင်းသွားချင်ရင်တော့ (၉) နာရီလောက်မှသွားပါ ။ စနေ တနင်းင်္ဂနွေဆို လူပိုစည်တယ်။

https://www.youtube.com/watch?v=2UlewnL9w7w

#ချင်းမိုင်

- LTY Vlog

ရန်ကုန်မှာ အနေကြာခဲ့သူဆိုရင် ချင်းမိုင်မြို့က ကတ်လုံဈေးကြီး ရောက်တာနဲ့ သိမ်ကြီးဈေးရောက်သလို ခံစားရမယ်။ထိ...

22/06/2024

ဘန်ကောက်မှာ လမ်းလျှောက်မယ်

ထိုင်းနိုင်ငံ မြို့တော် ဘန်ကောက်ကိုရောက်ရင် နာမည်ကျော် Central World ကုန်တိုက်ကိုလည်း သွားရောက်လည်ပတ်သင့်ပါတယ်။

Central World ဧရိယာဟာ မြို့လည်ကောင်ဝန်းကျင်မှာရှိပြီး လမ်းလျှောက်သွားတာနဲ့ လူသိများတဲ့ ပသိုနမ်းကိုလည်း သွားရောက်နိုင်ပါတယ်။

ပသိုနမ်းဧရိယာမှာ အဝတ်အစားတွေ လူသုံးပစ္စည်းတွေကို အဓိက လက်လီ လက်ကား ဝယ်နိုင်ပါတယ်။

ခုဆို မြန်မာတွေ အနေများကြတာမို့ မြန်မာရပ်ကွက် အသေးစားလို့တောင် ခေါ်လို့ရမှာပါ။ ဆိုင်တိုင်းမှာလည်း မြန်မာစကားပြောတတ်သူတွေ ရှိနေတဲ့ အတွက်
ကိုရွှေတွေ အတွက်တော့ ဈေးဆစ်လို့ အတော်ပါပဲ။

ဒီရုပ်သံဖိုင်ကတာ့ Sky Walk လူကုန်းဂုံးကျော်တံတားကနေ လမ်းလျှောက်ရင်းရိုက်ထားတာပါ။

#ဘန်ကောက် #ပသိုနမ်း

ထိုင်းနိုင်ငံ မြို့တော် ဘန်ကောက်ကိုရောက်ရင် နာမည်ကျော် Central World ကုန်တိုက်ကိုလည်း သွားရောက်လည်ပတ်သင့်ပါတယ်။ Cent...

14/06/2024

Singha Park - ချင်းရိုင် လက်ဖက်စိုက်ခင်း

ချင်းရိုင်မြို့ရောက်ရင် Singha Park ကိုလည်းသွားရောက်လည်ပတ် လို့ရပါတယ်။
ဘုရားကြီးသွားရာလမ်းမှာပဲ တည်ရှိပါတယ်။ မြို့နဲ့တော့ အနည်းငယ်ဝေးပါတယ်။

လက်ဖက်စိုက်ခင်းတွေနဲ့ ကော်ဖီဆိုင်ရှိပါတယ်။ ကျန်တာတော့ ထူးခြားတာမရှိပါဘူး။ Singha ကုမဏီကနေ ဖွင့်ထားတဲ့ပန်းခြံသဘောမျိုးပါ။

https://www.youtube.com/watch?v=BG49BckFA-U

#ချင်းရိုင်

ထိုင်း-မြန်မာနယ်စပ် (တာချီလိတ်မြို့တဖက်ကမ်း) မယ်ဆိုင်မြို့အနီးမှာရှိတဲ့ ချင်းရိုင်မြို့ဟာ မြောက်ပိုင်းရဲ.....

11/06/2024

CI စာအုပ်ထုတ်ပေးရေးစင်တာတွေ ပိတ်မယ်လို့သတင်းထွက်



မြန်မာနိုင်ငံသားများအတွက် ထိုင်းနိုင်ငံ ခရိုင်(၈)ခုမှာဖွင့်လှစ်ပေးထားတဲ့ “မည်သူမည်ဝါဖြစ်ကြောင်းထောက်ခံချက် (CI)” စာအုပ်ထုတ်ပေးရေးစင်တာများအား ပိတ်သိမ်းမှာဖြစ်တယ်လို့ ထိုင်းနိုင်ငံမှာ မြန်မာရွှေ့ပြောင်းအလုပ်သမားအရေး ကူညီပေးသူအချို့ထံကနေသိရပါတယ်။

CI စာအုပ်မထုတ်ရသေးသူများအနေဖြင့် ၂၀၂၄ ခုနှစ် ဇွန်လ ၁၆ ရက်နေ့မှစပြီး ဘန်ကောက်ရှိ မြန်မာသံရုံးမှာ ဆက်လက်ပြုလုပ် ထုတ်ယူနိုင်ကြောင်းလည်း ထိုင်းအစိုးရက ကြေငြာချက်ထုတ်ပြန်ထားပါတယ်။

09/06/2024

မယ့်ကမ်ပေါင်ရွာကို ဘတ်စ်ကားစီးနည်း



Mae Kampong Village(မယ့်ကမ်ပေါင်) ရွာဟာ ချင်းမိုင်မြို့နဲ့ ၃၅ မိုင်ခန့်အကွာမှာ
တည်ရှိပါတယ်။ ကား၊ဆိုင်ကယ်နဲ့ဆို ၁နာရီဝန်းကျင်သွားရောက်နိုင်ပြီး
မယ့်အွန့်နယ်မြေထဲမှာတည်ရှိတာပါ။

တောတောင်တွေကြားမှာအိမ်ခြေ ၁၀၀ ခန့်သာတည်ရှိပြီး ကျေးလက်သဘာဝကို အပြည့်အဝခံစားနိုင်မယ့်နေရာတစ်ခုပါ။

ရွာခံတွေအိမ်မှာ Home Stay တည်းခိုနိုင်သလို ကော်ဖီဆိုင်၊စားသောက်ဆိုင်တွေနဲ့တွဲထားတဲ့
တည်းခိုဆောင်အခန်းတွေမှာလည်း ညအိပ်တည်းခိုနိုင်ပါတယ်။

Mae Kampong Village(မယ့်ကမ်ပေါင်) ရွာဟာ သက်တမ်း ၁၀၀ ကျော်ရှိပြီလို့သိရပြီး
ရွာခံတွေရဲ့ လက်ဖက်လုပ်ငန်း၊ကော်ဖီလုပ်ငန်း၊ဒေသခံဝိုင်လုပ်ငန်း၊သဘာဝအခြေခံခရီးသွားလုပ်ငန်းတွေကိုလည်းလေ့လာနိုင်ပါတယ်။

🚩(ဘတ်စ်ကားစီးနည်း)

ချင်းမိုင် ၊ပင်းမြစ် ဘေးက ဝါရာရွတ်ခေါ် ကတ်လုံဈေးကြီး ပန်းတန်းကနေစီးရမှာပါ။

တယောက်ကို ဘတ် ၁၅၀ ပေးရပါမယ်။

နံနက် (၇) နာရီ၄၀ အစောဆုံးထွက်ပါတယ်။

မက်ကပေါင်က နေ ညနေ (၄) နာရီ နောက်ဆုံးကားနဲ့ ပြန်လို့ရပါတယ်။

အဲ့ဒီကားဂိတ်ကနေ မွန်းဂျန် နဲ့ရေပူစန်းလည်းသွားလို့ရပါတယ်။

အသေးစိတ်ပုံများမှာကြည့်ပါ။

အဆင်ပြေကြပါစေ။

လွပ်လပ်စွာရှဲနိုင်ပါတယ်။
ကူးယူ ဖော်ပြခြင်းသည်းခံပါ။

🚩Map Link

https://maps.app.goo.gl/b28oYixhkTzwwuNS9


#ချင်းမိုင်
#မယ့်ကမ်ပေါင်


🚩LTYVlog Youtube

နတ်ဖွက်ထားတဲ့ရွာ - Mae Kampong Village

https://www.youtube.com/watch?v=vKU1xAF6zQE&t=316s

မယ့်ကမ်ပေါင် ရေတံခွန် (ချင်းမိုင်)

https://www.youtube.com/watch?v=vYnYIXKgFu0

04/06/2024

World Bicycle Day - Chiang Mai (ကမ္ဘာ့စက်ဘီးနေ့-ချင်းမိုင်)

နှစ်စဉ် ဇွန်လ ၃ ရက်နေ့ဟာ World Bicycle Day ကမ္ဘာ့စက်ဘီးနေ့ပါ။

ဒီနှစ် World Bicycle Day ဆောင်ပုဒ်ကတော့ “Promoting Health, Equity, and Sustainability through Cycling.”ဖြစ်ပါတယ်။

စက်ဘီးစီးခြင်းဖြင့် ကျန်းမာရေး၊ သာတူညီမျှမှုနှင့် ရေရှည်တည်တံ့မှုကို မြှင့်တင်ခြင်းဖြစ်ပါတယ်။

World Bicycle Day ကမ္ဘာ့စက်ဘီးနေ့ ကို ဇွန်လ ၃ ရက်နေ့ အဖြစ်
၂ဝ၁၈ ခုနှစ် ဧပြီလ မှာကျင်းပခဲ့တဲ့ ကုလသမဂ္ဂ အထွေထွေညီလာခံကနေ သတ်မှတ်ခဲ့ပါတယ်။

ကမ္ဘာ့စက်ဘီးနေ့ကို ဂုဏ်ပြုတဲ့ အနေနဲ့ ထိုင်းနိုင်ငံ၊ချင်းမိုင်မြို့မှာ စက်ဘီးချစ်သူ ၅ဝ ခန့်က ဇွန်လ ၃ ရက်နေ့ ညနေပိုင်းမှာ မြို့တွင်းတပတ်စီးနင်းခဲ့ကြပါတယ်။

https://www.youtube.com/watch?v=HSJTbG7CkQM&t=4s

#ကမ္ဘာ့စက်ဘီးနေ့ #ချင်းမိုင်

World Bicycle Day - Chiang Mai (ကမ္ဘာ့စက်ဘီးနေ့-ချင်းမိုင်)နှစ်စဉ် ဇွန်လ ၃ ရက်နေ့ဟာ World Bicycle Day ကမ္ဘာ့စက်ဘီးနေ့ပါ။ဒီနှစ် World Bicycle Day ဆောင်...

03/06/2024

ဘန်ကောက် ပသိုနမ်းမှာ ဘာတွေရှိမလဲ (Pratunam-Bagankok)



ထိုင်းနိုင်ငံ မြို့တော် ဘန်ကောက်ကိုရောက်ရင် ပသိုနမ်းဧရိယာကိုလည်း မဖြစ်မနေသွားရောက်လည်ပတ်သင့်ပါတယ်။

နာမည်ကျော် မြို့လည်ကောင်က Central World ကုန်တိုက်အနီးမှာပဲတည်ရှိပြီး လမ်းလျှောက်သွားတာနဲ့ ပသိုနမ်းကိုရောက်ပါပြီ။

ပသိုနမ်းဧရိယာမှာ အဝတ်အစားတွေ လူသုံးပစ္စည်းတွေကို အဓိက လက်လီ လက်ကား ဝယ်နိုင်ပါတယ်။

ခုဆို မြန်မာတွေ အနေများကြတာမို့ မြန်မာရပ်ကွက် အသေးစားလို့တောင် ခေါ်လို့ရမှာပါ။ ဆိုင်တိုင်းမှာလည်း မြန်မာစကားပြောတတ်သူတွေ ရှိနေတဲ့ အတွက်
ကိုရွှေတွေ အတွက်တော့ ဈေးဆစ်လို့ အတော်ပါပဲ။

ညနေပိုင်းမှာသွားရောက်ရင်တော့ ညဈေးတန်းတွေမှာ အစားအသောက်တွေ ရွေးချယ်စားသောက်လို့ရပါတယ်။

ပသိုနမ်းမှာ ဘာတွေရှိမလဲ ဒီရုပ်သံဖိုင်ထဲမှာ ကြည့်နိုင်ပါတယ်။

https://www.youtube.com/watch?v=KfB4YliG-RY&t=0s

#ဘန်ကောက် #ပသိုနမ်း

ထိုင်းနိုင်ငံ မြို့တော် ဘန်ကောက်ကိုရောက်ရင် ပသိုနမ်းဧရိယာကိုလည်း မဖြစ်မနေသွားရောက်လည်ပတ်သင့်ပါတယ်။ နာမည....

31/05/2024

သောကြာဈေး-ချင်းမိုင်

#ချင်းမိုင်

31/05/2024

Small Park -Chiang Mai

#ချင်းမိုင်

31/05/2024

ရေစိမ် - သောကြာ ချင်းမိုင်ဈေး

#ချင်းမိုင်

26/05/2024

Chiang Mai Pride - ချင်းမိုင် LGBT ပွဲတော်

ထိုင်းနိုင်ငံ၊ချင်းမိုင်မြို့မှာ Chiang Mai Pride လို့အမည်ပေးထားတဲ့ လိင်တူစုံမက်သူများ LGBTQ ပွဲတော် ကို ဒီကနေ့မှာ ကျင်းပခဲ့ပါတယ်။

LGBT ဆိုတာကတော့ Le***an = မိန်းကလေး တစ်ယောက် အနေနဲ့ မိန်းကလေး လိင်တူကိုသာ စိတ်ဝင်စားသောသူ၊ Gay = ယောက်ျားလေး တစ်ယောက် အနေဖြင့် ယောက်ျားလေး လိင်တူ ကိုသာစိတ်ဝင်စားသူ၊Bisexual = ယောက်ျားလေး သော်လည်းကောင်း၊ မိန်းကလေးသော်လည်းကောင်း လိင်တူရော ဆန့်ကျင်ဘက်ကိုပါ နှစ်မျိုး လုံးကို စိတ်ဝင်စားတတ်သူ၊ Transmen/Transwomen = လိင်ပြောင်း၊ ဆန့်ကျင်ဘက်လိင်သို့ ခွဲစိတ်ထားသူ စတဲ့ အုပ်စုဝင်များဖြစ်ပြီး ယခုနောက်ပိုင်းတွင် Queer(ထူးခြားသောလိင်စိတ်ခံယူသူ) တလုံးထပ်တိုးကာ LGBQ ဟုလည်းခေါ်ဆိုကြပါတယ်။

ဒီကနေ့ ကျင်းပခဲ့တဲ့ ပွဲတော်မှာတော့ Buddha Sathan Chiang Mai ကနေ
Tha Phae Gate အထိ အလှပြယာဉ်တွေ အပါအဝင် လမ်းလျှောက်ချီတက်ခဲ့ကြပြီး Tha Phae Gate မှာဖျော်ဖြေပွဲကျင်းပခဲ့ကြပါတယ်။

- LTY Vlog

https://www.youtube.com/watch?v=_mK6aje-MsM

#เชียงใหม่ไพรด์2567
#ချင်းမိုင်

ထိုင်းနိုင်ငံ၊ချင်းမိုင်မြို့မှာ Chiang Mai Pride လို့အမည်ပေးထားတဲ့ လိင်တူစုံမက်သူများ LGBTQ ပွဲတော် ကို ဒီကနေ့မှာ ကျင်....

26/05/2024

Chiang Mai Pride LGBT ပွဲတော်
#ချင်းမိုင်

24/05/2024

ထိုင်းမြောက်ပိုင်း၊ ချင်းမိုင်၊ချင်းရိုင်ခရိုင်က တက္ကသိုလ်တွေမှာ ကျောင်းတက်နေတဲ့သူတွေ အလုပ်လုပ်နေကြတဲ့ မြန်မာနိုင်ငံကူးလက်မှတ်(ပတ်ပို့စ် စာအုပ်)ကိုင်ဆောင်ထားသူတွေကို မေလ ၂၇ ကစပြီး နိုင်ငံကူးလက်မှတ်ဆိုင်ရာ ကိစ္စရပ်တွေ
သက်တမ်းတိုးခြင်းတွေ မပြုလုပ်ပေးတော့ဘူးလို့ ဗန်ကောက် မြန်မာသံရုံးက ဒီကနေ့ မေ ၂၄ မှာ ထုတ်ပြန်ပါတယ်။

https://www.facebook.com/Bagannewstv/posts/pfbid02hREDNncBxobMRbdbGL8p1kGmJrKZshSWuj1msUFDeN8WrvJWX7Bs67cHrNkeXQXzl

ချင်းမိုင်၊ချင်းရိုင်ခရိုင်က မြန်မာပတ်ပို့စ် ကိုင်ဆောင်သူတွေကို
ဗန်ကောက်မှာ သက်တမ်းမတိုးပေးဘူးလို့ထုတ်ပြန်

မေ ၂၄ / Bagan News

ထိုင်းမြောက်ပိုင်း၊ ချင်းမိုင်၊ချင်းရိုင်ခရိုင်က တက္ကသိုလ်တွေမှာ ကျောင်းတက်နေတဲ့သူတွေ အလုပ်လုပ်နေကြတဲ့ မြန်မာနိုင်ငံကူးလက်မှတ်(ပတ်ပို့စ် စာအုပ်)ကိုင်ဆောင်ထားသူတွေကို မေလ ၂၇ ကစပြီး နိုင်ငံကူးလက်မှတ်ဆိုင်ရာ ကိစ္စရပ်တွေ သက်တမ်းတိုးခြင်းတွေ မပြုလုပ်ပေးတော့ဘူးလို့ ဗန်ကောက် မြန်မာသံရုံးက ဒီကနေ့ (မေ ၂၄) မှာ ထုတ်ပြန်ပါတယ်။

မေလ ၂၇ ကစပြီး ချင်းမိုင်မြို့က မြန်မာကောင်စစ်ဝန်ရုံးချုပ်မှာသာ ဆောင်ရွက်ပေးသွားမယ်လို့လည်းထုတ်ပြန်ချက်ကဆိုပါတယ်။

ချင်းမိုင်မြို့က မြန်မာကောင်စစ်ဝန်ရုံးချုပ်ကလည်း ချင်းမိုင်မြို့က နိုင်ငံကူးလက်မှတ် ထုတ်ပေးတဲ့ စက်က စက်ပိုင်း ဆိုင်ရာ ချို့ယွင်းမှုဖြစ်ပေါ်နေပြီး မေလ ၂၇ ရက် တနင်္လာ‌နေ့၊ နံနက်(၉)နာရီမှသာ နိုင်ငံကူးလက်မှတ်သက်တမ်းတိုးခြင်းကို မူလအတိုင်း ဆောင်ရွက်ပေးသွားမယ်လို့ မနေ့က (မေ ၂၃)မှာ အသိပေးထုတ်ပြန်ထားပါတယ်။

ပုံ - ချင်းမိုင်မြို့က မြန်မာကောင်စစ်ဝန်ရုံးချုပ်။


#နိုင်ငံကူးလက်မှတ်

Website
www.bagannews.com
YouTube
https://www.youtube.com//videos
Telegram
https://t.me/bagannews

23/05/2024

ချင်းမိုင်မြို့က ကဆုန်လပြည့်နေ့ ညောင်ရေသွန်းပွဲ



ထိုင်းနိုင်ငံ၊ချင်းမိုင်မြို့က ပဏ္ဍိတာရာမသာသနာ့ရိပ်သာ(ချင်းမိုင်)ရဲ့ နှစ်စဉ် ကျင်းပမြဲဖြစ်တဲ့ ကဆုန်လပြည့်နေ့ (ဗုဒ္ဓနေ့)ညောင်ရေသွန်းပွဲကို မေလ ၂၂ ရက်နေ့ (ဗုဒ္ဓဟူးနေ့)မှာကျင်းပပြုလုပ်ခဲ့ကြပါတယ်။

ကဆုန်လပြည့်နေ့ (ဗုဒ္ဓနေ့)ညောင်ရေသွန်းပွဲကို နံနက် ၁ဝ နာရီကနေ စတင်းကျင်းပခဲ့ပြီး ညနေ ၃ နာနီခွဲမှာ ညောင်ရေသွန်းလောင်းခဲ့ကြတယ်လို့သိရပါတယ်။

Photo - Panditarama

Panditarama ချင်းမိုင် တရား ရိပ်သာကို သွားရောက်ချင်ရင်ဒီလိပ်စာအတိုင်းသွားရောက်နိုင်ပါတယ်။

(google map)
https://maps.app.goo.gl/q8iMBzAttwDk7kbk8

Panditarama ချင်းမိုင် တရား ရိပ်သာ ကို LTY Vlog ကသွားရောက်ခဲ့တာကိုလည်းဒီလင့်မှာကြည့်ရူနိုင်ပါတယ်။

https://www.facebook.com/ltyvlog/videos/886845136528694

#ချင်းမိုင် #ရိပ်သာ #ကဆုန်လပြည့်နေ့
#ညောင်ရေသွန်းပွဲ

22/05/2024

တညလုံး တောင်တက်ရင်း ဒွိုင်ဆူထက် ဘုရားဖူး (Doi Suthep Pagoda)

🙏 Visakha Bucha Day (ကဆုန်လပြည်နေ့) မှာ ထိုင်းလူမျိုး ထောင်ချီဟာ ထိုင်းနိုင်ငံ၊ချင်းမိုင်မြို့က ဒွိုင်စူထက်(Wat Phra That Doi Suthep)စေတီရှိရာကို တောင်တက်ရင်း ဘုရားဖူးကြပါတယ်။

ကဆုန်လပြည်နေ့မတိုင်မီ မေလ ၂၁ ရက်နေ့ ညနဲ့ ဒီကနေ့ မေလ ၂၂ ရက်နေ့နံနက် အထိ တညလုံးတောင်တက်ရင်းဘုရားဖူးကြတာပါ။

LTY Vlog ကလည်း မနေ့က မေလ ၂၁ ရက်နေ့ ညနဲ့ ဒီကနေ့ မေလ ၂၂ ရက်နေ့ နံနက် (၂)နာရီဝန်းကျင်အထိ Visakha Bucha Day (ကဆုန်လပြည်နေ့) အထိမ်းအမှတ်အဖြစ် ဒွိုင်ဆူထက် (Wat Phra That Doi Suthep) စေတီရှိရာကို တောင်တက်ရင်းဘုရားဖူးခဲ့တာပါ။

👣 လူအများက ချင်းမိုင်တိရိစ္ဆာန်ရုံ အကျော်က ဆုတောင်းပြည့်တဲ့ Kru Ba Srivichai Shrine ဘုန်းကြီးရုပ်တုကြီးရှိရာနေကနေ စတက်ကြတာပါ။

ကျနော်တို့ကတော့ ချင်းမိုင်တက္ကသိုလ်မှာ ဆိုင်ကယ်ထားပြီး လမ်းလျှောက်တက်ခဲ့တာပါ။

တောင်တက်လမ်းတလျှောက်လုံးလဲ စတုဒီသာ ဝါးဒီးဆိုင်လေး တွေက ကြိုဆိုခဲ့ကြတော့ စားလိုက် နားလိုက်နဲ့ဖြည်းဖြည်းတက်တာ (၃) နာရီခွဲလောက်ကြာခဲ့ပါတယ်။ 😁

👣 14 km overnight hike trip (၈ မိုင်ခွဲ) ကို တောင်တက်ခဲ့ကြတာပါ။

🚶‍♂️တနှစ်မှာတခါတာ ကျင်းပတဲ့ ပွဲမို့ ချင်းမိုင်ရောက်နေတုန်း သွားရောက်ခဲ့ပါတယ်။

မိတ်ဆွေများလည်း ကြည့်ရူပေးကြပါဦး။


#ချင်းမိုင်

🙏 Visakha Bucha Day (ကဆုန်လပြည်နေ့) မှာ ထိုင်းလူမျိုး ထောင်ချီဟာ ထိုင်းနိုင်ငံ၊ချင်းမိုင်မြို့က ဒွိုင်စူထက်(Wat Phra That Doi Suthep)စ....

22/05/2024

🙏 ချင်းမိုင်မှာ တညလုံးတောင်တက်ရင်း ဒွိုင်ဆူထက် ဘုရားဖူး



မနေ့က မေလ ၂၁ ရက်နေ့ ညနဲ့ ဒီကနေ့ မေလ ၂၂ ရက်နေ့နံနက် (၂)နာရီ၀န်းကျင်အထိ Visakha Bucha Day (ကဆုန်လပြည်နေ့) အထိမ်းအမှတ်အဖြစ် ဒွိုင်ဆူထက် (Wat Phra That Doi Suthep) စေတီရှိရာကို တောင်တက်ရင်းဘုရားဖူးခဲ့တာပါ။

👣 လူအများက ချင်းမိုင်တိရိစ္ဆာန်ရုံ အကျော်က ဆုတောင်းပြည့်တဲ့ Kru Ba Srivichai Shrine ဘုန်းကြီးရုပ်တုကြီးရှိရာနေကနေ စတက်ကြတာပါ။

ကျနော်တို့ကတော့ ချင်းမိုင်တက္ကသိုလ်မှာ ဆိုင်ကယ်ထားပြီး လမ်းလျှောက်တက်ခဲ့တာပါ။

တောင်တက်လမ်းတလျှောက်လုံးလဲ စတုဒီသာ ဝါးဒီးဆိုင်လေး တွေက ကြိုဆိုခဲ့ကြတော့ စားလိုက် နားလိုက်နဲ့ဖြည်းဖြည်းတက်တာ (၃) နာရီခွဲလောက်ကြာခဲ့ပါတယ်။ 😁

👣 14 km overnight hike trip (၈ မိုင်ခွဲ) ကို တောင်တက်ခဲ့ကြတာပါ။

🚶‍♂️တနှစ်မှာတခါတာ ကျင်းပတဲ့ ပွဲမို့ ချင်းမိုင်ရောက်နေတုန်း သွားရောက်ခဲ့ပါတယ်။

Video File လည်းမကြာမီတင်ပေးပါမယ်။

🙏Share By LTY VLOG
Photo - LTYVlog






#ချင်းမိုင်
#ဒွိုင်ဆူထက်

LTYVlog Youtube
https://www.youtube.com//videos

21/05/2024

ဒွိုင်စူတက်စေတီ လမ်းလျှောက်တက်

#ချင်းမိုင်

21/05/2024

🙏 ချင်းမိုင်မှာ တညလုံးတောင်တက်ရင်း ဒွိုင်ဆူထက် ဘုရားဖူးကြမယ်



ဟုတ်ပါတယ်။
ဒီနေ့ မေလ ၂၁ ရက်နေ့ဟာ မနက်ဖြန်ကျရောက်မယ့် Visakha Bucha Day (ကဆုန်လပြည်နေ့) အထိမ်းအမှတ်အဖြစ် ထိုင်းလူမျိုး ထောင်ချီ ဒွိုင်ဆူထက်(Wat Phra That Doi Suthep)စေတီရှိရာကို တောင်တက်ရင်းဘုရားဖူးကြမယ့်နေ့ပါ။

👣ဆိုတော့ ဘယ်နေရာကစမလဲ။ ချင်းမိုင်တိရိစ္ဆာန်ရုံ အကျော်က စုတောင်းပြည့်တဲ့ Kru Ba Srivichai Shrine ဘုန်းကြီးရုပ်တုကြီးရှိရာနေကနေ စတက်ကြမှာပါ။

ညနေ (၆) နာရီကနေ တောင်တက်ပွဲ အခမ်းအနားနဲ့ တညလုံး တောင်တက်ဖို့လမ်းဖွင့်ထားမှာပါ။

တောင်တက်လမ်းတလျှောက်လုံးလဲ စတုဒီသာ ဝါးဒီးဆိုင်လေး တွေက ကြိုဆိုနေမှာပါ။

👣တခုတော့ရှိပါတယ်။ တက်ရမယ့်ခရီးလမ်းဟာ 11km overnight trek
(၇) မိုင်နီးပါးကို တောင်တက်ရမှာပါ။

တက်လိုက် နားလိုက် တွေ့ရာ စတုဒီတာစားလိုက်။ အရေးပေါ် ကျန်းမာရေး စင်တာနဲ့ ကားတွေရှိရာမှာလဲ ညောင်းတတ် နာတတ်ရင် ဆေးကုသလို့ရပါတယ်။

🚩 မေလ ၂၁ ရက်နေ့ ဒီနေ့ကျင်းပမယ့် တောင်တက် အခမ်းအနား အစီအစဉ်

ညနေ ၆:၃ဝ နာရီ - တောင်ခြေရှိ Khao Kruba Srivichai Monument ဖွင့်ပွဲ အခမ်းအနား

ည (၇) နာရီ - သံဃာတော်များနှင့်အတူ ဘာသာရေးအခမ်းအနား။

ည (၈) နာရီ- Wat Phra That Doi Suthepစေတီ ဘုရားကျောင်း အထိ စီတန်းလှည့်လည်ခြင်း (တောင်တက်ခြင်း)

နံနက် (၁)နာရီ- Wat Phrathat Doi Suthep ၌ ဘာသာရေး အခမ်းအနား
ကျင်းပခြင်း၊လှူဒါန်းခြင်း။

🚶‍♂️တနှစ်မှာတခါတာ ကျင်းပတဲ့ ပွဲမို့ ချင်းမိုင်ရောက်နေသူများ အားလပ်ခဲ့ရင် သွားရောက်သင့်ပါတယ်။ မိုးကာတော့ယူသွားပါ။

🙏Share By LTY VLOG
Photo - CJ/FB






#ချင်းမိုင်
#ဒွိုင်ဆူထက်

LTYVlog Youtube
https://www.youtube.com//videos

19/05/2024

အယုဒ္ဓယ ဘုရားဖူးခြင်း ( Wat Phra Si Sanphet )

Wat Phra Si Sanphet စေတီဝန်းဟာ အယုဒ္ဓယမြို့ရဲ့ ရှေးဟောင်းယဉ်ကျေးမှုနယ်မြေထဲမှာပဲရှိပါတယ်။

စေတီတော် သုံးဆူတန်းကြောင့်ထင်ရှားပါတယ်။ ၁၃၅ဝ ခုနှစ်ဝန်းကျင်မှာ ထိုင်းဘုရင် King Ramathibodi ကတည်ဆောက်ခဲ့တာပါ။

ယိုးဒယား-မြန်မာစစ်ပွဲ ၁၇၆၇ ခုနှစ်မှာ ပျက်စီးခဲ့တယ်လို့သမိုင်းမှာဖော်ပြပါတယ်။ နောက်ပိုင်းတွေမှာတော့ လက်ရာမပျက် ပြန်လည်ပြုပြင်ထားပြီး စေတီဝန်းထဲက အဆောက်အအုံတွေကတော့ နဂိုလက်ရာ ပျက်စီးတဲ့အတိုင်းပဲထားထားတာကိုတွေ့ရပါတယ်။

အယုဒ္ဓယမြို့ရဲ့ Wat Phra Si Sanphet စေတီဝန်းကို ဒီရုပ်သံဖိုင်ထဲမှာ ကြည့်ရူလေ့လာနိုင်ပါတယ်။
https://www.youtube.com/watch?v=oK5AB5zxPOg

#အယုဒ္ဓယ

Wat Phra Si Sanphet စေတီဝန်းဟာ အယုဒ္ဓယမြို့ရဲ့ ရှေးဟောင်းယဉ်ကျေးမှုနယ်မြေထဲမှာပဲရှိပါတယ်။စေတီတော် သုံးဆူတန်းကြောင့်....

17/05/2024

ထိုင်းသံရုံး၊ ရန်ကုန် ထုတ်ပြန်ချက် (မေလ ၁၆)



ထိုင်းသံရုံး၊ ရန်ကုန်၏ အီးမေးလ်နှင့်ဝန်ဆောင်မှုပေးနေသောလမ်းကြောင်းများ

၂၀၂၄ ခုနှစ် မေလ ၁၆ ရက်နေ့မှ စတင်၍ ဝန်ဆောင်မှုများကို ထိရောက်စွာ ဆောင်ရွက်ပေးနိုင်ရန် ထိုင်းသံရုံး၊ ရန်ကုန်၏ အီးမေးလ်များ ပြင်ဆင်ချက်ကို ကြေညာလိုပါသည်။ သံရုံးသည်အီးမေးလ်လိပ်စာ ၂ ခု ကို အောက်ဖော်ပြပါရည်ရွယ်ချက်များအတိုင်း ပြောင်းလဲ သတ်မှတ်လိုက်သည်။

1. [email protected]
ဤအီးမေးလ်ကို အစိုးရပိုင်းဆိုင်ရာ နှင့် သံတမန်ရေးရာ၊ ကုလသမဂ္ဂအဖွဲ့အစည်းဆိုင်ရာကိစ္စရပ်များ၊ ထိုင်းအစိုးရမှ ပေးအပ်သည့် ပညာ သင်ဆုများ၊ ကောင်စစ်ဝန်ကိစ္စရပ်များနှင့် မသက်ဆိုင်သော အခြားရုံးပိုင်းဆိုင်ရာ ကိစ္စရပ်များ ပြုလုပ်နိုင်ရန် ဆက်သွယ်ခြင်းများအတွက် အသုံးပြုရန်ဖြစ်ပါသည်။

2. [email protected]
ဤအီးမေးလ်ကို ကောင်စစ်ရေးရာ ကိစ္စရပ်များနှင့်သက်ဆိုင်သောဗီဇာဝန်ဆောင်မှုနှင့်အတူစာရွက်စာတမ်းဆိုင်ရာတရားဝင်ထောက်ခံ ပေးခြင်း (legalization services) ပြုလုပ်ခြင်း ၊ ကောင်စစ်ရေးရာအကြံပြုမှုများနှင့် ကောင်စစ် ရေးရာနှင့်ကိစ္စရပ်များကိုပြုလုပ်ပေးနိုင်ရန် ဆက်သွယ်ခြင်းများအတွက် အသုံးပြုရန် ဖြစ်ပါသည်။

ကောင်စစ်ရေးရာနှင့်ပတ်သက်သည့်ဝန်ဆောင်မှုများကို လျှောက်ထား လိုသူများ သည် ဝန်ဆောင်မှုများဆိုင်ရာ အသေးစိတ်အချက်အလက်များ၊ လိုအပ်သောစာရွက်စာတမ်းများ၊ ဝန်ဆောင်ခနှင့် အခြားကိစ္စရပ်များကို အောက်ပါသံရုံး၏ ဝန်ဆောင်မှုလမ်းကြောင်းများမှ လေ့လာ ဖတ်ရှုရန် အကြံပြုအပ်ပါသည်။



#ထိုင်း
#ရန်ကုန်

LTY YouTube Channel
https://www.youtube.com//videos

13/05/2024

မြန်မာဘုရင် သိမ်းပိုက်ခဲ့ဖူးတဲ့ အယုဒ္ဓယ စေတီ (Wat Mahathat - Ayutthaya)

Wat Mahathat စေတီတော်ဟာ ထိုင်းနိုင်ငံ ဘန်ကောက်မြို့အနီး အယုဒ္ဓယမြို့မှာတည်ရှိတဲ့ ရှေးဟောင်းစေတီတော်များရှိရာနေရာပါ။

ဘန်ကောက်မြို့ကနေ ရှေးဟောင်း အယုဒ္ဓယမြို့ကို ရထားစီးပြီးသွားရောက်ခဲ့တာပါ။

ခုရုပ်သံကတော့ အယုဒ္ဓယမြို့ရောက်စဉ်မှာ Wat Mahathat စေတီတော်ရှိရာကို သွားရောက်လည်ပတ်ခဲ့တာကို ကြည့်ရူရမှာပါ။ ညောင်ပင်ခြေရင်းမှာ ဘုရားခေါင်းတော် ဝင်ရောက်နေတဲ့နေရာရှိရာ နေရာပါ။

အယုဒ္ဓယမြို့ကို ၁၇၆၇ ခုနှစ်မှာ မြန်မာဘုရင် သိမ်းပိုက်ခဲ့စဉ်တုန်းကလည်း Wat Mahathat စေတီတော်ပါဝင်ခဲ့ပါတယ်။ ခုနေခါမှာတော့ အယုဒ္ဓယမြို့ကျူးကျော်စစ်ပြီးထဲက ပျက်စီးခဲ့တာတွေကို နဂိုမူလအတိုင်း ထိန်းသိမ်းထားတာကို ကြည့်ရူရမှာပါ။

Wat Mahathat စေတီတော်ရှိတဲ့ Ayutthaya Historical Park ကို ၁၉၉၁ ခုနှစ်မှာ UNESCO က ကမ္ဘာ့အမွေအနှစ်ဇုန်အဖြစ် အသိအမှတ်ပြုခဲ့ပါတယ်။

ကြည့်ရူခံစားပေးကြပါ။

#အယုဒ္ဓယ

Wat Mahathat စေတီတော်ဟာ ထိုင်းနိုင်ငံ ဘန်ကောက်မြို့အနီး အယုဒ္ဓယမြို့မှာတည်ရှိတဲ့ ရှေးဟောင်းစေတီတော်များရှိရာနေရ....

12/05/2024

FYI သိ‌စေရန်။
North Chiang Mai University ထုတ်ပြန်ချက်။

07/05/2024

အယုဒ္ဓယ သွားတောလား (Train To Ayutthaya)

ထိုင်းနိုင်ငံမြို့တော် ဘန်ကောက်မြို့ကနေ ရှေးဟောင်း အယုဒ္ဓယမြို့ကို ရထားစီးပြီးသွားရောက်ခဲ့တာကို ဒီရုပ်သံဖိုင်ထဲမြင်တွေ့ရမှာပါ။

ဘန်ကောက်မြို့ဘူတာဟောင်း ဟွာလမ်းဖွန်း (Hua Lamphong Railway) ကနေ ပစ်ဆန်လော့ Phitsanulok မြို့ကို နံနက် ၉ နာရီခွဲထွက်တဲ့ ရထားနဲ့သွားရောက်ခဲ့တာပါ။ လမ်းတဝက်လောက်မှာ အယုဒ္ဓယဘူတာကို ဆင်းခဲ့တာပါ။

ဘန်ကောက်မြို့ကနေ အယုဒ္ဓယဘူတာကြားမှာ ဘာတွေမြင့်တွေ့ရမလဲ၊ ရထားကရော ဘယ်လိုလဲဆိုတာ ကြည့်ရူလိုက်ကြပါဦး။

#အယုဒ္ဓယ

အယုဒ္ဓယ သွားတောလား (Train To Ayutthaya)ထိုင်းနိုင်ငံမြို့တော် ဘန်ကောက်မြို့ကနေ ရှေးဟောင်း အယုဒ္ဓယမြို့ကို ရထားစီးပြီး....