MtVerse (2024)

21/04/2024

20 April, 1985
At Kanchan's House;

Kanchan chair pe baithi ek Doll sil rhi hai, tabhi 5 saal ki khushi uski god me aake baith jati hai
Khushi : mumma.. ap ye mere liye bna rhi ho
Kanchan : nhi betu, kal jo ladki ayi thi...
Khushi : Ma... Mann.. Nat...
Kanchan : Han, usi ke liye
tabhi wha ki lights chali jati hai
Khushi darr ke maa se aur chipak jati hai
lights on off hone shuru ho jati aur darwaza khulta hai
Kanchan udhr dekhti hai, aur bolti hai "Ao Mannat, tumhara hi intezaar tha"

MT's Spooky Tales

>
- WITCHCRAFT -

Putulbari, Shobhabazar, Kolkata ;
Ek purani veeran haweli k samne Kanchan aur uske piche Mannat ki aatma khadi hui hain
Kanchan : ao mannat
ye kahker wo usi gudiya ko apne jhole se nikalti hai
Mannat : aap ho kaun? aur apko ye sab kaise pta tha
Kanchan jhole se ek dibbi nikalti hai aur usme se kaale rang ka kuch hai jise wo ungli se lekar apne maathe par bada sa teeka lgati hai
Kanchan : Mai wo dekh sakti hu jo aam log nahi dekh sakte, maine kal hi tumhari maut dekhli thi, jab tum subah mere ghar aayi thi, mai samajh gayi thi, niyati ne kuch soch kar hi tumhe mere paas bheja hai, ab mai tumhari madad karungi, tumhara badla lene me
Mannat : par kaise? mai to... mar chuki hu
Kanchan : tumhe pta hai ye jagah kaunsi hai? yaha tumhari trh aur bhi adhuri khwahisho wali aatmaye hain, jo yha dolls me agyi hai.. mai tumhe bhi ek doll ka sharir dungi
Mannat : par doll bankar mai badla kaise lungi?
Kanchan : Is vidhi me mai is doll ko apne rakt se seechungi, jab tak mai tumhare sath hu, tumhare pas shaktiya hongi, tum chal fir sakogi, bol sakogi, saaya ban sakogi aur bhram paida kar sakogi.. warna uske alava tum bas ek nischit divas hi zinda ho sakogi
Mannat : aap mere liye itna sab kyu kar rahi par
Kanchan hasne lgti hai aur kahti hai, chalo vidhi puri kare..

wo jhole se apna chaku nikal kar apna hatheli me cut lgati hai aur uski boondie doll per dalti hai, fir wo padhna shuru karti hai ;

"Kali shokti ondhokare, anugroho kor,
Osheem shoktir probahe dhuche a*o,
Ei putuler moddhe tomar chetona bosao,
Ondhokarer rajye tomar bishwash ghotao."

[ Translation:
"In the darkness of Kali Shakti, I beseech thee,
Come forth in the boundless flow of power,
Inhabit the consciousness of this doll,
Instill your belief in the kingdom of darkness." ]

Mannat ko kuch ajeeb sa mehsus hone lagta hai, aur dhire dhire use halka mahsus hone lagta hai
Kanchan apna mantra repeat karti rhti hai
aur dekhte hi dekhte mannat khud ko doll ke roop me paati hai
Kanchan : Swagotom Mannat!
Mannat (in doll voice) : Badhiya!

At Evening, Farhan's Mansion ;
Farhan apne swimming pool ke kinare chair pe baitha chai p*e rha hota hai ke tabhi use pool me ek doll behti dikhti hai
Farhan : are.. ye doll kiski hai, aur yaha kaise aayi?
wo khada hota hai aur naukar ko avaz dene wala hota hai ki doll gayab ho jati hai
farhan kuch sochta isse pahle koi use dhakka de deta hai aur wo pool me gir jata hai, farhan hadbadane lagta hai.. tbhi use paani me fir wahi doll dikhti hai
use darr lagne lagta hai, ke tabhi doll uske pas aati hai aur uska sar pkd ke pani ke andr dhakelne lagti hai
farhan use htane ki boht koshish karta hai... par b*h ni pata, doll kahti hai, pehchana mujhe? mai hu mannat, kutru se
itna sunte hi farhan jhatpatana band kardeta hai kyonki wo smjh chuka tha ab kuch nhi ho sakta. aur wo doob kar mar jata h...

Mannat's Narration : main wha se jane wali thi par achanak se mai ruk gyi, mai bol ya hil nhi pa rhi thi, mai smjh gyi, wo lady ab sheher se jaa chuki hain... mai wahi reh gyi... kuch saal ghr ka samaan wese hi pda rha, par kuch saalo baad use wha se shift krdiya gya aur kisi storage me rkhdiya gya, aur fir...

2 December 2002 ;
Storage Auction -
Host : aur ab item number 604... ek nayaab handmade doll
kharidne walo me baithe ek admi se uski 10 sal ki bachi bolti hai "papa, mujhe ye doll chahiye"
papa puchte hain, "kyon shalini beta?"
to shalini kahti hai "papa, agle hafte meri school besti Priyanka ka birthday hai na, mai usko ye gift dungi"
papa kahte hain "acha, theek hai beta, dilata hu".

- Present Time -
6 April, 2024 ;
Priyanka aur Vaishali boht gaur se puri kahani sunti hain
Mannat : To ab apna kaam chalu karu?

To Be Continue-

20/04/2024

Additional Details from "MT's Spooky Tales" Part 8 & 9.

19/04/2024

RECAP : Priyanka ko uske dasve janmdim per ek doll milti hai jisme jaan ajati hai, priyanka ke gharwalo ko pta chalta hai to wo us doll ko jala dete hain, aur sheher chhod ke chale jate hain, uske agle din Priyanka ki bestfriend ki maut ho jati hai, aur har sal usi din Priyanka ke kisi na kisi karibi dost ki maut hoti rahti hai, 11 saal bad jab Priyanka wapas ati hai to ye sab jankar use sadma lagta hai, use bachpan ki ek dost milti hai Vaishali jo kisi tarah us shrap se bach gyi, wo Priyanka ko sab kuch btati hai aur dono sach ki talash karne wahi ruk jate hain par raat me wo doll ki aatma samne ajati hai aur un dono ke piche pad jati hai, akhir kar wo undono ek jgh rok leti hai, jaha Priyanka ke puchne par wo btati hai ki wo hamesha se aisi nhi thi, uski bhi ek kahani hai...

On Previously :
(6 April 1985)
Mannat's Narration : maa ki ankho me wo ansuo ki barish dekhte hi mai samajh gayi, kuch anhonhi hui hai, unhone mujhe smbhala aur btaya... ki mere bhaiya..... nahi rahe....

MT's Spooky Tales

>
- REVENGE -

Mannat's Narration : Tumhe lgta hai sirf tumhe hi pta hai karibiyo ko khona kya hota hai? us din maine ek sath do karibio ko khoya tha...

Kutru Local Hospital :
post martem ke baad bhi irfan ki deadbody uske ghrwalo ko nhi di gyi, btaya gya ki body me hydrogen cyanide ki matra boht zyada hai, isliye body poisonous hai

Mannat's Narration : maa ka ro ro ke jo hal tha wo bayan nhi kar sakti, maa ne kyi bar kosis ki, doctors se, par unhone body nhi di.. agle din khbr mili ki wo sari deadbodies ko kahi le ja rhe hai, dafnane k liye.. jaise hi hospital se truck nikla, maa uske piche daudne lgi, maine rokne ki boht koshish ki, par mai gir gayi.. maa ko lg rha tha unhe kisi kabristan le jaya jayga.. par unhone wo sari bodies nadi ke kinare fenk di... meri maa wahi baithi roti rhi.. jb tk mai wha pahuchi.. wo whi bethe bethe dam tod chuki thi...

- silent -

Few Days Later :
kuch din bad company ke log wapas aaye aur Irfan ke loss ka muavza dene mannat k ghr aye, mannat ka ghar ab bas ek veeran makaan pda hua tha , aur kone ke kisi kamre me mannat, wo 15 sal ki ladki, kyi dino se bhuki pyasi pdi thi, lash ki trh
Company walo ne use uthaya aur ek kagaz dikha kar bola, yha par sign ya angutha lgao, aur ye paise rkho
Mannat kisi trh khud ko smbhalti hai, paani p*eti hai aur puchti hai, kya likha hai is kagaz me?
To wo company ka admi bolta hai, pichle dino yaha jo bhi hua tum uske bare me kuch nhi bologi kisi se, tumhe kuch nhi pta yha kya hua...
Mannat baat kat'te hue bolti hai, aur mene jinko khoya unka kya
to wo admi bolta hai, smjhlo kahi bhag gya.. tumhare baap ki trh
ye sunte hi Mannat ke gussa badh jata hai, aur wo apne rupatte m bandhi hui Chaku nikal ke sidha us admi ki gardan par marti hai, jisse wo wahi gir jata hai, uska khun niklne lagta hai aur wo tdp tdp kar marne lgta hai, khun ki chhittiyan mannat ke chahre per pad jati hai, itne me dusra admi mannat par hamla karta hai aur use dhakka deke gira deta hai, wo us par hamla karne jata hai par Mannat Bach jati hai, aur whi chaku phle bnde ki gardan se nikal ke dusre ke pair par marti hai, jisse wo ladkhada ke gir jata hai, fir mannat usi chaku se uske seene par lagatar var karne lgti hai... aur uske chahre per gussa aur nafrat ubhar ati hai... aur wo thaan leti hai ab wo badla leke rahegi

wo kayi din teyyari karti hai, pta lgati hai us company ka boss kon hai jisne wo mine bnwai thi yhan
aur ek raat chupke se andr ghus jati hai, par boss tak pahuchne se pahle hi wo pakad li jati hai, wo use apne baki saman ke trucks me bhrke headquarter ke liye ravana krdete hain

KOLKATA;
jab mannat ko hosh ata hai wo kolkata me hoti hai, aur dekhti hai wo akeli nhi wha usko jaisi boht sari ladkiyan hain
tab use samjh ata hai unhone mujhe bech diya hai... Mannat kisi trh wha se bhagti hai, Wo log uske piche pde hote hain, to Mannat ko ek ghr dikhta hai jiska darvaza khula hota hai, wo turant andr jaker chhip jati hai.. tbhi waha ek aurat aati hai aur uske piche se unki nanhi si bachi
wo aurat mannat ko dekhke bolti hain, Tum kaun ho? aur yhan andr kya kar rhi ho
Mannat btati hai kaise use jbrdsti pkd kr glt jgh bheja gya aur wo wha se bachkar ayi, par mannat ne unhe wo nhi btaya ki usne do logo ki jaan bhi li hai
puch tach krne k bad wo aurat use apne ghr me rukne ki ijazat de deti hai, aur btati hai mera naam Kanchan hai, aur ye meri beti Khushi, Mannat btati hai use us coal company ke boss se milna hai, to Kanchan use kuch paise de deti hai aur uske liye khana pack krdeti hain
Mannat unka shukriya karti hai ki ek ajnabi hoker bhi apne meri boht madad ki, Kanchan use gala kar bolti hai, koi baat nhi bacha, ajnabi se pahle ham insaan hai

Mannat company ke headquarter pahuchti hai, wo log use andr ni jane dete pr wo bahar hi wait krti hai chhupke, jab boss nikl kr apne ghr ko jata hai to Mannat uska picha krti hai aur uske ghr pahuch jati hai, piche ki diwar par karke wo andr pahuchti hai, aur apni wahi chaku nikalti hai aur boss ke kamre me jane lagti hai, ke tbhi guard use dekhlete hain, aur bakio guard se kahte hain, jaldi chalo Mr. Halder k room k pas koi hai, aur daud ke use pkdne ane lgte hai, mannat jaldbazi me boss par chaku se hamla karti hai, Mr. Halder usse puchte hai tum ho kaun, tb wo btati hai mai whi ladki hu jiske bhai aur maa tmhari wjh se mar gyi, mera bhai tumhari mine me kaam krta tha
Mr. Halder mannat ko utha ke fekta hai aur kahta hai, acha to tu hi hai wo jisne mere do admiyon ko maara, or ab tu mujhe maarne aayi hai
dono me haatha paayi ho jati hai, per Mr. Halder boht takatwar hota hai aur wo Mannat ko chhat se niche fek deta hai... jab mannat ki aankhe khulti hai, to wo dekhti hai ki charo trf khun faila hai, par yha or koi nhi hai, wo charo trf dekhti hai ki baki sb kaha gaye, use bunglow ke piche se avaze aati hai, wo piche jaker dekhti hai to uski aankhe fati ki fati reh jati hai
wo dekhti hai samne wo log kisi cheez ko jala rahe hain, wo cheez koi or nhi Mannat ki body hai.

To Be Continue-

17/04/2024

On Previously:
Priyanka : koi doll akhir kaise zinda ho sakti hai
Mannat : ye ek lambi kahani hai Priyanka, mai hamesha se aisi nahi thi, mai bhi tumhari tarah insan thi, ek bachi thi... janna chahogi mai aise kaise bani?

MT's Spooky Tales

>
- MANNAT -

Year 1981, West Bengal ;
kahani ki shuruat hoti hai west bengal ke uttar purvi ilake me base ek chhote se ganv Kutru (fictional) se, pedh paudho aur hariyali se ghira ye ganv zyada samradh nhi hai, par yha ke logo ke dil abhi tak baki duniya ki tarah mayle nhi hue... kutru ke logo ka mukhy vyavsay kheti hain.. par yha ke logo ko andaza b nhi hai, jis upjau zameen per wo varsho se kheti kar rahe hain, uske niche bhari matra me kya maujood hai

Sardiyo ke dino ki baat hai, Irfan daud kar apni ammi ke pas ata hai, aur unhe paise deta hai jo usni apni pahli kheti se kmai hai, irfan abhi bas 15 sal ka hai, jo apni ammi aur chhoti behen (11 saal) Mannat ke sath rahta hai, uske abba 1971 me Indo-Pak yudh me bangladesh gaye the indian army ki taraf se, par kabhi laut ke na asake, us samay mannat sirf kuch mahine ki thi, isliye usne kabhi apne baap ko dekha hi nahi, tabse unka ghr ka kharch uske dada ji chla rhe the par wo bhi pichle sal chal base, aur chacha ne kharch dena band kardiya, maa ne batware ki mang ki to panchayat ne batwara karwa diya, par batware me jo khet aya use sambhalne ke liye Irfan boht chhota tha, par fir bhi usne apni mehnat aur lagan se phli fasal kaati aur sare paise apni ammi ko lakar diya

Maa : mannat? o beta mannat.. chalo aao bahar, dekho tumhara bhaiya khet se wapas agya hai, Pani pilao akar bhai ko
andr se 11 sal ki gudiya jaisi pyari si bachi mannat nikalti hai...
Mannat : aayi ammi, assalamualaikum bhaiya, baitho me paani lati hu
wo pani lekar aatii hai aur irfan ko deti hai
fr sab sham ka khana khate hai aur hamesha ki tarah so jate hain
aur fir hamesha ki tarah irfan jaldi uth jata hai aur khet per nikal jata hai
tabhi use ganv me kuch afsaro ki gadiyan dikhti hai, use lagta hai shayad uske abba ki koi khabar aayi ho, to wo daud kar wha jata hai... aur unki baate sunta hai... wo log kisi company ki taraf se aaye the, aur shayad kuch bnana chahte the yhan, irfan ko laga shayad isse inke ganv me tarakki hogi aur rozgar milega

Din beet te gaye, aur akhir wo din agya jab un logo ne aelaan kiya ki wo yha ke kuch khet khareedna chahte hai, aur yha ek coal mines bnana chahte hain, aur ganv k logo ko us Mine me naukri bhi milegi, usse log khush ho gaye aur unhone turant hami bhrna shuru krdiya, Irfan ne is bare me apni ammi se baat ki, aur antt me raazi ho gya ganv walo ke dabav se

1984 ;
3 saal zameen ke muavze ke paiso se kharch chlane k baad, akhir wo coal mine bnke tyyar ho gyi
Irfan ne bhi waha kam karna shuru kardiya...

6 April, 1985 ;
(mannat's narration) : us din mai chulhe par rotiya bna rhi thi, sham ke 7 baje ke kareeb.. ke tabhi ek zordar dhamake ki avaaz aayi.. mai duad kar bahar aayi, Mine ki taraf se dhamako ki avaaz aati hi ja rhi thi, charo or afra tafri ka mahaul ho gaya tha...
kuch samajh nhi aaya kya hua... logo ke kahte suna ki Mine me gas ka visfot hua hai... ye sunte hi mera dimag kam karna band kardiya, mere aankho ke samne bas Bhaiya ki tasveer aane lagi, me bina chappal pahne aisehi mine ki taraf daudne lgi, gate k pas mujhe rok diya gya.. sath hi baaki sb ko bhi rok diya gya, aur ambulance andr jane lagi.. tabhi samne ek boht bada dhamaka hua aur imarato me aag lag gyi.... bheed me mere sar per chot lag gyi, jab hosh aya to mai aspatal me thi, maa mujhe layi thi, maa ki ankho me wo ansuo ki barish dekhte hi mai samajh gayi, kuch anhonhi hui hai, unhone mujhe smbhala aur btaya... ki mere bhaiya..... nahi rahe....

To Be Continue-

15/04/2024

On Previously :
Father Martin uthke prayer hall me aate, piche se wo dono bhi aati hai, Ke tbhi unhe samne andhere me ksi ki shadow dikhti hai
Father Martin : Kon Ho Tum? God Ke Ghar Me Apne Napaak Kadam Rakhne Ki Zurrat Kaise Ki Tumne
Tabhi Us Shadow me se nikalti hai Priyanka ki doll "Mannat"
Mannat (doll voice me) : Hello Priyanka (evil laugh).

MT's Spooky Tales

>
- FACE OFF -

Priyanka aur Vaishali dono ekdm shaant, mano sadme me, khadi bas ek tak doll ki trf dekh rhi hain... Vaishali ki dil ki dhakdhak badhti ja rhi aur uske maathe se paseene ki boondie tapakna shuru ho jati hai, ye paseena garmi ka nahi balki darr ka hai, jo is waqt vaishali mehsoos kar rahi thi, jabki Priyanka ko bhi dar lag rha tha par wo darr nahi jo Vaishali ko, kyonki Vaishali ne apni ankho se dekha hai ye gudiya kya kar sakti hai, jabki Priyanka ne bas suna hai...

Mannat dhire dhire weird tarike se badhti hui shadows se bahar arhi hai
Father Martin : who are you? tell me
Mannat uski trf dekhti hai aur fr priyanka ki trf dekhne lagti hai
Father Martin : Leave Them, Demon, Or God Will Punish You
Mannat : Shut Up, Or I Will Punish You.
Father Martin apna cross pkd kar doll ki trf ishara karte hai aur Bible Ke Verses chalu karte hain

"(Mark 16:17) And these signs will follow those who believe: In My name they will cast out demons; they will speak with new tongues;"

Itne me mannat ruk jati aur firse martin ki taraf dekhti hai
Mannat : tumhe bhi usi tarah marna padega jis tarah Alfred ko mara tha
ye sunte hi Father Martin thode se dar jate hain
Mannat hasne lagti hai ke tbhi ek candle gir ke parde se takra jati hai jisse parde me aag lag jati hai
Father Martin : tum dono bhaago yaha se
wo dono bhagne lagti hain aur father firse Verses pdhna shuru kar dete hain

"(Proverbs 18:10 NW) The name of Jehovah is a strong tower. Into it the righteous runs and is given protection."

Itne me aag unke kpdo me lag jati hai, Father Martin bhagne ki koshish karte hain par pair nhi hila paate aur dekhte hi dekhte jal ne lag jate hain, Priyanka church k gate k bahar se khadi ye sab dekh rahi hoti hai, uski ankhe vishwas nhi kr rhi hoti ki usne ye sab kya dekhliya, wo to bas dashak baad apne purane sheher aayi thi apne dosto se milne, aur yha aakar to uski zindagi hi badal gayi, ab wo kabhi pahle jaisi nhi ho payegi jaisi thi

Vaishali use kehti hai, Oyee jaldi chal, wo dekh wha ek taxi hai, chal jaldi hame sheher se bahar nikalna padega
Priyanka : han
aur dono taxi ki taraf daudne lagti hain

Taxi ke pas pahuchke, vaishali knock karti hai,
Taxi Man window kholker puchta hai, Ji madam? Itni raat ko ap yha kya kr rhi, kaha jana apko?
Vaishali : sheher ke bahar
Taxi Man : shaher ke bahar? par kis trf? jana kaha hai ye to bataiye
Dono jaldi se taxi me baith jate hain
Priyanka : bas chalte raho, sheher ki hadd se bahar nikalna hai
Taxi man taxi chalu kar deta hai aur chlane lagta hai

Taxi Man : waise ap dono itni hadbadi me kyon hain? jaldi me to aise hain jaise koi Murder kar ke arhi (haste hue)
Priyanka : bakwas mat kariye bhaiya, jaldi gadi chlaiye bas
Taxi Man : aree ap itna bhadak kyon rahi, mai to bas mazaak kar rha hun
Vaishali : tumhara mazak jaye tel lene, hmara mjak ka mood ni hai
Taxi Man : are, badi badtameez qisam ki ho ap log, ek kaam kariye, utariye meri Taxi se, koi or dhund lijiye, chle ate hai pta nhi kaha kaha se
Priyanka : are nhi nhi Bhaiya, wo ye bs thoda tension me hai, ap chalaiye gadi
tabhi achank se taxi ke samne doll ajati hai, aur driver ko ghurne lagti hai,
Vaishali aur Priyanka kahte hai, nhi nhi gadi mat rokna plzz
par driver darr ke maare break lga deta hai, tbi wo gudiya samne se gayab ho jati hai, aur piche ki window per chipak jati hai
driver jaldi se gadi se utar ke bhagne lagta hai
Priyanka : are bhaiya, kaha bhag rahe ho taxi chhor ke... ruk jao
per wo nhi sunta or bhag jata hai, ab driver seat pe gudiya ajati hai aur piche mud ke dono ki trf dekhti hai

Priyanka : tum kyon kar rahi ho aisa akhir?
Mannat : maine kya kiya
Priyanka : tumne mere saare dosto ko ek ek karke mar dala
Mannat : mai bhi to tumhari dost thi, mujhe bhi to tumhare gharwalo ne jala diya tha, tab kaha thi tumhari dosti, jaise ek dost ko jalte dekha tha, ab sab ko dekhogi (ye kahker wo Vaishali ki trf dekhne lagti hai)
Priyanka : mujhe maf kardo, us smy me bachi thi, mujhe to ye bhi nahi pta tha tum asli ho, ya wo bas mera bachpan ka bhram
Mannat : dekho meri taraf, mai asli hi hoon
Priyanka : par kaise? tum akhir kaise ho sakti ho, koi doll akhir kaise zinda ho sakti hai
Mannat : ye ek lambi kahani hai Priyanka, mai hamesha se aisi nahi thi, mai bhi tumhari tarah insan thi, ek bachi thi... janna chahogi mai aise kaise bani?

To Be Continue-

12/04/2024

On Previously :
dono ko ek ek karke hosh ata hai, wo ek dusre ko uthati hai
Priyanka : Vaishali tu theek hai? kya hua tha
Vaishali : woh... wo... Vaishali turant phone uthaker Time dekhti hai
aur time ho raha hai "11:59 PM" aur jse hi dono ek dusre ka chehra dekhte hai, time "12:00 AM" ho jata

MT's Spooky Tales

>
- AT CHURCH -

Vaishali : Oh F*** Mar Gaye...
Priyanka : Huwa Kya Tha
Vaishali : Wo Chhod, Dekho Ab Kya Hoga, Bhago Yaha Se...
dono daudte huye ghar se bahar bhagne ki koshish karne lagte hai, per gate andr se lock ho jata hai aur khulta nahi, Priyanka malbe ka ek patthar uthake window p marti hai, jisse kanch tut jata hai, aur wo Vaishali ko ishara karti hai, aur dono chhalang lga ke bahar nikal aate hai
Priyanka : tu thik hai?
Vaishali : han, abhi tak to? or Tu?
Priyanka : han.. chal... ham chalenge kaha?

(dono bhagte huye)
Vaishali : kisi bhi tarah is town ki seema se bahar
Priyanka : Agar wo koi shrapit chudail hai to ham kisi pavitr jagah chalte hain na? yaha pas hi me ek Church hai, bachpan me papa ke sath jati thi
Vaishali : han yad hai mujhe
(dono church ki trf bhagne lagti hai, aur bar bar piche mudke dekhti rehti hain)

At Church;
dono pahuch ke andr ati hain
(haafte huye)
Priyanka : wo yaha nhi askti, hai n?
Vaishali : mujhe nahi pta
Priyanka : movies me dekha hai, Holy places me jaldi ni aate, han bas wo Valak na ho (thoda sa haste huye)
Vaishali : tumhe mzazk sujh rha hai? tumhe andaza bhi hai? hamari Jaan khatre me hai, ham me se koi mar sakta hai
Priyanka : Mujhe to abhi bhi yakeen nahi ho raha
Vaishali : tumne abhi tak kuch dekha nahi hai na, isilie, acha btao ham dono behosh kaise huye the
Priyanka : ham bahar arhe the tbhi pta ni kuch hua hm piche mude or........ waha koi tha? ek mint... hamne ksii ko dekha tha
Vaishali : han.. ab smjhi, yaha jo ho rha wo normal nahi hai
Priyanka : chalo chalke ye Father ko btate hai, pahle yaha father Alfred rahte the na?
Vaishali : wo mujhe nahi pta, chalo puchte hain

hall se aage bdhte huye rooms ki trf jate hain aur knock karte hain, to andar se ek admi nikalta hai, puchta hai "ji ap log kaun?"
Priyanka : hame father alfred se milna hai
to wo jwab deta hai "maaf karna, wo to ab nahi hai is duniya me"
Vaishali : or ap kaun hai?
To wo kehta hai "mera nam father Martin hai, mai yaha father Alfred ke jane ke guzarne ke baad se hu, aur ap dono ki tareef?"
Priyanka : mai priyanka, ye meri friend Vaishali.. mai pahle yaha rahti thi to father alfred mere dad ke dost the
Father Martin : mai ap logo ki koi madad kar sakta hu?
Priyanka : ummm... actually han
Father : Ao baith kar bat karte hain

At Cabin ;
Father Martin : han btao kya hua?
Priyanka : Father Alfred ko kya hua tha?
Father Martin : 7 sal pahle ek hadse me, ek mint tum wohi ho na? Jiske pas ek doll thi?
Priyanka ye sunke frse shock ho jati hai
Priyanka : apko kaise pta?
Father Martin : Father Alfred mere guru jaise the, unhone btaya tha tumhare baare me, us shrapit gudiya ka curse tumse htaya tha unhone, 11 sal pahle
Priyanka sunti rhti hai ashcharya se
Father Martin : Father Alfred ki hatya hui thi, par accident ki shakal me, darasal ek shaitani aatma ne unper hamla kiya tha, mujhe hamesha se yahi lagta ki wo tumhari doll to nhi
Vaishali : date kya thi?
Father Martin : kya?
Vaishali : Father Alfred ki death ki date kya thi?
Father Martin : kyon? aaj hi ke din, 6 April 2017

Priyanka aur Vaishali dono ek dusre ka muh dekhne lagte hain
Ke tabhi Church me light spark karne lagti hai
Father Martin : Ab ye light ko kya ho gaya

jesus ke statue k pas rakhi candles bhi bujh jati hain
Dono boht darr jati hain aur Father Martin uthke prayer hall me aate, piche se wo dono bhi aati hai
Ke tbhi unhe samne andhere me ksi ki shadow dikhti hai
Father Martin : Kon Ho Tum? God Ke Ghar Me Apne Napaak Kadam Rakhne Ki Zurrat Kaise Ki Tumne
Tabhi Us Shadow me se nikalti hai Priyanka ki doll "Mannat"
Mannat (doll voice me) : Hello Priyanka (evil laugh).

To Be Continue-

11/04/2024

On Previously :
Priyanka aur tez bhagti hai aur bhagte bhagte Graveyard pahuch jati hai, Wo piche dekhti hai to ab uska picha koi nahi kar rha
Fir wo khudko smbhalti hai aur wha se jane lagti hai tabhi uski nzr Shalini ki grave par padti hai, jaha uski asthiya dafn, fir uske bagal me Meher ki... fr Rahul ki... aur uske bagal me Raaz ki.

MT's Spooky Tales

>
- Friendship Curse -

Priyanka wo dekh kar ekdm se shock me chali jati hai aur khudse swal karne lagti hai, ki kya jisse wo bhag rhi thi wo bhoot tha? aur in sab me meri us doll ka kya role hai, kahi ye sab usse hi to juda nahi

Priyanka smjh jati hai uske swalo ke sahi sahi jwab bas Vaishali hi de sakti hai, to wo fauran Airport ke liye nikal padti hai, kyunki Vaishali flight se bahar ja rhi thi.

Airport ;
Vaishali gate se andr jaker waiting area me baithi hai aur flight ka intezar kar rahi hai tbhi use use ek phone ata hai jisme Therapist likha hota h

(call per)
Dr. Sonali : Hello Vaishali? Kal 6 April Hai, Tumhara Session Hai Na Kal, Tum Arahi Ho Na?
Vaishali : Han Doctor, Mai Bas Airport Per hi hu, flight ke timing ka wait kar rahi
Dr. Sonali : tumhare pichle week ke Scans agye hai, tum kaho to tumhe send kardu?
Vaishali : ok? waise sab theek to hai na?
Dr. Sonali : han, tum recover ho rahi ho, reports better hain
Vaishali : oh thats good, theek hai fir kal milti hu apse
Dr. Sonali : ok, see you
(call cut)

kuch der me wha Priyanka ajati hai aur Vaishali ko bulati hai
Vaishali use dekh ke kahti hai, Tum abhi tak yahin ho, tumhe us sheher se kahi dur chale jana chahiye, kam se kam kuch dino ke liye, Priyanka puchti hai, mujhe btao kya hua hai akhir, chal kya raha hai yaha... Vaishali idhr se udhr, udhr se udhhr chakkar lgane lagti hai, Priyanka fir use avaz deti hai ki Vaishali? bolo kuch? plz... Raaz bhaiya ki grave dekhi maine aur usse kch der phle unse bat krri thi unke ghr pe
Itna sunte hi Vaishali ruk jati hai, or kehti hai "kya kaha tumne? unse bat krri thi, wo b unke ghr p?, ye kaise ho skta hai, is baar ye jaldi kaise shuru ho gaya"
Priyanka : kya jaldi shuru ho gaya?
Vaishali : Wo Friendship Curse...
Priyanka : kya? konsa curse
Vaishali : time kya hua hai abhi?
Priyanka : 4 PM kyu?
Vaishali : thoda time hai abhi, chalo mere sath, tumhe kuch dikhati hu

Vaishali Priyanka ko lekar uske yaha wale ghr ki trf le jane lagi
Priyanka puchti hai, ham mere ghar kyon ja rhe hain? to Vaishali bolti hai, abhi tumhe tumhare sare sawalo ke jwab mil jayenge

Raste me use ek jgh per Priyanka bolti hai, Vaishali.. yaha pe to kal ek jhopdi thi, jab me ghr aayi thi
Vaishali : kya? aisa to kuch nahi hai
Phir wo use uske ghar le jati hai
Priyanka jaise hi apne ghr me kadam rkhti hai wo kuch aisa dekhti hai jaise mano uske pairo tale zameen hi khisak gayi ho
Priyanka : ye... ye kaise ho sakta hai

Us ghr ki halat itni jarjar thi aur andr ghas phus nikl aye the
Priyanka : jab mai kal ayi thi to ye jagah bilkul aisi nahi thi
Vaishali : han, usne tumhe chhal dikhaya
Priyanka : kya? kisne?
Vaishali : Mannat ne
Priyanka : tumhe y nam kaise pta....
Vaishali : mujhe boht kuch pta hai tumhari us Doll ke baare me, wo jisne hamare sare sathiyo ko mar diya, even Rahul ke bhaiya ko bhi, kyonki unhone hamari madad ki thi
Priyanka : ye kaise ho sakta hai, wo to bs ek doll thi jisse mai bachpan me bate kia krti thi, mai chhoti thi to sochti thi ki wo bhi mujhse baat karti, fr papa ne kisi wjh se usko jala diya th, maine kay sal tk apni doll ko boht miss kia, or ab tum ke rahi wo koi murderer hai, Annabelle ki tarah
Vaishali : haan, yahi kahri mai, aur tum sochti nhi thi ki wo tmse bat krti, wo schme krti thi
Priyanka : par tumhe ye kaise ptaa
Vaishali : usne khud btaya

Vaishali Priyanka ko angan me leke ati hai aur ek malbe ka dher dikhati hai
Vaishali : isi jagah pe tumhare papa ne use jalaya tha
Priyanka : usne tumhe btaya? tum usse bat krt ho
ab Priyanka, vaishali se bhi darne lagi thi
Vaishali : daro mat, mai mari nhi hu... filhall, actually.. wo mere sapno me aati hai, wo hm dono ko kab ka mar chuki hoti agar hm is sheher me hote
Priyanka : mujhe to samjh nhi arha, aisa kaise ho sakta hai
Vaishali : wo is sheher se bahar nhi ja sakti, bs yhi kaid hai, aur wo bali sirf 6 april ko deti hai, jis din tumhare papa ne use jalaya tha
Priyanka : oh my god, ye sb kya ho gaya
Priyanka rone lgti hai, uske dasve birthday pe mili us ek doll ki wajah se usne apne kitne sare dosto ko kho diya, aur un dosto ke ghrwalo ka kya hal ho gaya ye sochkar
Vaishali : chalo ab yaha se chalte hain, warna Late ho jayega
dono bahar ki trf jane lagte hai ki tabhi unhe lgta koi unke piche khda hai, jaise hi wo dono piche mudti hai... unki ankho ke samne andhera chha jata hai

(kuch der bad)
dono ko ek ek karke hosh ata hai, wo ek dusre ko uthati hai
Priyanka : Vaishali tu theek hai? kya hua tha
Vaishali : woh... wo... Vaishali turant phone uthaker Time dekhti hai
aur time ho raha hai "11:59 PM" aur jse hi dono ek dusre ka chehra dekhte hai, time "12:00 AM" ho jata

To Be Continue-

07/04/2024

MT's Spooky Tales

>
- Sinister Date -

(6 April 2014)
Area ke Sablog nadi ke kinare bheed lgaye hue hain, sath hi police aur medic bhi wha hai, scooba divers nadi me se ek dead body nikal kar laate hain, us bachi ki dead body dekhte hi as pas khade logo me matam ka mahaul chha jata hai
wahi khade us bachi ke dost Rahul aur Vaishali
Rahul : ye sab ho kya raha hai.. pichle sal isi din Shalini ke ghr me aag lagi or wo hame chhor ke chali gayi, aur aaj Meher
Vaishali (rote hue) : yar jabse Priyanka sheher chhod ke gayi hai sab ujad gaya hai
Rahul : pta nahi ab kya hoga...
Tabhi un dono ke parents unhe wha se alag le jate hain....

(5 April 2015)
raat ke kareeb 11:45 baje, rahul ke ghr per; rahul, vaishali aur rahul ke bhaiyya Raaz, rahul ke kamre me ikattha hote hain
Vaishali : 12 bajne ne bas thoda time bacha hai, aur frse wo manhus din shuru ho jayega... yaar mujhe to boht darr lag rha hai
Raaz : daro mat, agar tum dono yha rhoge mere samne, sath me.. to koi anhoni kaise hogi, tum me s koi akela nhi rhega is pure din
Rahul : par bhaiyya dar to lagta hai na, kahi hamare ghr me bhi shalini ke ghr ki tarah aag...
Raaz : chupp... no negativity

kuch der baad ghar ki light chali jati hai, dono boht darne lagte hain, unki nzr ghadi pe padti hai to 12 bj chuke hote hain
Raaz : aree daro mat tum dono, bs light gyi hai, shyd Inverter ka switch band hoga ruko mai on karke ata hu
Rahul : ye mummy papa ko bhi aaj hi jana tha bahar

Raaz niche inverter ka switch on karne chala jata hai..
idhar kamre me kisi bachi ke hasne ki avaze gunjne lagti hai
Rahul aur Vaishali boht darr jate hai, Ve kamre se bhagne ki koshis karte hain par andhere ki wjh se unhe kuch smjh nhi arha hota, tbhi unhe window per priyanka ki whi doll dikhai pdti hai, dono zor se chillate hai, chillane ki avaz sunkar Raaz fauran duadta hua upar bhag ke ata hai.. ke tabhi light ajati hai
Raaz dekhta hai ki Vaishali desk k niche chhupi baithi hai par Rahul yahan nahi hai, tb uski nzr Window per pdti hai jo ki khuli hui thi, Wo daudkar window ki trf jaker jhankta hai to use niche dikhta hai... Rahul jo window se niche gir ke mar chuka hai...

Present Time (5 April 2024) -
Priyanka ke kandhe per hath rakhta hai aur kahta hai "Mere Sath Chalo"

Priyanka piche mudke dekhti hai
Priyanka : Raaz Bhaiyya.. Aap?
Raaz : Tumhari Jaan ko khatra hai, plz mere sath aao
Priyanka : kya? mai samjhi nhi
Raaz : tumhe boht kuch samjhana hai

Raaz's House;
Priyanka : kya? shalini.. meher... rahul sab ek hi date per... jo ki kal hai, how is this possible bhaiyya? ye bhi to ho sakta hai ye koi ittefaq ho? aur Vaishali? uska kya? wo to theek hai.
Raaz : Rahul ke hadse ke turant baad wo sheher chhod ke chali gayi aur 2 sal bad wapas ayi, tab wo samajh gayi ye jo kuch bhi hai 6 April ko hi hota hai, Isiliye wo har saal 5 April ko yha se chali jati hai aur kuch din baad aati hai
Priyanka : Mujhe in sab me vishwas nhi hai
Raaz : acha, or ye bat bol bhi wo rahi hai jiske pas bachpan me ek zinda gudiya thi
Priyanka ye sunte hi sann ho jati hai
Priyanka : aap... aap ko.. kaise pta
Raaz : maine dekha hai use.. har saal.. 6 April ko... Wo tumhare sare dosto ko torcher karti hai, unke marne k baad bhi, unki rooho ko kaid kiye hai, sirf tumhare intezar mai
Priyanka ye sb sunkar boht ghbra jati hai, Bhaiyya ke muh se aisi baate sunkar wo shock me pad jati hai
aur turant wha se uth kar bahar ajati hai bhagte hue, piche dekhti hai to Raaz bhaiyya uske piche arhe hain
wo aur tez bhagti hai aur bhagte bhagte Graveyard pahuch jati hai

Wo piche dekhti hai to ab uska picha koi nahi kar rha
Fir wo khudko smbhalti hai aur wha se jane lagti hai tabhi uski nzr Shalini ki grave par padti hai, jaha uski asthiya dafn, fir uske bagal me Meher ki... fr Rahul ki... aur uske bagal me Raaz ki.

To Be Continue-

MtVerse

21/04/2024

20/04/2024

19/04/2024

17/04/2024

15/04/2024

12/04/2024

11/04/2024

07/04/2024

Address

Website

Alerts

Shortcuts

Share