16/06/2024
ဖြစ်ရပ်မှန် ဇာတ်လမ်း ကရင်ပုံပြင်
(နော်ဘူဘောတောင် ဒဏ္ဍာရီ)
ပင်လယ်ကိုအုပ်စိုးတဲ့ ဘုရင်ကြီးမှာ သမီးတော်တစ်ပါး
ရှိသတဲ့။ သူ့နာမည်က 'နော်ဘူဘော'လို့ခေါ်တယ်။
အလွန်ချောမောလှပပြီး ယဉ်ကျေးသိမ်မွေ့သူလေး ဖြစ်
တယ်။ အဲဒီအချိန်မှာ တောတောင်ကိုအုပ်စိုးတဲ့ ဘုရင်
ကြီး စောကီးကူ မှာလည်း သားတော်တစ်ပါး ရှိသတဲ့။
သူနာမည်ကတော့'စောသောယောခွား'လို့ခေါ်တယ်။
သူဟာ ဘုန်းတန်ခိုးကြီးသူ ဖြစ်တယ်။ အရွယ်ရောက်လာ
တဲ့ နော်ဘူဘောကလေးကို မိခင်ဖခင်တို့က လက်ထပ်
ထိမ်းမြားပေးဖို့ စဉ်းစားခဲ့ကြပြီး စောကီးကူရဲ့သားတော်
အိမ်ရှေ့မင်းသား စောသောယောခွားနှင့် စုံဖက်လက်
ဆက်ပေးခဲ့တယ်။
စောသောယောခွားဟာ ကီးကူတောင်မှာ နန်းအဆောင်
အယောင်တွေနှင့် နေထိုင်သူ ဖြစ်တယ်။ ကီးကူတောင်
ဆိုတာ မြန်မာလို စစ်ကူတောင် ဖြစ်တယ်။
နော်ဘူဘောဟာ စောသောယောခွားနှင့် စုံဖက်ပြီး ယောင်
နောက်ဆံထုံးပါ ဆိုသလို အဲဒီတောင်ပေါ်မှာ လိုက်ပါစံ
မြန်းရတော့တယ်။ နော်ဘူဘောရဲ့မိခင်ဟာ သူ့့သမီးအ
တွက် ဘူးခွံအခြောက်နှင့်ဆန် ထည့်ပေးလိုက်တယ်။
ဆန်စေ့ကို နှစ်ခြမ်းခြမ်းပြီး မနက်တစ်ခြမ်း ညတစ်ခြမ်းပဲ
ချက်ခိုင်းသတဲ့။ ဆန်စေ့တစ်ခြမ်းကို ကြက်ဥခွံထဲ ထည့်
ချက်ရင် လူ ဘယ်နှစ်ယောက်စားစား စားမကုန်ဘူးတဲ့
ကွယ်။
နော်ဘူဘော ယူလာခဲ့တဲ့ အမွေပေါ့နော်။ နောက်ပြီး သူ့မှာ ရွှေဘီးတစ်လက်လည်း ပါလာခဲ့တယ်။ ရွှေဘီးဟာ
အလျှံတညီးညီးနှင့်ရောင်ရှိန်ရောင်ဝါ တောက်ပလွန်းလှ
သတဲ့။ အဲဒီ ရွှေဘီးရဲ့အလင်းရောင်ဟာ အမှောင်ထုကို
ခွင်းနိူင်သတဲ့ကွယ်။
ဒါတင် ဘယ်ကဦးမလဲ။ အဲဒီ ရွှေဘီးရဲ့အစွမ်းက သိပ်
ထက်တာကိုး။ သူ့့ကိုခြေထောက်နှင့် တက်နင်းထားရင်း
အဲဒီ လူကိုမမြင်နိူင်တော့ဘူးတဲ့။ နော်ဘူဘောဟာ သူ့
ကြင်ရာတော်ကို လက်ဆောင်ပေးသတဲ့။
စောသောယောခွားဟာ စစ်ထွက်တဲ့အခါ ရွှေဘီးကိုဆောင်
သွားတော့တာပေါ့။ အဲဒီရွှေဘီးကို ခြေထောက်နှင့် နင်းပြီး
စစ်တိုက်တိုင်း ကိုယ်ပြောက်သွားတာမို့ သူ့ကိုဘယ်သူမှ မမြင်ရတော့တဲ့အတွက် တိုက်ပွဲတိုင်းမှာ အနိူင်ရခဲ့သတဲ့
လေ။
အဲဒီအချိန်မှာ နော်ဘူဘောကို မနာလိုသူတွေ အများကြီး
ဖြစ်လာတယ်။ မှူးမတ်တွေဟာ ဘုရင်ကြီးက ဦးစားပေး
လွန်းတဲ့ ချွေးမတော်လေး နော်ဘူဘောကို မလိုတမာ
ဖြစ်ကြတာပေါ့။
ပြီးတော့ ရုပ်ရေရူပကာ လှပလွန်းတာရယ် အစွမ်းတန်ခိုး
တွေ ရှိနေတာရယ်ကြောင့် စုန်းကဝေများလားလို့လည်း
ကြောက်လန့်ကြသတဲ့ကွယ်။
တစ်နေ့မှာတော့ စောသောယောခွားဟာ ထုံးစံအတိုင်း
စစ်ချီတက်တယ်။ ရွှေဘီးကို ခြေထောက်နှင့်တက်နင်း
ပြီး တိုက်ခိုက်တာမို့ ရန်သူတွေ အတုံအရှုံး ကျဆုံးရတာ
ပေါ့။
အဲဒီအချိန်မှာ သူ့ခမျာ အတွက်လွဲသွားရှာတယ်။ ရန်သူ
တွေအားလုံး သေဆုံးကုန်ပြီအမှတ်နှင့် သူဟာ တက်နင်း
ထားတဲ့ရွှေဘီးကိုထုတ်ပြီး ခေါင်းပေါ် တင်လိုက်တာကိုး။
ရွှေဘီးရဲ့အရောင်ကြောင့် ပတ်ဝန်းကျင်တစ်ခုလုံး လင်း
ထိန်သွားတဲ့အခါ သူဟာလည်း လူမြင်ကွင်းမှာ ထင်းထင်း
ကြီး ဖြစ်နေတော့တာပေါ့ကွယ်။ အဲဒီအချိန်မှာ အသက်
မသေဘဲကျန်နေတဲ့ ရန်သူတစ်ဦးဟာ စောသောယော
ခွားကိုမြင်သွားပြီး လုပ်ကြံတော့တယ်။
အဲဒီ ရန်သူလက်ချက်နှင့် အိမ်ရှေ့မင်းသားခမျာ တိုက်ပွဲ
ကျရတော့တာပေါ့ကွယ်။ အဲဒီသတင်းဟာ နန်းတော်မှာ
ရှိတဲ့ ဘုရင်ကြီး စောကီးကူဆီကို ရောက်လာပါလေရော။
မှူးမတ်တွေဟာ ဘုရင်ကြီး စောကီးကူကို ကုန်ချော
လျှောက်တင်ကြတော့တယ်။
နော်ဘူဘောဟာ စုန်းကဝေ ဖြစ်ရမယ်။ အရင်က စစ်မ
ရှုံးခဲ့ ဘူးဘဲ အခု ရွှေဘီးကြောင့်သာ စစ်ရှုံးရတယ် လို့
တိုက်ကြတွန်းကြတာပေါ့။
ပြီးတော့ နော်ဘူဘောကို အဆုံးစီရင်ပါလို့ တောင်းဆိုကြ
သတဲ့။ ဘုရင်ကြီး နော်ဘူဘောကို သမီးကလေးလို ချစ်
ခင်ဖြစ်တယ်။ သူက မသတ်ရက်ဘူးကွယ်။
ဒီတော့ နော်ဘူဘောကို ထွက်ရောင်းစေလို့ အမိန့်စီရင်
ချက်ချလိုက်တာပေါ့။ ဒါနှင့် အရပ်ရပ်ကိုလှည့်ပြီး နော်ဘူ
ဘောကို ရောင်းကြသတဲ့။ ဘယ်လိုမှ ရောင်းလို့မရဘူး
တဲ့ကွယ်။
ကီးကူတောင်နား ဘွယ်ဟီခို လို့ခေါ်တဲ့ တောင်နှစ်လုံးရှိ
တယ်။ တစ်လုံးက ဆုတောင်းတောင်ဖြစ်ပြီး တစ်လုံးက
တော့ နှစ်သစ်ကူးတောင် လို့ခေါ်ကြတယ်။ ဆုတောင်း
တောင်ဟာ အဖိုဖြစ်ပြီး နှစ်သစ်ကူးတောင်ကတော့ အမ
ဖြစ်သတဲ့။
ဘယ်လိုမှ ရောင်းချလို့ မရတဲ့အဆုံးမှာတော့ နော်ဘူဘော
ကို နှစ်သစ်ကူးတောင်ခြေမှာ သံခြေချင်းခတ် အချုပ်ချထား
သတဲ့ကွယ်။
နော်ဘူဘောက စိတ်ကို တည်ငြိမ်စွာထားပြီး သူ့ရဲ့ မေတ္တာ
တရားကို သစ္စာထား ဆုတောင်းသတဲ့။ ဆုတောင်းတောင်
မှာ သူက သစ္စာဆိုတာပေါ့။ နောင် လာလတ္တံ့သော ကာလ
တွေမှာ ဒီနေရာဟာ လူမျိုးဘာသာမရွေး ဆုတောင်းပြည့်
ရာ အရပ်ဖြစ်ပါစေလို့ တဲ့ကွယ်။
နော်ဘူဘောဟာ ကျောက်ဖျာတစ်ချပ်ပေါ်မှာ ထိုင်ပြီးဆု
တောင်းခဲ့တယ်။ သူဆုတောင်းခဲ့တဲ့ ဆုတောင်းတောင်
ဟာ အခုအခါမှာ နော်ဘူဘောတောင်လို့ လူသိများတယ်။
နော်ဘူဘောဟာ ဘယ်သူကမှမစီရင်ရဘဲ ဝိညာဉ်ချုပ်
သွားခဲ့ရှာတယ်။ အဒီ တရားစီရင်ရာ ပလ္လင်ပေါ်ဆုတောင်း
ရင်းနှင့်ပေါ့။
ကလေးတို့ရေ။ ကရင်ပြည်နယ် သံတောင်မြို့ကလေးမှာ
နော်ဘူဘောတောင်ဆိုတာရှိတယ်။ အဲဒီမှာ နော်ဘူဘော
ဆုတောင်းခဲ့ရာ ကျောက်ဖျာကြီးကိုလည်း တွေ့ရတယ်။
သံခြေချင်းတွေကတော့ ကာလကြာလို့ ပျက်စီးသွားပြီပေါ့ကွယ်။
ဒါပေမဲ့ အဲဒီ နော်ဘူဘောတောင်ထိပ်မှာတော့ လူမျိုး
ဘာသာမရွှေး ဆုတောင်းရာ နေရာကလေးရှိတယ်။
ကရင်လူမျိုးတွေဟာ နှစ်စဉ် အထိမ်းအမှတ်ပွဲတော်
ကျင်းပကြတယ်။ နော်ဘူဘော ပြဇာတ်လည်း ကပြကြ
တယ်။
နော်ဘူဘောဟာ ကရင်တိုင်းရင်သားတိုရဲ့ သနာကြင်နာ
ဖွယ် ဒဏ္ဌာရီပုံပြင်ထဲက မင်းသမီးလေးပါပဲ။ သူဟာ အဲ
ဒီဒေသက ကရင်လူမျိုးတွေကို စောင့်ရှောက်ရင်း ဆန်ရေ
စပါး ပေါများပြီး အေးချမ်းသာယာစေသူ ဖြစ်တယ်လို့
ဒေသခံတိုင်းရင်းသားတွေက အယူရှိ ကြတယ်လေ။
နော်ဘူဘောပုံပြင်ဟာလည်း ကရင်လူမျိုးတွေရဲ့ ပါးစပ်
ဖျားမှာ မေ့မသွားနိူင်တဲ့ ဇာတ်လမ်းတစ်ပုဒ်အဖြစ် ယနေ့
ထက်တိုင် ရေပန်းစားနေဆဲပါပဲကွယ်။
Credit to original uploader
