02/11/2021
নিংঙোল চাক্কৌবা 🙏🙏
অইবা:পুয়াম অচৌ খুমনচা
অঙাং ওইরিঙৈ ইমানা খুৎ শমদুনা য়ুবী অমা পুদুনা ইমাগী মপাম হিয়াঙ্গৈ নিনি পানবা নূমিৎত্তা ইবোক ইপুগী নাক্তা হরাওনা চাক্কৌবা চৎল্লি।পংলাপ লাপ্তবনা ইমাগী কোক্তা শেন্ঞ্জগী কোমপাক অমদা লফোই য়ূবী শেম কোমলা অচা অথক হাপ্তুনা চৎলি। মামহল মামতোন ইপু ইবোক হরাওনা মচা নিংঙোল লাকপা ঙাইদুনা লৈরম্মী। ঐখোয় লাকপদগী ইমাগী মপাম অদু খোইরেল মশা পাইবগুম পুম্লাং লাংই।মামহলনা পুখ্রিদগীনি হায় রৌ অচৌবা কত্তলা পুকলাকবি শজিক চাবী এলুমিনিয়ম খুদেঙ অহৈবা অমদা শেমদুনা লৈরম্মী।ইদোমচা ইবোক্না মথেল লুকোইসু লাংঙি।হব্।ইজার ঙাম্মু লৈরৌ থোংবা,ঙা অতাওবা
,হব্।ইথরাক ঙাগা থোংবা,ঙা তাওরগা থোঙবা,ঙরিনখা,শোইবুমগা ঙা মকোক্কা থোঙবা
ঙা ঙাক্তা থোঙবা,অলু অঙাংবীগা শোইবুমগা ইরোনবা মখল মথেলগী য়েনঞ্ছাং ঙাক্তনি। চাক লোইরগা ঐখোয় মাঙ্গোল অমদা নোক খেদনা চাম্মীনৈ।ওন্থোক্না হাওখ্ররে।পূক্কাসূ ঙা পূকলাউবীগুম কংই।চাক তোকপা লোইরগা মামহলনা কোম ক্বা খেৎল্লি।মামতোন্না শুমাঙদা য়ুবী পুথোক্লগা খোকই।ঐদি স্টিল গ্লাস অমা পায়রগা য়ুবী মহি থক্নবা ঙাইরি।লোয়না চল্লি ঐগী পুকসে থাজিললিমখৈ মতমদো।
ইপুনা দক্ষিনা তৌরসি হায়দুনা মাঙ্গোলদা ফক থাই। ইমাগীদি স্টিল সনাবুল লুপা য়াঙ্খৈ ঐগীনা ফুরিৎ অমগা লুপা ১০গা ইপূনা তৌবী।ঐখোয়না ইপুদা খুরুম্মী ঐখোয়দা না য়েক্কনু হায়দুনা বর পীদুনা কোক্তা নালথবি।।ঐখোয়নসু ইপূদা নুঙাইজরো বর পী।মামহল মামতোনশু লুপা ১০ পিদুনা ঐগী লুপা কুন্থ্রা শুরে।ঐ য়াম্না হরাওজখি।ইমাগী মরি মতাশিংদা চত্তুনা দক্ষিনা লৌবা চৎল্লি।পুল্লপনা লুপা ১০০ শুরে।ঐ ইমাগা হুন্দোক্লমলগা ইপুনা তৌবীবা ফুরিৎ অহনবদুদা লুপা ১০ চৎপী মমাঙগী ফুরিৎখাওদা হাপ্তুনা চেল্লকই।য়ুম য়ৌবা খঙহৌদে। নিংঙোল চাক্কৌবা মবুং মৌপ্বা মচে মচলশিংগী নুংশিরবা শেংলবা মৈতৈশিংগী কুম্মৈ।
মতমগী ইচেলদা ঙসিদি নুংগী ওইবা নিংঙোল চাক্কৌবগী শেংলবা মরি মরিং মরাঙনরক্লে।দক্ষিনাগী হিদানবা লম্বীদা হিদানরক্লি লেপ্পা লৈতনা ঈশিং ঈচাওগূম।অরং অরাক্কী চৎনবীদা ওন্থোক্লক্লে।মবুং মৌপ্বাগী অচেৎপা মরি তৎনবা কয়া দক্ষিনাগী হিদান্নবনা পুরক্লি।মমা মপা মবুং মৌপ্বা লৈজদ্রবা নিঙোলগী মরাইবক্না কদোমদা খন্না খন্না ইরি। কন্নদ্রবা অর্থ থোক্ত্রবা দক্ষিনাগী লমজেল মুথৎক্কে খল্লি মীয়াম খুদিংমক্না অদুবু মৈরানবীনা মৈনূংদা চোঙশিনবগুম চোঙশিল্লি।
নিঙোল চাক্কৌবগী চৈরক অসিদা কোভিদ-১৯ গী চৈথেঙ
