j'ai testé un mec, je le recommande ou pas

13/06/2024

28/05/2024

العرب فاشلين حتى في الكفر .. دابا هذا صنم تدخل عليه لجهنم ؟!! 😐🤡

26/05/2024

وحدة فعمرها 13 دايرة في سطوري "قلبي مجروح "💔
انا فاش كنت قدها كنت كندير لما في فمي وندير
غررررر غررررر 🤣🙂

25/05/2024

❣️ :االاغراق🤣

24/05/2024

اسبحان الله 🍆

24/05/2024

عبمولا غير قطعت ليه ليزابيل و الميساجات و بيزو، جا خطبني

24/05/2024

تكاتبت انا و عبمولا فشهر 1 و درنا النهار فشهر 4 و شهر 7 رحت
و ماجاتنيش حق الشهر واقيلة هزيت

24/05/2024

- S'il te plaît nod nchofk 🥺

20/05/2024

:اويلي تعطاك فالقلب

20/05/2024

شوفي عافاك حطي هادشي بغيت نصائح
أنا خرجت من دارنا صغيرة ملي كانت عندي خمسطاش بسبة المشاكيل و تقاتلت باش قريت و خدمت و لكن للأسف فهاديك الاعوام تعرفت على واحد سيد كبر مني بعشرين عام تفلى عليا و تكرفص عليا و خلاني.
مهم هادي واحد العام تعرفت على واحد السيد الله يعمر ليه دار و من نهار لول قلت ليه لي كاين كامل على حياتي و مخبيت عليه والو و هو محكمش عليا والا تا حاجة و بدينا علاقة سبونتاني ماشي علا اساس الزواج و هاد التعرف كان اونلاين من بعد مشيت لعندو لدولة ديالو شفتو و كان ضريف بزاف معايا، من نهار عرفنا بعضياتنا وواخا انا خدامة مزيانة هو لي كيصرف عليا و لي بغيتها يجيبها ليا، حاطني فوق راسو، وواحد نهار صارحني بلي هو مكيولدش و عليها ماباغيش يتزوج بيا و ايلا قبلت نبقى معاه فعلاقة حتى نلقى انا لي نتزوج بيه مرحبا و لكن منعولش نتزوج بيه، اما هو يا ايما يتزوج بوحدة مكتولدش يا ايما بوحدة ماباغياش لولاد و مستحيل يتزوج وحدة باغية لولاد. مهم انا كنت كنبغيه بزاف حيت لقيت فيه كلشي، انا عائلتي مكيسولو فيا ايلا اذا بغاو الفلوس و معندي تا حد فدنيا و قلت ليه صافي خلينا مع بعض حتى نلقى شي راجل اخور و هو هو طبعا مهلي فيا و ضبر ليا خدمة واااااعرة فبلادهوم ( اصلا واصل ولباس عليه بزاف) و ملي جيت كرا ليا(خلص ليا ست شعور ديال لكرا علاما نستقر) و كيفرش معايا، و مؤخرا قرر انه باغي يتزوج و قاليا باقي كيفكر واش نكونو انا و ياه ولا شي وحدة اخرا مكتولدش و مباغياش لولاد. المهم انا معارفاش مندير حيتاش هادشي مأرقني بزاااااف كل نهار كنقول غيتزوج و يخليني. ( انا الحمد الله زوينة و قارية و صغيرة ربعة و عشرين عام يعني مازال نلقى لي نتزوج بيه و لكن بغيتو هو حيت كيهتم ليا و يفكر ليا و انا كنبغيه بزاف و مبغيتش نطلق منو يمشي ابدا، بالنسبة لتبني او التبرع و داكشي مباغيهش، يا ولادو يا بلاش، و هو باقي صغير يالاه كبر مني بعشر سنين)
عفاكوم البنات قولو اش ندير علما انني باغية نولد ولكن معنديش مشكل منولدش ايلا هادشي كيعني غنبقا معاه.

20/05/2024

عایزه أتجوز ثرى عربى أقولوا عندى أمتحانات يا أبو طلال يقولى ما أبغى زوجتى تدرس خذى مليون دينار سوى شوبيچ

20/05/2024

المهم جيت نشاركم البنات تجربة ديالي ، انا كنت مصاحبة عامين مع ولد جيرانا ، الحب و العشق و داير ليا الخاطر و ديما disponible ، المهم كنت كنقول هادا هوا زماني صافي ، و ديما صبري معايا نجمع و نكون راسي و نجي نخطبك ، ماكنتخايلش حياتي بلا بيك و زيد و زيد ، حتا نهار الكحل لي كلا ليا فيها دماغي باش نمشي معاه لدار ، اول حاجة قضا غراض و فاش ناض قاليا نتي ماكنتيش بنت ،، جرحني و لكن دم ماسالش و منين هوا ولد الحرام كلا ليا تاني عقلي بالهضرة الخاوية حتا خشاه مزيان و فاللخر صافي ماتقلقيش اصلا غادي نتجوجو ، اوا داز الوقت شوية حتا طحت حاملة ، اوا فاش قلتها ليه ، هادا لي كان كيبغيني و كيحماق عليا ، قاليا شوفي معامن درتيه ، انا ماشي بوحدي لي قيصك ، و دعيتو الله ماعرفت شنو ندير و لا كيتي لي كواني بالغدر ، جمعت الوقفة مشيت تسلفت فلوس حيت كنت مزال كنقرا ، دازت موراها خمس سنين عمري عاودت شفت فشي حد ، ديتها فقرايتي الحمدلله خدمت فبوسط زوين و حتا جاني حلالي لعندي ، كان شافني فواحد العرس ، جيتو نيشان ماكدبت مارقعت ، صدق ولاد الناس قاليا الماضي ديالك كيبقا قبل مانعرفك ، عمري شفت منو الحمدلله شي عيب ، دابا بنتي عندها خمس سنين ، كتشوف بزاف ديال البوسطات و البنات واش بغيتو تفهمو، ماغاديش نعمم و لكن المغاربة ماكيتجوجوش بالصحابات و كون يرجع بيا الوقت اللور و الله مانخلي شي حد يقيسني بلا زواج و لكن ربي كبير ، و الله يسهل علي گاع بنات الگروب و يدير ليكم تأويل ديال الخير

20/05/2024

البنات جيت باش نبارطاجي معاكم قصتي ، للعبرة ههههه ماشي للفرجة، سمحو ليا هادي دابا شي عام باش طرأت ليا و لكن فديك الوقيتة كنت مزالة f le choque, ولكن دابا نقدر نعاودها، انا كنت فعلاقة حب مع واحد الولد، كان كيقرا معايا ف ista, دار المستحيل باش نطيح فيه و بصح طحت فيه حتا النخاع،انا كملت فمدرسة فكازا و قريت make up art
و هوا خدم فدلكشي ديال les assurances, ما علينا بقا ديما نفس الاهتمام و الحب و ديما ديسبونيبل و ديما كنتشاوفو، كملنا خمس سنين، بين القراية و الخدمة، انا الحمدالله سهل عليا الله خدمت فصالون زوين فحي رياض و تشهرت و من بعد وليت كتخدم free بوحدي ، المهم لحد الساعة كلشي مزيان، فكرة الزواج بجوج بينا عمرنا جبدناه ولكن كان من المنتظر غادي نوصلو لذاك النهار، توفات الأم ديالو، تأزم فيها بزاف و واسيتو و قلت ماواسيت، كنت حاظرة ليل و نهار، صافي واحد الوقيتة منين داز على وفاة ديالها عام، قلت ليه خاصنا نتجوجو و نديرو دارنا و داكشي و داكشي و الحمد لله ماديا ماعندناش بجوج المشكل، نتعاونو و داكشي و داكشي، قاليا ممستعدش و مأزم و ولا كايقول مع راسو يقدر يموت فاي لحظة و يخلي موراه الأيتام و داكشي و داكشي، قلت ليه نمشيو نشوفو un psych, قاليا واش انا حمق و بدأ كيتمرضن و انا صافي تعصبت و وليت كنهضر بارد، لقا، موراها تسيف عليا ردني مامزياناش و ماشي متفهمة و عندي عقلية مغربية قديمة و ماكنبغيهش و داكشي و داكشي، صافي تخاصمنا ، كنتسناه ها هوا يبان ها هوا يبان، انا جا العيد الصغير و قلبي بدأ يحن عليه، و كنت عارفاه متعلق بمماه و العواشر و لا كيبان ليا بحال ولدي، الكبدة ولات عندي عليه، عيطت ليه جاوبني و قاليا وي شنو؟ رطبت معاه و حاولت نصلح داكشي، قاليا نيشان انا مابقيتش باغي نعاود نسمع صوتك و لا ميساج حيت قصحتيتني بلا بلا بلا، صافي صدمني و طريقة باش هضر فهت السيد كرهني، كمدتها بسلامة بسلامة، موراها بشهر وحدة كتبات ليا فانسطا بغيت ندير ميكاب فعرسي و يلاه درت الخطوبة و درت مكياج هند فلانة و لكن ماعجبنش و شي صاحبتها شكراتني ليها و ماشي مشكل التمن، ماديا باينة كانت مرتاحة جدا و بغاتني نحضر sur place باش نبذل ليها المشطة و الكمياج فشي لبسات، المهم ماعلينا سيفطات ليا العربون، تافقنا على style maquillage ect, سيفطات ليا الشيفور لدار باش يديني لواحد zone fiha Les fermes comme des chateaux
ماعلينا هزيت باليزتي و مشيت، صدقات بنت شي شخصية مهمة و حتا هيا زوينة و مأدبة، المهم داتني ل sa chambre لي بحال القصر ، جناح، نگافات معايا كنقادو كنصايبو، على مافهمت من هضرتها مع صاحبتها هي و العريس كيعرفو بعضباتهم شي عام و صرف، ماعلينا هبطت مع النگافات باش ندخلوها مع العريس حتا كتشوف مولاي السلطان، لي هوا صاحبي، الحمد لله و الشكر الله منين ماتشلتش فيها و لا حماقيت و لا نتاحرت، شافني تصدم، انا الدنيا دارت بيا و رجعات و دارت و رجعات، بديت كنشف و نعرق، ماحليتش فمي، بأن ليا نمشي جرية وحدة و نخرج، تفكرت الخلا لي انا فيه شكون يديني و الليل و باليزتي لي فيها ماطريال ساوي الملايين، صافي طلعت و بقيت مصدومة و كتقرا القرآن باش نتكالما، طلعات العروسة باش تبدل، هوا طبعا ماجاش معاها خاف ندير يمكن شي حاجة، المهم وجهو ماعاودتش شفتو، قلت ليها جيتو مواتيين و باينة قصة حب، قلت ليا اه و لكن كل تأخيرة فيها خيرة، و كانو غادي تزوجو هادي عام و لكن الأم ديالو توفات و موراها هيا كان عندها سطاج فلندن و تبدل البروجرام... ماعرفتش شنو ندير، واش نقولها ليها ماكنتش غادي تيقيني و زيدون حنا مفارقين، و هيا فرحانة بنهارها و ما شي هيا لي تفلات عليا، راه هوا... صافي خدمت silencieux و شوية ديال القرآن باش عقلي يبقا فبلاصتو، سالا العرس رجعني شيفور، وليت انا لي مشيت psych، حبست الخدمة ستة أشهر، الدوا النعاس و الدوا و النعاس، الحمد الله ناس لي دايرين بيا زوينين، ماما و ختي و صحاباتي خرجوني شوية بشوية من dépression
خلاصة القول لي أمنات لشي راجل، غير تمشي تشد بلاصة فرازي, tôt ou t**d ايخورك
انا كنت كربح حسن منو و كنت كاينة سيمانة لي كربح فيها نص صاليرو ، صدق مفيزي بعيد، العروسة خدامة فلابورص د كازا و riche اب عن جد، قدام هادشي مابقيتش كنبان ليه و السيد كان معاها قبل موت ديال الأم ديالو و العروسة فاش كانت فلندن، كنت كل نهار كنطيب العشا و كنديه ليه، الله يخليكم داكشي ب menu و شنو مشهي،.... المهم الحمدلله على نعمة العقل لي مزالة عندي، كنت à deux pas نحماق ، هاد الساعة واخدة pause و كنعيش حياتي و لكن مانكدبش حلا ليا تقبة فقلبي، هههههه يمكن إلا درت سكانير لقاها، الحد الان انا مقصحة و لكن الحمد لله، و ماعمري نسا و خا شنو يطرأ ، كلشي مخلط الشمتة التقوليب الكذوب... حسبي الله ونعم الوكيل.. نصيحتي عيشي و ديري كاع لي بغيتي و لكن ديما فاش تكوني فعلاقة مع شي واحد، ماتأمنيش ليه و خا يحيد عينيه من بلاصتهم و يعطيهوم ليك، راه يقدر يكون مواعد وحدة خرا يعطيها كلوتو ههههه الله يسهل عليكم كاملين و دعيو معايا بزهايمر، اييه نگفت و قاديت ليه عروستو و حضرت ليه لعرسو، كاين ماضرف مني؟
المهم اول بوسط ليا عنداك تغربلوني ههههههه، و الله كنفوج هنا معاكم كلشي مخلط الضحك و الهم و كنقرا بزاف ديال البوسطات لي بنات عنا تكواو بكيتي، ربي معانا و الله يعطي كل وحدة على قد نيتها، ربي كبير

20/05/2024

البنآت أنا مزوجة بيه 7 شهور دابا و حصلتو كايهضر مع بزااف د البنات ف انستغرام و فيسبوك ولكن ماكايناش شي وحدة مطول معاها الهضرة اوبيناتهم علاقة كايدخل يتعرف عليهم و يدير لايك للتصاور ديالهم . اش ندير و منين نبدا 🥲

20/05/2024

‏عايشة سني وبغني وبحب الحياة..

19/05/2024

الخرقوم :