Maruvakku Monthly

10/07/2024

നിലനിന്നു പോവാൻ പിന്തുണ ആവശ്യമാണ്.....

10/07/2024

മറുവാക്ക് ജൂലൈ 2024

11/04/2023

പുതിയ ലക്കം

05/03/2023

RMPiജനറൽ സെക്രട്ടറി സ: മംഗത്റാംപസ് ല യു ടെ അഭിമുഖത്തിൽ നിന്ന് .....ഇന്ത്യൻ സാഹചര്യത്തിൽ മാർക്സിസ്റ്റുകാർ ജാതിപ്രശ്നത്തെ ഗൗരവമായി കാണണമെന്ന നിലപാടാണ
ആർഎംപിഐയുടേത്. രാഷ്ട്രീയസമരത്തിനൊപ്പം സാമൂഹിക
സമരവും പ്രധാനമാണ്. ജാതിവിരുദ്ധ പോരാട്ടത്ത പിന്തുണയ്ക്കണം. ഇക്കാര്യത്തിൽ ഡോ. ബി.ആർ അംബേദ്കറുടെ ആശയങ്ങളെ സുപ്രധാനമായി കാണണം. ഇന്ത്യയിൽ മാർക്സിനൊപ്പം ഡോ. ബി .ആർ അംബേദ്കറെയും പഠിച്ചാലെ കമ്മ്യൂണിസ്റ്റുകൾ മുന്നേറാനാവുകയുള്ളു.

ചോദ്യം:സുദീർഘമായ രാഷ്ട്രീയ ജീവിതത്തിൽ നിരാശനായ സന്ദർഭമുണ്ടോ? ഭാവിയെക്കുറിച്ച് എന്തുതോന്നുന്നു.?
ഉത്തരം: ഞാനെന്നും പാർട്ടിക്കൊപ്പം ജീവിച്ചിട്ടുള്ള ആളാണ്. എനിക്കും ഭാര്യയ്ക്കും സ്വന്തമായി സ്വത്തില്ല. പാർട്ടി
ഓഫിസിലാണ് താമസം. ഒരു മകനും മകളുമുണ്ട്. മകൾ യുകെയിൽ ജോലി ചെയ്യുന്നു. മകനൊരു അപകടത്തെത്തുടർന്ന് അരയ്ക്കുകീഴെ തളർന്ന നിലയിലാണ്. എങ്കിലും അവൻ വീൽ ചെയറിൽ സഞ്ചരിച്ച് അധ്യാപകനായി ജോലി ചെയ്യുന്നുണ്ട്. അസമിൽ നിന്നുള്ള പെൺകുട്ടിയെ വധുവായി ലഭിച്ചു. അവർക്കൊരു
കുഞ്ഞുമുണ്ട്. പാർട്ടിയിൽ ചേരുന്ന കാലത്ത് സ: സുന്ദരയ്യയായിരുന്നു എന്റെ മാതൃക. ഇപ്പോഴും അതിൽ മാറ്റമില്ല. പാർട്ടി ഓഫീസിലെ ജീവിതത്തിൽ എനിക്ക് സ്വസ്ഥമായിഉറങ്ങാനാവുന്നുണ്ട്. എനിക്ക് പ്രത്യാശയേയുള്ളൂ. നിരാശയില്ല....
മറുവാക്ക് - വാർഷികപതിപ്പ്
Thelhath vellayil

30/01/2023

മറുവാക്ക് മാസിക ഒമ്പതാം വർഷത്തിലേക്ക് കടന്നു. പിന്നിട്ട വഴികൾ കല്ലും മുള്ളും നിറഞ്ഞതായിരുന്നു. അതോടൊപ്പം ഓരോ ലക്കത്തിന്റെയും പിറവി ഏറെ ആഹ്ലാദകരവുമായിരുന്നു. ഓരോ ലക്കവും ഇറങ്ങി , റെഡ് സ്റ്റാർ പ്രസ്സിൽ നിന്ന് അതെടുത്തു മടങ്ങുമ്പോൾ വലിയ സന്തോഷം തോന്നും. അപ്പോൾ തന്നെ അടുത്ത ലക്കം സാധ്യമാവുമോ എന്ന വേവലാതിയും ഉള്ളിലെരിയും ....
ധാരാളം പ്രതിസന്ധികൾ നേരിടേണ്ടി വന്നിട്ടുണ്ട്.
2014 ൽ ആറളം ഫാമിൽ ആദിവാസി പാർലമെന്റിൽ വച്ച് പ്രകാശനം ചെയ്ത്, പുറത്തിറക്കപ്പെട മറുവാക്ക് ഇപ്പോഴും ഇറങ്ങിക്കൊണ്ടിരിക്കുന്നു ...
മറുവാക്കിറക്കാനുള്ള കാരണം ഹരി Ks Hariharan ആയിരുന്നു. ഇത്തരം ഒരു മാസിക ഇറക്കേണ്ടതിന്റെ ആവശ്യകത ബോധ്യപ്പെട്ടതോടെയാണ് അതിനായുള്ള ശ്രമങ്ങൾ റജിസ്ട്രേഷൻ കിട്ടുന്നതിനു തന്നെ വല്ലാതെ വിഷമിച്ചു.
തേജസിൽ ജോലി കിട്ടിയതോടെ ഇറക്കാനുളള പണം കണ്ടെത്തുക എന്ന ടെൻഷൻ ഇല്ലാതായി. വായനക്കാരുടെ വരിസംഖ്യയും വിറ്റു കിട്ടുന്ന ചെറുതുകയും സാലറിയും കൂടി വലിയ കഷ്ടപ്പാടില്ലാതെ നീങ്ങി. പിന്നീട് കടുത്ത സാമ്പത്തിക പ്രതിസന്ധിയായിരുന്നു. പ്രത്യേകിച്ചു 2018 ൽ തേജസ് അടച്ചുപൂട്ടി, ജോലി നഷ്ടമായപ്പോൾ ഇനിയെങ്ങനെ പ്രിന്റിങ് കോസ്റ്റ് കണ്ടെത്തും എന്ന ടെൻഷനായിരുന്നു. ജീവിത പങ്കാളി സുരേന്ദ്രൻ Surendran Pazhayath ന്റെ പിന്തുണയും പറയാതെ വയ്യ. തേജസ് അടച്ചുപൂട്ടിയപ്പോൾ കിട്ടിയ പൈസ കൊണ്ട് കുറച്ചു മാസങ്ങൾ മുന്നോട്ടു പോവാനായി. അതും കഴിഞ്ഞതോടെ നിന്നു പോവുമോ എന്ന് ഭയന്നു. 2019 ൽ ഉറ്റ സുഹൃത്തും എഡിറ്റോറിയൽ ബോർഡ് അംഗവുമായ ബാബുരാജിന് Baburaj Bhagavathy തേജസ് ഓൺലൈനിൽ ജോലി കിട്ടിയതോടെയാണ് ആശ്വാസമായത്. സാലറിയുടെ നല്ലൊരു ശതമാനം ശതമാനവും മറുവാക്കിനായി തന്നും ലേ ഔട്ട് ചെയ്ത തന്നും മറ്റെല്ലാ നിലയിലും മറുവാക്കിന്റെ ശക്തിയായി ബാബുവുണ്ട്.
ഇപ്പോൾ വീണ്ടുംബാബുവിന്റെ ജോലി നഷ്ടമായി ... പ്രതിസന്ധിയുണ്ട്. പക്ഷേ, നിരവധി പേർ സഹായവുമായി മറുവാക്ക് നില നിന്നു പോവണമെന്ന് പറയുമ്പോൾ അത് ഏറെ സന്തോഷവും വലിയ ഉത്തരവാദിത്തബോധവുമുണ്ടാക്കുന്നുണ്ട്.
ഇതിനിടയിൽ എഡിറ്റോറിയൽ ബോർഡിൽ വി സിജെന്നി വ്യക്തിപരമായ കാരണങ്ങളാലും , സുജാ ദേവി, സനാതനൻ, എം വി കരുണാകരൻ എന്നിവർ രാഷ്ട്രീയ കാരണങ്ങളാലും വിട്ടു പോയി. മാർട്ടിൻ കെ ഡി യുടെ മാനേജിങ്ങ് എഡിറ്ററായുളള വരവ് മാസികയ്ക്ക് വലിയ കരുത്താണ് പകർന്നത്. മറുവാക്കിന് മാർഗനിർദേശങ്ങളും പിന്തുണയുമായി ഇപ്പോൾ നിരവധി പേരുണ്ട്. അവരുടെയൊക്കെ പിന്തുണയുടെ കരുത്തിലാണ് ഇപ്പോൾ മറുവാക്ക് പോവുന്നത്.
മറു വാക്കിന്റെ ഉള്ളടക്കം അടിച്ചമർത്തപ്പെടുന്നവർക്കൊപ്പം ... നിൽക്കുക എന്നതാണ്. മുസ്‌ലിം, ദലിത്, ആദിവാസി ,. സ്ത്രീ, പരിസ്ഥിതി, വിദ്യാഭ്യാസം, ബാമ്പത്തിക മേഖല എന്നിങ്ങനെ... ഇന്നത്തെ ഇന്ത്യയിൽ ഇസ്‌ലാമോഫോബിയക്കെതിരേ ശബ്ദിക്കുക എന്നത് ഏറെ പ്രാധാന്യമർഹിക്കുന്നു. മറുവാക്ക് ഇത്തരം വിഷയങ്ങൾ തന്നെയാണ് പൊതുവെ കൈകാര്യം ചെയ്യാറുള്ളത്.
നിരവധി പേരുടെ സഹായ സഹകരണങ്ങളും മാർഗ നിർദേശങ്ങളും തന്നെയാണ് ഞങ്ങളുടെ കരുത്ത്. എഴുത്തുകാരും വായനക്കാരും ഇനിയും ഞങ്ങളെ പിന്തുണക്കണം.
T R Remesh മറുവാക്കിന്റെ തുടക്കം മുതൽ കൂടെയുണ്ട്.
ഇപ്പോഴത്തെ എഡിറ്റോറിയൽ ബോർഡിൽ കെ എസ് ഹരിഹരൻ ,ബി എസ് ബാബുരാജ്, ടി. ആർ രമേശ്, പിന്നെ മാനേജിങ് എഡിറ്റർ മാർട്ടിൻ കെഡി എന്നിവരാണുള്ളത്.
മറുവാക്കിനെ ഏറെ പിന്തുണച്ചും നിർദേശങ്ങൾ തന്നുകൊടണ്ടുമിരുന്നയാളായിരുന്നു. T G Jacob sir. ഏറെ ദു:ഖകരമാണ് ആ അസാന്നിധ്യം. എപ്പോഴും വിളിക്കുകയും നിർദേശങ്ങളും സാമ്പത്തിക പിന്തുണയും തരുന്നവരുടെ കൂട്ടത്തിൽ പ്രധാന പ്പെട്ട പേരാണ് എം പി ബാലറാം മാഷ്..... കെ ടി റാം മോഹൻ , എൻ പി ചെക്കുട്ടി, കെ.സി ഉമേഷ് ബാബു, പ്രഫ.പി.കോയ, കെ പി സേതുനാഥ്, കുന്നത്തൂർ രാധാകൃഷ്ണൻ , എം.ദിവാകരൻ, കെ.പി ഹരിദാസ്, കെ എ ഷഫീഖ്, അരുൺ ജി എം, മക്കട റഷീദ് .... അതുപോലെ സർക്കുലേഷനിൽ ഏറെ പിന്തുണയ്ക്കുന്ന എസ് എൽ പുരത്തെ ഉണ്ണികൃഷ്ണൻ, ശശിധരൻ തുടങ്ങിയവരുടെ പിന്തുണ സ്മരിക്കാതെ വയ്യ.. ഇല്ലസ്ട്രഷൻ നിർവ്വഹിക്കുന്നത് പ്രസന്ന ആര്യനും ലേ ഔട്ടിൽ സഹായിക്കുന്നത് സതീഷ് ഉണ്ണികൃഷ്ണനുമാണ്. ഷാജി അപ്പുക്കുട്ടൻ പലപ്പോഴും കവർ ചിത്രങ്ങൾ തന്ന് പിന്തുണയ്ക്കാറുണ്ട്. പ്രമുഖരായ പലരുടെയും സൃഷ്ടികൾ പ്രസിദ്ധീകരിക്കാൻ കഴിഞ്ഞു എന്നത് ഏറെ അഭിമാനകരമാണ്. എഴുത്തുകാരുടെ പേരൊന്നും എഴുതി ആരെയും പിണക്കാൻ വയ്യ ... ഇതൊക്കെ ഇപ്പോൾ എഴുതിയത് എന്തിനാണെന്നു വച്ചാൽ സ്നേഹം കൊണ്ട് ശ്വാസം മുട്ടിക്കുന്നവരോട് കാര്യങ്ങളൊക്കെ ഒന്നു തുറന്നെഴുതാമെന്നു കരുതി.... അത്രേള്ളൂ''
അംബിക Ambika

24/01/2023

മറുവാക്ക് മാസിക ഒമ്പതാം വർഷത്തിലേക്ക് കടന്നു. പിന്നിട്ട വഴികൾ കല്ലും മുള്ളും നിറഞ്ഞതായിരുന്നു. അതോടൊപ്പം ഓരോ ലക്കത്തിന്റെയും പിറവി ഏറെ ആഹ്ലാദകരവുമായിരുന്നു. ഓരോ ലക്കവും ഇറങ്ങി , റെഡ് സ്റ്റാർ പ്രസ്സിൽ നിന്ന് അതെടുത്തു മടങ്ങുമ്പോൾ വലിയ സന്തോഷം തോന്നും. അപ്പോൾ തന്നെ അടുത്ത ലക്കം സാധ്യമാവുമോ എന്ന വേവലാതിയും ഉള്ളിലെരിയും ....
ധാരാളം പ്രതിസന്ധികൾ നേരിടേണ്ടി വന്നിട്ടുണ്ട്.
2014 ൽ ആറളം ഫാമിൽ ആദിവാസി പാർലമെന്റിൽ വച്ച് പ്രകാശനം ചെയ്ത്, പുറത്തിറക്കപ്പെട മറുവാക്ക് ഇപ്പോഴും ഇറങ്ങിക്കൊണ്ടിരിക്കുന്നു ...
മറുവാക്കിറക്കാനുള്ള കാരണം ഹരി Ks Hariharan ആയിരുന്നു. ഇത്തരം ഒരു മാസിക ഇറക്കേണ്ടതിന്റെ ആവശ്യകത ബോധ്യപ്പെട്ടതോടെയാണ് അതിനായുള്ള ശ്രമങ്ങൾ റജിസ്ട്രേഷൻ കിട്ടുന്നതിനു തന്നെ വല്ലാതെ വിഷമിച്ചു.
തേജസിൽ ജോലി കിട്ടിയതോടെ ഇറക്കാനുളള പണം കണ്ടെത്തുക എന്ന ടെൻഷൻ ഇല്ലാതായി. വായനക്കാരുടെ വരിസംഖ്യയും വിറ്റു കിട്ടുന്ന ചെറുതുകയും സാലറിയും കൂടി വലിയ കഷ്ടപ്പാടില്ലാതെ നീങ്ങി. പിന്നീട് കടുത്ത സാമ്പത്തിക പ്രതിസന്ധിയായിരുന്നു. പ്രത്യേകിച്ചു 2018 ൽ തേജസ് അടച്ചുപൂട്ടി, ജോലി നഷ്ടമായപ്പോൾ ഇനിയെങ്ങനെ പ്രിന്റിങ് കോസ്റ്റ് കണ്ടെത്തും എന്ന ടെൻഷനായിരുന്നു. ജീവിത പങ്കാളി സുരേന്ദ്രൻ Surendran Pazhayath ന്റെ പിന്തുണയും പറയാതെ വയ്യ. തേജസ് അടച്ചുപൂട്ടിയപ്പോൾ കിട്ടിയ പൈസ കൊണ്ട് കുറച്ചു മാസങ്ങൾ മുന്നോട്ടു പോവാനായി. അതും കഴിഞ്ഞതോടെ നിന്നു പോവുമോ എന്ന് ഭയന്നു. 2019 ൽ ഉറ്റ സുഹൃത്തും എഡിറ്റോറിയൽ ബോർഡ് അംഗവുമായ ബാബുരാജിന് Baburaj Bhagavathy തേജസ് ഓൺലൈനിൽ ജോലി കിട്ടിയതോടെയാണ് ആശ്വാസമായത്. സാലറിയുടെ നല്ലൊരു ശതമാനം ശതമാനവും മറുവാക്കിനായി തന്നും ലേ ഔട്ട് ചെയ്ത തന്നും മറ്റെല്ലാ നിലയിലും മറുവാക്കിന്റെ ശക്തിയായി ബാബുവുണ്ട്.
ഇപ്പോൾ വീണ്ടുംബാബുവിന്റെ ജോലി നഷ്ടമായി ... പ്രതിസന്ധിയുണ്ട്. പക്ഷേ, നിരവധി പേർ സഹായവുമായി മറുവാക്ക് നില നിന്നു പോവണമെന്ന് പറയുമ്പോൾ അത് ഏറെ സന്തോഷവും വലിയ ഉത്തരവാദിത്തബോധവുമുണ്ടാക്കുന്നുണ്ട്.
ഇതിനിടയിൽ എഡിറ്റോറിയൽ ബോർഡിൽ വി സിജെന്നി വ്യക്തിപരമായ കാരണങ്ങളാലും , സുജാ ദേവി, സനാതനൻ, എം വി കരുണാകരൻ എന്നിവർ രാഷ്ട്രീയ കാരണങ്ങളാലും വിട്ടു പോയി. മാർട്ടിൻ കെ ഡി യുടെ മാനേജിങ്ങ് എഡിറ്ററായുളള വരവ് മാസികയ്ക്ക് വലിയ കരുത്താണ് പകർന്നത്. മറുവാക്കിന് മാർഗനിർദേശങ്ങളും പിന്തുണയുമായി ഇപ്പോൾ നിരവധി പേരുണ്ട്. അവരുടെയൊക്കെ പിന്തുണയുടെ കരുത്തിലാണ് ഇപ്പോൾ മറുവാക്ക് പോവുന്നത്.
മറു വാക്കിന്റെ ഉള്ളടക്കം അടിച്ചമർത്തപ്പെടുന്നവർക്കൊപ്പം ... നിൽക്കുക എന്നതാണ്. മുസ്‌ലിം, ദലിത്, ആദിവാസി ,. സ്ത്രീ, പരിസ്ഥിതി, വിദ്യാഭ്യാസം, ബാമ്പത്തിക മേഖല എന്നിങ്ങനെ... ഇന്നത്തെ ഇന്ത്യയിൽ ഇസ്‌ലാമോഫോബിയക്കെതിരേ ശബ്ദിക്കുക എന്നത് ഏറെ പ്രാധാന്യമർഹിക്കുന്നു. മറുവാക്ക് ഇത്തരം വിഷയങ്ങൾ തന്നെയാണ് പൊതുവെ കൈകാര്യം ചെയ്യാറുള്ളത്.
നിരവധി പേരുടെ സഹായ സഹകരണങ്ങളും മാർഗ നിർദേശങ്ങളും തന്നെയാണ് ഞങ്ങളുടെ കരുത്ത്. എഴുത്തുകാരും വായനക്കാരും ഇനിയും ഞങ്ങളെ പിന്തുണക്കണം.
T R Remesh മറുവാക്കിന്റെ തുടക്കം മുതൽ കൂടെയുണ്ട്.
ഇപ്പോഴത്തെ എഡിറ്റോറിയൽ ബോർഡിൽ കെ എസ് ഹരിഹരൻ ,ബി എസ് ബാബുരാജ്, ടി. ആർ രമേശ്, പിന്നെ മാനേജിങ് എഡിറ്റർ മാർട്ടിൻ കെഡി എന്നിവരാണുള്ളത്.
മറുവാക്കിനെ ഏറെ പിന്തുണച്ചും നിർദേശങ്ങൾ തന്നുകൊടണ്ടുമിരുന്നയാളായിരുന്നു. T G Jacob sir. ഏറെ ദു:ഖകരമാണ് ആ അസാന്നിധ്യം. എപ്പോഴും വിളിക്കുകയും നിർദേശങ്ങളും സാമ്പത്തിക പിന്തുണയും തരുന്നവരുടെ കൂട്ടത്തിൽ പ്രധാന പ്പെട്ട പേരാണ് എം പി ബാലറാം മാഷ്..... കെ ടി റാം മോഹൻ , എൻ പി ചെക്കുട്ടി, കെ.സി ഉമേഷ് ബാബു, പ്രഫ.പി.കോയ, കെ പി സേതുനാഥ്, കുന്നത്തൂർ രാധാകൃഷ്ണൻ , എം.ദിവാകരൻ, കെ.പി ഹരിദാസ്, കെ എ ഷഫീഖ്, അരുൺ ജി എം, മക്കട റഷീദ് .... അതുപോലെ സർക്കുലേഷനിൽ ഏറെ പിന്തുണയ്ക്കുന്ന എസ് എൽ പുരത്തെ ഉണ്ണികൃഷ്ണൻ, ശശിധരൻ തുടങ്ങിയവരുടെ പിന്തുണ സ്മരിക്കാതെ വയ്യ.. ഇല്ലസ്ട്രഷൻ നിർവ്വഹിക്കുന്നത് പ്രസന്ന ആര്യനും ലേ ഔട്ടിൽ സഹായിക്കുന്നത് സതീഷ് ഉണ്ണികൃഷ്ണനുമാണ്. ഷാജി അപ്പുക്കുട്ടൻ പലപ്പോഴും കവർ ചിത്രങ്ങൾ തന്ന് പിന്തുണയ്ക്കാറുണ്ട്. പ്രമുഖരായ പലരുടെയും സൃഷ്ടികൾ പ്രസിദ്ധീകരിക്കാൻ കഴിഞ്ഞു എന്നത് ഏറെ അഭിമാനകരമാണ്. എഴുത്തുകാരുടെ പേരൊന്നും എഴുതി ആരെയും പിണക്കാൻ വയ്യ ... ഇതൊക്കെ ഇപ്പോൾ എഴുതിയത് എന്തിനാണെന്നു വച്ചാൽ സ്നേഹം കൊണ്ട് ശ്വാസം മുട്ടിക്കുന്നവരോട് കാര്യങ്ങളൊക്കെ ഒന്നു തുറന്നെഴുതാമെന്നു കരുതി.... അത്രേള്ളൂ''
അംബിക Ambika

മലയാളത്തിലെ സ്വതന്ത്ര രാഷ്ട്രീയ-സാംസ്കാരിക മാസികയായ മറുവാക്ക് എട്ട് വർഷം പിന്നിടുമ്പോൾ എഡിറ്റർ പി അംബിക സംസാ...

12/08/2022

കേരള വികസന മാതൃകയെ വിമർശനവിധേയമാതിവരിൽ ഏറ്റവും പ്രധാനപ്പെട്ടപ്പെട്ടൊരാൾ കെ കെ ജോർജ് മാഷാണ്. സമൂഹത്തിന് വേണ്ടി സ്വയം സമർപ്പിതനായ സാമ്പത്തിക വിദഗ്ധൻ, മനുഷ്യ സ്നേഹി ...
ഏറെ സ്നേഹവും പരിഗണനയും തന്ന് മറുവാക്കിനെ പിന്തുണച്ചിരുന്നു എല്ലാ തിരക്കുകൾക്കിടയിലും അദ്ദേഹം. മറുവാക്കിനു വേണ്ടി അഭിമുഖം തയ്യാറാക്കാനായാണ് അദ്ദേഹത്തെ നേരിട്ടു കാണുന്നത്, കെ പി സേതുനാഥിനും Sethu Nath Baburaj Bhagavathy ബി എസ് ബാബുരാജിനും കെ ഡി മാർട്ടിനുമൊപ്പം - അദ്ദേഹത്തിന്റെ വീട്ടിൽ വച്ച് .... അതിനു ശേഷം കഴിഞ്ഞ ജനുവരിയിൽ ഇറങ്ങിയ മറുവാക്കിന്റെ വാർഷികപ്പതിപ്പിനും അദ്ദേഹം ലേഖനം ത തന്നു. അവസാനമായി വിളിച്ചത് മറുവാക്കിന് ഒരു തുക സംഭാവന അയച്ചു കൊണ്ടാണ്. മാസങ്ങൾക്കുമുമ്പ് . വാർഷിക പതിപ്പിലെ കേരള വികസന ചർച്ച നന്നായെന്നും മാസിക നിലനിർത്തി കൊണ്ടു പോവണമെന്നും അദ്ദേഹം പറഞ്ഞു. ജോർജ് മാഷെ പോലൊരാൾ അങ്ങനെ വിളിച്ചു പറഞ്ഞപ്പോൾ സത്യത്തിൽ പറഞ്ഞറിയിക്കാനാവാത്ത സന്തോഷം തോന്നി. എന്നും സ്നേഹാദരങ്ങളോടെ ഓർക്കും... തന്റെ ഏറ്റവും വലിയ സമ്പാദ്യം ശിഷ്യഗണങ്ങളാണെന്ന് അദ്ദേഹം പറഞ്ഞതോർക്കുന്നു. കൊച്ചിയിലെ സെന്റർ ഫോർ സോഷ്യൽ ആന്റ് എൻവയോൺമെന്റൽ സ്റ്റഡീസ് അദ്ദേഹത്തിന്റെ ശ്രമഫലമാണ്.
ഒന്നിനുമുന്നിലും വഴങ്ങാത്ത , രാഷ്ട്രീയ നേതൃത്വങ്ങൾക്ക് അടിയറവു പറയാത്ത ജോർജ് മാഷിന് ഏറെ ആദരവോടെ വിട.

02/02/2022

27/01/2022

https://m.facebook.com/story.php?story_fbid=10159815490507716&id=655042715

T T Sreekumar ഡാ. ടി ടി ശ്രീകുമാർ എഴുതിയത്
ആരും ഒന്നും ഒറ്റയ്ക്ക് ചെയ്യുന്നില്ല എന്നത് ശരിയാവാം. അതുകൊണ്ടാവാം, അംബിക Ambika ഞാനടക്കം ധാരാളം പേര്ക്ക് നന്ദി പറയുന്നുണ്ട്- സഹകരണത്തിന്. പക്ഷെ, ആത്യന്തികമായി, ഇത് അംബികയുടെ രാഷ്ട്രീയമായ പ്രതിബദ്ധതയും കഠിനപ്രയത്നവുമാണ്‌. 'മറുവാക്കി'ന്റെ ഇത്രയും വിപുലമായ ഒരു വാര്ഷികപ്പതിപ്പ്‌ - എന്റെ ഒരു പ്രഭാഷണത്തിന്റെ ദീര്ഘമായ ലിഖിതരൂപം സ്ഥലം അപഹരിച്ചതിനു ശേഷവും- എത്രയും വൈവിധ്യത്തോടെ, വ്യവസ്ഥാപിത മാസികകളെ വെല്ലുന്ന പ്രൊഫഷണല്‍ കയ്യടക്കത്തോടെ, പ്രായേണ ഒറ്റക്ക് ഭാവനചെയ്തു പ്രസിദ്ധീകരിക്കുക എന്നത് തെല്ലും നിസ്സാരമായ കാര്യമല്ല (നാലോ അഞ്ചോ പരസ്യങ്ങള്‍- 164 പേജുകളും).അംബികയുടെ നിശ്ചയദാര്ഢ്യത്തിനു വിനീതമായ അഭിവാദ്യങ്ങള്‍. കൂപ്പുകൈ. (ഗൂഗിളില്‍ എണ്പതുരൂപ അയച്ചു പിഡിഎഫ്/പ്രിന്റ് പതിപ്പ് വാങ്ങുക-94000 58466 [Thara Pazhayath])

27/01/2022

https://m.facebook.com/story.php?story_fbid=10216347820448054&id=1831044342

ഒരു സ്വപ്നം പോലെ മറുവാക്കിന്റെ വാർഷികപ്പതിപ്പിനു വേണ്ടി വരച്ച ചില ചിത്രങ്ങളാണ്. Koyamparambath Satchidanandan , Kgs Sankar , Umeshbabu Kc , Pattannur പിന്നെയും കുറെ പ്രിയപ്പെട്ടവർ. സ്നേഹം മറുവാക്കിനും പ്രിയ കവികൾക്കും , കൂടാതെ വളരെ പരിമിതമായ സാഹചര്യങ്ങൾ വെച്ച് ഇത്രയും കൃത്യമായ കാഴ്ചപ്പാടുകളോടെ ഒരു പ്രസിദ്ധീകരണം മാസം തോറും എല്ലാരിലുമെത്തിക്കുവാൻ പെടാപ്പാടുപെടുന്ന, അതിനായി എല്ലാ തട്ടിൽ നിന്നുമുള്ള പ്രമുഖരായവരെ ഉൾപ്പെടുത്തി ഒരു വാർഷികപ്പതിപ്പുമൊരുക്കിയ മറുവാക്കിന്റെ എല്ലാമായ Ambika യ്ക്കും കൂടെ നിന്നവർക്കും അഭിനന്ദനങ്ങൾ.

27/01/2022

pamhaneef
https://m.facebook.com/story.php?story_fbid=3100499533602226&id=100009266299515

പി എ എം ഹനീഫ് എഴുതിയത്

വാർഷിക പതിപ്പുകൾ നവീന വിഷയമല്ല.കേരളത്തിൽ വിശേഷിച്ചും; പ്രചാരം ഏറെയുള്ള പത്രങ്ങൾ സിനിമ ലോകവും, ലൈംഗികത യുടെ ആധുനികോത്തര ങ്ങളും പന്ന കവിതകളും കുത്തി നിറച്ച് പഴങ്കടലാസുകൾ തൂക്കി വിൽക്കുന്ന ഗോഡൗണിൽ മാറാല മൂടിയ കൗതുകങ്ങൾ...
ആമുഖം കുറിച്ചത് അംബിക യുടെ"മറുവാക്ക്"വാർഷിക പതിപ്പ് ആസ്വദിക്കാൻ ഇട ആയതിനാൽ.
മുഴുവൻ പഠിച്ചു വായിച്ചു.
എംഗോവിന്ദൻറെ വിരൽപ്പാടുകൾ പതിഞ്ഞ സമാഹാരം പോലെ കുളിരായി.
അഞ്ച് വർഷം കഴിഞ്ഞ് മലയാളം ചിന്തിച്ചേക്കാവുന്ന ഉൾക്കനങ്ങൾ.
പുതിയ ലേഔട്ട്,വരി വിന്യാസങ്ങൾ...
സച്ചിദാനന്ദന്റെ"വ്റ്ക്ഷം വായിക്കൽ";എംആർ.രാധാമണിയുടെ"മാന്ത്രികൻറെ കാൽപ്പാടുകളിൽ;ഡോ.എം.കുഞ്ഞാമൻറെ
"രണ്ടാം ഭൂപരിഷ്കരണത്തിൻറ ആവശ്യകത";
ഡോ.പി.ജെ.ജയിംസിൻറെ"കേരള വികസന വും പുത്തൻ കൊളോണിയൽ സമ്മർദ്ദവും,"ആർ.കെ.സന്ധ്യയുടെ"വേട്ട"(നല്ല കവിത);പി.ഗീതയോട് അംബിക യുടെ (പരദൂഷണം ആവാത്ത) അഭിമുഖം,"നമ്മുടെ മാധ്യമങ്ങൾ എങ്ങോട്ടാണ് പോകുന്നത് (എൻ.പി.ചെക്കുട്ടി);പ്റസന്നാ ആര്യൻറെ"തുന്നലഴിഞ്ഞ തൊട്ടിയറ":വിദ്യ പൂവഞ്ചേരിയുടെ"എന്റെ ദൈവമേ"; സിന്ധു വാസുദേവൻ റെ"പച്ച ഞരമ്പ്";2021-22 ലെ
വിളി കേൾക്കുന്ന എഴുത്തുകളായി രുചി പ്പെടുന്നു.
ടി.ടി.ശ്റീകുമാർ, ജോയ് മാത്യു, കുഞ്ഞപ്പ പട്ടാനൂർ, അടക്കം മുപ്പതിലധികം നല്ല തൂവലുകളുടെ സർഗാത്മക സ്പർശം.എഡിറ്റർ അംബിക യും ലേ-ഔട്ട് നിർവ്വഹിച്ച സതീഷ് ഉണ്ണികൃഷ്ണനും അവാർഡ്....!!
മാന്യരേ,ഈ സമാഹാരം ശേഖരിച്ച് മറിച്ച് നോക്കിയാൽ

13/01/2022

മറുവാക്ക് വാർഷികപ്പതിപ്പ് എങ്ങനെ, എവിടെ കിട്ടും എന്ന് പലരും ചോദിക്കുന്നുണ്ട്.
94000 58466 മറുവാക്കിന്റെ G.pay നമ്പർ ആണ്. അത് watsapp നമ്പറും ആണ്. വിലാസം അതിലിടാം. 80 രൂപ വിലയും 20 രൂപ തപാൽ ചാർജും വരുന്നു. vpp. 100 രൂപയാണ്. മാസികയുടെ വാർഷിക വരിസംഖ്യ 250.
എക്കൗണ്ട് നമ്പർ SBI 38213106039, IFSC Code SBIN0070576, പിന്നെ, കോഴിക്കോട്, കൊയിലാണ്ടി, തിരുവനന്തപുരം, കണ്ണൂർ, എറണാകുളം ചില ഷോപ്പുകളിലും ലഭ്യമാണ്.
വായനക്കാരുടെ വലിയ പിന്തുണയ്ക്ക് നന്ദി, സ്നേഹം.

13/12/2021

മറുവാക്കിന്റെ ആദ്യ ലക്കം ഇറങ്ങുന്നത് 2014 ഡിസംബറിൽ ആയിരുന്നു. ആദിവാസി- ദലിത് ഭൂപ്രശ്നമായിരുന്നു അതിന്റെ പ്രമേയം. പിന്നീടും ആദിവാസി, ദലിത്, മൽസ്യ - തീരദേശ മേഖല, മതന്യൂനപക്ഷങ്ങൾ, സ്ത്രീ, ട്രാൻസ് ജെൻഡർ പരിസ്ഥിതി, സാമ്പത്തിക മേഖല, കാർഷിക മേഖല, വിദ്യാഭ്യാസം തുടങ്ങിയ വിഷയങ്ങളായിരുന്നു പ്രധാന പ്രമേയങ്ങളായി വന്നത്. മറുവാക്ക് എട്ടാം വർഷത്തിലേക്ക് കടക്കുകയാണ്. അതുകൊണ്ടു തന്നെ ഒരു വാർഷികപ്പതിപ്പ് ഇറക്കണമെന്ന ആഗ്രഹം ഞങ്ങൾ പ്രയോഗത്തിൽ കൊണ്ടുവരാൻ തന്നെ തീരുമാനിച്ചു .. അങ്ങനെ ഈ ഡിസംബറിൽ ആ ആഗ്രഹം യാഥാർഥ്യമാവുകയാണ്. മറുവാക്കിനെ പോലൊരു മാസിക പരസ്യങ്ങൾ പോലുമില്ലാതെ ഇതുവരെ നിലനിർത്താനായതിൽ അഭിമാനമുണ്ട്. അതോടൊപ്പം മറുവാക്കിനെ സ്വീകരിച്ച പ്രിയ വായനക്കാരോട് ഞങ്ങളെന്നും കടപ്പെട്ടിരിക്കുന്നു. ഇപ്പോഴും വായനക്കാരുടെ വലിയ പിന്തുണ ഒന്നു കൊണ്ട് മാത്രമാണ് ഇത് നില നിന്നു പോവുന്നത്. കൂടെയുണ്ടാവണം ....എല്ലാ ചങ്ങാതിമാരും എല്ലാ വായനക്കാരും. അതോടൊപ്പം വരിസംഖ്യ തന്നും വിറ്റ് കിട്ടുന്ന പൈസ കൃത്യമായി തന്നും പുതിയ വരിക്കാരെ കണ്ടെത്തി തന്നും ഒരു പൈസ പോലും പ്രതിഫലം പറ്റാതെ എഴുതി തന്നും വരച്ചു തന്നും ഇടയ്ക്കിടെ വിളിച്ച് നിന്നു പോവരുതേ എന്ന് പിന്തുണച്ചും ഞങ്ങളെ നിലനിർത്തുന്ന എല്ലാ വ്യക്തികളോടും ഞങ്ങൾ കടപ്പെട്ടിരിക്കുന്നു. ഈ സ്നേഹ വായ്പും പിന്തുണയും മാത്രമാണ് ഞങ്ങളുടെ കരുത്ത്.. ഇനിയും കൂടെയുണ്ടാവണം ...