05/07/2023
ກອງປະຊຸມ: ສະຫຼຸບວຽກງານຮອບດ້ານ - ວຽກງານນໍາພາ ປະຈໍາ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2023 ຂອງກອງບັນຊາການທະຫານແຂວງໄຊສົມບູນ.
ໃນວັນທີ 4 ກໍລະກົດ 2023 ນີ້້ ກອງບັນຊາກນທະຫານແຂວງໄຊສົມບູນ ໄດ້ຈັດກອງປະຊຸມສະຫຼຸບວຽກງານຮອບດ້ານ - ວຽກງານນໍາພາ ປະຈໍາ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2023 ຢູ່ທີ່ສະໂມສອນຂອງຕົນ, ໂດຍພາຍໃຕ້ການເປັນປະທານຂອງ ສະຫາຍ ພົນຈັດຕະວາ ຄໍາອິ້ງ ກິ່ງແກ້ວ ຄະນະປະຈໍາພັກແຂວງ ເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງໄຊສົມບູນ, ມີສະຫາຍ ພັອ ໝອນຄໍາ ດວງສະຫວັນ ກໍາມະການພັກແຂວງ ຮອງເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງໄຊສົມບູນ, ມີຄະນະພັກ - ຄະນະບັນຊາ ອົງການ 5 ຫ້ອງ, 5 ກອງບັນຊາການທະຫານເມືອງ, ກອງພັນນ້ອຍ,ກອງຮ້ອຍເອກະລາດ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ. ສະຫາຍ ພັທ ພິມພອນ ອຸ່ນທະວີສັກ ຮອງຫ້ອງການບໍລິຫານ ຂຶ້ນຜ່ານ ບົດສະຫຼຸບ ວຽກງານຮອບດ້ານ ເຊິ່ງໄດ້ຍົກໃຫ້ເຫັນຜົນງານທີ່ຍາດມາໄດ້ໃນຕະຫຼອດໄລຍະ 06 ເດືອນຜ່ານມາ, ພື້ນຖານກົມກອງແມ່ນມີຄວາມສະຫງົບ ພາຍໃຕ້ການຊີ້ນໍາ - ນໍາພາຂອງຄະນະພັກກອງບັນຊາການ ກໍ່ຄືຄະນະພັກແຕ່ລະຂັ້ນ, ມີຄວາມເປັນເອກະພາບ, ມີຄວາມຮັບຜິດຊອບສູງ, ບົນພື້ນຖານປະຕິບັດຫຼັກການລວມສູນ ປະຊາທິປະໄຕ, ຫັນເອົາມະຕິ, ທິດທາງແຜນການທີ່ຂັ້ນເທິງມາຈັດຕັ້ງຜັນຂະຫຍາຍຢ່າງຖືກຕ້ອງ, ເປັນເຈົ້າການປະຕິບັດ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກຢ່າງແຂງແຮງ, ສຸມໃສ່ຈັດຕັ້ງອົບຮົມ - ຫັດແອບ ການເມືອງ, ການທະຫານ, ພະລາທິການ - ເຕັກນິກ, ວິຊາສະເພາະ, ປັບປຸງແບບແຜນວິທີເຮັດວຽກ, ຖືເອົາວຽກງານສຶກສາອົບຮົມການເມືອງນໍາພາ - ແນວຄິດເປັນກົກ, ນໍາເອົາບັນດາມະຕິ, ຄໍາສັ່ງຕ່າງໆຂອງຊາດ, ຂອງພັກ, ຂອງກອງທັບ ມາຈັດຕັ້ງເຜີຍແຜ່ເຮັດໃຫ້ພະນັກງານ - ນັກຮົບໄດ້ຮັບຮູ້ເຊື່ອມຊຶມ ແລະ ກໍາແໜ້ນຕໍ່ແນວທາງນະໂຍບາຍຂອງພັກ - ລັດ, ກໍ່ຄືລະບຽບວິໃນຂອງກອງທັບ, ເຊິ່ງໃນໄລຍະ 6 ເດືອນທີ່ຜ່ານມາ ກົມກອງສາມາສ້າງລາຍຮັບໄດ້ທັງໝົດ 1.779.072.000 ກີບ, ໃນນີ້ຮັບຈາກການຂາຍນໍ້າດື່ມ 32.710.000 ກີບ, ຮັບຈາກການປ້ອງກັນບໍລິສັດ1.405.916.000 ກີບ, ຮັບຈາກການບໍລິການລົດໄຖສວນ 11.334.000 ກີບ, ຈາການຂາຍພືດຜັກຊະນິດຕ່າງໆ 86.759.000 ກີບ, ຂາຍສັດລຽ້ງ 218.282.000 ກີບ ແລະ ການບໍລິການເຮືອນພັກຮັບແຂກ 24.071.000 ກີບ, ພ້ອມດ່ຽວກັນນີ້ ສະຫາຍ ພັທ ໄກສອນ ດວງຈັນສີ ຮອງຫ້ອງການເມືອງ ຂຶ້ນຜ່ານ ບົດສະຫຼຸບ ການນໍາພາຂອງຄະນະກອງບັນຊາການ ໃນໄລຍະ 6 ເດືອນຜ່ານມາ ຄະນະພັກກອງບັນຊາການ ໄດ້ເປັນເຈົ້າການນໍາພາປັບປຸງກໍ່ສ້າງພັກ ຕາມ 5 ຫຼັກການ, 3 ທິດນໍາຂອງພັກ ຄື ດ້ານການເມືອງແນວຄິດ, ດ້ານການຈັດຕັ້ງ ແລະ ດ້ານແບບແຜນນໍາພາ, ເອົາໃຈໃສ່ຊີ້ນໍາໜ່ວຍພັກເອກະລາດ ແລະ ໜ່ວຍພັກຂຶ້ນກັບຄະນະພັກຮາກຖານແຕ່ລະຂັ້ນ ໄດ້ດໍາເນີນກອງປະຊຸມໃຫຍ່ຂອງຕົນສໍາເລັດຕາມແຜນການ, ໃນນັ້ນ ໄດ້ຈັດຕັ້ງທາບທາມບຸກຄະລາກອນສະໝັກຮັບເລືອກຕັ້ງເຂົ້າໃນຄະນະພັກຮາກຖານ ຈໍານວນ 4 ຄະນະ, ມອບໃບຢັ້ງຢືນ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ສົກປີ 2022 ທົ່ວກອງບັນຊາການ ຈໍານວນ 18 ໜ່ວຍພັກ, ທົ່ວກອງບັນຊາການທະຫານແຂວງ ມີຄະນະພັກກອງບັນຊາການ 10 ສະຫາຍ, ມີ 4 ຄະນະພັກຮາກຖານ, ມີ 14 ໜ່ວຍພັກຂຶ້ນກັບຄະນະພັກຮາກຖານ, ມີ 9 ໜ່ວຍພັກເອກະລາດ, ມີສະມາຊິກພັກ 395 ສະຫາຍ, ຍິງ 46 ສະຫາຍ, ສໍາຮອງ 30 ສະຫາຍ, ຍິງ 5 ສະຫາຍ, ກອງປະຊຸມຍັງໄດ້ຮັບຮອງເອົາການປະກອບຄໍາຄິດຄໍາເຫັນຂອງບັນດາສະຫາຍທີ່ເຂົ້າຮ່ວມກອງປະຊຸມຢ່າງກົງໄປ - ກົງມາ, ເພື່ອເຮັດໃຫ້ເນື້ອໃນບົດສະຫຼຸບທັງສອງພາກມີຄວາມອຸ ດົມສົມບູນຂຶ້ນຕື່ມ,ໂອກາດດັ່ງກ່າວ ສະຫາຍ ພັຕ ແອ ແອນນະວົງ ຫົວໜ້າພະແນກພະນັກງານ ຂຶ້ນຜ່ານຂໍ້ຕົກລົງ ກະຊວງປ້ອງກັນປ້ອງປະເທດ ສະບັບເລກທີ 3567/ກປທ, ລົງວັນທີ 27/6/2023 ວ່າດ້ວຍການເລື່ອນຊັ້ນ, ທຽບຊັ້ນໃຫ້ນາຍທະຫານ ຢູ່ກອງບັນຊາການທະຫານແຂວງໄຊສົມບູນ, ອີງຕາມ ກົດໝາຍ ນາຍທະຫານ ກອງທັບປະຊາຊົນລາວ ສະບັບປັບປຸງ ໃນພາກທີ II ໝວດທີ 3 ມາດຕາ 22 ແລະ ມາດຕາ 23 ວ່າດ້ວຍການເລື່ອນຊັ້ນນາຍ ທະຫານ, ກະຊວງປ້ອງກັນປະເທດຕົກລົງ: ເລື່ອນຊັ້ນ ຮອ ຂຶ້ນ ພັຕ 12 ສະຫາຍ, ຮທ ຂຶ້ນ ຮອ 20 ສະຫາຍ, ຮຕ ຂຶ້ນ ຮທ 10 ສະຫາຍ, ທຽບຊັ້ນ ຮທ 10 ສະຫາຍ, ວທ ຂຶ້ນ ຮຕ 10 ສະຫາຍ, ພ້ອມທັງ ປະກາດພະນັກງານຈໍານວນໜຶ່ງພັກການຮັບເບຍບໍານານ ແລະ ປະກາດແຕ່ງຕັ້ງຊັບຊ້ອນໜ້າທີ່ຈໍານວນໜຶ່ງອີກດ້ວຍ. ຕອນທ້າຍກອງປະ ຊຸມ ສະຫາຍ ພົນຈັດຕະວາ ຄໍາອິ້ງ ກິ່ງແກ້ວ ໄດ້ມີຄໍາເຫັນໂອ້ລົມ ເຊິ່ງກອນອື່ນ ສະຫາຍ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສໍາເລັດຫຼາຍດ້ານທີ່ກົມກອງຍາດມາໄດ້ໃນໄລຍະ 6 ເດືອນຜ່ານມາ, ອັນພົ້ນເດັ່ນ ວຽກງານແກ້ໄຂເຮັດໃຫ້ສະພາບມີຄວາມສະຫງົບ, ໃນນັ້ນໄດ້ຫັນເອົາພະນັກງານລົງກໍ່ສ້າງຮາກຖານການເມືອງ ຕາມ 4 ເນື້ອໃນ 4 ຄາດໝາຍ ເຮັດໃຫ້ກົມກອງມີຄວາມສະຫງົບໂດຍພື້ນຖານ, ພ້ອມນີ້ຍັງໄດ້ຮຽກຮ້ອງມາຄະນະພັກ -ຄະນະບັນຊາແຕ່ລະຂັ້ນ ຕ້ອງຍົກສູງຄວາມຮັບຜິດຊອບໜ້າທີ່ການເມືອງຂອງຕົນຢ່າງຕັ້ງໜ້າ, ຖືເອົາວຽກງານສຶກສາອົບຮົມການເມືອງແນວຄິດເປັນບັນຫາຕົ້ນຕໍ່, ເອົາໃຈໃສ່ເພີ່ມທະວີຄວາມສາມັກຄີພາຍໃນ ແລະ ພາຍນອກໃຫ້ ແໜ້ນແຟ້ນ, ມິແບບແຜນການນໍາພາ, ແບບແຜນວິທີເຮັດວຽກ ເປັນໝູ່ຄະນະ, ພ້ອມນີ້ ເອົາໃຈໃສ່ ວຽກງານເພີ່ມພູນຜະລິດຜົນ ຕາມທ່າແຮງບົ່ມຊອ້ນຂອງກົມກອງ, ປະຕິບັດຕາມທິດນໍາຂອງກົມໃຫຍ່ພະລາທິການກອງທັບ ເພິ່ງຕົນເອງ, ກຸ່ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ກົມມີບາດກ້າວຂະຫຍາຍຕົວດີຂຶ້ນເລື່ອຍໆ.
ຂ່າວ: ຮອ ສົດ ນາມໄຕ
