Foodcafealcoholic (2024)

17/06/2024

✨50% OFF 嘆健康手調茶飲🌿
-
之前介紹過主打一系列採用健康養生天然食材嘅純素珍珠奶茶店，最近網上下單只需要輸入 👉🏻 「MPLOVER」，再到Mother Pearl自取，就即可享有半價優惠😱❣️依個post最後比埋個下單QR Code比大家，輕鬆網上Order！
之前都飲過幾次，所以係手調系列、植物奶系列、純茶系列、冰沙系列以及咖啡系列各揀左幾杯私心嘅Top Picks🥰
*
< 私心推薦系列 >

🌴 Coco Uji 椰林樹影
小山園抹茶，搭配香水檸檬、菠蘿以及椰子。整個味道酸酸甜甜，好有Tropical嘅感覺🍍 (135 kcal)
*
☁️ Glimpse of Sunburst 藍藻白雲
超夢幻嘅藍色，其實係加左藍藻岩鹽糖漿，加上柚子、椰子奶蓋以及芒果，整個味道就好似楊枝甘露咁～ (143 kcal)
*
✨ Jasmine Pearl 鳳凰茉莉米蓋
清爽輕盈選擇！佢哋嘅海鹽雲呢拿米蓋絕對係一大Highlight位，雖然係Vegan但就做到貼近奶蓋軟滑嘅質感，卡路里仲低啲添🤭 (50 kcal)
*
💖 Lychee Rose 瑰荔茶霧
祁門玫瑰花茶，配上荔枝 & 士多啤梨🍓 清新解膩～下層仲有奇亞籽以及椰果增加口感～
*
🫖 Just Jasmine 圓貝茉奶茶
用上沁香茉莉奶茶，茶味清幽，加上奇亞籽以及自家製排毒炭黑珠，感覺比一般嘅手搖奶茶更Light!
*
🍵 Matcha Fe 媽茶啡
中環、灣仔限定‼️ 小山園抹茶米蓋，加上香濃咖啡，仲有紅豆以及煙韌嘅抗氧抹茶珠，一帶上班族最愛～
-world
圓貝各分店有售

14/06/2024

✨百年古蹟下閒嘆露天泰式酒吧 🍹
-
地區分類：
-
每逢weekend都諗去邊諗到頭都大埋？🤭 大家不妨參考下依個為大家度身訂造嘅小行程～休閒地花半日時間喺歷史過百年嘅大館 .hk 裏面，食飯+飲嘢+購物一次過做匀哂🤩 最後仲有免費小禮物拎返屋企添！

記住留意埋佢哋嘅大館FAN尊享商户獎賞，大家只要登記做大館FAN，下載大館App，即可享一系列餐飲及購物優惠，仲可以拎埋限量版迎新小禮品返屋企✨ 今次換返嚟嘅種子鉛筆套裝超有心思的🌱
更多商户優惠可參閱以下網址
www.taikwun.hk/taikwun/taikwun_fan -and-buy
-
🌴 Armoury Terrace
户外泰式酒吧餐廳！由Aaharn廚房製作泰式酒吧小吃，即燒串燒，以至咖喱、炒金邊粉等經典泰國菜都食到！如果大家做左大館FAN，仲有「午市歡樂時光優惠」：享用午市套餐，即可以歡樂時光價錢購買飲品 (星期一至四, 12pm-3pm)

🫖 LOVERAMICS
食完飯當然要周圍行下啦～依間國際品牌陶瓷店，提供唔同精細簡約嘅陶瓷產品，例如餐具、廚房用品等！真係每一件都想帶佢返屋企😍

🍹 Gishiki Lounge
黃昏時間最啱飲番杯Cocktails~ 依間酒吧係日本餐廳Sushi Zo旁邊的姊妹雞尾酒廊，有格調得嚟又帶點神秘嘅感覺！最近更加出咗新嘅Cocktail Menu，個人最愛XX，加入了普洱茶，酒味濃郁，配上一小舊Brownie又係幾有趣嘅配搭⚜️

-
Armoury Terrace
中環荷李活道10號大館02座槍房G樓02-G/F號舖

LOVERAMICS
中環荷李活道10號大館03座營房大樓1樓03-104號舖

Gishiki Lounge
中環荷李活道10號大館01座警察總部大樓LG1樓01-LG103號舖

07/06/2024

🖤Black Series最強優惠快閃回歸🐑
-
升級版 Black Series 回歸了 (17/6-26/6/2024) 😱🥳 快閃10日，以超值嘅價錢試匀多間人氣餐廳招牌菜式！
點解話係升級版？因為係連平時人氣La Vache / Polo Club /口利福香檳點心週末Brunch都照樣有優惠😭❣️ 以下私人精選幾間夠抵必食餐廳✨ 大家閉着眼book位就對了！
💁🏻‍♀️圖片往左swipe睇哂9間重點推薦餐廳！

依家用獨家訂位Link 早人3日優先睇Menu & 訂座😱😱 唔洗同人爭！輸入以下連結 🔗 https://ffb5.short.gy/FoodCafeAlcoholic 或按Profile Link 查看優惠！

1️⃣ 中世紀風紐約意菜@carbonehongkong
每次Black Series秒速Full Booking嘅餐廳🫢 Lunch 低至 $398/位，香辣伏特加忌廉通心粉 + 意式肉丸 + 肉眼扒 +紐約檸檬芝士蛋糕全部都食到🔥 我係你第一間book左依個先 (詳細食詳請留意眀天Reel)

2️⃣ 港人最愛法式扒房 🇫🇷
招牌美國肉眼牛扒+任食薯條+甜品，之前Plated Menu 平左都$398，依家$368/位!!!
另外今次多左Le Disco 的士高早午餐 🪩🕺 有DJ駐場，Free Flow 牛扒+任食薯條+ 紅酒🍷 超好Feel !

3️⃣ 正宗拿坡里Pizza 🍕
之前被米紙評為第1，由意大利主廚主理嘅坡里薄餅店！Lunch低至$138，夜晚 $228 就食到1款頭盤+ 1款即焗薄餅 + Tiramisu (超好食的)！佢哋嘅手工製薄餅Party亦有優惠，可以跟大廚學整Pizza外，仲可以Free Flow 紅白有汽酒，一位都係$368，好癲！

4️⃣意大利托斯卡尼溫馨扒房@associazionechianti
出哂名食炭火熟成牛扒以及佢哋足1 KG嘅T bone牛扒🥩 之前Plated Menu人均都要6百尾，今次Black Series只要$498就食到7道菜，菜式數量冇少到，照舊食到佢哋嘅厚切牛扒 & Tiramisu😎

5️⃣口利福 🥢
第一次入去個人TOP 5推介List～因為佢哋嘅Good Fortune Club 點心放題Brunch首次做Black Series優惠😱 之前嘅蝦餃、燒賣、黑豚叉燒等點心照樣任食！Free Flow香檳冇得輸🍾️ 比之前仲平足$300‼️

29/04/2024

🍹沙漠尋寶! 歐陸小酒館風情西餐廳🍴
-
地區分類：
-
人稱「美食沙漠」嘅馬鞍山🌵 最近竟然多咗間高質西餐廳，主打新派西式家庭料理，簡直係附近居民嘅福利！餐廳特設室外位置，有鳥籠千秋打卡位之餘，仲可以供包場之用，開Party啱哂🥳 菜式主要為炭燒牛扒、意粉 & 漢堡包為主，仲有一系列Cocktails選擇，無論係普通飯聚，抑或係節日慶祝都咁啱！
-

•炭燒美國肉眼扒（$298/12安士)
一向都係用炭燒嘅牛扒先最正😎 靚靚嘅Grill Mark，肉質柔軟，帶陣陣炭香！伴上大蒜香草黄油夠哂正🧈

•醬燒豬肋骨及燒黄油雞(各半份) ($288)
雙倍滿足嘅燒豬肋骨+燒雞組合‼️ 豬肋骨沾滿哂醬汁好惹味～燒雞嫩滑啖啖肉，保留唔少肉汁的！另外仲會配埋脆卜卜薯條。

•德州牛肉漢堡 ($138)
著名Texas Burger 卻有不一樣滋味‼️ 集合烤煙肉、炸洋蔥、生菜、番茄、芝士以及自家製墨西哥辣椒燒烤醬🥓 食落帶陣陣美式燒烤風味，滿滿的配料超誘人的！

•慢煮紅酒牛肉手製闊條麵 ($138)
慢煮過的牛肉超嫩腍的🥰 輕鬆掛滿每一條麵條，如果pasta嘅口感再煙韌啲就好嘞！
*

•香蕉朱古力牛角酥窩夫 ($58)
烘得酥脆嘅Croffle，伴上雲呢拿雪糕以及香蕉等新鮮水果，太邪惡了🤭

•意式冰糕伴杏仁脆糖 ($88)
意大利傳統甜品之一，質感介乎雪糕與忌廉之間，口感冰爽，夏天食超解暑的❄
*

•Corojito ($58)
再度推出嘅Corona系列，包括清爽青檸、利賓納風情以及果香滋味🌿 大大杯越飲越有！最愛混合左Rum酒、青檸汁以及薄荷葉嘅Corojito，好清爽！如果叫無糖嘅酒味會更明顯！而其他Cocktails都係$68杯，酒精類產品第二杯半價，價錢認真夠親民～

另外仲有多款無酒精雞尾酒都係 $48🍹 Fruit Season加入了士多啤梨🍓、青蘋果 & 橙汁，酸酸甜甜非常refreshing!!!
-
FAT ANGELO’S (馬鞍山)
馬鞍山鞍祿街18號MOSTown新港城中心(4期)3樓3227-28號舖

#馬鞍山 #西餐 #馬鞍山高質西餐廳
#炭燒牛扒 #手製闊條麵 #包場

19/03/2024

🇯🇵開業7年の日廚坐鎮Omakase✨
-
地區分類：
-
連發哥都到訪嘅日本餐廳?! 依間位於上環，由2017年開業至今，足足7年，有唔少固有嘅捧場客✨而足17品嘅晚市Omakase只需$1000/位就試到日本師傅嘅出品🍣 午市定食就around $150-250價錢算係幾相宜！
-
Omakase Menu ($1300/pp)
-

•岩手縣生蠔
•彷彿魚
•深海池魚

最特別嘅應該係深海池魚，一片經過火炙，配以大蔥以及木魚花，而另一款以醬油醃漬過，醃上wasabi以及柚子，兩款唔同口感 & 味道，形成一個對比～
*

•魷魚
•赤貝
•金目鯛
•白昆布鯖魚
•中拖羅
•三文魚子
•北海道海膽
•大拖羅
•小肌

依到嘅壽司都係行平實路線，主要食返魚料嘅鮮味❤️ 個人今次最愛竟然係大拖羅，油脂甘香平均，但又唔會過份油膩～金目鯛經過炙香，帶返油香出嚟～最後壓軸嘅有小肌😍 味道酸爽帶鮮，非常上癮！
*

•螢光魷魚茶碗蒸
口感非常滑溜，配上Q彈鮮甜嘅螢光魷魚，好正！

•燒梳子魚
外皮焦香，肉質帶彈性，不乏魚油香🐟
*

*

•抹茶麻糬冰淇淋
•抹茶奶凍
有兩款唔同嘅抹茶甜品也太幸福了🍵 最中餅幾有心思地將外層燒過，而奶凍幼滑，帶抹茶甘香～
-
鮨政 (上環)
上環蘇杭街105號地舖

18/03/2024

🇯🇵和牛九宫格の人氣激安燒肉店🔥
-
地區分類：
-
不知不覺已經三訪了🤭 每次都衝住佢哋嘅和牛九宮格以及日本生啤買一送一!!! 如果兩個朋友仔去食叫一個九宮格，加兩杯啤酒，一兩個小食就已經足夠，人均$400多，算係幾抵玩～
-
驚安九宮格盛合 ($588)
每次嚟到都必點，一次過試匀特上牛舌芯、牛頸脊、和牛五花、和牛三角腩、沙巴當磚、和牛友三角、極黑和牛、一口和牛以及壺漬牛肋條！當然同樣價錢亦可以自由選擇9款配搭😎 但無論如何都必點和牛三角腩，滿足到食和牛香爆棚嘅滿足感！
*
特大薄切牛舌 ($88)
一大盤可以慢慢keep住燒！但如果追求口感，更推厚切牛舌，會更爽滑彈牙！
*
和牛壽喜燒伴北海道海膽 ($88)
席前炙燒和牛，配上伴入醬油、蛋汁以及蟹子嘅飯，再放上鮮甜嘅海膽，依個價錢食到兩碗真係不得了🥳 亦會每次必點！
*
宇治抹茶最中餅 ($32)
食完燒肉就好想食返啲凍冰冰嘅甜品🤭 清爽嘅抹茶雪糕配上紅豆，perfect match🫘🍵
*
Sapporo生啤 ($48/杯)
不要錯過生啤買一送一，燒肉靈魂伴侶無誤🍻
-
驚安燒肉商店 (尖沙咀)
尖沙咀金馬倫道48號中國保險大廈3樓C號舖

21/02/2024

🇫🇷近期熱捧·不能錯過的南法小酒館✨
-
地區分類：
-
被譽為「摘星路上的法國菜」，今年唔試就走寶了😎 兩位主廚分別曾係香格里拉酒店Petrus & 四季酒店Caprice 掌廚，係上年攜手打造屬於自己嘅餐廳。菜式以法國南部家鄉菜為基調，由一開始嘅法式酸種麵包配梅子醬煙燻牛油已經令人對整餐晚飯充滿期待感❤️ 而最後嘅椰菜花雪葩配魚子醬更係將驚喜感延續至最後！有機會一定會回訪就對了～
-
‘𝓟𝓵é𝓷𝓲𝓽𝓾𝓭𝓮’ 𝓜𝓮𝓷𝓾 ($1788/pp)*
*菜單定期會有改動
-
𝐻𝑜𝓀𝓀𝒶𝒾𝒹𝑜 𝒰𝓃𝒾
北海道海膽，唔係刺身咁簡單✨ 其實係由蜆肉湯、椰子奶、新鮮海膽等製成嘅海膽奶凍！味道鮮甜滑溜，配上酸酸甜甜嘅紅菜頭以及桔橙，有提鮮+開胃嘅作用～
*
𝐸𝒷𝓇𝑜 𝑅𝒾𝓋𝑒𝓇 𝒮𝓂𝑜𝓀𝑒𝒹 𝐸𝑒𝓁
厄波羅河煙熏鰻魚，用紫菜包著煙熏鰻魚 & 鵝肝肉醬嘅組合也太有驚喜了！綿密嘅鵝肝加上鰻魚嘅煙熏香味，再用上西班牙扁豆沙律以及黑松露油醋汁平衡返❤️
*
𝐵𝓇𝒾𝓉𝓉𝒶𝓃𝓎 𝒮𝒸𝒶𝓁𝓁𝑜𝓅𝓈
布列塔尼帶子，配上新鮮即刨黑松露已經冇得輸～但加入嘅25年摩德納意大利黑醋雪莉酒醬汁，更係令整個味道更突出😌
*
𝒜𝓉𝓁𝒶𝓃𝓉𝒾𝒸 𝑀𝑜𝓃𝓀𝒻𝒾𝓈𝒽
煎至金黃嘅太西洋鮟鱇魚面層，放上芫荽泡沫，食落加添一份清香，但又唔會太霸道🌿 加上生蠔肉、金橘蓉、黑蒜蓉，布列塔尼咖喱等食材，整體行小清新路線～
*
𝐵𝓊𝓇𝑔𝒶𝓊𝒹 𝒟𝓊𝒸𝓀
冬季Menu限定嘅Burgaud鴨肉🥰 外皮塗上一楓糖漿，焗至誘人嘅焦脆感～肉質亦冇令人失望，非常粉嫩！最特別嘅一定係釀入油封鴨腳肉 & 鴨肝嘅Brussel Sprouts，完美運用鴨嘅每一個部位！(希望下次有機會試下個Pigeon 🤭)
*
𝒯𝑜𝓂𝓂𝑒 𝒩𝒶𝓅𝑜𝓁𝑒𝑜𝓃
Tomme Napoleon 芝士火鍋 🫕 香濃得嚟比想像中冇咁膩；而用嚟沾芝士嘅佛卡夏麵包加入了柿子，帶果香之餘，外層仲煎至酥脆，同芝士幾Match，令人上癮不斷係咁食 (已經食完Main Course的說)
*
𝒮𝓃𝑜𝓌𝒷𝒶𝓁𝓁 𝒞𝒶𝓊𝓁𝒾𝒻𝓁𝑜𝓌𝑒𝓇
雪球椰菜花 (冇聽錯呢個竟然係甜品!!!) 而且椰菜花嘅味道一啲都唔保守，間唔中仲會食到烤椰菜花粒，配上酸爽嘅檸檬雪葩🍋 係比較中性嘅一款甜品～另外可以試下最後加魚子醬一齊食，係幾特別嘅組合～
-
Racines (上環)
上環差館上街22號地舖

25/01/2024

✨地中海風情·假日悠閒早午餐Giveaway🌊
-
地區分類：
-
新年Giveaway第五彈！輪到依間係上年11月先新開張嘅地中海風味意大利菜餐廳！由人氣西班牙菜Chueca主廚 Jordi valles Claverol主理，連平日夜晚都照舊爆場😱❤️ 好開心可以同到合作，免費送出4位Brunch Menu (總值高達$2000)，一共4道菜，其中仲包含招牌西班牙紅蝦短麵、黑松露細麵、提拉米蘇等🥰
同晚市Tasting Menu冇乜分別，仲可以假日去食添!!!!
快啲tag你哋嘅朋友仔，請佢哋Weekend Chill住一齊食Brunch啦！
-
Dinner Tasting Menu ($490/pp)
-

•Ibérico Ham 48 Months
伊比利亞火腿48個月配上迷迭香味義大利麵包，帶返火腿獨有嘅鹹香～

•Whipped Feta
Feta奶酪裏面加入檸檬皮、石榴、葵花籽以及蜜糖，酸酸甜甜幾清新✨

•Caviar d’Aubergine
前菜裏面嘅最愛- 炭烤法式醬茄子🍆 用炭爐烤過嘅茄子，配上松子、薄荷葉、羅勒以及蜜糖，增加唔少口感～

•Codfish Fritters “Beignet de more”
炸鱈魚餅，外層炸得非常脆口，內裏帶鱈魚嘅鹹鮮味，可惜偏乾身左啲，要點返啲蛋黃醬搭救🤭

•Padrón Peppers
西班牙甜椒🫑
*

•Seafood Fideos (+$80/pp)
一心衝住個海鮮砂鍋西班牙式短麵而來😍 大大隻非常鮮甜嘅西班牙紅蝦，配上平時比較少見嘅短麵，加上香濃嘅海鮮湯汁，很不錯～只不過短麵冇平時米飯咁吸湯，一定要連埋個湯汁食先夠味～

•Juno Truffle Tagliolini
招牌黑松露義大利細麵！非常有彈性嘅”all’uovo”意麵，配上黑松露以及巴馬臣芝士，無得輸嘅組合❤️ 而且芝士味意外地濃厚🧀
*

•Tiramisu
•Red Berries Creme Vanille
•Tarte Tatin (+$20)
私心推薦必試法式塔丁蘋果塔 🍎 烤香過嘅焦糖蘋果，加上香滑嘅雲呢拿雪糕，絕對係心機之作！Tiramisu正常發揮～
———————————————————————
📅遊戲日期：25-30/1/2024
-
🥇頭獎x2: Brunch Menu x 2位 (總值高達 $1000)*

*Brunch Menu 星期六&日，以及假日供應
*Add on items照樣可以order!!!
-
📍換領地點
Juno (上環)
上環永樂街88號地舖
-
參加方法:
1.Follow

2.Like依張相❤️
3.留言tag一位朋友仔👫
-
‼️依家cap埋個post上自己story並tag埋我哋2個嘅IG page 即增加10次中獎機率！🍔會mark低你哋個名再入機抽‼️
-
留言次數不限，越留得多中獎機會就越大😍 截止後7日內會係IG story公佈結果！若中獎者必需顯示已follow 以上IG, 係通知後一日內未有回覆，將會重新抽過🙇🏽‍♂️
中獎名單記錄請查看IG story Highlights！

🌟中獎者需要係享用禮物時，係個人ig 上傳一個限時動態並tag返以上兩個page以表示已獲取禮物🌟
-
Foodcafealcoholic 及

22/01/2024

🇹🇼連湯都飲得! 台灣酸菜魚店襲港🐟
-
地區分類：
-
最近食酸菜魚又多咗個選擇！同以往唔一樣嘅依間竟然係來自台灣，仲要唔係獨孤一味賣平時食開嘅酸菜魚，係有足足6款湯底魚料理以及1款特色湯料，即七款湯鍋帶到嚟香港❤😱 主打「連湯都能喝」嘅酸菜魚！店內行型格暴走族風格，有唔少漫畫嘅元素✨ 亦好細心咁免費提供特調熱飲～

為慶祝築間酸菜魚首間香港海外分店開幕，
只要由即日至2024年1月25日開幕周內惠顧築間酸菜魚，即可享全單88折優惠!
-
•總長酸菜魚 ($168/小Size)
作為餐廳嘅靈魂招牌湯底，魚湯所用嘅酸菜以及酸蘿蔔全係自家製，加入泡椒和花椒熬製，香得嚟辣味唔會太衝擊🥰 烏鱧魚片幾夠嫩滑～裏面仲有煙煙韌韌嘅寬粉，吸哂湯汁嘅精華簡直係靈魂嘅所在！
另外仲加左招牌蛋餃 (+$18) & 凍豆腐 (+$18)。蛋餃嘅蛋皮包住爆汁豬肉餡，沾上湯汁一齊食更正！

•無雙腸血旺魚 ($168/小Size)
一鍋集齊臭豆腐+豬大腸+鴨血+烏鱧魚片，配上麻辣高湯，鐘意食辣嘅朋友唔好錯過🌶 而且臭豆腐臭香臭香的，非常過癮！另外加嘅特級手工丸 (+$18) 其實係爽彈嘅貢丸，不錯一試～
*

•鬼魔酒蒸鮮蜆 ($58)
加入日本清酒 & 米酒，帶出蜆肉嘅鮮甜，食落仲有酒嘅香味添🍶

•浪子鹹酥雞 ($40)
望落同普通鹽酥雞一樣，但其實用上7種特製香料將雞肉醃製超過 8 小時🐓 經過 2 次油炸，外層金黃酥脆，幾過口癮！

柚香蘿蔔 ($15)
食完酸辣又或者炸物，就最啱配返個柚香蘿蔔清一清個味蕾😌 幾解膩
*

•紅豆仙草 ($22)
•芒果奶凍 ($26)
*

•暴走波奶茶 ($22)

奶茶口味超台式的，奶香比想像中濃厚，裏面有爆珠以及Q彈嘅寒天！期待之後糖度有得選擇～
-
築間酸菜魚 (銅鑼灣)
銅鑼灣軒尼詩道489號銅鑼灣廣場一期2樓202-203號舖

16/01/2024

🖤Black Series最強優惠快閃回歸🐑
-
一年只得一次機會! 終於又等到@blacksheeprestaurants嘅Black Series 回歸了 (25/1-4/2/2024) 😱🥳 快閃11日，以超值嘅價錢試匀多間人氣餐廳招牌菜式！大家閉着眼book位就對了～以下私人精選幾間夠抵必食餐廳✨ 跟住食無出錯!
💁🏻‍♀️圖片往左swipe睇哂9間重點推薦餐廳！

依家用獨家訂位Link 早人3日優先睇Menu & 訂座😱😱 唔洗同人爭！輸入以下連結 🔗 https://bit.ly/420LPiF 或按Profile Link 查看優惠！

1️⃣阿根廷典雅扒房以馬球俱樂部為主題嘅扒房，用傳統阿薩多方式烹製頂級牛扒！而今次Menu除左有招牌T-Bone外，仲可以試到兩款新菜式- 香脆牛扒 & 黑安格斯肉眼配帝王蟹肉🥰 最後仲有可以自己燒嘅火焰棉花糖！ (詳細食詳請留意眀天Reel)

2️⃣港人最愛法式扒房 🇫🇷
招牌美國肉眼牛扒+任食薯條+甜品，之前Plated Menu 平左都$398，依家$368/位!!! 仲可以自選甜品- 黑森林/檸檬蛋白撻/泡芙配雲呢拿意式雪糕～

3️⃣正宗拿坡里Pizza 🍕
之前被米紙評為第1，由意大利主廚主理嘅坡里薄餅店！依家$228 就食到1款頭盤+ 1款即焗薄餅！最重要係今次有Calzone (半月餡角)食😱

4️⃣意大利托斯卡尼溫馨扒房@associazionechianti
出哂名食炭火熟成牛扒以及佢哋足1 KG嘅T bone牛扒🥩 之前Plated Menu人均都要6百尾，今次Black Series只要$498就食到7道菜，菜式數量冇少到，照舊食到佢哋嘅厚切牛扒 & Tiramisu😎

5️⃣蘇豪日式居酒屋
每次必推依間爆場居酒屋！同之前Black Series一樣只要$388，但今次Menu就更吸引🤩 係差唔多食晒店內嘅招牌菜，包括和牛他他、酒煮醉蜆、香脆焦糖牛油粟米 & 雪糕三文治！另外仲多左限定麻婆豆腐拌麵～一直想試嘅朋友仔絕對係入手嘅好機會✨

03/01/2024

🥢激罕優惠·半價嘆最強夜景Omakase🍶
-
地區分類：
-
以無敵維港景+神還原日本居酒屋風味而超受歡迎嘅權八居酒屋🏮 最近推出左個性價比爆燈嘅Omakase Menu！午市 & 晚市都做50% OFF😱✨ 16品午市Omakase Menu $980/位，連加一折後只需$588/位?!! 晚市更可以食齊19品，仲有清酒送！真係食完已經Book定下一次～壽司Bar枱位主要望到尖沙咀夜景(已經好靚)，亦可以事前要求坐出面望住維港景食，夠哂寫意🤭
-
Supreme Omakase Dinner Menu ($1388/位)*
* 1957 & Co. 會員專享買一送一優惠 (可免費成為會員)
* 每兩位客人惠顧以上套餐，可獲贈白鶴冷酒乙瓶(30)
*✨午市Menu請留言/DM查詢✨
-

•茶碗蒸
一開始嘅茶碗蒸已經幾有睇頭！上面放上海膽以及三文魚子，加上滑溜嘅蒸蛋，鮮味十足🤤
*

•水雲髮菜貝柱醋物
•真蠔
•牛油果蟹肉鱈魚乾
•吞拿魚腩
•深海池魚
•赤貝
•白身魚海膽卷

夠哂開胃嘅水雲打頭陣，除左有貝柱，竟然仲有蟹肉以及三文魚子，對比起平時簡直係奢華版✨
來自兵庫縣嘅真蠔超肥美，蠔味較重，配上晴王提子幾清新～
以刺身拼盤嘅方式，一次過試匀吞拿魚腩、深海池魚以及赤貝。中拖羅經過15日熟成，魚味更豐富🐟 深海池魚卷住鮟鱇魚肝，咬到中間有入口即溶嘅感覺～
左口魚赤海膽卷，內外都係海膽，會唔會太幸福☺️
*

•汁煮油甘魚骹
非常入味，魚肉保持到嫩滑口感之餘，仲帶點魚油香❤️
*

•黑陸魚
•吞拿魚
•燒銀鱈魚
•右口魚裙邊
•帶子
•金目鯛
•牡丹蝦

個人最愛金目鯛，用上昆布醃製，加上酸酸甜甜嘅莓醬幾特別～黑鯥魚用備長炭燒過，帶陣陣炭香🔥 牡丹蝦加上蝦膏以及櫻花蝦乾加持，真係鮮上加鮮🦐 右口魚邊 & 燒銀鱈魚簡直係爆油組合，超邪惡的！
話明係Omakase所以當日魚料會有所變動喔！
*

•碎蔥吞拿魚腩
*

•鯛魚湯
*

•椰汁南瓜白玉丸子
-
權八居酒屋 (北京道一號) (尖沙咀)
尖沙咀北京道1號北京道一號28樓

31/12/2023

🥂暢飲香檳· Tiffany冬日限定Menu❄️
-
地區分類：
-
雖然聖誕節過左，但係新一年就嚟到！Festive Vibe一於繼續延續落去🤭✨ 人氣朝聖點Tiffany & Co. Cafe旗艦店，除左Tiffany Blue顏色玻璃外牆夠哂IGable外，裏面所用嘅餐具都係來自Tiffany & Co. 🩵 佢哋嘅Tea Set一直深受女士們歡迎，而係12月期間推出全新嘅冬日限定菜單更係唔可以錯過！三道菜午餐可以試到威靈頓牛柳，節日甜品之餘，仲可以Free Flow Champagne 🍾😱 咁先有假期Chill嘅感覺！
-
❄️ 𝓣𝓲𝓯𝓯𝓪𝓷𝔂 𝓕𝓮𝓼𝓽𝓲𝓿𝓮 𝓗𝓸𝓵𝓲𝓭𝓪𝔂 𝓛𝓾𝓷𝓬𝓱 𝓢𝓮𝓽*
*$588/pp
*包無限暢飲香檳及指定飲品
*供應時間：12-2PM, 2023年12月22至26、31及2024年1月1日將提供節日限定特別菜單
-
< 𝒮𝓉𝒶𝓇𝓉𝑒𝓇 >
•香煎帶子
煎得兩面帶焦香嘅帶子，加上蘆筍、檸檬油醋汁以及魚子醬嘅加持，鮮味Double Up✨

< 𝒮𝑜𝓊𝓅 >
•黑松露忌廉湯
香滑嘅黑松露忌廉湯，黑松露味突出，但唔會overpowering 🥄 裏面仲有唔少雞油菌菇增加口感以及香味！配返軟熟嘅牛油麵包就最好不過了～

< 𝑀𝒶𝒾𝓃 >
•威靈頓牛柳
Or/或
•威靈頓鱈魚

外層嘅酥皮焗得金黃酥香，想比起更愛威靈頓牛柳！牛肉算係幾粉嫩，肉味可以再濃啲🤤 而且牛柳同車厘子以及羊肚菌醬幾match!
*
< 𝒟𝑒𝓈𝓈𝑒𝓇𝓉 >
•節日恩典 (+$68)
好似聖誕樹紅色小燈泡嘅甜品🎄，原來係黑朱古力慕絲，裏面係酸酸甜甜嘅櫻桃 & 紅桑子蜜餞，加上雲呢拿雪糕以及黑朱古力曲奇脆脆，不會過甜過膩，又可以打卡又可以過到甜品癮！
-
The Tiffany Blue Box Cafe (尖沙咀)
尖沙咀北京道1號大堂207-208號舖

29/12/2023

🥢工廈尋寶· 必訪花膠三黃雞米線小店🐓
-
地區分類：
-
駱駝漆大廈就出名多寶藏店，而今次呢間主打花膠雞米線嘅餐廳更係刷新左個人最愛！所用嘅湯膽聲稱係以三黃雞，豬筒骨，鯊魚軟骨及西施骨大火熬三小時而成🤤 做到奶白色嘅效果！而雞塊同樣用上三黃雞，肉質更嫩滑而且油份充足！最重要係有成8款米線配搭選擇😱 可惜唔係成日出觀塘，如果唔係想試埋佢哋嘅胡椒豬肚雞、椰子雞以及人蔘雞湯底🥹❤️ 但前提係要食多幾次藥膳湯先，因為真心超級香～
-
藥膳黃酒花膠雞米線 ($68)
之前都食過一間係旺角嘅人氣藥膳雞米線，但始終湯底偏甜不太自然。而依間嘅藥膳湯真係可以當湯飲！裏面放左黃酒、杞子、當歸、白芷、川芎、紅棗、蟲草花等配材熬製而成，好香藥材味之餘唔會過濃😍 花膠正常彈牙個隻～好多人都話個米線偏少，女士們夠唔飽，男士們叫多個小食就夠哂！
跟餐桂花烏龍茶 (+$18) 另外冬日限定冰糖雪耳燉檸檬都好正，飲落開胃之餘仲暖笠笠🍋
*
雞煲翅米線 ($98)
期間限定！超補嘅雞煲翅米線！用石鍋裝住更保暖～而依個湯底係最Original個隻，更能試出雞嘅鮮甜味！非常建議大家轉雞脾肉，肉質更嫩滑！加配左自家製凍檸檬薏米水 (+$18)
*
金磚豆腐 ($42)
麻藥蛋 ($28)
當然唔可以最多人叫嘅兩款小食✨ 金磚豆腐外層薄而酥脆，裏面係嫩滑嘅口腐，真係會食唔停口🤭 麻藥蛋做到靚靚嘅溏心效味，放上米線一齊食也不錯～
-
雞駅花膠雞米線專門店 (觀塘)
觀塘開源道60號駱駝漆大廈第三座1樓I室

27/12/2023

🇮🇹三日限定·Trippa意大利主廚限定Menu🍷
-
地區分類：
-
又一間接近5訪嘅餐廳，連今年生日飯都揀佢😎 與意大利必比登推介餐廳 Trippa Milano 合作經營，由米蘭大廚 Marco Xodo 主理，以nose-to-tail 方式打造一系列招牌菜式！當中炸牛肚以及乳牛舌更係每次必點❤️ 而係十二月初， Trippa Milano總廚更3日快閃香港，係Testina坐陣，與大廚 Marco合作炮製期間限定Menu，包括Trippa Milano嘅招牌白松露芝士手工扁意粉等多款地道意大利菜！有興趣試嘅朋友仔記住留意@testinahk 之後嘅公佈喇！
-
✨TRIPPA MILANO TAKE OVER MENU✨
供應日期：4-6/12/2023*
(其後合作Menu請留意公佈)
-

•Yellow Chicken Salad
三黃雞沙律，加入鯷魚醬增加鹹鮮感～最特別係除左雞肉外，仲有雞冠、雞肝等內臟！雞冠食落QQ的🐓

•Hokkaido Pumpkin ”Alla Scapece“
意大利家常開胃菜🤤 用上北海道南瓜，加上Lodigiano芝士泡沫、少量黑醋、榛子 & 煙燻鰻魚，食落帶南瓜嘅香甜味之餘，仲有好明顯芝士嘅鹹香🧀
*

•Homemade Tagliatelle
每次嚟到Testina都好期待佢哋嘅手工意粉！而今次一嚟就食到即刨白松露芝士扁意粉😻 冬天就是吃松露嘅季節啊～

•Lasagna
非常Classic嘅芝士千層麵，加左蔬菜係裏面，食得出芝士嘅creamy感，配紅酒不錯🍷
*

•Roasted Octopus & Leek Skewer
烤八爪魚大蔥串🐙 八爪魚保留到煙韌彈牙嘅口感，可惜整個味道冇乜記憶點～

•”Cassoeula“
米蘭一帶冬季嘅傳統菜式- 意式燉豬肉❄️ 依到食到嘅賣相更特別，係香濃嘅燉豬肉上面鋪上椰菜以及豬肉，令整個香味Trap係裏面。
*

•Chocolate Cake
冇人抵擋到嘅軟心朱古力蛋糕，超濃郁朱古力味🤎 加上自家製桑椹雪葩balance返整個味道，絕對係一大Highlight位！
-
Testina (中環)
中環擺花街8號3樓

19/12/2023

🎄甜蜜限定· 聖誕甜點禮盒合集(2)☃️
-
聖誕節真係就嚟到喇✨ 最後嘅聖誕禮物提案俾咁多位嘅deadline Fighter～今次集齊8間店舖，有最近人氣置地文華巴斯克蛋糕、聖誕造型蛋糕、朱古力禮盒以至IG小店都有，咁多選擇大家唔使諗買啲咩咁頭痕啦😎💕
-
❄️ LMO Freshly Baked
•栗子巴斯克蛋糕 ($328/M Size)
由置地文華東方酒店出品嘅巴斯克蛋糕Pop Up店！一推出已經超受歡迎的～而十二月限定新口味- 栗子🌰 也超有驚喜的！蛋糕軟心嘅效果，加上香濃嘅栗子味，唔會過膩，加上綿滑嘅雪呢拿忌廉 ($30)，Perfect!!!
-

置地廣場3樓350號舖
*
❄️ Venchi
•Baroque Small Round Hamper ($360)
與知名美國藝術插畫家 Andrew
Bannecker 攜手合作系列- 巴洛克系列小圓禮盒，一盒集齊唔同口味嘅朱古力，包括Cremino 1878、Chocoviar 75%、焦糖榛子朱古力以及特濃黑朱古力Gianduiotto等🥰 真係一盒滿足多個願望！
-

Venchi 各分店有售
*
❄️ Patisserie Tony Wong
•Santa’s Sweet set ($230)
以拿破崙&蝴蝶酥做招牌嘅人氣餅店，今個聖誕推出一共有4款聖誕造型蛋糕：Santa’s Hat、Mr. Gingerbread、O Christmas Tree & Polar Bear✨ 私心推薦薑餅人，超可愛之餘仲係焦糖牛奶巧克力慕斯，加上自家製海鹽焦糖，屬於聖誕的味道🤤 清新啲可以試Santa’s Hat，草莓馬斯卡彭慕斯配上柚子忌廉，酸酸甜甜，幾light~

凡購買Santa’s sweet set，可獲贈熱朱古力一杯；follow 店家IG 更可獲贈額外熱朱古力一杯🍫 真心超濃郁！
-

Patisserie Tony Wong 各分店有售
*
❄️ 當文歷餅店
•聖誕黑森林樹幹蛋糕 ($458)
聖誕節限全新推出🪵🦉 朱古力海綿蛋糕配上法國櫻桃酒釀車厘子，面層放上朱古力碎以及澳洲車厘子作點綴🍒，整體不太甜而且帶香濃朱古力味，中間仲帶陣陣酒香！
-

當文歷餅店各分店有售
*
❄️ Pâtisserie Sadaharu AOKI
今個月Luna Cake 帶來日本世界級甜點大師青木定治甜品品牌patisserie Sadaharu AOKI paris 嘅經典法式甜點嚟到香港😱✨ 大家唔洗飛日本都食到招牌馬卡龍 & Bonbon 朱古力喇！

•馬卡龍禮盒 ($280/10件裝)
一盒包含10款口味嘅馬卡龍，包括抹茶、朱古力、覆盆子、檸檬、黑加侖、開心果、士多啤梨、伯爵茶、海鹽焦糖 & 芝麻！外脆內軟嘅口感太正了🤤 而抹茶口味更用上愛知縣茶館西尾市的「南山園」石磨抹茶🍵

•Bonbon 朱古力禮盒 ($210/6件裝)
好似眼影盤嘅朱古力禮盒，簡直係拿捏少女嘅心😍 一次過試匀藍莓、抹茶、芥末、柚子、香橙果仁以及覆盆子！味道自然，私心最愛香橙果仁，自家製法式焦糖㯃果醬配上Valencia甜橙，非常Refreshing!

•Demi’ 曲奇禮盒 ($180)
以巴黎街頭為主題嘅罐裝曲奇 🇫🇷 裏面竟然有馬卡龍小圓餅，超酥脆的！當然仲有唔同口味嘅小曲奇，啱哂聖誕節送比人！

•輕井澤士多啤梨檸檬果醬 ($90)
採用輕井澤地區士多啤梨🍓 食得出真材實料，帶陣陣草莓嘅香甜味，無論係搽麵包抑或做甜品都一流！另外仲有蜜柑果醬以及覆盆子果醬選擇～
-

Sogo Pop Up店
銅鑼灣崇光百貨公司地庫2層 B2 FRESHMENT
(日期：12月6日- 1月9日)
*
❄️ Paul Lafayet Patisserie
•聖誕馬卡龍水晶球 ($98/4件裝)
•聖誕法式焦糖燉蛋撻 ($238)
•Crème Brûlée ($50)
•伯爵茶芝士蛋糕 ($60)
•聖誕禮襪 ($108/SOLD OUT)

大家最愛食Crème Brûlée嘅Paul Lafayet聖誕亦推出一系列聖誕甜點禮物😌 好似可以自選馬卡龍嘅小水晶球，食完仲可以掛係聖誕樹做裝飾！同樣可以掛聖誕樹嘅聖誕禮襪，
包括左法式焦糖燉蛋撻 & 意大利芝士撻各一件，洋甘菊迷你茶罐❤️ 可惜已火速售罄了，想試嘅朋友仔可以考慮聖誕禮盒裝！
-

Paul Lafayet 各分店有售

16/12/2023

🎄浪漫氛圍·聖誕節限定晚宴🍴
-
地區分類：
-
今個聖誕節又返到裏面嘅Mirage Bar & Restaurant ✨ 除左餐廳中間充滿氛圍感嘅25尺高嘅中央吧台位以及落地大玻璃外，今年嘅聖誕節Menu更加有唔少重量級菜式，例如帝王蟹腳、原盒Royal魚子醬、鵝肝醬 & 和牛菲力🥰❤️ 聖誕當日仲有Live Band🎷 加埋奉送嘅餐酒，另一半識揀啦～
-
🎄平安夜及聖誕節晚宴 ($868/位)*
*透過E-Shop購買可享8折優惠 (折後$781.2/位，已包加一)
* 每位奉送精選餐酒一杯 🍷
-
•Alaskan King Crab Legs Platter
阿拉斯加帝王蟹腳🦀 每一隻腳都夠哂肥美，肉多軟嫩，充滿海鮮嘅鹹鮮味！啖啖肉非常滿足～
*

•Salmon and Caviar Tartare
三文魚魚子醬他他~ 成盒Royal魚子醬攞上手食，聖誕該有嘅奢華感❤️✨ 可以放上三文魚他他一齊食，抑或就咁配脆麵包食都可以！
 •Homemade Foie Gras terrine (Add HK$ 40)
綿滑嘅自家製鵝肝醬，配上杏脯肉、開心果碎以及干邑洋蔥醬，酸酸甜甜balance返整個味道✨ *
 •Chestnut velouté
甘栗濃湯🌰 加白蘭地奶油，creamy得嚟好香栗子味！ *  •Confit sliced Turkey Breast
聖誕節冇理由唔食火雞😎 火雞胸肉經過油封，所以肉質夠哂柔軟，配上黑松露 & 南瓜蓉，整個味道就是非常冬日❄️

•Australian Wagyu Filet Mignon (+$50)
澳洲和牛菲力牛扒，見顏色都知非常軟嫩🥰 而且奶油薯蓉有驚喜，非常silky，冇任何顆粒感！主菜另外仲有松露藏紅花米型意大利麵以及法式龍蝦蘆筍燉湯選擇！ *  •Vanilla Snowball 雲呢拿雪球⛄️ 雲呢拿mousse裏面係酸酸甜甜嘅雜莓醬，加上外層嘅椰絲以及可愛嘅小薑餅人，夠哂IGable，而且幾light～

•Christmas Paris Brest
聖誕巴黎泡芙，對開心果味嘅甜品完全冇抵抗能力🤭 內裏的buttercream也非常軟滑
-
Mirage Bar & Restaurant (灣仔)
灣仔港灣道1號香港萬麗海景酒店1樓

11/12/2023

🇯🇵聖誕限定·日廚出品海鮮盛宴🦞
-
地區分類：
-
由日籍主廚石山真夏主理嘅日本餐廳，可以話係沙田區私心最愛嘅日本菜✨ 除左位於頂層，可以一覽開揚河景外，最近推出節日限定嘅8道菜Menu更係超受歡迎！可以品嚐唔同時令食材，例如秋冬季當造嘅香箱蟹、白子以及今次主打嘅伊勢海老京都水菜鍋，食完立刻暖笠笠☺️❤️

除此之外仲推出左冬日暖意 ‧ 季節鍋物套餐，有齊和牛壽喜燒、和牛砂煲涮涮鍋、豪華海鮮寄世鍋及鹿兒島黑豚肉常夜鍋比大家揀！🔥用”hotpot2024” code電話訂座更可享82折🔥
詳細Menu可參閱：https://www.alva.com.hk/tc/offers-detail/hot-pot-special-course.html
(不適用於12月20-26日及31日)
-
源峰節日特選套餐*
* 適用於2023年12月1日至31日
-

•香箱蟹伴醬油酢橘啫喱
每年嘅秋冬季又係香箱蟹嘅季節，有咩滿足得過原隻起肉拆膏🤤🦀 配上酸爽嘅酢橘啫喱提鮮，完美品嚐蟹肉嘅鮮味！
*

有齊3款刺身：中吞拿魚腩、寒鰤魚、粒貝。冬季嘅鰤魚被稱為寒鰤魚，油脂感特別豐富，肉質細膩🐟 中拖羅油份剛好，而粒貝口感非常爽脆，係個人最愛貝類之一❤️
*

A5鹿兒島“野崎牛”牛柳🐂 表面煎得香脆，而内裏充滿肉汁，保留到粉嫩嘅顏色，肉質柔軟而且油香十足！簡單配搭芥末、蒜片就已經充夠～
*

•白子天婦羅
冬天必食嘅白子❄️ 以天婦羅嘅方式比刺身更易接受，而且口感外脆内嫩，同樣保留到Creamy嘅口感！另外仲有天婦羅無花果以及紫椰菜，酸酸甜甜嘅無花果配白子又意外地Match~
*

•伊勢海老京都水菜鍋
整個Menu最期待嘅菜式，果然冇令人失望🥰🦞 就算未放龍蝦嘅湯底已經非常鮮甜，之後再加入龍蝦以及水菜一齊煮，鮮味Double Up 🔝 湯底直情可以當湯飲，而且龍蝦肉好爽彈，食得出好新鮮～
*

•壽司5貫
因餐廳主打Omakase，所以壽司質素夠哂有保證✨🍣 當日最愛一定係吞拿魚腩、海膽以及牡丹蝦(上面仲放左蝦膏喔～)
*

•青海苔味噌湯
好耐未飲過咁足料嘅味噌湯了！每一碗都放左大大隻蜆，估唔到飲湯都飽左🤣
*

•淡雪草莓奶凍·朱古力布朗尼·抹茶蛋糕卷
雖然Brownie & 抹茶卷都好正，但草莓奶凍真係會想再食多個🤭🍓 食落帶陣陣草莓自然嘅香甜味，愛了！
-
源峰 (沙田)
沙田源康街1號帝逸酒店28樓

10/12/2023

🍵木系文藝風·日本輕食料理Cafe🪵
-
地區分類：
-
久違的Cafe Hopping~ 今次終於有機會嚟到依間好似與世隔絕嘅香港咖啡小店☕️ 店内以木系為主調，門口位置嘅白色牆投景着中文詩句，加上落地大玻璃，係少數可以休閒地慢慢坐嘅咖啡店，真正體驗慢活嘅樂趣✨ 而食物上都意外有驚喜，除咗有唔少日本料理，例如烏冬、丼飯以及定食，佢哋嘅日式甜品亦放咗唔少心機，喺度仲搵到日本名古屋必食嘅紅豆奶油厚吐司添❤️
-
鹽燒牛舌芯丼 ($118)
人氣必點丼飯🥢 牛舌偏厚切，中間仲係非常粉嫩，口感爽彈！可以加少許檸檬汁提一提肉嘅鮮味～記住要加配溏心蛋 (+$12)，同個丼飯簡直係絕配🤭
*
浮生飯糰餐 ($88)
乘聯JFOODO 日本米推廣活動嘅期間限定飯糰Set 🍙 除左有燒雞軟骨串以及是日自家漬物外，仲有2款用上日本富山縣天盛米製作而成嘅飯糰～醬油燒飯糰可以食到焦脆嘅口感以及醬油香甜嘅味道；而明太子飯糰就會係軟熟嘅口感，帶明太子嘅鹹香🤤 兩款飯糰兩種口感！
另外餐廳仲會舉辦2日限定日本米體驗工作坊🌾 會講解日本米特徵外，仲會有飯糰製作體驗添*
*日期：13/12 & 17/1 (7-8:30PM)
*
十勝紅豆奶油厚吐司 ($48)
之前去名古屋旅行經常食嘅早餐🥹❤️ 估唔到係到都可以重捨返日本嘅味道～吐司非常鬆軟，表面烘得香脆。係上面放上十勝紅豆以及牛油，簡單組合，但又令人食唔停口嘅魔力🍞🫘🧈
*
新鮮橙皮黑朱古力卷蛋 ($52)
若竹抹茶奶凍卷蛋 ($56)
同樣非常有驚喜嘅卷蛋💕 兩款蛋糕口感鬆軟綿密，黑朱古力卷蛋嘅朱古力味突出，帶陣陣橙香，非常refreshing! 個人最愛都係抹茶奶凍卷蛋🍵 抹茶味唔係話食過最濃厚個隻，但就食得好舒服，充滿茶嘅清香，中間嘅奶凍亦夠Q彈！
*
稍息 ($62)
秋季限定特飲🍂 混合桂花烏龍、金萱烏龍、菠蘿汁以及乳酸，茶香混合果香，味道清新唔會太甜～
*
鮮奶焙茶 ($48)
用上島根出雲出產嘅焙茶，帶有碳烤嘅香氣，加上可愛嘅拉花，可以休閒打卡一整天了😌
-
浮生 (大角咀)
大角咀晏架街8號地舖

09/12/2023

🍶休閒新蒲點·5千呎翠綠寶石居酒屋 ✨
-
地區分類：
-
中環又多間日式居酒屋進駐，隱藏係商廈14樓！餐廳計設落重本，除左門外掛有自轉懸浮石頭外，店内設計靈活運用寶石切割嘅斜線與立體剖面，加上射燈光線嘅配合，令客人好似置身翠綠寶石裏面一樣💎💚 而另一邊係佔地2000呎嘅露天位置，有成7米高雷投影畫面，加上DJ 現場音樂，邊嘆Shisha & Cocktails，夠哂有Feel，絕對係會即將火爆嘅中環新蒲點😎🍹
-

•Hamachi
咸蛋黄苦瓜醬油漬油甘魚，油香十足嘅油甘魚，經過苦瓜醬油醃漬過，加上少許蟹籽提升鮮味✨
*

•Shredded Celtuce Salad
非常清新嘅三文魚子萵笋絲沙律，配搭蘿蔔蓉、木魚絲以及三文魚子，口感非常爽脆，清一清個味蕾迎接下一道菜🤤

•Nagaimo & Tofu
山藥豆腐，一口食到山藥嘅清爽以及豆腐嘅軟嫩，幾開胃！

•Chilled Chawanmushi
磯煮鮑魚茶碗蒸，其中最愛嘅一道前菜❤️ 凍食嘅茶碗蒸口感更彈滑，亦keep到蛋香！裏面除左有唔少磯煮鮑魚粒外，面層仲鋪滿脹卜卜嘅三文魚子，加上流心蛋黃，鮮味係口腔大爆發！
*

•Caramelized Pumpkin
經過焦糖化嘅南瓜，食落外脆内軟~ 外層嘅焦糖面厚薄適中，帶點肉桂嘅香味🧡

•Takoyaki Style Chicken Wings
雞翼章魚小丸子！絕對又係一道心機手工菜🤓 將雞翼去骨，然後再釀入墨魚滑；炸香後再淋上章魚燒嘅醬油及蛋黃醬，變奏版嘅章魚小丸子就誕生啦～啖啖肉而且仲幾有彈性，最重要係做到章魚小丸子表面嘅焦香感，加上惹味嘅醬汁，超適合配清酒的🍶

•Charcoal Grilled Eel
店内其中一道招牌菜- 炭燒白鱔！席前以預先燒熱嘅備長炭炙燒白鱔，炭香瞬間充斥整個餐廳😍 外皮香脆，肉質Q彈爽嫩，可惜魚骨都幾明顯，食嘅時候要小心

•A4 Wagyu Cutlet Charcoal Sando
吉列 A4 和牛竹炭三文治🐂 麵色比想像中鬆軟，加上炸得外酥内嫩嘅吉列 A4 和牛，絕配！和牛唔會過膩，如果配搭返啲醬汁提味，味道會更豐富🤭

•Hairy Crab Butter Udon
大閘蟹烏冬，讓大家捉緊大閘蟹季節的尾巴🥢 大閘蟹reduction，非常濃厚，略嫌偏鹹左啲；除左有唔少蟹肉蟹膏外，仲有大大個蛋黃，所有配料拌入烏冬一齊食太滿足了🥹
*

•Red Bean Daifuku
紅豆大福
-
AOAO (中環)
中環皇后大道中38號萬年大廈14樓

08/12/2023

🎄甜蜜限定· 聖誕甜點禮盒合集(1)☃️
-
聖誕節倒數2星期✨ 又係時候俾啲聖誕禮物提案俾大家～今次集齊5間店舖，有冬日造型嘅雪糕蛋糕、大家最愛嘅拿破崙、聖誕節唔少得嘅朱古力倒數日曆以及聖誕麵包等，總有一間啱你哋心水😎💕
-
❄️ Häagen-Dazs™️
•冬日樹幹雪糕卷 ($539)
深啡色樹幹造型，加上原粒榛子果實朱古力做裝飾，真係冬日感十足🍂 内層係Häagen-Dazs 比利時朱古力雪糕，聖誕就係要食朱古力嘅季節啊🤭
-

Häagen-Dazs各分店有售
*
❄️ Charbonnel
•Festive Peter Rabbit Advent Calendar ($388)
以冬日造型嘅Peter Rabbit 做主題嘅朱古力聖誕倒數月歷🐰 每日食一粒牛奶朱古力迎接聖誕，朱古力上面仲印有唔同圖案，每日都可能有小驚喜喔～

•Red Christmas Cracker ($118)
依款聖誕Cracker就可以食到佢哋招牌嘅Milk Marc de Champagne Truffles，望落好似小雪球咁，香滑嘅朱古力裏面係香檳夾心，夠哂festive 🍾️
-

Charbonnel 各分店有售
*
❄️ Cova
•Cova Panettone ($498/750G)
聖誕節點少得傳統口味聖誕麵包😍 超大個，上面鋪滿香橙蜜餞、提子乾以及蜜餞生果，啱哂同朋友仔齊Share，配杯熱咖啡都唔錯～

•Christmas Ball ($178)
•Christmas Tree ($188)
聖誕裝飾球裏面裝住米蘭直送金磚榛子朱古力；而聖誕樹禮盒裏面則係唔同口味嘅COVA朱古力，兩款都係又可以食又可以裝飾聖誕樹嘅小禮物🎁
-

Cova 各分店有售
*
❄️ Patisserie Millefeuille
Soho區新開嘅法式烘焙店，由曾任於三星米芝蓮餐廳「Joel Robuchon」及香港置地文華東方酒店二星米芝蓮餐廳「Amber」糕點部主廚嘅法式甜品師- Lionel Bodros主理！店内除左有售招牌拿破崙外，仲有多款經典法式甜品以及咖啡☕️ 户外位置仲係pet friendly，夠哂Chill✨

•Pistachio & Raspberries Millefeuille ($63)
覆盆子開心果拿破崙，其中一款人氣口味！
馬斯卡彭開心果忌廉配搭新鮮覆盆子，帶微微嘅果酸，清新輕盈～如果開心果味再濃啲會更加滿足💕

•Vanilla Caramel Millefeuille ($58)
雲呢拿焦糖拿破崙，中間係香滑嘅大溪地馬斯卡彭雲呢拿忌廉，加上柔軟焦糖以及焦糖忌廉，甜度掌握得幾好，而且外層酥皮超香脆的🥹❤️

另外仲有Mont Blanc 蒙布朗，結合栗子蓉、大溪地雲呢拿奶油、糖漬栗子以及杏仁蛋白酥，每一口都係多重享受🌰 可麗露、馬德蓮、費南雪蛋糕都係經典法式之選～
-

Patisserie Millefeuille (中環)
中環士丹頓街16A號地舖
*
❄️ Nina Patisserie
•士多啤梨拿破崙 ($364/12”)
依間under如心酒店嘅餅店，人氣之作一定係佢哋嘅蝴蝶酥以及招牌拿破崙蛋糕！今個聖誕推出嘅士多啤梨拿破崙，三層都舖上韓國原粒士多啤梨🍓 夾層則有混入士多啤梨果肉嘅士多啤梨吉士醬以及原味吉士醬，3厚酥脆誘惑，邊個抵擋得住?!🤤

•開心果朱古力蛋糕 ($55.8)*
•雲呢拿黑加侖子慕絲蛋糕 ($55.8)*
另外兩款件裝蛋糕都充滿節日感！聖誕樹造型嘅開心果朱古力蛋糕，又睇得又食得🎄 雪人蛋糕原來係雲呢拿x黑加侖子慕絲，可愛到唔捨得食！
*12月10日前預訂可享高達9折優惠
-

Nina Patisserie 各分店有售

05/12/2023

🇫🇷最強烤雞?! 連續七年米芝蓮一星法國菜🥂
-
地區分類：
-
講起香港4大名雞- Bâtard, Louise, Belon以及neighbourhood，最近可能又多左個地方可以食到咁高質嘅三黃雞了🤭 曾任於Belon 及 Bâtard嘅新加坡籍行政主廚 Aven Lau係上幾個月加入米芝蓮一星高級法國菜Épure，除左設計左全新嘅tasting menu外，仲帶左首本名菜- 烤三黃雞✨ 想知味道如何就留意之後詳細嘅食評啦～
如果已經心郁郁想試嘅朋友仔，記住三黃雞係要提前預訂㗎🫶🏻
-
ÉPURE DINNER MENU
-
ᴄᴀɴᴀᴘÉ
餐前美點以海膽雅枝竹撻打頭陣，配上面層香醋啫喱，一口爆鮮🤭 另外煙燻鱈魚慕絲也不錯，幾開胃！
*
ᴋᴇɢᴀɴɪ ᴄʀᴀʙ ᴡɪᴛʜ ᴄᴀᴜʟɪꜰʟᴏᴡᴇʀ ᴀɴᴅ ᴄᴜʀʀʏ
綠色咁搶眼嘅原來係青蘋果啫喱，配上海道毛蟹肉🍏 裏面仲夾雜左椰菜花慕絲，味道帶點咖哩嘅香味，整體幾refreshing🌿
*
ɢʟᴀᴢᴇᴅ ꜰᴏɪᴇ ɢʀᴀꜱ ᴡɪᴛʜ ᴍᴀᴅᴇɪʀᴀ ᴀɴᴅ ᴍᴀᴘʟᴇ ꜱʏʀᴜᴘ
啡色嘅小圓球係馬德拉酒混合楓糖漿嘅外層包裹住法國鴨肝；另一款白色嘅牛奶啫喱包裹鴨肉醬🤩 前者口感非常綿密，味道濃郁，配搭一旁嘅脆多士一齊食剛剛好！
*
ʀᴏᴀꜱᴛᴇᴅ ꜱᴄᴀʟʟᴏᴘ ᴡɪᴛʜ ꜱQᴜɪᴅ ᴀɴᴅ ꜱᴀᴜᴄᴇ ɴᴇʀᴏ
烤得兩面金黃嘅帶子，配上切得幼條嘅槍魷魚以及墨魚汁，鮮上加鮮❤️
*
ʟᴀɴɢᴏᴜꜱᴛɪɴᴇ ᴡɪᴛʜ ꜱᴀᴠᴏʏ ᴄᴀʙʙᴀɢᴇ ᴀɴᴅ ᴠɪɴ ᴊᴀᴜɴᴇ
用上雙色意大條麵，包住蘇格蘭海螯蝦以及皺葉椰菜，再淋上法國黃酒汁，三重口感，食到椰菜嘅爽脆之餘仲有海螯蝦爽彈，愛了😍🦐
*
ʀᴏᴀꜱᴛ ᴛʜʀᴇᴇ-ʏᴇʟʟᴏᴡ ᴄʜɪᴄᴋᴇɴ (+$180/pp)
嚟到依到一定要試嘅烤三黃雞！用上本地新鮮三黃雞，提前醃好再風乾～做到外皮金黃落脆，而内裏肉汁豐富，肉質夠嫩滑🤤 記住配返啖蔥油飯，咁就滿足嘞！
*
ᴛɪʀᴀᴍɪꜱᴜ
流心嘅提拉米蘇邊個抵擋得到?! 😱 而且咖啡味意外地香濃，裏面仲加入左豆蔻啫喱～
*
ᴍɪɢɴᴀʀᴅɪꜱᴇꜱ
法式美點
-
ÉPURE (尖沙咀)
尖沙咀廣東道3-27號海港城海洋中心4樓403號舖

02/12/2023

🪴創新自然·CULTIVATE全新秋日菜單🍴
-
地區分類：
-
終於有機會試到收藏已久嘅依間主打美式現代料理嘅餐廳！之前火爆一時，連book位都要第一個月前開放預訂！店内行自然簡約風，位置僅限最多22位，大部份為Counter位，可以望住open kitchen，方便同chef們互動交流🥂 而依到嘅主廚Leonard更係曾任於多間米芝蓮餐廳，擅長創作精緻並且創新嘅料理～
今次試嘅係Full tasting menu，可以一次過食匀魚子醬+松露菜式！如果大家想light啲可以揀Weekday 6道菜Menu ($988起) 或者由A la carte自己配搭亦都可以🤤
-
🍁Autumn Menu
-
ʙɪᴛᴇꜱ ᴏꜰ ᴀᴜᴛᴜᴍɴ
以3款one bite小食打頭陣- 第一款椰菜花撻，配合西班牙杏仁，輕盈帶烘焙香～第二款西瓜radish Taco，包住青蔥忌廉以及脆豌豆🫛，味道清爽！最後Nasturtium 旱金蓮雪葩，亦係餐廳logo所選用嘅花，用上花嘅葉以及莖嘅部份，再加入自家製無花果Ricotta，非常清爽！💐
*
ʙᴇᴇᴛ
魚子醬牛肉他他，加入左紅菜頭汁，加上魚子醬嘅鹹鮮，令牛肉嘅鮮味進一步提升🍴
*
ʙᴜᴛᴛᴇʀɴᴜᴛ ꜱQᴜᴀꜱʜ
香滑嘅奶油南瓜湯🧡💛 裏面加入左炒香過嘅意式煙肉，墨西哥椒椒蜜糖醬以及南瓜香料。飲落會帶煙肉嘅油香，仲會有微辛嘅後勁，非常暖胃～
*
ʙʀᴜꜱꜱᴇʟꜱ ꜱᴘʀᴏᴜᴛꜱ
鵝肝配搭燒香過嘅抱子甘藍 & 青蘋果，可以減低鵝肝嘅油膩感；面層加入榛子碎亦添加不少口感🌰
*
ᴄʀᴀʙ ᴏᴋᴀʏᴜ
天氣凍食返碗暖暖嘅粥就啱哂嘞🥄 用上日本新潟越伊吹米，加入老虎蟹一齊煮，食得出鮮味之餘，粥底仲非常綿滑🌾
/
ᴡɪɴᴛᴇʀ ʙʟᴀᴄᴋ ᴛʀᴜꜰꜰʟᴇ (+$380)
一定要試嘅松露法式多士🤩 即刨10G黑松露，整個香味撲鼻而來！下層仲有雜菌以及塗上黑糖蜜嘅法式多士～做到外層焦香，内裏濕潤嘅感覺。
*
ʜᴇɪʀʟᴏᴏᴍ ᴄᴀʀʀᴏᴛꜱ
經過慢煮嘅帝皇三文魚，有入口即化嘅口感，超神奇的🐟✨ 而主要配料用上唔同顏色嘅蘿蔔，做成醬汁，蘿蔔片等，加上豆蔻以及開心果，突顯返魚肉嘅鮮味。
*
ᴅᴜᴄᴋ ᴀᴜ ʀᴏᴜɢᴇ
經過10日乾式熟成嘅鴨肉，外皮鋪滿香料以及搭上薰衣草蜜糖，食落甜甜地之餘仲食得出好香胡椒嘅味道🍴❤️ 鴨肉口感軟淋，意外地仲帶點堅果香～一旁仲會配搭上用鴨肉煮成嘅醬汁以及紅菜頭jel~
*
ʙᴀɴᴀɴᴀ & ᴄᴀᴠɪᴀʀ
連甜品都食到魚子醬會唔會太幸福?! 🥹✨ 用山胡桃木煙燻過嘅香蕉雪糕，加上香蕉蛋糕Crumble，連埋魚子醬一齊食，中間嘅煙燻元素令整件事幾match～
*
ꜱᴜɴᴄʜᴏᴋᴇ
以黑松露作結尾～雅枝竹雪糕，外層鋪滿黑色曲奇碎，真係成粒黑松露咁🤭 再灑上芝士，黑松露 & 少量爆炸糖，鹹甜味道balance得幾好，仲有點意大利嘅風味～
*
ꜰᴀʀᴇᴡᴇʟʟ ᴛʀᴇᴀᴛꜱ
煙燻草曲奇· Chorizo蛋糕
-
Cultivate (中環)
中環蘇豪伊利近街27-29號地下A號舖

27/11/2023

🇪🇸超人氣推介·休閒西班牙Tapas店🍷
-
由上環西班牙菜班底打造嘅西班牙餐館酒吧，嚟到灣仔都繼續延續到其高人氣，平日夜晚照舊爆場😱❤️ 有次試過就算6:30 Walk in都冇位，所以大家盡量提早預約～餐廳一半為開放式廚房，有Counter位置可以睇到烹調過程，但就可能坐得逼少少，但氣氛就夠哂熱鬧，聖誕節去應該幾有feel！記住飲返兩杯Sangria先走啊～🍹
-
Traditional rusa salad ($68)
傳統俄羅斯沙律，混合了蘿蔔、紅椒、薯仔等蔬菜，而整個沙律係無麩質，夠哂健康🌿
*
Spanish tortilla with chorizo ($85)
冇理由唔食嘅西班牙蛋餅🤤 裏面係綿密嘅薯仔，加左鹹香十足嘅辣肉腸，非常香口！
*
Scallop ($88/pc)
鐘意食海鮮嘅朋友仔可以暫時放棄住平時食嘅西班牙大蒜蝦，因為依個帶子配雅枝竹也不錯🤭 原粒帶子好厚肉
artichoke purée, morcilla, jus
*
Madrid squid bocadillo brioche ($55/pc)
馬德里著名街頭小食之一！用上牛油麵包，夾住脆炸魷魚圈以及墨汁蒜蓉蛋黃醬。一口能同時感受到麵包嘅鬆軟以及魷魚嘅酥脆，加上惹味嘅蛋黃醬，大推！
*
Charred deboned beef rib ($288)
私心稱為彩虹燒安格斯牛肋骨🌈🐂 牛肉非常軟腍，有啲位真情入口即化，而且肉味都幾濃！最特別一定係三色醬料：烤南瓜蓉、
roasted pumpkin purée, 紅胡椒醬以及香菜青醬～最愛紅胡椒醬，帶微辣非常開胃，同肉類超match的！
*
Pigeon rice ($145)
依到嘅招牌名物一定係依個西班牙乳鴿飯🥰乳鴿非常嫩口，加上軟嫩嘅鵝肝 (+$75) 真心不得了！而且飯粒煙韌，充份吸收海鮮湯汁以及乳鴿嘅精華，每一啖都好滿足！嚟到必點無後悔系列就對了！
*
Signature Cheesecake ($78)
招牌巴斯克芝士蛋糕❤️ 裏面係軟心嘅custard，加上焦香嘅面層，配上酸爽解膩嘅紅莓雪葩，整體比想像中light! 每日限量供應，建議大家一入座就叫定先～
*
Spanish ”Torriia“ ($78)
西班牙版嘅法式多士✨ 表面經過焦糖化，變得金黃焦脆，而裏面仲係濕潤鬆軟嘅感覺🍞 食落仲帶陣陣肉桂 & 檸檬嘅清香！加上軟滑嘅朱古力雪糕以及咖啡啫喱，非常值得一試！
-
BÀRBAR (灣仔)
灣仔船街9號地舖

24/11/2023

🇰🇷聯乘仁川君悅酒店·限定客席廚師菜單🥂
-
地區分類：
-
位於Hyatt Centric 頂樓嘅空中餐廳Cruise一向主打東南亞風味菜式，加上落地大玻璃望向維多利亞港海景，真心非常Chill✨🌊 最近餐廳聯手仁川君悅酒店，限定推出全新客席廚師菜單，菜式由韓國主廚@i_am_inheepark 親自設計🇰🇷 係韓國菜加入唔少創新元素～係香港都食到韓國酒店大廚嘅菜式，仲唔快啲把握機會?!
-
🥂Korean Feed Me Menu ($580/pp)*
*Available from now till 17 Dec
-

•Tuna Bugak
韓式吞拿魚他他，配上紫菜脆米片以及芥末醬，幾過口癮～

•Tteok Galbi
韓式年糕排骨🥢 韓式醃牛肉餅，充滿醬油嘅香甜味，卷住杏鮑菇口感幾特別！建意可以用生菜包住，再加啲泡菜、芽菜一齊食，有點韓國燒肉嘅風味🤣
*

•Galbi Dupbap
韓式烤牛排拌飯🐂 和牛小排經過24小時醃製，食落出甜甜嘅醬油味，而且肉質幾軟嫩，如果個飯多啲配料會更加滿足🤭 很想配泡菜一齊食呢～

•Quail Gui
大醬燒汁燴鵪鶉，估唔到肉質幾嫩滑，加入左柿粒以及芝麻𦳑香草醬，意想不到地Match🍴

•Tiger Prawn & Green Squash Jeon
虎蝦翠玉瓜煎餅🦐 兩面煎至金黃，沾上明太子醬好惹味，非常適合下酒！

•KFC
韓式炸椰菜花，望落真係好似甜辣炸雞咁😍 外層炸得香脆，入面用椰菜花代替冇咁heavy之餘同樣夠哂開胃！
*

•Black Sesame & Red Bean
紅豆啫喱黑芝麻雪糕！軟滑嘅黑芝麻雪糕，配上香甜紅豆以及金寶脆餅 🫘 正常發揮，冇乜負擔感嘅甜品～如果下面轉做黃豆粉感覺會更match🤣
*

•Little Fujian ($118/H.H$59)
新推出北角社區Inspired嘅Cocktails系列，其中依杯造型咁特別嘅係以Gin做Base嘅雞尾酒，加入左正山小種紅茶，獨特嘅煙燻茶，配搭上Aperol & 青檸，非常值得一試🥰
-
Cruise Restaurant & Bar (北角)
北角北角邨里1號香港維港凱悅尚萃酒店西座23樓

12/11/2023

🌊 浪漫天際線·藝術風現代澳洲菜🇦🇺
-
之前係IG story分享過依間坐擁由灣仔望到去中環嘅絕美維港夜景嘅餐廳✨ 基本上每一枱都望到，而且私人空間夠哂充足！依家唔使DM我哋問啦，直接喺度公開依間隱藏喺尖沙咀藝術館裏面嘅澳洲菜Fine Dining🍴 情侶們嘅絕佳約會點！
而由DiningCity 主辦「品味香港」提供超過250間餐廳低至7折之精選套餐優惠🥳 今次介紹嘅餐廳一樣有優惠，以更抵嘅價錢享用3道菜Menu!!! 優惠快閃一個月，仲唔快啲book位?❤️
-
DiningCity Dinner Set ($698/pp)*
*優惠推廣期：2023年11月1 至11月30日
-

•伊比利亞豬肉
經過油封豬面頰，配搭上芹菜頭忌廉以及焦糖無花果，天然嘅甜味加上清新嘅芹菜頭忌廉，與豬肉嘅肉香非常match🌿

•帶子 (+$40)
每粒帶子都脹卜卜，而且兩面煎得平均，金黃帶焦香感～而中間仲保持到柔軟嘅texture🥰 加上一旁嘅澳洲南瓜蓉、南瓜籽油以及開心果，增加唔少口感。
*

•澳洲黄鰭池魚
外皮煎至香脆，魚肉稍為偏乾身左少少，配返焦香牛油白酒醬汁整個問題就不大🐟 幾特別嘅係加左韭蔥以及榛子，清爽得嚟唔會遮蓋左魚肉嘅鮮味。

•O’Connor 牛柳扒 (+HK$95）
係咁靚嘅夜景下點都要食返塊牛塊先match到個vibe嘅🍴🌹 用上澳洲草飼 O’Connor 牛肉，標榜不含基因改造、激素、抗生素或化學殘留物。食落肉質軟腍，顏色粉嫩，中間稍微有啲under左。配返經典嘅忌廉菠菜、約克郡布丁、薯蓉以及骨髓醬汁，整體不錯一試，擺盤亦夠哂有心思✨
另外主菜仲有壓煮法國雞肉以及意大利餃子可以選擇。
*

•啤梨泡芙
一口泡芙，裏面係輕盈嘅雲尼拿慕絲，另外仲可以自己淋上嘅威士忌朱古力醬，香得嚟唔會過膩😊

•吉士撻
幾鐘意外層酥脆嘅牛油撻皮，配上軟滑嘅雲呢拿雪糕以及梨肉，還不錯～
-
Hue Dining (尖沙咀)
尖沙咀梳士巴利道10號香港藝術館1樓平台

11/11/2023

🥛新品登場· 安佳聯乘十字冰室🧈
-
滿載港人回憶嘅十字牌牛奶，大家一定唔陌生，最近旗下行港式懷舊風嘅冰室就聯乘來自紐西蘭 Anchor 安佳品牌，新推出3款Creamy 之作，包括金沙滑蛋菠蘿包、軟殼蟹親子菠蘿包以及胡麻烏冬撈！喺新菜式裏面分別加入ANCHOR牛油以及芝士，完美將茶記美食提升至另一層次✨
-
金沙滑蛋菠蘿包 ($58)
以為滑蛋裏面加左蛋黃醬已經夠哂邪惡？另外仲加左ANCHOR片裝芝士，而蛋黃醬裏面亦加入了ANCHOR牛油，芝士嘅半溶狀態加上嫩滑嘅炒蛋，配上酥香嘅菠蘿包，這組合也太誘人了吧🫶🏻🥰
*
軟殼蟹親子菠蘿包 ($98)
軟殼蟹漢堡包就見得多，軟殼蟹菠蘿包依個配搭簡直係犯哂規🥹❤️ 仲要有ANCHOR 牛油混合片裝芝士嘅滑蛋，加上脆卜卜嘅蟹籽，每一啖都夠哂滿足！
*
胡麻烏冬撈 ($78)
加入左ANCHOR 牛油嘅胡麻醬特別濃厚！因為加左芝士嘅關係，烏冬食落仲會有拉絲嘅效果添🧀🥢
-
十字冰室
旺角亞皆老街 102 號 The Argyle 地下 G01 號舖
銅鑼灣禮頓道 64 號禮賢大廈地舖
西營盤高街 48-78 號恆陞大樓地下 12 號舖

10/11/2023

🥂周末狂歡3小時· 暢飲香檳早午餐🦞
-
TGIF 🥳 除左星期五放工終於可以鬆一鬆之外，周末大家又諗到去邊未呢？依間under 酒店嘅酒吧餐廳簡直係近期最愛！除左係以自助形式任食一系列嘅凍海鮮外，仲有一系列即席烹調菜式！必食即切燒澳洲牛肉！而印度菜更係由印度大廚即場炮製✨ 話明係Weekend Brunch，依到嘅Free-Flow Package真心抵玩，少有地可以暢飲2款人氣法國香檳Mumm & Perrier Jouet🍾 最後仲有Häagen-Dazs 雪糕加持，真係食盡依個Weekend！
-
周末暢飲香檳早午餐*
* 無限暢飲Mumm & Perrier Jouet 香檳、精選紅白啤酒 (+$288)
-

•麵包蟹
•小龍蝦
•蝦
•蜆
•青口

Brunch嘅海鮮區好似夜晚自助餐咁得唔得㗎？🤭 雖然當日冇凍龍蝦，但原來每一位都會有返碟芝士焗波士頓龍蝦🦞🧀 配返杯白酒就最好不過嘞！
*

•燒澳洲牛肉
•香辣烤三文魚
•香草奶油西班牙辣香腸長通粉
•印度烤雞配薄荷醬
•印度香料炸魚
•泰式炒金邊粉
•印尼炒飯配蛋及叄巴醬

熱葷意外地花心思，分為西式、印度、印尼、泰式以及中式區域🍴🤤 每人必食燒澳洲牛肉，顏色粉嫩，肉質算係幾軟嫩！印度菜式由印度主廚主理，味道幾正宗，不知不覺食左幾塊naan😂
*

•Haagen Dazs 雪糕
•自助甜品區

特別位係店員會推住個雪糕車幫食客將哈根達斯雪糕棒沾上朱古力醬 & 朱古力碎，小朋友食得特別開心❤️ 自助甜品區款式還好，焦糖布丁配士多啤梨 & 朱古力紅桑子撻會再encore，其他冇乜wow factor~
-
SAVVY (尖沙咀)
尖沙咀廣東道3-27號海港城港威商場3樓3209A號舖

06/11/2023

✨無邊際夜景·雲端上的南意海鮮之旅🥂
-
地區分類：
-
之前介紹過主打南意菜嘅Castellana，而今次介紹嘅呢間姊妹店，同樣供應意大利南部地道美食嘅餐廳，係今年嘅6月正式係ICC環球貿易廣場101樓開業🍴☀️ 除左坐擁標誌性嘅維多利亞港景致外，仲係由來自義大利南部阿布齊奧地區，曾係米之蓮3星餐廳工作多年嘅主廚Fabiano Palombini 坐陣！Menu以海鮮為主題，每一道菜式都以海鮮入饌，無可置疑又係一場視覺與味蕾極致享受嘅一晚🥰
-
Above The Sea Degustation Menu
($1680/pp)*
*Wine Pairing +$880/pp
-
•Cured Striped Jack
醃漬斑紋鰺，搭配新鮮的青蘋果汁、黃瓜以及自家製辣根醬，非常清爽開胃！
*
•Langostino
阿根廷野生紅蝦，淨係見個身嘅肉已經知依隻紅蝦嘅份量唔惹少😏🦐 口感非常爽嫩，配搭魚子醬簡直係奢華嘅享受！
*
•Aguarium soup
地中海海鮮湯～裏面有西西里紅蝦、鯛魚、
意大利蜆肉以及青口。店員會再往碗裏加入
蕃紅花魚湯以及少量羅勒油✨ 每一啖都係海鮮嘅鮮味～
*
•Virtù
招牌必食菜式之一✨ 用上超過5款嘅意
大利傳統短麵，形狀不一所以食落口感幾特別，而且充滿龍蝦汁嘅鮮味～伴入碟上面嘅多款海鮮，包括西西里紅蝦、意大利紅蝦、魷魚、魚子醬 & 龍蝦肉，以及幾款特調醬汁- 西蘭花、黑蒜、魚油 & 蕃茄醬，就好似調色盤咁🎨
*
•Wild Alfongino
野生紅金目鯛
金目鯛燒香過，外層帶焦香，而且魚肉以外地結實得嚟嫩滑，配上酸酸甜甜嘅蕃茄醬汁，非常提鮮🐟
*
•Figs and grapes
意式蛋白霜，輕盈香脆，搭配新鮮無花果，最後淋上無添加糖嘅冷壓提子醬，清香而不甜膩🍇
*
•Sweet ending
最後的petit four，最愛一定係開心果小泡芺以及提拉米蘇卷🤭
-
Perla Restaurant (尖沙咀)
尖沙咀柯士甸道西1號環球貿易廣場(ICC)101樓B1號舖

21/10/2023

🍷 浪漫約會地·鬧市中的海鮮扒房🍴
-
地區分類：
-
大家可能睇過唔少人介紹依間餐廳嘅Brunch，之前同朋友食過性價比真心唔錯，多款海鮮+ 即切扒類任食✨ 而今次襯慶祝日二訪，估唔到成個Vibe又唔同啲～環境裝潢華麗，加上中環夜景，空氣中漂浮着浪漫氣氛🌹🍾 等候食物時仲有魔術表演小互動🪄 大家食飽之後仲可以繼續係餐廳小酌兩杯，chill得黎之餘還可以一解返左成日工嘅疲勞🥹
-

•檸汁醃生油甘魚 ($168)
油甘魚刺身配上鮮橙、西柚以及芹菜頭蛋黃醬，味道酸酸甜甜，肉質保留到爽彈嘅口感，係一道非常夏日refreshing 嘅開胃菜🍊

•生和牛他他 ($298)
由店員係席前製作，整個整個加入了多款材料😍，包括三文魚子、Salami等，以生蠔蛋醬調味。口感非常豐富，但感覺牛肉嘅鮮味被掩蓋，而調味略嫌偏重左少少🫢

•新鮮薄切生鹿肉片 ($218)
粉嫩嘅鹿肉片，上面放上醃製蘑菇、豌豆、黑松露醬、瑪莎拉酒以及榛子🌰。味道清爽，完全唔會食到肉腥味🫶🏻🦌
*

•燒加利西亞八爪魚 ($278)
外層保留到焦香感，內裏肉質鮮嫩，搭配嘅西班牙堅果紅椒汁非常惹味，蒜香味突出，帶微辣🌶️🐙
*

•蕃茄鴨胸肉醬寬扁麵($268)
私心最愛！自家製寬扁麵，配上蕃茄鴨胸肉醬、油封蛋黃及帕爾瑪芝士。全部食材拌勻後一起食用，口腔除了充滿鴨胸肉醬嘅鹹香外，還帶陣陣芝士香味，以及蛋汁順滑嘅口感🍴❤️
*

* 紐西蘭400日穀飼純種和牛肉眼扒($378)
Order左Medium Rare，切開時仲保留到肉汁，而肉眼位置肉質亦偏軟腍🐂
配菜推介忌廉菠菜 ($88)及車打芝士焗通心粉 ($88)菠菜帶奶香之餘又不會過膩。Mac & Cheese 面層鋪上一層餅碎，更香口更邪惡🧀
*

自製甜品拼盤，食匀紅莓雪葩、雲喱拿雪糕、芝士蛋糕以及朱古力蛋糕！
最愛紅莓雪葩，非常酸爽解膩💕
-
Porterhouse - Seafood & Steak (中環)
中環蘭桂坊德己立街30-32號加州大廈7樓

10/10/2023

🌿初秋回歸·人氣開心果千層蛋糕✨
-
事隔4年，日盼夜盼嘅開心果千層蛋糕終於再度回歸🥹❤️ 個人最愛嘅期間限定口味之一，香濃開心果味加上20多層口感真係不得了！各位開心果控不用猶豫，衝去買就對了～
-
Lady M 開心果千層蛋糕 ($86/件 & $580/ 6” & $860/ 9”)
每層班戟皮都夾住由法國頂級開心果製成嘅幼滑忌廉，口感順滑而且帶濃郁嘅開心果味，唔會過膩而且甜度剛好~ 加上面層撒上嘅香脆開心果碎作點綴，每一啖都充滿堅果香氣✨ 蛋糕造型亦有種小清新嘅感覺～
-
於10日11日起 Lady M 分店有售

Foodcafealcoholic