Cherupuzha Global Network

17/03/2023

ചെറുപുഴ : കോഴിച്ചാൽ സെന്റ് അഗസ്റ്റിൻസ് സ്കൂളിന്റെ അറുപത്താറാമത് വാർഷികവും സെന്റ് ജോസഫ്സ് പ്രീ-പ്രൈമറി സ്കൂളിന്റെ വാർഷികവും സംയുക്തമായി ആഘോഷിച്ചു. ചെറുപുഴ പഞ്ചായത്ത്‌ പ്രസിഡന്റ്‌ കെ എഫ് അലക്സാണ്ടർ ഉദ്ഘാടനം ചെയ്തു. സ്കൂൾ മാനേജർ ഫാ. ആൻഡ്രൂസ് തെക്കേൽ അധ്യക്ഷൻ ആയിരുന്നു.

13/03/2023

ചെറുപുഴ പഞ്ചായത്ത് ബജറ്റ് വൈസ് പ്രസിഡന്റും ധനകാര്യ സ്റ്റാൻഡിങ് കമ്മിറ്റി ചെയർപേഴ്സനുമായ റെജി പുളിക്കൽ അവതരിപ്പിച്ചു. പഞ്ചായത്ത് പ്രസിഡന്റ്‌ കെ എഫ് അലക്സാണ്ടർ അധ്യക്ഷനായിരുന്നു. മാലിന്യ നിർമാർജ്ജന പദ്ധതിയെ ശക്തിപ്പെടുത്തുന്നതിനായി വിവിധ കേന്ദ്രങ്ങളിൽ ക്യാമറകൾ സ്ഥാപിക്കൽ, ലിംഗസമത്വം ലക്ഷ്യം വച്ചുകൊണ്ടുള്ള സ്ത്രീപദവി പഠനം, ഭവനരഹിതർക്ക് ഭവന നിർമാണപദ്ധതി എന്നിവ ബജറ്റിൽ പരിഗണിക്കപ്പെട്ട പദ്ധതികളിൽ പ്രമുഖമാണ്.

12/03/2023

തിരുമേനി : സംസ്ഥാന സബ് ജൂനിയർ റെസ്‌ലിംഗ് ചാമ്പ്യൻഷിപ്പിൽ സ്വർണ്ണമെഡൽ നേടിയ തിരുമേനിയിലെ വളവനാട്ട് അന്ന സലീം ഫ്രാൻസിസിനെ സിപിഎം കോറാളി ബ്രാഞ്ച് അനുമോദിച്ചു. ചെറുപുഴ പഞ്ചായത്ത്‌ വികസനകാര്യ സ്ഥിരംസമിതി അധ്യക്ഷൻ കെ കെ ജോയി, ശ്രീനിവാസൻ ഊളാനിയിൽ, വി. ജി ശ്രീനിവാസൻ, കെ സി പ്രസൂൺ എന്നിവർ പങ്കെടുത്തു.

12/03/2023

ചിറ്റാരിക്കാൽ : മാലോം പുല്ലടിയിൽ ഓടിക്കൊണ്ടിരുന്ന കാർ കത്തിനശിച്ചു. വിവാഹ നിശ്ചയത്തിന് മാലോം ഭാഗത്തേക്ക് പോവുകയായിരുന്നവരുടെ കാർ ആണ് കത്തിനശിച്ചത് എന്നാണ് സൂചന. ഇന്ന് രാവിലെയാണ് സംഭവം നടന്നത്. തീ കണ്ട് കാറിലുണ്ടായിരുന്ന നാലംഗ സംഘം പെട്ടെന്നുതന്നെ പുറത്തിറങ്ങിയതിനാൽ ആളപായം ഒഴിവായി. കാർ പൂർണമായും കത്തിനശിച്ചു.

09/03/2023

ചെറുപുഴ ഫെസ്റ്റ് സംഘാടക സമിതി ഓഫീസ് ഉദ്ഘാടനം ചെയ്തു. ചെറുപുഴ ഗ്രാമ പഞ്ചായത്ത് വൈസ് പ്രസിഡണ്ട് റെജി പുളിക്കൽ അധ്യക്ഷയായിരുന്നു. ടി.ഐ. മധുസൂദനൻ എം എൽ എ ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മറ്റി ചെയർമാൻ കെ കെ ജോയി , ആരോഗ്യവിദ്യാഭ്യാസ സ്റ്റാൻഡിംഗ് കമ്മറ്റി ചെയർമാൻ എം ബാലകൃഷ്ണൻ എന്നിവർ ആശംസകളർപ്പിച്ചു. ബ്ലോക്ക് പഞ്ചായത്തംഗവും ഫെസ്റ്റ് കൺവീനറുമായ കെ ദാമോദരൻ മാസ്റ്റർ സ്വാഗതവും ചെയർമാൻ കെ കെ മുരളി നന്ദിയും പറഞ്ഞു.

09/03/2023

ചെറുപുഴ : റെയ്നേഴ്സ് ക്ലബ്ബിന്റെ ആഭിമുഖ്യത്തിൽ ഏപ്രിൽ 8 മുതൽ 16 വരെ ചെറുപുഴയിൽ നടത്തപ്പെടുന്ന ചെറുപുഴ ഫെസ്റ്റിന്റെ സംഘാടകസമിതി ഓഫീസ് ഇന്ന് 09.03.23ന് പയ്യന്നൂർ എംഎൽഎ ടി ഐ മധുസൂദനൻ ഉദ്ഘാടനം ചെയ്യും.അമ്യൂസ്മെന്റ് പാർക്ക്‌, പുഷ്പ-ഫല പ്രദർശനം, വിദ്യാഭ്യാസ പ്രദർശനം, വാണിജ്യ സ്റ്റാളുകൾ, കാർഷിക പ്രദർശനം, കലാ സാംസ്കാരിക പരിപാടികൾ എന്നിവ ഫെസ്റ്റിന്റെ ഭാഗമായി ഉണ്ടാകും.

© Promomatrix

08/03/2023

പുളിങ്ങോം : കൊട്ടത്തലച്ചിമലയിൽ സഞ്ചാരികൾ അലക്ഷ്യമായി വലിച്ചെറിഞ്ഞതും മറ്റുമായ മാലിന്യങ്ങൾ മാറ്റി മലയെ വൃത്തിയാക്കുന്നതിനായി കൊട്ടത്തലച്ചി ഡെവലപ്പ്മെന്റ് സൊസൈറ്റിയും ചെറുപുഴ നവജ്യോതി കോളേജിലെ എൻഎസ്എസ് യൂണിറ്റും സംയുക്തമായി മാർച്ച്‌ 18ന് 'ക്ലീനിങ് ക്യാമ്പയി‍ൻ' സംഘടിപ്പിക്കുന്നു. രാവിലെ 7.30ന് ചെറുപുഴ പഞ്ചായത്ത്‌ പ്രസിഡന്റ്‌ കെ എഫ് അലക്സാണ്ടർ ഉദ്ഘാടനം ചെയ്യും.

08/03/2023

08/03/2023

പാടിയോട്ടുചാൽ : കണ്ണൂർ സർവകലാശാല കലോത്സവത്തിനിടെ ബ്രണ്ണൻ കോളേജിൽ കെ.എസ്.യു നേതാക്കൾക്ക് നേരെയുണ്ടായ എസ്.എഫ്.ഐ അക്രമത്തിൽ പ്രതിഷേധിച്ച് പാടിയോട്ടുചാൽ ടൗണിൽ കെ.എസ്.യു പ്രവർത്തകർ പ്രകടനവും പൊതുയോഗവും നടത്തി. നിയോജകമണ്ഡലം വൈസ് പ്രസിഡന്റ് മാർട്ടിൻ എം ഡേവിഡ്, ജനറൽ സെക്രട്ടറി പ്രണവ് കരേള, വൈഷ്ണവ് പി വിജയൻ, സൗരവ് വങ്ങാട്, ആന്റോ വർഗീസ്, അൽത്താഫ് പ്രാപ്പൊയിൽ, അതുൽ കെ വേണു എന്നിവർ നേതൃത്വം നൽകി.

28/02/2023

ചെറുപുഴ ഫെസ്റ്റ് ലോഗോ പ്രകാശനം ചെയ്തു

ചെറുപുഴ : റെയ്നേർസ് ക്ലബ്ബ് ചെറുപുഴ ജനകീയ സഹകരണത്തോടെ ഏപ്രിൽ 8 മുതൽ 16 വരെ ചെറുപുഴയിൽ സംഘടിപ്പിക്കുന്ന മലയോരത്തിന്റെ മഹോത്സവം :" ചെറുപുഴ ഫെസ്റ്റ്" ലോഗോ പ്രകാശനം ചെയ്തു ചെറുപുഴ ഗ്രാമ പഞ്ചായത്ത് വൈസ് പ്രസിഡണ്ട് റെജി പുളിക്കലിന്റെ അധ്യക്ഷതയിൽ ഗ്രാമ പഞ്ചായത്ത് പ്രസിഡണ്ട് ശ്രീ കെ എഫ് അലക്സാണ്ടർ ലോഗോ പ്രകാശനം ചെയ്തു. പഞ്ചായത്ത് സ്റ്റാൻഡിംഗ് കമ്മറ്റി ചെയർമാൻമാരായ എം ബാലകൃഷ്ണൻ ,കെ കെ ജോയി.' പഞ്ചായത്തംഗം കെഡി പ്രവീൺ എന്നിവർ ആശംസ പ്രസംഗം നടത്തി
ജനറൽ കൺവീനർ കെ ദാമോദരൻ മാസ്റ്റർ ഫെസ്റ്റിനെ സംബന്ധിച്ച റിപ്പോർട്ടവതരിപ്പിച്ചു
കെ.കെ മുരളി സ്വാഗതവും മോഹനൻ പലേരി നന്ദിയും പറഞ്ഞു

27/02/2023

പ്രാപ്പൊയിൽ ശ്രീ വയനാട്ടുകുലവൻ ക്ഷേത്രത്തിൽ അന്നദാനത്തിനായി കാത്തുനിൽക്കുന്ന ഭക്തജനങ്ങൾ. ഉച്ചയ്‌ക്കെടുത്ത വീഡിയോ.

© Promomatrix

22/02/2023

ചിറ്റാരിക്കാൽ : ഈസ്റ്റ്‌ എളേരി പഞ്ചായത്ത്‌ പ്രസിഡന്റ്‌ രാജിവച്ചു. ഡിഡിഎഫ് എന്ന സ്വന്തം മുന്നണിയെ കോൺഗ്രസിൽ ലയിപ്പിച്ച് മൂന്ന് മാസം മുൻപ് കോൺഗ്രസിൽ തിരികെയെത്തിയ ഈസ്റ്റ്‌ എളേരി പഞ്ചായത്ത് പ്രസിഡന്റ്‌ ജയിംസ് പന്തമാക്കൽ രാജിവച്ചത് പാർട്ടിയുടെ പ്രാദേശിക നേതൃത്വം തുടരുന്ന നിസ്സഹകരണങ്ങളുടെ ബാക്കിപത്രമായാണ്. ഒരു റോഡിന് ഫണ്ട്‌ അനുവദിക്കുന്നതുമായി ബന്ധപ്പെട്ടും തേജസ്വിനി പുഴയോരത്ത് മാതൃക ടൂറിസം-വ്യവസായ പദ്ധതി നടപ്പാക്കുന്നതുമായി ബന്ധപ്പെട്ടും ഉണ്ടായ ആരോപണങ്ങളും തർക്കങ്ങളും പരിഹരിക്കപ്പെടാതെ തുടരുന്നതിനിടയിലാണ് അപ്രതീക്ഷിതമായ രാജി.

22/02/2023

രാജഗിരി : ചെറുപുഴ പഞ്ചായത്ത്‌ വാഹനത്തിൽ മരം വീണ് ഡ്രൈവർക്ക്‌ പരിക്ക്. രാജഗിരിയിൽ പുതുതായി തുടങ്ങുന്ന കരിങ്കൽ ക്വാറിക്കായി വൻതോതിൽ മണ്ണുമാറ്റുന്നത് അന്വേഷിക്കാൻ ഉദ്യോഗസ്ഥരുമായി പോവുകയായിരുന്നു വാഹനം. പരിക്കേറ്റ വാഹന ഡ്രൈവർ മുഹമ്മദ്‌ റിസ്വാനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. ഡ്രൈവർക്ക് പുറമെ വാഹനത്തിലുണ്ടായിരുന്ന മൂന്നുപേരും പരിക്കേൽക്കാതെ രക്ഷപെട്ടു. റോഡിന്റെ മുകൾഭാഗത്ത് ഉണ്ടായിരുന്ന മരം പണിക്കാർ മുറിച്ചപ്പോൾ വാഹനത്തിനു മുകളിൽ വീഴുകയാണുണ്ടായത്. വാഹനം വരുന്നത് പണിക്കാരും മരം മുറിക്കുന്നത് വാഹനത്തിലുള്ളവരും കണ്ടിരുന്നില്ല.

13/02/2023

ചെറുപുഴ : വൃക്ക സംബന്ധമായ അസുഖത്തെ തുടർന്ന് ചികിത്സയില്‍ കഴിയുന്ന കെ.വി. സജേഷിനെ സഹായിക്കാന്‍ ശനിയാഴ്ച ചെറുപുഴ ഇൻഡോർ സ്റ്റേഡിയത്തിൽ ബാഡ്മിന്റണ്‍ ടൂര്‍ണമെന്റ് സംഘടിപ്പിച്ചു. ചെറുപുഴ ഗ്രാമ പഞ്ചായത്ത് പ്രസിഡന്‍റ് കെ.എഫ്. അലക്‌സാണ്ടര്‍ അധ്യക്ഷത വഹിച്ച ചടങ്ങില്‍ പെരിങ്ങോം വയക്കര ഗ്രാമ പഞ്ചായത്ത് പ്രസിഡന്റ് വി.എം. ഉണ്ണികൃഷ്ണന്‍ ടൂര്‍ണമെന്റ് ഉദ്ഘാടനം ചെയ്തു. ബിജു ആലുങ്കല്‍, ചെറുപുഴ ഗ്രാമ പഞ്ചായത്ത് മെമ്പര്‍ ലൈസമ്മ, കെ.വി. വിജയന്‍, വി.എസ്. രാഹുല്‍ എന്നിവരും സംസാരിച്ചു.

10/02/2023

ചിറ്റാരിക്കാൽ : കടുമേനി സെന്റ് മേരീസ് പള്ളിയിൽ പരിശുദ്ധ കന്യാമറിയത്തിന്റെയും വിശുദ്ധ സെബാസ്ത്യാനോസിന്റെയും സംയുക്ത തിരുനാൾ ഇന്ന് തുടങ്ങും. ഇന്ന് വൈകിട്ട് 4.45ന് തിരുനാൾ കൊടിയേറ്റ് നടത്തും. മൂന്ന് ദിവസം നീണ്ടുനിൽക്കുന്ന തിരുനാൾ 12ന് ഞായറാഴ്ച സമാപിക്കും.

10/02/2023

തിരുമേനി : വിലക്കയറ്റത്തിനും സർക്കാരുകളുടെ ജനദ്രോഹ നയങ്ങൾക്കും എതിരെ പ്രതിഷേധിച്ച് ഇന്ത്യൻ നാഷണൽ കോൺഗ്രസ്സ് തിരുമേനി ടൗൺ കമ്മിറ്റി തിരുമേനിയിൽ പന്തം കൊളുത്തി പ്രകടനം നടത്തി. ഡിസിസി നിർവാഹക സമിതി അംഗം ആലയിൽ ബാലകൃഷ്ണൻ ഉദ്ഘാടനം ചെയ്തു. പ്രിൻസ് വെള്ളക്കട അധ്യക്ഷത വഹിച്ചു. ജോർജ് ചെമ്പരത്തിക്കൽ, മാത്യു തടത്തിൽ, അജി പാലത്തിങ്കൽ, ടി. വി ജനാർദ്ദനൻ എന്നിവർ പ്രസംഗിച്ചു.

09/02/2023

പെരിങ്ങോം : പാടിയോട്ടുചാൽ ശ്രീ അയ്യപ്പ ക്ഷേത്ര കൊടിയേറ്റ മഹോത്സവം ഇന്ന് തുടങ്ങുന്നു. വൈകിട്ട് 4.30ന് വയക്കര ശ്രീ മുണ്ട്യയിൽനിന്ന് കലവറ നിറയ്ക്കൽ ഘോഷയാത്ര. തുടർന്ന് 5.30ന് തന്ത്രീശ്വരനെ സ്വീകരിക്കൽ. നാളെ വൈകിട്ട് എഴിന് കൊടിയേറ്റ്. വിവിധ വിശേഷാൽ പൂജകളും കലാപരിപാടികളും ഉത്സവ ദിവസങ്ങളിൽ ഉണ്ടാകും. ഉത്സവം 15ന് സമാപിക്കും.

08/02/2023

ചിറ്റാരിക്കാൽ : കാസർഗോഡ് ഫിലിം സൊസൈറ്റിയുടെയും ചിറ്റാരിക്കാൽ ഫൈൻ ആർട്സ് സൊസൈറ്റിയുടെയും കാസർഗോഡ് ജില്ലാ പഞ്ചായത്തിന്റെയും സംയുക്തഭിമുഖ്യത്തിൽ ഏകദിന അന്താരാഷ്ട്ര ചലച്ചിത്രമേള ഇന്ന് രാവിലെ 9.30 മുതൽ ചിറ്റാരിക്കാൽ വ്യാപാരഭവൻ ഓഡിറ്റോറിയത്തിൽ നടക്കും. ആകെ അഞ്ചു സിനിമകൾ പ്രദർശിപ്പിക്കും. പ്രവേശനം സൗജന്യമാണ്.

News courtesy : Promomatrix

08/02/2023

ചിറ്റാരിക്കാൽ : കാറ്റാംകവലയിൽ നിയന്ത്രണം വിട്ട സ്‌കൂട്ടി ഡിവൈഡറിൽ ഇടിച്ച് ഒരാൾ മരിച്ചു.കൊന്നക്കാട് ചെരുമ്പക്കോടിലെ ഷാജു എം ആണ്‌ മരിച്ചത്. ഭാര്യ സാലിക്ക് ഗുരുതരമായി പരിക്കേറ്റു. ഇന്നലെ ഉച്ചകഴിഞ്ഞ് 3 മണിക്കാണ് അപകടമുണ്ടായത്.

07/02/2023

തിരുമേനി : തിരുമേനി പള്ളി തിരുനാളിന്റെ കടയലങ്കാരം ജനശ്രദ്ധ നേടി. തിരുമേനി തിരുനാളിന്റെ ഭാഗമായി ടൗണിലേക്ക് പ്രദക്ഷിണം നടന്ന ശനിയാഴ്ച ദിവസം ടൗണിലെ കടകളും സ്ഥാപനങ്ങളും ബഹുവർണ്ണ എൽഇഡി ലൈറ്റുകൾ കൊണ്ട് അലങ്കരിച്ചിരുന്നു. ഇവയിൽ ഏറ്റവും മനോഹരമായ അലങ്കാരത്തിന് സമ്മാനം നേടിയ പതിയിൽ ഫോട്ടോസിന്റെ നിശ്ചല ദൃശ്യം കൂടുതൽ ശ്രദ്ധനേടി. എല്ലാ വർഷവും ഈ സ്ഥാപനം തിരുനാളിന് മനോഹരമായ നിശ്ചല ദൃശ്യങ്ങൾ ഒരുക്കാറുണ്ട്. സ്ഥാപനഉടമയായ ഫോട്ടോഗ്രാഫർ സണ്ണി പതിയിൽ പള്ളി വികാരിയിൽ നിന്നും ട്രോഫി ഏറ്റുവാങ്ങി.

06/02/2023

പെരിങ്ങോം : കൊരങ്ങാട്ടെ ചപ്പന്റകത്ത് വീട്ടിൽ റമീസ് (19) ഇന്ന് പുലർച്ചെ പൊന്നമ്പാറയിൽ ബൈക്കുകൾ കൂട്ടിമുട്ടി മരിച്ചു

03/02/2023

തിരുമേനി : തിരുമേനി സെന്റ് ആന്റണീസ് ഇംഗ്ലീഷ് മീഡിയം സ്കൂൾ വാർഷികം ആഘോഷിച്ചു. തളിപ്പറമ്പിലെ ടീച്ചർ ട്രെയിനിങ് ഇൻസ്റ്റിറ്റ്യൂട്ട് അഡ്മിനിസ്ട്രേറ്റർ ഫാ. പോൾ ഇടത്തിനകത്ത് ഉദ്ഘാടനം ചെയ്തു. സ്കൂൾ മാനേജർ ഫാ. ആന്റണി തെക്കേമുറിയിൽ, മുൻ മാനേജർ ഫാ. ജോർജ് നെല്ലുവേലിൽ, ഹെഡ്മാസ്റ്റർ ജോജോ പി. ഡി പാറേത്താഴത്ത് , ഫാ. ജോസഫ് തകിടിയേൽ, ഫാ. ദേവസ്യ വട്ടപ്പാറ, പഞ്ചായത്ത്‌ മെമ്പർ കെ കെ ജോയി കാരുവേലിൽ , പിടിഎ പ്രസിഡന്റ്‌ പ്രിൻസ് വെള്ളക്കടയിൽ , സ്കൂൾ ലീഡർ കുമാരി നിസ ഫാത്തിമ എന്നിവർ സംസാരിച്ചു.

03/02/2023

പുളിങ്ങോം : ചരിത്രപ്രസിദ്ധമായ പുളിങ്ങോം മഖാം ഉറൂസിന് ഇന്നലെ തുടക്കമായി. മഖ്ബറ സിയാറത്തിന് പാണക്കാട് സയ്യിദ് മുക്താർ അലി ശിഹാബ് തങ്ങൾ നേതൃത്വം നൽകി. സ്വാഗതസംഘം ചെയർമാൻ കെ ശുക്കൂർ സാഹിബ് കൊടി ഉയർത്തി. അനേകം വിശ്വാസികളാണ് ഇന്നലെ ചടങ്ങുകളിൽ പങ്കെടുത്തത്. വിവിധ സ്ഥലങ്ങളിൽ നിന്നും നാനാജാതി മതസ്ഥരായ നിരവധി ആളുകൾ എത്തിച്ചേരുന്ന പുളിങ്ങോം മഖാം ഉറൂസ് പുളിങ്ങോം നാടിന്റെയാകെ ആഘോഷമാണ്.

01/02/2023

ചിറ്റാരിക്കാൽ : പാലാവയൽ ഓടപ്പള്ളിയിലെ നെല്ലംകുഴിയിൽ മേരി മാത്യു (79) അന്തരിച്ചു. മൃതസംസ്കാര ശുശ്രൂഷകൾ വ്യാഴാഴ്ച (02/02/2023) വൈകുന്നേരം 4 മണിക്ക് സ്വഭവനത്തിൽ വച്ച് ആരംഭിച്ച് പാലാവയൽ സെന്റ് ജോൺസ് പള്ളിയിൽ നടത്തപ്പെടും.

01/02/2023

സി​ബി തോ​മ​സിന് വിജിലൻസ് ഡിവൈഎസ്പിയായി സ്ഥാനക്കയറ്റം

മാലോം : ന​ട​നും തി​ര​ക്ക​ഥാ​കൃ​ത്തു​മാ​യ സി​ബി തോ​മ​സി​ന് ഡി​വൈ​എ​സ്പി​യാ​യി സ്ഥാ​ന​ക്ക​യ​റ്റം. വ​യ​നാ​ട് വി​ജി​ല​ന്‍​സ് ആ​ന്‍​ഡ് ആ​ന്‍റി ക​റ​പ്ഷ​ന്‍ ബ്യൂ​റോ ഡി​വൈ​എ​സ്പി​യാ​യാ​ണ് നി​യ​മ​നം. നി​ല​വി​ല്‍ കാ​സ​ര്‍​ഗോ​ഡ് വി​ജി​ല​ന്‍​സ് ഇ​ന്‍​സ്‌​പെ​ക്‌​ട​റാ​ണ്. 2014, 2019, 2022 വ​ര്‍​ഷ​ങ്ങ​ളി​ല്‍ മി​ക​ച്ച ഉ​ദ്യോ​ഗ​സ്ഥ​നു​ള്ള ഡി​ജി​പി​യു​ടെ ബാ​ഡ്ജ് ഓ​ഫ് ഓ​ണ​റും 2015ല്‍ ​മു​ഖ്യ​മ​ന്ത്രി​യു​ടെ പോ​ലീ​സ് മെ​ഡ​ലും നേ​ടി​യി​ട്ടു​ണ്ട്. "തൊ​ണ്ടി​മു​ത​ലും ദൃ​ക്‌​സാ​ക്ഷി​യും' എ​ന്ന ആ​ദ്യ​സി​നി​മ​യി​ലെ വേ​ഷം ത​ന്നെ ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു.

പി​ന്നീ​ട് ന്നാ ​താ​ന്‍ കേ​സ് കൊ​ട്, പാ​ല്‍​തു ജാ​ന്‍​വ​ര്‍, കു​ട്ട​നാ​ട​ന്‍ മാ​ര്‍​പാ​പ്പ, കാ​മു​കി തു​ട​ങ്ങി​യ സി​നി​മ​ക​ളി​ലും ശ്ര​ദ്ധേ​യ വേ​ഷ​ങ്ങ​ള്‍ കൈ​കാ​ര്യം ചെ​യ്തു. കു​റ്റ​വും ശി​ക്ഷ​യും എ​ന്ന സി​നി​മ​യ്ക്ക് തി​ര​ക്ക​ഥ​യൊ​രു​ക്കി​യി​രു​ന്നു. വെ​ള്ള​രി​ക്കു​ണ്ട് ചു​ള്ളി സ്വ​ദേ​ശി​യാ​ണ്.

31/01/2023

തിരുമേനി : കോക്കടവിനടുത്ത് തെക്കന്മാവിലെ തോമസ് (94) മുതുകുളത്ത് അന്തരിച്ചു. സംസ്കാരം നാളെ 01.02.23 രാവിലെ പത്തിന് തിരുമേനി സെന്റ് ആന്റണീസ് പള്ളി സെമിത്തേരിയിൽ

29/01/2023

തക്കല(കന്യാകുമാരി) : തമിഴ്നാട്ടിലെ തക്കല രൂപതയിൽ വച്ചുനടന്ന ചെറുപുഷ്പ മിഷൻലീഗ് പ്ലാറ്റിനം ജൂബിലി സമാപന ചടങ്ങിൽ തലശേരി അതിരൂപത വൈദികൻ ആലക്കോട് ഇടവകാംഗമായ, ഇപ്പോൾ തിരുമേനി ഇടവക വികാരിയും ഇരിട്ടി, വെള്ളരിക്കുണ്ട് മുതലായ പള്ളികളിലെ മുൻവികാരിയും മികച്ച സംഘാടകനുമായ ഫാ. ആന്റണി തെക്കേമുറിയിൽ ലോകമെമ്പാടുമുള്ള സീറോ മലബാർ ഇടവകകളിലെ ചെറുപുഷ്പ മിഷൻലീഗിന്റെ പൊതു എക്സിക്യൂട്ടീവ് കമ്മിറ്റിയുടെ മൂന്ന് അംഗങ്ങളിൽ ഒരാളായാണ് തിരഞ്ഞെടുക്കപ്പെട്ടിരിക്കുന്നത്.

28/01/2023

ചെറുപുഴ : തിരുനാളിനോടനുബന്ധിച്ച് ചെറുപുഴ സെന്റ് മേരീസ് ഫൊറോന ദേവാലയം ബഹുവർണ്ണ ദീപങ്ങളാൽ അലങ്കരിച്ചു. പള്ളിയിൽ ഇന്ന് വൈകിട്ട് 5.30ന് ആഘോഷമായ തിരുനാൾ കുർബാനയും തുടർന്ന് പ്രദക്ഷിണവും ആകാശവിസ്മയവും ഉണ്ടാകും. നാളെ രാവിലെ 9.30നുള്ള തിരുനാൾ കുർബാന, പ്രദക്ഷിണം, സ്നേഹവിരുന്ന് ചടങ്ങുകളോടെ തിരുനാൾ സമാപിക്കും.