ວາລະສານຈໍາປາ

Home
ວາລະສານຈໍາປາ

Champa Magazine

22/06/2024

ໝາກບລູເບີຣີຂອງເມືອງທົງທຽນແຂວງຢຸນນານເຂົ້າສູ່ຕະຫຼາດ

ປັດຈຸບັນ, ໝາກບລູເບີຣີມີ 13 ເຮັກຕາທີ່ຢູ່ເຂດອຸດສາຫະກຳບລູເບີຣີທີ່ຕັ້ງຢູ່ບ້ານເຊຍຕຽນ ເມືອງທົງທຽນເຂດປົກຄອງຕົນເອງເຜົ່າປາຍເຜົ່າພູມີລານຜິງກິ່ງແຂວງປົກຄອງຕົນເອງເຜົ່າລີຊູນູຈຽງແຂວງຢຸນນານໄດ້ເຂົ້າສູ່ຕະຫຼາດ.
"ບລູເບີຣີຂອງພວກເຮົາແມ່ນໜ່ວຍໃຫຍ່ ແລະ ມີລົດຊາດຫວານຫຼາຍ, ຍິນດີຕ້ອນຮັບທຸກຄົນມາຊິມລົດຊາດ!" ອີງຕາມຂໍ້ມູນວ່າ, ພື້ນຖານແຫ່ງນີ້ໄດ້ເຂົ້າສູ່ໄລຍະການເກັບຫມາກໄມ້ຍອດສູງສຸດໃນເດືອນທີ່ຜ່ານມາ, ຊາວກະສິກອນຫຼາຍກວ່າ 40 ຄົນເຮັດວຽກໃນແຕ່ລະມື້, ສາມາດເກັບໄດ້ຫຼາຍກ່ວາ 600 ກິໂລບລູເບີຣີໃນແຕ່ລະມື້, ລາຄາຂາຍແມ່ນລະຫວ່າງ 30 ຢວນ ເຖິງ 40 ຢວນ.

“ສະພາບແວດລ້ອມທາງນິເວດທີ່ເປັນເອກະລັກສະເພາະ ແລະ ແຫຼ່ງນ້ຳທີ່ອຸດົມສົມບູນຂອງເມືອງ ທົງທຽນໄດ້ສະຫນອງເງື່ອນໄຂທີ່ເປັນເອກະລັກສໍາລັບການຂະຫຍາຍຕົວຂອງບລູເບີຣີ, ເຊິ່ງປູກບລູເບີຣີທີ່ປູກມີຂະຫນາດໃຫຍ່, ລົດຊາດທີ່ດີ, ສີສົດໃສ, ນ້ຳຫຼາຍ ແລະ ຫວານ ເປັນທີ່ຕ້ອງການຫຼາຍໃນຕະຫຼາດ. ທ່ານ ລີລີ້ຊິງ ຜູ້ຮັບຜິດຊອບຂອງພື້ນຖານແຫ່ງນີ້ກ່າວວ່າ, “ປັດຈຸບັນ, ພື້ນຖານດັ່ງກ່າວໄດ້ປູກຕົ້ນໝາກບລູເບີຣີຫຼາຍກວ່າ 76.200 ກະຖາງ, ດ້ວຍປະລິມານການຜະລິດປະມານ 40 ໂຕນ, ມູນຄ່າການຜະລິດຫຼາຍກວ່າ 2 ລ້ານຢວນ.”

22/06/2024

ການແຂ່ງຂັນສ້າງວີດີໂອສັ້ນເລີ່ມເກັບຜົນງານແລ້ວ!
ການແຂ່ງຂັນສ້າງວີດີໂອສັ້ນພາຍໃຕ້ຫົວຂໍ້ XIU ວິດີໂອສັ້ນ"ລຸ້ນ Z" ແມ່ນ້ຳລ້ານຊ້າງ-ແມ່ນຳຂອງ ແລະ "ສະບາຍດີ·ຈີນ"ການເດີນທາງຢຸນນານ, ເຊິ່ງເປັນກິດຈະກຳໜຶ່ງຂອງງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5ໄດ້ເລີ່ມຕົ້ນການເກັບຜົນງານແລ້ວ. ກິດຈະກໍາດັ່ງກ່າວເຊີນໄວໜຸ່ມຈາກພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ແລະ ປະເທດຕ່າງໆເຂົ້າຮ່ວມງານໂດຍການສ້າງວິດີໂອສັ້ນ ແລະ ການຖ່າຍທອດສົດ. ເຊີນທ່ານເຂົ້າຮ່ວມຢ່າງຕັ້ງໜ້າ.
ໄລຍະເວລາເກັບແມ່ນແຕ່ວັນທີ 18 ມິຖຸນາ ຫາ 31 ສິງຫາ ປີ 2024.
ຫົວຂໍ້ຂອງວິດີໂອສັ້ນ: "XIU" --- "ສະແດງວັດທະນະທໍາ", "ຊົມໃຊ້ຊີວິດ",
"ແນະນຳອາຫານທີ່ແຊບ", "ສະແດງຕົວຕົນ" ແລະ ຫົວຂໍ້ທີ່ແຕກຕ່າງກັນອື່ນໆ.

ວິທີການເຂົ້າຮ່ວມ:
1. ເມື່ອເຜີຍແຜ່ຜົນງານເທິງ Facebook ແລະ ຕິກຕ໋ອກ ໃນຕ່າງປະເທດ ໃຫ້ໃຊ້ຫົວຂໍ້ ວິດີໂອສັ້ນງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງ # ແລະ -Share Journey. ຮູບແບບຫົວຂໍ້ລວມ: ຫົວຂໍ້ວິດີໂອ| ຄໍາອະທິບາຍປະໂຫຍກດຽວ, ຕົວຢ່າງ: ສະແດງວັດທະນະທໍາ|ມໍລະດົກວັດທະນະທໍາທີ່ບໍ່ເປັນວັດຖຸ ຖັກແສ່ວຜ້າຍ້ອມສີ ຂ້ອຍເອົາທ້ອງຟ້າ ແລະ ເມກຂາວໄວ້ເທິງຮ່າງກາຍຂອງຂ້ອຍ! 2. ຜົນງານສົ່ງໃຫ້ອີແມວ: hi [email protected].
ຂໍ້ກໍານົດຂອງຜົນງານ: ບໍ່ມີຂໍ້ຈໍາກັດກ່ຽວກັບວິທີການຖ່າຍ, ຮູບແບບ, ຫຼື ພາສາ, ໄລຍະເວລາລະຫວ່າງ 30 ວິນາທີ ເຖິງ 5 ນາທີ, ຄໍາບັນຍາຍພາສາຈີນ, ຄວາມລະອຽດແມ່ນບໍ່ຫນ້ອຍກວ່າ 1920 * 1080, ແລະ ຮູບແບບແມ່ນ MP4.
ລາງວັນກິດຈະກຳ: ໃນຈຳນວນ 60 ຜົນງານດີເດັ່ນທີ່ສຸດໄດ້ຄັດເລືອກ, ໄດ້ຮັບລາງວັນທີ 1 ມີ 1 ຜົນງານ,ຈະໄດ້ຮັບລາງວັນ 1.000 ຢວນ ພ້ອມກັບ ໃບຢັ້ງຢືນ, ລາງວັນທີ 2 ມີ 3 ຜົນງານ,ຈະໄດ້ຮັບລາງວັນ 600 ຢວນ ພ້ອມກັບ ໃບຢັ້ງຢືນ, ລາງວັນທີ 3 ມີ 3 ຜົນງານຈະໄດ້ຮັບເງິນລາງວັນ 300 ຢວນ ພ້ອມກັບ ໃບຢັ້ງຢືນ. ຜົນງານດີເດັ່ນ ແລະ ອື່ນໆຈະອອກໃບຢັ້ງຢືນຊື່ຜົນງານດີເດັ່ນ, ຜົນງານໄດ້ຮັບລາງວັນຈະປະກາດໃນເວທີສື່ມວນຊົນໃຫມ່.

22/06/2024

ເຍືອງທິເບດເຂົ້າສູ່ລະດູເກີດລູກ

ຫວ່າງມໍ່ໆນີ້, ນັກຂ່າວໄດ້ຖ່າຍຮູບລູກເຍືອງທິເບດເກີດໃໝ່ຫຼາຍເທື່ອຢູ່ທົ່ງຫຍ້າລູເຊຍຖາງເມືອງມາຍປາທິເບດ. ເປັນທີ່ເຂົ້າໃຈກັນວ່າ, ລະດູເກີດລູກຂອງເຍືອງທິເບດປະຈໍາປີໄດ້ເລີ່ມຂຶ້ນແລ້ວ.

ເຍືອງທິເບດເປັນສັດປ່າສະຫງວນແຫ່ງຊາດລະດັບໜຶ່ງ. ປັດຈຸບັນມີເຍືອງທິເບດຫຼາຍກວ່າ 300,000 ໂຕອາໄສຢູ່ພູພຽງຊິງໄຫ-ທິເບດ, ໃນນັ້ນມີ 200,000 ກວ່າໂຕອາໄສຢູ່ເຂດສະຫງວນທຳມະຊາດແຫ່ງຊາດຊຽງຖາງພາກເໜືອຂອງທິເບດ.

22/06/2024

ການອຳນວຍຄວາມສະດວກດ້ານການຜ່ານດ່ານຢູ່ດ່ານທາງລົດໄຟບໍ່ຫານຊ່ວຍໃຫ້ໝາກໄມ້ໃນອາຊີຕາເວັນອອກສຽງໃຕ້ເຂົ້າສູ່ຕະຫຼາດພາຍໃນຂອງຈີນໄວຂຶ້ນ
ເວລາ 10:22 ໂມງວັນທີ 18 ມິຖຸນາ, ຂະບວນລົດໄຟຂົນສົ່ງສິນຄ້າສາກົນ “ສາຍດ່ວນແມ່ນ້ຳລ້ານຊ້າງ-ແມ່ນ້ຳຂອງ” ທີ່ອອກເດີນທາງຈາກນະຄອນຫຼວງວຽງຈັນລາວ,
ເຊິ່ງຂົນສົ່ງໝາກທຸລຽນໄທ, ໝາກມັງຄຸດ ແລະ ໝາກໄມ້ອື່ນໆໄດ້ມາຮອດດ່ານທາງລົດໄຟບໍ່ຫານ. ຕອນບ່າຍວັນດຽວກັນ, ພາຍຫຼັງສຳເລັດຂະບວນການຜ່ານພາສີແລ້ວ, ລົດໄຟນີ້ໄດ້ເດີນທາງໄປຕາມທາງລົດໄຟລາວ-ຈີນ ແລະ ໄປຮອດສະຖານີສູນຕູ້ຄອນເທນເນີ ວັງໂຈ່ວຢິງຕາເວັນຕົກຄຸນໝິງ. ຢູ່ທີ່ນີ້, ໝາກໄມ້ຈາກອາຊີຕາເວັນອອກສຽງໃຕ້ຊຸດນີ້ຈະຖືກເກັບ ແລະ ຈຳໜ່າຍຢູ່ນະຄອນຄຸນໝິງ,ຫຼື ມັນຈະຖືກແຈກຢາຍ ແລະ ຂົນສົ່ງໄປຕະຫຼາດໝາກໄມ້ໃຫຍ່ໃນປະເທດຈີນໂດຍສາຍການຂົນສົ່ງສິນຄ້າເຊັ່ນ: ເສັ້ນທາງລົດໄຟ “ສາຍລ້ານຊ້າງ-ແມ່ນ້ຳຂອງ·ຊຽງໄຮ-ຢຸນນານ” ແລະ “ສາຍດ່ວນແມ່ນ້ຳລ້ານຊ້າງ-ແມ່ນ້ຳຂອງເຊີນຕູ-ເອີຣົບ”.
“ນັບຕັ້ງແຕ່ການເປີດນຳໃຊ້ຂອງທາງລົດໄຟລາວ-ຈີນ, ໝາກໄມ້ສົດຈາກບັນດາປະເທດອາຊີຕາເວັນອອກສຽງໃຕ້ເຊັ່ນ, ລາວ ແລະ ໄທ ໄດ້ໃຊ້ປະໂຫຍດຈາກຄວາມສະດວກສະບາຍໃນການຜ່ານພາສີ,ການຂົນສົ່ງສິນຄ້າສາກົນຂະໜາດໃຫຍ່ຂອງທາງລົດໄຟລາວ-ຈີນ, ແລະ “ສາຍດ່ວນແມ່ນ້ຳລ້ານຊ້າງ-ແມ່ນ້ຳຂອງ”ໃຫ້ຕະຫຼາດພາຍໃນປະເທດຂອງຈີນໄດ້ຮັບໝາກໄມ້ຂອງອາຊີຕາເວັນອອກສຽງໃຕ້ຈຳນວນຫຼວງຫຼາຍທີ່ມີຄຸນນະພາບສູງ, ລາຄາຕໍ່າ.” ກ່າວໂດຍທ່ານ ໂຈວໝີງໂປ ຜູ້ອຳນວຍການສະຖານີບໍ່ຫານຂະບວນພູເອີຂອງກຸ່ມບໍລິສັດລົດໄຟຈີນຄຸນໝິງ.
ຕາມສະຖິຕິ, ນັບແຕ່ຕົ້ນເດືອນມັງກອນຫາທ້າຍເດືອນພຶດສະພາ ປິ 2024, ການນຳເຂົ້າ ແລະ ສົ່ງອອກໝາກໄມ້, ຜັກ, ດອກໄມ້ສົດ ແລະ ສິນຄ້າອື່ນໆຜ່ານທາງລົດໄຟລາວ-ຈີນທີ່ຢູ່ພາຍໃຕ້ການກວດກາຂອງດ່ານພາສີຈີນໄດ້ບັນລຸ 64.800 ໂຕນ. ເພີ່ມຂຶ້ນ 3,1 ເທົ່າເມື່ອທຽບໃສ່ໃນໄລຍະປີກາຍ. ໃນນັ້ນ, ນຳເຂົ້າໝາກໄມ້ມີ 58.900 ໂຕນ, ເພີ່ມຂຶ້ນ 2,9 ເທົ່າເມື່ອທຽບໃສ່ໃນໄລຍະປີກາຍ, ນຳເຂົ້າໝາກໄມ້ສົດມີ 41.300 ໂຕນ, ເພີ່ມຂຶ້ນ 2,4 ເທົ່າເມື່ອທຽບໃສ່ໃນໄລຍະປີກາຍ.
ປັດຈຸບັນນີ້, ດ່ານທາງລົດໄຟບໍ່ຫານນັບມື້ນັບມີວຽກຫຼາຍຂຶ້ນ, ລົດໄຟຂົນສົ່ງສິນຄ້າສາກົນທາງລົດໄຟລາວ-ຈີນກັບຄືນລະຫວ່າງສອງປະເທດຢູ່ທີ່ນີ້, ເປັນຮູບພາບຂອງລົດໄຟຂົນສົ່ງຜູ້ໂດຍສານ ແລະ ສິນຄ້າຂອງສອງປະເທດທີ່ຈະເລີນຮຸ່ງເຮືອງໄດ້ສະແດງອອກມາຢູ່ທີ່ນີ້.

22/06/2024

ງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5
ໄດ້ຈັດກິດຈະກຳການຢ້ຽມຢາມແລະສຳຜັດພາຍໃຕ້ຫົວຂໍ້ "ຈີນທີ່ສວຍງາມທີ່ສຸດ·ຊີວິດການເປັນຢູ່ແບບຢຸນນານ"
ແຕ່ວັນທີ 17 ຫາວັນທີ 19 ມິຖຸນານີ້, ກິດຈະກຳການຢ້ຽມຢາມແລະສຳຜັດພາຍໃຕ້ຫົວຂໍ້ "ຈີນທີ່ສວຍງາມທີ່ສຸດ·ຊີວິດການເປັນຢູ່ແບບຢຸນນານ"ເຊິ່ງເປັນກິດຈະກຳໜຶ່ງຂອງງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ໄດ້ຈັດຂຶ້ນຢູ່ນະຄອນຄຸນໝິງ, ນະຄອນຢຸ້ຍຊີ ແລະ ສະຖານທີ່ອື່ນໆ, ໂດຍມີຜູ້ແທນຂອງພະແນກຂ່າວແລະສື່ມວນຊົນປະມານ 40 ຄົນຈາກມຽນມາ, ກຳປູເຈຍ, ລາວ. ຫວຽດນາມ, ໄທ, ບັງກະລາເທດ, ປາກີສະຖານ, ສີລັງກາ ແລະ ປະເທດອື່ນໆໄດ້ເຂົ້າຮ່ວມ.
ຢູ່ນະຄອນຄຸນໝິງ, ແຂກຜູ້ມີກຽດໄດ້ທ່ຽວຊົມຢ້ຽມຢາມສະຖານທີ່ຫຼາຍແຫ່ງເຊັ່ນ: ສູນປະມູນ ແລະ ການຄ້າດອກໄມ້ສາກົນຄຸນໝິງ, ກຸ່ມບໍລິິສັດຢຸນນານປາຍເຢົາຈຳກັດ ແລະ ຫ້ອງທົດລອງຕົ້ນຕໍປັນຢາປະດິດຢຸນນານຂອງມະຫາວິທະຍາໄລວິທະຍາສາດ ແລະ ເຕັກໂນໂລຊີຄຸນໝິງແລະ ສະຖານທີ່ອື່ນໆ, ໂດຍຜ່ານການທ່ຽວຊົມຢ້ຽມຢາມເຮັດໃຫ້ແຂກຜູ້ມີກຽດຮຽນຮູ້ກ່ຽວກັບທ່ວງທ່າເຄື່ອນໄຫວຂະຫຍາຍຕົວໃໝ່ໃນດ້ານອຸດສາຫະກຳພິເສດຂອງແຂວງຢຸນນານ ເຊັ່ນ: ຂະແໜງການດອກໄມ້ຢຸນນານ, ການປິ່ນປົວແລະ ຢຸກຢາຊີວະສັດ,ການແປປັນຍາປະດິດເປັນຕົ້ນ, ແລະ ຍັງໄດ້ດຳເນີນການພົບປະແລກປ່ຽນ ແລະ ປຶກສາຫາລືກ່ຽວກັບການປະຍຸກໃຊ້ “ສື່ມວນຊົນ + ເຕັກໂນໂລຊີດີຈີຕອນ” ແບບໃໝ່ ໃນນະຄອນຢຸ້ຍຊີ, ແຂກຜູ້ມີກຽດໄດ້ໄປຢ້ຽມຊົມພິພິທະພັນທຳມະຊາດຊາກຫອຍເສີງຈຽງ, ບ້ານມາຟາງເມືອງເສີງຈຽງ ແລະ ສະຖານທີ່ອື່ນໆເພື່ອສຳຜັດຜົນສຳເລັດດ້ານການປົກປັກຮັກສາລະບົບນິເວດທີ່ນ້ຳຂຽວ ແລະ ພູເຂົາສີຂຽວແຂວງຢຸນນານ ຕະຫຼອດເຖິງຮູບແບບໃໝ່ຂອງການຟື້ນຟູຊົນນະບົດ.
"ຂ້ອຍສາມາດເອົາເຄື່ອງແປພາສານີ້ກັບໄປກໍາປູເຈຍໄດ້ບໍ?" ທ່ານ ເອົາກົງປູນ ຮອງຜູ້ອໍາ
ນວຍການພະແນກຂ່າວສານແລະໂທລະພາບແລະວິທະຍຸກະຊວງຂ່າວສານກໍາປູເຈຍ ມີຄວາມສົນໃຈຫຼາຍຕໍ່ອຸປະກອນການແປພາສາມືຖື. ທ່ານ ເອົາກົງປູນ ມັກຈະຕ້ອງຕິດຕໍ່ສື່ສານກັບຫມູ່ເພື່ອນຈີນໃນການເຮັດວຽກງານ ແລະ ຊີວິດປະຈໍາວັນຢູ່ກໍາປູເຈຍ, ລາວເຊື່ອວ່າຄຸນປະໂຫຍດໃນການແປພາສາສຽງຂອງເຄື່ອງແປພາສານີ້ ສາມາດປັບປຸງປະສິດທິພາບ ແລະ ຄວາມຖືກຕ້ອງຂອງການພົບປະແລກປ່ຽນເຊິ່ງກັນແລະກັນ.
“ຜ່ານການຢ້ຽມຢາມສູນປະມູນ ແລະ ການຄ້າດອກໄມ້ສາກົນຄຸນໝິງ, ຂ້າພະເຈົ້າຮູ້ສຶກເຖິງຮູບແບບການພັດທະນາກ້າວໜ້າຂອງອຸດສາຫະກຳດອກໄມ້ຂອງແຂວງຢຸນນານຄືນັບແຕ່ການປູກດອກໄມ້, ການຄົ້ນຄວ້າວິໄຈ ແລະ ພັດທະນາ, ການປຸງແຕ່ງຈົນເຖິງການຂາຍ, ທັງເປັນການເຊື່ອມໂຍງເຂົ້າກັນເພື່ອສ້າງລະບົບນິເວດທີ່ມີປະສິດທິພາບສູງ ແລະ ຍືນຍົງ. ພ້ອນດຽວການນັ້ນ,ໂດຍຜ່ານລະບົບການປະມູນເອເລັກໂຕຣນິກທີ່ກ້າວຫນ້າ ແລະ ເວທີການຄ້າອອນລາຍ, ການເຮັດທຸລະກໍາດອກໄມ້ມີຄວາມວ່ອງໄວ ແລະ ໂປ່ງໃສຫຼາຍຂຶ້ນ, ເຮັດໃຫ້ຜູ້ປູກດອກໄມ້ສະໜອງຕະຫຼາດທີ່ກວ້າງຂວາງ, "ທ່ານ ໂມທີລາ ຫົວໜ້າພະແນກການພົວພັນພາຍນອກຂອງໂທລະພາບແຫ່ງຊາດສີລັງກາກ່າວວ່າ, ສີລັງກາມີຊັບພະຍາກອນກະສິກຳ ແລະ ການທ່ອງທ່ຽວທີ່ອຸດົມສົມບູນ ແລະ ສາມາດຮຽນຮູ້ຈາກປະສົບການຂອງແຂວງຢຸນນານ.
ທ່ານ ຊາມີງ·ອາປູດູລາ·ຈາເຫີດີຮອງຫົວໜ້າບັນນາທິການໂທລະພາບເອກະລາດບັງກະລາເທດໄດ້ມາຢ້ຽມຢາມແຂວງຢຸນນານເປັນຄັ້ງທຳອິດ, ທ່ານກ່າວໂດຍສະເພາະວ່າ, ຢູ່ຫໍພິພິທະພັນທຳມະຊາດຊາກຫອຍເສີງຈຽງ, ວິທະຍາສາດເຕັກໂນໂລຊີທີ່ທັນສະໄໝໄດ້ສະແດງໃຫ້ເຫັນຂະບວນວິວັດການດຳລົງຊີວິດຢ່າງສົດໃສ. ເຮັດໃຫ້ຂ້າພະເຈົ້າມີຄວາມປະທັບໃຈຢ່າງເລິກເຊິ່ງ, ແລະ ຫວັງວ່າຈະໄດ້ຮ່ວມມືກັບສື່ມວນຊົນຢຸນນານໃນການຖ່າຍຮູບເງົາຂ່າວສານພູມສາດທຳມະຊາດເພື່ອຮ່ວມກັນສຳຫຼວດ ແລະ ບັນທຶກທິວທັດທຳມະຊາດ ແລະ ຄວາມຫຼາກຫຼາຍດ້ານນິເວດວິທະຍາຂອງສອງຝ່າຍ.

21/06/2024

ງານແລກປ່ຽນວັດທະນະທຳລະຫວ່າງປະຊາຊົນຢູ່ຕາມຊາຍແດນລາວ-ຈີນປະຈຳປີ 2024 ໄດ້ຈັດຂຶ້ນຢູ່ເມືອງຫຼາກິ່ງແຂວງສິບສອງພັນນາ ສປ ຈີນ
2024中老边民大联欢在西双版纳州勐腊举行
ໃນວັນທີ 20 ມິຖຸນາ ນີ້, ພິທີເຊັນສັນຍາລວມຂອງງານແລກປ່ຽນວັດທະນະທຳລະຫວ່າງປະຊາຊົນຢູ່ຕາມຊາຍແດນລາວ-ຈີນ ແລະ ພິທີມອບຮັບໄດ້ຈັດຂຶ້ນຢູ່ເມືອງຫຼາກິ່ງແຂວງປົກຄອງຕົນເອງເຜົ່າໄທລື້ສິບສອງພັນນາ ສປ ຈີນ. ຫົວຂໍ້ຂອງກິດຈະກຳຄັ້ງນີ້ແມ່ນ “ສາຍພູສາຍນໍ້າຕິດຈອດກັນ ຊົມໃຊ້ປ່າຝົນຮ່ວມກັນ” ງານຈະຈັດໄປເຖິງວັນທີ 22, ກິດຈະກຳລວມທັງການເຊັນສັນຍາ, ການມອບຮັບໂຄງການ, ງານນັດໃຫຍ່ໄຫວ້ພຣະພຸດທະເຈົ້າຂອງ “ສ່ຽວສະຫາຍສາກົນ” ລະຫວ່າງປະຊາຊົນຊາຍແດນລາວ-ຈີນ ແລະ ກິດຈະກຳປະສົບການດ້ານສື່ມວນຊົນ ເປັນຕົ້ນ, ເພື່ອສະແດງຜົນງານການພັດທະນາການຮ່ວມມືທີ່ເປັນມິດຕະພາບໃນຂົງເຂດຊາຍແດນລາວ-ຈີນຢ່າງເຕັມທີ່.
ໃນມື້ດຽວກັນ, ເມືອງຫຼາກິ່ງແຂວງສິບສອງພັນນາ ສປ ຈີນ ກັບເມືອງໄຊແຂວງອຸດົມໄຊປະເທດລາວໄດ້ເຊັນ ບົດບັນທຶກຄວາມເຂົ້າໃຈສ້າງເປັນເມືອງແຮກສ່ຽວ, ກຸ່ມບ້ານນ້ອຍບ້ານໝາວຊາວຊານຂອງຄະນະບ້ານຮຸຍລົວຕາແສງເມີງບ້ານເມືອງຫຼາ ສປ ຈີນ ກັບ ກຸ່ມບ້ານນ້ອຍບ້ານໝາວຊາວຊານຂອງເມືອງບຸນນູແຂວງຜົ້ງສາລີປະເທດລາວ ໄດ້ເຊັນສັນຍາສ້າງເປັນບ້ານແຮກສ່ຽວ. ຫ້ອງການຊັບພະຍາກອນມະນຸດ ແລະ ຮັບປະກັນສັງຄົມເມືອງຫຼາ ສປ ຈີນ ກັບ ຫ້ອງການແຮງງານ ແລະ ສະຫວັດດີການສັງຄົມແຂວງຜົ້ງສາລີປະເທດລາວ ໄດ້ເຊັນສັນຍາການປະສານສົມທົບດ້ານແຮງງານຂ້າມຊາດ, ບໍລິສັດຟາມຫຼີໝິງ ຈຳກັດ ເມືອງຫຼາ ສປ ຈີນ ກັບ ສູນແຈກຢາຍຜະລິດຕະພັນກະເສດສຳຮອງແຫ່ງຊາດລາວ ແລະ ບໍລິສັດຂົນສົ່ງສາກົນ ໄດ້ເຊັນສັນຍາການຮ່ວມມືຍຸດທະສາດກະສິກຳທີ່ຢູ່ຕ່າງປະເທດ.
ໃນພິທີມອບຮັບ, ສະມາຄົມມິດຕະພາບແຂວງຢຸນນານໄດ້ມອບໂຄງການສະໜັບສະໜູນ “ຫົວໃຈເຊື່ອນຕໍ່ກັນ ຂະບວນການຂອງແຂວງຢຸນນານ” ໃຫ້ແກ່ສະຖານກົງສຸນໃຫຍ່ແຫ່ງ ສປປ ລາວ ປະຈຳນະຄອນຄຸນໝິງ, ມູນນິທິພັດທະນາມິດຕະພາບ ແລະ ສັນຕິພາບປະເທດຈີນໄດ້ມອບທຶນການສຶກສາຈີນ-ອາຊີຕາເວັນອອກສ່ຽງໃຕ້ໃຫ້ແກ່ໂຮງຮຽນອາຊີວະສຶກສາຊັ້ນສູງເມືອງຫຼາ. ມີຄອບຄົວຄູ່ໜຶ່ງທີ່ມາຈາກບ້ານແລປະເທດຈີນ ແລະ ບ້ານນາຄຳປະເທດລາວ ໄດ້ສ້າງເປັນ “ຄອບຄົວແຮກສ່ຽວສາທິດ”.
ໃນປັດຈຸບັນ, ແຂວງຢຸນນານປະເທດຈີນ ແລະ ປະເທດລາວໄດ້ສ້າງເປັນເມືອງແຮກສ່ຽວສາກົນໃນຈຳນວນ 8 ຄູ່ ແລະ ບ້ານແຮກສ່ຽວ 4 ຄູ່, ການຮ່ວມມືລະຫວ່າງແຂວງຢຸນນານ ແລະ ປະເທດລາວສືບຕໍ່ກ້າວໄປຢູ່ໃນແຖວໜ້າຂອງການຮ່ວມມືລະດັບທ້ອງຖິ່ນຂອງສອງປະເທດມາໂດຍຕະຫຼອດ. ແຂວງຢຸນນານໄດ້ປະຕິບັດໂຄງການຂະໜາດນ້ອຍແຕ່ສວຍງາມ 28 ໂຄງການໃນປະເທດລາວ ພາຍໃຕ້ໂຄງການ “ຫົວໃຈເຊື່ອມຕໍ່ກັນ ຂະບວນການຂອງແຂວງຢຸນນານ” ເຊິ່ງກ່ຽວພັນເຖິງຂົງເຂດກະສິກໍາ, ການສຶກສາ, ສຸຂະອະນາໄມ, ການປົກປັກຮັກສາຊີວະນານາພັນ ເປັນຕົ້ນ, ກໍໄດ້ຮັບໝາກຜົນທີ່ເປັນຈິງ.
ຕັ້ງແຕ່ປີ 2022 ເປັນຕົ້ນມາ, ເມືອງຫຼາແຂວງຢຸນນານ ແລະ ປະເທດລາວເລີ່ມການຮ່ວມມືຈັດຕັ້ງກິດຈະກຳ ງານແລກປ່ຽນວັດທະນະທຳລະຫວ່າງປະຊາຊົນຢູ່ຕາມຊາຍແດນລາວ-ຈີນ, ມີຜູ້ເຂົ້າຮ່ວມງານຫຼາຍກວ່າ 2 ແສນເທື່ອຄົນ, ເຊິ່ງໄດ້ກາຍເປັນຖານເວທີອັນສຳຄັນໃນການເສີມສ້າງມິດຕະພາບ ແລະ ການຮ່ວມມືການພັດທະນາຂອງສອງຝ່າຍໃຫ້ເລິກເຊິ່ງຍິ່ງຂຶ້ນ.

20/06/2024

ຂອງຂວັນຮັບປະລິນຍາແບບນີ້, ທ່ານຢາກໄດ້ບໍ?
ເມື່ອບໍ່ດົນມານີ້, ທຸກຄົນທີ່ຈົບການສຶກສາປີ2024ໃນຫ້ອງທົດລອງຄົ້ນຄ້ວາແຫ່ງໜຶ່ງຂອງສະຖາບັນຄົ້ນຄວ້າເຕັກໂນໂລຊີວັດສະດຸໃໝ່ຂອງມະຫາວິທະຍາໄລວິທະຍາສາດ ແລະ ເຕັກໂນໂລຊີປັກກິ່ງໄດ້ຮັບຂອງຂວັນພິເສດສໍາລັບການສໍາເລັດການສຶກສານັ້ນຄື ແຫວນເພັດ. ແຫວນຄຳຂາວປະດັບດ້ວຍເພັດ 2 ເມັດ, ແຫວນເພັດສີດຳ 0.5 ກະຣັດ ແລະ ແຫວນເພັດສີຂາວ 0.5 ກະຣັດ. ອີງຕາມໂຮງຮຽນແນະນຳວ່າ, ແຫວນເພັດນີ້ໄດ້ຖືກສ້າງຢ່າງເປັນເອກະລາດໂດຍຫ້ອງທົດລອງຄົ້ນຄ້ວານີ້. ທ່ານຕ້ອງການຂອງຂວັນຮຽນຈົບປະລິນຍາແບບນີ້ບໍ?

20/06/2024

ຈີນໄດ້ສ້າງລະບົບພື້ນຖານໂຄງລ່າງດ້ານການສາກໄຟຈຳນວຍຫຼາຍທີ່ສຸດໃນໂລກ
ມາຮອດທ້າຍເດືອນພຶດສະພາປີນີ້, ຍອດຈຳນວນພື້ນຖານໂຄງລ່າງການສາກໄຟຂອງຈີນໄດ້ບັນລຸ 9,92 ລ້ານໜ່ວຍ, ເພີ່ມຂຶ້ນ 56% ເມື່ອທຽບໃສ່ໃນໄລຍະປີກາຍ. ຈີນໄດ້ສ້າງລະບົບພື້ນຖານໂຄງລ່າງດ້ານການສາກໄຟທີ່ມີຈຳນວຍຫຼາຍທີ່ສຸດໃນໂລກ, ຂອບເຂດການບໍລິການທີ່ກວ້າງຂວາງທີ່ສຸດ ແລະ ມີປະເພດຄົບຖ້ວນທີ່ສຸດ. ປີນີ້ປະເທດຈີນມີແຜນຈະເພີ່ມເສົາສາກໄຟ 3,000 ໜ່ວຍ ແລະ ບ່ອນຈອດລົດສາກໄຟ 5,000 ແຫ່ງໃນເຂດບໍລິການທາງຫຼວງ.

20/06/2024

ທິວທັດ Karst ໃນເຂດທັດສະນີຍະພາບພູເຈີຫາຍແຂວງຢຸນນານດຶງດູດນັກທ່ອງທ່ຽວ
ໃນລະດູຮ້ອນ, ເຂດທັດສະນີຍະພາບພູເຈີຫາຍທີ່ຕັ້ງຢູ່ເມືອງຊິວເປີຍກິ່ງແຂວງປົກຄອງຕົນເອງຊົນເຜົ່າມົ້ງຊົນເຜົ່າຈວງເວີນສານແຂວງຢຸນນານມີພູເຂົາ ແລະ ແມ່ນ້ຳລໍາທານທີ່ສວຍສົດງົດງາມ, ດອກບົວໃສກຳລັງເບີກບານ, ແລະ ທິວທັດກາສ(karst)ທີ່ເປັນເອກະລັກພິເສດໄດ້ດຶງດູດນັກທ່ອງທ່ຽວມາພັກຜ່ອນ ແລະ ທ່ຽວຫຼິ້ນຢູ່ທີ່ນີ້ຈໍານວນຫຼວງຫຼາຍ.

20/06/2024

ກິດຈະກຳພາຍໃຕ້ຫົວຂໍ້ XIU ວິດີໂອສັ້ນ"ລຸ້ນ Z" ແມ່ນ້ຳລ້ານຊ້າງ-ແມ່ນຳຂອງ ແລະ "ສະບາຍດີ·ຈີນ"ການເດີນທາງຢຸນນານ
ວັນທີ 18 ມິຖຸນາ, ພິທີເປີດກິດຈະກຳພາຍໃຕ້ຫົວຂໍ້ XIU ວິດີໂອສັ້ນ"ລຸ້ນ Z" ແມ່ນ້ຳລ້ານຊ້າງ-ແມ່ນຳຂອງ ແລະ "ສະບາຍດີ·ຈີນ"ການເດີນທາງຢຸນນານ, ເຊິ່ງເປັນກິດຈະກຳໜຶ່ງຂອງງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5. ກິດຈະກໍານີ້ປະກອບມີການແຂ່ງຂັນສ້າງວີດີໂອສັ້ນ, ແຄ້ມສ້າງແບບອອບລາຍຂອງຊາວຫນຸ່ມສາກົນ, ງານວາງສະແດງຜົນງານດີເດັ່ນທີ່ໄດ້ຮັບລາງວັນ ແລະ ອື່ນໆ, ເຊິ່ງຈະຈັດຂຶ້ນຕັ້ງແຕ່ເດືອນມິຖຸນາຫາເດືອນຕຸລາ. ໃນພິທີເປີດກິດຈະກໍານີ້ໄດ້ສະແດງວິດີໂອສັ້ນກິດຈະກໍາທີ່ຜ່ານມາ, ເພື່ອສ້າງແຮງບັນດານໃຈໃຫ້ຊາວໜຸ່ມສະໜອງຄວາມຄິດປະດິດສ້າງ, ໂດຍໄດ້ເຊື້ອເຊີນຜູ້ຊ່ຽວຊານດ້ານຮູບເງົາ ແລະ ໂທລະທັດ, ຊ່າງພາບການເດີນທາງລະຫວ່າງປະເທດ ແລະ ຜູ້ຊ່ຽວຊານດ້ານສື່ສັງຄົມອອນລາຍໃຫ້ການຝຶກອົບຮົມຄວາມຮູ້ເປັນມືອາຊີບ ແລະ ການແລກປ່ຽນປະສົບການ.

18/06/2024

ການເກັບກ່ຽວໝາກໂມໃນເມືອງໂປເຢແຂວງເຫີເປີຍປະເທດຈີນ
ປັດຈຸບັນ, ເປັນຊ່ວງເວລາທີ່ຫມາກໂມຈະເຂົ້າສູ່ຕະຫຼາດ. ມີປະຫວັດການປູກໝາກໂມເກືອບ 20 ປີທີ່ຕັ້ງຢູ່ບ້ານຊີລີປູເມືອງໂປເຢແຂວງເຫີເປີຍປະເທດຈີນ. ຍ້ອນວ່າໝາກໂມທີ່ປູກຢູ່ທີ່ນີ້ມີລັກສະນະພິເສດເຊັ່ນ: ຂະໜາດໃຫຍ່, ລົດຊາດດີ, ຄຸນນະພາບສູງ ແລະອື່ນໆ, ບ້ານນີ້ປູກໝາກໂມຫຼາຍກວ່າ 27 ເຮັກຕາໃນແຕ່ລະປີ, ສ່ວນຫຼາຍແມ່ນຂາຍໄປນະຄອນຫຼວງປັກກິ່ງ, ນະຄອນທຽນຈິນ, ເຂດມົງໂກລີໄນ ແລະ ສະຖານທີ່ອື່ນໆ.

18/06/2024

ກອງປະຊຸມສຳມະນາ"ເສັ້ນທາງສູ່ການຫາຍໃຈທີ່ດີຕໍ່ສຸຂະພາບ"ຈີນ-ອາຊຽນໄດ້ຈັດຂຶ້ນຢູ່ນະຄອນຄຸນໝິງ
ແຕ່ວັນທີ 15 ຫາວັນທີ 16 ມິຖຸນາ, ກອງປະຊຸມສຳມະນາ "ເສັ້ນທາງສູ່ການຫາຍໃຈທີ່ດີຕໍ່ສຸຂະພາບ"ຈີນ-ອາຊຽນໄດ້ຈັດຂຶ້ນຢູ່ນະຄອນຄຸນໝິງ. ເຈົ້າໜ້າທີ່ຄຸ້ມຄອງສາທາລະນະສຸກ ຕະຫຼອດຮອດ ຜູ້ຊ່ຽວຊານໃນດ້ານລະບົບຫາຍໃຈຂອງກຳປູເຈຍ, ລາວ, ມຽນມາ, ແລະ ຫວຽດນາມ ແລະ ປະເທດອື່ນໆໄດ້ດຳເນີນການແລກປ່ຽນ ແລະ ປຶກສາຫາລືຢ່າງຕັ້ງໜ້າກ່ຽວກັບການຮ່ວມມືແກ້ໄຂສິ່ງທ້າທາຍຮ້າຍແຮງຂອງພະຍາດທາງລະບົບຫາຍໃຈ ແລະ ຊຸກຍູ້ການຮ່ວມມືປ້ອງກັນ ແລະ ການຄວບຄຸມພະຍາດທາງລະບົບຫາຍໃຈ.
ກອງປະຊຸມສຳມະນາຄັ້ງນີ້ພາຍໃຕ້ຫົວຂໍ້ວ່າ"ຈີນ, ກຳປູເຈຍ, ລາວ, ມຽນມາ ແລະ ຫວຽດນາມ ໄດ້ຮ່ວມກັນສ້າງຕັ້ງອົງການຮ່ວມມືດ້ານວິຊາສະເພາະລະບົບຫາຍໃຈ"ເຊິ່ງໄດ້ສຸມໃສ່ປຶກສາຫາລືກ່ຽວກັບຫົວຂໍ້ຮ້ອນໃນຂົງເຂດປ້ອງກັນ ແລະ ຄວບຄຸມພະຍາດທາງລະບົບຫາຍໃຈ.
ໃນໄລຍະກອງປະຊຸມສຳມະນາ, ໂຮງໝໍປະຊາຊົນໝາຍເລກ1 ຂອງແຂວງຢຸນນານຍັງໄດ້ລົງນາມໃນບົດບັນທຶກຄວາມເຂົ້າໃຈຄວາມຮ່ວມມືກ່ຽວກັບການຮ່ວມກັນສ້າງຕັ້ງອົງການຮ່ວມມືດ້ານວິຊາສະເພາະລະບົບຫາຍໃຈກັບໂຮງໝໍປະຊາຊົນກິ່ງແຂວງສິບສອງພັນນາ, ໂຮງໝໍປະຊາຊົນເມືອງເຫີໂຄວ ແລະ ໂຮງໝໍ 13 ແຫ່ງຈາກປະເທດກຳປູເຈຍ, ລາວ, ມຽນມາ, ແລະ ຫວຽດນາມ.

18/06/2024

ງານວາງສະແດງສິລະປະຮູບພາບແລະວິດີໂອທາງລົດໄຟລາວ-ຈີນໄດ້ໄຂຂຶ້ນຢູ່ປັກກິ່ງເປັນຄັ້ງທຳອິດ
ຫວ່າງມໍ່ໆມານີ້, ງານວາງສະແດງສິລະປະຮູບພາບແລະວິດີໂອທາງລົດໄຟລາວ-ຈີນພາຍໃຕ້ຫົວຂໍ"ຜ່ານລົດໄຟໄປຮອດວຽງຈັນ" ໄດ້ໄຂຂຶ້ນຢູ່ຫໍວາງສະແດງຂອງຫໍວັດທະນະທຳຊົນເຜົ່າປັກກິ່ງ. ງານວາງສະແດງໄດ້ສະແດງພາບຖ່າຍ 217 ແຜ່ນ ແລະ ວິດີໂອ 8 ຊິ້ນ, ແລະຈະດຳເນີນການວາງສະແດງໄປຮອດວັນທີ 23 ມິຖຸນານີ້, ແລະ ຈະຈັດກິດຈະກຳຄືສຳມະນາພິເສດ ແລະ ວາງສະແດງ 6 ຄັ້ງທີ່ຕັ້ງຢູ່ 5 ເມືອງເຊັ່ນ: ເມືອງຟູຊິງແຂວງຟູຈ້ຽນ, ເມືອງເຮີຊວນແຂວງຈົງກິ່ງ, ເມືອງພູເອີແຂວງຢຸນນານ, ເມືອງຊຽງຮຸ່ງ(ຈິງຫົງ)ກິ່ງແຂວງສິບສອງພັນນາ ແລະ ນະຄອນຄຸນໝິງ.
ງານວາງສະແດງສິລະປະຮູບພາບ ແລະ ວິດີໂອທາງລົດໄຟລາວ-ຈີນຄັ້ງນີ້ໄດ້ນຳໃຊ້ທັດສະນະ
ເອກະສານໃໝ່ເພື່ອສະແດງໃຫ້ເຫັນຂະບວນການກໍ່ສ້າງໂຄງການຮ່ວມມືສາກົນລະຫວ່າງສອງປະເທດຢ່າງຮອບດ້ານ, ເພື່ອແນໃສ່ເພີ່ມທະວີການພົວພັນມິດຕະພາບລະຫວ່າງປະຊາຊົນລາວ-ຈີນ ໃຫ້ນັບມື້ນັບແໜ້ນແຟ້ນຍິ່ງຂຶ້ນ. ຊຸກຍູ້ການຮ່ວມມື ແລະ ແລກປ່ຽນໃນດ້ານວັດທະນະທຳ ແລະ ສິລະປະລະຫວ່າງລາວກັບຈີນ.

18/06/2024

ເຫັດປ່າຈໍານວນຫຼາຍຂອງແຂວງຢຸນນານເຂົ້າສູ່ຕະຫຼາດ
ເມື່ອຮອດລະດູຝົນມາເຖິງ, ເຫັດປ່າໃນແຂວງຢຸນນານໄດ້ກ້າວເຂົ້າສູ່ຊ່ວງໄລຍະແຫ່ງການເກັບກູ້. ເຫັດປ່າຊະນິດຕ່າງໆໄດ້ປະກົດຕົວຢູ່ຕະຫຼາດຄ້າຂາຍເຫັດປ່າທີ່ສຳຄັນຂອງແຂວງຢຸນນານ, ດຶງດູດປະຊາຊົນ ແລະ ຜູ້ຊື້ ຈຳນວນຫຼວງຫຼາຍ ເຂົ້າມາຊື້ເຫັດປ່າ.

18/06/2024

ທາງລົດໄຟຂ້າມແດນໄທ-ລາວຈະເລີ່ມດຳເນີນການທົດລອງໃນເດືອນກໍລະກົດ
ຫວ່າງມໍ່ໆມານີ້, ຄະນະບໍລິຫານງານທາງລົດໄຟແຫ່ງຊາດໄທປະກາດວ່າ, ທາງລົດໄຟຂ້າມແດນລະຫວ່າງບາງກອກໄທ ແລະ ນະຄອນຫຼວງວຽງຈັນລາວ ຈະເລີ່ມດຳເນີນການທົດລອງນໍາໃຊ້ແຕ່ວັນທີ 13 ຫາ 14 ກໍລະກົດນີ້. ພາຍຫຼັງທີ່ທາງລົດໄຟໄດ້ເປີດໃຫ້ບໍລິການຢ່າງເປັນທາງການແລ້ວ, ຜູ້ໂດຍສານຈະສາມາດຂຶ້ນລົດໄຟຈາກບາງກອກປະເທດໄທໄປວຽງຈັນປະເທດລາວ, ແລະ ຈາກນັ້ນແມ່ນໂດຍຜ່ານການຂີ່ຂະບວນລົດໄຟລາວ-ຈີນຈາກວຽງຈັນໄປຫາຄຸນໝິງແຂວງຢຸນນານປະເທດຈີນ.

18/06/2024

ເຫດຜົນໃດທີ່ເຮັດໃຫ້ເມືອງແກ້ວສີຂອງຈີນມີມູນຄ່າການຜະລິດຕໍ່ປີເຖິງ 5 ຕື້ຢວນ?
ເມືອງເກີຕັງນະຄອນຊານເວີແຂວງກວາງຕຸ້ງຂອງຈີນແມ່ນ "ເມືອງຫຼວງແຫ່ງແກ້ວສີໃນຈີນ".
ເຄື່ອງປະດັບແກ້ວຢູ່ທີ່ນີ້ໄດ້ສົ່ງອອກໄປເອີຣົບ, ອາເມລິກາ, ອາຊີຕາເວັນອອກສຽງໃຕ້ ແລະ ສະຖານທີ່ອື່ນໆ, ປະລິມານການປຸງແຕ່ງຂອງແກ້ວສີທັງໝົດບັນລຸມູນຄ່າຫຼາຍກວ່າ 50.000 ໂຕນໃນແຕ່ລະປີ, ມູນຄ່າການຜະລິດປະຈໍາປີປະມານ 5 ຕື້ຢວນ.
ໃນສາມເດືອນຕົ້ນປີ 2024, ຈຳນວນການຈຳໜ່າຍການຄ້າເອເລັກໂຕຣນິກຂອງແກ້ວສີຢູ່ເມືອງເຄີຖັງບັນລຸ 530 ລ້ານຢວນ, ໄດ້ຊ່ວຍໃຫ້ຍອດການສົ່ງອອກຂອງນະຄອນຊານເວີຍບັນລຸ 63,5% ໃນ 4 ເດືອນຕົ້ນປີ 2024, ເປັນອັນດັບໜຶ່ງຂອງແຂວງ.
ໃນໄລຍະຜ່ານມາ, ຍ້ອນໄດ້ຮັບຜົນສະທ້ອນຈາກຕະຫຼາດເຄື່ອງປະດັບແກ້ວສີທົ່ວໂລກທີ່ຊຸດໂຊມ, ບັນດາບໍລິສັດປຸງແຕ່ງກະແຈກກະຈາຍ, ບັນດາວິສາຫະກິດຂະໜາດນ້ອຍ, ອຸດສາຫະກຳເຄື່ອງປະດັບແກ້ວຂອງເມືອງນ້ອຍນີ້ຈິ່ງເຄີຍປະສົບກັບບັນຫາໃນການພັດທະນາ. ໃນປັດຈຸບັນ, ທ້ອງຖິ່ນໄດ້ຟື້ນຟູອຸດສາຫະກໍາເຄື່ອງປະດັບແກ້ວສີແບບດັ້ງເດີມໃຫ້ມີຊີວິດຊີວາຄືນມາໂດຍການຂະຫຍາຍຮູບແບບທຸລະກິດໃຫມ່ຄື"ການຄ້າເອເລັກໂຕຣນິກ+".
ທ່ານ ວາງຈິງຊື ຜູ້ກໍ່ຕັ້ງຂອງບໍລິສັດການຄ້າເອເລັກໂຕຣນິກແກ້ວສີຢຸນຊາງເມືອງຊານເວີຍຈຳກັດກ່າວວ່າ: "ໃນຕອນເລີ່ມຕົ້ນ, ພວກເຮົາພຽງແຕ່ຈຳໜ່າຍຂາຍແບບອອບລາຍ. ໃນສອງສາມປີຜ່ານມາ, ໄດ້ຮັບຜົນກະທົບຈາກສະພາບສັງຄົມທົ່ວໄປ, ຕົ້ນທຶນຂອງການຈຳໜ່າຍແບບອອບລາຍໄດ້ເພີ່ມຂຶ້ນຢ່າງຫຼວງຫຼາຍ. ມາຮອດປີ 2021, ພວກເຮົາໄດ້ເຮັດການຖ່າຍທອດສົດທາງການຄ້າເອເລັກໂຕຣນິກ, ພວກເຮົາໄດ້ເປີດຕົວຮ້ານ'ແກ້ວສີຢຸນຊາງ'ໃນເວທີຕິກຕ໋ອກ, ເຊິ່ງໄດ້ພິກປີ້ນການຂາດທຶນໃນປີ 2022. ໃນປີ 2023, ພວກເຮົາມີການຂະຫຍາຍຕະຫຼາດພາຍໃນໄດ້ເຖິງ 7 ຕື້ຢວນ ແລະ ຮັບໃຊ້ຜູ້ຄ້າຫຼາຍພັນຄົນ, ພວກເຮົາກໍາລັງເຮັດວຽກຢ່າງໜັກເພື່ອປັບໃຊ້ຕ່ອງໂສ້ການສະໜອງດີຈີຕອນ ແລະ ນໍາອຸດສາຫະກຳຕ່າງໆສູ່ໂລກ.”
ໃນອະນາຄົດ, ເມືອງເຄີຖັງຈະເລັ່ງກໍ່ສ້າງ 4 ສວນອຸດສາຫະກຳຄືເຂດເຕົ້າໂຮມປົກປັກຮັກສາ,ນຳໃຊ້ເຕັກໂນໂລຊີຂໍ້ມູນໃຫຍ່ເພື່ອພັດທະນາທ່າກຳປັ່ນຂາຍດີຈີຕອນ ແລະ ອັດສະລິຍະ,ເພື່ອບັນລຸການພັດທະນາກຸ່ມອຸດສາຫະກຳເຄື່ອງປະດັບເພັດພອຍ ແລະ ການດຳເນີນງານທາງດ້ານດີຈີຕອນຂອງຕ່ອງໂສ້ອຸດສາຫະກຳ ແລະ ສົ່ງເສີມເຄື່ອງປະດັບເພັດພອຍເມືອງເຄີຖັງກ່າວໄປສູ່ໂລກ.

18/06/2024

ງານມະຫະກຳຮູບເງົາສາກົນຊຽງໄຮຄັ້ງທີ 26 ໄຂຂຶ້ນແລ້ວ
ວັນທີ 14 ມິຖຸນານີ້, ງານມະຫະກຳຮູບເງົາສາກົນຊຽງໄຮຄັ້ງທີ 26 ໄດ້ໄຂຂຶ້ນແລ້ວໂດຍການຊີ້ນຳຂອງກົມຄຸ້ມຄອງຮູບເງົາແຫ່ງຊາດຈີນ, ໂດຍການເປັນເຈົ້າພາບຂອງວິທະຍຸໂທລະພາບສູນກາງຈີນ, ແລະ ອໍານາດການປົກຄອງປະຊາຊົນນະຄອນຊຽງໄຮ. ໃນໄລຍະງານມະຫະກຳຮູບເງົານີ້ມີ 461 ຮູບເງົາທີ່ມາຈາກ 64 ປະເທດ ແລະ ພາກພື້ນຈະໄດ້ສາຍຮູບເງົາເປີດລາຍການເພື່ອການວາງສະແດງ.
ໃນຖານະເປັນງານມະຫະກຳຮູບເງົາປະເພດ A ສາກົນຂອງຈີນ, ງານມະຫະກຳຮູບເງົາປີນີ້ໄດ້ເກັບກຳ 3700 ຮູບເງົາເພື່ອເຂົ້າຮ່ວມການແຂ່ງຂັນແລະ ການວາງສະແດງທີ່ມາຈາກ 105 ປະເທດ ແລະ ເຂດແຄວ້ນໃນ 5 ທະວີບ. ຄະນະຈັດຕັ້ງຄາດຄະເນວ່າ, ແຂກຜູ້ຊົມຮູບເງົາ ແລະ ໂທລະພາບຈາກຈີນ ແລະ ຕ່າງປະເທດປະມານ 5.000 ຄົນຈະມາຢ້ຽມຢາມຊຽງໄຮ, ແລະງານມະຫະກຳຮູບເງົາທີ່ດຳເນີນໄປໃນເວລາ 10 ວັນຄາດວ່າຈະດຶງດູດຜູ້ຊົມຮູບເງົາ 450.000 ຄົນ.

18/06/2024

ການຂະຫຍາຍຕົວຫຼາຍກວ່າ 10 ເທົ່າໃນໄລຍະ 5 ປີທີ່ຜ່ານມາ: ຫົວໜ່ວຍການຄ້າເອເລັກໂຕຣນິກຂ້າມແດນຫຼາຍກວ່າ 120,000 ແຫ່ງໃນທົ່ວປະເທດຈີນ
ໃນຫວ່າງມໍ່ໆມານີ້,ໂຄສົກກະຊວງການຄ້າຈີນເປີດເຜີຍໃຫ້ຮູ້ວ່າ, ໃນ 5 ປີທີ່ຜ່ານມາ, ຂະໜາດການຄ້າເອເລັກໂຕຣນິກຂ້າມແດນຂອງຈີນໄດ້ເພີ່ມຂຶ້ນຫຼາຍກວ່າ 10 ເທົ່າ. ໃນໄຕມາດທຳອິດຂອງປີ 2024, ວົງເງິນການນໍາເຂົ້າ ແລະ ສົ່ງອອກສິນຄ້າເອເລັກໂຕຣນິກຂ້າມແດນບັນລຸ 577,6 ຕື້ຢວນ, ເພີ່ມຂຶ້ນ 9,6% ເມື່ອທຽບໃສ່ໃນໄລຍະປີກາຍ, ໃນນັ້ນຍອດມູນຄ່າການສົ່ງອອກແມ່ນ 448 ຕື້ຢວນ, ເພີ່ມຂຶ້ນ 14 % ເມື່ອທຽບໃສ່ໃນໄລຍະປີກາຍ.
ອີງຕາມສະຖິຕິເບື້ອງຕົ້ນຈາກສະຖານທີ່ຕ່າງໆ, ຫຼາຍກວ່າ 120,000 ຫົວໜ່ວຍການຄ້າເອເລັກໂຕຣນິກຂ້າມແດນໃນທົ່ວປະເທດຈີນ, ສວນອຸດສາຫະກໍາການຄ້າເອເລັກໂຕຣນິກຂ້າມແດນ 1,000 ກວ່າແຫ່ງ, ແລະສ້າງສາສາງສິນຄ້າຢູ່ຕ່າງປະເທດຫຼາຍກວ່າ 2,500 ແຫ່ງ, ມີເນື້ອທີ່ກວ່າ 30 ລ້ານຕາແມັດ.ໃນນັ້ນ, ສາງສິນຄ້າຢູ່ຕ່າງປະເທດທີ່ສຸມໃສ່ການບໍລິການດ້ານການຄ້າເອເລັກໂຕຣນິກຂ້າມແດນຫຼາຍກວ່າ 1,800 ແຫ່ງ, ມີເນື້ອທີ່ຫຼາຍກ່ວາ 22 ລ້ານຕາແມັດ.
ການຄ້າເອເລັກໂຕຣນິກຂ້າມແດນແມ່ນກຳລັງທີ່ມີປະສິດທິຜົນໃນການພັດທະນາການຄ້າຕ່າງ
ປະເທດຂອງຈີນ ແລະ ເປັນທ່າອ່ຽງສຳຄັນໃນການພັດທະນາການຄ້າສາກົນ. ໃນຊຸມປີມໍ່ໆມານີ້,ໂຄງສ້າງພື້ນຖານການຄ້າຕ່າງປະເທດໃຫມ່ເຊັ່ນ: ການຄ້າເອເລັກໂຕຣນິກຂ້າມແດນ ແລະສາງສິນຄ້າຕ່າງປະເທດໄດ້ພັດທະນາຢ່າງໄວວາ, ມີກໍາລັງແຮງບົ່ມຊ້ອນການຂະຫຍາຍຕົວຢ່າງຫຼວງຫຼາຍ, ແລະ ບົດບາດລັກສະນະນໍາພາທີ່ເຂັ້ມແຂງ.

18/06/2024

ພິທີເປີດງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ໄດ້ຈັດຂຶ້ນຢູ່ນະຄອນຄຸນໝິງ
ວັນທີ 17 ມິຖຸນານີ້, ພິທີເປີດງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ທີ່ຮ່ວມກັນຈັດຕັ້ງຂຶ້ນໂດຍການເປັນເຈົ້າພາບຂອງກົມໃຫຍ່ວິທະຍຸ ແລະ ໂທລະພາບແຫ່ງຊາດຈີນ, ກະຊວງຂໍ້ມູນຂ່າວສານ ແລະ ສື່ສານຫວຽດນາມ ແລະ ອໍານາດການປົກຄອງແຂວງຢຸນນານ, ໂດຍການປະຕິບັດຂອງກົມວິທະຍຸ ແລະ ໂທລະພາບແຂວງຢຸນນານໄດ້ຈັດຂຶ້ນຢູ່ນະຄອນຄຸນໝິງ.
ງານສັບປະດາຮັບຊົມວິດີໂອແມ່ນນໍ້າຂອງ-ແມ່ນໍ້າລ້ານຊ້າງດັ່ງກ່າວຈັດຕັ້ງພາຍໃຕ້ຫົວຂໍ້ “ການສືບທອດມໍລະດົກຮູບແຕ້ມ-ການເຊື່ອມຈອດຂອງພູຜາແມ່ນໍ້າ” ໂດຍຜ່ານວິທີການສະແດງມໍລະດົກນາມມະທຳທີ່ມີເອກະລັກພິເສດຂອງຈິີນ ແລະ ບັນດາປະເທດອາຊີໃຕ້-ອາຊີຕາເວັນອອກສ່ຽງໃຕ້ເພື່ອເພີ່ມທະວີຄວາມເຂົ້າອົກເຂົ້າໃຈ ແລະ ຄວາມໄວ້ເນື້ອເຊື່ອໃຈຂອງປະຊາຊົນບັນດາປະເທດ, ພ້ອມທັງເຮັດໃຫ້ອາລະຍະທຳຂອງບັນດາປະເທດຕ່າງໆໄດ້ຮັບການສຶບທອດ, ສ້າງສັນນະວັດຕະກໍາ ແລະ ພັດທະນາຂຶ້ນຜ່ານການຮ່ວມມື.
ໃນໄລຍະການຈັດງານສັບປະດາດັ່ງກ່າວ(ວັນທີ 17 ຫາວັນທີ 22 ມິຖຸນາ), ຈະມີກິດຈະກໍາປະເພດຕ່າງໆຄື: ເປີດສະແດງລາຍການວິດີໂອທີ່ດີເດັ່ນ, ຝຶກອົບຮົມສ້າງວິດີໂອສັ້ນຂອງຊາວໜຸ່ມຄັ້ງທີ 3, ການໂອ້ລົມສົນທະນາແລກປ່ຽນວິດີໂອ, ການຢ້ຽມຢາມ"ຈີນທີ່ສວຍງາມທີ່ສຸດ·ວິຖີຊີວິດການເປັນຢູ່ແບບຢຸນນານ", ເປີດສະແດງລະຄອນເລື່ອງ“ຮັບຊົມປະເທດຈີນ-ກ້າວເຂົ້າສູ່ປະເທດຫວຽດນາມ”ບົດລະຄອນໂທລະພາບດີເດັ່ນຂອງຈີນກັບຫວຽດນາມ ແລະ ກິດຈະກຳອື່ນໆ, ງານດັ່ງກ່າວໄດ້ສ່ອງແສງໃຫ້ເຫັນໝາກຜົນການຮ່ວມມືຂອງແມ່ນໍ້າຂອງ-ແມ່ນໍ້າລ້ານຊ້າງ, ຊຸກຍູ້ບາດກ້າວການຮ່ວມມືທາງດ້ານວິດີໂອໃນພາກພື້ນແມ່ນໍ້າຂອງ-ແມ່ນໍ້າລ້ານຊ້າງ.
ຜູ້ຕາງໜ້າ 400 ກວ່າຄົນຈາກໜ່ວຍງານວິທະຍຸ ແລະ ໂທລະພາບຂອງລັດຖະບານ ແລະ ອົງການສື່ມວນຊົນຕົ້ນຕໍຈາກບັນດາປະເທດລ້ານຊ້າງ-ແມ່ນ້ຳຂອງແລະ ບັນດາປະເທດອາຊີໃຕ້ເຊັ່ນ: ປາກີສະຖານ, ສີລັງກາ, ບັງກະລາເທດ ໄດ້ເຂົ້າຮ່ວມງານ.

18/06/2024

ຖານການສົ່ງອອກລົດຍົນແລະລົດຈັກພະລັງງານໃໝ່ຂອງອາຊີໃຕ້ແລະອາຊີຕາເວັນອອກສຽງໃຕ້ສ້າງຕັ້ງຂຶ້ນຢູ່ນະຄອນຄຸນໝິງ
ວັນທີ 13 ມິຖຸນານີ້, ຖານການສົ່ງອອກລົດຍົນ ແລະ ລົດຈັກພະລັງງານໃໝ່ຂອງອາຊີໃຕ້ແລະອາຊີຕາເວັນອອກສຽງໃຕ້ໄດ້ໄຂຂຶ້ນຢູ່ສວນອຸດສາຫະກຳການຄ້າດີຈີຕອນຂ້າມແດນຮວາຮົ່ງຄຸນໝິງແຂວງຢຸນນານ.
ແຕ່ເດືອນ ມັງກອນ ຫາເດືອນ ເມສາ ປີ 2024, ນະຄອນຄຸນໝິງໄດ້ສົ່ງອອກລົດມືສອງທັງໝົດ 473 ຄັນ, ເປັນມູນຄ່າ 8,11 ລ້ານໂດລາ. ພື້ນຖານການສົ່ງອອກລົດຍົນແລະລົດຈັກພະລັງງານໃໝ່ຂອງອາຊີໃຕ້ແລະອາຊີຕາເວັນອອກ
ສຽງໃຕ້ມີເນື້ອທີ່ເກືອບ 20.000 ຕາແມັດ, ເຊິ່ງໄດ້ຮ່ວມມືກັບບໍລິສັດລົດຍົນພະລັງງານໃໝ່ 10 ແຫ່ງ, ແລະ ຈະອີງໃສ່ຮ້ານຄ້າ 4S ຫຼາຍກວ່າ 50 ແຫ່ງໃນເຂດເສດຖະກິດຂອງຄຸນໝິງ, ບໍລິສັດ 2000 ກວ່າແຫ່ງຈາກສະມາຄົມກິລາລົດຍົນ ແລະ ລົດຈັກແຂວງຢຸນນານ, ກັບຜູ້ຄ້າ 600ກວ່າຮ້ານຢູ່ສວນລົດຍົນແລະລົດຈັກຮວາຮົ່ງ,ເພື່ອວາງແຜນການສ້າງພື້ນຖານການສົ່ງອອກຕ່ອງໂສ້ອຸດສາຫະກຳລົດຍົນແລະລົດຈັກພະລັງງານໃໝ່ແລະເວທີບໍລິການຮຽກໂຮມບໍລິສັດແລະສົ່ງເສີມການລົງທຶນ,ໃຫ້ສະຫນອງການບໍລິການແບບມືອາຊີບແລະເຕັມຮູບແບບເຊັ່ນ:ການສົ່ງອອກຂອງລົດຍົນແລະລົດຈັກພະລັງງານໃຫມ່, ລົດມືສອງ, ແລະເຄື່ອງອາໄຫຼ່, ການສະແດງແລະການເຮັດທຸລະກໍາ, ການຖ່າຍທອດສົດທາງການຄ້າເອເລັກໂຕຣນິກ, ການຄຸ້ມຄອງການຂັບຂີ່ລົດ ແລະ ອື່ນໆ.

18/06/2024

ງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ມີຈຸດເດັ່ນຫຍັງແດ່?
ແຕ່ວັນທີ 17 ຫາວັນທີ 22 ມິຖຸນານີ້, ງານສັບປະດາຮັບຊົມວິດີໂອແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 5 ຈັດຂຶ້ນຢູ່ຄຸນໝິງ, ຢຸ້ຍຊີ ແລະ ສະຖານທີ່ອື່ນໆຂອງແຂວງຢຸນນານ. ງານສັບປະດາຮັບຊົມວິດີໂອນີ້ເມື່ອປຽບທຽບກັບປີທີ່ຜ່ານມາມີຄວາມປະດິດສ້າງໃຫມ່ຫຼາຍ
ກວ່າໃນເນື້ອຫາ ແລະ ຮູບແບບ. ງານດັ່ງກ່າວນີ້ມີຈຸດເດັ່ນຫຍັງແດ່,ເຊີນທ່ານມາເບິ່ງນໍາກັນ.
ງານດັ່ງກ່າວຈະເປັນເວທີທີ່ແລກປ່ຽນທຸລະກິດແບບໜ້າຕໍ່ໜ້າລະຫວ່າງສື່ມວນຊົນຈີນກັບສື່ມວນຊົນສຳຄັນຂອງບັນດາປະເທດອາຊີໃຕ້ແລະອາຊີຕາເວັນອອກສຽງໃຕ້,ໃນຂະນະດຽວກັນ, ພິທີເປີດດັ່ງກ່າວຈະເຜີຍແຜ່, ໂຄສະນາ ແລະ ສົ່ງເສີມບົດປະພັນເຊັ່ນ:ປະກອບການປະດິດຄິດແຕ່ງດ້ວຍຫົວຂໍ້ວ່າ "ການທ່ອງທ່ຽວຢູ່ແຂວງຢຸນນານດ້ວຍລະຄອນສັ້ນ" ແລະ ລະຄອນອອນລາຍພາຍໃຕ້ຊື່ວ່າ"ເມື່ອລະດູຝົນມາຮອດ" ເຊິ່ງຮ່ວມຜະລິດໂດຍ 6 ປະເທດແມ່ນໍ້າລ້ານຊ້າງ-ແມ່ນ້ຳຂອງ, ການຜະລິດສາລະຄະດີພາຍໃຕ້ຊື່ວ່າ"ເພື່ອນບ້ານທີ່ດີ"ໂດຍຈີນກັບຕ່າງປະເທດຮ່ວມຖ່າຍ ແລະຜະລິດ, ຈະແບ່ງປັນປະສົບການທີ່ກ້າວໜ້າ ແລະ ການປະຕິບັດແບບຢ່າງຂອງການຮ່ວມມື ແລະ ການຖ່າຍທໍາຮ່ວມກັນ.
ນັບເປັນຄັ້ງທໍາອິດທີ່ກິດຈະກຳໄດ້ເຊີນແຂກທັງພາຍໃນ ແລະ ຕ່າງປະເທດໄປຢ້ຽມຢາມນະຄອນຕ່າງໆຂອງແຂວງຢຸນນານ,ໂດຍເລີ່ມຈາກນະຄອນຄຸນໝິງ, ຊົມທິວທັດພູມສັນຖານແລະ ຮີດຄອງປະເພນີທ້ອງຖິ່ນ, ເຂົ້າໃຈສະພາບການພັດທະນາເສດຖະກິດສັງຄົມຂອງນະຄອນຢຸ້ຍຊີ, ກິ່ງແຂວງປົກຄອງຕົນເອງເຜົ່າຢີຊູສົງ, ກິ່ງແຂວງປົກຄອງຕົນເອງເຜົ່າມົ້ງເຜົ່າຈວງເວີນຊານ.
ງານສັບປະດາຮັບຊົມວິດີໂອແມ່ນນໍ້າຂອງ-ແມ່ນໍ້າລ້ານຊ້າງຄັ້ງນີ້ເອົາໃຈໃສ່ເຖິງການສະແດງອອກຂອງຊາວໜຸ່ມ ແລະ ເປັນແບບສາກົນຫຼາຍກວ່າເກົ່າ, ເພີ່ມທະວີອັດຕາສ່ວນການນຳສະເໜີວິດີໂອອອນລາຍໃນກິດຈະກຳຕົ້ນຕໍ, ແລະ ເຊື່ອມໂຍງອົງປະກອບກະແສນິຍົມອິນເຕີເນັດຫຼ້າສຸດ,ເພື່ອເຕີມເຕັມບາດກ້າວໃໝ່ເຂົ້າໃນການພົບປະແລກປ່ຽນວັດທະນະທຳຂອງເຂດແມ່ນ້ຳລ້ານຊ້າງ-ແມ່ນ້ຳຂອງ.

18/06/2024

ໂຄງການຂ່າວຮັບຊົມວິດີໂອພາສາມືການຮ່ວມມືລາວ-ຈີນ ລົງນາມໃນສັບປະດາ ແມ່ນໍ້າລ້ານຊ້າງ-ແມ່ນໍ້າຂອງ
ໃນວັນທີ 17 ມິຖຸນານີ້, ງານ ສັບປະດາຮັບຊົມວິດີໂອແມ່ນໍ້າລ້ານຊ້າງ-ແມ່ນໍ້າຂອງ ຄັ້ງທີ 5 ໄດ້ຈັດຂຶ້ນຢູ່ນະຄອນຄຸນໝິງ, ໂດຍໄດ້ຮັບການ ສະໜັບສະໜູນຈາກກົມ ໃຫຍ່ສະຖານີວິທະຍຸ-ໂທລະພາບແຫ່ງຊາດຈີນ, ຮ່ວມກັບອໍານາດການປົກຄອງ ແຂວງຢຸນນານ, ພ້ອມດ້ວຍສະຖານີວິທະຍຸ ແລະ ໂທລະພາບແຂວງ ຢຸນນານໄດ້ ຮ່ວມກັນເປີດສາກຂຶ້ນ. ໃນມື້ດຽວກັນນັ້ນ, ສານສື່ສານສາກົນພາກພື້ນອາຊີໃຕ້ ແລະ ອາຊີຕາເວັນ ອອກສຽງໃຕ້ຂອງແຂວງຢຸນນານໄດ້ລົງນາມຂໍ້ຕົກລົງກັບໂທລະພາບ ແຫ່ງຊາດລາວເພື່ອຄວາມຮ່ວມມືລາວ-ຈີນ ໃນໂຄງການຂ່າວຮັບຊົມວິດີໂອພາສາມື.
ໂຄງການນີ້ແມ່ນໂຄງການຂ່າວຮັບຊົມວິດີໂອພາສາມືຄັ້ງທໍາອິດໃນປະເທດລາວ ໂດຍການສະໜັບສະໜູນ ດ້ານການເງິນໂດຍ ບໍລິສັດພະລັງງານສາກົນແມ່ນໍ້າ ລ້ານຊ້າງ-ແມ່ນໍ້າຂອງໄຟຟ້າພາກໃຕ້ ຈຳກັດ (China Southern Power Grid Lanmei International Energy Co., Ltd.), ສູນສື່ສານສາກົນພາກພື້ນອາຊີໃຕ້ ແລະ ອາຊີຕາເວັນອອກສຽງໃຕ້ຂອງແຂວງຢຸນນານ ແລະ ໂທລະພາບແຫ່ງຊາດລາວ ຮ່ວມກັນ ຈັດຕັ້ງ ປະຕິບັດ ການວາງແຜນ, ການຖ່າຍທຳ, ການແປພາສາມື ແລະ ການຈັດວາງໂຄງການທີ່ຈະອອກອາກາດ. ໂຄງການນີ້ເພື່ອ ແນໃສ່ສືບຕໍ່ ເສີມຂະຫຍາຍບົດບາດຂອງສື່ມວນຊົນໃນການຮັບໃຊ້ການກໍ່ສ້າງປະຊາຄົມຮ່ວມ ຊາຕາກຳລາວ- ຈີນ, ເຕີມເຕັມຊ່ອງຫວ່າງໃນໂຄງການພາສາມືຂອງລາວ, ຊຸກຍູ້ ການເຜີຍແຜ່ຂໍ້ມູນຂ່າວສານທີ່ແທ້ຈິງໃຫ້ທັນ ເວລາ, ເຮັດໃຫ້ການຮ່ວມມືທີ່ເປັນ ມິດຕະພາບ ແລະ ການແລກປ່ຽນວັດທະນະທຳລະຫວ່າງປະຊາຊົນລາວ-ຈີນ ເລິກເຊິ່ງຍິ່ງຂຶ້ນ. ລາຍການດັ່ງກ່າວຈະເປີດຕົວໃນເດືອນກໍລະກົດປີນີ້ ແລະ ຈະອອກ ອາກາດທາງໂທລະພາບ ແຫ່ງຊາດລາວ ໃນພາກຂ່າວ
ຮ່ວມລົງນາມໃນຄັ້ງນີ້ ຝ່າຍລາວແມ່ນ ທ່ານ ນ. ມາໄລວຽງ ວົງຈັນດີ ຮອງຜູ້ ອໍານວຍການໃຫຍ່ໂທລະພາບແຫ່ງຊາດລາວ, ຝ່າຍຈີນ ທ່ານ ຫວັງຖິງຢ້າວ (Wang Tingyao) ຮອງບັນນາທິການໃຫຍ່ ໜັງສືພິມລາຍວັນຢຸນນານ, ຫົວໜ້າສູນການ ສື່ສານສາກົນພາກພື້ນອາຊີໃຕ້-ອາຊີຕາເວັນອອກສ່ຽງໃຕ້ ແຂວງຢຸນນານ ພ້ອມດ້ວຍ ພາກສ່ວນກ່ຽວຂ້ອງເຂົ້າຮ່ວມ.

18/06/2024

ການທາສີແກ່ວີ, ມະຫັດສະຈັນ🤩

16/06/2024

ເຄື່ອງປັ່ນຫມາກຖົ່ວດິນ ສະດວກ!

16/06/2024

ຕັ່ງນັ່ງໄດ້ຍາມເຮັດວຽກໄຮ່ວຽກນາ, ຫຍິບໂດຍເອງໄດ້, ທັງສະດວກທັງປະຢັດກຳລັງແຮງໄດ້, ປັນຍາຂອງຊາວນາ👍👍

15/06/2024

ວິທີການເກັບຫມາກຫມັ້ນ ເກັ່ງໆ
ແຕ່ເປັນຫຍັງໃບໄມ້ບໍ່ຫລົ່ນ?

12/06/2024

“ຜູ້ເກັ່ງການກໍ່ສ້າງໂຄງລ່າງພື້ນຖານ” ໃນໂລກນົກ: ສ້າງ “ເຮືອນປະນີດ” ສຳເລັດໃນເວລາ 9 ວັນ
鸟界“基建狂魔”：9天建好“精品房”
ຫວ່າງມໍ່ໆມານີ້, ຊ່າງພາບຄົນໜຶ່ງໄດ້ຕິດຕາມ ແລະ ຖ່າຍຮູບຂະບວນການສ້າງຮັງຂອງນົກເອິກສີເຫຼືອງທີ່ເມືອງເໝີງລຽນແຂວງຢຸນນານ. ຕົ້ນໄມ້ໃບຫຍ້າກ້ານຕໍ່ກ້ານ, ໄປມາທີລະຖ້ຽວເປັນຈໍານວນຫຼາຍເທື່ອ, ມັນໄດ້ໃຊ້ເວລາ 9 ມື້ໃນການສ້າງຮັງທີ່ມີຄຸນນະພາບສູງໂດຍມີຫຍ້າຢູ່ຂ້າງໃນ, ຈຶ່ງຖືກປະຊາຊົນທ້ອງຖິ່ນເອີ້ນວ່າເປັນ “ຜູ້ເກັ່ງການກໍ່ສ້າງໂຄງລ່າງພື້ນຖານ” ໃນໂລກນົກ.

12/06/2024

“ນົກຕາໃຫຍ່” ປະກົດຕົວຢູ່ນະຄອນເຊ້ຍເໝີນປະເທດຈີນ
“大眼萌鸟”现身厦门
ໃບໜ້າຄ້າຍຄືກັບແມວ ແລະ ດວງຕາແມ່ນມົນໆ. ຫວ່າງມໍ່ໆມານີ້, ມີນົກຮູກທີ່ໜ້າຮັກຫຼາຍໂຕໄດ້ປະກົດຕົວຢູ່ນະຄອນເຊ້ຍເໝີນປະເທດຈີນເລື້ອຍໆ, ພວກມັນບາງຄັ້ງຈະພັກຜ່ອນນອນຫຼັບຢູ່ເທິງຕົ້ນໄມ້, ຫຼື ສັ່ນໄກວຫົວໄປມາ, ດວງຕາໜ່ວຍໃຫຍ່ໆໄດ້ຈ້ອງເບິ່ງມາຍັງຜູ້ຄົນທີ່ພວມຍ່າງໃຕ້ຕົ້ນໄມ້ຢ່າງປະຫຼາດ.

12/06/2024

ງານລ້ຽງດອກບົວ
荷花宴
ມາຮອດເດືອນ ມິຖຸນາ, ດອກບົວອອກດອກເຕັມທີ່ ຢູ່ແຫຼ່ງທ່ອງທ່ຽວຜູເຈີໄຮ ເມືອງຊີວເປີຍ ແຂວງຢຸນນານ, ຊາວບ້ານໃຊ້ວັດຖຸດິບໃນທ້ອງຖີ່ນກໍຄື ເອົາໃບດອກບົວສົດ, ເມັດດອກບົວ, ກ້ານດອກບົວ, ໜໍ່ດອກບົວ, ແລະ ຮາກດອກບົວ ມາແຕ່ງເປັນງານລ້ຽງດອກບົວທີ່ທັງແຊບທັງງາມ.

12/06/2024

ນີ້ແມ່ນວິທີການແຕ້ມຮູບໃຫມ່ຫຼາຍ
这是一种很新的绘画方式
ຫວ່າງມໍ່ໆມານີ້, ທີ່ແຂວງຢຸນນານ, ມີຄົນໄດ້ເອົາແຜ່ນນ້ອຍເລີ່ມໝຸນວຽນ, ແລະ ຄົນນ້ອຍໆຢູ່ໃນແຜ່ນນັ້ນກໍມີຊີວິດຂຶ້ນມາທັນທີ.

Address

Website

http://laos.yunnangateway.com/

Alerts

Be the first to know and let us send you an email when ວາລະສານຈໍາປາ posts news and promotions. Your email address will not be used for any other purpose, and you can unsubscribe at any time.

Videos

ຂອງຂວັນຮັບປະລິນຍາແບບນີ້, ທ່ານຢາກໄດ້ບໍ? ເມື່ອບໍ່ດົນມານີ້, ທຸກຄົນທີ່ຈົບການສຶກສາປີ2024ໃນຫ້ອງທົດລອງຄົ້ນຄ້ວາແຫ່ງໜຶ່ງຂອງສະຖາບັນຄົ້ນຄວ້າເຕັກໂນໂລຊີວັດສະດຸໃໝ່ຂອງມະຫາວິທະຍາໄລວິທະຍາສາດ ແລະ ເຕັກໂນໂລຊີປັກກິ່ງໄດ້ຮັບຂອງຂວັນພິເສດສໍາລັບການສໍາເລັດການສຶກສານັ້ນຄື ແຫວນເພັດ. ແຫວນຄຳຂາວປະດັບດ້ວຍເພັດ 2 ເມັດ, ແຫວນເພັດສີດຳ 0.5 ກະຣັດ ແລະ ແຫວນເພັດສີຂາວ 0.5 ກະຣັດ. ອີງຕາມໂຮງຮຽນແນະນຳວ່າ, ແຫວນເພັດນີ້ໄດ້ຖືກສ້າງຢ່າງເປັນເອກະລາດໂດຍຫ້ອງທົດລອງຄົ້ນຄ້ວານີ້. ທ່ານຕ້ອງການຂອງຂວັນຮຽນຈົບປະລິນຍາແບບນີ້ບໍ?

ການທາສີແກ່ວີ, ມະຫັດສະຈັນ🤩

ເຄື່ອງປັ່ນຫມາກຖົ່ວດິນ ສະດວກ!

ວິທີການເກັບຫມາກຫມັ້ນ ເກັ່ງໆ ແຕ່ເປັນຫຍັງໃບໄມ້ບໍ່ຫລົ່ນ?

“ຜູ້ເກັ່ງການກໍ່ສ້າງໂຄງລ່າງພື້ນຖານ” ໃນໂລກນົກ: ສ້າງ “ເຮືອນປະນີດ” ສຳເລັດໃນເວລາ 9 ວັນ 鸟界“基建狂魔”：9天建好“精品房” ຫວ່າງມໍ່ໆມານີ້, ຊ່າງພາບຄົນໜຶ່ງໄດ້ຕິດຕາມ ແລະ ຖ່າຍຮູບຂະບວນການສ້າງຮັງຂອງນົກເອິກສີເຫຼືອງທີ່ເມືອງເໝີງລຽນແຂວງຢຸນນານ. ຕົ້ນໄມ້ໃບຫຍ້າກ້ານຕໍ່ກ້ານ, ໄປມາທີລະຖ້ຽວເປັນຈໍານວນຫຼາຍເທື່ອ, ມັນໄດ້ໃຊ້ເວລາ 9 ມື້ໃນການສ້າງຮັງທີ່ມີຄຸນນະພາບສູງໂດຍມີຫຍ້າຢູ່ຂ້າງໃນ, ຈຶ່ງຖືກປະຊາຊົນທ້ອງຖິ່ນເອີ້ນວ່າເປັນ “ຜູ້ເກັ່ງການກໍ່ສ້າງໂຄງລ່າງພື້ນຖານ” ໃນໂລກນົກ.

“ນົກຕາໃຫຍ່” ປະກົດຕົວຢູ່ນະຄອນເຊ້ຍເໝີນປະເທດຈີນ “大眼萌鸟”现身厦门 ໃບໜ້າຄ້າຍຄືກັບແມວ ແລະ ດວງຕາແມ່ນມົນໆ. ຫວ່າງມໍ່ໆມານີ້, ມີນົກຮູກທີ່ໜ້າຮັກຫຼາຍໂຕໄດ້ປະກົດຕົວຢູ່ນະຄອນເຊ້ຍເໝີນປະເທດຈີນເລື້ອຍໆ, ພວກມັນບາງຄັ້ງຈະພັກຜ່ອນນອນຫຼັບຢູ່ເທິງຕົ້ນໄມ້, ຫຼື ສັ່ນໄກວຫົວໄປມາ, ດວງຕາໜ່ວຍໃຫຍ່ໆໄດ້ຈ້ອງເບິ່ງມາຍັງຜູ້ຄົນທີ່ພວມຍ່າງໃຕ້ຕົ້ນໄມ້ຢ່າງປະຫຼາດ.

ນີ້ແມ່ນວິທີການແຕ້ມຮູບໃຫມ່ຫຼາຍ 这是一种很新的绘画方式 ຫວ່າງມໍ່ໆມານີ້, ທີ່ແຂວງຢຸນນານ, ມີຄົນໄດ້ເອົາແຜ່ນນ້ອຍເລີ່ມໝຸນວຽນ, ແລະ ຄົນນ້ອຍໆຢູ່ໃນແຜ່ນນັ້ນກໍມີຊີວິດຂຶ້ນມາທັນທີ.

ຟື້ນຟູຕ່ອນເຄື່ອງປັ້ນດິນເຜົາທີ່ແຕກຫັກເປັນຜົນງານສິລະປະ 把碎瓷片“复活”成艺术品 ທ່ານເຄີຍເຫັນຫໍພິພິທະພັນເຄື່ອງປັ້ນດິນເຜົາແບບນີ້ບໍ? ເຄື່ອງວາງສະແດງພາຍໃນລ້ວນແຕ່ເປັນເຄື່ອງທີ່ແຕກຫັກເກືອບໝົດ! ໃນປີ 1369, ລາຊະວົງໝິງໄດ້ສ້າງຕັ້ງໂຮງງານເຄື່ອງປັ້ນດິນເຜົາສະເພາະພະລາດຊະວົງທີ່ຕາແສງຈິງເຕີເຈີ້ນ, ເພື່ອເຜົາເຄື່ອງປັ້ນດິນເຜົາແກ່ຄອບຄົວລາຊະວົງສະເພາະ, ຖ້າຜົນງານທີ່ໄດ້ເຜົາອອກມາມີຂໍ້ບົກພ່ອງເລັກໜ້ອຍຈະຖືກຫັກຖິ້ມ ແລະ ຝັງໄວ້. ໃນປັດຈຸບັນ, ຜູ້ຊ່ຽວຊານດ້ານບູຮານຄະດີໄດ້ເຮັດການແປະຕິດ ແລະ ການສ້ອມແປງແຜ່ນຫັກເຫຼົົ່ານີ້ທີ່ຂຸດຄົ້ນອອກມາ, ຊິ້ນສ່ວນເຄື່ອງປັ້ນດິນເຜົາອທີ່ແຕກຫັກນັບບໍ່ຖ້ວນໄດ້ຮັບການ “ຟື້ນຄືນຊີບ”.

ການແຕ້ມຮູບນີ້ມີກຳລັງຊີວິດຊີວາແທ້ໆ! ດອກໄມ້ຂອງຜູ້ຊາຍນີ້ຈະມອບບໍ່ອອກຕະຫລອດແລ້ວ, ຮາຮາຮາ

ໂຕຫ່ານຊ່ວຍເຫລືອເຮັດວຽກໄຮ່ວຽກນາແລ້ວ ເກັ່ງໆ

ໃນຂະນະທີ່ບຸນຕ່ວນອູຈີນມາເຖິງ, ບ້ານຢົງຈ່ຽງແຂວງກຸ້ຍໂຈ່ວແຕ່ງເຂົ້າຫນົມຕຸ້ມຂະຫນາດໃຫຍ່ເພື່ອແບ່ງປັນນຳກັນ.

ກະຕ່າຍນ້ອຍກິນສະໂຕເບີຮີ💗💗

ບຸນຕ່ວນອູ(ມື້ໄຫວ້ອາໄລເຖິງຊູ່ຢວນ) ຫລືບຸນຊ່ວງເຮືອຂອງຈີນ ຂໍໃຫ້ທຸກຄົນມີສຸຂະພາບແຂງແຮງ, ໄປມາປອດໄພ! 祝各位及家人端午安康！

ຄວາມສາມາດການ “ຂ້າ”ຫຍ້າຂອງໂຕເປັດເກັ່ງປານນີ້!

ເຄື່ອງຫັດຖະກຳໄມ້ໄຜ່ ວິທີການຫາເງິນອີກຢ່າງຫນຶ່ງ

ສາຍການເລືອກໂຕໄກ່ນ້ອຍ

ມາຂີ່ປູມເປົ້າລົມຮ້ອນທີ່ສວນທ່ອງທ່ຽວພູເຈີໄຮ 来普者黑坐热气球 ທີ່ເຂດທ່ອງທ່ຽວລະດັບ 5A ແຫ່ງຊາດ ແລະ ສວນສະຫງວນດິນຊຸມແຫ່ງຊາດພູເຈີໄຮເມືອງຊິວເປີຍກິ່ງແຂວງປົກຄອງຕົນເອງເຜົ່າຈ້ວງ-ເຜົ່າມົ້ງເວີນຊານແຂວງຢຸນນານ, ນັກທ່ອງທ່ຽວສາມາດຂີ່ປູມເປົ້າລົມຮ້ອນລອຍຂຶ້ນສູ່ທ້ອງຟ້າຕາມແສງສະຫວ່າງຂອງອາທິດຍາມເຊົ້າໄດ້, ແລະ ທ່ຽວຊົມທິວທັດຂອງທົ່ງນາໃນພູມສັນຖານທີ່ມີເອກະລັກແບບ karst ຢ່າງເຕັມທີ່, ຈັ່ງແມ່ນໜ້າອອນຊອນ ແລະສະບາຍໃຈອີ່ຫຼີ.

ລາຊາແຫ່ງໝາກໂມເກີດມາແລ້ວ! ໝາກໂມໜຶ່ງໜ່ວຍມີນ້ຳໜັກເກືອບ 90 ກິໂລ 瓜王诞生！一个西瓜近90公斤 ໃນງານໝາກໂມເຂດຕ້າຊິງນະຄອນຫຼວງປັກກິ່ງຄັ້ງທີ 36, ໝາກໂມ ນໍ້າໜັກ 88,95 ກິໂລທີ່ປູກໂດຍຊາວນາ ທ່ານ ເຊ້ຍເຈີ້ງຈ່ຽງ ໄດ້ຮັບນາມມະຍົດ “ລາຊາແຫ່ງໝາກໂມ”. ໃນງານໝາກໂມຄັ້ງນີ້, ມີໝາກໂມລວມທັງ 392 ໜ່ວຍເຊິ່ງແບ່ງເປັນ 6 ກຸ່ມທີ່ມາຈາກທົ່ວປະເທດຈີນໄດ້ເຂົ້າຮ່ວມການແຂ່ງຂັນ, ປະເມີນອອກລາງວັນ 6 ປະເພດ, ເຊັ່ນ: ກຸ່ມໝາກໂມຂະໜາດໃຫຍ່, ກຸ່ມໝາກໂມຂະໜາດກາງ, ກຸ່ມໝາກໂມຂະໜາດນ້ອຍ, ກຸ່ມໝາກໂມລົດຊາດຫວານ, ກຸ່ມໝາກໂມຊະນິດໃໝ່, ກຸ່ມໝາກໂມທີ່ມີຄວາມຄິດປະດິດສ້າງ.

ຫາຍາກ! ເຂດໃຈກາງຂອງທະເລຊາຍ ທາຄລະມະກັນ ມີຝົນຕົກລົງ 罕见！塔克拉玛干沙漠腹地迎来降雨 ຕອນເຊົ້າວັນທີ 27 ພຶດສະພານີ້, ໄດ້ມີນ້ຳຝົນຕົກຢູ່ເຂດໃຈກາງຂອງທະເລຊາຍ ທາຄລະມະກັນເຂດຊິນຈ່ຽງ. ທະເລຊາຍທາຄລະມະກັນ ມີເນື້ອທີ່ 330,000 ຕາລາງກິໂລແມັດ ແລະເປັນທະເລຊາຍທີ່ໃຫຍ່ທີ່ສຸດໃນປະເທດຈີນ.

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City: