گەنجانی کۆمەڵ Ganjani Komali Dadgari

12/12/2023

30/11/2023

08/11/2023

08/11/2023

بسم الله والحمد لله.
بەداخەوە درۆو بوهتانەکانتان دوژمنکارانەیەو هەڵوێستەکانتان لەموسڵمان ناوەشێتەوە؟!!

ئەو کەسانەی کە ڕووبەڕووی شەڕو ستەم و داگیرکاری یەهوود بوونەتەوە بە ڕۆح و ماڵ و منداڵ و سەروەت و سامانیان، کەسانێکن نەک تەنها خۆیان بەڵکو باوەگەورەشیان لە ژێر وێرانکاری و تۆپ و تەیارەی یەهوودی داگـ.ـیرکەری بکـ.ـوژی پێغەمبەران لە دایکبوون و پیاوی ئەو مەیدانەن و سەنگەرێکی مەحکەم و بەهێزی پاراستنی مزگەوتی ئەقسای قیبلەی یەکەمی موسڵمانانن و قوتابخانەی خۆڕاگری و مامۆستای وانەبێژی سەبرو ئارامگرتنن و بەزمان و بەکردەوە بۆ هەموو دونیایان سەلماند ، نابینن لەژێر ئەو بۆردومان و ئاگرو ئاسن و خانووە ڕوخاوانە چۆن وانەی ئارامگرتن و شوکرانەبژێریمان بەکردەوە بۆ دەڵێنەوە و هەموو دونیایان بەئیمانی بەهێزو تەوەککول و پشتبەخوابەستنیان سەرسام کردووە !!

چۆن دەبێت موسڵمانێک ترسی خودای لەدڵدا بێت ڕێگە بەخۆی بدات لەم کاتەدا کە براکانیان بە بەهێزترین و دڕندانەترین چەک دەکـ.ـوژرێن و گۆشت و ئێسقانیان لەیەک جیادەکرێتەوە جورئەتی هەبێت ئیفتیڕاو بوهتانێکی وەها گەورە و ناڕەوا بۆ ئەو موجاهدانە بکات و بڵێت شەڕەکەیان هەڵگیرساند و لە تونێلەکاندا خۆیان شاردەوە ؟؟ ئەوە دینداری و دادپەروەری و وەفاو پاداشتتانە بۆئەو گیان فیداکەرانە ؟!

هەتاکەی بەخەبەر نایەن و لەخودا ناترسن و بەردەوام دەبن لەئازاردانی دڵی موسڵمانان و هەر ڕۆژەو درۆیەک بەگوێی هەموو دونیادا پەخش دەکەن !؟ لەکاتێکدا کە براکانتان بەبارودۆخێکی هەستیارو ترسناک و نالەباردا گوزەر دەکەن هاوشێوەی جەنگی ئەحزاب لەهەموو لایەکەوە گەمارۆ دراون و ئێوەش بێبەزەییانە لەخۆتانەوە تفەنـ.ـگ بەتاریکیەوە دەنێن و بوهتانیان بۆ دەکەن و دەڵێن ئەوانەی شەڕەکەیان هەڵگیرساند کەس نازانێ لەکوێن و لەچ تونێلێکدا خۆیان شاردووەتەوە و سەرکردەکانیان کوڕی خەڵک بەکوشت دەدەن و خۆیان لەدەرەوەن و لەئوتێلەکاندا ئیسراحەتن !!! لەگەڵ چەندها سووکایەتی و درۆی ناجوامێرانەی تر ؟؟

ئایە نازانن درۆو لەخۆوە قسەکردن و بوهتان هەڵبەستن حەرامەو پێچەوانەی ڕەوشتی بەرزی باوەڕدارانە و سەرپێچی کردنی فەرمانی خودای گەورەیە کەدەفەرموێت ( وَلَا تَقۡفُ مَا لَيۡسَ لَكَ بِهِ علم..ۦ... ) الإسْرَاء : ٣٦
واتا : ئەی ئادەمیزاد! شوێن شتێك مەكەوە، كە زانیاریت دەربارەی نیە.

ئەگەر موجاهـ.ـید و سەرکردە سەربازیەکان ترسنۆک بن و لە تونێلەکاندا خۆیان شاردبێتەوە وەک ئێوە ئیفتیڕایان بۆ دەکەن و دەڵێن ، دەبێ کاتێک ئەو سەربازانەی دوژمن کە لەبەرەکانی جەنـ.ـگ دەکوژرێن و بەدیل دەگیرێن و تانک و کەرەستە سەربازیەکانیان دەتەقێنرێتەوە و ڕاگەیاندکار و کەناڵەکان پەخشی دەکەن بوهتانچیەکان هەست بەخەجاڵەتی بکەن ؟؟

بەڕاست کامەیە بەڵگەو سەرچاوەی قسەو بوهتانە ناڕەواکانتان؟؟ جگە لە لەدیدو گومان و خەون و خەیاڵاتی خۆتان...
لەکاتێکدا ئەو کافر و دڵ ڕەقانەی شەڕیان لەگەڵ دەکەن ، هاوکارو پشتیوانە ئەوروپی و تەنانەت ئەمریکایەکانیش ناڵێن ئەوانە نەزان و ترسنۆکن و کەس نازانێ لەکوێن !!؟
بەڵکو باس لە بەرگری توندو، سەختی جەنگەکەو زۆری کوژراوو بریندارو زیانەکانی خۆیان دەکەن !!؟ پسپۆڕانی سەربازی وڵاتانیش دان بەداهێنان و لێزانی و گرنگی بیرۆکەی تونێلەکان و پاراستنی کۆدو شێوازی شەڕو کاتی سود لێوەرگرتنی دەکەن و دەڵێن : دەبێت پلان و شێوازی شەڕی ئەم موجاهیدانە بەدەرس بخوێندرێت لە کۆلێجە سەربازیەکان لەداهاتوودا .

پاشان تانەدان لە هەندێ سەرکردەی ئەو برایانەو بەکەم تەماشاکردنی جیهادو هیجرەت و نادیدە گرتنی ڕابردووی پڕ سەروەری و مێژوی پڕ قوربانیدانیان بەبوهتان و ئیفتیڕاکردن بۆیان بەوەی لە وڵاتان و ئوتێلەکاندا خۆیان شاردووەتەوە ، مەبەستیشان ئەو دوو شێخە موجـ.ـاهیدە گەورەیەن بەڕێزان( خالد مشعل و اسماعیل هەنیە)یە خودای گەورە بیانپارێزێ، ئەو بەڕێزانە بەئازایەتی و لێبڕان و تواناو کردەوە ئەو بەرپرسیارێتیە خراوەتە گەردنیان، ئەگەر پیاوی ئەو بوارەو شێری ئەو مەیدانە نەبوونایە نەدەبوونە جێگای متمانەی موجـ.ـاهیدەکان و گوێڕایەڵی تەواویان بۆیان نەدەبوو، شێر تەنها شێر دەتوانێ سەرکردەو پێشڕەوی بێت، ئەگەر ئەو پیاوانە ترسنۆک و دونیاویست بوونایە وەک تانەلێدەرانیان وێنایان بۆ دەکەن ئەو ئەمانەتە قورسەیان هەڵنەدەگرت و ڕووبەڕووی زلهێزەکان و سی ئای ئەی و مۆسـ.ـاد نەدەبوونەوەو، خالد مشعەلیش دەرمانخوارد نەدەکرا... وە ڕێگەی خۆبەدەستەوەدانیشیان دەزانی و دەیانتوانی ڕازی ببن بەو (دین) و دینداریەی کە دەسەڵاتدارانی حکومەتە عەرەبی و بەناو ئیسلامیەکان دەیانەوێت بەڵام ئەوان ئامادەنین وەک خەڵکانی تر بازرگانی بەدینەکەیانەوە بکەن..

ئومێدەوارم دەستهەڵگرن لەدژایەتی ئەو گەلە موسڵمانە ستەم دیدەیە پێش ئەوەی لە دادگای الله تەعالا یەقەتان بگرن، ئەو خەڵکە موسڵمانە خاکەکەیان داگیرکراوەو خەڵکێکی زۆریان ساڵانێکی زۆرە دەربەدەرو سەرگەردانی وڵاتانە و زیندانەکانی ئیسـ.ـرائیل جمەی دێ لەخەڵکی بێتاوانیان و لەئێستاشدا ڕۆژانە ماڵەکانیان بەسەردا دەڕوخێنن و خۆیان و منداڵ و کەسوکاریان بەشەهیدی و بەجلوبەرگی خوێناوی و لاشەی پارچەپارچەکراوەوە دەگەڕێنەوە لای خوداو بەبێ ئەوەی هیچ دوژمنکاریەکیان لەگەڵتاندا هەبێ...
اللهم أشهد قد بلغت

بەهەرحاڵ ئێمە لەژێر ڕۆشنایی ئایەتی(إِنَّمَا الْمُؤْمِنُونَ إِخْوَةٌ) هەموو موسڵمانانی جیهان لەهەر کوێ بن و هەر نەتەوەو زمانێکیان هەبێ بەبرای خۆمانیان دەزانین و بەسەرکەوتنیان دڵخۆشین و دەحەسێینەوە، بەئێش و ئازارو ناڵە و برین و گریانیشیان پەرێشان و غەمبار دەبین...
هەروەها پێغەمبەری خوا صلی الله علیه وسلم دەفەرموێت : ( الْمُؤْمِنُونَ كَرَجُلٍ وَاحِدٍ إِنْ اشْتَكَى رَأْسُهُ تَدَاعَى لَهُ سَائِرُ الْجَسَدِ بِالْحُمَّى وَالسَّهَرِ ) .وفي رواية : ( الْمُسْلِمُونَ كَرَجُلٍ وَاحِدٍ إِنْ اشْتَكَى عَيْنُهُ اشْتَكَى كُلُّهُ وَإِنْ اشْتَكَى رَأْسُهُ اشْتَكَى كُلُّهُ ) .قال شيخ الإسلام ابن تيمية – رحمه الله - :" ولهذا كان المؤمن يُسرُّه ما يُسرُّ المؤمنين ، ويسوؤه ما يسوؤهم ، ومَن لم يكن كذلك : لم يكن منهم !... " انتهى ." مجموع الفتاوى " ( 2 / 373 ، 274 ) .
واتا : باوەڕدار ئەوانەن کە خۆشحاڵن بە خۆشحاڵی باوەڕداران و دڵتەنگ و بێزار و ناڕەحەتن بە ناڕەحەتی باوەڕداران ، وە هەرکەسێک وا نەبێت ئەوە لە باوەڕداران نیە.
بۆیە خۆشویستنی ئەهلی ئیمان و دۆستایەتیمان بۆ برا باوەڕ دارەکانمان و دوژمنایەتیمان بۆ ئەهلی کوفرو شیرک و ڕیددە بە ئەرکێکی شەرعی دەزانین و بەشێکە لە بیروباوەڕی موسوڵمانێتیمان .
ئێمە ئیخوان نین و خۆمان بەحـ.ـەماس دەزانین، تاڵیـ.ـبانیش نەبووین و هەمیشە گوێبیستی نەڕەی تەکبیریان و چاوەڕوانی تەپڵی سەرکەوتنیان بووین..

لەکۆتاییشدا دەڵێم ئەی خالقی ئەرزو ئاسمانەکان، خاوەنی هەموو تواناو دەسەڵاتەکان، پەروەردکاری ئەولیاو گوناهبارەکان ئێمەی گوناهباری بێ دەسەڵاتیش دەستو دڵمان ئاراستەی تۆ دەکەین و داوات لێ دەکەین قودرەت و توانای بێسنوری خۆتمان لە جـ.ـیهادی براکانمان لەغەزە پیشان بدە و ئەم شەڕە بەسەرکەوتنیان کۆتایی پێ بێت و سەریان بەرزو ئاڵاکەیان بەشەکاوەیی بمێنێتەوە.
وآخر دعوانا ان الحمد لله رب العالمين.

07/11/2023

07/11/2023

تاکە کاندیدی کۆمەڵی دادگەریی کوردستان

بۆ ئەنجومەنی پارێزگاری کەرکوک
لە هاوپەیمانیی مەشخەڵی کەرکوک ۱٦۳
داواکارین لەخەڵک وجەماوەری شاری کەرکوکی خۆشەویست ، دەنگ و متمانەی خۆتان بدەن بە کاندیدی لێی هاتوو مامۆستا فەرحان و پشت بەخوای گەوره داکۆکیکارێکی باش دەبێت لە مافە ڕەواکانتان لە ئەنجومەنی پارێزگای کەرکوک .

هاوپەیمانی مەشخەڵی کەرکوک ۱٦۳
مامۆستا فەرحان کاندیدی ژمارە ۲

24/10/2023

انا لله وانا الیه راجعون
برای بەڕێز و خۆشەویستمان مامۆستا (عەبدولقادر ساڵح) ئەندامی سەرکردایەتی کۆمەڵی دادگەریی و بەرپرسی مەڵبەندی شارەزوورمان کۆچی دوایی کرد، خوای گەورە بە بەهەشتی بەریینی شادبکات و سەبووریی دڵی هەموولایەکمان بدات.

22/10/2023

20/10/2023

مامۆستا عەلی باپیر: هەر کەسێک پشتیوانیی فەلەستین نەکات، با گومانی لە ئیسلامبوون و کوردبوون و مرۆڤبوونی خۆشی بکات

12/10/2023

مێژووی داگیرکردنی فەلەستین لەلایەن جولەکەکانەوە

12/10/2023

له‌ نێوان جووله‌كه‌ زایۆنییه‌ داگیركار و فه‌له‌ستینییه‌ وڵات زه‌وتكراوه‌كاندا

سته‌ملێكراویی گه‌لی فه‌له‌ستین و سته‌مكاریی جووله‌كه‌ زایۆنییه‌كان، كه‌ پابه‌ند نه‌بوون به‌ چه‌ندان بڕیاری ئه‌نجوومه‌نی ئاسایش و نه‌ته‌وه‌ یه‌كگرتووه‌كانه‌وه‌، هیچ مشت و مڕێك هه‌ڵناگرێ بۆ هه‌ر كه‌سێك تۆزه‌ ئیمانێك یان لانی كه‌م بڕه‌ ویژدانێكی هه‌بێ، چونكه‌ جووله‌كه‌ زایۆنییه‌كان حه‌فتا و پێنج ساڵ له‌مه‌وبه‌ر (1948) به‌ ده‌سیسه‌ و پیلان و هاوكاریی و ده‌ست له‌پشت دانی زلهێزانی ئه‌وكاته‌، به‌تایبه‌تی ئه‌مه‌ریكا و به‌ریتانیا، قه‌واره‌یه‌كی ناڕه‌وایان له‌سه‌ر زه‌مینی گه‌لی فه‌له‌ستین بنیاتنا و، خه‌ڵكی وڵاته‌ داگیركراوه‌كه‌شیان ده‌ربه‌ده‌ر و په‌ڕاگه‌نده‌ و زۆرجاریش قه‌تڵعام كرد.

هه‌ربۆیه‌ش كه‌ له‌ ڕۆژی شه‌ممه‌ (7/10/2023 ز)دا مسوڵمانانی فیداكاری كه‌رتی غه‌ززه‌ زه‌برێكی گورچكبڕیان له‌و قه‌واره‌ ناڕه‌وایه‌ وه‌شاند و به‌توندیی هه‌ژاندیان، بۆ تێكڕای مسوڵمانان و مرۆڤه‌ ویژدان زیندووه‌كانی دنیا، مایه‌ی دڵخۆشیی بوو، له‌نێویشیاندا خه‌ڵكی كوردستان له‌ هه‌موو به‌شه‌كانیدا: باكوور و باشوور و ڕۆژهه‌ڵات و ڕۆژئاوا، به‌ڵام جێی داخ و سه‌رسوڕمانه‌ كه‌ كه‌مینه‌یه‌ك به‌و ڕووداوه‌ كێچیان كه‌وته‌ كه‌وڵ و، زۆر بێزار و نیگه‌ران بوون، ته‌نانه‌ت به‌هۆی نووسینێكی به‌نده‌وه‌ له‌: (7/10/2023 ز)دا كه‌سانێك له‌و دڵسووتاوانه‌ی جووله‌كه‌ زایۆنییه‌كان، كه‌ وابه‌سته‌ و دابه‌سته‌ی به‌رپرسانێكی ده‌سه‌ڵاتدار یان بێ ده‌سه‌ڵاتی پاره‌دارن – پاره‌ی حه‌ڕام و به‌ ناڕه‌وایی په‌یداكراو -، كه‌وتنه‌ قسه‌ی ناشیرین كردن و بوختان و درۆ هه‌ڵبه‌ستن به‌رانبه‌ر به‌ به‌نده‌، بێ ئاگا له‌وه‌ی كه‌ ئه‌و جۆره‌ جنێودان و تۆمه‌ت و درۆ هه‌ڵبه‌ستنانه‌، وه‌ك تفی به‌ره‌و سه‌ر بۆ خاوه‌نیان ده‌گه‌ڕێنه‌وه‌.

دڵسۆزانه‌ش به‌و جۆره‌ كه‌سانه‌ و پێش وانیش، به‌ هانده‌ره‌ پاره‌ پێده‌ره‌كانیان ده‌ڵێم: دڵنیابن به‌ ماستاوی به‌لاش كردن بۆ جووله‌كه‌ سته‌مكاره‌كان و، دژایه‌تییكردنی مسوڵمانه‌ فه‌له‌ستینییه‌ وڵات داگیركراوه‌كان، هه‌ر گوناهبا‌ریی و شه‌رمه‌زاریی بۆ خۆتان زیاد ده‌كه‌ن و، ناسنامه‌ی ڕاسته‌قینه‌ی خۆتان ئاشكراتر ده‌كه‌ن و، نیشانه‌ی پرسیاریش نه‌ك هه‌ر له‌سه‌ر مسوڵمانه‌تیی خۆتان په‌یداده‌كه‌ن، چونكه‌ مرۆڤ ئه‌گه‌ر مسوڵمان بێ ده‌بێ پشتی مسوڵمانان بگرێ، به‌تایبه‌ت ئه‌گه‌ر وه‌ك فه‌له‌ستینییه‌كان مه‌زڵوومیش بن، هه‌روه‌ها مزگه‌وتی ئه‌قصا و قودسیش خاڵی هاوبه‌شی نێوان تێكڕای مسوڵمانانه‌، چونكه‌ یه‌كه‌مین ڕووگه‌ و سێیه‌مین حه‌ڕه‌میان و، شوێنی سه‌فه‌ری شه‌وڕۆ و میعڕاجی پێغه‌مبه‌ره‌كه‌یانه‌: {سُبْحَانَ الَّذِي أَسْرَىٰ بِعَبْدِهِ لَيْلًا مِّنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ الْبَصِيرُ (1)} الإسراء.

بگره‌ نیشانه‌ی پرسیار – بۆ به‌شێكتان - له‌سه‌ر كوردایه‌تیی و خه‌باتی ڕزگاریخوازیی و، بۆ به‌شێكیشتان له‌سه‌ر پڕوپاگه‌نده‌ و دروشمه‌ دیماگۆجیی و خه‌ڵك فریوده‌ره‌كانیشتان په‌یداده‌كه‌ن، چونكه‌ ئه‌وه‌ی ئێستا فه‌له‌ستینییه‌كان بۆی تێده‌كۆشن، هه‌مان ئامانجه‌ كه‌ كاتی خۆی هه‌موولایه‌كمان له‌ باشووری كوردستاندا بۆی تێكۆشاوین و، ئێستاش له‌ به‌شه‌كانی دیكه‌ی كوردستاندا خه‌باتی بۆ ده‌كرێ!
بۆیه‌ش ده‌ڵێم:
هه‌ركه‌س له‌م ڕۆژگاره‌دا پشتیوانیی له‌ مسوڵمانانی سته‌ملێكراوی فه‌له‌ستین نه‌كات، له‌ به‌رانبه‌ر سته‌می جووله‌كه‌ زایۆنییه‌كاندا، نیشانه‌ی پرسیاری زه‌قی ده‌كه‌وێته‌ سه‌ر له‌ ڕووی: مسوڵمانه‌تیی و كوردایه‌تیی و مرۆڤایه‌تییشه‌وه‌!
له‌ كۆتایی ئه‌م نووسینه‌شمدا ده‌ڵێم:
1- گه‌لی جووله‌كه‌ش وه‌ك هه‌ر گه‌لێكی دیكه‌ مافی خۆیه‌تی خاوه‌نی ئیراده‌ و ئیداره‌ی خۆی بێ، به‌ڵام نه‌ك له‌سه‌ر حیسابی خه‌ڵكی دیكه‌ و به‌زۆر و سه‌پاندن.
2- چاره‌سه‌ری ڕیشه‌یی كێشه‌ی گه‌لی فه‌له‌ستین به‌وه‌ ده‌بێ كه‌ له‌سه‌ر خاكی خۆی، خاوه‌نی قه‌واره‌ و ده‌وڵه‌تی سه‌ربه‌خۆی خۆی بێ و، چیدیكه‌ په‌ڕاگه‌نده‌ و ده‌ربه‌ده‌ر نه‌بێ.

عه‌لی باپیر
27/3/1445 ك – 12/10/2023 ز

02/08/2023

سبەى 8/3 ساڵێک بەسەر گیان لەدەستدانى هەرێم ئەسوەد تێدەپەڕێت..

هەرێم ئەو گەنجەبوو، کە لەڕێگەى گەیاندنى فەرموودەکانى پێغەمبەردا ﷺ و لە ڕووداوێکى هاتووچۆدا گیانى لە دەستدا

پەیام ئینفۆگرافیکێکى لەو بەرەیەوە ئامادەکردووە و دەتوانن بینەرى بن..

لینکەکەى لە کۆمێنتى یەکەمە

01/08/2023

22/07/2023

یاریدەدەری سەرۆکی هوداپار:
🟧 لە کاتی نوێژدا هێرش کراوەتە سەر ئەو بەرپرسانەى هوداپار.
🟧 یەکێک لە هێرشبەرەکان دەستگیر کراوە.

21/07/2023

بەناوی خوای بەخشندەی میهرەبان

زۆر بەتوندی ئیدانەی دووبارە بێڕێزی بە قورئانی پیرۆز لە سوید لەلایەن کەسێکی دەروون نەخۆشەوە دەکەین.

ڕێگەدان بە بێڕێزیکردن بە قورئانی پیرۆز لە وڵاتێکی ئەوروپی و بۆ دووەم جار و بەبەرچاوی ڕای گشتی و ڕێکخراوەکانی داکۆکیکار لە ئاشتی و پێکەوەژیان، ئیستیفزازێکی بێپاساوی هەستی موسڵمانان و هەوڵێکە بۆ نانەوەی ئاشووب و ئاژاوە.

ئێمە لە کۆمەڵی دادگەری، ئەم ڕەفتارە قێزەونە دووبارە ئیدانە و شەرمەزار دەکەین، ئۆباڵی هەر لێکەوتەیەکیش دەخەینە ئەستۆی ئەو سیستم و حکومەتانەی ڕێ بۆ سووکایەتی بە هەستی ملیۆنان موسڵمان خۆش دەکەن.

وتەبێژی کۆمەڵی دادگەریی کوردستان
20/7/2023

16/07/2023

مامۆستا مەلا عبدولوه‌هاب هانەدنی پێشمەرگە و فەرمانده‌ی دێرینی ڕابونی ئیسلامی و زانای دیاری ئاینیی و کەسایەتی ناوچەی هەڵەبجە و هەورامان كۆچی دوایی كرد و به‌و هۆیه‌وه‌ مه‌كته‌بی‌ زانایانی‌ كۆمه‌ڵی‌ دادگه‌ری پرسه‌نامه‌یه‌ك ئاراسته‌ ده‌كات.

15/07/2023

ئێمەی کۆمەڵی دادگەریی؛
هیچ شتێکی شاراوەو پەنهانمان نییە، هەتا لە میللەت ووڵاتی خۆمانی بشارینەوە، جگە لە خزمەت و هاوکاریی و بەدەمەوە چوونی گەلەکەمان بە هەموو چین و توێژە هەژار و کەم دەست و نەخۆش و نەبووەکانی وڵاتەکەمان، ئەویش لەژێر سایە و پەیام و شەریعەتی خوای پەروەردگاردا..

دەزگای بەخشین و دەزگای ڕۆشنبیری نوری حیکمە باشترین و بەرچاوترین نموونە و بەڵگەن.

دەزگای بەخشین و نەخۆشخانەی بەخشین شەوو ڕۆژ لە خزمەتی بێ باوکان و هەژارو نەخۆش و کەم دەستەکاندان.

دەزگای ڕۆشنبیری نوری حیکمە بەردەوام لەخزمەتی ڕۆڵەکانی ئەم گەلەدان هەتا فێڕییان بکەن و پەروەردەیان بکەن بەقورئان و ڕەوشتی بەرزو جوانی مسوڵمانانە و کوردەوارییانە.

ئەمە جگە لەچەندان دەزگاو ڕێکخراوو سەنتەری تر کە هەریەکەو لەبواری خۆیدا سەرقاڵی خزمەت و پەروەردەکردنن.

کەناڵەکانی ڕاگەیاندنمان جوانترین پەیام و بەرنامە ئەگەیەنن لەبوای هەواڵ و بەرنامە و دیکیۆمێنتاریدا..

سوپاس بۆ خوا ئێمە خۆمان سەربەرزو دڵخۆش و ئاسوودەین بە ئەرکەکانمان هەمووکات شانازی دەکەین بە ئەداکردنیانەوە.

ئیتر تۆی سەرگەردان و ناخ ڕەش و کینە لەدڵ هەر بۆخۆت وڕێنە بکە و کۆمێنت و پۆستی نەشیاو بنووسە دژی کۆمەڵ و پەیامەکەی، بەشکم کەمێک ناوسکت خاڵی ببیتەوە و بە بێژەنگە شڕو کون کونەکەت هەوڵی گیرانی بەری خۆری ڕاستی کۆمەڵ بدە بەتایبەت لەم وەرزی گەرماو هاوینە تاقەت پڕوکێنەدا..!

سیامەند سابیر

11/07/2023

کاتژمێر ٦ی ئێوارەی سبەى چوارشەممە

پەیامێکی نوێی مامۆستا عەلی باپیر بڵاودەبێتەوە..

09/07/2023

09/07/2023

وەک فراکسیۆنى کۆمەڵى دادگەریى 41 پرۆژە یاسامان پێشکەش بە سەرۆکایەتى پەرلەمان و 573 پرسیارمان ئاراستەى حکومەتى هەرێم کردووە

08/07/2023

کــۆنــگرەی رۆژنــامـــەوانـــــــی

ئاگاداری گشت دەزگاکانی راگەیاندن دەکەینەوە کەوا یەک شەممە، بەرواری (2023/7/9)، کاتژمێر (2)ی پاش نیوەرۆ، له بینای ئەنجومەنی باڵای کۆمەڵ لە سلێمانی فراکسیۆنی پێشووی کۆمەڵی دادگەری لە پەرلەمانی کوردستان کۆنگرەیەکی رۆژنامەنوسیان دەبێت، کە تیایدا کۆمەڵێک بابەت بۆ ڕای گشتی روون دەکەنەوە.

06/07/2023

شەوی هەینییە زۆرترین سەڵاوات بنێرن بۆ سەروەری مرۆڤایەتی

06/07/2023

ڕوونكردنه‌وه‌یەک بۆ ڕایگشتیی
سه‌باره‌ت به‌كۆنگره‌ى ڕۆژنامه‌وانى بەڕێز (عه‌تا دارتاش) به‌كورتى ده‌ڵێین:
پێش ١٠ ساڵ "كاك عه‌تای دارتاش" سكاڵایه‌كى هه‌بوو له‌سه‌ر به‌ڕێز (مامۆستا هه‌ورامان گەچێنەیی)، ئێمه‌ش وه‌كو كێشه‌ى "كه‌سیى" دوو ئه‌ندامى كۆمه‌ڵ پێمانڕاگه‌یاندن كه‌ گه‌ر هه‌ردوولا ڕازین به‌وه‌ى لیژنه‌یه‌كى پسپۆڕ له‌ڕووى شه‌رعى و یاسایى ئه‌م كێشه‌یه‌تان یه‌كلاكاته‌وه‌ به‌مه‌رجێ هه‌ردوولا ڕازیبن به‌بڕیارى لیژنه‌كه‌ .
ئەوەبوو هەردوولا پابه‌ندییان ده‌ربڕیبوو چوونه‌ به‌رده‌م لیژنه‌ و پاش چه‌ند دانشتنێک و خستنه‌ڕووى به‌ڵگه‌ و شاهیده‌كانیان ده‌رئه‌نجام سكاڵاكار "كاك عه‌تا" نه‌یتوانى داواكه‌ى بسه‌لمێنێ وه به‌بڕیارى لیژنه‌ "شەرعیی"ـەكه‌ ڕازى نه‌بوو .
ئێمه‌ش ئه‌وكات ئازادمان كرد و پێمانوت "له‌ دادگا سكاڵا بكە" و كردیشى .
ئێستاش ئه‌م جۆره‌ كێشانه‌، "شەخسیی"ــن و، نامانەوێت کۆمەڵی دادگەریی تێوەبگلێنرێت .
كاك عه‌تاش دەتوانێت سه‌رله‌نوێ لە دادگا سكاڵا تۆماربکاتەوە .
باسکردن و وروژاندنی ئه‌م بابه‌ته‌ له‌ سۆشیال میدیا، دەچێته‌ چوارچێوەی "ته‌شهیر"ه‌وه‌ .
ئێمه‌ش داواكارین دادگا ئه‌م كه‌یسه‌ یه‌كلابكاته‌وه‌ و ده‌رئه‌نجامه‌كه‌ش بۆ ڕاىگشتى ئاشکرابکات بۆ ئه‌وه‌ى ڕاستى ئه‌م بابه‌ته‌ بۆ هه‌موولایەک ڕوونبێته‌وه‌.

كۆمەڵی دادگەریی كوردستان

01/07/2023

بەئامادەبوونى جەماوەرێکى بەرفراوان کەرنەڤالى (قورئان تاجى سەرمانە) بەڕێوەچوو

ئەمڕۆ شەممە ١-٧-٢٠٢٣ بە ئامادەبوونى مامۆستا عەلى باپیر سەرۆکى کۆمەڵى دادگەرى و بەشیک لە ئەندامانى ئەنجومەنى بالا و سەرکردایەتى کۆمەل و نوینەرى بەشیک لە پارت و لایەنە سیاسیەکان و مامۆستایان و زانایانى ئاینى و جەماوەریکى بەرفراوان لە هاولاتیانى شارى هەولیر و قەزاو ناحیەکانى سەر بە پاریزگاى هەولیر کەرنەڤالیکى جەماوەرى لەژیر ناونیشانى ( قورئان تاجى سەرمانە ) بەریوەچوو

سەرەتاى کەرنەڤالەکە مامۆستا ادریس صادق بەرپرسى مەلبەندى هەولیر بەخیرهاتنى ئامادەبوانى کرد و ئاماژەى بەوەدا ئامادەبونتان لەو کەرنەڤالە نیشانەى دلسۆزى و پشتیوانیتانە بۆ قورئانى پیرۆز

دواتر جەنابى مامۆستا عەلى باپیر سەرۆکى کۆمەلى دادگەرى لە وتەکەیدا تیشکى خستە سەر چەند خالیک و ئاماژەى بەوەدا کە ئەو کار و کردەوانەى کە بەرامبەر قورئان وئیسلام دەکرین لە رۆژئاوا نیشانەى مایەپوچ بونیانەو لە دوارۆژى ئیسلام دەترسن کە خەریکە لەنیو جەرگەى ئەوروپاش ئیسلام ببیتە بەشیکى گەورە لە بیروباوەرى دانیشتوانى ئەوروپا

لە خالیکى تردا سەرۆکى کۆمەلى دادگەرى رووبە مسولمانان وتى کە وەکو وەلامیک بۆ ئەو جۆرە کارانە پیوستە مسولمانان زیاتر دەست بە ئاین و پەیامەکەى خواى پەروەردیگار بگرن و قورئان بکەنە دەستورى ژیانیان.

ئەمەو لە کەرنەڤالەکەدا هەریەکە لە هونەرمەندان (عیماد رەزا و بەختیار ئیسماعیل ) دوو سرودى خۆشیان لەسەر قورئانى پیرۆز پیشکەشى ئامادەبووان کرد و کەرنەفالەکەش لە لایەن هەردوو مەلبەندى هەولیر و دەروبەرى هەولیر ریکخرابوو...

30/06/2023

سبەى شەممە لە شارى هەولێر کەرنەڤاڵێکى جەماوەریى بۆ پشتیوانى لە قورئانى پیرۆز بەڕێوەدەچێت..

بەمەبەستی ناڕەزایی دەربڕین بەرامبەر بێڕێزیکردن بە قورئانی پیرۆز و نیشاندانی پشتگیری و سەرخستنی پەیامەکەی خوا ، هەردوو مەڵبەندی هەولێر و دەوربەری هەولێری کۆمەڵی دادگەری کەرنەڤاڵێکی جەماوەری بەرفران لەژێر ناونیشانی (قورئان تاجی سەرمانە) بەئامادەبوونی مامۆستا عەلی باپیر سەرۆکی کۆمەڵی دادگەری سازدەکات.

ئامادەبوونتان لەو کەرنەڤاڵە نیشانەی پشتیوانی و سەرخستنی پەیامەکەی خوایە و وەڵامێکە بۆ شەرمەزارکردنی نەیارانی قورئانی پیرۆز.

لە کەرنەڤاڵەکەدا قورئانی پیرۆز بەسەر ئامادەبووان دابەش دەکرێ.

کات : ڕۆژی شەممە 1_7__2023 کاتژمێر 5 ی دوای عەسر
شوێن : هۆڵی ڕاستی سەرڕێگای کۆیە تەنیشت پارکی کانیاو

هاتن بۆ هەمووانە

29/06/2023

بسم اللە الرحمن الرحیم
بێڕزێزی کردن و سوتاندنی قورئانی
پیرۆز لەیەکەم ڕۆژی جەژنی قوربان لەلایەن گەنجێکی مەسیحیی عێراقی دانیشتووی سوید مایەی نیگەرانی ملیۆنان مسوڵمانە، ئێمە لەکۆمەڵی دادگەریی کوردستان، نیگەرانی خۆمان لەوکارەدەردەبڕین و سەرکۆنەی دەکەین و بە بێڕێزی بەرامبەر پیرۆزیەکانمان و بیروباوەڕمانی دەزانین، کەبەبەرچاوی دونیاو بەپاساوانی و چاودێری پۆلیسەوە ئەنجام دراوە، دەسەڵات دارانی سوید نەدەبو لەژێر پاساوی ئازادی دا بۆ چەندەمین جار ڕێگابەکارێکی وابدەن کە دەبێتە مایەی بێزاری تەواوی مسوڵمانان و ئەگەری کاردانەوەی لێ دەکەوێتەوە حکومەتی سوید تەواوی بەرپرسیاریەتیەکانی دەکەوێتە سەرشان و چاوەڕوانی کاردانەوەی مسوڵمانان بێت لەسەرتاسەری جیهان. داوالەدەسەلاتدارانی عێراقیش دەکەین ڕێوشوێنی پێویست بگرنە بەر بۆگەراندنەوەی و سزادانی .

کۆمەڵی دادگەریی کوردستان
ئەنجومەنی باڵا
۱۱/زیل حیجە/۱٤٤٤
۲٠۲۳/٦/۲۹

29/06/2023

دیجیتاڵ میدیای په‌یام

24/06/2023

20/06/2023

ئیحرام پۆشین، پایەى یەکەمى فەریزەى حەجەو واجبە لەسەر گشت حاجییان پۆشاکێکى سپیى بێگەرد بپۆشن..

دەبێت حاجیان بچنە خاڵە سنوورییەکانى تایبەت بە وڵاتەکانى خۆیان و لەوێ ئیحرام بپۆشن، ئه‌و ڕێنماییانه‌ش ئه‌وه‌نده‌ توندوتۆڵن كه‌ ده‌بێت بۆ هه‌ر سه‌رپێچییه‌ك به‌ (فیدیه‌) قه‌ره‌بوی بكه‌نه‌وه‌.

14/06/2023

سەرۆکی کۆمەڵی دادگەری: ئێمه‌ وه‌كو كۆمه‌ڵی دادگه‌ریی له‌م قۆناغه‌ی ئێستای هه‌رێمی كوردستاندا ئه‌ركێكی قورسمان له‌سه‌ر شانه‌

ڕۆژی چوارشه‌ممه‌ 14/6/2023 مامۆستا عه‌لی باپیر سه‌رۆكی كۆمه‌ڵی دادگه‌ریی كوردستان به‌شداریی گه‌شتی خێزانیی مه‌ڵبه‌ندی دهۆكی كرد و، وتارێكی پێشكه‌ش به‌ ئاماده‌بووان كرد.
مامۆستا عه‌لی باپیر له‌ وتاره‌كه‌یدا تیشكی خسته‌سه‌ر واقیعی هه‌رێمی كوردستان و مه‌ترسییه‌كانی سه‌ری و، ڕایگه‌یاند: ئێمه‌ وه‌كو كۆمه‌ڵی دادگه‌ریی له‌م قۆناغه‌ی ئێستای هه‌رێمی كوردستاندا به‌رپرسیارێتیی و ئه‌ركێكی قورسمان له‌سه‌رشانه‌، چونكه‌ كه‌ ته‌ماشای دۆخی هه‌رێم ده‌كه‌ین چ له‌ ڕووی هزریی و، چ له‌ ڕووی كۆمه‌ڵایه‌تیی و خێزانیی و ڕه‌وشتیی و، چ له‌ ڕووی گوزه‌ران و ئابووریی و، چ له‌ ڕووی سیاسیی و په‌یوه‌ندییه‌كان له‌گه‌ڵ حكوومه‌تی نێوه‌ندیی و وڵاتانی دراوسێدا، ئه‌وه‌ی دێته‌ به‌رچاوم هه‌رێم ئێستا له‌ دۆخیكی زۆرخراپدایه‌.
چه‌ند ڕێكارێك دژی هه‌رێمی كوردستان گیراونه‌ته‌ به‌ر، وه‌ك: كه‌مكردنه‌وه‌ی پشكی هه‌رێم له‌ بودجه‌ی عێڕاقدا و، ڕێگرتن له‌وه‌ی چی دیكه‌ هه‌ردوو حیزبی حوكمڕان به‌ ناوی حكوومه‌تی هه‌رێمه‌وه‌ نه‌وت بفرۆشن و، هه‌ڵوه‌شاندنه‌وه‌ی درێژكردنه‌وه‌ی ماوه‌ی خولی پێنجه‌می په‌رله‌مانی كوردستان كوردستان و بڕیاره‌كانی دوای درێژكردنه‌وه‌ له‌لایه‌ن دادگای فیدراڵیی.
مامۆستا عه‌لی باپیر گوتی: ئه‌مه‌ وامان لێ ده‌كا زیاتر هه‌ست به‌ به‌رپرسیارێتیی بكه‌ین، چونكه‌:
ئه‌ركی ئوممه‌تی پێغه‌مبه‌ر صلی الله علیه وسلم چاودێرییكردنی مرۆڤایه‌تییه‌، ئێستا مرۆڤایه‌تیی گرفتاره‌ به‌ده‌ست داڕمانی ڕه‌وشت و، هه‌ڵوه‌شانه‌وه‌ی خێزان و سته‌مكاری.
بارگرژی هه‌یه‌ له‌نێوان هه‌ردوو حیزبی حوكمڕان و، وڵاتانی هه‌رێمیی و دوورتریش ده‌ست له‌ ناوخۆی هه‌رێم و عێراق وه‌رده‌ده‌ن و، حكوومه‌تی هه‌رێم و عێڕاقیش هیچكاره‌ن.
پێویسته‌ ئێمه‌ به‌رجه‌سته‌كه‌ری ئیمان و ئیسلام و ڕه‌وشتی به‌رز بین، كه‌ بۆ زیندوو مانه‌وه‌ی كۆمه‌ڵگه‌ وه‌ك ڕووح بۆ جه‌سته‌ وایه‌.
ئێمه‌ وه‌كو كۆمه‌ڵی دادگه‌ریی، خۆمان به‌ دڵسۆزی ئه‌م خه‌ڵك و وڵاته‌ ده‌زانین و، هه‌رگیز له‌ پشت په‌رده‌ی ڕه‌شه‌وه‌ ته‌ماشای كه‌سمان نه‌كردوه‌ و ناكه‌ین و، به‌ ناخۆشیی كه‌س دڵخۆش نین، به‌تایبه‌ت ئه‌م هه‌رێمه‌ وه‌كو كه‌شتییه‌ك وایه‌ له‌ هه‌ر شوێنیكی كونێكی تێبێت بۆ هه‌موومان هه‌ر خراپه‌، به‌ڵام ڕقمان له‌ سته‌م و خراپه‌یه‌، خه‌مخۆر و په‌رۆشی میلله‌ته‌كه‌مانین و، كاركردن له‌سه‌ر ڕاستكردنه‌وه‌ی باری لاری كۆمه‌ڵگه‌ له‌ هه‌موو ڕوویه‌وه‌ ئه‌ركی سه‌رشانمانه‌.