28/10/2024
विजय कुमार शाह नेपालका सबैभन्दा ठुला पैसावालहरुको सुचिमा पर्दैनन । तर उनी नेपालका सबैभन्दा ठूला व्यक्तिगत करदाता हुन । हालै उनले डा भगवान कोइरालाको ड्रिम प्रोजेक्ट – बाल अस्पतालका लागी ४ करोड सहयोग गर्ने घोषणा गरेका छन । एक सादा कार्यक्रममा सहयोगको पहिलो किस्ता रु १००००००० (एक करोड) विजय कुमार शाहले लाई हस्तान्तरण गर्नु भयो ।
डा कोइरालाले अनुसार – ‘ यो रकम कुनै कम्पनीले गर्ने CSR (corporate social responsibility) खाताबाट नभएर, विजय शाह र उनको परिवारले आफ्नो निजी सम्पत्तिबाट स्थापित JGI फाउन्डेसन मार्फत प्रदान गरिएको हो । ‘
मेरो जीवन साथी सुषमा र म , विजय कुमार शाहजी र म्यागी शाह दिदी र परिवारलाई लक्ष्मी पुजा र तिहारको शुभकामना व्यक्त गर्न चाहन्छौ । साथै हामी असाध्य धेरै धनवान डा भगवान कोइराला , सान्द्रा कोइराला भाउजु र परिवारलाई पनि लक्ष्मीको आशिर्वाद सदैव रहोस भन्ने कामना गर्छौ ।
सबैले मनमा गहिरो गरी बुझ्न पर्छ - संसारमा पैसावाल हुनु र धनी हुनु एकै कुरा होइनन । यो दुनियामा , कोही नगदमा धनी हुन्छन , कोही मनका धनी हुन्छन , कोही ज्ञानका धनी हुन्छन , कोही शीपका धनी हुन्छन , कोही स्वरका धनी हुन्छन , कोही रुपका धनी हुन्छन , कोही आन्तरिक सुन्दरताका धनी हुन्छन , कोही स्वास्थका धनी हुन्छन , कोही सेवाभावका धनी हुन्छन , कोही भक्तिभावका धनी हुन्छन , कोही के का धनी छन , कोही के का धनी , हामी सबै मान्छे कुनै न कुनै रुपले धनी छौ ……
सबैले गहरिएर हेरे , सजिलै बुझिन्छ - हर पैसावाल , धनी हुदैन । हर धनी , पैसावाल नहुन पनि सक्छ । पैसा, प्रसिद्धि, यौनिक आकर्षण र सत्ता शक्ति संसारमा सबैभन्दा धेरै खोजिएका तर सबैभन्दा कम बुझिएका विषय हुन ।
रतन टाटाभन्दा पैसावाल भारतमा धेरै थिए , छन । रतन टाटा फोर्ब्स लिस्टमा कहिल्यै परेनन । तर रतन टाटाभन्दा धनी कोही थिएन, छैन । भारतमा मात्र होइन, विश्वमा नै उनी अदितिय छन ।
सवाल कस्ले ? कति ? दियो भन्ने अमाउन्ट (amount) को हुदै होइन । सवाल सहयोग गर्ने भावनाको हो। जोसंग जे छ , उस्ले त्यो यथासक्य दिने भावना हो , जीवनकों सार्थकता ।
महाकवि लक्ष्मी प्रसाद देवकोटा , लक्ष्मी पुजाका दिन जन्मिए । आफ्नै दिनमा जन्माएर पनि लक्ष्मी माताले उनलाई जीवनभर आर्थिक अभावमा राखिन ।
जीवनको सुरुवाती कालमा मलाई देवकोटालाई भएको अन्यायपूर्ण व्यवाहर प्रति लक्ष्मी माता संग धेरै गुनासो थिए। तर समयक्रमा पछी, म बिस्तारै कुरा बुझ्दै गए।
नगद धेरै नदिए पनि धन त अपार दिएकी रहेछिन लक्ष्मी माताले देवकोटालाई ।
लक्ष्मी माताले नदिएको भए , देवकोटा कसरी हुन सक्थे – महाकवि !
लक्ष्मी पुजा , तिहार र छठका अवसरमा तपाईहरु सबैलाई धेरै धेरै शुभ कामना ! तपाईहरु सबै आआफ्नो गच्छे अनुसारको पैसावाल पनि बन्नुहोस , धनी पनि बन्नुस है । स्वस्थ रहनुस , खुसी रहनुस । लक्ष्मी पुजा , तिहार र छठको शुभ कामना ! 🙏💚
✍️Vijay Kumar Pandey ♥
