P1.8M shabu nakuha
gikan sa vet sa Dauis
DAUIS - Mokantidad og gibana-bana P1.8 milyones ang gidudahang shabu nga nakumpiska gikan sa usa ka veterinarian atol sa gihimong buy-bust tungang gabii sa Domingo.
Ang suspetsado giila nga usa ka Frederick Madriñan y Pamatong, 51, minyo, lisensyadong veterinarian nga sakop sa buhatan sa Office of the Provincial Veterinarian.
Nahitabo ang buy-bust alas 11:17 sa gabii niadtong Mayo 21 sa Purok 4, barangay Mariveles ning lungsod. Kini gipahigayon sa mga sakop sa Municipal Drugs Enforcement Unit sa Dauis Municipal Police Station (MPS) pinangulohan ni P/Lt. Thomas Zen Cheung.
Sumala pa sa mga tinubdan, si Madriñan gitumbok nga anaa sa drugs watch list sa giingong high value individuals.
Ang suspetsado nga giingong molupyo sa Barangay Cogon, dakbayan sa Tagbilaran napalitan ug nakuhaan og pinotos nga iligal nga drugas nga motimbang ngadto sa 275 gramos. Kini mokantidad og P1.8M sa kasamtangang street value o standard drug price.
Ang buy-bust operation gisaksihan sa media ug opisyal sa barangay.
Kasamtangang gibilanggo ang suspetsado sa selda sa Dauis MPS samtang giandam ang kaso nga ipasaka batok kaniya sa paglapas sa section 5 section 11 Article 2 sa Republic Act 9165 kon Comprehensive Dangerous Drugs Act of 2002. (ERN PAHAYAHAY)
VIDEO/FOTO ERN PAHAYAHAY
Breaking news...
BALAY NASUNOG SA TRINIDAD, ADLAW SA PISTA
Padayon pa ang pagkombate sa kabomberohan niining taknaa.
Ang sunog matod pa nagsugod sa usa ka batber shop, ug tapad lang kini sa usa ka gas station. JO
2 nasikop sa Loon
LOON - Duha ka tawo ang nagtingkagol karon human natimbog sa managlahing operasyon sa mga barangay sa Napo ug Pondol nga gilusad sa kapulisan batok sa iligal nga droga.
Unang nabingwit ang suspetsado nga si Jaky Cailing y Pregunta, 29, ulitawo ug residente sa Barangay Ubayon ning lungsod.
Ang suspetsado nasikop sa buybust nga gipahigayon sa Loon Municipal Drug Enforcement Team pinangulohan ni PCapt. Amelito Mielloria sa barangay Napo alas 3:15 ganihang kadlawn Marso 29.
Si Cailing napalitan sa poseur buyer ug usa ka sachet sa gituhuang shabu nga nagkantidad ug P500.
Atol sa maong operasyon, nakumpiska ang laing mga pinotos sa mao gihapong butang nga gibana-bana nga motimbang ngadto sa upat ka gramos. Matud pa sa mga tinubdan, kini mokantidad og P27,200 sa standard drug price.
Gisakmit usab sa mga otoridad ang motorsiklo nga gisakyan sa suspetsado atol sa maong transaksyon.
Sa laing bahin, ikaduha nga nasikop ang usa ka Al Vincent Dapitilla y Camotes, 42, taga Barangay Sta. Cruz sa silingang lungsod sa Calape.
Ang suspetsado lulan sa iyang motorsiklo sa dihang nagbaligya og usa ka sachet nga nagkantidad og P500. Atol sa maong transaksyon, nakuha gikan kang Dapitilla ang lain pang mga pinutos sa gidudahang shabu nga may timbang nga tulo ka gramos.
Subay sa standard drug price, ang nakumpiska nga gidudahang shabu nagkantidad og P20,400.
Sama sa gidangatan sa unang suspetsado, gikumpiska usab sa mga otoridad ang gisakyang motorsiklo nga gigamit sa transaksyon.
Giangkon sa mga nakadpan ang ilang kalambigitan sa iligal nga kalihukan sa pagpamaligya og shabu.
Kasamtangang gipaslak karon sa selda sa Loon Municipal Station ang duha samtang giandam ang pagpasaka sa kaso batok kanila tungod sa paglapas sa balaod. (ERN RAMA PAHAYAHAY)
VIDEO/ERN RAMA PAHAYAHAY
Hapit P500k shabu
nasakmit sa Panglao
PANGLAO - Dul-an sa tunga sa milyon ang kantidad sa nasakmit nga gidudahang shabu atol sa usa ka buy-bust ganihang kadlawn sa Barangay Looc ning lungsod.
Gipahigayon ang maong operasyon alas 1:45 sa Biernes, Marso 3 sa Purok 1 sa nahisgutang barangay.
Gipahigayon ang maong kalihukan sa mga tinugyanan sa tinugyanan sa Provincial Drugs Enforcement Group/ Provincial Intelligence Branch pinangulohan ni PCapt. Yolando Bagotchay Jr. ubos sa superbisyon ni PLt.Col. Jomar Pomarejos.
Kini inabagan usab sa Philippine Drug Enforcement Agency ug sa Panglao PNP.
Ang mga suspetsado giila nga sila si Mark Justin Hora y Bongay, 21, taga Barangay Poblacion, ug Jervie Namoc y Hora 27, tags Barangay Doljo ning lungsod.
Ang mga suspek napalitan sa poseur buyer og usa ka potos sa gituhuang shabu sa kantidad nga P5,000 ug atol sa mao nga operasyon nakumpiskar sa kapolisan ang mga pinotos nga gituhuan nga shabu nga gibana-bana nga mutimbang ngadto sa 60 gramos nga may standard drugs price ngadto P408,000.
Lakip sa nasakmit ang mga cellular phone ug ang duha ka motorsiklo nga gisakyan sa mga suspetsado atol sa maong transakyon.
Ang mga gikatahapan aminado sa ilang salaod nga nahimo diin sila niangkon nga nahilambigit sa pagpamaligya ug pagtiner sa iligal nga druga nga nailhan isip shabu.
Ang duha kasamtangan nga gibilanggo sa selda sa Panglao PNP.
Giandam na ang kaso nga ipasaka batok kanila sa kalapasan sa section 5 section 11 Article 2 sa Republic Act 9165 kon Comprehensive Dangerous Drugs Act of 2002. (ERN RAMA PAHAYAHAY)
Arrival of Department of Agrarian Reform (DAR) Secretary Conrado M. Estrella III and party at the Bohol Cultural Center, Tagbilaran City to distribute E-Titles and turn-over of farm machines today at 9:30am.
P1.4M shabu
sikop sa Dauis
DAUIS - Di momenus sa P1.4 milyones ang kantidad sa gituhuang shabu ang nasikop sa mga otoridad atol sa buy-bust nga gihimo Sabado sa gabii sa Barangay Mayacabac ning lungsod.
Nasakote atol sa gihimong operasyon sa bahan sa kapulisan mao ang usa ka Alan Olalo y Remolador alias Alan, 53, minyo, way trabaho ug molupyo sa Purok 4, Sitio Basak, Barangay Taloto, dakbayan sa Tagbilaran.
Si Olalo nalit-ag atol sa buy bust nga gipahigayon sa mga elemento sa Dauis Municipal Drug Enforcement Team pinangulohan ni PLt. Thomas Zen Chiong.
Ang suspetsado nakuhaan ug gibana-bana nga 207 gramos sa gidudahang shabu nga mobalor og P1,407,600 sa presyo sa pagmenudo niini.
Ang ronda nga gipatuman alas 7:43 sa gabii sa Purok 7, Mayacabac ginamitan sa body worn camera subay sa 21-06-08 "Rules on the Use of Body-Worn Cameras in the Execution of Warrants".
Giandam na ang kaso batok sa suspetsado sa paglapas sa Sec. 5 ug 11, Art. II sa RA 9165. (ERN RAMA PAHAYAHAY)
Bokyo nasikop sa ronda
PANGLAO - Nabokya ang usa ka suspetsado nga may kalambigitan sa iligal nga droga sa gihimong buy-bust operation nga gipahigayon Hwebes sa tungang gabii.
Ang suspetsado nailhan nga usa ka Efren Hora Jr. y Vergara alias Bokyo, 42, residente sa Purok 3, Barangay Doljo ning lungsod.
Gipahigayon ang buy-bust operation alas 11:30 sa Enero 26 sa Purok 5, Barangay Poblacion, Panglao.
Si Hora nasikop sa hiniusang bahan sa kapulisan lakip na mga tinugyanan sa Provincial Drugs Enforcement Team/Provincial Intelligence Branch pinangulohan ni PCapt. Yolando Bagotchay Jr., PLt. Carl Lofranco ug ubos sa superbisyon ni Lt. Col. Joemar Pomarejos.
Ang suspetsado napalitan ug nakuhaan gikan sa iyang posisyon og mga pinutos nga gituhuan nga shabu. Kini gibana-bana nga motimbang ngadto sa lima ka gramos ug mokantidad og P34,000 sa presyo sa menudo.
Kasamtangang gipaslak sa selda sa Panglao Municipal Police Station si Hora samtang giandam ang kaso nga ipasaka batok kaniya sa kalapasan sa section 5 Section 11 Article 2 sa Republic Act 9165 kon Comprehensive Dangerous Drugs Act of 2002. (ERN RAMA PAHAYAHAY)
SAN MIGUEL, Bohol --- USA ka ALS graduate nakuhaan og giingong mga ilegal nga drugas dakpan atol sa usa ka buy-bust operation nga gihimo sa San Miguel Police Station sa Purok 4, Brgy. Mahayag niining maong lungsod, alas 3:35 sa hapon, Enero 26, 2023.
Ang suspetsado mao si Christopher Sarte y Atuel, 21 anyos, residente sa Purok 6, Brgy. Mahayag, San Miguel. (Wilson Auguis Subrio)
Kompletong detalye atangi sa BBDN newspaper.
PANGLAO - Dul-an sa tunga ka milyon ka pesos ang kantidad sa shabu nga nasakmit atol sa gihimong ronda sa hiniusang bahan sa kapulisan sa barangay Lourdes ning lungsod.
Nagpadayon pa ang imbentaryo sa gidili nga droga nga natimbog sa gihimong buy-bust operation sa mga operatiba sa Philippine Drug Enforcement Agency (PDEA) sa Bohol, RPDEU-7, Bohol MARPSTA ug Panglao Municipal Police Station batok sa giingong high-value target.
Atangi ang dugang mga detalye sa sunod nga taho. (CLC)
KARATE-DO INVITATIONAL GIPAHIGAYON SA GETATE
GETAFE, Bohol--- Kasamtangang gipahigayon karong adlawa, Enero 21, ang "Getafe Inter-Bohol Invitational Tournament 2023" nga gisalmutan sa pito (7) ka mga teams gikan sa lain-laing lungsod sa Bohol. Atangi ang kompletong detalye. WILSON AUGUIS SUBRIO.
Sa nahugmak nga lugar sa pantalan sa Talibon
"Kahibawo na man g'yud ta sir nga Bagyong Odette maoy nakaguba sa wall niana (parking area PPA-Talibon) unya nakankan ang sand and gravel. Ang bawud maoy hinungdan (sa pag-collapse) niana mga ala una sa kadlawon (Merkules, Enero 11, 2023)," matud ni Venus R. Garnica, Division Manager, Philippine Port Authority (PPA)-Talibon sa dihang nahinabi sa BBDN, Enero 12, 2023.
Niingon si Garnica nga nagpaabot pa ang PPA-Talibon sa pundo gikan sa nasudnong panudlanan aron ma-rehabilitate ang nadanyos nga parking area.
Sa pagka-karon, ang ilang gihimo mao ang paghatag og pahimangno sa mga moagi.
Nihangyo usab si Garnica nga dili magpataka og post sa social media kabahin sa maong panghitabo kay ilang gibuhat ang ilang makaya aron mapadayon ang pagserbisyo sa katawhan. (Wilson Auguis Subrio)
Kompletong detalye atangi sa BBDN newspaper.
Sunog atbang sa Lite Port, Gallares Street, Tagbilaran City ganihang mga 12:30am. Atangi ang ubang detalye.
Video kuha ni Sherwin Sapong.
Ang video sa disgrasya sa usa ka estudyante batok ceres sa lungsod sa Trinidad di pa dugay. Video courtesy Brgy Capt. Armand Avenido & AKHRO
Tao nakurentehan sa live wire sa usa ka building sa Tagbilaran City. Atangi ang dugang detalye.
Tagbilaran, City- Armas ug Shabu ang nasakmit sa kanhi seaman ug nabilanggo niadtong tuig 2017 tungod sa kalambigitan sa ilegal nga droga ang nasikop pagbalik sa mga operatiba sa City Drug Enforcement Unit (CDEU) atol sa buybust operation kaganinang buntag diha sa purok, 3 sityo binayran brgy. San Isidro ning siyudad.
Nasikop ang target nga si Homer Guimalan 50 anyos lumad nga taga pob. sa Lungsod sa Panglao og nakuhaan sa posesyon sa mga pinutos sa gituhuang shabu nga gibana bana nga motimbang sa 15 gramos nga mobalor sa 102 mil pesos, lakip nga nakuha sa posesyon ang laing armas nga mobuto. 22 cal. black widow revolver nga may duha ka buhing bala ang nagtangag niini.
(CLC)
Usa ka mananagat nga taga isla sa Pandanon, sakop sa lungsod sa Getafe ang nabangalan karong gabii, sa mga residenti, didto sa pantalan, sa damog Sugod probinsya sa Sugbo.
Ang mananagat nga taga Bohol kinsa napadpad sa Sugod, Cebu mao si Rogelio Abapo siya luwas nga nabangalan sa mga residente sa nasangpit nga dapit.
Video gikan ni Bon joven mercader
VALENCIA - Usa ka van nga de pasahero nabanggan ug usa ka minicab sa barangay Canmanico karong buntag lang sa lain na usab nga aksidente sa kadalanan.
Matud pa sa tinubdan sa BBDN, igo ra ang gikusgon sa dagan sa van paingon sa Jagna gikan sa Tagbilaran 10:56 ang takna.
Kalit nga mitabok ang blue nga multicab gikan sa pikas bahin sa nasudnong dalan sa nahisgutang barangay hinungdan nga nabanggaan niini ang puti nga van.
Nalumping ang simod sa van samtang napusa ang windshield sa multicab tungod sa maong disgrasya.
Walay naangol sa mga pasahero sa van apan gidali pagdala sa tambalanan ang mga sakay sa multicab lakip ang usa ka babaye. Wa pa matino kon gihurot ba ug dala sa tambalanan ang tulo ka sakay sa multicab.
Video gikan ni MJA.
Wing van nahayang sa Alicia
ALICIA - Usa ka wing van truck ang natikay-ang didto sa barangay La Hacienda ning lungsod.
Ang maong trak puno sa sinakong mga feeds ug mga kinarton nga ilimnon.
Nahog kini sa kanal sa nasudnong dalan sa sitio, Corbada, La Hacienda kaganinang buntag pasado alas 10:45.
Sa pagkutlo ning balita, padayon pa nga giimbistigahan sa kapolisan sa lungsod sa alicia ang hinungdan sa aksidente.
Video gikan ni Jade Dejito
GAUWAN UG PAYONG SA GETAFE. Gidayan-dayanan ug gatoson ka mga payong ang dalan paingon sa munisipyo. Di kini ang unang higayon nga gipasiugdahan ni Mayor Cary Boy Camacho ang pag-adorno sa luna duol sa munisipyo gamit ang mga payong. (BBDN VIDEO)
