Sindhu Maata

11/06/2024

غزل۔

ڪنول مُرڪون لتاڙيون ويون غزل احساس ماريا ويا!
اسان جي پيار جي پُٺ مان نوان خنجر گُذاريا ويا!

پرين هِي حادثو ناهي روايت آ ڪميڻپ جي،
دغا سان دلبريون ڇاڻي وفا جا شھر ٻاريا ويا!

خبر ناهي ڪٿان آئي مزاجن ۾ مُئل موسم،
ڪنڊن جي آجيان ٿِي وئي ٽِڙيل موتيا، ڌِڪاريا ويا!

ٽِڙي ڪو ٽھڪ ڇا هاڻي ٻري پيو روح نگريءَ جو،
روهيڙا جسم گولين سان هِتي آهن سُمھاريا ويا.

بُڌايو هو غلامي کي ڏيون نالو نئون ڪھڙو؟
اسان جا انگ چونڪين تي سدا آهن نھاريا ويا!

جڏهن فرصت ملي ٿوري تڏهن تاريخ هِي لِکجان،
گُلابي پير ٽانڊن تان هِتي اڪثر گُذاريا ويا!

پڙهي ڏِس ڌُوڙ ڌرتي جي حقيقت ٻي نه ڪا آهي،
وريا طوفان ٿي آهن وچن جيڪي وِساريا ويا!

”ايوب “

01/06/2024

*اُستاد بخاري*

هير ٿڌي ٿي آھ ڀري ٿي،
موٽ مٺا نہ تہ منڌ مري ٿي،

موسم پي پي بهڪي وئي آ،
وِڄ وسي ٿي بوند ٻري ٿي،

رنگ رنگيلي انڊلٺ اُڀري،
نيري اُڀ تي ڀرٿ ڀري ٿي،

*صديون گذريون سڪندي مون کي،*
*هاڻي توريءَ ڪان سري ٿي،*

پيٽ چوي ٿو، لوچ ضروري،
پريت چوي ٿي ڪين پري ٿي،

آگم اکڙيون آڳ *بُخاري*
برساتن ۾ باھ ٻري ٿي.

26/05/2024

ڀوتار ،وڏيرا ، سردار
My foot

26/05/2024

ملان ياسين جي وڪيل بيان ڏنو آھي ته ياسين ننڍڙي طالب جي پيتي مان پٿري پيو ڪڍي .
ملان ياسين سميت هن وڪيل تي به ڪيس داخل ٿيڻ گهرجي.

24/05/2024

شھيد نصرالله گڏاڻي کي ڀيٽا...
ڇا آواز ڦاھي چڙھيو آ ڪڏھن ؟( نظم)

بيخود بلوچ

چيائون تہ آواز تنگ ٿو ڪري
اسان ساڻ ڪيڏي ته جنگ ٿو ڪري
ھي آ واز ننڊ ٿو ڦٽائي ڇڏي
قلعا ڪوٽ ٿو ھي ڪنبائي ڇڏي
ھي آواز سک ٿو اسان کان کسي
ھي آواز ڏس ڇو نوان ٿو ڏسي؟
انھيءَ لاءِ آواز ماري ڇڏيون
زبان کي صدا کي بيھاري ڇڏيون
چيائون رفيقو بندوقون کڻو
جو آواز اڀري انھيءَ کي ھڻو
عقل جي انڌن کان اھو ڪو پڇي
ڌڻي ڪوئي جاگير جو ھي ڏسي
ڇا آواز ڦاھي چڙھيو آ ڪڏھن؟
ڇا آتش ۾ سورج سڙيو آ ڪڏھن؟
ڇا گوليءَ سان گفتو مئو آ ڪڏھن ؟
ڇا تاريخ ۾ ايئن ٿيو آ ڪڏھن؟
زھر سان ھو آواز جيئرو ٿيو
اڃان ٿو ھلي سچ جو سلسلو
اوھان جي بندوقن ۾ دم آ ڪٿي ؟
جو آواز حق سچ جو دٻجي وڃي

20/05/2024

تون پنھنجي شوق سان ھا! شوق سان ڪر ظلم ستم
ڪا "تبسم" ۾ اڃان ساھ ذري آ شايد .

16/05/2024

چنڊ تنهنجي ذات، پاڙيان نه پرين سين ،
تون اڇو ۾ رات سڄڻ نت سوجهرو.
شاه سائين

16/05/2024

یہاں تو زمین کے ٹکڑے پہ جنگ ہوتی ہے ,
وہ تو پھر چاند کا ٹکڑا ہے خُدا خیر کرے.

13/05/2024

محبت ۾ مريد آهيان احمد شاھ چوي .

11/05/2024

ننڊ پاسي رکي ڀرجھلا سارجن،
زُلف ڪارا هٿن جا ڇلا سارجن۔

پنڌ ڌوڏي ڀلي وقت لوڏي ڀلي،
آءُ اُس ۾ هلي قافلا سارجن۔

دل تي اونداه چڙھي ٿي وڃي تو سَوا،
تون ٻڌاءَ زخم ڪيسين ڀلا سارجن؟

پاڻ آھيون ڪٿي، ساڻ آھيون ڪٿي،
ھاڻي آھيون ڪٿي؟ فاصلا سارجن.

مينهن وسندي جا فرصت آ ٿوري ملي،
ڇو نه ڪنهن جا وچن دادلا سارجن۔

چئو جنازه کڻون، يا چُميءَ جو پُڇون!
ڪھڙا ڪھڙا پرين مسئلا سارجن۔

پنهنجي تاريخ جي آ تقاضا اِها،
اجرڪُن کي چُمي رُوپلا سارجن۔

ايوب کوسو

10/05/2024

غزل...........معشوق ”مُحسن“ راجپر

عِشـقَ کان جٖـي آشــنائِي،وَئِي هَلِي!
سَمجھ دِلِ جِي روشنائِي،وَئِي هَلِي!

حَسرتُن جو ٿِيو هِماليہ حَوصِلو،
حُورَ آئِي هيڪَلائِي ، وَئِي هَلِي!

نَفـرتُن جا نانـگَ نِڪـتا ڪَـرَ کَڻِـي،
چؤطَرف چاهَتَ چَڱائِي،وَئِي هَلِي!

چُورُ چِڪنا چاقُ ٿِيو توکي ڏِسِي،
اَڄُ لَهِي مَنَ جِي اَگهائِي،وَئِي هَلِي!

سُورَ ۾ سِرڪِي سَهارو تو ڏِنو،
هَر مُصِيبَت ماتِ کائِي،وَئِي هَلِي!

مُون ثَوابن جو سَهيڙيو ڪِٿِ ثَمَرُ؟
زِندگِي سارِي اَجائِي ، وَئِي هَلِي!

ڪيترن جِي مَتِ مُنجهائي ڪوڙَ سان،
ڪالھ ڪرنل جِي تہ مائِي ، وَئِي هَلِي!

بـي وَڙو سـو بَــدُ اِرادو ٿــو رَکـٖـي،
پيارَ جنهن مان پارِسائِي،وَئِي هَلِي!

وِيو وَبا جو وقتُ ويڙهي وَلِ جِيان،
”ڪيئن الائي عِيدَ آئي ، وَئِي هَلِي!؟“

مان بہ ويرين سان وِڙهان”بابر“ها،
پَرَ پِرينءَ جي پُٺِ ڀَرائِي ، وَئِي هَلِي!

09/05/2024

ڪنهن ڪنهن ڏينهن ته ايندي ڪر تون،
دل تان ڌوڙ ڇنڊيندي ڪر تون.

منهنجي آس، اُميد آهين او،
مون کان منهن نه مٽيندي ڪر تون.

منهنجو شوق شفق ۾ رڱجي،
ميندي روز مکيندي ڪر تون.

ڪنهن جا جذبا ڇيڙڻ مان ڇا،
سوپاريون نه چٻيندي ڪر تون.

ساز آهيان استاد بخاري،
ڇهندي ڪر، ڇيڙندي ڪر تون.

27/04/2024

اوڏڻ اوري تو آ ، توکي لاکي ڪوٺيو . شاھ صاحب

24/04/2024

هي جو پوڙھو جهور وڙھندو ٿيو ويڙھ ،

25 April 1995
سن جي هن سيد کي لکين ڪروڙين سلام جنهن اسان کي . هي هيٺيون ڳالهيون سمجهائيون .👇

21/04/2024

ميڏي دل وچ تيڏي تانگهه ايوين،
جيوين رحل وچ قرآن هووي.
ميڏي من وچ تيڏي سوچ ايوين،
جيوين ساگر وچ طوفان هووي.
بن جاني ميڪون جڳ لڳدا،
جيوين محشر دا ميدان هووي.
دل لڇدي وي استاد بخاري،
تيڏي آوڻ دا اعلان هووي.

02/04/2024

خوابن تان
ھٿ نه کڻجو ....... !

خوابن تان ھٿ نه کڻجو !
ھي خواب ئي ته آھن ,
ھر درد ۾ دلاسو ,
جيڪي جڏھن وڙھون ٿا ,
پنھنجو کڻن ٿا پاسو ,

ھي خواب ئي ته آھن ,
ھر سڃ ۾ ستارا ,
جيڪي جڏھن ٿا ڀٽڪون ,
پنھنجا ٿين ٿا چارا ,

ھي خواب ئي ته آھن ,
پنھنجي اڪيلي پونجي ,
جن جي ڪري لڳي ٿي ,
ھيء ڪائنات پنھنجي ,

ھي خواب اٿو اکين ۾ ,
آڪاش جي امانت ,
ھي خواب جي ويا ڦرجي
ان ڏينھن اسان لئه ايندي
ڪا آخري قيامت !

سو , سور سڀڪو سھجو
پر بي ڊپا ٿي رھجو
خوابن تان ھٿ نه کڻجو
خوابن تان ھٿ نه کڻجو

شاعري : آڪاش انصاري

22/03/2024

پريا ڪماري کي آزاد ڪيو .

12/03/2024

خوبصورت جوانيون پنهنجي ديش تان قربان ڪندڙ ڪرد ڇوڪرين کي منھنجو سلام .

09/03/2024

موسم نه ھئي سگ پچڻ جي ,تون جي آيئين ته سگ پچي پيا .

07/03/2024

اسان نفسياتي مريض ٿي چڪا آھيون . مرڻ ۽ مارڻ کي ترجيح ڏئي خوبصورت زندگي ۽ حسين چھرا جن کي چمڻ ۽ وڌيڪ خوبصورت ڪرڻ بجاء , اسان انھن کي گولين ۽ بارودن جي ور ٿاچاڙھي ڇڏيون . 😥

04/03/2024

سمورو ھي تصور آ، سمورا خواب ھي آھن
حياتي جي ڪتابن جا، اڌورا باب ھي آھن.
~حسن درس

04/03/2024

استاد بخاري

سوچون،ڀڻڪا، واڪا
ڌرتي سرتي
پير نہ ھٽن پوئتي
ڪوڪڻ يا ڪلياڻ
آديسي استاد
ماندي ٿي نہ مارئي
گوندر منھنجي گود ۾
لھر لھر دريا
زندگي زندگي
نہ ڪم نبريو نہ غم نبريو
خوبصورت خيال جا سپنا
گيت اسان جا جيت اسان جي

19/02/2024

اک خوبصورت عورت بھي کيا طاقت رکھتي ھ
جو اپنے پاؤں کی ٹھوکر پہ شاہوں کے تاج رکھتي ہے.

19/02/2024

ھن للڪار سان گڏ بيھو , پاپين کي ڪيفر ڪردار تائين پھچايو 🙏

15/02/2024

تنھنجون نظرون
نشو غذب جو آ
چنڊ جو آ رڳو
چٽو چھرو
تنھنجو سڄو
نقشو غذب جو آ

استاد بخاري

12/02/2024

عورت ھڪ ساز آ ان سان پيار ڪيو ۽ ان ساز جي ڄاڻ رکو . ساز مان ھزارين لکين سر نڪرن ٿا محبت جا , انھن سرن جو فائدو وٺو .
عورت تي تشدد نه ڪيو 😭😭🙏🙏🙏.

08/02/2024

آئون سنڌ جي جدا وجود کي دنيا جي ٻين آزاد ملڪن وانگر ، پاڪستان جي دائري کان ٻاھر ڪڍي، آزاد ڪرڻ کي دنيا جي تعمير نؤ لاء مفيد ڄاڻان ٿو .

سائين جي ايم سيد

02/02/2024

جي لوڻ لڱين لائين چيري چيري چم ،
مون ڪر ڪڏھن نه ڪيو اھڙو ڪو جهو ڪم ،
جان جان دعوا دم ،تان تان پرت پنهوار سين .
اھڙن مان ڪيترا هوندا ،جن کي آزادي جي صبح جي باک ڏسڻ نصيب نه ٿيندي آھي ،پر پوء آزادي جي شفق انهن ئي سرويچن جي لهو سان لال هوندي اھي .

مون ڪاتي هيٺان ڪنڌ ڏٺا ،ساڻا ساڻا سنڌ ڏٺا،
مون ڇا ڇا مائي لال ڏٺا ،جي لوئي لڄ بچائي ويا.
اھڙائي لافاني انسان آھن ، جن کي اھو شعور هوندو آھي ته هن دنيا ۾ جيڪو انسان باوقار طريقي سان مري نه ٿو سگهي ، تنهن کي باوقار نموني سان جئيڻ جو ڪو به حق ناھي .

سائين عبدالواحد آريسر
قومي تحريڪ ۾ رڪاوٽون

02/02/2024

30/01/2024

غزل🖋
ايوب
سانـــجھ ٿي آ ديـــــپ ٻاري پـــو ھـــــلون
تـــرس ٿـــورو ھو نــــھاري پو ھــــــــــلون

تـــرس ٿورو چـــ ـنڊ پــــيو اڀري پــــــرياـ
ياد ھـــــڪڙي کي ســــمھاري پــو ھــــــلون

تـــرس ٿورو ھـــو ڀـــلي آرس ڀــــــــڃي
واءٔ خـــوشبو کي اڏاري پو ھــــــــــلون

تـــرس ٿورو ھــر گھـــٽي آهي اداس
دل وٺــــي ڪي لڙڪ ھــاري پو ھـــلون

تـــرس ٿورو ھـــو ڀلي مرڪــــي وٺي
نـــيڻ نـــئيڻ ۾ اتــــاري پو ھــــــلون

تـــرس ٿورو گـل اڃان ناھـــن ٽــڙيا
تـــرس ٿورو غــم وساري پو ھـــــلون