01/08/2024
വയനാട് ദുരന്തം ഐക്യ കേരളം ഇതുവരെ കണ്ടിട്ടില്ലാത്തതും അതുകൊണ്ട് തന്നെ സമാനതകൾ ഇല്ലാത്തതുമാണ്. എങ്ങും ഹൃദയം നുറുങ്ങുന്ന വാർത്തകളും കാഴ്ചകളുമാണ് അത് കേൾക്കുമ്പോഴും കാണുമ്പോഴും കണ്ണ്നിറയുകയാണ്. എന്നാൽ ഈ സമയത്തും വിവാദങ്ങൾക്ക് ഇടം തിരയുകയാണ് ചിലർ ന്യൂനതകളും പോരായ്മകളും ചർച്ച ചെയ്യാൻ ഇനിയും സമയമുണ്ട് അത് ഇപ്പോൾ അല്ല.
മുഖ്യമന്ത്രിയുടെ ദുരിതാശ്വാസ നിധിയുടെ വിനിയോഗത്തെ സംബന്ധിച്ച് പലതരം ആക്ഷേപങ്ങളും ദുരുഹതകളും മുൻപുണ്ടായിട്ടുണ്ടെങ്കിലും ദുരന്തത്തിൽ വിറങ്ങലിച്ച ആ നാടിനെയും, മനുഷ്യരെയും തിരികെ കൊണ്ടുവരാൻ ആ സംവിധാനവും, ഗവർമെന്റും പ്രവർത്തിക്കേണ്ടത് അനിവാര്യമാണ്. അതുകൊണ്ട് സങ്കുചിത കക്ഷി രാഷ്ട്രീയത്തിലൊതുങ്ങാതെ നമ്മുടെ സഹായങ്ങൾ എത്ര വലുതോ, ചെറുതോ ആയികൊള്ളട്ടെ അത് ഗവർമെന്റിലേക്ക് നൽകി ആ നാടിന്റെയും, മനുഷ്യരുടെയും പുനരധിവാസ പ്രവർത്തനങ്ങളിൽ പങ്കാളികളായി അവരെ നമുക്ക് ജീവിതത്തിലേക്ക് തിരികെ കൊണ്ടു വരാം.
