Radio Bouhajla

27/06/2024

غبي من يظن أنو مسرح قرطاج مسيب وأي وحدة تحك راسها تطلع للركح وتسلم على الفنان وتشطح وتصور معاه... وحد ما يڨلها كي سبّتك... كل شي مخطط ومبرمج حتى الحاجات اللي تظهرلكم عفوية !!!
وعلى خاطرو شعب تافه... ما يصدق يلڨى حاجة تافهة يكبّش فيها ويڨعد يعجن فيها حتى يردها قضية رأي عام !!!! استغلوا الحاجة هاذي باش يعملوا الـ BUZZ بوحدة الله أعلم أشكوني؟ بالنهاية هي أكيد ممثلة قامت بدور مدفوع الأجر ... باش كيما كل مرة يتعاركوا جماعة الحريات الفردية مع حراس الفضيلة والأخلاق ويسبوا بعضهم وينسوا مشاكلهم الحقيقية .. العركة اللي هي بالأصل معركة هوية واللي لتو لا نجمنا نتخلصوا منها وفي كل مناسبة تتحير من 2011 لليوم ...!!!

23/06/2024

هذا ما نشرته جريدة #العرب من لندن...
https://www-alarab-co-uk.cdn.ampproject.org/c/s/www.alarab.co.uk/%D9%86%D8%A7%D8%AF-%D9%8A%D9%86%D9%82%D8%B0-%D8%A8%D8%A7%D9%84%D9%81%D9%86-%D8%A7%D9%84%D8%AA%D9%88%D9%86%D8%B3%D9%8A%D9%8A%D9%86-%D9%85%D9%86-%D8%A7%D9%84%D8%AA%D9%87%D9%85%D9%8A%D8%B4?amp&fbclid=IwZXh0bgNhZW0CMTAAAR1zi8VWC0CuAaI-W7TUbqIhuJDiZ0uQQGUTU9yp2anRhJYA0gPxwym66Qs_aem_8k6XZ9fNuZnagbxvfGUYBw

23/06/2024

22/06/2024

في بلاد الكفار (كندا) عادي تعرضك لافتة كيما هاذي...
في بلاد من بلدان المسلمين (تونس مثلا) عادي تدخل للمحكمة تلڨى 80% من القضايا بن الجيران (منغير ما نحكوا على اللي في السبيطار على خاطر جارو ضربو بمسحة والا ببالة.)..!!!
(لمن يعتبر)

14/06/2024

: اشكون يعرف عندنا فرع لمنظمة الدفاع عن المستهلك في بوحجلة والا لا؟؟
إذا الإجابة "نعم"... أشكون رئيسها ووين مقرها؟! واشنوة نشاطها في الجهة؟؟؟!!!

12/06/2024

بكري شوي في الرديون، المذيعة تسئل وزيرة البيئة ڨالتلها: "شنوة الحل للصاشيات؟"
وروسكم يارجال ڨالتلها حرفيا: "الحل ساهل برشة، كل مواطن ماعادش يستعمل الصاشيات تو تتنحى الصاشيات..."
اتخيلوا وزير الداخلية يسئلوه شنوة الحل للجريمة يجاوبهم كل مواطن ما يرتكبش جريمة تو توفى الجرائم...!!!
كفاءات متاع بلاد هايلة ههههههه

07/06/2024

بلاغ يهم الدفعة الثالثة من عملة الحضائر

05/06/2024

في دولة عندنا جمعية اسمها "الجمعية التعاونية الاسرائيلية" ... لاهي الجمعية اليهودية ولاهي الجمعية الحاخامية ولا غيرو... اسمها فيه كلمة اسرائيلية (حرفيا)...!!!
___________
ثمة وثيقة انتشرت الفترة الأخيرة تبين ورقة متاع صوناد عليها اسم الجمعية ... كي شفتها تجاهلتها لأني الحق كنت صعيب ياسر نصدق انو ثمة حاجة هكة في تونس..!! ڨلت يمكن هاذي فوطو شوب وناس تحب على اثارة الجدل من خلال نشر الحاجات هاذي... لكن ليوم صديق بعثتلي الوثيقة واستشارني على مدى صحتها... فدخلت لموقع الفواتير على موقع الصوناد فكانت الصدمة...!! الوثيقة صحيحة 100% واللي يحب يثبت يعمل حساب في الموقع هذا ويدخل رقم الفاتورة...!!
https://portail.sonede.com.tn/accueil

04/06/2024

سؤال لأهل الذكر من وزارة النقل والشركة الجهوية للنقل بالقيروان (خاصة)
تو بلحق واحد يضيعلو اشتراك الكار يلزمو يقص اشتراك جديد؟؟!!!
سمعتها وما صدقتهاش !!!!

Présidence Tunisie رئاسة الجمهورية التونسية
Présidence du Gouvernement Tunisien - رئاسة الحكومة التونسية
Ministère du Transport - وزارة النقل
الصفحة الرسمية للجهوية للنقل بالقيروان

01/06/2024

اللي سمع يڨول للي ما سمعش...

01/06/2024

وكل شي بالدليل!!!

29/05/2024

اللي فاتاتو حلقة لبارح من برنامج

25/05/2024

من درر المرسوم 54 أنو ينجم واحد يعدي 6 سنين حبس و 50 مليون خطية على خاطر هبط عركة متاع زوز من ناس أو أكثر ع الانترنات...!!!
مثلا كي تشوف مجموعة أفارقة (مثلا) هادين على دار ويعتدوا على أصحابها رد بالك تصور وتهبط على خاطر تنجم تولي تحت طائلة المرسوم 54...!!! (ومنغير ما تركزوا مع كلمة أفارقة على خاطر هذا مجرد مثال)

21/05/2024

باش تعرفوا عاقبة الطحين الزايد والمبالغ فيه وين يوصّل؟
تو زعمة العون اللي شاف مرت الملاعبي لابسىة الكوفية الفلسطينية لو كان حسب روحو ما شاف شي وعداها وطفى الضو كان يصير هذا لكل؟؟ وفي لخر شمشيعملولو؟؟ مش يعدموه؟؟ يمكن تجيه عقوبة إدارية على أقصى تقدير توبيخ..!! القضية الفلسطينية الرجال دافعة فيها اعمارها واعمار فلذات أكبادها والطحان مستخسر فيها انذار والا توبيخ من سلطة لڨت طحانة يعملولها اللي تحب عليه حتى منغير ما تطلب منهم.....!!!
ربي يبعدهم علينا وعليكم الطحانة اللي متطوعين يطحنوا منغير ما يطلب منهم حد....!!!

20/05/2024

زعمة السيد الرئيس كان يسمع باللي ثمة جمعية نسائية في بلاصة اسمها #بوحجلة تلزت تمشي لسيدي بوزيد في كراهب نقل ريفي على خاطر الكيرات هزت "المساندين ليه" يفرح؟؟ زعمة يشرفوه المسؤولين اللي تحت تصرفهم الكيران وحرموا الجمعية من حقها في تنقل محترم (وقانوني) خاصة وأنها جمعية تنافس ديما على البطولة؟!!
يهديكم ربي راو حب البلاد حاجة والتلحيس والطحين للمسؤول حاجة أخرى...!!
رضا السهيلي

14/05/2024

وقتلي تولي أكثر كلمة تسمعها في الشارع وفي القهاوي وفي وسائل النقل وحتى في دارك... "رد بالك على روحك أش تكتب على الفيسبوك... رد بالك أش تحكي..." وقتها باي باي كرامة وباي باي حرية وباي حقوق وباي باي كل شي...!!!
رضا السهيلي

11/05/2024

ريتوه الكلام الصعيب هذا لكل...؟ معناه باختصار: عطشناكم باش نقتصدوا في استهلاك الماء بنسبة 7%...
والمشكلة التخضريط هذا حاسبينو علينا انجاز...!!!

10/05/2024

انطلاق عملية التسجيل عن بعد للسنة أولى ابتدائي ... مع وجود بعض مشاكل في التسجيل (كالعادة)...

07/05/2024

لڨينتالكم الـ Herbivore و Carnivore ومازالوا الـ Pierrivore والـ Ferrivore....
* تعريفات علمية:
- Herbivore : عاشب أو آكل العشب
- Carnivore : لاحم أو آكل اللحم
- Pierrivore : حاجر أو آكل الحجر
- Ferrivore : حادد أو آكل الحديد..
تدوينة خالية من التنمر والعنصرية !!!

03/05/2024

في اليوم العالمي لحرية الصحافة:
ترتيب تونس من ناحية حرية الصحافة عالميا من 2011 لـ 2024:
2011 - 2012 المرتبة 134
2013 المرتبة 138
2015 المرتبة 126
2016 المرتبة 96
2017 المرتبة 97
2018 المرتبة 97
2019 المرتبة 72
2020 المرتبة 72
2021 المرتبة 73
2022 المرتبة 96
2023 المرتبة 121
2024 المرتبة 118
2025 المرتبة ؟؟؟
المصدر: مراسلون بلا حدود

03/05/2024

دولة بمخابراتها وأجهزتها وتجهيزاتها وقوّادتها وصبابتها وعالمها المدعوك وفي لخر تستنى حتى صفحات الفيسبوك تكشفلها على "المتآمرين عليها"...؟؟؟؟؟
هاو مرة فنانة وصانعة محتوى في وسط الأفارقة ... هاو مرة جمعية تكري في نزل للأفارقة... هاو مرة بطل كونغ فو يدرب في الأفارقة...!!!
آهي راو أقوى ميزانيات في تونس هي ميزانية الدفاع والداخلية !!!!!
؟؟ (على رأي أشقاءنا الصفاقسية)
رضا السهيلي

02/05/2024

الله لا تبارك للي خرج الاشاعة هاذي... الواحد ريقو شاح ...!!!
هاذم ما يطبقش عليهم المرسوم 54 ؟؟!!

30/04/2024

اختاروا عنوان للفيديو

29/04/2024

سياسة تونس في مقاومة توافد الأفارقة:
تشد اي مواطن هاز معاه واحد من افريقيا يبعثوه وراء الشمس حتى لو كان هازو في لواج...!!! أما كي يشوفوهم افواج أفواج يمشوا على رجليهم أو يركبوا في الترينوات ما يكلمهم حد...!!!
نهبلوكم سياسات رشيدة ... ندخلوا في الحيط ونتعدوا منو منغير ما يطيح !!!!
رضا السهيلي

16/04/2024

حسب الوثيقة هاذي الفحص الفني ممكن يصير بدون المعدات الثقيلة الموجودة بصفة دائمة في مركز الفحص الفني... وإذا هو ممكن علاش ما تتعملش نقاط فحص فني دائمة في كل معتمدية؟؟
ثم علاش معتمديات يخصصولها 4 أيام ومعتمديات اكثر منها "ميكانيك" يخصصولها نهار برك؟؟!! واشنية المقاييس المعتمدة لذلك؟؟!!

14/04/2024

إذا ما يتفتحش تحقيق جدي في حادثة حرق المرحوم ياسين السالمي لنفسه وما تحاسبش المتسبب فيها والعمل على عدم تكرار ما حدث له فإنو النزيف مش باش يتوقف...!!!
(هذا تعليق من التعليقات على الحادثة)

14/02/2024

هذا تفسير علاش السميد المدة اللي فاتت لونو أسود وعامل الريحة...!!!
أما بالنسبة للمسؤولين بالطبيعة ڨالولكم: "بالشفاء للي كلا...." وحتى كلمة سامحونا ما تسمعوهاش... ما نحكوش على محاسبة وتتبع المتسبب في الفضيحة...!!
كان جا مواطن مخزن 10 صناديڨ دڨلة راهم حجزوهملو بتعلة "ظروف تخزين غير مطابقة لشروط الصحة..." أما مطاحن "دْوِلْ" ما يكلمهم حد...!!!

11/02/2024

كل شي فهمتو الا واحد عمرو لا شد كتاب في يديه ومتغشش كيفاش نور شيبة كتب كتاب...!!!!
المشكلة ميشي غادي المشكلة كي تتشكى من نقص المواد الأساسية يڨلك كل شي موجود...!!!
رضا السهيلي

11/02/2024

ليوم دخلت للسوبارات نلڨى السميد شكارير شكاير وحتى باكوات بو كيلو ثمة...!! غريبة المحتكرين تابوا فجأة ؟؟!!!
رضا السهيلي