اردو ادب - Urdu Adab

01/01/2024

سال کا پہلا شعر ۔۔ نہ جانے کیسا ہوا ہے ۔۔

28/12/2023

17/12/2023

تخیل ادبی فورم کے زیر اہتمام 29 دسمبر کو ہونے والے مشاعرے میں اہل ریاض کو شرکت کی دعوت..

صدارت : جناب فرحت عباس شاہ
مہمان خصوصی: جناب دلاور علی آزر
نظامت: راشد محمود

12/12/2023

پاکستان کے معروف و خوبصورت شاعر میرے عزیز دوست برادر جناب دلاور علی آزر تقریب کے مہمانِ خصوصی ہونگے ۔

تخیل ادبی فورم کی ٹیم آپ کو خوش آمدید کہتی ہے

12/12/2023

پاکستان رائٹرز یونین کے صدر اور صدارتی ایوارڈ یافتہ شاعر جناب فرحت عباس شاہ تقریب کی صدارت کریں گے۔

تخیل ادبی فورم کی ٹیم شاہ صاحب کو ریاض سعودی عرب میں خوش آمدید کہتی ہے ۔

09/12/2023

09/12/2023

انشاءاللہ حاضری ہوگی ۔۔۔

24/11/2023

ایک غزل Shahid Riaz کی نذر

مفت میں مفت بر نہیں آتے
معتبر اب نظر نہیں آتے

چلنا پڑتا ہے سارے رستوں پر
آگہی سے ہنر نہیں آتے

بوجھ ہو جن پہ خاندانوں کا
ایسے مزدور گھر نہیں آتے

نہیں آئیں گے وہ بلانے سے
بھائی میرے، شجر نہیں آتے

دوست بنتے ہیں جو ہواؤں کے
بیش تر لوٹ کر نہیں آتے

کہکشائیں ہیں میرے رستے میں
میرے رستے میں ڈر نہیں آتے

چند دیواریں توڑ دینے سے
سب اُدھر کے اِدھر نہیں آتے

ایسی مجبوریوں پہ لعنت ہو
وہ نہ آئیں اگر نہیں آتے

جب بھی آتے ہیں مست آتے ہیں
بے دلی سے بھنور نہیں آتے

اتنی اونچائیوں پہ بیٹھے لوگ
کیوں ہمیں خوش نظر نہیں آتے؟

ان سے سجتی ہے دوستی منصوؔر
خود کو جو بیچ کر نہیں آتے

19/10/2023

پس تم اپنے رب کی کون کون سی نعمتوں کو جھٹلاؤ گے

06/09/2023

https://youtube.com/shorts/w2CTEnShssk?si=kn1xMZkGcs5hNTM0

24/08/2023

غزل احباب کی نظر ۔۔۔

کھلے تھے پھول جو میرے چمن میں کاغذی سے
کچل دیے ہیں ابھی پھر کسی نے بے حسی سے

میں اپنے بخت کو روتے ہوئے کہاں جاؤں
مرے تو خواب بھی لوٹے گئے ہیں بے دلی سے

نگاہِ سوختہ بے ساختہ سی تر ہوئی ہے
ہوا ہے کون بر آمد پرانی روشنی سے

جتن نہ کیجئے پیچیدگی کا آپ کبھی
ہمیشہ مات ہی کھائی ہے میں نے سادگی سے

میں اپنی موت کو دھمکا کے پھر سے آ گیا ہوں
بہت سے کام جو کرنے ہیں مجھ کو ملتوی سے

جہاں میں میں ہوں فقط اور میری تنہائی
مجھے تو خوف ہے بس اپنی بے سپردگی سے

کوئی نہ بن سکا منصؔور بے نیاز یہاں
کوئی بھی بچ نہ سکا ہے اسیرِ بے بسی سے

منصؔور محبوب

06/08/2023

روزنامہ پہچان پاکستان کا ماہانہ ایڈیشن اگست 2023 شائع ہوگیا ہے .
ممتاز شاعر اور دانشور شفیق احمد خان کو جناب فرحت عباس (Farhat Abbas Shah) کی سرپرستی میں تخیل ادبی فورم کی جانب سے بہ دستِ خاکسار لائف ٹائم اچیومینٹ ایوارڈ کی سپردگی کی مفصل رپورٹ۔۔

ممنون بالخصوص جناب یوسف علی یوسف
Yousuf Ali

27/07/2023

سلام یا حسین علیہ السلام

مومن کا ہے سہارا ولایت حسین کی
مردود سے نہ ہوگی اطاعت حسین کی

کرتا ہے جب بھی کوئی بغاوت جو ظلم سے
اس کے لئے بہت ہے امامت حسین کی

تیروں کے سائے ان کی نمازیں ہوئیں ادا
نیزے پہ بھی ہوئی ہے تلاوت حسین کی

کوئی کہے ولی انھیں، کوئی کہے امام
اللّٰہ ہی جانتا ہے حقیقت حسین کی

اے راہِ حق کے راہی، تو کرتا ہے فکر کیوں
غازی کا جب ہے کعبہ، شہادت حسین کی

شیعہ مجھے سمجھ تو یا سنّی سمجھ مجھے
میرا عقیدہ بس ہے، عقیدت حسین کی

منصؔور، چھوڑ دے تو زمانے کی بندگی
کافی ترے لئے ہے، شفاعت حسین کی

07/07/2023

یہ ہے جون ایلیا

عمر گزرے گی امتحان میں کیا
داغ ہی دیں گے مجھ کو دان میں کیا

میری ہر بات بے اثر ہی رہی
نقص ہے کچھ مرے بیان میں کیا

مجھ کو تو کوئی ٹوکتا بھی نہیں
یہی ہوتا ہے خاندان میں کیا

اپنی محرومیاں چھپاتے ہیں
ہم غریبوں کی آن بان میں کیا

خود کو جانا جدا زمانے سے
آ گیا تھا مرے گمان میں کیا

شام ہی سے دکان دید ہے بند
نہیں نقصان تک دکان میں کیا

اے مرے صبح و شام دل کی شفق
تو نہاتی ہے اب بھی بان میں کیا

بولتے کیوں نہیں مرے حق میں
آبلے پڑ گئے زبان میں کیا

خامشی کہہ رہی ہے کان میں کیا
آ رہا ہے مرے گمان میں کیا

دل کہ آتے ہیں جس کو دھیان بہت
خود بھی آتا ہے اپنے دھیان میں کیا

وہ ملے تو یہ پوچھنا ہے مجھے
اب بھی ہوں میں تری امان میں کیا

یوں جو تکتا ہے آسمان کو تو
کوئی رہتا ہے آسمان میں کیا

ہے نسیم بہار گرد آلود
خاک اڑتی ہے اس مکان میں کیا

یہ مجھے چین کیوں نہیں پڑتا
ایک ہی شخص تھا جہان میں کیا

07/07/2023

انشاءاللہ حاضری ہوگی

24/12/2022

بے دھڑک کھول دیجے دروازہ
موت دستک نہیں دیا کرتی

منصؔور محوب

15/12/2022

احمد ندیم قاسمی صاحب کی زمین میں بیٹے منصور کی ایک غزل ۔۔
Mansoor Mehboob - منصؔور محبوب

چھوڑ دے عشق کو، اب چل خودی کی غاروں میں
غم میسر نہیں اب حسن کے درباروں میں

جن کو عجلت میں اٹھایا تھا تحفظ کے لئے
کھڑکیاں ڈھونڈتا ہوں اب انہی دیواروں میں

وار، ہتھیار، طریقہ، تو بتاتے ہیں یہی
میرا قاتل ہے چھپا، میرے طرف داروں میں

اس لئے ہوتے ہیں سب اہلِ نظر گوشہ نشین
شیخ بک جاتے ہیں تشہیر کے بازاروں میں

کاغذی ٹکڑوں میں ہی آؤ کوئی رنگ بھریں
پھول بے رنگ سے اب کھلتے ہیں گل زاروں میں

حق پرستی کے لئے رب نے تھمائیں تھیں جنھیں
بے گنہ سانسیں پرو لائے وہ تلوراوں میں

مجھ کو جب علم ہوا تو بھی تماشائی ہے
نام لکھوانا پڑا مجھ کو اداکاروں میں

ایک وہ ہے جو ہے مخبر بھی خبر بھی، ہے خبیر
ایک میں ہوں کہ چھپا کرتا ہوں اخباروں میں

سر کٹا کر بھی وہ دستار بچا لیتے ہیں
بس یہی بات ہوا کرتی ہے سرداروں میں

اک ہنرمند کواس کا ہی ہنر چاٹ گیا
لاش فنکار کی پائی گئی فن پاروں میں

سب دل و جان لٹاتے رہے تجھ پر منصؔور
کوئی تو ہم نوا مل جاتا تجھے یاروں میں