The Reader/Leader (2024)

31/10/2024

MATTHEW 6:6
When you pray, go into a room alone and close the door. Pray to your Father in private. He knows what is done in private, and he will reward you.
_________________
"Make a lot of effort to pray privately. Gusto mong manalangin? Pumunta ka sa iyong silid, isara mo ang pinto nang sa ganun, ang pakikipagniig mo sa Diyos at pribado, at tahimik. At bibigyan ka pa ng gantimpala ng Diyos. There is gravely wrong when one cannot pray alone anymore.

Privacy enhances concentration. Kapag public ang prayer, kadalasan nagiging performance na. Yung mga hindi sanay at yung mga tao who like to make a great impression when they are asked to lead in public prayer write the prayer para maganda ang presentation. Yan ang needless burden that we have to carry when we pray in public. Kung minsan hindi na genuine ang ipinagpi-pray. Kasi you are already saying what you think people like to hear. May struggle pa kung English o Filipino ang gagamitin. Nagkakaroon pa tuloy ng ganyang mga kalituhan.

Privacy affords God-centeredness because you can pray without words when you are not with people. You can even pray beyond words. At Diyos lang talaga ang kausap. Hindi kailangang lagging mamutawi ang mga salita sa ating labi sapagkat nababasa ng Diyos ang laman ng ating puso at isip."

- E.L.

05/04/2024

STARING DOWN SIN
Galatians 5:10-23
_____________________

Ok na usisain ang problema natin sa kasalanan para magkaroon tayo ng mas maayos na pagtingin sa mundo nating wasak at sa salvation ng ating Panginoon. Di kasi natin lubos na maiintindihan ang halaga ng krus kung ano ba ang binayaran ni Jesus.

Magandang maging practical din ang approach natin dito.

Di lang natin basta matutunan o malaman na tinalo na ni Lord ang sin. Pero mabuting mabuhay tayo sa victory na yun sa bawat araw. Yung maexperience natin ang abundant life ng pagrerestore na dala ng Panginoon para sa atin.

May power na dala ang tignan ang kasalanan kaysa i-ignore ito.

Noong 2008, tinitigan ng madiin ng Welsh rugby team ang nakakatakot na All Blacks. Nang matapos gawin ng New Zealand team ang kanilang pre-match haka (parang isang warriors' cheer), walang emosyon at walang takot na tinitigan lang ng mga Welsh players ang bawat isa sa kabilang team. Maririnig mo ang sobrang lakas na sigawan ng crowd, papalakas hanggang sa ang buong stadium ay nabalot sa nakakatindig balahibong ingay. Isa yung harapan na talagang naamaze ang buong rugby world; parang isang nakakakilabot na muka ng sports. 2 teams, na walang planong umatras: isang mabangis na moment ng pakikipaglaban.

Now, may limit ang bawat illustration. Pero alam kong nagegets mo yung point. Kapag tinitigan mo ng harapan ang kasalanan, at alam mo kung ano ang tinapos ni Christ, naglalaho ang ating kahihiyan. Because of Jesus, sin can't hold us anymore. Natutuwa tayo habang inaalis sa atin ang sin. Instead of denial, guilt, at regret, freedom ang nakikita natin. Ito ang power ng krus ni Kristo!

Sa pagsusulat ni Paul sa mga Galatians, gumamit siya ng battle language. Yung ating desire sa kasalanan ay "in conflict" sa Spirit ng Diyos. May showdown dito. Pero instead na balewalain yung tension, nag encourage si Paul na maging matatag. Gusto niyang titigan natin ang ating flesh at piliin pa rin ang paraan ng Diyos.

Hindi ito pagpapakita ng pagsuway. Isa itong logical response ng mga talagang napanghawakan ang achievement ni Jesus sa krus. Ang power ng sin ay tuluyang natalo. Kaya naman, we can resist sin - knowing it's been beaten.

Hindi na dapat iconsider yung isang option - na balewalain ang sin. Kapag binalewala mo ang kasalanan, pepestehin ka lang nyan. Sisirain tayo nyan using guilt, shame and regret. Hindi yan ang plano ng Diyos sa'yo!

Sinulat ng isang Theologian na si Dallas Willard, na kapag binalewala natin ang sin, "we are like the farmers who diligently plant crops but can't admit the existence of weeds and insects and can only think to pour on more fertilizer."

Di tayo pwedeng magpretend na hindi nag eexist ang sin. Di tayo pwedeng magpretend na wala tayo sa spiritual battle. We must choose to fight lalo na at alam na naman natin na pinanalo na tayo ni Christ!

So have courage today. Tignan mo ng harapan ang kasalanan, iacknowledge mo lahat ng ninakaw nito sa'yo, then palayasin mo na yan habang tinatabunan yan ng liwanag ni Kristo. You have the victory. Lakaran mo.

Babaguhin tayo ng resulta nyan. Kapag lumakad tayo sa Spirit ng Diyos, makakapamuhay tayo ng buhay ng may "love, joy, peace, forbearance, kindness, goodness, faithfulness, gentleness and self-control." Ito ay mga marka ng buhay na binibigay ng Diyos dahil sa Kanyang restorative power. Ito ay mga bunga ng katagumpayan. I hope maranasan natin ito habang tinitignan nating mawala ang kasalanan sa buhay natin. Di mo ito pagsisisihan.

03/04/2024

MENDING RELATIONSHIPS
2 Corinthians 5:17-21
______________________

Saan mo kailangan ng restoration ni God?

Alam nating matinding damage ang ginagawa ng sin sa bawat relationships: relationship kay God, sa sarili natin, sa ibang tao, pati sa paligid. Napakasakit na epekto nito. Or magiging masaklap kung magtatapos lahat ng ganito.

But na lang hindi. Habang napaka importanteng imeditate ng sin para maunawaan natin ang mundo, hindi naman sin ang may final say sa atin. Matagumpay ang ating Panginoong Hesus laban sa kadiliman.

Sa 2nd Corinthians 5, nagbanggit ng matinding declaration si Paul: "If anyone is in Christ, the new creation has come: The old has gone, the new is here!" Isa itong joyful na pagpapahayag ng pagbabagong dala ni Jesus. Nirereverse ni Christ ang brokenness natin. Also, with the Holy Spirit's help, we can experience reconciliation in our damaged relationships.

Gusto nating mangyari ito sa atin!

Sa bawat relasyong may lamat sa buhay natin, dapat tayong maglagay ng space para sa restorative healing ni Jesus.

Pause for a moment.

Hinga ng malalim. Kung makakatulong, pikit mo muna ang mga mata mo. Gusto kong maimagine mong lumalapit ka sa krus ni Jesus. Visualize the scene.

The cross is empty. Isang paalala ng resurrection ni Jesus at victory Niya over death. Pero ito rin ay tumatayong simbolo ng makapangyarihang pag-ibig ni Kristo.

Lumapit ka sa paanan ng krus. Tignan mo yung mga kahoy nito. Dahan dahan mong isipin kung anong nirerepresent ng krus na ito: Your freedom. Your forgiveness. Your salvation. Jesus died for you because He loves you.

Tignan mo isa-isa ang 4 na dulo ng krus: Up, down, then side to side. Now, tignan mo yung mga points na yun as representations ng apat na relationships na nasabi ko kanina; yung sinisira ng sin.

Iisa isahin natin ang bawat relationships at magsasalita tayo ng reconciliation at peace sa mga yun. Idedeclare natin: "The old has gone. The new is here."

Ang pataas na point ng cross ay nagtuturo pataas sa ating Diyos Ama sa langit na nagmamahal sa atin. Nagkaroon tayo ng reconciliation sa Kanya dahil sa dugo ni Christ, na dumaloy sa krus. The old has gone. The new is here.

Ang pababang point ng krus naman ay naglelead para makita natin ang ating sarili at bigyan ito ng bagong simula. Dahil pinatawad na tayo ni Kristo, pwede mo na ring patawarin ang sarili mo. Iwanan na ang kahihiyan. Tignan ang sarili kung paano tayo tinitignan ng Diyos. Tayo ay Kanyang mga "masterpiece."
The old has gone. The new is here.

Ang crossbeam o yung pahalang na kahoy ay naglelead sa atin para tignan ang ating paligid. Napapalakas ulit akong maging mabuting steward sa mundo on God's behalf. Naeempower akong gumawa ng pagbabago, na mangangalaga sa paligid ko.
The old has gone. The new is here.

Kung makakatulong, tagalan pa natin ang tingin dito. Let God speak His restoration over you. He can renew your relational joy today. May your relationships flourish!

02/04/2024

LESSONS FROM SARDIS
Revelation 3:1-6
______________________

Imagine: May napaka importante kang pinaghahandaan bukas ng umaga. So nag alarm ka, natulog, tapos kinaumagahan, nagsnooze ka ng alarm mo, tapos tinanghali ka ng gising at namiss mo na yung importanteng pinaghandaan mo. Kung nagawa mo na to, alam mo yung feeling na parang may tumama sayo na mapapangiwi ka nalang.

May serious consequences ang carelessness. At alam to ng city of Sardis.

Ang Sardis at minsang tinaguriang jewel of Lydian empire: isang napakagandang city na nakapwesto sa isang well-defended area. Pero, ang advantageous location nito ang nagdala sa mga taga rito para maging arogante at masyadong confident. Ang tingin nila sa sarili nila ay mga invincible sila o di basta basta babagsak. Pero nung 546 BC, sinalakay sila ng mga Persian invaders, kinuha ang mga yaman nila, at iniwang wasak ang city. Nangyari ito kasi nakatulog yung mga bantay sa gate ng city kaya naiwang walang guard ang city. Isa itong simpleng pagkakamali na nagdulot ng malalang epekto.

Isang attack lang ay sobrang lala na, kaso, nangyari ulit ito. After 300 years, noong 214 BC, mga Syrians naman ang sumalakay sa Sardis kung paano sila napasok ng mga Persians noon.

Ang city na dapat well-defended, eh naiwang sira sira dahil sa kanilang arrogance at complacency. Makikita natin sa history ng Sardis na malaki ang kabayaran ng pagtulog o pagwalang bahala sa importanteng mga pangyayari.

Kaya nang sabihin ni Jesus sa Revelation ang mga salitang "Wake Up!", talagang tumama sa mga taga Sardis ito. Dahil para sa isang city na kilala sa kanilang matinding pagbagsak, ang mga salita ni Jesus ay parang malakas na alarm.

Pero kahit na binibigyan sila ng warning ni Jesus, nagsasalita Siya ng may love. Hindi Siya nagwawarn sa Church para icondemn sila. Ginawa Niya ito para ibalik sila na magfocus sa dapat at importante nilang dapat gawin. Hindi gusto ni Lord na mawasak ang Church dahil sa apathy (walang pake) nito o bihagin ng makamundo mga pananaw dahil sila ay tulog spiritually. Gusto Niyang gumising, bumangon, at ipaglaban ng Church ang kanilang pananampalataya.

Isa tong wake up call na kailangan din natin sa mga buhay natin ngayon.

Alam nating nabubuhay tayo sa isang broken na mundo na kailangan si Jesus. At tayo bilang mga representatives ni God ay inutusan na ishare ang Kanyang message of hope. Pero, tulad ng mga taga Sardis, madalas tayong nagiging apathetic sa bitbit nating mabuting Balita. Pero hindi ito dapat magtuloy na ganito.

Salamat na lang, may dalang solution ang message ni Jesus para sa pagiging tulog spiritually. Di lang warning ang binigay ni Lord sa kanila kundi pati instructions kung paano maging alerto. 3 practical steps ang binigay ni Lord para magising at makakilos ang bawat believer.

First, "STRENGTHEN WHAT REMAINS".
Pinapaalala ni Lord sa atin na ang battle for faith ay dipa tapos pero lagi tayong may pag-asa kay Jesus.

2nd, "REMEMBER WHAT YOU HAVE RECEIVED AND HEARD."
Ineencourage tayo ni Lord na bumalik sa basics lalo na kapag nagsstrugle tayo. Sometimes looking backwards actually moves us forward. Alalahanin natin ang Word of God! Isipin natin yung resurrection ni Jesus, ang Kanyang extraordinary grace at kung ano ang halaga nito sa buhay natin.

Finally, "HOLD IT FAST, AND REPENT."
Tinuturuan tayo ni Lord na ivalue ang discipline at magkaroon ng matibay na commitment na maging firm sa pananampalataya. Don't give up, lalo na sa panahon ng taghirap.

Isang susi para lumalim ang ating spiritual devotion ay ito: Wake Up! God's got so much more for you than you know! It's time to rise and shine, and step into all that's ahead of you today. Ito ang alarm clock natin, wag mong snooze ok?

30/03/2024

ENCOUNTER THE LORD OF CREATION
Luke 8:22-25
_____________________

Ngayong araw, traditionally, inaalala ang pagkakahimlay ng katawan ng Panginoong Jesus sa tomb. Ito ay isang uncomfortable pause sa pagitan ng grief at joy; ang madilim na sandali bago wasakin ng liwanag ang dilim; ang moment bago sumabog ang katagumpayan. Parating na ang resurrection ni Christ, pero wala pa talaga.

Welcome sa Silent Saturday or Black Saturday.

As you connect with God today, lapit ka kay Jesus for the purpose of being present with Him. Choose to rest with Him. Let Him refresh your soul.

During Black Saturday, di ito first time na na-experience ng mga disciples na parang wala masyadong ginagawa si Jesus sa mga medyo mabigat na moments. Earlier years, naranasan ng mga disciples na fishermen ang bagsik ng weather sa Galilees nang ugain nito ang bangka nila - habang si Jesus ay parang missing in action. Tulog kasi Siya at parang di nababahala sa life-threatening danger na hinaharap ng mga kaibigan Niya.

When God goes silent, it's never easy. Mabilis nagpanic mode ang mga disciples. Sa kabila ng mga natutunan at pagkakakilala nila kay Jesus, worst case scenario agad ang una nilang naisip: "Malulunod tayo!" Sa gitna ng bagyo, nakalimutan nila kung sino ang kasama nila. Madalas ganito din tayo.

Pero let's observe Jesus' response.

Bumangon Siya, sa isang iglap, nagbago ang buong scenario. From waves, wind and chaos, Christ brought peace, serenity and security. Sa isang iglap nagbago lahat.

Jesus was in control. Never Siyang hindi naging in control.

Pagtapos ng lahat, nagliwanag ang tunay na nature ni Christ. Ang Hari ng buong sangnilikha ay naroon.

Ano tinuturo nito sa atin ngayong Silent o Black Saturday?

Tulad ng ibang miracles ni Christ, ang tagpong ito ay nagsisilbing motif. God's control over nature foreshadows His mastery over death itself. Tumutukoy ito sa mas malaking katotohanan. Sa lake, gumising at bumangon si Jesus at pinakalma ang bagyo. Sa krus, Siya ay bumangon at pinakalma ang spiritual na bagyo, nirebuke ang kaaway, at nirestore ang kapayapaan sa ating mga kaluluwa. Isa itong pambihirang reminder kung sino ang Diyos

Dahil sa omnipotence ni Christ, mapapanatag tayo. Anuman ang nangyayari, it's not over until God says it's over. He's in control and His silence is not the same as His absence. In one instant, everything can change.

Reflect. Saang parte ng buhay mo na tingin mo wala si Jesus?

Pwedeng mukang natutulog si Jesus sa iyong bangka or nasa tomb. Today, pwede mong i-renew ang iyong pag-asa. Sunday na bukas. Sumisilip na ang tagumpay. Ang makapangyarihang Diyos ay narito. Sinusunod Siya ng mga hangin at alon. Ultimo kamatayan nagpapasailalim sa Kanya. Despite God's silence, He's still working.

Kung feeling mo nakastuck ka sa Silent Saturday, ipaalala mo sa sarili mo kung sino ang Diyos ng Bible - ano ang Kanyang character. Hindi nag Iwan ng unfinished business si Jesus. Sinulat ni Paul: "He who began a good work in you will carry it on to completion until the day of Christ Jesus" (Philippians 1:6). So manatili tayo sa daan ni Lord. Parating na ang breakthrough mo.

28/03/2024

LESSONS FROM EPHESUS
Revelation 2-1-7
_______________________

Diko po alam sa inyo pero kung may isang modern-day invention na talagang pinagpapasalamat ko, yun ay ang digital navigation systems. Kasi sa panahon natin ngayon, yung mga map apps or GPS (google map, waze, etc) ay hindi lang nagtuturo kung paano tayo pupunta sa ibat ibang lugar, pero kaya din nitong bigyan tayo ng traffic updates, mga roads na dapat iwasan pati pinakamabilis na pwedeng daanan. Nagsisilbi itong compass sa tamang direction as well as a warning system para sa dapat iwasan.

Naisip mo ba kung bakit yung mga inventor nitong technology na ito eh magdecide na magdagdag ng extra functions, lalo na yung mga road warnings na binibigay nito? Ito kaya eh para mayamot tayo sa magiging byahe natin dahil sa tindi ng traffic na haharapin natin? Para kaya magpanic tayo sa haba ng oras n hihintayin natin para makarating sa pupuntahan natin? Syempre hindi! Nilagay itong mga special functions na ito para tulungan tayong makapag adjust accordingly at makahanap ng ibang ruta kung magkaroon ng problema.

At tulad kung paano tayo magtiwala sa GPS natin at sa mga sinasabi niyo, pag nagbigay ng warnings si Jesus, dapat din tayong makinig sa Kanya.

Now, ilan sa mga content na makikita natin sa book of Revelation ay mahirap lunukin o matanggap. Pero hindi yun nakasulat para magdala ng pighati o kalungkutan at takutin tayo sa buhay, instead nakasulat yon dun para tulungan tayong madiscern kung anong dapat gawin at para magkaroon ng pagbabago patungo sa tamang direction.

Habang inaaddress ni Jesus ang Ephesian Believers, nagshare Siya ng both praise and a challenge. Pinuri Niya ang mga ito for being solid, hard-working people na punong puno ng faith at talagang pinanghahawakan ang truth. Natutuwa si Lord sa example na pinakikita nila sa ibang followers ni Jesus.

Pero, binigyan din sila ng isang matinding warning about something very important kay Lord: ang kanilang core identify bilang Christians. Despite sa kanilang excellent work ethic at sa mga bagay na naaaccomplish nila, ang mga Ephesian Christians ay nakalimot sa pinaka identity nila. Nakalimutan na nila ang pag-ibig na minsang nagpasiklab ng kanilang faith. Ang Church sa Ephesus ay nawalan ng kanilang passion kay Jesus at, consequently, hindi na sila gumagawa nang may buhay na dala ng pag-ibig na dapat nakikita sa mga anak ng Diyos. Basta gumagawa lang sila.

Naramdaman mo na rin ba yun?

Kung paanong nagwawarning ang GPS para mag redirect tayo, nagwawarn naman si Jesus sa Church at China challenge tayo na umiba ng daan. Gusto Niya ng best for us. Gusto Niya tayong kumain mula sa puno ng buhay, hindi sa isang tasteless religion lang. Sinasabi Niya sa Ephesians na hindi pa huli ang lahat para magbago at ganun din naman sa atin - dipa huli ang lahat.

Nothing we do for Jesus makes sense without love. Dahil si God mismo ang pinaka essence ng love. When love vanishes, everything else is just vanity. Ang spiritual life natin ay nagiging tuyo, at walang kulay. Kahit ang mga impressive works natin ay nagiging walang saysay kung walang makikitang pag-ibig dun. Instead, tulad tayo ng sinasabi sa 1 Corinthians 13:1 - "a clanging cymbal".

Love dapat ang maging center point natin, ang pinaka core kung sino tayo.

Pero paano natin maibabalik yung spark na meron tayo noon? Salamat nalang nagbigay ng sagot si Jesus.

Sinabi Niya na bumalik tayo sa unang pag-ibig natin kay Jesus. To simply be with Christ.

Ngayon din, hanapin mo yung reset button. Ito ang unang susi sa spiritual devotion. Balik sa basics. Remember the first time you met God, first discovered His love. Remember mo yung blessings Niya, His miracles. Habang hinahanap mo yung daan pabalik sa love, daan pabalik kay Jesus, everything else will follow.

27/03/2024

HOW TO LIVE FOR JESUS: GO ALL IN
Hebrews 12:32-40
____________________

Faith is a daily choice.
Faith pleases God.
Faith doesn't stop at "what's possible."
Faith takes the eternal view.
Faith stands for truth, whatever the cost. Faith releases God's grace.

Ngayon, mag dive in tayo sa last thought about faith: Faith goes all-in.

The Christian life cannot be "half in, half out". Following Jesus is all-consuming: isang buong pagbabago ng pananaw. Ito possible ang pinaka sacrificial na buhay. Pero ito din ang pinaka adventurous at rewarding. Pag sinuko mo ang sarili mo sa purpose ni Jesus, maeexperience mo ang buhay in a brand new way. Pwedeng di madali, hindi comfortable or convenient. In fact, pwedeng kabaliktaran - ito ay mahirap, uncomfortable, at inconvenient. Pero, ito ay magiging powerful at productive. Ang pagsunod kay Jesus ay isang decision na mag-iiwan ng eternal legacy, kaysa sa simpleng buhay lang dito sa mundo.

Pero bakit may mga taong gagawin ito at gustong dumaan sa ganitong buhay?

Ang sagot ay nasa Hebrews 12:32-40. Ang mga heroes of faith na nandito ay mga taong nagconquer ng mga kaharian, lumaban para sa hustisya, nagpatikom ng mga lions, nagpahupa ng apoy, at nakita na ang kanilang kahinaan ay naging pinakamalakas nilang sandata. Nirepresent nila si God at binigay ang lahat ng meron sila para sa purpose ni God, kaya nakita nila ng harapan ang ibat-ibang milagro. Tulad ng sinabi sa verse 38 "The world, was not worthy of them." Nakabasa ka na ba ng ganyan sa isang obituary?

High sacrifice. High reward. Ito ang buhay na may Kristo. Ang faith ay hindi bigla lang dumadating na parang patalastas. Rather, ito ang gasolinang nagpapagalaw sa lahat ng ginagawa natin. Kaya tayong dalhin ng faith sa mga lugar na never natin naiimagine at tulungan tayong mapagtagumpayan ang pinakamalalaki nating laban. It's powerful. It's transformative. But it also demands everything from you.

Ready ka bang ilabas ang isang radical faith ngayon?

Ngayong 2024, mas marami na tayong nakita sa buong larawan ng plano ng Diyos kaysa sa mga heroes of faith sa biblical times. Alam natin ang resurrection ni Jesus at ito ang kinakapitan natin. Nasa atin ang Banal na Espirito bilang personal guide para palakasin tayo sa ating journey sa pananampalataya. Nabubuhay tayo sa pangako ng kaligtasan na kinamatayan ngunit hindi nakita ng mga heroes of faith sa Bible. Don't take that for granted. As Christians, tayo ay nasa isang pambihirang position. At hindi bulag ang ating pananampalataya! Ito ay nakaugat sa isang Diyos na ang presensya ay nakapa makapangyarihan mula noon hanggang ngayon at sa habang panahon.

25/03/2024

HOW TO TRUST GOD OVER PEOPLE: MOSES' STORY
Hebrews 11:24-29
_____________________

Madalas sa buhay natin, meron tayong choices na haharapin kung gagawin ba natin yung tama o yung madali o comfortable. Pwedeng familiar na dilemma ito satin. Naencounter mo na ba yun?

May isang babaeng nagngangalang Rosa Parks. Tumulong siya para isulong ang civil rights movement sa USA (siya ang tinawag na first lady of civil rights). Ginawa nya to simula nang tumanggi siyang ibigay ang upuan niya sa isang kano (kasi di siya puti) sa Montgomery, Alabama bus noong 1955. Ang tapang nya ang nag trigger sa sunod sunod na mga events na naglead para ituring na unconstitutional ang batas na bus segregation (paghihiwalay ng puti at itim sa loob ng bus). Siya ngayon ay recognized bilang symbol of dignity & strength. Sa pagresist sa nakasanayan sa lipunan, namotivate si Rosa Parks sa malalim na desire for justice, dahil inspired siya sa kanyang belief na ang kanyang mapagmahal na Diyos ay mahustisya. Siya ay sobrang involved sa Church at may malalim na faith. Ang faith niyang ito ang nagturo sa kanya na ipaglaban ang katotohanan, kahit ano pang kabayaran.

Ito ang choices ni Rosa Parks: gawin ang comfortable at ligtas or gawin ang tama at totoo. Ganito din ang naging choices ni Moses. Pwedeng mamuhay nalang sa karangyaan si Moses. Nasa isang magandang position siya - tinuring na parte ng pamilya ng Pharaoh! Pero alam niyang hindi yun ang gusto ni God sa kanya. Pinagpalit ni Moses ang safety at karangyaan sa isang dangerous at mahirap na calling. Binilang niya ang sarili niya bilang bayan ng Diyos kaysa sa mga makapangyarihan at influential na mga tao sa panahon niya. He chose right over easy.

Ano ang nagtulak kay Moses at Ross Parks para magkaroon ng ganitong bold life choices?

The answer is clear: their faith. Faith ang nagtulak kay Moses para sumunod sa extraordinary call ni God na palayain ang Kanyang bayan. Faith din ang nagtulak kay Rosa Parks para tumayo at labanan ang injustice, kahit na ang kabayaran ay ang kanyang kapayapaan at safety.

Faith involves radically trusting in God over everything else. Isa tong desisyon na tumayo para sa katotohanan, kahit na pwede kang ireject ng mga tao. Ito ay ang lakas ng loob o tapang na paniwalaan ang Salita ng Diyos kaysa sinasabi ng kultura at ng mga tao. Faith is putting your life and reputation on the line for the things that matter to God.

Pag nagsimula tayong isipin at unahin lagi ang iniisip ng Diyos, ang Christianity ay nagkakaroon ng buhay. Dadalhin tayo nito from simply "existing" papunta sa buhay na thrilling at God-reliant adventure. Hindi ito madali. Hindi ito laging safe. Pero ito ay buhay na masagana.

Paano tayo tutulad kay Rosa Parks o kay Moses ngayon? Saan natin i-aactivate ang faith natin para tumayo sa tama? Magtiwala tayo kay God over people. Minsan nakakatakot, pero di natin ito pagsisisihan.

25/03/2024

HOW TO NAVIGATE UNFULFILLED PROMISES
Hebrews 11:13-16
_____________________

Sabi ng isang lumang kasabihan, "A society grows great when old men plant trees in whose shade they shall never sit." Malalim to. Kapag ang mga tao ay nabubuhay nang higit sa kanilang sarili, maraming generations ang nakikinabang.

Dapat natin itong maintindihan within God's story when we talk about faith. When we live for Jesus, we serve a generational God. Meaning, laging part lang ng overall picture ang makikita natin. Pwede tayong magsimula ng isang bagay na iba naman ang tatapos. We may encounter God's promises without personally seeing their fulfilment.

Sa madaling salita: ang Kingdom ni God ay hindi tungkol sa atin. Ang buhay natin ay parte lang ng bagay na higit na mas malaki - sobrang laki. It's generational. It's for Jesus' glory, not ours. Ito ang nagbibigay ng purpose satin habang sumusunod tayo kay Christ. Pero, ibig pa rin sabihin nito ay di natin kaagad makikita kung paano tatahiin ni Lord ang mga nangyayari. May mga bagay na mananatiling secret until ipahayag na ni God ito satin, we just need to trust God.

Sa Hebrews 11:13-16, makikita natin ang principle na ito. Marerealize nating ang mga heroes of faith sa book of Hebrews ay never nakitang mangyari yung promises ni God! Namatay sila sa pananampalataya, pero maigi pa ring kumapit at nanalig na tutuparin ni God ang Salita Niya.

Naconsider mo na ba na ganito ang faith?

Faith isn't "getting what we want" or seeing things happen on our own timelines. Faith is trusting God even without seeing the promised outcome. Actually napaka challenging nito.

Buti na lang, tinuturuan tayo ng Bible kung paano natin idedeal ang mga "mukhang" unfulfilled promises. Ineencourage tayong ishift ang ating mindset. Kinikilala ng mga heroes of faith na sila ay mga "foreigners at naglalakbay lang dito sa mundo" (verse 13) at nabuhay na naghahangad ng mas mabuting Lugar - isang panglangit na lugar (verse 16). Although sila ay nasa Mundo, alam nilang hindi sila taga dito. Sila ay citizens ng ibang kaharian. Nabuhay sila na may eternal perspective at hindi temporary mindset. Pwede din nating gayahin yun.

Bihirang mangyari na ang mga pangako ng Diyos ay mangyayari sa paraan o time na ineexpect natin. Pag sinubukan nating ilagay sa box si God, mafufrustrate lang po tayo. Pero kapag inackowledge nating parte lang ng kabuuan ang nakikita natin, mapapayapa tayo - kahit na parang ang buhay ay hindi tulad ng naiimagine natin.

Now, paano natin idedeal itong mga mukang unfulfilled promises? Ang sagot ay ang pang-apat nating "faith-truth". Hindi lahat mangyayari sa lifetime natin. Kailangan natin magtiwala sa Diyos. Ang buong redemption plan ni Jesus ay higit na mas malaki kaysa sa atin. Eternal ito. Tanggap ng faith na maaaring di natin makita o mawitness na mafulfill yung mga promises ni God, pero ang faith ay nagtitiwala na hindi ito kabawasan sa katapatan ng Diyos. Isa tong mahalagang mindset shift.

Kapag lumakad tayo sa pananampalataya, ginagamit tayo ni God para magtanim ng mga puno na ang lilim ay maaaring di tayo ang makinabang. Kaya magtiwala tayo kay God ngayon. Kung ang pangakong pinanghahawakan mo ay di mo pa nakikita, tuloy ka pa ring sumunod sa Kanya. Kahit di mo maintindihan si God, worship mo pa rin Siya. Kung naghihintay ka ng breakthrough, magpray ka pa rin. Baka nagtatanim ka na ng mga seeds na mamumunga sa susunod na generations.

23/03/2024

HOW TO TRUST GOD FOR THE IMPOSSIBLE: ABRAHAM AND SARAH'S STORY
Hebrews 11:8-12
_____________________

Ang story ni Abraham at Sarah ay radical. Kaya di nakakapagtakang napasama sila sa hall of faith ng book of Hebrews. Sila ay mga faith-superstars. Sa kabila ng katandaan nila, firm silang naniwala sa isang di mahirap paniwalaang promise ni God na magkakaanak sila. At nangyari nga! Isang extraordinary miracle ang birth ni Isaac. If you have time, I encourage na basahin mo ang buong kwento starting Genesis 12.

Pero let's be honest... minsan pag nababasa o naririnig natin yung mga kwento ng matitinding faith eh napaparalyze tayo o nadidiscourage kaysa namomotivate. Pag tinitignan natin sila Abraham at Sarah naiisip natin "Di ako magiging tulad nila." Di natin naiisip na pwede din natin ipakita yung ganung klaseng faith - isang miracle-producing faith. Also, di man sinasadya, dinidisqualify natin ang mga sarili natin na maexperience ang mga pangako ng Diyos, kasi naiisip nating may problema sa atin. Pero dapat stop na yung ganyang mindset.

We should realize ang ating faith ay hindi nakasalalay sa kakayanan natin na wag magdoubt but instead ito ay tungkol sa character ng Diyos. In fact, kapag nag investigate tayo sa story ni Abraham at Sarah, makikita nating puno ito ng discouragement, disobedience, at distrust. Hindi sila perpekto! Si God ang faithful, hindi sila. Napaka gandang balita niyan. Siguro, pwede din talaga tayong maging Abraham at Sarah.

Nireveal ng Genesis 16, at one point, na sa pagiging discouraged nila Abraham at Sarah dahil sa paghihintay sa promise ni God, sila na mismo ang dumiskarte para mangyari ito. And so... plot twist - nauwi ito sa pakikipagtalik ni Abraham sa babaeng slave ni Sarah at yun, hindi si Sarah, ang nagdala ng anak ni Abraham - si Ishmael.

Kung may masasabi tayong mapait na epekto ng doubt, ito yun... hinayaan ni Abraham at Sarah ang discouragement, kaysa faith, ang magdikta ng choices nila at dinala sila nito sa isang painful consequences. Pero kahit ganun, di nito napigilan si God na tuparin ang pangako Niya.

Kung nadidiscourage ka today, hayaan mong tulungan ka nitong story na ito sa dalawang levels.

Una: discouragement is never your friend. Although madalas legit ung discouragement, hindi to magdadala ng buhay sayo. Wag mong bigyan ng space sa buhay mo yan. Ilalayo ka kasi nyan kay God para subukang solusyunan ang mga problema mo gamit ang sarili mong paraan. Hindi ito worth it. Rather, hayaan mong si God ang maging comforter mo sa iyong paghihintay. Renew your hope. God is always faithful to His promises.

Pangalawa: kung may struggle ka sa doubt o discouragement, hindi ibig sabihin disqualified ka na para maging isang faith hero. Di pa tapos ang story mo. Gusto ni God tuparin ang mga pangako Niya sayo, kahit ano pang nagawa mo. Kaya buhayin mo ulit ang faith mo. Kay Christ, faithfulness ni God ang magdedefine sa'yo hindi ang failures mo.

Ang 3rd "faith truth" natin is this: Faith isn't limited by what's possible, nor is it quenched by your doubt. Rather, faith is rooted in God's unchanging character. It thrives in the impossible, even amid discouragement. Oras na para muling magtiwala sa Diyos na gumagawa ng himala. Kayang kaya ni God!

The Reader/Leader

31/10/2024

05/04/2024

03/04/2024

02/04/2024

30/03/2024

28/03/2024

27/03/2024

25/03/2024

25/03/2024

23/03/2024

Address

Website

Alerts

Videos

MALAYANG PAG-IBIG (Huling Gabi)

Shortcuts

Share