07/02/2024
ما څه خبره کوله؟
ما څه خبره کوله! چې ما څه خبره کوله؟
ما دا خبره کوله چې په زمکه ولې جنګ د؎
دا ولې يو انسان د بل انسان د لاسه تنګ د؎
دا ولې مخ د عدل شوکېدلې د؎ بدرنګ د؎
دا ولې د شعور په آئينه ختلې زنګ د؎
ما دا خبره کوله ما د زړه خبره کوله
ما څه خبره کوله چې ما څه خبره کوله
ما دا خبره کوله چې که يو نه شو ورکېږو
ما دا خبره کوله چې که يو نه شو توئېږو
ما دا خبره کوله چې که يو نه شو شرمېږو
ما دا خبره کوله چې که يو نه شو قتلېږو
ما تاسو ته د پلار او د نيکه خبره کوله
ما څه خبره کوله چې ما څه خبره کوله
ما دا خبره کوله چې سکون نشته دا ولې؟
ژوندي خلق خو ډېر دي خو ژوندون نشته دا ولې؟
پښتو په ژبه وائي خو پښتون نشته دا ولې؟
دې بعضې بعضې خلقو له قانون نشته دا ولې؟
دې حال کښې به مې څه د ژوندانه خبره کوله
ما څه خبره کوله چې ما څه خبره کوله
ما دا خبره کوله چې ذهنونو کښې تيارې دي
د سپينو سپينو خلقو په مخونو کښې تيارې دي
يارانو! د يارانو په نيتونو کښې تيارې دي
خبرې د رڼا کوي خو زړونو کښې تيارې دي
ما دغه د رڼا او د تياره خبره کوله
ما څه خبره کوله چې ما څه خبره کوله
ما دا خبره کوله چې په کومه ګناه مرمه؟
په داسې ګناه مرم چې په بې نومه ګناه مرمه
د ظلم په قفس کښې په مظلومه ګناه مرمه
يه خدايه! چې دا څه په نامعلومه ګناه مرمه
نو ما خو ددې خپل تندي سپېره خبره کوله
ما څه خبره کوله چې ما څه خبره کوله
ما دا خبره کوله چې اولس ترې په عذاب د؎
ما دا خبره کوله چې سړي وژني قصاب د؎
خو مخ يې هم د يرې نه پټ کړ؎ په نقاب د؎
دا کومه طريقه ده دا لا کوم حساب کتاب د؎؟
هو ياد مې شو چې ما ددې لېوه خبره کوله
ما څه خبره کوله چې ما څه خبره کوله
ما دا خبره کوله چې اقبال هسې غږېږي
د وخت په تشدد او استحصال هسې غږېږي
نه فن ورسره شته او نه کمال هسې غږېږي
نه سر باندې پوهېږي نه په تال هسې غږېږي
اقبال خو ګېني ډېره سره په سره خبره کوله
ما څه خبره کوله چې ما څه خبره کوله؟
اقبال مومند
