19/05/2023
ਮਦਰ ਵਰਕਸ਼ਾਪ, ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਸਹਿਮ
ਨਕੋਦਰ, ਦਵਿੰਦਰ ਸਹਿਮ, ਅੱਜ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਪਿੰਡ ਸਹਿਮ ਵਿਖੇ ਵਿਭਾਗੀ ਨਿਰਦੇਸ਼ਾ ਅਨੁਸਾਰ 'ਮਦਰ ਵਰਕਸ਼ਾਪ' ਕੀਤੀ ਗਈ। ਹੈੱਡ ਟੀਚਰ ਕਮਲਦੇਵ ਸਿੰਘ ਦੀ ਅਗਵਾਈ ਵਿਚ ਪ੍ਰੀ-ਪ੍ਰਾਇਮਰੀ,ਪਹਿਲੀ ਅਤੇ ਦੂਸਰੀ ਜਮਾਤ ਵਿੱਚ ਪੜ੍ਹਦੇ ਬੱਚਿਆਂ ਦੀਆਂ ਮਾਤਾਵਾਂ ਨੇ ਇਸ ਵਰਕਸ਼ਾਪ ਵਿੱਚ ਭਾਗ ਲਿਆ। ਇਸ ਵਰਕਸ਼ਾਪ ਦਾ ਅਜੰਡਾ ਮਾਵਾਂ ਨਾਲ ਪ੍ਰੀ-ਪ੍ਰਾਇਮਰੀ ਸਿੱਖਿਆ ਬਾਰੇ ਗੱਲਬਾਤ ਕਰਨਾ, ਪ੍ਰੀ ਪ੍ਰਾਇਮਰੀ ਮਟੀਰੀਅਲ ਬਾਰੇ ਉਨ੍ਹਾਂ ਨੂੰ ਜਾਣੂ ਕਰਵਾਉਣਾ ਅਤੇ ਐਮਰਜੈਂਸੀ ਵਿਚ ਮੁੱਢਲੀ ਸਹਾਇਤਾ ਦੇਣ ਬਾਰੇ ਜਾਣਕਾਰੀ ਦੇਣੀ ਸੀ। ਵਰਕਸ਼ਾਪ ਅਜੰਡੇ ਅਨੁਸਾਰ ਅਤੇ ਬਣਾਏ ਗਏ ਪਲੈਨ ਅਨੁਸਾਰ ਬਹੁਤ ਵਧੀਆ ਤਰੀਕੇ ਨਾਲ ਚਲਾਈ ਗਈ। ਹਾਜ਼ਰ ਮੈਂਬਰਾਂ ਵੱਲੋਂ ਵਧੀਆ ਸੁਝਾਅ ਵੀ ਦਿੱਤੇ ਗਏ। ਇਸ ਪ੍ਰੋਗਰਾਮ ਵਿਚ ਕਰਾਈਮ ਰਿਪੋਰਟਰ ਦਵਿੰਦਰ ਸਿੰਘ ਨੇ ਵਿਸ਼ੇਸ਼ ਸ਼ਿਰਕਤ ਕੀਤੀ।ਇਸ ਪ੍ਰੋਗਰਾਮ ਵਿਚ ਮਾਸਟਰ ਮਨਿੰਦਰ ਸਿੰਘ, ਗੁਰਪ੍ਰੀਤ ਕੌਰ, ਬਲਬੀਰ ਕੌਰ,ਅਮਰਜੀਤ ਕੌਰ, ਸੁਨੀਤਾ, ਕੁਲਵਿੰਦਰ, ਸੰਦੀਪ ਕੁਮਾਰੀ,ਪਰਮਜੀਤ ਕੌਰ, ਸੁਨੀਤਾ ਰਾਣੀ, ਬਲਵੀਰ, ਜੋਤੀ, ਸੋਨੀਆ, ਦੀਸ਼ੋ, ਜਸਵਿੰਦਰ ਕੌਰ ਆਦਿ ਹਾਜ਼ਰ ਸਨ।
