11/12/2023
ထိုင်းယာဉ်မောင်းလိုင်စင် ကိုယ်တိုင် ဘယ်လိုသွားလျှောက်ကြမလဲ
ကျွန်တော် December 4 ရက်နေ့တုန်းက သွားလျှောက်ခဲ့တဲ့ အတွေ့အကြုံကို မျှဝေချင်ပါတယ်။ အကုန်အကျသက်သာပြီး တစ်နေ့သာ အချိန်ပေးရလို့ လုပ်ဆောင်ရမဲ့ အရာတွေကို ပြောပြပေးပါမယ်။
ကျွန်တော်က ရန်ကုန်မှာ ကားလိုင်စင်ရှိပြီးသားဖြစ်လို့ တစ်ရက်နဲ့ သွားလဲလို့ ရတာပါ။
ခ လိုင်စင်ဆိုရင် ထိုင်းလိုင်စင်ကို လဲလို့ရပါတယ်
(3 တန် ကားမောင်းခွင့်ရ)
လိုအပ်သော Document များ -
* Passport မူရင်း / မိတ္တူ
* Myanmar Driving License မူရင်း / မိတ္တူ
* သံရုံးထောက်ခံစာ တစ်ရွက် (500 ဘတ်ကျပါတယ်)
(Driving License One Stop Service နဲ့ အပ်လိုက်ပါတယ်)
* Medical certificate မူရင်း / မိတ္တူ 150 ဘတ်
Thai Car License လုပ်ချင်ပါက 205 ဘတ်
Thai Motorcycle License လုပ်ချင်ပါက 105 ဘတ် ဖြစ်ပါတယ်
ကားနဲ့ ဆိုင်ကယ် နှစ်ခုလုံးကို တစ်ခါထဲ လုပ်လို့ ရပါတယ်။ အဲ့တာဆို စုစုပေါင်း 310 ဘတ်ပါ။
How to go there?
အရင်ဆုံး ကျွန်တော်က Siam Paragon ကနေ ရထားစီးဖို့လုပ်ပါတယ်။ ပြီးတော့ Mo chit အထိကို ရထားစီးလိုက်ပါတယ်။ Mo chit ရောက်ပြီဆိုရင် Department of Land Transport Building 4 ကို လမ်းလျှောက်သွားလိုက်ပါတယ်။ ဂိတ်ပေါက်ဝကို ရောက်ပြီဆိုရင် ရုံးကိုကျော်ပြီး ဆက်လျှောက်သွားလိုက်ပါ။ အဲ့မှာ Medical certificate ထုတ်ပေးတဲ့ ဆေးခန်းသေးသေးလေး ရှိပါတယ်။ Medical certificate က 100 ဘတ်ကျပါတယ်။
(Google Map မှာ Department of Land Transport Building 4 ထောက်ကြည့်လို့ ရပါတယ်) အနားက ဆေးခန်းကလဲ အဲ့လမ်းထိပ်မှာပါ
ပြီးရင်တော့ ရုံးကို ပြန်လမ်းလျှောက်ပါ။ Building 4 အထဲကို ရောက်ပြီဆိုရင် One stop service ကောင်တာမှာ Foreigner support ရှိပါတယ်။ အဲ့မှာ ကား / ဆိုင်ကယ် လုပ်ချင်ပါတယ်လို့ ပြောလိုက်ရင် သူက လိုအပ်တဲ့ စာရွက်စာတမ်းတွေ ပြင်ပေးပါတယ်။
(ရုံးကို 9 နာရီ 10 နာရီလောက် ရောက်အောင် သွားနိုင်ရင် ကောင်းမယ်။ နောက်ကျသွားရင် ဒီနေ့အတွက် လူပြည့်သွားလို့ မရလိုက်ရင် နောက်နေ့ ရက်ပြန်ချိန်းရပါတယ်)
(သူတို့မှာ 9 နာရီ အသုတ်နဲ့ 1 နာရီ အသုတ် နှစ်ခုရှိပါတယ်)
10 နာရီလောက်မှ ရောက်တယ်ဆိုရင် 1 နာရီအသုတ်နဲ့ ရလောက်ပါတယ်
အဲ့တာပြီးရင် အပေါ်ထပ် ၂ လွှာကို တက်သွားပြီး Driving Test စစ်ဖို့လုပ်ပါတယ် သူတို့ ညွှန်ပြတဲ့အတိုင်းသာ သွားလိုက်ပါ။
Driving Test မှာ ဘာတွေ စစ်လဲဆိုရင် -
* Color Test (အနီ အစိမ်း အဝါ အရောင်ကို သိလား စစ်ပါတယ်)
* Distance Test ( တိုင်နှစ်ခုကို အကွာအဝေးညီအောင် ညှိခိုင်းပါတယ် )
* Break Test (ဘရိတ်ကို အချိန်မှီ နင်းနိုင်လား စစ်ပါတယ်)
* Peripheral vision Test (မျက်လုံးရဲ့ ဘယ် / ညာ အဆုံးနားမှာ အရောင်ကို ခွဲခြားမြင်နိုင်လား စစ်ပါတယ်)
အဲ့တာပြီးရင်တော့ ကားမောင်းရင် သိသင့်တဲ့ အရာတွေကို အပေါ်ထပ်မှာ Video ကြည့်ခိုင်းပါတယ် 45 minutes လောက်ပါပဲ။ Video ပြီးသွားရင် တန်းထွက်ပြီး 2 လွှာမှာ ဓာတ်ပုံရိုက်ပြီး လိုင်စင်ကို တန်းထုတ်ပေးပါတယ်။ ဓာတ်ပုံရိုက်ခါနီးမှာ ပိုက်ဆံပေးရတာပါ။
(အက်ျီအဆင်ပြေတာ ဝတ်ပါ)
အကုန်လုံးပြီးသွားရင် လိုင်စင်ရပါပြီ နာမည်နဲ့ passport နံပါတ်ကို သေချာစစ်ပါ။
ကား / ဆိုင်ကယ်လိုင်စင် သွားလုပ်တဲ့အခါ အဆင်မပြေတာမျိုး မဖြစ်ရအောင် ကျွန်တော့် အတွေ့အကြုံကို မျှဝေပေးတာပါ။ အဆင်ပြေပြေနဲ့ ရပါစေ။ : )
#ထိုင်းကားလိုင်စင် #ထိုင်းဆိုင်ကယ်လိုင်စင် #ထိုင်းကားလိုင်စင်ကိုယ်တိုင်လုပ်
