MissMum HK

04/03/2024

【 】 OMG😱日本明治CHELSEA彩絲糖今個月停售
．
細個成日食呢款明治MeijiCHELSEA彩絲糖🍬，原來呢款糖出咗53年喇！不過都敵唔過銷售量，要光榮退休喇😭！細個時呢款糖比起其他糖貴（ #暴露年齡系列），係「高級糖」嚟㗎🏵️！個時最鍾意咖啡拖肥味，覺得自己好大個好高級，好似大人「歎咖啡」咁☕~ 唔知各位爸爸、媽媽細個鍾唔鍾意食呢❤️？
．
圖片來源：明治官網
．
#明治 #彩絲糖 #糖果

11/09/2023

今年係 第二年夏天喺英國，英國地方大，天氣好（只限夏天😆）真係多嘢玩嘅，尤其小朋友，大草地大公園，大愛！

27/03/2023

是日追櫻。
圖為Battersea Park的白色櫻花路。
好靚🤍

多得朋友提供資訊， 才知道英國和日本的自2019年起，展開了一個名為「櫻花計劃」合作項目，此為日本政府推動國家的國際文化項目，旨在促進日本與海外國家的交流。
當時日本政府向英國捐贈了數百棵櫻花樹，並在倫敦多個公園種植，當中包括Greenwich Park、Hyde Park、St James Park、Battersea Park等等...
計劃詳文：https://japanuksakura.org

🤍想知附近邊度有櫻花，輸入所在地就一目了然。
櫻花位置：https://japanuksakura.org/locations/

不過英國天氣難以捉摸，時晴時陰、突然大風落雨，突然轉眼放晴，真心好難估。朋友話靚花盛開可能都係幾日至一星期貨仔。想影相就要把握機會。

20/03/2023

今年係 第二年在英國過母親節，上年3月初到埗，才如夢初醒般發現英國母親節係3月。成年之後，後知後覺，上ChatGPT問下原因。

答案係咁：
『英國母親節通常在3月的第四個星期日慶祝。日期會因為復活節的日期而變化，而復活節的日期則是根據春分月圓和春分的日期計算而來，所以今年英國母親節就是3月19日。
這個傳統可以追溯到16世紀，當時在英格蘭和蘇格蘭的某些地區，人們會在「行樂星期天」(Laetare Sunday)這一天慶祝母親節。這個星期天是基督教復活節期間的一個主日，也被稱為中點主日。當時，人們會返回自己的教堂「母親教堂」，感謝自己的母親和家庭。

在英國，母親節現在已經成為一個傳統節日，通常與給母親禮物和卡片相關。該節日在其他國家的日期可能不同，因為它們可能基於不同的宗教、文化和歷史傳統。』

好吖！3月又好5月又好。
我今年收到兩張靚靚手寫咭，好surprise 仲識寫中文😱。Credit 要全數俾晒同區有心人，每星期開班教中文，未致於可以追到香港程度，不過落後好過零。個人認為，喺英國學中文，越細就越難迫，明顯我隻仔係唔鍾意中文，鬼咩，英文簡單咁多，又可以拼音，細路仔咁醒一定係捨難取易嘅。要學可以試試從有趣嘅經典童話故事開始，多寫多讀，起碼至少俾個字型concept 俾小朋友。
各位 要小朋友學中文，都係靠自己。
母親父親們，盡做啦！
加油！

#20230319
#母親節快樂

13/03/2023

自 上個post之後，收到幾位失聯嘅舊同學、舊朋友、舊同事私訊。🤭

「我都喺英國呀。你住邊呀？約下見面啦。」
「乜你走咗咩？幾時呀？我都唔知嘅？」
「我都有好用護膚品推介，你有冇用過###？好好用呀！」
「我4月嚟英國呀！約你見面吖！」
「我哋交換英國電話吖，方便WhatsApp聯絡。」
「Neutrogena 支hand cream邊度買呀？」
「等你介紹英國好去處呀！」
「幾時返香港呀？」

多謝你哋嘅關心同問候呀！很暖🤗

07/03/2023

英移護膚篇

事隔一年，多得 鼓勵，嘗試再次執起鍵盤粒子，在此分享一下我的 生活。

人坐定了，想想應該從何說起？說來汗顏，在英的凡人生活平淡，邊有人有興趣睇？想來想去，題材如生活小節、留國消費、劣食介紹、外遊推介等...就遲下再諗諗有乜好嘢，今回先分享【護膚篇】。

從前在香港，我的皮膚從來不知道什麼是「乾」，很囂張但是真的，那時候，只要我用了些稍為滋潤的產品，皮膚就會自然生粒粒告之。

可是來英後，不同地方不同氣候，（還有，聽說倫敦的硬水也會對皮膚有所影響，這方面我沒有深入研究！），對我的皮膚帶來很大的衝擊，我不時會感覺到皮膚乾得很崩緊，聽皮膚說話，最簡單就是轉護膚品。侍著自己多年試產品的經驗，大概都估到什麼適合自己。以下是我的分享：

For Face
1. LaMer Moisturing Cream
以前冬天才捨得用的LaMer，如今成為我的恩物。

2. Clarins Double Serum
乾到揸完serum，要再揸cream呀，陰公！Clarins Double Serum值得投資。

For Mask
3. 美容院paper mask
其貌不揚，但真心推介。美容院朋友幫我買的蠶絲面膜，原為做美容機後舒緩保濕用，精華質地很溫和，又夠保濕又夠滋潤！好彩臨走時大手入貨，用到家陣仲夠用。（要買PM我，推介！）

4. No 7 Hydration Mask
Made in UK平價上架貨，no 7 保濕面膜，有事無事，建議日日敷。

For Body
5. Kiehl's Creme de Corps
從前儲落的特別版潤膚霜，終於大派用場。香港懶得揸，嚟到無得懶，全家適用。

For Special Care
6. E45 Itch Relief Cream
顧名思義就係止痕cream 囉！事緣小兒嚟到後，雙手關節出濕疹，很崩潰呢！這是一般藥房可買到無藥性的止痕cream，見痕就厚敷，easy！

7. La Roche-Posay Soothing Repairing Balm
這支Made in France，質地比較厚實。都係嗰句，痕就揸，主要用途係舒緩滋養皮膚，全身全面都用得，個人認為「有揸多、無揸錯」。

For Hand
8. Neutrogena Hand Cream
平、靚、正。法蘭西產品，一般超市買到，抵用！

9. Aloe Vera Balm
早前於Anya Hindmarch pop up store買的蘆薈Balm，當時買都只為盒上有小女個名，用落才發現當hand balm係神奇地好用，仲要好香！Made in Uk，正嘢！

以上產品純粹 個人分享，有問題歡迎大家留言，同時推介下英國有咩好用skin care。
就咁...

25/02/2023

一時糖黐豆....
一時水溝油...🫣
係咪有兄弟姊妹嘅都係咁？

12/07/2022

【十歲，送咩禮物好？】
不經不覺， 已經10歲， 諗咗好耐，送咩禮物比呢隻女好呢？想送有紀念價值又不土氣的禮物，好讓女兒留個10歲的成長回憶。終於....

～外國人好興送咭，小事大事有事無事都送咭，所以生日咁大件事當然要送張充滿情深說話的生日咭啦！十年之後，睇返我哋字裡行間的祝福，留個回憶呀囡！😆

～今年無cake topper 呀！打左個10年玻璃磚過你。We love you to the moon and back!❤️

～希望你喜歡媽咪幫你改的英文名。ANYA with July flower Water Lily 🪷🥰

～原來「YES DAY」對小朋友嚟講係好開心，爸爸媽咪每人送張Yes day voucher，一張全日永無say no嘅代用券。唔知隻女幾時用呢？

十歲，生日快樂🎂
簡單食一餐韓燒，幾個donuts 砌成的生日蛋糕。隻女已經Over The Moon，依然是容易滿足的小孩，太好了。

各位 又有咩仔女生日送禮idea 可以分享下呢？

07/04/2022

【💰消費券第一期💰】今日「出」咗$5000「糧」，大家諗住點用？ 就諗住用喺小朋友身上👧🧒~
呢2年唔好講去旅行，連學都無乜機會返，日日困喺屋企對住個iPad、電腦上堂，眼仔真係會好差~ 所以我都幫小朋友配番副藍光鏡👓，雖然唔係百分百幫到手，但都算做聊勝於無，我哋一家都會去zoff配眼鏡！👓
去zoff嘅原因係因為真係好freestyle，無人特別sell，鏡架亦有好多選擇（當然鍾意名牌就無得計喇），最重要係30分鐘就配好⏱，唔使等幾日又再出去囉！仲有小朋友鏡架同鏡片都有好多選擇，今次就發現zoff有個全新迪士尼公主眼鏡系列，甜美公主風眼鏡唔止小朋友鍾意，媽媽都心心眼呀😍~
呢次Zoff全新迪士尼公主眼鏡系列👸將公主位充斥於鏡臂、鏡框甚至眼鏡盒上，設計夠晒細緻，仲用公主元素剪影嚟呈現，唔好太過誇張，就算小公主戴住返學都唔會浮誇！
⭐系列仲有Rapunzel、Belle、Ariel 3個系列畀小公主揀，仲有眼鏡掛鏈同眼鏡盒可以配，一般鏡片由$798起，消費券配完仲有錢可以配多副全新Zoff x UNITED ARROWS Meet The New Me聯乘系列，又或者最啱疫情或者轉季用嘅Zoff Protect防飛沫花粉眼鏡，全家配晒都夠錢~ good！ 🤓

#眼鏡 #消費券2022 #消費券 #藍光鏡片 #護眼

31/03/2022

【❤️孫藝珍玄彬結婚❤️】今日係《愛的迫降》嘅神仙眷侶CP結婚好日子，新娘子果然不負「孫仙」之名，仙氣十足登場💑~
仙氣與生俱來，都要有飄逸婚紗輔助，一直有傳孫藝珍會選代言品牌Valentino，誰知一個華麗轉身，挑選了最受歡迎婚紗品牌VERA WANG嘅2020年春夏Camellia作婚照嫁衣👰，另一件則選了近年極受明星名媛歡迎嘅Elie Saab 2022年春夏系列，滿滿嘅水鑽閃爍燦爛，就如新娘子合不攏嘴嘅幸福笑容一樣成為焦點~
結婚當天讓新娘子搶盡風頭，但也遮不住男主角就俊俏，玄彬挑選了Tom Ford西裝行禮，祝兩人白頭到老，做對現實嘅神仙眷侶

圖片：VAST ENTERTAINMENT

#孫藝珍 #玄彬 #愛的迫降

28/09/2021

【 💁‍♀️ ．3分鐘食得上湯西洋菜🍲】自從9月開學，就要忙 嘅功課，煮餐飯都變得「奢侈」！
阿囡最愛「湯湯」，特別係雞湯，但家陣激素咁勁，都要小心揀食材畀小朋友，專揀「無激素」系列，雞翼、雞扒都要「無激素」🐔，就連雞湯都唔例外！
今次 就用澳洲製造、無激素無添加嘅純鮮清雞湯🐔，配合 #家樂牌愛環境食材 西洋菜，3分鐘⏱就煮好個上湯西洋菜，加啲明目杞子、鮮甜蝦米，開胃又有益😋！
➡材料：
西洋菜1斤、杞子及蝦米適量、薑幾片、家樂牌純鮮清雞湯1盒
➡煮法：
1/ 加鹽將西洋菜徹底浸洗，將西洋菜下半（近根位置切走），只留頂部嫩葉部分；
2/ 杞子及蝦米浸洗備用，薑切片；
3/ 將家樂牌純鮮清雞湯煲滾，放入薑片、少許油，再加蝦米略煮，放入西洋菜煮約3分鐘至嫩綠即可熄火，放上杞子即可上菜！👏！
✅小貼士：切走嘅西洋菜下半，可留來煲西洋菜陳腎無花果豬𦟌湯呀😍！

揀選 #愛環境食材 可以減少對環境造成影響，長遠嚟講可以改善人類同地球嘅健康呀~
#家樂牌濃湯寶 #家樂牌純鮮清雞湯

03/08/2021

【 實試💁‍♀️ 】近年嘅夏天愈來愈熱🔥，日日3X度，紫外線又猛烈☀，令人忍唔住日日匿喺屋企開大冷氣！雖然好歎，但皮膚會唔覺唔覺被抽乾水分，搞到肌底缺水就會勁出油🙄！

今次MissMumZoe就去 Skin & Co. 試個無針注射treatment： ✅，呢部得到FDA認證嘅DEP無針注射儀，可以喺零痛楚下🤩，將唔同嘅養分導入肌底，好似膠原蛋白、透明質酸咁，佢仲比起傳統嘅離子導入更快更深層，可以穿透到入皮膚快速補水、美白或者補充膠原蛋白👍，達到唔同嘅效果💪！

任何肌膚護理都應先從補充水分開始，皮膚水分夠，至可以做其他嘅針對性護膚。所以美療師今次就幫MissMumZoe做水分注射，先補充充足嘅水分💧！美療師會先幫肌膚做溫和嘅去角質護理，疏通毛孔，就唔會浪費一滴美容溶液💦！之後就會用 將補水美容液打入肌底，極速保濕💦，由於無痛安全，所以可以做到接近眼周附近位置👁️！完成後再敷多個mask💆‍♀，將保濕精華及養分鎖緊喺肌膚內就完成喇🙌！

成個過程非常舒服😊，真的零痛楚，做完之後明顯肌膚比之後光澤感強了，水潤效果幾明顯，最緊要美療師係成個過程都有講解❤️，令你更了解treatment嘅過程同效果，對個treatment就更有信心🥰！

想知多啲呢個DEP水光槍療程，可以CLICK去睇睇：www.skinandco.hk

#保濕療程

27/06/2021

【 💁‍♀️ ．三文魚頭豆腐金菇湯🍲】 最愛吃三文魚🐟，慢煮三文魚、三文魚白汁意粉、味噌三文魚……無一不歡，今次 就用三文魚頭，再加埋 #家樂牌愛環境食材 金菇，快煮個三文魚頭豆腐金菇湯🍲，營養豐富又健康，用來做湯飯好啱夏天食呀😋！

➡材料：
三文魚頭1個、金菇2包、豆腐2磚、大蔥1條、薑幾片、家樂牌濃湯寶 #鮮菇清湯1粒

➡煮法：
1/ 先將三文魚頭🐟洗淨瀝乾水分✅（記住要乾身呀，唔係煎魚頭時就彈晒啲油出嚟）；
2/ 金菇切根、豆腐切小件、大蔥切片、薑切片；
3/ 煲2L滾水備用，燒熱油鑊，下魚頭煎至兩邊金香，再加薑片，即「撞」滾水，魚湯便會呈奶白色；
4/ 魚頭湯煮10分鐘後，下家樂牌濃湯寶 #鮮菇清湯、豆腐、大蔥、金菇，滾後轉中小火煮10分鐘，隨個人喜好加鹽，就可以飲喇👏！

✅小貼士：加粒不添加味精及防腐劑嘅家樂牌濃湯寶 #鮮菇清湯，可以令湯帶濃濃鮮菇味，層次更豐富，湯頭更甜更清香😍！
揀選 #愛環境食材 可以減少對環境造成影響，長遠嚟講可以改善人類同地球嘅健康呀~

#家樂牌濃湯寶 #鮮菇清湯

01/06/2021

祝各位準小一生都抽到好學校💪🏻💪🏻💪🏻💪🏻💪🏻💪🏻💪🏻💪🏻

31/05/2021

【 廚房🍽】 MissMumZoe自從3年前成功生酮瘦身20磅，至今雖然已「脫酮」，但仍然維持低碳生活，調味醬汁都講求健康！所以我好鍾意用希臘乳酪入廚🥣，乳酪可以令肉質更鬆軟嫩滑👍🏻，醃雞時加啲，可以分解蛋白質，會有意想不到嘅滑溜感，唔會嚡拾拾🤩！

今次MissMumZoe就用嚟當沙律醬🥣，又可以提升鮮味，仲低卡低碳呀，最重要係可以平衡三文魚嘅豐盈油潤感，感覺更清新，絕對係夏日開胃菜☀️，so fresh🌿！

➡️慢煮鮮檸檬番茄香草三文魚🐟 +希臘乳酪羅勒香檸醬🌱

Step 1️⃣：將三文魚解凍，吸乾魚身水分，魚身抹上適量鹽及黑胡椒醃30分鐘；
Step 2️⃣：將三文魚面層水分再吸乾，放入可作慢煮嘅密實袋內，加入油漬番茄🍅、檸檬片、橄欖油、迷迭香碎，再以46度水溫慢煮30分鐘；
Step 3️⃣：取出已慢煮三文魚🐟，用廚紙吸乾表面水分，開火，油熱後先放皮煎至金黃，再反轉略煎，取出；
Step 4️⃣：將100g 希臘乳酪😍（一定要用無糖）、新鮮羅勒數片（剪碎）🌱、適量鹽🧂及黑胡胡椒、新鮮檸汁少許混合🍋，當作醮料即可。




#煮煮煮煮煮
#三文魚
#高纖高蛋白低卡菜
#簡易食譜
#希臘乳酪簡易食譜

30/05/2021

但願世上爸爸都聽得懂😌



#他爸的
#咱媽的

[媽媽是世界上最好的作家。]

玩手機是一件非常邪惡的事情，本人有多年閱讀經驗，但近年看書都偶爾會出現瞌眼瞓的情況，皆因手機資訊太快了，腦部基本上不用運作。閱讀不同，要理解，要分析，要幻想，稍為做多少少被寵壞的腦袋就想躲懶。

家中有數本親子書籍，孩子去到不同階段又再重複拿來翻閱，遇到寫得好的就會跟內子分享一下。

每件事都有好有壞的見解，遇着孩子的問題，有時候我會有我的見解，內子有她的見解，書本裏的專家又有他的見解，如果大家爭持不下，我只有一個答案，就是：媽媽的想法是對的。

阿媽是陪伴孩子時間最多的人，也是最了解孩子的人，這世上沒有必定正確的答案，那麼這時候我們自家親子書的作家，即是媽媽，她的答案肯定是最好的答案。

爸爸嘛？不用拗啦，媽媽永遠是對的，她用汗水和心血換來最好的答案。

27/05/2021

【夜釣墨魚這回事】

人生第二次夜釣墨魚，印象中對上一次是year 1跟同學仔柴娃娃去的，開心嘅....但印象模糊....究竟有冇成功釣到過呢？唔記得。

是次，已經是N年後，拖男帶女試下夜釣樂趣。

雖然船家話5月未係釣墨魚高峰時期，但一船人由天光玩到天黑，又成功"chok"到十幾條墨魚🦑，仲可以即場食埋，已經夠大人小朋友開心一整晚，抵玩！

⭕️記住記住要著深色衫！
墨魚上水一刻會噴墨（亂射嗰隻😆），著咗深色衫就以避無患✌🏼
⭕️買定外賣上船食！
純粹係釣唔到墨魚都有啲嘢食下無咁悶。
⭕️黃昏天未黑就出海！
影埋船上日落美景，一舉兩得。
⭕️學會耐性！
根本釣唔釣到墨魚唔係我話事，最終目的係想小朋友學會凡事有耐性以及專注的重要性（大人亦然～😌）。

------------------
🚤🚤船家係朋友介紹。
每次可載18人內，有需要PM我啦！



#釣墨魚
#墨魚

09/05/2021

【母親節快樂】Missmums同Minimums祝各位媽媽「媽媽節快樂」😘😘😘😘😘

#母親節快樂

26/04/2021

手腕針灸分享

作為兩孩之母，最怕就是見到自己未老先衰，老態盡現😵。自大約兩三年前，右手手腕就斷斷續續發生隱隱作痛的情況，不過由於沒有連續且劇烈痛楚，所以就一直閒著懶理，直至朋友向我介紹中醫 德善堂中醫 Chinese Essence Medicine 最新專門針對手部痛症的針灸治療，為了健康，當然要試試！🤗

整個療程大約45分鐘，由問診到針灸即可為手腕減痛楚。

1:中醫辨診🩺
首先是中醫把脈問診，鎖定手痺痛的成因。
結論：抱小朋友有機會是引致手痛的其一原因，但中醫卻找出另有原因可能是跟我電話體積有關（我用iPhone 11 ProMax），大大部電話，好多時間手拿電話就會將錯力集中在手腕之上。

2.定位針灸🔑
再來就是定位針灸，舒筋通絡。
醫師幫我於右手手腕位置定位落針，手勢又快又輕，過程只有輕微針拮感覺加上電流協助，深入舒緩痛楚問題。

3.砭石溫灸 ♨️
以溫灸熱力，活血止痛。
中醫角度認為不通則痛，醫師最後用了溫灸儀，在手臂至手腕位置由上而下滑行，微微的溫感有效遊走，透過「推、按」等按摩手勢配合熱力幫助做到活血止痛，消除疲勞的功效。

結論：😌
寫文之時已經是療程後幾天，手腕的確沒有了久不久會出現的痛楚。不過我絕對相信痛症是需要時間復原，最治本的方法當然是及早求醫根治才可免卻日後老來出現的久痛與風濕問題。當下治本方法就是減少於手指或手腕肌腱位過度用力或長期進行重複性動作。說到未...減少玩電話能醫百病，信不信由你。😆

＝＝＝＝＝＝＝＝＝＝＝＝＝＝＝＝＝＝＝＝

超筍！中醫治手痛症
$299 優惠療程體驗登記👇🏼👇🏼
https://bit.ly/3assrS7

#德善堂中醫 #針灸 #溫灸 #手機手 #媽媽手 #手腕勞損 #分享

21/04/2021

有冇 係紫控？

雖不是紫迷，但Apple iPhone 12 即將推出的突破紫，確實吸睛，有Noisy!

*4.23開始預訂。*

　

09/04/2021

英國皇室代女皇宣佈皇夫菲臘親王在家人陪同下與世詳辭，享年99歲。
恩愛70多年，願英女皇節哀，皇夫安息。

source：The Royal Family

21/03/2021

♻️綠在區區♻️

我知，我知這不是新鮮事。
但對於後知後覺的 嚟講....哈哈....很新鮮兼很有意義。😊
推介媽媽將環保意識發揚到下一代，帶埋小朋友同回收物資到各區均設的回收點。✅
♻️回收物資後仲可以儲分換禮物🎁

♻️留意「綠在區區」介紹：
https://www.wastereduction.gov.hk/tc/community/crn_intro.htm

♻️回收點資料：
https://www.wastereduction.gov.hk/tc/community/crn_outlets.htm

#綠在區區
#綠在寨城
#綠在行動
#環保天使
#既綠且6

18/03/2021

媽媽崩潰系列...😂😂😂

Handbag Clinic喺YouTube出咗條「救袋」片，幫個英國媽媽拯救被女兒塗鴉嘅Chanel！
呢個可愛嘅小朋友喺袋上畫咗自己個樣，仲簽埋大名，係好嬲😡，但又好好笑😂～
查實Zoemama覺得幾靚，如果「不幸」有呢一日，會keep住呢個獨一無二又充滿愛嘅袋畫呀😍

#手袋

18/03/2021

家中總有一個小朋友係咁。😆

深深體會到佢嘅可愛。

16/03/2021

久違了的入場睇戲。🙌🏼
最近報復式咁入戲院連睇三齣戲（爽😊），推介大人帶小朋友去睇呢套 #魔龍王國（ )。
一貫迪士尼動畫的輕快節奏，有緊張又不失幽默，從中讓小朋友學會邪不能勝正之餘，最重要知道對別人信任的重要。🙌🏼
對身邊家人、朋友、老師、同學要有信任，所有好人好事團結起來就能成功。😊
簡單易明，無投訴。✌🏼
.

#睇戲都無鬆懈
#口罩不離面

14/03/2021

與 的親子裝😍

相信有唔少Mum，同囡囡其中一個最開心嘅「親子活動」，就係可以幫囡囡扮靚靚，買一套套一式一樣嘅親子裝，影番輯sweet sweet相留為紀念，真係好甜好開心嘅回憶呀~

但係市面上要買親子裝，一係好貴一係款唔靚，淘仔收貨時又有可能「與現實有距離」~點先可以最划算買到親子裝？ 就有呢個小貼士......買童裝🥳！

Zoemama 中等身型，身高160cm多少少，就可以買盡Zara、Uniqlo等童裝大碼，媽咪們可以選擇152或160cm嘅size，Next更係有比160大0既size可以揀（外國女仔高啲嘛），最重要係比大人衫更平！紫色leggings購自next，只係$54；而泥黃色hoodies就係Zara出品，大人細路都唔使$200件，可著性仲高，絕對係經濟之選！提提大家，Uniqlo最近新增童裝160碼，啱晒中等身型媽咪呀！

#母女裝 #親子裝