Poplife.PH

01/08/2024

ICYM: ENTERTAINMENT | Multi-awarded Filipina artists Lea Salonga and Dolly de Leon will star in an upcoming stage play 'Request Sa Radyo'.

Magka-alternate na magtatanghal sina Lea at Dolly sa Filipino adaptation ng play ni Franz Xaver Kroet na 'Wunschkonzert' o 'Request Program'.

Ang stage play na ito ay umiikot sa kwento ng babaeng malungkot sa kanyang pag-iisa at naghahanap ng human connection. Marami ring aral na mapupulot dito tungkol sa mental health. Matutunghayan ang kanilang pagbabalik-teatro sa October 10 hanggang 24 lamang sa Samsung Performing Arts Theater. Maaaring bumisita sa page o website ng 'Request Sa Radyo' para sa schedule.


Photo Courtesy: Facebook/Request Sa Radyo

01/08/2024

ICYMI: FOOD & TRAVEL | This 24-hour arcade might be something you need to solve your late-night boredom, if you ever find yourself unable to sleep at night and looking for something to do.

Ang 'No. 9 Animation City' ay matatagpuan sa 2nd floor ng pinakabagong mall sa Parañaque City, ang Parqal Mall. Wala itong opening o closing hours dahil bukas ito 24 hours, 7 days a week.

Tulad ng mga nakasanayang arcades, maraming larong mapaglilibangan dito tulad ng shooting, racing, basketball, at siyempre, hindi mawawala ang mga video games.

Meron pa itong VR (virtual reality) roller coaster para sa mas exciting at thrilling na experience.

Kaya naman kung hindi makatulog sa gabi o kaya naman ay naghahanap ng maagang mapaglilibangan, pwedeng-pwedeng dalawin ang lugar na ito.

Maaaring i-check ang kanilang official page para sa iba pang detalye at activities:

https://www.facebook.com/parqal



Photo courtesy:
Facebook/Parqal

01/08/2024

ICYMI: INSPO | The province of Apayao has soared to a new height as it was recently named a United Nations Educational, Scientific, and Cultural Organization's (UNESCO) Biosphere Reserve.

Iginawad ang pagkilalang ito kamakailan sa bansang Morocco sa 36th session ng International Coordinating Council of the UNESCO Man and the Biosphere Programme (ICC-MAB).

Ito ay dahil mayamang biodiversity ng lugar na siyang pinangangalagaan ng national government at ng lokal na pamahalaan nito.

Malaki ang probinsiya ng Apayao at maraming lugar ang maaaring dalawin dito. Ilan sa mga ipinagmamalaking lugar ng Apayao ay ang Pudtol Waterfalls na sa sobrang linaw ng tubig, makikita mo ang pinakailalim nito.

Ang Lussok Cave naman ay isa sa kanilang natural wonder, kung saan may underground river na siyang tulay sa iba't-ibang cave chambers ng lugar.

Ang Bacut Lake Tourism and Nature Park naman ay isang attraction para sa mga nature lovers dahil sa ganda at pagiging berde ng kapaligiran.

Mayroon ding silang mga cultural festivals tulad ng Say-Am Festival at Pudtol Town Festival na magbibigay ng kakaiba at masayang experience sa mga turistang dadayo sa probinsya.

Para sa iba pang detalye at impormasyon tungkol sa probinsyang ito, maaaring dalawin ang kanilang official page:

https://www.facebook.com/apayaotourismoffice



Photo courtesy:
Traveloka
Facebook/ApayaoTourism

01/08/2024

ICYMI: ENTERTAINMENT | Ruffa Gutierrez has recently announced the passing of her sister-in-law, Alexandra Uichico, at the early age of 38.

Ipinagluluksa ng pamilya Gutierrez ang pagpanaw ni Alexa, na asawa ng kapatid ni Ruffa na si Elvis Gutierrez, dahilan ang pagkakasakit ng leukemia. Naiwan din ni Alexa ang kanilang dalawang anak na sina Aria at Ezra.

"I love you so much my beautiful, irreplaceable Alexa. You will forever be in my thoughts and in my heart. Until we cross paths again," ayon pa sa post ni Ruffa sa Instagram.

Ang leukemia ay isang uri ng cancer na natatagpuan sa dugo at sa bone marrow. Ito ay ang rapid production ng abnormal white blood cells na pumipigil sa bone marrow para maka-produce ng red blood cells at platelets, ayon sa American Society of Hematology.

Ayon naman sa cancercenter.com, maraming risk factors o dahilan ang pagkakasakit ng leukema. Ilan sa mga ito ay ang pagtanda ng isang tao, family history o genetics, mga ibang sakit sa dugo na maaaring maging tulay sa sakit na leukemia, paninigarilyo, pagka-expose sa mataas na level ng radiation, electro-magnetic fields, at mga kemikal tulad ng benzene.

Wala rin umanong kumpirmadong paraan para maiwasan ang leukemia. Depende rin sa uri ng leukemia, may mga general symptoms ito gaya ng fever o chills, panghihina o di nawawalang pagkahapo, pagbaba ng timbang, pamamaga ng lymph nodes at impeksyon sa katawan, nosebleeding, mga maliliit na pulang spots sa balat, sobrang pagpapawis lalo na sa gabi, at pananakit ng buto.

Makabubuting agad na kumonsulta sa doktor at magpa-examine kung nakakaranas ng mga nabanggit na sintomas para maagapan ang sakit at magabayan ng espesyalista.



Photo courtesy:
Instagram/Alexa Gutierrez

01/08/2024

ICYMI: FOOD AND TRAVEL | 'Demon Slayer' and anime fans will surely enjoy the much anticipated exhibit to be held at Gateway Mall 2, Araneta City in Cubao, Quezon City.

Ang 'Demon Slayer: Kimetsu no Yaiba' Total Concentration Exhibition ay idinisenyo para bigyang buhay ang mga iconic scenes mula sa Japanese anime na sumikat din sa buong mundo. Dito mas maiintindihan at mas maa-appreciate ng mga fans ang mga characters at storylines nito.

Mayroon ding exclusive content na halos kaparehas ng exhibit sa Japan kaya hindi mo na kinakailangan pang mag-travel para makita ito. Para ka na ring nakapunta sa Taisho era dahil sa mga life-sized replicas. Immersive at unique ang exhibit na ito na paniguradong mae-enjoy ng mga fans na maaaring mapuntahan simula August 3 hanggang October 27. Ang mga tickets ay nagkakahalaga ng Php 430 pataas para sa mga bata at Php 750 pataas para sa mga adults. May mga packages din na may kasamang mga merch.


Photo Courtesy: Facebook/Pulp Spaces+

31/07/2024

INSPO | 25,000 job opportunities particularly in Japan, are up for grabs as we celebrate Philippines-Japan Friendship Week.

Ibinahagi ng Department of Migrant Workers (DMW) ang magandang balitang ito sa kanilang page kamakailan bilang pagdiriwang ng Philippines-Japan Friendship Week.

Tinawag ang job fair event na ito na “Konnichiwa Pilipinas! Kumusta, Japan!” at gaganapin sa 3rd floor ng Robinsons Galleria Ortigas sa Quezon City sa August 1, mula 10a.m. hanggang 4p.m. Ang event ay in-organisa sa pakikipagtulungan ng Embahada ng Japan.

Mayroong 15 recruiment agencies ang dadalo sa job fair na ito kung saan may mga trabahong iaalok sa field ng construction, medical and healthcare, hotel and restaurant, customer services, at iba pa.

Noong 2005, idineklara ang July 23 bilang opisyal na araw ng pagkakaibigan ng Japan at Pilipinas, bilang pagkilala sa 'Peace Treaty and Reparations Agreement' na pinirmahan at pinagtibay naman noong July 23, 1956, kung saan nagsimula ang diplomatic relations sa pagitan ng dalawang bansa.



Photo courtesy:
Finestasia. com
Filipinojapanesejournal. com

31/07/2024

ICYMI: FOOD & TRAVEL | Have you ever visited the best bar in the Philippines? And it's also the only Philippine bar included in Asia's Top 50.

Sa ika-pitong pagkakataon ay nakuha pa rin ng Curator Bar sa Makati ang titulo bilang 'Best Bar in the Philippines', at kamakailan lang ay tumanggap din ng pagkilala bilang isa sa 'Asia's 50 Best Bars'.

Ang Curator Bar ang kaisa-isahang bar sa Pilipinas na nakasali sa 'Asia's 50 Best Bars' kung saan tinanggap nila ang pagkilala sa Hongkong kamakailan.

Ipinagmamalaki ng Curator Bar ang kanilang 'caffeinated beverages and mixed drinks' mula pa noong nagbukas ito noong 2016 sa Legaspi Village, Makati City.

Ilan sa kanilang mga kakaibang cocktail drinks ay ang 'Espresso Martini', 'Kamias Crusta' na may halong kamias puree, at ang 'We Swing Both Maize' na hinaluan ng corn syrup at evaporated milk.

Kaya naman hindi dapat palagpasin ang kakaibang coffee at cocktail experience na ito mula sa isa sa mga top bars sa Asya na sariling atin.



Photo courtesy:
Facebook/thecuratorcoffeeandcocktails

31/07/2024

INSPO | Did you know that rainwater can carry diseases and fungi from the ground which can harm your plants?

Kaya naman mas mabuting mapaghandaan ang tag-ulan lalo na ang malakas na hangin kapag may bagyo.

Narito ang ilang tips mula sa website ng Real Living para maproteksyunan ang mga halaman mo sa panahon ng tag-ulan:

1. Talian ang mga seedlings at mga halaman sa mga makitid na puno para sa suporta, tulad ng kawayan o lumang sanga na nakabaon sa lupa. Hindi lang hangin ang maaaring magpatumba sa kanila pero pati na rin ang malakas na ulan at pagbuhos ng tubig.

2. Dapat ay sapat at siksik ang lupa para maging makapit ang ugat ng iyong mga halaman.

3. Gumamit ng mga fertilizers para ma-replenish ang mga sustansya sa lupa na maaaring maanod mula sa lupa.

4. Iwasan ang pagdidilig, lalo na sa mga araw at linggo ng tuluy-tuloy na pag-ulan.

5. Maaari ring gumamit ng overhead protection tulad ng mga payong o kaya ay mga lumang lona na pwede mong isabit. Siguraduhin mo lang din na matibay ang pagkakakabit nito para hindi matangay ng malakas na hangin.

Mas mainam din kung maipapasok mo ang ibang halaman sa loob ng bahay. Ilagay mo lang sila malapit sa bintana para masinagan pa rin ng araw.


Photo Courtesy: Adobe Stock

31/07/2024

ICYMI: FOOD & TRAVEL | This famous K-Drama chicken restaurant has opened its first branch in the Philippines.

Ang sikat na Goobne restaurant ay kilala at sikat sa kanilang oven-roast chicken na itinayo noon pang 2005. Isang breath of fresh air ang naturang restaurant dahil kaiba ito sa mga karaniwang Korean chicken restaurant na madalas ay fried chicken ang specialty.

Maliban dito, ang Goobne ay naging tampok sa K-drama na 'Business Proposal' bilang family business ng karakter ng Korean actress na si Kim Sejeong, kaya naman kilalang-kilala ito ng mga Pinoy K-drama fans.

Ilan sa kanilang items sa menu ay ang Original flavor ng kanilang oven-roast chicken (Php489), may Soy Garlic (P569), Sweet & Spicy (Php539), Volcano (Php539), at Pepper Crispy (Php569).

Ang Goobne ay matatagpuan sa 3F, One Bonifacio High Street Mall, sa Bonifacio Global City at bukas mula 11a.m. hanggang 10p.m. (Linggo hanggang Huwebes), at 11a.m. hanggang 11p.m. (Biyernes at Sabado).



Photo courtesy:
Facebook/Goobne.PH

31/07/2024

ICYMI: INSPO | Managing finances effectively involves creating a budget, tracking expenses, and saving for the future.

Hindi madaling mag-ipon lalo na kung hindi naman ganoon kalaki ang sinasahod mo at mas malaki pa ang expenses na nilalabas mo para sa pamilya mo. Para sa ilan, hindi nila natutunan sa paaralan ang pagma-manage ng pera at natutunan lang nila ito sa first-hand experience o di naman kaya sa mga magulang or mga mentors.

Narito naman ang ilang advice mula sa mga celebrities na pwede mong i-apply sa iyong sarili:

Payo ni Anne Curtis na magkaroon daw ng quota. Pag nakuha mo na ang quotang ipon mula sa sweldo mo, doon ka pa lang pwedeng bumili ng mga non-essential purchases. Huwag mo raw tipirin ang sarili mo pero dapat ay may naitabi ka na munang pera bago gumasta.

Ayon naman kay Isabelle Daza ay automatic na i-save mo daw agad ang 10% mula sa sahod. Maganda rin daw na pumili ka ng bangko na may mas mataas na interes rate.

Para naman kay Heart Evangelista, mas gusto daw niyang nagbabayad ng cash para mas maging mindful siya sa expenses nya. Mas preferred niya ito kaysa magbayad sa pamamagitan ng credit card.

Bilang breadwinner naman, mas matipid daw si Andrea Brillantes. Hindi siya bumibili ng mga bagay na hindi niya magagamit nang mahabang panahon.

Para sundin ang mga payong ito, kinakailangan mo ng disiplina at lagi mong isipin kung ano ba ang goal mo.


Photo Courtesy: Instagram/Anne Curtis/Heart Evangelista/Andrea Brillantes/Isabelle Daza

31/07/2024

INSPO | Drag performances are not just made for simple entertainment. Drag is also considered as a form of art.

Marami na rin ang nage-enjoy manood ng mga drag shows kahit mapa-straight man na lalaki o mga babae. Hindi nakakasawang manood dahil laging may mga kakaibang paandar ang mga queens at talaga namang laging bongga ang mga performances.

Bilang respeto at pagpapahalaga sa mga performers o drag artists, narito ang listahan ng 'drag show etiquette' na dapat mong i-practice mula sa website ng MEGA Magazine:

1. Bukod sa mga cheer at palakpak, maganda ring magbigay ng tip para may pandagdag pambili rin ang mga queens ng mga wigs, costumes, at make-up.

2. Talaga namang nakakamangha ang look ng mga drag queens. I-appreciate mo lang sila at a distance at wag mo silang hahawakan. Mahabang oras ang inilaan nila para paghandaan ang kanilang look kaya naman huwag kang maging dahilan para masira ito.

3. Respetuhin mo ang performance space ng mga drag queens. Wag kang umakyat sa stage kung hindi ka naman iniimbitahan. Respetuhin mo ang spotlight nila.

4. Maging mindful ka rin kung saan ka nakapwesto. Make sure na nakikita ng nasa likod ang performances at nage-enjoy din sila.

At syempre, ipakita mo na nag-eenjoy ka para mas mabuhayan din ang mga performers. Pwede kang sumigaw, pumalakpak, at makikanta.


Photo Courtesy: Facebook/Nectar Night Club

31/07/2024

ICYMI: FOOD AND TRAVEL | This newest dessert spot just recently opened in San Juan.

Ito ang Shari Shari Kakigori House na nagmula pa sa Hong Kong at finally ay may branch na dito sa Pilipinas. Ang Kakigori ay isang traditional Japananese dessert na may finely-shaved ice. Nilalagyan ito ng mga fruity syrups, condensed milk, o ice cream. Super fine and light din ng yelo sa Shari Shari Kakigori House. Malaki rin ang serving nila at pwede pa itong for sharing. May mga real fruits din sa toppings kaya naman mas nakakatakam.

Maraming mga flavors na pwedeng pagpilian na nagkakahalaga ng Php 180 pataas. Bisitahin mo na ang Shari Shari Kakigori House para may pandagdag ka sa aesthetic feed mo sa Instagram. Mapupuntahan ito sa The Corner House, 455 P. Guevarra cor. Recto Streets, San Juan City.


Photo Courtesy: Instagram/SHARI SHARI Kakigori House

31/07/2024

INSPO | 'Cloaking' is the latest dating trend and experts say it's way worse than 'ghosting'.

Ayon sa PsychologyToday. com, ang cloaking daw ay ang sitwasyon kung saan ang nang-ghost sa iyo ay hindi lang basta hindi nagparamdam, kundi nang-block pa ng mga communication channels tulad ng social media, para maka-iwas nang tuluyan.

Sa cloaking umano nakaka-iwas ang mga 'ghosters' sa guilt at hassle ng pagputol ng komunikasyon. At dahil naka-block ka na sa kanya, wala na siyang mababasa o maririnig na mga comments o tanong mula sa iyo.

Ang cloaking umano ay ang 'extreme' form ng 'ghosting' at ipinapakita nito ang pagiging makasarili at kawalan ng pakialam ng taong nang-cloak.

Kung ikaw man ay na-cloak ng isang tao matapos kang i-ghost, wala ka nang magagawa kundi harapin ang sitwasyong ito at matutunang mag-move on para na rin sa mental health at maiwasan ang depresyon. Ilan sa mga paraan kung papano i-handle ang ganitong sitwasyon ay:

1. Tanggapin ang sitwasyon at ang katotohanang maaaring wala ka nang makuhang paliwanag sa taong ito, o maski anumang uri ng komunikasyon mula sa kanya.

2. Lumapit sa mga taong sumusuporta sa iyo tulad ng pamilya at malalapit na kaibigan, dahil sila ang magbibigay sa iyo ng lakas ng loob at tamang gabay.

3. Huwag sisihin ang sarili, dahil ang cloaking ay isang walang kapararakang gawain at hindi mo ito kasalanan.

4. Sa halip, mag-focus at alagaan ang sarili at humanap ng mga gawaing makapagpapasaya sa iyo.



Photo courtesy:
seaart.ai

31/07/2024

TRENDS | Commute safely by bringing a personal safety alarm wherever you go.

Maliit lang ang personal safety alarm na ito na pwede mong isabit sa bag mo. Bagay ito sa mga commuters at mahilig mag-travel mag-isa. Mababawasan din ang kaba mo lalo na kung naglalakad ka sa dilim.

Madali lang itong gamitin. Kinakailangan mo lang batakin ang pin sa itaas para gumana at tumunog ito nang malakas na parang sirena. Makakaagaw ito ng atensyon sa paligid mo na nagbibigay signal na humihingi ka ng tulong kung sakaling may mga masasamang loob na lumapit sa iyo. Maganda itong iregalo sa sarili mo bilang proteksyon at pwede ring ipangregalo sa mga mahal mo sa buhay bilang pagpapakita ng malasakit. Nagkakahalaga ito ng Php 999 na mabibili sa https://www.wearebella.ph/. Marami ring kulay na mga pagpipilian na babagay sa anumang gender.


Photo Courtesy: Facebook/We Are Bella

30/07/2024

ENTERTAINMENT | The most-awaited SB19 documentary film will finally be released in cinemas on August 28.

Ito ang inilabas na post ng grupo sa kanilang Instagram na talaga namang magpapa-excite sa mga A'tins sa buong bansa.

"Tagged as P-POP Kings, SB19 confronts a year of challenges as they move forward to a new era of music, career, and emancipation. This is SB19’s PAGTATAG! era," ayon pa sa caption.

Sa teaser video ipinakita ang paghahanda ng P-Pop idols para sa kanilang concert.

Nabuo ang grupong SB19 noong 2018, matapos ang ilang taong training. Mula sa kanilang debut single na 'Tilaluha', sinundan na ng mga fans ang kanilang pag-angat bilang isa sa mga premyadong P-Pop group sa bansa.

Sina Pablo, Josh, Stell, Ken, at Justin, ang kauna-unahang Southeast Asian act na na-nominate sa Billboard Music Awards. Sila rin ang tinanghal na 'Favorite Asian Act' sa Nickelodeon Kids' Choice Awards ngayong taon.

Hindi na talaga maaawat pa ang kasikatan ng SB19, kaya naman maraming nag-aabang para mapanood ang documentary film nila na 'Pagtatag'.



Photo courtesy:
Instagram/SB19

30/07/2024

ICYMI: FOOD & TRAVEL | Are you a lover of both Taylor Swift and coffee? You’ll be “enchanted” sa café na nahanap namin for you!

Ang Wiltlover Café, na nasa Robinsons Cybergate 3 sa Mandaluyong, ay isang cozy at aesthetic haven for Swifties. Enjoy Taylor’s music while sipping a drink sa isang “instagrammable” place full of her lyrics, memorabilia, and pictures. Highlight dito ang LED display ng “All Too Well” lyrics sa isang flower-adorned wall.

The menu also “Hits Different” dahil marami silang coffee-based drinks na may starting price range na P100-P150 gaya ng Americano, Spanish Latte, at Butterscotch Latte, pati na rin ang kanilang signature drinks na Mango Cream Latte at Toasted Chocomallows. You can pair these with their pastries, cookies, and cake.

Kung hindi ka naman mahilig sa kape, meron silang organic tea na available.

Wiltlover is also pet-friendly kaya you can bring your furry friend for a non-dairy “puppuccino” for only P55.

Open ang Wiltlover from Monday to Saturday ng 8 a.m. to 2 a.m., at tuwing Sunday from 10 a.m. to 10 p.m.

30/07/2024

INSPO | One way to give you and your partner some alone time away from your busy lives is to try the '777 Rule'.

Ayon sa PsychologyToday.com, ang '777 Rule' ay isang gabay para hindi makalimutan ng magkarelasyon na magkaroon ng oras sa isa't-isa.

Paano nga ba gawin ang '777 Rule'? Simple lang tulad ng nasa ibaba:

Tuwing ika-pitong araw (every 7th day), magkaroon ng oras para lumabas kayo ng partner mo para sa isang date. Pwedeng simpleng pagkain lang sa labas, panonood ng sine, o pamamasyal lang sa park. Ang ganitong lakad ay nakakabawas ng pagod sa isang buong linggong pagka-busy sa trabaho man o ibang bagay.

Tuwing ika-pitong linggo (every 7th week), isang overnight stay away from home naman ang pwedeng gawin. Hindi kailangang ng matagalang bakasyon dahil malaki rin ang nagagawang relaxation nang magkasama kahit isang gabi lang.

Tuwing ika-pitong buwan (every 7th month), mas mahaba-habang bakasyon ang pwedeng paghandaan. Nangangahulugang may pag-uukulan ng plano at budget para sa isang mas bongga at mahabang bakasyon, isa o dalawang beses sa isang taon.

Hindi kinakailangang istriktong sundin ang '777 Rule' pero masayang magkaroon ng schedule para hindi makaligtaan ang kahalagahan na maka-experience ng mga bagay nang magkasama. Masarap sa damdamin na may inaabangang activities o gawain tuwing makailang araw, linggo, o buwan.

Mas lalo nitong pinagtitibay ang kasiyahan sa relasyon at mas napapabuti nito ang komunikasyon sa bawat isa lalo na sa pagpa-plano at paghahanda ng mga gagawin.



Photo courtesy:
Telegraph. ph

30/07/2024

ENTERTAINMENT | The upcoming three-part docu series featuring the Nation's Girl Group BINI will take its fans to their beautiful journey in the music industry.

Maapanood sa 'BINI Chapter 1: Born to Win' ang mga BINI members noong naghahanda sila para sa successful na three-night concert na 'BINIverse' na ginanap sa New Frontier Theater sa Quezon City.

Matutunghayan din ang mga never-before-seen footage kung saan ipapakita ang kanilang auditions, trainings, at mga pinagdaanan ng BINI bago makamit ang tinatamasang kasikatan ngayon. Hindi maikakailang isa ang BINI sa mga sumikat ngayong taon at malaki rin ang naging impact nila sa buhay ng kanilang mga supporters na kilala rin bilang Blooms.

Ire-release ang first part ng documentary na ito sa iWantTFC sa September 8.


Photo Courtesy: Instagram/BINI

30/07/2024

ICYMI: INSPO | The gut is also known as the gastrointestinal system that includes the stomach, intestines, and colon.

Ka-Poplife, alam mo ba na kapag nagkakasakit ka, hindi lang ang iyong mga sintomas ang dapat mong alalahanin? Isa sa pinakamahalagang aspeto ng iyong kalusugan na madalas nakakalimutan ay ang iyong gut health. Ayon sa mga eksperto, ang 70% ng ating immune system ay nakabase sa ating bituka, kaya mahalagang alagaan din natin ito kapag tayo'y may sakit.

Ang gut o bituka natin ay tahanan ng trilyong bakterya na tumutulong sa digestion, pag-absorb ng nutrients, at paglaban sa mga sakit. Kapag ang ating gut health ay hindi nasa maayos na kalagayan, maaaring magdulot ito ng iba't ibang problema sa katawan.

Ang poor gut health ay maaaring magpakita ng mga sintomas tulad ng:

-Fatigue
-Sakit ng tiyan gaya ng bloating, constipation, at diarrhea
-Kondisyong sa balat kagaya ng acne at eczema.
-Autoimmune challenges

Para mapangalagaan ang iyong gut health importanteng tandaan ang sumusunod:

-Kumain ng balanced diet
-Uminom ng Probiotics
-Umiwas sa stress
-Mag ehersisyo ng regular
-Uminom ng sapat na tubig

Kapag tayo'y may sakit, mahalagang tandaan na ang ating gut health ay may malaking impluwensya sa ating overall health at recovery. Sa pamamagitan ng pag-aalaga sa ating bituka, hindi lang natin pinapalakas ang ating immune system, kundi pinapabuti rin natin ang ating pangkalahatang kalusugan. Kaya't sa susunod na magkasakit ka, isama mo na rin sa iyong self-care routine ang pag-aalaga sa iyong gut.

30/07/2024

30/07/2024

INSPO | Keeping our pets safe in times of typhoons, floodings, and other calamities, is the least that we can do for our loyal furbabies.

"We urge all pet owners and animal lovers to help each other safely evacuate with their pets," ayon sa Facebook post ng Philippine Animal Welfare Society (PAWS).

Ito ay para mapaalalahanan ang mga pet owners na maging responsable sa kanilang mga alaga sa panahon ng kalamidad.

"In times of crisis, please don't forget about your pets. Evacuate with them and assist your community in safely evacuating their pets too," ayon pa sa kanila.

Sa panahon ng tag-ulan at malalakas na bagyo, hindi maiiwasang bumaha sa iba't-ibang lugar, kasama na rin ang pagguho ng lupa o landslide, at iba pang mga sakuna na pwedeng ikapahamak hindi lamang ng buong pamilya kundi ng mga alagang hayop din.

-I-plano ang pag-evacuate ng mga pets. Magtabi na agad ng mga pet food, tubig, first-aid kit, at pati na ang mga medical record ng alaga, kung mayroon. Magplano kung papano rin ita-transport ang alaga kung sakaling kailanganin.

-Kung walang kulungan o carrier, gumamit ng palanggana, laundry basket, o maski bukas na bag na mapaglalagyan ng alaga kung kailangang ilikas ito.

-Ang pag-iwan sa alaga ay ang siyang pinakahuling option sa gitna ng kalamidad at emergency. Kung wala na talagang ibang paraan, siguruhing alisin sa pagkakatali at pagkakakulong ang mga alaga dahil mas malaki ang kanilang tsansang mabuhay dahil sila mismo ang gagawa ng paraan para mailigtas ang sarili.

-Humingi agad ng tulong sa mga rescuers kung makakakita ng mga alagang nasa bingit ng sakuna. Dalhin agad sa mga evacuation shelters para mabigyan ng tamang atensyon.

-Tumawag sa National Emergency Hotline na 911 kung kailangan ng tulong para rin sa mga alaga. Kung kailangan ng agarang rescue, lumapit sa barangay o sa mga rescue teams para matulungan.

Ingat lagi, mga ka-Poplife!



Photo courtesy:
pikbest.com

30/07/2024

INSPO | Televiewers and members of the live audience of 'It's Showtime' recently were able to witness a heartwarming moment between Vice Ganda and one of their contestants.

Marami ang na-touch sa eksena kung saan ang isang contestant ng segment na 'EXpecially For You' na si April ay nagbahagi na nawawalan daw siya ng confidence dahil mayroon daw siyang 'alopecia ' at wala siyang buhok. Tinatago niya ang kanyang insecurity sa wig at bandana. Pinalakas naman ni Vice ang loob ni April sa pamamagitan ng pagtanggal ng kanyang wig at ipinakita ang kanyang mataas na hairline na kanya ring insecurity.

Ayon sa website ng Cleveland Clinic, ang alopecia o alopecia areata ay isang autoimmune disease na inaatake ang mga hair follicle ng iyong katawan, na nagdudulot ng unti-unting pagkawala ng buhok. May mga gamot at therapy na maaaring makatulong sa muling pagtubo ng iyong buhok, pero mayroon ding mga cases na hindi na ito nagagamot at wala na talagang buhok na tumutubo.

Hindi madaling tanggapin ang pagkawala ng buhok lalo na sa mga babae dahil ito ang crowning glory nila. Kaya kung mayroon kang mahal sa buhay na may alopecia ay iparamdam mo na sila ay maganda may buhok man o wala.

Para naman sa mga nasa ganitong sitwasyon, pwede mong bisitahin ang samahan ng Alopecia Philippines https://www.facebook.com/alopeciaphcares para makakilala ka rin ng mga katulad mo na makakatulong maibalik ang self-confidence mo.


Photo Courtesy: ABS-CBN

30/07/2024

TRENDS | Organize your jewelry in an ultra chic jewelry box with a fingerprint lock.

Perfect ang jewelry box na ito sa may maraming accessories na kinakailangan nang i-organize para mas madali mong mahanap kung ano ang babagay sa outfit mo. Pwede rin ito sa mga gusto pa lang mangolekta ng jewelry o accessories para mas mainspire kang kang punuan ito. Matibay at very stylish din ito na pwede mong dalhin sa travels mo.

May mga sections ito kung saan mo ilalagay ang earrings, rings, bracelets, at necklaces para hindi ito magbuhol-buhol. Pwede ka ring maglagay ng ibang mga importanteng bagay dito dahil alam mong safe ito. Pwede kang mag-save ng hanggang 32 na fingerprints dito. Kung medyo old fashioned ka naman, mayroon pa rin naman itong susi na pwede mong gamitin para mabuksan.

Nagkakahalaga ang jewelry box na ito ng Php 4,399. Maaari itong mabili sa Nest Manila na available sa mga e-commerce sites o sa 115-B Connecticut San Juan City.


Photo Courtesy: When In Manila

29/07/2024

ICYMI: FOOD & TRAVEL | For all skating enthusiasts and beginners out there, keri mo nang ma-enjoy ang iyong outdoor hobby kahit pa maulan. Dahil bukas na ang kauna-unahang indoor skate park sa metro: ang Label Skate Park.

Starting at P150 per hour, welcome ang lahat dito para sa iba’t-ibang roller sports: skateboarding, in-line skating, roller skating, at scooter tricks.

Ang indoor skate park ay matatagpuan sa 3/F ng SM Game Park sa SM Southmall sa Las Piñas. Mayroon ditong 4 quarter pipes, 2 fun boxes, ledges, at rails.

Bukod sa pagiging recreational space, isinusulong din ng skate park ang kanilang advocacy na inclusivity para sa action sports at roller sports community.

Maaari kang magdala ng sarili mong equipment pero pwede rin mag-rent doon ng gear para sa mga gustong mag-explore ng roller sports for only P50/hour.

29/07/2024

TRENDS | Leather shoes have recently evolved from being just formal footwear to being trendy fashion statement pieces.

Maliban sa diamonds, shoes are also a girl’s best friend at mas dumarami ang nakaka-discover na mas nae-elevate ng leather shoes ang isang simpleng outfit.

Kaya kung isa ka rin sa kanila ka-Poplife, at kung naghahanap ka ng bonggang leather shoes na hindi naman magpapabutas sa bulsa mo, bakit hindi subukan ang local brands? Hindi lang stylish at affordable, may puso pa ang pagbili mo! Eto ang tatlong local brands na dapat mong i-check out:

Oak the Label
Nag-o-offer sila ng one of a kind at contemporary pieces na may minimalist aesthetic na appealing sa mga Millennials and Gen Zs.
Kaya kung contemporary ang aesthetic mo, you might want to check them out.
Their prices start at 2,690 pesos.

Rob and Mara
According to their website, Rob and Mara’s goal ay makapag-provide ng locally handcrafted premium leather footwear na timeless at bagay sa kahit anong lifestyle mo.
Kaya kung bet mo ng timeless pieces, check mo na sila.
Their prices start at 2,890 pesos.

Black and Brown PH
Kung fan naman kayo ng Japanese minimalist aesthetic, this local brand is for you. Inspired ang kanilang designs ng Japanese minimalist design pero gawang Pinoy.
Their prices start at 690 pesos.