Tech Wadiya

06/05/2023

GTA 6: කාන්තා ප්‍රධාන චරිතය වන ලුසියා

05/05/2023

ගූගල් සිය පළමු foldable phone එක වන Pixel Fold පිලිබදව තොරතුරු නිල වශයෙන් නිකුත් කරලා තියෙනවා. මෙය ඉදිරි මාසවලදී නිකුත් කිරීමට සූදානම් වන අතර විශාල flexible, foldable display, අති නවීන විශේෂාංග සහ Android 13 ඇතුළත් වේ.

04/05/2023

Google මෑතකදී නිවේදනය කරල තියෙනවා Gmail වලටත් Blue tick එකක් ලබාදෙනවා කියලා. මෙමගින් senderව verified sender කෙනෙක්ද කියල අපිට හොයාගන්න පුලුවන් වගේම එහි නිත්‍යානූලත්වය ගැන කරදර වෙන්න දේකුත් නෑ. මේ අලුත් feature එක email scams වලට විරුද්ධව Google විසින් ගත්ත හොද පියවරක්.

01/05/2023

AI වල ප්‍රමුඛ චරිතයක් වන Geoffrey Hinton කියන්නෙ Google වගේ දැවැන්තයින් බලගන්වන AI පද්ධති සංවර්ධනයට දායක වුන අයෙකි. ටොරොන්ටෝ විශ්ව විද්‍යාලයේ Hinton සහ ඔහුගේ සිසුන් දෙදෙනෙකු 2012 දී නිර්මාණය කරන ලද තාක්ශනය තමයි generative artificial intelligence සඳහා පදනම බවට පත්වෙලා තියෙන්නෙ.

අවාසනාවකට මෙන්, මෑතකදී Hinton Google හි ඔහුගේ රැකියාවෙන් ඉවත් වී තියෙනවා. ඒ සමගම AI සමඟ විය හැකි අවදානම් පිළිබඳව ඔහුගේ කනස්සල්ලද ප්‍රකාශ කරල තියෙනවා. විවිද තාක්‍ෂණ සමාගම් AI මත පදනම් වූ නිෂ්පාදන නිර්මාණය කරන්නේ ඒවායින් ඇති විය හැකි අවදානම සැලකිල්ලට නොගෙන බව විශ්වාස කරන බොහෝමයක් විවේචකයන් අතරේ ඔහු ද එක් අයෙක්.

AI පුරෝගාමියෙකුගේ සිට එයට විරුද්දව ක්‍රියා කරන්නෙකු දක්වා හින්ටන්ගේ ගමන වෙනස් වෙලා තියෙන්නෙ ඔන්න ඔහොම.

AI හි Hinton ගේ පෙරළිකාර කාර්යය ChatGPT සහ Google Bard නිර්මාණය කිරීමට හේතු වීමයි. සරලවම කිව්වොත් Geoffrey Hinton තමයි Godfather of AI කියන්නෙ.

26/04/2023

WhatsApp එයාලගෙ අලුත්ම update එකෙන් ඔන්න ඔයාලට දුරකථන හෝ ඕනම device 4ක එකම WhatsApp account එක භාවිතා කරන්න ඉඩ සලසලා තියෙනවා. ඒකියන්නෙ තව අලුත් ඩිවයිස් එකකට log වීමට ඔයාලගෙ පරන ඩිවයිස් එකකින් logout වීමට අවශ්‍ය නෑ. ඔයා පොඩි බිස්නස් එකක් කරන කෙනෙක් නම්, මෙම විශේෂාංගය විශේෂයෙන් ගොඩක්ම ප්‍රයෝජනවත් වෙනවා.

25/04/2023

වර්තමානයේ Social media accounts වගේ accounts ආරක්ශා කරගන්න එක හරි අමාරු වැඩක්. හැකර්ස්ල දැන් හැමතැනම, ඒනිසා 2 Step Verification භාවිතා කිරීම වෙන කවරදාටත් වඩා වැදගත්. 2 Step Verification සඳහා එක් ජනප්‍රිය විකල්පයක් වන්නේ Google Authenticator යි. මෙ ආර්ටිකල් එකෙන් ඔයාලට Google Authenticator ගැන විස්තරයක් දෙන්නයි යන්නෙ.

Google Authenticator යනු කුමක්ද?

Google Authenticator යනු two-step verification services එකක් time-based one-time password බාවිතා කරන ඇල්ගොරිතම් එකක් තියන. සරලව කිවහොත්, Google Authenticator යනු ඔබගේ account එකට ප්‍රවේශ වීම සඳහා ඔබගේ password එක සමඟ ඇතුළත් කිරීමට අවශ්‍ය unique code එකක් generate කරල දෙන app එකක්.

Authenticator (Google services ඇතුළුව) සහාය දක්වන වෙබ් අඩවියකට ලොග් වීමේදී හෝ password managers හෝ file hosting services වැනි Authenticator support කරන තර්ඩ් පාර්ටි ඇප්ලිකේශන් භාවිතා කරන විට, Authenticator විසින් පරිශීලකයින්ට අමතරව ඇතුළත් කළ යුතු ඉලක්කම් හයේ සිට අට දක්වා වූ one-time password එකක් generate කරනවා. සුපුරුදු පරිදි වෙබ්සයිට් එකට ලොග් වෙනකොට එම වෙබ් අඩවිය විසින් එම ඉලක්කම් හයේ one-time password එකක් ඇතුළු කිරීමට පරිශීලකයාගෙන් ඉල්ලා සිටිනවා. පරිශීලකයා Authenticator App එක රන් කරන විට, එහි code එකක් generate කරල පෙන්වනවා. එම code එක ටයිප් කරලා ඔවුන්ගේ අනන්‍යතාවය තහවුරු කරායින් පස්සෙ තමයි අදාල වෙබ් සයිට් එකට ලොග් වෙන්න පුලුවන්.

ඉතින් Google Authenticator භාවිතා කිරීම මගින් ඔබගේ accounts වලට අමතර ආරක්‍ශාවක් එක් කරනවා. යමෙකු ලග ඔයාගෙ password එක තිබුණත්, Authenticator app එක මගින් generate කරන ලද unique code එක නොමැතිව ඔවුන්ට ඔබේ account වලට log වීමට හැකියාවක් ලැබෙන්නෙ නෑ. මෙමගින් බැංකු තොරතුරු සහ පුද්ගලික දත්ත වගේ සංවේදී තොරතුරු ආරක්ෂා කිරීමට බෙහෙවින් උපකාරී වෙනවා.

අවසාන වශයෙන්, Google Authenticator කියන්නෙ අනිවාර්‍යෙන් ඔයාගෙ account සුරක්ෂිතව තබා ගැනීම සඳහා අත්‍යවශ්‍යම app එකක්.

14/04/2023

බ්‍රසීලයේ WhatsApp භාවිතා කරන්නන්ට දැන් WhatsApp හරහා සෘජුවම pay කිරීමේ හැකියාව ලබා දීල තියෙනවා.

WhatsApp පවසන පරිදි පරිශීලකයන්ට Mastercard, Visa debit, credit and pre-paid card භාවිතයෙන් ගෙවීම් සිදු කල හැකියි.

මෙම සේවාව ඉක්මනටම ලෝකය පුරා release වේවි.

04/04/2023

Elon Musk විසින් Twitter එක මිලදී ගත්තට පස්සෙ Twitter එකේ සිදුවෙන වෙනස්කම් නිතර නිතර දකින්න පුලුවන් උනා. මේ පාර Twitter එකේ Logo එකත් වෙනස් කරලා. එදා ඉදම්ම නිල්පාට කුරුල්ලගෙ Logo එක දැක්ක ගමන් මතක් වෙන twitter හි ලොගෝව සමග Elon Musk ගෙ cryptocurrency යක් වන Dogecoin හි logo එක වන "Doge" meme එක රීප්ලේස් කරල තියෙනවා. ඔයාල හැමෝම දන්නවනෙ Doge meme කියන්නෙ Shiba Inu කියන බල්ලගෙ රූපය.

Elon Musk කියන්නෙම memes වලට කැමති විනෝදයෙන් ඉන්න චරිතයක් හින්දා මේකත් එයාගෙ තව විහිලුවක් වෙන්න ඇති. මේ සම්බන්ද meme එකකුත් Elonගෙ twitter ගිනුමෙ publish කරල තිබ්බා. ඒක මම කමෙන්ට් වල දාන්නම්.

මෙය web version එකේ විතරයි දකින්න පුලුවන්. App එකේ කිසි වෙනසක් සිදු කරල නෑ. කොහොමත් Dogecoin එක හැදුනෙත් Bitcoin එක විහිලුවට ගන්නනෙ. එක පුද්ගලයෙක් Elon සමග ගිය කන්වර්සේශන් එකකදි ඔහු Elonට කියනවා "Just buy twitter and change the bird logo to a doge" කියලා. එවලෙ Elon පොරොන්දු වෙනවා එය එලෙස කරනවයි කියලා. ඔන්න එහෙනම් එලෝන් එයාගෙ පොරොන්දුව ඉශ්ට කලා. :3

කොහොමහරි twitter එකේ web logo එක වෙනස් කිරීමෙන් පස්සෙ Dogecoin හි අගය 20% කට වඩා වැඩි වෙලා තියෙනවා.

01/01/2023

අපි 2023 ගැන කතා කරමු.
සුභ අලුත් අවුරුද්දක් යාලුවනේ 🎉

02/12/2022

Elon musk විසින් Nov 30 දින සිදු කල ප්‍රකාශය අනුව රැහැන් රහිත brain chip එකක් තව මාස හයකින් මිනිස් අත්හදා බැලීම් ආරම්භ කිරීමට අපේක්ශා කරයි.

සමාගම විසින් මෙම චිප් එක හරාඅ Natural Interface Technology නව තාක්ශනයක් develop කරමින් සිටින අතර එමගින් ආබාධිත රෝගීන්ට නැවත ගමන් කිරීමට සහ සන්නිවේදනය කිරීමට උපකාර කල හැකි බවයි පවසන්නෙ. ඒ වගේම පෙනීම යතා තත්වයට පත් කිරීමටද මොවුන් ඉලක්ක කරයි.

එලෝන් මස්ක්ගෙ වචනයෙන්ම කිව්වොත් එයා කියන්නෙ "යමෙකුට කිසිදා නොතිබුණද, ඔවුන් උපතින්ම අන්ධව සිටියද, අපිට තවමත් පෙනීම යතාතත්වයට පත් කිරීමට හැකියාව තියන බවට විශ්වාස කරනවා." කියලයි.

මෙහිදී සරලවම සිදුවන්නේ Neurlink විසින් මෙම ව්‍යාපෘතිය සදහා නිර්මාණය කර ඇති ඉලෙක්ට්‍රෝඩ වලින් සමන්විත වන මෙම ඉතා කුඩා Microchip එක මිනිසෙකුගේ හිස්කබලේ කෑල්ලක් කපා මිනිස් මොළයට බද්ද කිරීම සිදුකිරීමයි.

සැන් ෆ්‍රැන්සිස්කෝ බේ ඒරියා සහ ටෙක්සාස් වල ඔස්ටින් වල පිහිටල තියන Neuralink වසර කිහිපයක සිට ඌරන්, වදුරන් වැනි සතුන් යොදාගෙන පරීක්ශන සිදුකරමිනුයි සිටියේ.

වසරකට පමන පෙර පැවති අවසාන මහජන ඉදිරිපත් කිරීමේදී තනිව සිතමින් පරිගණක ක්‍රීඩාවක් ක්‍රීඩා කරපු brain chip එකක් සහිත වදුරෙන් සම්බන්ධ උනා ඔයාලට මතක ඇති.

Neuralink සමග සිටින තරගකාරයෙක් තමයි Synochron Inc කියන්නෙ. එම සමාගම විසින් සාර්තකව මිනිස් මොළය සමග කුඩා Stent සම්බන්ද කරල තියෙනවා. එමගින් කතා කිරීමට අපහසු රෝගීන් සදහා රැහැන් රහිතව පණිවිඩ හුවමාරු කිරීම සදහා අවස්තාව සලසා දීල තියෙනවා.

කොහොමහරි Neuralink එකේ වැඩ නම් දවසින් දවස කල් යන බවක් පේන්න තියෙනවා. 2019දී කියා සිටියේ 2020 වන විට මානව අත්හදා බැලීම් වලට අවසර ලබා ගන්නවා කියලා. ඔවුන්ගේ මන්දගාමී ප්‍රගතිය ගැන් සේවකයනුත් කලකිරීමෙන් ඉන්නෙ කියලයි ආරන්චිය.

01/12/2022

නාසා ආයතනයේ Artemis I moon mission එකේ කොටසක් වන Orion අභ්‍යවකාශ යානය නව දුර වාර්තාවක් පිහිටුවලා තියෙනවා.

test flight එකේදි කැප්සියුලය පෘථිවියෙන් ඔබ්බට සැතපුම් 270,000ක් ගමන් කරන බව දුටුවේය. මෙය මෙතෙක් බිහිවූ මිනිසුන් රැගෙන යාම සදහා නිර්මාණය වුන වැඩුම දුරක් යා හැකි යානය මෙයයි.

මේපාර නම් යානයේ කාර්‍ය මණ්ඩලයක් නෑ. නමුත් සියල්ල සැලසුම් අනුව සිදු වුවහොත් තවත් වසර දෙකකින් ගගනගාමීන් සමගම Artemis Moon mission එකක් බලාගන්න පුලුවන්.

නාසා හි මේ Artemis program එකේ මූලික අරමුණ තමයි වසර 50කට පස්සෙ නැවත වතාවක් සද මතුපිටට මිනිසුන්ව රැගෙන යන එක.

නොවැම්බර් 16 වෙනිදා ෆ්ලොරීඩාවේ කැනඩි අභ්‍යවකාශ මධ්‍යස්ථානයෙන් දියත් කෙරුනු මෙම රොකට්ටුව සද වටා දින 26ක මෙහෙයුමක නිරත වෙනවා. ඉන්පසු නැවත පෘථිවියට පැමිණ දෙසැම්බර් 11 වන දින කැලිෆෝනියාවේ සැන් ඩියාගෝ ඔබ්බෙන් පැසිෆික් සාගරයට පතිත වීමට තමයි නියමිත.

මිනිසා විසින් ශ්‍රේනිගත කරන ලද අභ්‍යවකාශ යානයක් විසින් ලගා වූ දුරම ස්ථානය සදහා මීට පෙර වාර්තාව පිහිටවන ලද්දේ 1970 අප්‍රේල් මාසයේදී Apollo - 13 මෙහෙයුම විසිනුයි.

එය පෘථිවියේ සිට සැතපුම් 248,655 ක් දුරින් පිටතට ගියේ කැප්සියුල් එකේ සර්විස් මොඩියුල් එකේ පිපිරීමක් නිසා. Apollo 13 නිරුපද්‍රිතව පොළවට ගෙනඒම සදහා තීරණාත්මක කාර්‍යභාරයක් ඉටු කළ නාසා ඉංජිනේරුවෙක් තමයි Arturo Campos කියන්නෙ. ඉතින් ඔහුට ගෞරවයක් වශයෙන් මෙම කැප්සියුලය තුල manikins කෙනෙක් රදවා (ඩමියක්) එයට Commander Moonikin Campos ලෙස නම් තියල තියෙනවා.

පළමු කාර්‍යමණ්ඩලයක් සහිත Artemis mission එක 2024 අග භාගයේදී ක්‍රියාත්මක කිරීමට සැලසුම් කරල තියෙන්නෙ. ඒ වගේම 2025,2026 පමණ වන විට ගගනගාමීන් සද මතුපිට ඇවිදනවත් අපිට බලාගන්න පුලුවන් වේවි.

18/11/2022

Elon musk විසින් Twitter එක මිලට ගැනීමත් සමග බලාපොරොත්තු නොවූ ආකාරයේ තීරන රැසක්ම ගන්න පෙලබුනා. ඒ අතර verified badge එක ඩොලර් 8කට ලබාදීම, ඉන්දියානු සේවකයන් විශාල පිරිසක් සේවයෙන් ඉවත් කර දැමීම ලොකු කතා බහක් ඇති කලා. ඉතින් Twitter පරිශීලකයන්ට විතරක් නෙමෙයි Twitter ආයතනයේ සේවකයන්ටද Elon Musk ගැන හොද ප්‍රතිරූපයක් මැවුනෙ නෑ. කොහොමහරි අද දිනයේ Twitter ආයතනයේ සේවය යෙදුන ප්‍රදාන පෙලේ ඉන්ජිනේරුවන් ඇතුලු සේවකයින් දහස් ගනනක් සේවයෙන් ඉල්ලා අස්වීමට සූදානම් වන බවයි ආරංචිය. හැබැයි එලෙස ඉල්ලා අස් උනොත් නිව්ස් සදහා ලෝකප්‍රසිද්ද සෝශල් මීඩියා එකක් වන Twitter හි අවසානය එය වේවි.

21/10/2022

31/08/2022

සැම්සුන් ඉලෙක්ට්‍රොනික්ස් මූලස්ථානයේ පිටුපස අපේ මෙන් නොව ඈතම ඈත ග්‍රහලෝකයකින් පැමිණි සේවකයෙක් වාසය කරයි. විවිදාකාරයේ අද්භූත සිදුවීම් මාලාවක් සමග මෙම විචිත්‍රවත් සත්වයා Samsung හි ඉහළම රහස් ඉංජිනේරුවෙකු බවට පත් වුනා. එමෙන්ම මොහු නිර්මාණශීලිත්වය වැඩි කිරීමට සහ නව තාක්‍ෂණයන් දියුණු කිරීමට සමාගමට උදව් කරනවා. G·NUSMAS ලෙස හඳුන්වන මෙම පිටසක්වල ජීවියා Samsung වෙත ළඟදීම පැමින නව සාමාජිකයායි.

G∙ NUSMAS

විශාල, පබළු වගේ ඇස් තියන කුඩා, නිල් පිටසක්වල ජීවියෙක් තමගි Samsung හි නවතම Avatar එක. සැම්සුන් විසින් අලුත් අද්විතීය නිෂ්පාදනයක් නිකුත් කරන සෑම අවස්ථාවකම පිටසක්වලින් සහය ගන්නව වගේ දෙයක් ප්‍රකාශ කරන්නයි එයාලට ඕනි. Samsung විසින් නව තාක්‍ෂණයන් සැලසුම් කිරීම සහ සංවර්ධනය කිරීම සඳහා තමයි මෙම පිටසක්වල ජීවියා අරගෙන ඇවිත් තියෙන්නෙ.

Samsung විසින් G·NUSMAS නිර්මාණය කළේ තරුණ පරම්පරාවන් සමඟ, විශේෂයෙන්ම Millennial සහ Generation Z (MZ) පාරිභෝගිකයන් සමඟ සම්බන්ධ වීමට. "අපේ විචිත්‍රවත් වගේම දක්ෂ පිටසක්වල ජීවීන්ට සැම්සුන් හි විවිධ පැති මහජනයාට පෙන්වීමට ඉඩ දීමෙන්, අපගේ පාරිභෝගිකයින්ට අපගේ සන්නාමය සමඟ වඩාත් හුරුපුරුදු විය හැකි මම බලාපොරොත්තු වෙනවා." ඔහොම තමයී YH Lee නම් කියන්නෙ.

'G∙ NUSMAS' යන නම ලැබෙන්නේ 'Samsung' නම පසුපසට අක්ෂර පෙලගැස්වීමෙනි. මෙම පිටසක්වල ජීවියාගේ නිජබිම වන්නේ පෘථිවියේ සිට ආලෝක වර්ෂ මිලියන 100 ක් ඈතින් පිහිටි ග්‍රහලෝක වන Nowus-129 යි. සැම්සුන්ග් සමාගමේ මූලස්ථානය වන දකුණු කොරියාවේ 129-Suwon හි නම පසුපසට පෙලගස්වල තමයි ග්‍රහලෝකෙට නම තියල තියෙන්නෙත්.

සැම්සුන් විසින් G·NUSMAS පිටුපස ඇති කතාව විස්තර කරන්න කෙටි වීඩියෝ මාලාවක් නිකුත් කිරීමට තමයි සැලසුම් කරන්නෙ. එහි උපත සහ අහම්බෙන් පෘථිවියට පැමිණීමෙන් කතාව ආරම්භ වෙනවා.

G∙NUSMAS IFA 2022 හිදී එළිදක්වනු ඇති අතර G∙NUSMAS ගේ කතාව සැම්සුන් හි YouTube සහ Facebook වැනි සමාජ මාධ්‍ය නාලිකා හරහා මෙන්ම Samsung.com හරහා සැප්තැම්බර් 2 වැනිදා නිකුත් කෙරේ. සමාජ මාධ්‍ය, metaverse සහ වෙනත් ඩිජිටල් නාලිකා හරහා පාරිභෝගිකයින්ටද G∙NUSMAS සමඟ සන්නිවේදනය කිරීමටද හැකි වේ.

කියවන්න: https://t.co/ClvOuCFjWx

19/08/2022

DeLorean Motor සමාගම පසුගිය දින කැලිෆෝනියා ප්‍රාන්තයේ Monterey හි පැවති Pebble Beach Concours d'Elegance මෝටර් රථ ප්‍රදර්ශනයේදී ඔවුන්ගේ නවතම ඉලෙක්ට්‍රික් වාහනය වන Alpha 5 EV රථයේ real life prototype එකක් ඉදිරිපත් කලා. ඇත්තටම එය ඉතාම නවීන සහ සිත්ගන්නා පෙනුමකින් යුත් අනර්ග නිපයුමක්.

2022 පෙබරවාරි මාසයේදී, DeLorean මෝටර් සමාගම නිවේදනය කලේ Back to the Future කියන චිත්‍රපට ත්‍රිත්වයේ කාල යන්ත්‍රයක් ලෙස 1980 දශකයේ වඩාත් ප්‍රසිද්දියට පත්වූ මල නොබදින වානේ මතුපිටක් සහිත මෝටර් රථයේ අලුත් වර්ශන් එකක් නිර්මාණය කිරීමට සැලසුම් කර තිබෙන බවයි.

ආසන 4කින් යුත් මෙම මෝටර් රතයේ ඉතාම සිත්ගන්නා සුලු දේවල් කිහිපයක්ම තියනාවා. මෙයට තත්පර 2.99 කින් පැයට සැතපුම් 0-60 දක්වා සහ, තත්පර 4.35 කින් පැයට සැතපුම් 0-88 දක්වා වේගයක් ලබාගන්න පුලුවන්. ඒ වගේම උපරිම වේගය පැයට සැතපුම් 155ක්.

කියවන්න: https://tinyurl.com/4pcnpmye

16/08/2022

පලමු දුරකතනයෙන්ම ලෝකයේම අවදානය දිනාගත් Nothing Phone 1

එකවෙලාවකට හිතෙනවා iPhone එක විහිලුවකට ලක් කරන්නදෝ මෙවනි ඩිසයින් එකක් තෝරගත්තෙ. කොහොම හරි මේ දුරකතනය නම් සම්පූර්නෙන්ම iPhone එකක් වගේම තමයි ඩිසයින් කරල තියෙන්නෙ. iPhone ලගෙ තියෙන ඒ යුනික් ඩිසයින් එක පහු කරන්න තාම කිසිම ඇන්ඩ්‍රොයිඩ් දුරකතනයකට බැරි උනා. මේ යුනික් ඩිසයින් එක නිසාම ඇන්ඩ්‍රොයිඩ් යූසර්ස්ල iPhone වලට මාරුවෙන ප්‍රතිශතය වැඩියි. ඒනිසාම තමයි මේ Nothing Phone එක ඉස්සරහට එන්නෙ. ඒවගේම ඇපල් දුරකතනයකට වඩා මිලත් ඉතාම සාදාරනයි.

මෙම දුරකතනය Nothing සමාගමේ පලමු දුරකතනය උනත් ලොව පුරා විශාල කතාබහක් ඇති කරන්න වගේම අනික් සමාගම් වලට හොද තරගයක් දීල තියෙනවා. මේ දුරකතනයෙ තියෙන විශේශම අංගය තමයි Transparent back එකක් තියන එක. මේ දුරකතනය Back එක නිර්මානය කරල තියෙන්නෙ ෆියුචරිස්ටික් ලුක් එකක් දෙන්න. මේ Trasparent back එකට Light 900ක පමන LED පැනල් එකක් දාල තියෙනවා. මේක තමයි Glyph interface කියල හදුන්වන්නේ. මේ Glyph interface එක මේක charge කරනකොට Charging Level indicator එකක් විදියට සහ Wireless Charging කරද්දි ඒ Charging pad එක වටේ Highlight වෙන විදියට ක්‍රියා කරනවා. ඒවගේම Notfication එනකොට, Phone එක Ring වෙනකොට Ringtone එකේ තාලයට light system එක වැඩ කරනවා.

ඇපල් වගේම මෙයාලත් බැක් එකේ ඇපල් ලොගෝ එක වගේ එයාලගෙ ලොගෝ එකක් ඇඩ් කරල තියෙන්නෙත් ඇපල්ලව විහිලුවකට ගන්න කියලමයි මට හිතෙන්නෙ.

ඉතින් මේ ෆෝන් එකේ ප්‍රදාන specifications ගැන කතා කලොත්, මෙය Snapdragon 778G Plus Chipset එකකින් බලගැන්වෙනවා. ඒවගේම මෙය 8GB සහ 12GB ලෙස RAM මාදලි දෙකකින්ද, 128GB සහ 256GB ලෙස Storage දෙකකින්ද පැමනීමත් විශේශත්වයක්. 6.55in 120Hz FHD+ OLED තිරයක් මෙම Nothing Phone (1) එකේ අඩංගු වෙනවා. ඉතින් OLED Display ගැන නම් අමුතුවෙන් කතා කරන්න දෙයක් නෑ. ඔයාට සුපැහැදිලි දසුන් මේ හරහා නරබන්න පුලුවන්. Android 12 සමගින් Nothing Phone එකට විශේශයෙන් නිර්මානය කරන ලද Nothing OS එක තමයි මේ phone එකේ operating system එක විදිහට ක්‍රියා කරන්නෙ. ඒවගේම 50MP main කැමරාවක් සහ, Ultrawide කැමරා එකක් සහ 16MP selfie කැමරාවක්ද අඩංගුයි. මෙම දුරකතනය 5G,e-SIM,Wi-Fi 6E, NFC, Bluetooth 5.2 සදහා සහය දක්වනවනවා. හැබැයි පොඩි මදිකමක් තමයි IP53 Water resistance (splash resistant) පහසුකමද තිබීම. පොඩි තෙතමනයකට ඔරොත්තු දුන්නට වතුරට වැටුනොත් නම් බඩු තමයි.

Nothing Phone 1 එක විදෙස් වෙලදපලේ කෙලතරම් මිල අඩු උනත් අපේ තියන වාසනාව නිසා ලංකාවෙන් ගන්න කොට නම් රුපියල් ලක්ශ 2.50ක් වගේ වෙනවා.

කියවන්න : https://t.co/2ef3Nqo7JM

02/08/2022

ලොවට හදුන්වාදුන් නවතම අනාගත නගරයම. The Line

ඔයාල අනාගත ලෝකය පිලිබදව ඇති විවිධ චිත්‍රපටි නරබලා ඇති. එවැනි ලෝකයක් අපිගේ ජීවිතකාලය තුලදී සියැසින් දැක ගැනීමට හැකි වේවි යැයි මමනම් සිතුවේ නෑ. නමුත් පසුගිය දින කිහිපයේදී මෙවැනි නගරයක් ගැන හැමතැනම කතාවෙනවා ඔබ දකින්න ඇති. මේ කියන්න යන්නෙ ඒ නගරය ගැන.

The line. The line කියන්නෙ පසුගිය සතියේ ලොව පුරාම කතාබහට ලක් වුණ සෞදි අරාබියේ ඉදිකිරීමට නියමිත නවතම තාක්ශණික නගරයයි. පසුගිය වසරේදී සෞදි අරාබියේ ඔටුන්න හිමි කුමරු වන Mohammed bin Salman විසින් මේ The Line තාක්ශණික නගරය පිළිබද පලමු වරට ලොවට හෙළි කරා. මේ නගරය සරල රේඛාවක්. මෙහි කිසිම මහාමාර්ගයක් නොමැති බවයි පැවසෙන්නෙ. ඒ වගේම මෙම නගරය පුනර්ජනනීය බලශක්තීයෙන් බලගැන්වෙන ආකාරයට ඉදිකරනු ලබයි. මෙහි ඇති තවත් විශේශම දෙයක් තමයි මේ නගරය කදු, වෙරළබඩ ප්‍රදේශ සහ කාන්තාර සමගින් වසර පුරාවටම ජීවත් වීමට හිතකර දේශගුනයක් සහිත ස්වාභාවික පරිසරයක් සමග තමයි නිර්මාණය වෙන්නෙ.

පසුගිය සතියේදී අපිට බලාගන්න පුලුවන් උනා මේ නව තාක්ශනික නගරයේ ඉදිකිරීමෙන් පසුව බලාපොරොත්තු විය හැකි ආකාරයේ චයාරූප පෙලක් සහ වීඩියෝ කිහිපයක්. මෙම නගරය මීටර් 200ක පළලක් සහ මීටර් 500ක උසකින් යුතුව කිලෝමීටර් 170ක දිගින් යුතු වෙනවා. මෙය වෙරළ තීරයක් දිගේ සරළ රේඛීයව දර්පණ සහිත සමාන්තර ගොඩනැගිලි දෙකකින් යුතු වේ. මෙය ඉදිකිරීමෙන් පසුව මිලියන 09ක පමණ පදිංචිකරුවන් ප්‍රමාණයක් සදහා නවාතැන් ගැනීමට හැකි වන බවයි සෞදි අරාබි රජය පවසන්නේ.

මෙහි සැලසුම් වලට අනුව මිනිත්තු 05ක් පමණ කෙටි වෙලාවකින් නගරයේදී ඔබට ලබා ගැනීමට අවශ්‍ය සියලුම පහසුකම් මෙහි පදිංචිකරුවන් හට ලබාගන්න පුලුවන් වෙනවා. ඒවගේම මේ නගරයේ එක කෙලවරක සිට අනික් කෙලවරට යාමට ගතවන්නේ මිනිත්තු 20ක් වගේ ඉතා කෙටි කාලයක්. මේ සදහා මෙහි අධිවේගී දුම්‍ රිය මාර්ගයක් තැනීමටයි ඔවුන් බලාපොරොත්තු වන්නේ.

The Line සදහා දැනට ඇස්තමේන්තු අනුව ඩොලර් බිලියන 500ක් පමණ වැයවෙනවා. මෙය Neom mega-city ව්‍යාපෘතියක් වෙන අතරය මෙය Tabuk පළාතේ ඉදි කිරීමට නියමිතව තෙයෙනවා. The Line අදියර දෙකකින් සාදා නිමකිරීමටයි එහි නිර්මාණකරුවන්ගේ බලාපොරොත්තුව. පළමු දියරයේදී කිලෝමීටර 14ක ප්‍රමානයක් 2030 වසර වන විට අවසන් කිරීමට නියමිතයි. එමෙන්ම මෙම සම්පූර්න ව්‍යාපෘතිය 2045 පමණ වන විට අවසන් කිරීමටයි යෝජනා වී තිබෙන්නේ.

ඉතින් අපිටත් ඔයාලටත් චිත්‍රපටි වලින් නරබපු අනාගත නගර සහ අනාගත ලෝකය අපිට සියැසින් බලාගන්න සහ අත්විදින්න අවස්ථාව ලැබේවා කියල පාර්තනා කරනවා. අමතක නොකර මේ පිලිබදව ඔබේ අදහසුත් පහලින් කමෙන්ට් කරන්න.

කියවන්න : https://tinyurl.com/47zdejyf

14/07/2022

I phone 14 series එක මිල කීයද? I phone 13 ට වඩා $100ක් වැඩි වන ලකුණු

කියන්න : https://tinyurl.com/2p8bmsuy

    Apple usually releases their new iPhone series in September every year and it is also their most expensive iPhone series that they release every year.

12/07/2022

James Webb විසින් ලබාගත් ප්‍රථම ජායාරූප එකතුවට නවතම ජායාරූපය NASA ආයතනය මීට සුලු මොහොතකට පෙර නිකුත් කලා.

කියවන්න : shorturl.at/bfRVW

12/07/2022

විශ්ව ගවේශයකයන්ට නම් අද දින සුවිශේශී දිනයක්.
මිනිසා විසින් ඡායාරූපයට නගන ලද අභ්‍යවකාශයේ දුරම ප්‍රදේශය එනම් විශ්වයේ දැනට ලබාගත් ගැඹුරුම ඡායාරූපය අද දින NASA ආයතනය විසින් ප්‍රසිද්ධියට පත්කර තිබුනා. මෙය NASA ආයතනය විසින් James Webb මගින් ගන්නා ලද ප්‍රථම ඡායාරූපය ලෙස අද දින ඇමරිකානු ජනාධිපති Joe Biden විසින් මෙය නිකුත් කරල තිබුනා.

මෙම පින්තූරය මගින් මිනිසා මීට පෙර කිසිම දුරේක්ශයකින් නොදැකපු මන්දාකිණි දැක ගන්න පුලුවන්. මෙම පින්තූරය ලබාගැනීමට James Webb හට ගතවී ඇත්තේ එක දිනයකටත් වඩා අඩු කාලයක්. මීට පෙරදී මෙවනි ඡායාරූප ගනු ලැබුවේ Hubble දුරේක්ශය භාවිතයෙන්. ඉතින් මේ Hubble දුරේක්ශයට මෙවැනි ඡායාරූපයක් ලබාගන්න සති කිහිපයක් යනවා.

මිනිසා විසින් අභ්‍යවකාශ ගත කරන ලද බලවත්ම දුරේක්ශය තමයි James Webb. මෙය ඇමරිකානු ඩොලර් බිලියන 10ක් පමන වෙනවා. මෙතෙක් ඉදා වැදගත් ඡායාරූප රැසක් ලබාගත් Hubble දුරේක්ශය මගින් ආලෝකවර්ශ බිලියන 4.6 දුරින් පිහිටන SMACS 0723 මන්දාකිණි පොකුරේ ඡායාරූපයක් පහතින් අමුනන්නම්. ඔයාලට ඒකෙන්ම වෙනස වටහා ගන්න පුලුවන්.

මෙහි දැක්වෙන මන්දාකිණී පෘථිවියේ ඉදලා ආලෝකවර්ශ බිලියන 13ක් පමන දුරකින් තමයි පිහිටල තියෙන්නෙ. ඒ කියන්නෙ තත්පරයකට සැතපුම් 186,00ක වේගයකින් ගමන් කලොත් ( ආලෝකයේ වේගයෙන් ගමන් කලොත් ) මේ මණ්දාකිණි වෙත ලගවීමට අවුරුදු බිලියන 13ක කාලයක් වැයවෙනවා. ඉතින් සමහර විට මේ පවතින ග්‍රහලෝක, මණ්දාකිණි මේ වෙද්දි විනාශ වෙලා තියෙන්නත් පුලුවන්. මතක තියාගන්න මේ ආලෝකවර්ශ ගානකට එහා පින්තූරයක්.

NASA ආයතනය පවසන්නේ මෙම ඡායාරූපයෙන් ආවරනය වෙන ප්‍රදේශය ඔබ පුංචි වැලි කැටයක් අරගෙන අතේ දුරින් අහස වෙත තියල අහස දෙස බැලුවාම, එම වැලිකැටය නිසා වැසීයන අහසෙ කොටස මෙන් කොටසක් මෙම දර්ශනයෙන් බලාගන්න පුලුවන් කියලා.

මීටත් වඩා දුර, ගැඹුරු අභ්‍යවකාශයේ ඡායාරූප James Webb දුරේක්ශය මගින් ලබාගැනීමට NASA ආයතනය බලාපොරොත්තු වෙනවා. ඔවුන් පවසන්නේ ඒ මගින් විශ්වයේ ආරම්භයට මොහොතකට සුලු මොහොතකට පසු තත්වය ඡායාරූපයට ගැනීමට හැකිවනු ඇත. හෙට දිනයේදී NASA ආයතනය තවත් වර්ණ ඡායාරූප 11ක් මහජනයා වෙත නිකුත් කිරීමට බලාපොරොත්තු වෙනවා.

කියවන්න : http://shorturl.at/aGJQW

20/04/2022

Ubisoft යනු ලොව ප්‍රමුඛතම ක්‍රීඩා නිෂ්පාදකයායි. Ubisoft විසින් එලිදැක්වු Rainbow Six Seige කියන්නෙ මුලු ලොකෙම වසගයට ගත්ත Multiplay game එකක්. ඔන්න දැන් Rainbow Six Seige ගේම් එක Mobile Device වලටත් එනවා. Ubisoft විසින් ඔවුන්ගේ Twitter ගිණුමේ ට්‍රේලර් වීඩියෝවක් හරහා PC, PlayStation සහ Xbox වලට සීමා වූ මෙම ක්‍රීඩාව Multiplayer මාදිලිය සහිත ජංගම දුරකථන වෙත ගෙන ඒමට තීරනය කරල තියෙනවා.

කියවන්න: https://tinyurl.com/ynr5a3tn

07/03/2022

Apple event Ready to live

Link : https://youtu.be/CUwg_JoNHpo

Watch the special Apple Event.March 8, 2022, at 10 a.m. PST.Set a reminder and we’ll send you an update before the show.