21/05/2024
"Abbaan fedhe waan meeshaa qabateef aangoo humnaan fudhachuu hin danda'u" Obbo Awwaluu Abdii, Pirezidaantii Itti Aanaa MNO
----
2ffaa hojii nageenyaa ilaalchisee;
Keessummaa Barruu Kallachaa maxxansa 3ffaa kan ta'an Pirezidaantii Itti Aanaa Mootummaa Naannoo Oromiyaa Obbo Awwaluu Abdii Hojii gama nageenyaa ilaalchisee uummanni keenya nagaan ba'ee nagaan akka galuu danda'u, nageenyi waaraan jiraachuu akka danda'u aggaammiiwwan injifannoo uummata Oromoo irratti aggaamaman karaa guutuu ta'een qolachuun injifannoo kana eeguu, ceesisuu akka isa dandeessisuuf hojiin ijoon Mootummaan Naannoo Oromiyaa xiyyeeffannaa addaa kennee hojjechaa jiru keessaa hojiin nageenyaa isa ijoo ta'uu ibsaniiru.
Aggaammiin biyya irrattis Oromiyaa irrattis kallattii arfaniinuu aggaamamaa jiru baay'ee ta'uu kaasuun, kana maqsuuf hirmaannaa uummataa cimsuun, caasaa nageenyaa keenya karaa adda ta'een ijaaruun, humna waloo keenyaa Gaachana Sirnaa dabalatee karaa xiyyeeffannaa addaatiin cimsuun hojii Mootummaan Naannoo Oromiyaa hojjechaa jiru ta'uu kaasaniiru.
Akkuma beekamu Kaabarraa humna armaan dura olaantummaa barate karaa nagaatiin walqixxummaan buluun salphina itti fakkaatee afaan qawween olaantummaasaa deebifachuuf waraana bane qolachuuf Mootummaan Naannoo Oromiyaafi uummanni Oromoo saboota sablammootaafi uummatoota Itoophiyaa waliin ta'uun hojii ajaa'ibsiisaa hojjechuu eeraniiru
Looreetiin Nagaa Addunyaa Ministirri Muummee MFDRI Dr. Abiyyi Ahimad wayita humni kun karaa Kaabaa kana olaantummaasaa deeffachuuf waraana bane mooneerra, harka kennachiisuu qofa jedhee dhaadatu gara adda waraanaa deemuun waraana sana cabsuun bakkatti deebisanii xumuruun hojii seenaqabeessa, hojii gootummaa yoomiyyuu seenaa biyyattii keessatti calaqqisaafi faarfamaa jiraatu raawwachuu ibsuun, kana keessatti Mootummaan Naannoo Oromiyaa akka mootummaatti gahee guddaa gumaachuun ilmaan Oromoo lafee, dhiigaafi lubbuu isaanii aarsaa gochuun biyyi akka itti fuftu, nageenyi akka kabajamu kan taasusan ta'uu Obbo
