14/02/2024
كلام موجّه لـ 3
1- أغلب رؤساء العالم العربي
2- أغلب شيوخة العالم الإسلامي
3- الشباب المسلمين
1- يا مهزومين, يا ممسوخين
قبل ما نتنياهو يعمل المجازر بأهلنا بفلسطين, عملتوها بأهالي بلادكن, دبّحتوهن وفرّقتوهن لمجموعات وطوائف وعوّدتوهن المجازر لحد ماصارو يحسّو المجزرة شي عادي, شي من روتين وبديهيات الأيام, عم اتطلّع ع مجازر نتنياهو بفلسطين, واتذكّر مجازر بشّار بسوريا, لعما! ما فرق المستعمر عن الحاكم! الصهيوني عن العربي المسلم, طيب شو يعني هالحكي؟ يعني إنو متلكن متل النتن ياهو انت وياه لعنة الله عليكن صهاينة بقلب بعضكن أهل فلسطين عم يدبحهن الغريب, وحكّام العرب عم يدبحونا ويدبحوهن كمان, عم تمدّوهن بالدعم المادّي, عم تمدّوهن بالدعم الفكري لما تفرّقو شعوبكن, عم تعملو فيها مسلمين ومالكن بالإسلام صلة, ولو واحد منكن في بقلبو ذرّة إيمان بنزّل جيش البلد كلّو ع فلسطين وبيفتح باب التطوّع للشباب ليحاربو العدو الحقيقي, بس العدو الحقيقي حاكم عنا وعندن, لعنة الله عليكن مالكن علاقة بدين الإسلام ولا بالحقّ وظاهر منكن وفيكن ومن وراكن الفساد, ياويلكن يوم القيامة من ربّ العالمين على اللي عملتوه بالملايين, لما متل ما قتلتو رح تنقتلو مرة وتنين وتلاتة وأربعة وخمسة ومانكن بـ ميّتين, وبدكن تتعذّبو وتنحرقو وتتشوهو متل ما عذبتو أهالينا مرة وتنين وميتين وألفين ومانكن بـ ميّتين, مفكرين ربّ العالمين غافل عنكن ؟ ولا مفكّرين نور الإسلام رح ينطفي بعتمتكن؟ الله متمُّ نورِهِ ولو كَرِه الكافرون,الله متمُّ نورِهِ ولو كره المشركون, وشهداء الدنيا والمؤمنين الصابرين بالدنيا إلهن راحة بالخلود, وانتو إلكن عذاب أبدي مامنو مهرب وما منو ستر, لتدوقو كل عذاب وكل قهر وكل تجويع من بعد الموت, مالكن مهرب, كما قال الملك الحقّ: كلُّ نفسِِ ذائقة الموت, ونبلوكم بالشرّ والخير فتنةَ وإلينا ترجعون. ومن يعمل مثقال ذرةِ شراً يره" غصباً عن راسك وراسو وسلاحك وسلاحو ومالك ومالو اللي مفكرين إنكن آمنين فيهن, كل مين عَذّب رح يتعذّب بعذابو, كما قال الملك الحقّ سبحانه "من جاء بالحسنة فله خيرُُ منها, ومن جاء بالسيئة فلا يجزى الّذين عملو السيئاتِ إلّا ما كانو يعملون" أنا أتوق لشوفة كل قذر فيكن عم يدوق أعمالو يومتا,سألت شو بدك تاخد معك عالقبر ولا حيوان منك إلو؟ أعمالك بس, وقدّام مين؟ أمام من لا يخفى عليه منكم شيء سبحانه وتعالى, و وقتا خلّي أعمال التفرقة تفرّقك شقف وترجع تنلّم وترجع تتشقف شقف وترجع تنلم, خلي البراميل تحرقك ويترمم جلدك وترجع تحرقك وتشعّلك وتشوّهك ولا تموت, ابكي واطلب من أهل الجنّة مَي تشربها وضل عم تشرب حميم يغلي ويحرق أمعائك متل ما ساهمت بـ عطش ملايين, ويفتح بطنك ويرجع يترمم وتضل مخوزق ومخزوق, وعيشو الأبديّة بالعذاب الشديد كرمال "لحظة" فساد, كما قال الحق سبحانه: وجعلناهم أئِمّةً يدعون إلى النّار, ويوم القيامة لا يُنصرون, وأتبعناهم في هذه الدنيا لعنة, ويوم القيامة هم من المقبوحين" قبّح الله وجوهكم بأعمالكم ولعنة الله والملائكة والمؤمنين أجمعين عليكن يا أرذل البشر, زيدوها فساد كلّو مرجوعو عليكن, اضحكو يوم رح تبكو أبد ونتف عليكن.
2- يا إخوة ؟ يا مسلمين ؟ يا مؤمنين ؟ خايفين من مين؟
من حاكم ولّا من رب العالمين؟ اللي ما بينصر أهلو بفلسطين وما بينطق بسبيل الله هو أخرس يوم الدّين, ولا نلعب على مين؟ على عالم الغيب والشهادة؟ ولّا الجهاد بفتاويكن ما عاد من العبادة؟ ليش الدّين متعلّمينو من وين؟ من مين بيسمحلك تفتح تمّك ومين بيدفعلك ليرتين؟ ولا خايفين من سجن مؤقت ولا بايعين الأبد بجنّتين "لمن خاف مقام ربّه جنّتان" ؟ وبعدين؟ قلبتو الدين تجارة أقوال بلا أفعال, بتقول لا إله إلّا الله محمد رسول الله وأعمالك بتكفر بقولك, والحقّ سبحانه قال "كبُرَ مقتاً عند الله أن تقولوا مالا تفعلون" يعني عند رب العالمين تبارك وتعالى الحساب عسير وكبير لمن كان مؤمناً قولاً ومنافق عملاً, "يا أيهالّذين آمنو لم تقولون مالا تفعلون" ؟ انت بتقول الحمدلله على نعمة الإسلام وبتعمل بأحكام الحكّام ليش؟
انت بتقول الحمدلله الرزّاق ومشان رزق ببتبّع نظام ليش؟
"قد يئسوا من الآخرى كما يئِس الكُفّار من أصحاب القبور"
انت وياه وياه اللي ادّعيتو إنو فَهم القرآن محصور للعلماء وأبعدتو أجيال عن التفكّر عن كتاب الله أجمل وأرقى وأقوى وأعلم وأحكم كتاب وُجِد, لعنة الله عليكم, واللّهُ مُتِمُّ نوره ولو كره الكافرون, ولو كره المشركون, يا جاهل ليش العالِم كان بيعرف القرآن أول ما خلق ولا تعلّم وتفكّر وتدبّر؟ ولا العالم عندو قطعة مخ زيادة عنّك انت وياه ولا انت اللي بشرع ربّك مشرك ومستكبر؟؟ التفسير الكامل الشامل هو فقط عند الله تبارك وتعالى "وَمَا يَعْلَمُ تَأْوِيلَهُ إِلَّا اللَّهُ" والله سبحانه وتعالى لو أراد أن يفسّر كل آية في القرآن عن طريق الرسول عليه الصلاة والسلام لفعل ذلك, لكنّ لله تعالى الحكمة البالغ بعدم تفسير جميع آيات القرآن وهي في آية "كتابُُ أنزلناه إليك مباركُُ ليدبّرو آياته" أي أن الله سبحانه أنزل القرآن لنتفكر بما دُبُر "وراء" كلامه ! لأنّ في طيّاته و وراء كلامه بحور من المعاني والصور والحكمة, كل مؤمن عليه التفكر والبحث بهم, والله سبحانه وتعالى هو العليم الحكيم, اللا متناهي الحكمة والمعرفة, وفي كل آيةِِ من آياته عدد لا يحصى من المعاني والصور والرسائل,ولو اجتمعت معارف البشرية كلّها بالقرآن تبقى قطرة من محيط فمن التكبّر أن تقول "انا أعرف التفسير الصحيح" لكن من الواجب أن تبحث عن كل تدبّر صحيح! عن المعنى والحكمة والرسالة وراء كل آية لأن الله تعالى لم ينزل لنا كلمة إلا وراءها حكمة ورسالة نستطيع أن ننتفع بهم طيلة العمر!
مهما كبر علمك بالقرآن يجب أن تفتح القرآن من مبدأ لا أعلم وسأتعلّم عن جديد! معاني كل كلمة الرسائل الصور, التفكّر العميق بما وراء آيات القرآن من أسرار العلاقة المتينة بين المؤمن حقاً والله سبحانه وتعالى, ومن أسرار الشفاء والقوة والهدى والرحمة في كل شيء! كما قال الرّحمن جلَّ وعلى "يَٰٓأَيُّهَا ٱلنَّاسُ قَدْ جَآءَتْكُم مَّوْعِظَةٌ مِّن رَّبِّكُمْ وَشِفَآءٌ لِّمَا فِى ٱلصُّدُورِ وَهُدًى وَرَحْمَةٌ لِّلْمُؤْمِنِينَ"أي أنَّ الله سبحانه أنزل القرآن ليرشدنا وينصحنا وقانوناً لكل شيء, وشفاءََ لمشاعرنا من الضيق والوساوس وعقولنا من الشكوك العبثية, ودلالة معرفية في كل أمور الدنيا والآخرة تنير أيامنا وأعمالنا وأفكارنا, ومحبةََ لنا وبنا وعلينا لنحيا بتسامح وقوة وعزّة وعفو وسلام , هناك إمام اسمه نعمان علي خان "أنصح الجميع به" أعطى عن كلمة الحمدلله محاضرة مدتها أربع ساعات, عن الحكمة البالغة والسلوك فيها و وراءها والرسالة العميقة اللتي لو اتّبعاه كل مؤمن ما هزّه ريح الدنيا! (سأضع منشور عمّا تعلّمت من هذه الكلمة في التعليقات) نهايةً الله سبحانو ما خلقلنا العقل والقلب لنكون آلات ناسخة بل لنفكر بمنطق وشعور!
الله تبارك وتعالى وتعالى أمرنا بالتمسّك بقوّة بالقرآن "واعتصموا بحبل الله جميعاً ولا تفرّقوا" ليرفعنا علماً وخُلُقاً وعَمَلاً لأقصى المراتب, ثم حضرتكم تقولون لا والله لازم تدرس 500 كتاب مكتوب بإيدين البشر قبل ما تفتح القرآن كتاب خالق البشر؟؟؟؟ ألا لعنة الله على الظالمين! لك وينكن من كلمة الله أكبر؟؟؟؟؟ شو فهمانين منها؟؟ لما قدر كلام الله سبحانه وتعالى يكون عندك أقل أهميّة من كلام البشر وأحكام الله سبحانه وتعالى تكون عندك أقلّ أهميّة من كلام البشر, انت لمين عم تصلّي؟ لما تقول الله أكبر ما بتستحي من حالك؟ عن إينو عقيدة عم تحكو؟ إذا ما بتطبّق اعتقادك هادي مو عقيدة! هاد افتراض !
وينكن من كلمة لا حول ولا قوة إلا بالله ! ولّا العلم إجا من البشر؟ ولا البشر خَلَقوا البشر وهنّي أدرى فيهن؟ قلْ أَتُعَلِّمُونَ اللَّهَ بِدِينِكُمْ ؟؟؟ وَاللَّهُ يَعْلَمُ مَا فِي السَّمَاوَاتِ وَمَا فِي الأَرْضِ وَاللَّهُ بِكُلِّ شَيْءٍ عَلِيمٌ ! يَمُنُّونَ عَلَيْكَ أَنْ أَسْلَمُوا ! قُل لّا تَمُنُّوا عَلَيَّ إِسْلامَكُم ! بَلِ اللَّهُ يَمُنُّ عَلَيْكُمْ أَنْ هَدَاكُمْ لِلإِيمَانِ إِن كُنتُمْ صَادِقِينَ!
إِنَّ اللَّهَ يَعْلَمُ غَيْبَ السَّمَاوَاتِ وَالأَرْضِ وَاللَّهُ بَصِيرٌ بِمَا تَعْمَلُونَ
"يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ" قد يئسوا من الآخرة كما يئس الكُفّارُ من أصحاب القبور"
"إن الله يحب الّذين يقاتلون في سبيله صفّاً كأنهم بنيانُُ مرصوص" يعني تبارك وتعالى يحب من يقاتل وكلامه كالبناء الهائل الّذي يُثبته ويُثبّته ويرصّه بالعمل, وإلا هذا البناء الهائل بدون عمل, سيهبط على صاحبه بنفاقه والله لا يهدي القوم الظالمين, أمّا الإخوة الّذين يشجّعون على الجهاد سواءً جهاد النفس أم جهاد القتال أم نُصرة الحقّ ولو بالكلمة مهما كان التمن اعتباراً أن الله أكبر وأن من لوازم وأساسيات الإيمان الأمر بالمعروف كـ نشر الحقائق والتوصية بالخير والنهي عن المنكر كـ فضح المجرمين واستنكار الجرائم والتوصية بمحاربة المجرمين فلكم سلام وعليكم السلام.
3- الشباب المسلمين
إن زعلانين على اللي صاير بغزّة وضايقة عليكن الدنيا وماعرفانين شو تسووا فمعلش ما تزعلو مني, اللي ما عم يفتح القرآن ولا عم يصلّي بينزعل عليه أكتر, يا إخواتي أنا شفت ولد فلسطيني بيتو مدمّر خسر أهلو وبوجّهو ابتسامة وثبات حسستني إني مثير للشفقة لأني متدايق ع أمور تافهة, والصبي فاتح كاميرا قدام ركام بيتو وعم يقول وهو مبتسم "اللي مصبّرنا كلام ربّنا" بيقرأ آية من القرآن بكل قناعة "أَمْ حَسِبْتُمْ أَن تَدْخُلُوا الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم ۖ مَّسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ " الولد مستيقتن أكتر من مليون واحد متلي ومتلك إنو هاد كلّو امتحان رغم زلزلة الأرض والبيوت والأسلحة الفتّاكة ما انهزّ !! يا الله القناعة هي أغلى من كلشي في بالدنيا, يا إخواتي والله نحنا اللي بينزعل علينا لما تنرك الصلاة ونبعد عن القرآن لأن مافي طمأنينة بالحياة بلاهن,كما قال الحق سبحانه,
يَا أَيُّهَا الَّذِينَ آمَنُوا هَلْ أَدُلُّكُمْ عَلَى تِجَارَةٍ تُنْجِيكُمْ مِنْ عَذَابٍ أَلِيمٍ (10) تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنْفُسِكُمْ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ. ياخي صلّي وعيب عليي إذا هالاكتئاب بضلّ, صاحب القرآن قدّ التلفون أو أكتر وعيب عليي إذا ما سبحانو بنوّر وجهك وبيسّر أمرك وبزيد عزمك وبوسّع فكرك وقَدرَك, ادفع زكاة 5 بالمية من كل شي بيجيك لأهلك أو المحتاجين سواء بفلسطين أو المحتاجين من الأقارب أو الناس بالطريق, عيب عليي إذا ما الله سبحانو رح يردّلك ياهن بأحسنين, جاهد نفسك تبعد عن السيئة الله واستعين بالله بالصلاة استغفر واطلب مساعدتو, عيب عليي إذا ما بتختفي السيئة وكأنها لم تكن, يا أخي أنا كنت مكتئب أكتر منك, أنا كنت أسوأ من كل مين في بيناتنا ولولا فضل الله عليي ماعرفت لا الطمأنينة ولا السلام مع حالي ولا مع غيري, يا أخي وأختي الله سبحانو قال "من تاب وآمن وعمل صالحاً فأولئك يبدّل الله سيئاتهم حسنات, إن الله غفورُُ رحيم" يعني اللي بيرجع لطريق الله سبحانو, بآمن بالقرآن بعد شوية قراءة وبيسعى يطبّق كلامو, وبصلّي, الله سبحانو بيمسح كل سيئات ماضيه, وكمان الله سبحانو واعدك يهديك إنك تعمل بقدّ الأعمال السيئة السابقة, أعمال كويسة جديدة, و واعدك إنو ببدّل كل شي سيء بحياتك بشي كويس, كل خوف بأمان, كل شك بيقين, كل عادة سيئة بعادة كويسة, وأنا على ذلك من الشاهدين, الدخّان وضيق النفس تبدّل برياضة وصحّة منيحة, صحبة الحشيش تبدلت بصحبة القرآن (5 سنين لحد الآن) وتعرّفت على معنى العلو الحقيقي روحاً جسداً وفكراً وعاطفةً, الاكتئاب قلب سلام, القلق قلب طمأنينة, لا حول ولا قوة إلا بالله, كلو من فضل الله ولا شي من قوتي, أنا كنت تحت يئسان وعم حاول انتحر لأن دقت كلشي رغبت فيه وما حسيت بطعمة للحياة, الإدمان أكلني بعد ما استمتعت فيه شوي لدرجة إني حاولت انتحر أكتر من مرة, بفضل الله نجوت منها وانبسطت إني بقيت, بأنفاس ضيقة بس عم اتنفس, قلت بدي إشكر الله إنو إساتني عايش وفتحت يوتيوب كتبت "كيفية الصلاة للمبتدئين" كتبتن على ورقة وعدتن كم مرة, استعرت من أبي الله يرحمو سجادة الصلاة وسكرت باب الغرفة, الله أكبر الله أكبر لا إله إلّا الله, نويت الصلاة لله تعالى تلت ركعات المغرب حاضر, الله أكبر, أعوذ بالله من الشيطان الرجيم, بسم الله الرحمن الرحيم
الحمدلله رب العالمين, الرحمّن الرّحيم
ملك يوم الدّين, إيّاك نعبد وإياك نستعين..
إهدنا الصراط المستقيم, صراط الّذين أنعمت عليهم !
غير المغضوب عليهم, ولا الضالّين, آمين.
قرأت آية تانية, بعدين ركعت, سبحانك ربّي العظيم
بعدين "سمِع الله لمن حمِده" انبسطت إنو ربّي سامعني وأنا ماحدا بيسمعني
ربّنا لك الحمد ! بعدين سجدت, سبحانك ربّي الأعلى, سبحانك ربّي الأعلى, سبحانك ربّي الأعلى ..
أنا هون بكيت 24 سنة بحياتي دفعة وحدة, أول مرّة بحس بطمأنينة غمرتني, حسّيت انفتح شي بصدري كان مسكّر ومخنوق, انجلى وسخ عنّي و وقع تقل جبال عن كتافي وضهري, حسيت إني بالمكان اللي بنتميلو لأول مرّة بحياتي!
بكيت فجأة واستغراب وذهول من جمال الطمأنينة والسكينة اللي الله سبحانو أنزلهن عليي بمغفرتو كل ذنوب ما سبق من حياتي بلحظة وحدة, بكيت كمان ندم وحسرة إنو كيف الأمان والسلام كلللن هون بالصلاة وأنا رحت لكل مكان واتعذبت بكل مكان, والحمدلله بكيت فرح من طمأنينة حسيت أول مرة بحياتي بحسها وبتغمرني كُلّياً, أول مرة بحياتي بتطمّن, وصدق الله العظيم لما قال "وأقم الصلاة لذكري" "ألا بذكر الله تطمئن القلوب" الشي اللي كان مسكّر بنص صدري هو قلب الروح, الشي اللي بضيق مع كل ذنب وبيتوسع بكل صلاة بيتّصل برب العالمين بشكل مباشر, الطريق الوحيد اللي قلب الروح بينشرح فيه, بعدين بقرأ بالقرآن "ادعوني استجب لكم" يعني الله سبحانو قال أطيعوني وادعو باللي بدكن بستجيب عاللي فيه خير إلكن أيّاً كان, صرت ادعي بكلشي بيخطرلي (رح حط منشور بالتعليقات عن آداب الدعاء) وضلّيت ادعي! الحمدلله الله شفالي مرض جيني الأطباء كانو قايلينلي ما منّو شفاء ههه! لا حول ولا قوة إلّا بالله ! سبحانو استجاب لكل دعوة دعيتا, دعوات الشفاء الأمان السلام القوة العلم الرزق المحبّة النقيّة اللي قضيت عمر عم دور عليا للاقيا ومن فضلو حسيتا وغمرتني وكبّرتني وبحاول أعطيها دعوات النصر والثبات والنجاة والحمدلله القريب المجيب, من بعد ما صلّيت كل دعواتي سبحانو استجاب لها, قبل ما صلّي كنت عم دق الباب الغلط وانطر الناس الصح يفتحولي الباب هههه بس الحمدلله بعد ما تبت الله سبحانو استجاب لكل دعواتي, إلّا بنصر أهل فلسطين, طبعاً النصر آتي من عند الله لا شك, لكن نصر أمة بدو دعاء أمّة, صلّوا وادعوا لأنفسكن وادعولهن, من ينصر الله ينصره, إن الله قويُُّ عزيز.
سبحانو قال ادعوني, استجب لكم, وصدق الله الرّحيم القريب, وهو أصدق القادرين.
يا إخواتي المسلمين, الله سبحانو قال بسم الله الرحمن الرحيم
والعصر, إن الإنسان لفي خسر, إلّا الّذين آمنو, وعملو الصالحات, وتواصوا بالحقّ, وتواصوا بالصبّر"
الله سبحانه أقسم بالوقت, أن كل إنسان خسران ومغشوش وعم يخسر وقتو, إلا من آمن بالله وحده ورسله وكتبه, وعمل الصالحات صلّى زكّى صام تصدّق قرأ قرآن ابتسم وخلا حدا يبتسم, وتواصو بالحق قال كلمة حلوة صادقة دلّ حدا على شي كويس دعى حدا لطريق الإسلام وصّى بالخير نهى عن الشر وحكا كلمة الحقّ!! , وتواصوا بالصّبر بتجي بعد كلمة الحقّ لأن كما قال الله سبحانه "أكثرهم للحق كارهون" فـ لا تخافو تحكوا الحقيقة ولو على حساب وظيفة عمل, الله سبحانو هوي الرزّاق وبيرزقكن أحسن, لا تخافو تحقو الحقيقة ولو على حساب سجن, الله هو النصير وهوي اللي بينصركن, قال الله تبارك وتعالى في الحديث القدسي : ((يا ابن آدم، لا تخافنَّ من ذي سلطان، ما دام سلطاني باقيًا، وسلطاني لا ينفد أبدًا. يا ابن آدم، لا تخش من ضِيق الرزق وخزائني ملآنة، وخزائني لا تنفد أبدًا. يا ابن آدم، لا تطلب غيري وأنا لك، فإن طلبتني وجدتني، وإن فُتَّني فُتُّك وفاتك الخير كله. يا ابن آدم، خلقتك للعبادة؛ فلا تلعب، وقسمت لك رزقك؛ فلا تتعب، فإن أنت رضيتَ بما قسمتُه لك، أرحتُ قلبك وبدنك، وكنتَ عندي محمودًا، وإن لم ترض بما قسمتُه لك، فوعزتي وجلالي لأسلطنَّ عليك الدنيا؛ تركض فيها ركض الوحوش في البرية، ثم لا يكون لك منها إلا ما قسمته لك، وكنت عندي مذمومًا. يا ابن آدم، خلقت السموات السبع والأراضي السبع ولم أعيَ بخلقهن (لم يتعبني خلقهم)، أيُعييني رغيف عيش أسوقه لك بلا تعب؟! يا ابن آدم، إنني لم أنس مَن عصاني؛ فكيف من أطاعني، وأنا ربُّ رحيم، وعلى كل شيء قدير. يا ابن آدم، لا تسألني رزق الغد كما لم أطلبك بعمل الغد. يا ابن آدم، أنا لك محب؛ فبحقي عليك كن لي محبًّا)) يا الله ما أجمل هالحديث, يا إخواتي ابتغوا الرزق من عند الله بجميع أشكاله مادّياً ومعنوياً.
"واعتصموا بالله هو مولاكم, نعم المولى ونعم النصير"
