11/10/2022
ສະບາຍດີ 🫰🏻
ມື້ນີ້ໃນນາມຄໍລຳສະເໜ່ອາຫານລາວ, ແອດເອົາສູດ 🍜ເຂົ້າປຸ້ນນໍ້າໄກ່ ບໍ່ໃສ່ແປ້ງນົວ🐔 ສຳລັບກິນ 12 ຄົນມາຝາກ!!!
📌ກ່ອນອື່ນ, ຢ່າລືມກົດຕິດຕາມເພຈ ກົດແຊຣ໌ຄອນເທັນນີ້ແດ່ເດີ້!!!!
📝ວັດຖຸດິບ
#ນໍ້າຕົ້ມຊຸບໄກ່
1️⃣ ໄກ່ຕົ້ມເປື່ອຍ 2 ໂຕ.
2️⃣ ຂ່າ 4 ປ່ຽງ.
3️⃣ ຫົວສິງໄຄ 4 ຕົ້ນ.
4️⃣ ຮາກຫອມປ້ອມ 4 ຕົ້ນ.
5️⃣ ໃບຂີ້ຫູດ 8 ໃບ.
6️⃣ ເກືອ 4 ບ່ວງແກງ.
7️⃣ ກະທິກະປ໋ອງ 28 ອອນ.
8️⃣ ຫນໍ່ໄມ້ຕົ້ມຊອຍເປັນຕ່ອນ 2 ກະປ໋ອງ.
9️⃣ ມັນຝະລັ່ງ 6 ຫົວ ຊອຍຜ່າ 4 ຫລື 6 ຕ່ອນ.
🔟 ກະລົດ 5 ຫົວ ຊອຍເປັນຕ່ອນພໍດີຄຳ.
#ສູດເຮັດຫນ້າເຂົ້າປຸ້ນ
1️⃣ ຫມາກເຜັດແຫ້ງ 5 ອອນ (ໃສ່ຫນ້ອຍໃສ່ຫລາຍແລ້ວແຕ່ຜູ້ມັກເຜັດ)
2️⃣ ຫອມແດງ 25 ງີມ
3️⃣ ຜັກທຽມ 25 ງີມ
4️⃣ ກະປິ 4 ບ່ວງແກງ
5️⃣ ຫມາກເຜັດຜົງແດງເຮັດຫນ້າເຂົ້າປຸ້ນ 2 ບ່ວງກາເຟ
#ເຫຍື່ອເຂົ້າປຸ້ນ
1️⃣ ຖົ່ວຟັກຍາວຊອຍ 2 ກຳ
2️⃣ ກະປໍ່າປີມ່ວງຫັ້ນຝອຍ 2 ຫົວ
3️⃣ ກະລົດຫັ່ນຝອຍ 6 ຫົວ
4️⃣ ຖົ່ວງອກ 2 ແພັກ
5️⃣ ຫອມລາບ 2 ພ່ວງ (2 ກຳ)
6️⃣ ເສັ້ນເຂົ້າປຸ້ນ 3 ກິໂລ
🥣ວິທີເຮັດ🧂
#ນໍ້າຕົ້ມຊຸບໄກ່
1. ຕື່ມນໍ້າໃສ່ຫມໍ້ໃຫ້ຖ້ວມໄກ່, ຈາກນັ້ນໃສ່ຫົວສິງໄຄ, ຮາກຫອມປ້ອມ, ຂ່າ, ໃບຂີ້ຫູດ ແລະ ເກືອຕົ້ມຈົນນໍ້າຟົດ.
2. ໃສ່ໄກ່, ຕີນໄກ່ ແລະ ເພີ່ມເກືອ
3. ຕົ້ມຂ້ຽວໄກ່ປະມານ 2 ຊົ່ວໂມງ ຫລື ຈົນໄກ່ນຸ້ມ ແລ້ວກໍ່ແກະຕີນໄກ່ອອກກ່ອນ ເພາະຕີນໄກ່ຈະສຸກໄວກ່ອນໄກ່.
4. ເມື່ອເຫັນວ່າໄກ່ມັນນຸ້ມແລ້ວ ແລະ ເຫັນວ່າກະດູກມັນຢາກຫລຸດອອກ ແມ່ນໃຫ້ແກະໄກ່ອອກ.
5. ປ່ອຍໃຫ້ໄກ່ເຢັນ.
6. ເອົາໄກ່ທີ່ຕຸ໋ນແລ້ວ ມາຕຳໃສ່ຄົກພ້ອມກະປິ ເພື່ອໃຫ້ຄວາມນົວຂອງກະທິເຂົ້າເນື້ອຂອງໄກ່.
#ເຄື່ອງຫນ້າເຂົ້າປຸ້ນ
1. ແຊ່ຫມາກເຜັດແຫ້ງໃສ່ນໍ້າມັນຫມາກເຜັດແຫ້ງມັນນຸ້ມ, ໃຫ້ມັນສະເດັດນໍ້າແລ້ວ ຟັກແບບຫຍາບໆ.
2. ສຳຫຼັບເຄື່ອງເທດ, ໃຫ້ຟັກຫມາກເຜັດ, ຜັກທຽມ ແລະ ຫອມແດງ.
3. ຈາກນັ້ນ, ກໍ່ເອົາໄກ່ມາຂົ້ວເຄື່ອງເທດທີ່ສັບໄວ້ ພ້ອມໃສ່ຫມາກເຜັດຜົງ.
#ເທທຸກຢ່າງລົງຫມໍ້
1️⃣ ໃສ່ກະທິລົງໃນນໍ້າແກງ (ນໍ້າຊຸບ) ແລະ ຄົນໃຫ້ເຂົ້າກັນ.
2️⃣ ໃສ່ໄກ່ທີ່ຂົ້ວໄວ້ ລົງນໍ້າຊຸບ ແລ້ວຄົນໃຫ້ເຂົ້າກັນດີ ຈາກນັ້ນໃຫ້ໃສ່ນໍ້າຕານ 1 ບ່ວງແກງ (ສາມາດໃສ່ເພີ່ມໄດ້ ຕາມຜູ້ມັກຫວານຫນ້ອຍຫວານຫລາຍ).
3️⃣ ສຳລັບຫນໍ່ໄມ້ ສາມາດຕົ້ມແຍກຕ່າງຫາກປະມານ 15 ນາທີ ແລ້ວສະເດັດນໍ້າ ເພື່ອຫລຸດຜ່ອນຄວາມຂົນ.
4️⃣ ຕໍ່ມາ ເອົາຕີນໄກ່ ແລະ ຫນໍ່ໄມ້ທີ່ຕົ້ມແລ້ວສະເດັດນໍ້າ ລົງໃນຫມໍ້ນໍ້າແກງໃສ່.
5️⃣ ເອົາມັນຝະລັ່ງ ແລະ ກະລົດລົງຫມໍ້ ແລ້ວຕົ້ມໄປຈົນສຸກ (ຫລື ຈະເອົາລົງຫມໍ້ຕອນຂ້ຽວຕຸ໋ນໄກ່ກໍ່ໄດ້ 30 ນາທີທີ່ໃກ້ຈະປົງຫມໍ້ແກງ).
6️⃣ ເມື່ອເຫັນວ່າທຸກຢ່າງແລ້ວໆ ກໍ່ພ້ອມເສີບກັບເຂົ້າປຸ້ນ ແລະ ເຫຍື່ອເຂົ້າປຸ້ນ🫰🏻
🖇ປລ: ສູດຂ້າງເທິງບໍ່ໄດ້ໃສ່ແປ້ງນົວ ເພາະຄວາມນົວມາກັບນໍ້າຕົ້ມໄກ່ ແລະ ກະປິແລ້ວ!!! ທ່ານໃດຢາກເພີ້ມແປ້ງນົວກໍ່ສາມາດເພີ້ມໄດ້ຕາມອັດທະຍາໄສ 😂
