13/03/2024
Anpil moun ap radote aprè tweet Elon Musk fè sou Ayiti an, map fè nou konnen sa pa premye fwa li pale de imigran kap rantre 🇺🇸 ilegalman oubyen nan pwogram Biden ak tout lòt pwogram tankou CBP ONE ak fwontyè 🇺🇸 yo sa ki te fè gwo deba 🇺🇸 sitou nan kan konsèvatè yo.
Sèt fwasi li te montre a klè se ak nou lap pale, men mwen pa wè rezon pou nap fache tire pye rale drapo patriyòt nou, depi ki lè nou te tout patriyòt sa mwen kwè nou tout se afè nou nap regle nan mond pa nou, se je wè bouch pe, se ki mele m depi se pa mwen se pa fanmi m sa pa gade m, depi ki lè nou patriyòt konsa, epi nou pa janm rive pran konsyans pou nou fè yon konbit san se pa yon moun ou yon gwoup moun ki mete nou deyò pou 1000 goud pou asyèt manje pou regle koze yo. Ki jou ki lè nou te janm deside leve kanpe pou nou di Abraham di sètase nou vle viv tankou moun ? Mwen kwè se kouri nou tout ap kouri al kache nan lòt peyi pou sove po nou, kòmsi peyi nap kouri al sere ladan yo ´ se Bondye, se lwa se lè sen lè zanj ki desann vin fè yo nan nivo yo ye an jis nou rive jwenn yo pou al sere ladann yo swadizan nal chache lavi se yo ki El Dorado.
Nou bliye si se pèp nan peyi sa yo ki pran konsyans ki leve kanpe, brave danje ki dakò sakrifye vi yo avni yo jenès yo karyè yo, ki mouri ki pran prizon pou peyi yo te rive nan nivo yo ye an pou avni yo e sitou avni pitit yo te asire nan yon peyi kote yo te ka viv tankou moun san yo pa bezwen riske lavi lavi al pran imilyasyon kay lòt moun.
Etazini, Kanada, Lafrans, Brezil, Chili Sirinam Sendomeng etc se pa yon bon maten yo leve yo jwenn yo konsa non bann sanwont, se pa mache nan chalòm al dèyè mirak ki mete yo la, se pa nan rele lwa pou fè malfektè ni nan mache nan pye sen Ki fè peyi sa yo rive nan nivo sa yo. Popilasyon nan peyi sa yo pat pete kouri di yo pa konsène se pa yo kap vin ranje peyi ni yo pat mete konstim instinct de conservation yo sou do menm jan ak nou pou di nou pap vin mouri pou la Patrie pandan nou pap viv se yon bann survivant nou ye kap tann tou pa nou epi nou nan instinct de conservation pou kisa ou pa wè l.
Jan nou ap aji la se kòmsi nap fè kk, nap ankouraje ak aplodi kk epi nou vle yo pale byen de nou, nap touye youn lòt, nap maltrete youn lòt, gwoup gang ap miltipliye yap kidnape touye vyole viktim yo, yap dekapite moun boule moun manje vyann moun ak fyète fè videyo epi pataje l sou rezo sosyal yo epi kon lòt nasyon pale de sa yo trete nou sa nou ye an di nou se gang kanibal nou fache nou nèvè lwa Desalin nou monte nou, se kòmsi nou dakò fè kk nou antre nou men moun deyò pa dwe rantre ladann pou plim sou do nou pa leve.
Mwen poko janm wè yon nasyon ipokrit konsa sitirè kòmsi se manti Elon Musk ap fè, sou ki planèt nap viv? Nan ki syèk nou panse nou ? Nou bliye oubyen nap fè sanblan nou pa konnen se à l’ère de la technologie nou ye , le monde n’est plus un village c’est une rue, une impasse virtuelle en un mouvement d’un clic un post, un partage le monde wè tout sa nap regle tout kk nou yo à temps réel.
Sispann fè sanblan bann ipokrit, nou konnen a 1000% jan yo dekri Ayiti nan moman an se konsa li ye vre sa Elon Musk di a se yon vérité absolue nan moun kap rantre 🇺🇸 yo nan moman la yo riske gen gang kanibal pami yo, nou bliye plizyè DCPJ arate ki tap kite peyi an swa nan pwogram Biden oubyen Nikaragwa?
Le respect est pareil à la liberté, yo pa bay moun libète ou goumen pou w pran libète w, si w vle yo respekte w fò w gen respè pou tèt ou e fòk ou fè respè w. Pa gen okenn moun kap ba w respè si w pa fè respè w si w pa merite sa, jan w vann tèt ou se konsa yo achte w sispann fè wont sèvi kòlè bann ipokrit se konsyans pou nou pran mete Ayiti ak enterè kolektif lan avan tout bagay.
NOU SE PITIT AYITI E NOU FYÈ
