27/09/2024
لوئر دیر ایم پی اے اور ڈیڈک چیئرمین عبید الرحمن نے جندول پریس کلب کا دورہ کیا اور وہاں صحافیوں سے ملاقات کی۔ اس موقع پر جندول پریس کلب کے صدر وحید خان تاجک، جنرل سیکرٹری نورزمان موسیٰ خیل، امجد علی، شعیب ہادی، میاں محمد رشید اور دیگر بھی موجود تھے۔
ایم پی اے عبید الرحمن نے کہا کہ ہسپتال ثمر باغ میں پیش آنے والا ناخوشگوار واقعہ انتہائی افسوس ناک ہے۔ خیبر پختونخوا کی تمام صحافتی تنظیموں نے اس واقعے کی شدید مذمت کی ہے اور گہرے غم و دکھ کا اظہار کیا ہے۔ تمام اداروں اور سٹیک ہولڈرز کو اب اس مسئلے کا ایک پرامن اور ثالثی پر مبنی حل نکالنا ہوگا۔
جندول پریس کلب کی منتخب کابینہ نے ایم پی اے عبید الرحمن کے سامنے اپنے مطالبات رکھے اور کہا کہ ہم پر بھی صحافتی تنظیموں کا شدید دباؤ ہے۔ اگر اس مسئلے کا عوامی مفاد کے خاطر جلد از جلد حل نہیں نکلا تو پھر ہمارے پاس FIR کے علاوہ کوئی دوسرا راستہ نہیں بچے گا۔ایم پی اے عبید الرحمن نے جندول پریس کلب کے صحافیوں کو یقین دہانی کرائی کہ جلد سے جلد اس مسئلے کا پرامن اور خوشگوار حل نکل آئے گا۔ تب تک آپ تحمل کا مظاہرہ جاری رکھیں اور ایسی باتوں سے اجتناب کریں جو مسئلے کے حل کے بجائے مزید بگڑنے کا خطرہ پیدا کریں۔