رشک کی سنہری غزلیں

02/02/2024

غزل از: سید افتخار احمد رشکؔ 2-2-2024
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ تو میں جا پایا نہ ملنے آئی جاںؔ، جانے دو
کیسے ہوتا تیری میری حُب کا ساماں جانے دو
میں ہی نہیں بسمل ہیں لاکھوں، تیرے پیکاں جانے دو
پھر بھی سارے عاشق تجھ پر دائم قرباں جانے دو
شکوہ شکایت رونا دھونا ہم نے چھوڑا غیروں پر
تو نے ہمیشہ ہم سے جفا کی پھر بھی ہیں شاداں جانے دو
ہم نے پروا وصل و ہجراں کی پہلے نہ اب کی ہے
جیسی بیتی بیتنے دی ہے، مشکل آساں جانے دو
یا ہے اشکوں کا دریا یا گہرا دھواں ہے آہوں کا
سردی گرمی، بارش، خشکی، پت جھڑ بہاراں جانے دو
جب تیرے رستے پر آئے پائوں زخمی رشکؔ کے ہوں
کرچی کرچی بکھرے پڑے ہیں سارے پیماں جانے دو

01/02/2024

31/01/2024

کل بارش کی دعاکی تو صبح میں تو رات کو بارش ہوئی۔۔۔۔ آفس سے اپنے علاقے پہنچا تو وہاں بارش نہیں ہوئی تھی مجھے مایوسی ہوئی پھر خود ہی خیال آیا کہ بارش ہوسکتی ہے اور ذرا دیر میں ہی تیز بارش شروع ہوگئی اور میں انجوائے کرتا ہوا فلیٹ پر پہنچا تو پورا بھیگ چکا تھا مگر خوش تھا فلیٹ پر پہنچتے ہی بارش فوراً رُک گئی۔

30/01/2024

غزل۔۔۔۔۔۔ 26-1-2024
گھلنا ملنا ہے بیشتر لیکن
دل لگی ہے بعید ترلیکن
ڈوبنے کا نہیں تھا کچھ امکاں
اشک سے راستہ تھا تر لیکن
خوب مجھ سے وہ کھُلتی جاتی تھی
کھُل گیا جانے کیوں سَتَر لیکن
خوف سے بے نیاز دیتاجاں
دیکھنا لگ گیا شُتر لیکن
موم کی ناک بن گئی ہوتی
خاک ہوتی تو تربتر لیکن
درمیاں فاصلہ غنیمت تھا
تھی قیامت قریب تر لیکن
بسکہ ماما عوام رہبردار
ہو رہے ہیں غریب تر لیکن
لوگ رہبر کا رُخ نہ پہچانے
خشک ہوتی تو چشمِ تر لیکن
لوگ زندہ ہنر سراہین رشکؔ
یہ توقع فضول تر لیکن
رشک

30/01/2024

غزل۔۔۔۔۔۔۔ 26-1-2024
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممکن نہیں ملاپ تو الفت کا فائدہ؟
قسمت جدا جدا ہے تو محنت کا فائدہ؟
مانا کہ چار چاند لگائے ہیں حسن کو
پیمان باندھا بودا نزاکت کا فائدہ؟
ملنا ملانا نام کا پر فکرکچھ نہیں
جب قربتیں نہیں تو قرابت کا فائدہ؟
قلاش ہو کے منتظرِ فیصلہ غریب
انصاف میں ہے دیر عدالت کا فائدہ؟
کھینچے ہے کیس کو بہت لے لے کے خوب فیس
شیطاں وکیل کو ہے طوالت کا فائدہ؟
نیکی کو ہو وکیل بنا کام خلق کے
ورنہ کہاں اے رشکؔ وکالت کافائدہ؟
رشکؔ

30/01/2024

نعت ِ رسول مقبول ﷺ۔ 30-1-20247
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلوہ ءِربُّ العُلیٰ،شاہِ شہاں ہیں مصطفی ﷺ
اظہرِ کون و مکاں،نورِ عیاں ہیں مصطفی ﷺ
میں ہوں عاشق اور میری جانِ جاں ہیں مصطفی ﷺ
مذہب و ایمان کی تاب و تواں ہیں مصطفی ﷺ
خلقِ اول، نورِ اول، وجہِ ہستی، جانِ عشق
اورمعراجِ زماں، دین و جہاں ہیں مصطفی ﷺ
قرنوں سے انسانیت کو جامِ حق کی پیاس تھی
بے مثل بارانِ رحمت کاسماں ہیں مصطفی ﷺ
کاروانِ دین کواب روکنا ممکن کہاں
ہر جگہ مشکل کشائے کارواں ہیں مصطفی ﷺ
ناظرِ منزل بناکرایسے ہی چھوڑاکہاں
ہم ہیں رہبر رہنمائے رہبراں ہیں مصطفی ﷺ
ایک پل سیاحِ ہفت افلاک سدرہ پیما بھی
وہ ہی پل گزرا نہیں پھر سے یہاں ہیں مصطفی ﷺ
خلقِ ہفت افلاک کو صدیوں برابر انتظار
تیزی ءِ بُرّاق میں بھی مہربان ہیں مصطفی ﷺ
سب سے بہتر نعت قرآں میں کہی رب نے اے رشکؔ
سب سے بہترحمد میں رطب اللساںّ ہیں مصطفی ﷺ
رشک

18/10/2023

Poet: Syed Iftikhar Ahmed Rashk By: Syed Iftikhar Ahmed Rashk, Karachi

شوقِ وفا تھا خوب سو چاہت میں کر گئے
کوئی نہ کرسکا وہ محبت میں کر گئے
یہ نہ گمان ہو کہ شرافت میں کر گئے
سہنے کا ظلم کام جہالت میں کر گئے
ہم نے عداوتوں میں بھی انصاف کو رکھا
وہ عدل سے بھی ظلم عدالت میں کر گئے
لاشے گرا گرا کے جو کرتے رہے دغا
تم اُن کو ووٹ دے کے حکومت میں کر گئے
برساتی مینڈکوں کا ہجوم آ گیا ہے پھر
یہ ہی ہیں قوم کو جو مصیبت میں کر گئے
رہبر تھے جو شہید انہیں کردیا گیا
سب وقفِ قوم اپنا سخاوت میں کر گئے
دریا تو ہیں بہت مگر پیاسی آبادیاں
زر آب سے ہو پیدا یوں قلّت میں کر گئے
رہبر دغا کریں تو لگے قوم کو دعا
ظالم خطا وہ ہوشِ بصارت میں کر گئے
لاکھوں سروں کے ڈھیر کو مینار نہ کیا
دانستہ ایک بھول ہلاکت میں کر گئے
بیروزگاری، لاشیں، مہنگائی، فرطِ زر
کیا کیا برا نہ رسوا سیاست میں کرگٸے
یورینیم، سمندر و دریا بھی ہیں مگر
اکّیسویں صدی میں بھی ظلمت میں کرگئے
جو کام رہبروں نے یہاں کردیا ہے رشک
دنیا میں کون لوگ قیادت میں کر گئے

18/10/2023

غزل ۔۔۔۔۔ یکم مارچ 23
۔۔۔۔۔۔۔۔۔۔۔۔۔۔۔
زندگی درد دیتے جائے گی
موت بس ایک پل ستائے گی
کب سے ہوں منتظر ترا جگ میں
زندگی کس قدر ستائے گی
درد کی انتہا ہے مرنے میں
پھر سکوں کی گھڑی بھی آئے گی
جان ہے جانِ جاں نہیں اب تک
اب اگر آئے گی کیوں آئے گی
دیکھ لینا کہ شاعری میری
ہاں کسی دل کو تو رلائے گی
جب بھی منزل دکھائی دے جائے
اِک نئی راہ میں سمائے گی
جس کو دیکھوں وہ آگ رکھتا ہے
آگ کیا نور کو بجھائے گی
ہے مہنگا بہت ہی یہ سودا
زندگی لمحہ لمحہ جائے گی
قابلِ رشک بن کے جینا تھا
جانتا تھا کہ جان جائے گی
میں نے مانا ہے ہار کو ہی جیت
زندگی کیا مجھے ہرائے گی
زندگی جان لے کے آئی تھی
زندگی جان لے کے جائے گی
دل پگھلتا ہی جا رہا ہے رشکٓ
نائو جیون کی ڈوب جائے گی