நாமக்கல் மாவட்ட செய்திகள்

12/02/2024

நாமக்கல் மாவட்டம் மக்கள் பயன்பெறும் வகையில் சேலம் TO மயிலாடுதுறை வரை குறைந்த கட்டணத்தில் தினசரி ரயில் இயக்கப்படுகிறது ...

22/11/2023

திராவிட முன்னேற்றக் கழகத்தின் மாநில இளைஞர் அணி செயலாளரும், தமிழ்நாடு அரசின் விளையாட்டு மற்றும் இளைஞர் நலன் துறை அமைச்சருமான திரு.உதயநிதி ஸ்டாலின் அவர்கள்
நேற்று நாமக்கல் மருத்துவக் கல்லூரி மருத்துவமனையின் சேவையை தொடங்கி வைத்து உரையாற்றினார் . பின் DMK Youth Wing-ன் இரண்டாவது மாநில மாநாட்டிற்கு பெருந்திரளான இளைஞர் படையை அழைக்கும் வகையில் நாமக்கல் கிழக்கு - மேற்கு மாவட்டக் கழக இளைஞரணிச் செயல்வீரர்கள் கூட்டத்தில் கலந்து கொண்டார் .

20/11/2023

நாமக்கல் அரசு மருத்துவக்கல்லூரியில் 300-க்கும் மேற்பட்ட மாணவ, மாணவிகள் இளநிலை மருத்துவம் பயின்று வருகின்றனா். இவா்கள் அனைவரும் இங்குள்ள விடுதிகளில் தங்கி பயில்கின்றனா். இந்நிலையில் கல்லூரி உணவகம், விடுதி ஆகியவற்றை மாவட்ட உணவு பாதுகாப்பு அலுவலா் கா. ச. அருண் தலைமையிலான உணவு பாதுகாப்புத் துறையினா் சனிக்கிழமை நேரடியாக ஆய்வு செய்தனா். உணவு தயாரிக்கும் இடம் சுத்தமாக, சுகாதாரமாக பராமரிக்கப்பட வேண்டும் என பணியாளா்களிடம் அறிவுறுத்தப்பட்டது. மேலும், தரமான மூலப்பொருள்களை கொண்டு மட்டுமே உணவு தயாரிக்க வேண்டும்,மாணவா்களுக்கு பாதுகாப்பான குடிநீா் வழங்க வேண்டும், உணவுப் பொருள்களை கையாளும் பணியாளா்கள் ஏப்ரான் தொப்பி, கையுறை ஆகியவற்றை அணிய வேண்டும், பணியாளா்கள் தொற்று நோய்க்கும் ஆளாகவில்லை என்பதற்கான மருத்துவச் சான்றை பெற்றிருக்க வேண்டும் என உணவு பாதுகாப்புத் துறை அலுவலா்கள் அறிவுறுத்தினா்.

16/11/2023

முத்தமிழறிஞர் டாக்டர் கலைஞர் அவர்களின் நூற்றாண்டு விழாவையொட்டி நாமக்கல் மேற்கு மாவட்ட மாணவர் அணி சார்பில் பள்ளி, கல்லூரி மாணவர்கள் கலந்து கொண்ட கட்டுரை, பேச்சு போட்டிகளில் வெற்றி பெற்ற மாணவர்களுக்கு வனத்துறை அமைச்சர் மதிவேந்தன், மாவட்ட செயலாளர் மதுரா செந்தில் இணைந்து பரிசுகளையும், சான்றிதழ்களையும் வழங்கி வாழ்த்துக்களை தெரிவித்தார்கள்.

16/11/2023

நாமக்கல் குளக்கரைத் துறையில் அமைந்துள்ள வீர பக்த ஆஞ்சநேயர் கோவில் சீரமைப்பதற்காக நிதி ஒதுக்கப்பட்டது. இந்தப் பணிகள் துவங்க உள்ள நிலையில் அறநிலையத்துறை மண்டல வல்லுநார்கள் கோவிலை ஆய்வு செய்தனர் . அப்போது அந்த கோவிலை முழுவதும் இடித்துவிட்டு புதிதாக சீரமைக்கும் பணிகள் விரைவில் நடைபெறும் எனவும் தெரிவித்தனர்.

12/11/2023

அனைவருக்கும் இனிய தீபாவளி நல்வாழ்த்துக்கள் !

09/11/2023

நாமக்கல் மாவட்டத்தில் உள்ள அனைத்து இனிப்பு மற்றும் பலகார கடைகளில் உணவு பாதுகாப்புத் துறையினர் திடீர் ஆய்வு மேற்கொண்டனர் இந்த ஆய்வு உணவு பாதுகாப்பு துறை அதிகாரி அருண் தலைமையில் நடைபெற்றது. இனிப்பு மற்றும் காரம் ஆகியவற்றை பழைய செய்தித்தாள்களை கொண்டு மூடி வைக்கக் கூடாது . ஒருமுறை பயன்படுத்தப்பட்ட எண்ணெய்யை திரும்ப பயன்படுத்தக்கூடாது போன்ற அறிவுரைகள் வழங்கப்பட்டது.

09/11/2023

நாமக்கல் மாவட்டத்தில் சுமார் 65 ஆயிரம் லாரிகள் இயக்கப்படாமல் ஆங்காங்கே நிறுத்தி வைக்கப்பட்டுள்ளது. லாரி உரிமையாளர்களின் பல்வேறு கோரிக்கைகளை வலியுறுத்தி இன்று காலை முதல் மாலை 6 மணி வரை ஒரு நாள் அடையாள வேலை நிறுத்த போராட்டம் நடைபெற்று வருகிறது இதனால் தமிழக முழுவதும் சுமார் 20 லட்சம் லாரிகள் ஓடவில்லை எனவும். அரசுக்கு இன்று ஒரு நாள் மட்டும் பல கோடி ரூபாய் நஷ்டம் என தெரிவித்துள்ளனர்

07/11/2023

தீபாவளி திருநாள் அன்று சிறுவர் முதல் பெரியவர்வரை பட்டாசுகள் வெடித்து மகிழ்ச்சியை வெளிப்படுத்தி வருவார்கள் அன்று காலை 6 மணி முதல் 7 மணி வரையும் இரவு 7 மணி முதல் 8 மணி வரையிலும் பட்டாசுகள் வெடிக்க அனுமதி அளிக்கப்பட்டுள்ளது . பொதுமக்கள் அதிக சத்தம் எழுப்பும் பட்டாசுகளை வெடிக்க கூடாது எனவும் நாமக்கல் மாவட்ட ஆட்சியர் டாக்டர் உமா அவர்கள் எச்சரிக்கை விடுத்துள்ளார்.

04/11/2023

18 வயது நிரம்பிய புதிய வாக்காளர்கள் சேர்க்கும் சிறப்பு சுருக்க முறை வாக்காளர் பட்டியல் திருத்த முகாம் உங்கள் அருகாமையில் உள்ள வாக்குச்சாவடி மையத்தில் நடைபெறுகிறது.

03/11/2023

நாமக்கல்லில் மக்கள் அனைவரும் ஆரோக்கியத்துடன் நலமுடன் வாழ ‘நடப்போம் நலம் பெறுவோம்’ திட்டம் சனிக்கிழமை (நவ. 4) தொடங்கப்படுகிறது.
மாவட்ட ஆட்சியா் ச. உமா வெளியிட்ட செய்திக் குறிப்பு:
தமிழக அரசு மக்களின் நலன் மற்றும் ஆரோக்கியத்தைக் கருத்தில் கொண்டு ‘நடப்போம் நலம் பெறுவோம்’ என்ற திட்டத்தின் மூலம் மாநிலம் முழுவதும் அனைத்து மாவட்டங்களிலும் மக்கள் நடைபயிற்சி மேற்கொள்வதற்காக 8 கி. மீ தூரம் நடைப்பாதை கண்டறியப்பட்டுள்ளது. அந்தத் திட்டம் சனிக்கிழமை தொடங்கி வைக்கப்படுகிறது. நாமக்கல் மாவட்டத்தில் அன்று காலை 6 மணி அளவில், நாமக்கல் தெற்கு அரசு ஆண்கள் மேல்நிலைப்பள்ளியில் தொடங்கி மோகனூா் சாலை வழியாக டிரினிடி கல்லூரி வரை சென்று மீண்டும் பள்ளிக்கு திரும்பிடும் வகையில் 8 கி. மீ. தொலைவிற்கு நடைபெற உள்ளது. "

01/11/2023

இன்று கோலாகலமாக நடைபெற்ற உலக புகழ்பெற்ற நாமக்கல் ஆஞ்சநேயர் மற்றும் நரசிம்மர் கோயில் திருக்குட நன்னீராட்டு பெருவிழா கும்பாபிஷேகம் சிறப்பு அலங்காரத்தில் காட்சி தருகிறார் ஆஞ்சநேயர்...

31/10/2023

https://www.youtube.com/live/JKGAldJL2XU?feature=shared

🔴LIVE : நரசிம்ம சுவாமி திருக்கோவில் அருள்மிகு ஆஞ்சநேய சுவாமி மகா கும்பாபிஷேகம் ! மாலை யாக பூஜை ! #...

31/10/2023

நாமக்கல் மாவட்டம் நன்செய் இடையாறு ஸ்ரீ ராஜ சுவாமி திருக்கோவிலில் ஐப்பசி மாத கிருத்திகையை யொட்டி சிறப்பு பூஜைகள் நடைபெற்றன. இந்நிகழ்ச்சியில் சுவாமிக்கு பல்வேறு வகையான வாசனை திரவியங்களால் அபிஷேகங்கள் செய்யப்பட்டு சிறப்பு அலங்காரம் செய்யப்பட்டது. பின்பு மகா தீபாராதனை காட்டப்பட்டது.

31/10/2023

நாமக்கல் ஆஞ்சநேயர் மற்றும் நரசிம்மர் கோவில் திருக்குட நன்னீராட்டு விழா.!
கும்பாபிஷேக நாள்: நாளை - புதன் கிழமை .

28/10/2023

நாமக்கல் திருச்செங்கோடு நகர மாரியம்மன் கோயில் திருவிழா நடைபெற்று வருகிறது. இந்த திருவிழாவின் முக்கிய நிகழ்ச்சியான மாரியம்மன் தெப்பத்திருவிழா வைபவம் நேற்று சிறப்பாக நடந்தது. இதில் ஏராளமான பக்தர்கள் கலந்து கொண்டு தெப்பத்திருவிழா வைபவத்தை கண்டு ரசித்தனர்.

23/10/2023

அனைவருக்கும் இனிய ஆயுத பூஜை மற்றும் சரஸ்வதி பூஜை நல்வாழ்த்துக்கள் !

19/10/2023

நாமக்கல் கவிஞர் ராமலிங்கம் பிள்ளை அவரது இல்லத்தில் ராமலிங்கம் பிள்ளை 135 வது பிறந்தநாள் விழா விமர்சியாக கொண்டாடப்பட்டது அவருடைய திருவுருவ படத்திற்கு பாராளுமன்ற உறுப்பினர் ராஜேஷ் குமார், மாவட்ட ஆட்சியர் உமா , சட்டமன்ற உறுப்பினர் ராமலிங்கம் மற்றும் நகர் மன்ற தலைவர் , துணைத் தலைவர் ஆகியோர் அவருடைய திரு உருவ படத்திற்கு மாலை அணிவித்து மலர் தூவி மரியாதை செய்தனர் .

10/10/2023

நாமக்கல் ஆஞ்சநேயர் கோவிலில் நேற்று புரட்டாசி மாத திங்கட்கிழமை ஒட்டி சாமிக்கு சிறப்பு அபிஷேகம் செய்யப்பட்டது . அதனை தொடர்ந்து சிறப்பு அலங்காரமான முத்தங்கி அலங்காரம் செய்யப்பட்டது .

04/10/2023

நாமக்கல் மோகனூர் சாலையில் அமைந்துள்ள அறிஞர் அண்ணா அரசு கலைக் கல்லூரியில் ரூபாய் 4. 70 லட்சம் மதிப்பீட்டில் 8 புதிய குடிநீர் சுத்திகரிப்பு இயந்திரங்களை பாராளுமன்ற உறுப்பினர் ராஜேஷ் குமார் அவர்கள் தொடக்கி வைத்தார்.

03/10/2023

நாமக்கல்லில் நடந்த கிராம சபை கூட்டம் !

30/09/2023

நாமக்கல் நகர பேருந்து நிலையத்தில் இட பற்றாக்குறை காரணமாக நாமக்கல் முதலைப்பட்டி அருகே ரூ.20 கோடி மதிப்பீட்டில் புதிய பேருந்து நிலைய கட்டுமானப் பணிகள் நடந்து வருகிறது .

29/09/2023

நாமக்கல் நகராட்சியில் உள்ள அணைத்து வார்டுகளிலும் டெங்கு தடுப்பு நடவடிக்கைகள் நடந்து வருகிறது . தினமும் பணியாளர்கள் கொசு ஒழிப்பு பணியில் ஈடு படுகிறார்கள் .மேலும் கொசு உற்பத்திக்கு காரணமாக மக்கள் அலட்சியமாக இருந்தால் உரிய அபராதம் விதிக்கப்படும் என தெரிவிக்கப்பட்டுள்ளது .

28/09/2023

நாமக்கல் மாவட்ட ஆட்சியர் அலுவலக வளாகத்தில் உள்ள கூட்ட அரங்கில் ஆட்சியர் உமா அவர்கள் தலைமையில் வடகிழக்கு பருவமழையில் மேற்கொள்ள வேண்டிய முன்னெச்சரிக்கை குறித்து ஆலோசனைக் கூட்டம் நடைபெற்றது. இதில் பல்வேறு துறை அலுவலர்கள் பங்கேற்றனர்.

26/09/2023

நாமக்கல் மாவட்ட மாற்றுத்திறனாளிகள் நலத்துறையின் சார்பில் நடைபெற்ற நலத்திட்ட உதவிகள் வழங்கும் விழாவில் மாற்று திறனாளிகளுக்கு மூன்று சக்கர வாகனங்கள் வழங்கப்பட்டது . இதில் நாமக்கல் கிழக்கு மாவட்ட கழக செயலாளரும், மாநிலங்களவை உறுப்பினருமான திரு.கே.ஆர்.என்.ராஜேஷ்குமார் , நாமக்கல் சட்டமன்ற உறுப்பினர் திரு.பெ.ராமலிங்கம் அவர்கள் , நாமக்கல் மாவட்ட ஆட்சியர் மருத்துவர் திருமதி S.உமா அவர்கள் மற்றும் பலர் கலந்து கொண்டனர் !

26/09/2023

நவ. 1-ஆம் தேதி பிரசித்தி பெற்ற ஆஞ்சநேயர் கோவில் குடமுழுக்கு விழா நடைபெற இருப்பதால் பக்தா்கள் மற்றும் போக்குவரத்துக்கு இடையூறாக இருக்கும் ஆக்கிரமிப்பு கடைகளை அகற்றும் நடவடிக்கைகள் மேற்கொள்ளப்பட்டு வருகின்றன.

25/09/2023

நாமக்கல் மாவட்டம் திருச்செங்கோட்டில் அரசு சார்பில் கொங்கு திருமண மண்டபத்தில் சமுதாய வளைகாப்பு விழா இன்று சிறப்பாக நடைபெற்றது .!

25/09/2023

நமது நாமக்கல் ஆஞ்சநேயர் கோவிலில் நேற்று புரட்டாசி முதல் ஞாயிற்றுக்கிழமை என்பதால் சாமிக்கு 1000 லிட்டர் பால் அபிஷேகம் செய்யப்பட்டு சிறப்பு அலங்காரம் செய்யப்பட்டது..

24/09/2023

நவம்பர் 1 குடமுழுக்கை முன்னிட்டு பந்தல்கால் இன்று நடப்பட்டது !

23/09/2023

நமது நாமக்கல் கொண்டம்பட்டிமேடு, சிலம்பொலியார் நகரில் மூத்த தமிழறிஞர் சிலம்பொலி செல்லப்பன் அவர்களின் உருவ சிலையை காணொளி வாயிலாக நமது முதல்வர் திறந்து வைத்தார் .