19/12/2011
ශ්‍රි ලාංකේය සුභාවිත ගීතය
පසුගිය දෙසැම්බර් 13 වෙනිදාට ශ්‍රි ලාංකේය පොප් සංගීතයේ රජු ලෙස සැලකෙන ක්ලැරන්ස් විජේවර්ධන මහතා අභාවප්‍රාප්ත වී වසර 16ක් සැපිරුණා.එය නිමිත්තක් කොටගෙන ඔහු පිලිබඳ ලිපියක් පල කරන්නට සිතුනා.ක්ලැරන්ස් විජෙවර්ධනයන් සිංහල ගීතය තුල ප්‍රබල චරිතයක් වීමට මා හේතු කිහිපයක් දකිනවා.එකක් තමයි ඔහු ගීත කලාව තුල All Rounder කෙනෙක් වීම.ඔබ ක්‍රිකට් තරඟ නරඹනාවනම් මෙම වචනය ඔබ නුපුරුදු වෙන්න බැ.ක්‍රිකට් කණ්ඩායමකට All Rounder(තුන් ඉරියව්) කෙනෙක් කියන්නෙ මැනිකක් වගෙ වටින කෙනෙක්.ඒ වගේම තමා ගීත කලාව තුලත් All Rounder කෙනෙක් කියන්නෙ ඉතාම් දුර්ලභ දෙයක්.ලාංකිය ගීත කලාව තුල එවැන්නන් සිටින්නෙ ඉතාම අතලොස්සක්.ආනන්ද සමරකෝන්,සෝමතිලක ජයමහ,ක්ලැරන්ස් විජේවර්ධන වැනි අය ඒ අතරින් ප්‍රධානයි.එසේම අමරදේව,සුනිල් සාන්ත,සිසිර සේනාරත්න වැනි අයද තමන්ම පද හා තනු රචනා කොට ගීත ගායනා කර තිබෙනවා.
අද මම ඉදිරිපත් ක්ලැරන්ස් විජෙවර්ධනයන් විසින්ම ගේය පද සිත්තම් කොට ස්ටැන්ලි පීරිස් තනු රචනා කල ගීතයක්.
මලට බමරෙකු සේ සිතට ඔබ එනවා
කිරණ සේ හිරුගේ හද සිනාසෙනවා
ඔබ සිනාසෙනවා
දුකින් සිත මැලැවි
සිටින මොහොතකදි
ඔබ ගැන‍යි සිතුවෙ
නිවෙයි දුක පහවී
ලොව පහන් වෙනවා
රැය කරා යනවා
දහස් වර අතරෙ
ඔබව සිහිවෙනවා
ගායනය,ගේය පද-ක්ලැරන්ස් විජේවර්ධන
තනුව-ස්ටැන්ලි පීරිස්
මම මෙම ගීතය ඉදිරිපත් කලේ ඔහුගෙ පද රචනා පිලිබද යම් අදහසක් ලබා දීමටයි.ඔහු ඔහුටම රචනා කල ගීතත් එසේම වෙනත් ගායකයන්ට රචනා කල ගීතත් ඉතාම සරල විරිතකට අනුව ලියවු සරල වචන ගැබ් වු සරල සුගම පද මාලා.ඔහු විසින්ම ගායනා කරන ආදරේට ගමෙන් ලියුමක්,කඳ සුරිදුනි,සිහින ලොවක්,එසේම ඉන්ද්‍රානි පෙරේරා මහත්මියට ලියා දුන් හා හා හොරෙ,දිල්හානි දුවනි වැනි ගීත ජෝතිපාල මහතා ගායනා කරන මල් පිබිදෙන,මිල්ටන් මල්ලවාරච්චි මහතා ගායනා කරන තනි වී සිටින්නයි වැනි ගීතද එයට සාක්ෂි නිදසුන් සපයනවා.
