Royal Shwe Myanmar (2024)

22/05/2024

ဒုတိယကမ္ဘာစစ်တုန်းက မြန်မာနိုင်ငံသို့
ရောက်လာသော ဂျပန်စစ်သားတစ်ဦးသည်
မြန်မာစကား အလွန်တတ်ချင်သဖြင့်
အမြဲ လေ့လာလျက်ရှိသည်။

နေ့စဉ် အရပ်သုံး မြန်မာစကားများကို
လေ့လာကျက်မှတ်သည့်အပြင်
အိတ်ဆောင်မှတ်စုစာအုပ်လေးဖြင့်လည်း
မြန်မာစကား အသံထွက်များကို ဂျပန်လို
ရေးမှတ်ထားလေ့ရှိသည်။

တစ်နေ့တွင် ထိုဂျပန်စစ်သားသည် စက်ဘီးစီးလျှက်
မြို့ထဲသို့ထွက်လာစဉ် လမ်းလျှောက်လာသော
မြန်မာ တစ်ယောက်ကို မမျှော်လင့်ဘဲ စက်ဘီးနှင့်
ဝင်တိုက်မိလေသည်။

အတိုက်ခံရသူမှာ ဘာမှမဖြစ်သော်လည်း
ဂျပန်စစ်သားမှာမူ စက်ဘီးရောလူပါ လဲကျသွားသည်။

ထိုအခါ လဲနေရာမှ ချက်ချင်းထကာ
သူ၏ မှတ်စုစာအုပ်ကို ထုတ်လျှက် စာရွက်များကို
အပြင်းအထန် လှန်နေသည်။

ကိုရွှေမြန်မာက သူ့ကိုရေးမှတ်သွားကာ
ဖမ်းဆီးမည်ထင်ပြီး ကြောက်လန့်နေ၏ ။

ဂျပန်စစ်သားကတော့ သူ့စာအုပ်ကိုကြည့်ပြီးမှ
အားရပါးရအော်သည်

``အောင်မလေးဗျ . .´´

😜😜😜

Credit ;org

22/05/2024

ယောက်ျားဖြစ်သူ အလုပ်က ပြန်လာသည်။

အပြင်တွင် သူ့ကလေးသုံးယောက် ကစားနေကြသည်။

သူတို့ သုံးယောက်စလုံး ညဝတ်အင်္ကျီ ဘောင်းဘီတွေ
နဲ့ဖြစ်သည်။

တစ်ကိုယ်လုံး ရွှံ့တွေလည်းပေ၊ ရေတွေလည်းရွှဲ
နေကြသည်။

အပြင်တွင် စားပြီးသား မုန့်ဘူးတွေကလည်း ပွပလဲ
နေသည်။

ကားတံခါးက ပွင့်နေသည်။ ခွေးလည်း ဘယ်ရောက်
နေမှန်းမသိ။

အိမ်ရှေ့တံခါးကလည်း ဖွင့်ထားလျက်အတိုင်း။

အိမ်ထဲဝင်လိုက်သည့်အခါ တစ်အိမ်လုံး ရှုပ်ပွနေသည်။

မီးအိမ်က အောက်ကျကွဲနေသည်။

ကြမ်းခင်း ကော်ဇော ကလည်း ပုံပျက်ပန်းပျက်။

တီဗီကလည်း ဖွင့်ထားလျက်အတိုင်း ကာတွန်းကား
လာနေသည်။

သူက စိုးရိမ်စိတ်ဖြင့် ကလေးတွေအိပ်ခန်းထဲကို
သွားကြည့်လိုက်သည်။

မြင်မကောင်းအောင် ရှုပ်ပွနေတော့ သည်။

မီးဖို ချောင်ထဲ ပြေးဝင်ကြည့်လိုက်ပြန်သည်။

ပန်းကန်တွေ မဆေးဘဲ ပုံထားသည်။

ကြမ်းပြင်ပေါ်တွင် မြင်မကောင်း လောက်အောင်
စားကြွင်းစားကျန်တွေက ပေကျံနေသည်။

ရေခဲသေတ္တာတံခါးကလည်း ပွင့်နေသည်။

ခွေးစာ တွေကလည်း ကြမ်းပြင်ပေါ်တွင် မြင်မကောင်း။

ထမင်းစားပွဲအောက်တွင် ဖန်ခွက်ကွဲတွေ
တွေ့ရပြန်သည်။

သူစိတ်တွေ တုန်လှုပ်သွားသည်။

ရေချိုးခန်းထဲ ဝင်ကြည့်သည်။

အဝတ်တွေ တောင်လိုပုံနေသည်။

ရေဇလုံ ထဲတွင် ရေတွေ လျှံကျနေသည်။

တစ်ခုခု ဖြစ်ထားပုံပေါ်သည်။ စိုးရိမ်စိတ်ဖြင့်
ဇနီးအမည်ကို တကြော်ကြော် အော်ခေါ်ကာ
အိမ်နောက်ဘက် ရေတွင်းဘက်ကို
ကြည့်လိုက်သည်။

ရေတွင်းဘေးတွင် ရေအိမ်သုံးစက္ကူတွေ နေရာအနှံ့။

မှန်ကွဲစတွေလည်း တွေ့ရသည်။

သွားတိုက်ဆေးဘူးကို လူတက်နင်းသွားသည့်
ပုံစံအတိုင်းမြင်ရပြန်သည်။

ထိတ်လန့်စွာဖြင့် ရေတွင်းထဲ ငုံ့ကြည့်လိုက်သည်။

တွင်းထဲတွင် ရေပုံးက ပြုတ်ကျနေသည်။

ဆောက်တည်ရာမရ တုန်လှုပ်စွာဖြင့်
သူတို့ဇနီးမောင်နှံအိပ်သည့် အိပ်ခန်းရှိရာ
အိမ်အပေါ်ထပ်ကို ပြေးတက်ပြီး တံခါးကို
ဆွဲဖွင့်လိုက်သည်။

ကုတင်ပေါ်တွင်

“ဟာ”

သူက အံ့အားသင့်စွာဖြင့် အော်လိုက်မိသည်။

သူ့ဇနီးက ကုတင်ပေါ်တွင် ညဝတ်အင်္ကျီနှင့်
ဝတ္ထုစာအုပ်တစ်အုပ်ကို ဖတ်ပြီးနေသည်။

သူ့ယောက်ျားကို တွေ့လိုက်ချိန်တွင် ပြုံးပြီး
"ဟိုင်း” ဟုနှုတ်ဆက်လိုက်သည်။

“မင်းကွာ … မင်း … ဘယ်လိုများ … ဘယ်လို …”

အမျိုးသမီးက တည်ငြိမ်စွာဖြင့်

“ရှင်တို့က ရှာကျွေးရတယ်ဆိုပြီး အိမ်ပြန်လာရင်
မိန်းမကို ထေ့တေ့တေ့ … ငေါ့တော့တော့နဲ့
ပင်ပန်းပုံပြ …

ဇက်ကြောလေးများ ဆွဲပါဦးကွလို့ ပြောတတ်လို့ …

ဒီနေ့ မိန်းမတွေရဲ့ဘဝကို ကောင်းကောင်းသိရအောင်
ရှင့်ကို သင်ခန်းစာပေးပြီး တစ်နေကုန်
လွှတ်ထားလိုက်တာ … တွေ့လား …

ကျွန်မတို့ တစ်နေ့ … တစ်နေ့ … အိမ်မှာ
အလကားနေကြတယ်များ ရှင်ထင်နေသလား …
မင်း တစ်နေ့လုံး ဘာတွေ လုပ်နေလဲ ပြောဦးမလား …
ကျွန်မ ဒီနေ့တစ်နေ့လုံး ဘာမှမလုပ်ဘူးလေ …
ဝတ္ထုပဲထိုင်ဖတ်နေတယ်”

(What do you do all day?)
Crd..

21/05/2024

အကြီးဆုံးသမီးကို ချစ်မိပီဆိုရင်
ခင်ဗျားသေဖို့ပြင်ထား 👇👇

အိမ်မှာအလိုလိုက်မခံရသမျှ
အလျှော့ပေးရသမျှဒေ
ခင်ဗျားဆီက အကုန်ယူလိမ့်မယ်.😂

အကြီးဆုံးပီပီ
ဆရာလုပ်မယ် ဗိုလ်ကျမယ် အနိုင်ယူမယ်
အလိုက်ကန်းဆိုးမသိ
နားလည်မှုခေါင်းပါးမယ်...😂

ဘယ်အရာမဆို ဦးစားပေးမှကြိုက်မယ်
အရူးဆိုသလိုပဲ ငိုမယ် ချက်ချင်း ရယ်မယ်
အကောင်းကြီးကနေ ရုတ်တရက်ဆူပူမယ်😂

ရန်ဖြစ်ရင်လည်း
ကိုကိုဒေ ကလေးဒေ ပျောက်ပီး ငါဒေ တခြားနာမ်စားဒေနဲ့ခက်ထန်လာမယ်
အသံပြဲမယ် လူဆွာလုပ်မယ်😂

စိတ်ဆိုးမယ် ဒေါသထွက်မယ်
စိတ်လိုက်မာန်ပါ လမ်းခွဲစကားပြောမယ်
ပီးရင် သူပဲအနိုင်ကျင့်ခံရသလိုခံစားပြမယ်😂

အဲ့ဒါဒေကိုသည်းခံနိုင်ပီး အကြီးဆုံးသမီးကိုရွေးရဲတဲ့
မင်းသတ္တိကတော့ လေးစားလောက်ပါတယ်
ကြာနေပီဆိုရင်တော့ မင်းလည်းနေသားကျလောက်ရောပေါ့ 😂

# Credit # 👈

17/05/2024

"အမေ မသိပါဘူး"

’အမေမသိပါဘူး".....လို့ အော်လိုက်ရင်
အမေ့အသံလေးတိတ်လို့

အင်းလေ ခုခေတ်ကို အမေမှမသိပဲ

သားသမီးတွေရဲ့
မပြောပြချင်တဲ့ ပြဿနာကို အမေ မှမသိပဲ ။

သားသမီးတွေ
ဘာတွေကြိုက်ပြီး ဘာတွေစွဲလန်းနေတတ်လည်း
အမေ မှမသိပဲ ။

ဒါပေမယ့် အမေ အရမ်းသိချင်တယ်
သိခွင့်ရအောင် အမြဲကြိုးစားတယ်။

သားသမီးတွေ ဘာဖြစ်လည်း
မပြောပြချင်ပေမယ့် သိရမလားကြိုးစား လို့
မသိတဲ့နောက်မှ
ထုတ်ပြောတဲ့အခါ အော်ခံရရော..

အမေက ဘာသိလို့လည်း
အမေက ဘာနားလည်နေလို့လည်း
ဟုတ်တယ် .. အမေ မသိပါဘူး ။

ဒါပေမယ့် အမေကို ပြောပြကြရဲ့လား
အမေသိအောင် ရှင်းပြကြရဲ့လား?

ဖုန်းဆိုတာ ဆက်ဖို့ပဲ သိတဲ့အမေ့ကို
ဘာတွေလုပ်လို့… ရတယ်ဆိုတာ သင်ပေးကြရဲ့လား?

ဟုတ်တယ် အမေ မသိပါဘူး။

အမေ မေးတိုင်း အမေကသိချင်လို့ မေးကြည့်တိုင်း
အမေ ဘာသိလို့လည်းဆိုတဲ့ စကားလုံးနဲ့ ...

ဒါပေမယ့် အမေ သိတာကိုရော သတိထားမိရဲ့လား
တကယ်တော့ အမေသိပါတယ်။

သားသမီးတွေ မျက်နှာအခြေအနေပြောင်းနေရင်
အမေသိတယ်။

သားသမီးတွေ အရမ်းပင်ပန်းနေလားဆိုတာ
အမေသိတယ်။

သားသမီးတွေ စိတ်ညစ်နေပြီ ပျော်နေပြီဆိုတာ
အမေသိတယ်။

သားသမီးတွေ အသည်းကွဲနေလား ချစ်သူရနေလားဆိုတာ.....
အမေသိတယ်။

သားသမီးတွေ ဗိုက်ဆာနေလား ဟင်းမကြိုက်ဘူးလားဆိုတာ...
အမေသိတယ်။

သားသမီးတွေ ဖျားချင်နေပြီလား ဖျားတော့မှာလားဆိုတာ အမေသိတယ်။

သားသမီးတွေကိုယ်တိုင်တောင်
မသိတဲ့အရာတွေ အမေအကုန်သိနေတယ်

ဒါပေမယ့် အမေသိတာတွေကို
သားသမီးတွေက အမေ့ အပေါ်ပြန်သိလား

အမေစိတ်ထဲ ဘာဖြစ်နေလဲ ဆိုတာ
မြင်ပေးရဲ့လား

ဟင့်အင်း မသိပါဘူး
ဟင်းအင်း မမြင်ပေးတတ်ပါဘူး

တိုက်ဆိုင်မှ တစ်ကြိမ်လောက်
သတိထားမိတာလောက်ပဲ
အမေ မသိပါဘူး

ဟင့်အင်း
တကယ်က ကျွန်တော်တို့မသိပါဘူး အမေ ...။

ပြန်လည်မျှဝေသည်

13/05/2024

အဖေ က အပေါ်ထပ်ဘုရားခန်းမှာ
ဘုရားဝတ်ပြုဖို့ ပြင်နေတယ်။

အမေ က အောက်ထပ်မီးဖိုထဲမှာ
နံက်စာအတွက် ပြင်ဆင်နေတယ်။

တက္ကသိုလ်ကျောင်းသူ မိနွဲ့နှောင်းက ကျောင်းသွားဖို့
အလှပြင်နေတယ်။

ခဏနေလို့ အလှလည်းပြင်ပြီးရော အပေါ်ထပ်ကနေ

လှေခါးအတိုင်း တဒုန်းဒုန်းနဲ့
ပြေးဆင်းသွားရင်း
ပါးစပ်ကလည်း အော်သွားတယ်.. ...

'မေမေရေ၊ ကော်ဖီသောက်တော့မယ်.. ဒုန်း ဒုန်း ဒုန်း'

အဲဒီမှာ ဘုရားခန်းထဲက သူ့အဖေက လှမ်းခေါ်တယ်.. ...

'ဟဲ့ သမီး၊ အပေါ်ပြန်တက်ခဲ့စမ်း'

ရှုံ့မဲ့မဲ့နဲ့ ပြန်တက်လာတယ်။

သူ့အဖေက ဆူတာပေါ့... ...

'သမီးကို ဘယ်နှစ်ခါပြောရမလဲ၊
မိန်းကလေးပီပီသသ
နေပါထိုင်ပါလို့၊
လှေခါးဆင်းတာ
ဒီလောက်ကြမ်းရသလား၊

သွား.. ခုပြန်ဆင်း၊
ဘာသံမှ မကြားချင်ဘူး'

စကားနားထောင်ပုံရတယ်၊ ဘာသံမှမကြားလိုက်ရဘူး

မီးဖိုထဲရောက်လာတော့
အမေက မေးတယ်... ...

'ဖေဖေဆူတာလည်း စိတ်မညစ်ပါနဲ့ သမီးရယ်၊
သမီးကို အိနြေ္ဒ အမျိုးကောင်းလေး
ဖြစ်စေချင်လို့ပါ'

'သမီးနားလည်ပါတယ် မေမေ'

'အေးအေး၊ သမီးလေးက လိမ္မာပါတယ်ကွယ်၊

ဒါနဲ့ ခုနက ခြေသံမကြားအောင်
ဘယ်လိုများ
ဆင်းလာတာလဲ သမီးရဲ့'

'လှေခါးလက်ရမ်းကို ခွပြီး
လျောချလိုက်တာ...'

Credit #

10/05/2024

ဒွတ္တဘောင်ပျူမင်းကြီးနှင့် ဒွတ္တဘက်သီး
****************************
မြန်မာရာဇဝင်ထဲမှာ နိုင်ငံအင်ပါယာအကျယ်ဝန်းဆုံး ပိုင်ဆိုင်ခဲ့တဲ့ ပျူခေါ်မြန်မာဘုရင်ကြီးဒွတ္တဘောင်မင်း အကြောင်းသိတဲ့သူများရှိသလို မသိသေးသူတွေအတွက် သူရာဇဝင်လေးအနည်းငယ်အရင်ဆုံးရေးပါရစေ။
ယခုပြည်မြို့အရှေ့ဘက်တွင်ရှေးဟောင်း ပျူ မြို့တော် ဂြီ့က္မေတြ (ခေါ်) သရေတ္တေရာတိုင်းပြည်ကို သာသနာသက္ကရာဇ် ၁၀၁ နှစ်မှာ သိကြားမင်းကိုယ်တိုင်လက်ဆွဲပြီး နန်းတင်ခဲ့တဲ့ ဒွတ္တဘောင်မင်းကြီးပါ။ သိကြားမင်းက ဒွတ္တဘောင်မင်းကို သီလဝံသဒါး အရိန္ဒမာလှံပျံ စည်တော်ကြီး အာဠာဝကဆင်တော် ဝလာဟကနတ်မြင်း မင်းမြှောက်တန်ဆာငါးပါး နဂါးမိဘုရားတစ်ပါးအပြင် နတ်စစ်သည်တော် တစ်ဆယ့် ခုနှစ်ယောက်ကိုပေးအပ်ပြီး သိကြားမင်းကိုယ်တိုင်မြို့တည်ပေးခဲ့တဲ့ ဒွတ္တဘောင်မင်းပါ။
ထိုမင်းကြီးမှာပေါက္ခရဝတီရွှေပြည်လို့ခေါ်တဲ့ ယခုတွံ့တေးမြို့မှာလဲနန်းတော်ရှိပါတယ်။ယခုရွှေဆံတော်ဘုရားအရှေ့ဘက် တစ်မိုင်ခန့်အကွာမှာ နန်းတော်နေရာအုတ်ခုံတွေယခုထိရှိပါတယ်။တွံ့တေး
နန်းတော်မှာနေထိုင်စဉ် ဒွတ္တဘောင်မင်းကြီးမှာ လက်ပရိုစီနူနာရောဂါစွဲကပ်ခဲ့ပါတယ်။
နန်းတွင်းသမားတော်တွေ ဆေးနည်းစုံနဲ့ကုသပေမဲ့လဲ မသက်သာတော့ နောက်ဆုံးဘုရင်ကြီးရှက်ပြီးချောက်ကမ်းပါးပေါ်က
နေ ခုန်ချအဆုံးစီရင်ခါနီးမှာ ထီးနန်းတင်ပေးခဲ့တဲ့ သိကြားမင်းကရောက်လာပြီးနတ်ပြည်မှာသာပေါက်တဲ့ ထူးဆန်းတဲ့သစ်သီးခုနှစ်လုံးပေးအပ်ပြီး ဒီသစ်သီးတစ်နေ့တစ်လုံး ခုနှစ်ရက်စားပါ မင်းကြီးရောဂါပျောက်ကင်းပါလိမ့်လို့
ပြောတော့ မင်းကြီးလဲမှာတဲ့အတိုင်းစားလိုက်တော့ တကယ်ရောဂါပျောက်သွားတယ်။

ဒါနဲ့ အစေ့တွေကိုအပင်ပျိုးထားလိုက်တာ အပင် ငါးပင်ပေါက်လာတယ်။
မင်းကြီးလဲ ဒီအပင်တွေကအသီးတွေ လှေမြန်တော်
မြင်းသည်တော်တွေနဲ့ အချိန်မဆိုင်း လျှင်မြန်စွာ သူ့ထံဆက်ရမယ် မည်သူမှ
မစားစေရန်အမိန့်တော်ထားခဲ့ပြီး သရေခေတ္တရာ ပြည်ကိုပြန်သွားပါတယ် ။

ပေါက္ခရဝတီနေပြည်တော်လို့ခေါ်တဲ့ ယခု တွံ့တေး တောကြီးတန်းရပ် နန်းတော်ထဲရှိအပင်ငါးပင်ကသီးတဲ့ ဒွတ္တဘက်သီး(အရပ်အခေါ် တွတ်တဘက်သီး)တွေကို တပိုတွဲ
လရောက်ရင်ကောက်ပြီး သရေခေတ္တရာနန်းတော်ကို လှေမြန်တော်တွေမြင်းတွေနဲ့အဆင့်ဆင့် အချိန်မှီပို့ပေးရပါတယ် ။ ဘုရင်တစ်ဦးတည်းသုံးဆောင်ခွင့်ရပြီး စစ်သူကြီးတွေကိုတော့ဆုအဖြစ်ပေးသနားပါတယ်တဲ့ ဒါကြောင့်ဒီသစ်သီးအမည်ကို ဒွတ္တဘက်သီးလို့ခေါ်ဆိုလာတာယခုတိုင်အောင်ပါဘဲ
ဒီ ဒွတ္တဘက်ပင်ကို ယခုလက်ရှိ တွံ့တေးရွှေဆံတော်ဘုရားအရှေ့ဘက်
တောကြီးတန်းနန်းတော်ကုန်းထဲမှာလေးပင်ဘဲရှိပါ
တော့တယ်။
အဖိုကတစ်ပင် အသီးမသီးပါ။

သံလျက်ပုံစံသီးတဲ့တစ်ပင်ကနာဂစ်မုန်တိုင်းကြောင့်
အပင်ခါးလယ်ကကွဲအက်ပြီးအသီးမသီးတော့ပါ ။

ပုဂံသီးခေါ်လူနို့အုံပုံစံသီးတဲ့အပင်က တစ်ခါတစ်ရံသီးပါတယ် ။

သပိတ်သီးလို့ခေါ်တဲ့
သပိတ်လုံးပုံစံအသီးကတော့ တစ်နှစ်ကို အလုံး ၄၀၀ ကျော်သီးပါတယ်တစ်လုံးတန်ဖိုး ၄၀၀၀ ကျပ်နဲ့ရောင်းပါတယ်စျေးကတော့အပြောင်းအလဲရှိနိုင်ပါတယ်။

တန်ခူးလမှာစသီးပြီး တပိုတွဲလမှာမည့်ပါတယ် မည့်ရင်သူအလိုလိုကြွေကျပါတယ် ဆွတ်လို့မရပါဘူး မမည့်သေးဘဲဆွတ်လိုက်ရင် အညှာနေရာက လူသွေးကဲ့သို့အစေးများမရပ်မနားထွက်ပါတယ်
ဆေးဘက်လည်းမဝင်တော့ပါ။

အသီးက စိမ်းဝါရောင်ပါ မင်းဂွတ်သီးအရွယ်ရှိပါတယ် စားရင်
အရမ်းချိုပါတယ် အစေ့ကပုံထဲမှာပြထားပါတယ်။

နူနာရောဂါ ပျောက်ပါတယ်။အရေပြားရောဂါ သွေးနဲ့ပါတ်သက်တဲ့ရောဂါ။ လေးလုံးရောဂါ AIDSပျောက်တယ်လို့ ပြောပါတယ်။ သွေးသန့်ပါတယ် ယောက်ကျားရောဂါ သေညှိုး အားနည်းသမျှ ချက်ခြင်းကိုပျောက်ပါတယ်။ လူကြီးများအားဖြည့်ဓါတ်စာဖြစ်စေပြီး လူငယ်ကဲ့သို့အားဖြစ်စေပါတယ်။

မြန်မာတစ်ပြည်လုံးမည်သည့်နေရာမှ ဒီအပင်မရှိပါ
တွံတေးတွင် ယခုလက်ရှိ နန်းတော်ကုန်းတွင် ၄ ပင် (ပိုင်ရှင်က ဦးယောကြီး)ပါ။

နန်းတော်ကုန်းမြောက်ဘက် ကပ်လျက်မှာရှိတဲ့တွံတေးသိန်းတန်ဇာတိ ရှမ်းစုကြီးဘုန်းကြီးကျောင်းတွင် အပင်ကြီးတစ်ပင် အပင်ငယ်တစ်ပင်နဲ့ ရှမ်းစုကြီးရွာ ကိုစိုးစိုးဇနီးမပြုံး
ခြံတွင်အပင်ကြီး ၆ ပင်ရှိပါတယ် အသီးနည်းပါတယ် ။

နောက်ရန်အောင်မြင်ရွာဦးကျော်ခြံမှာနှစ်ပင်ရှိပါ
သည်။ ဒါကကျနော်
လေ့လာမိသလောက်ပါ အခြားအပင်များလဲရှိမှာပါ။ ကျနော်လဲမျိုးယူစိုက်ပျိုးဘူးပါသည် အပင်မပေါက်ပါ။
စိုက်ပျိုးရေးဌာနကလဲစိုက်ဘူးပါသည် လုံးဝမရပါဘူး။

ဒီအပင်တွေရဲ့သက်တမ်းကို ဂျပန်စိုက်ပျိုးပညာရှင်များက အူတိုင်ဖေါက်ပြီးသက်တမ်းတွက်ဘူးပါသည်။ အပင်ရဲ့သက်တမ်းက နှစ်ပေါင်း နှစ်ထောင်ကျော်ရှိပြီဖြစ်ကြောင်းအဖြေထွက်ပါတယ်။

ဒီလိုရှားပါးတဲ့အပင်ကို သုတေသနပြု ထိန်းသိမ်းစောင့်ရှောက်သင့်ပါကြောင်းနှင့် မသိသေးသူများအတွက် ဗဟုသုတ ရစေရန်ရေးသားဖော်ပြလိုက်ပါသည်။

အသီးပုံတွေက လွန်ခဲ့တဲ့ ၂ နှစ်ကရိုက်ထားတာတွေပါ။

အခုနှစ် ၂၀၂၁ မှာတော့ ထူးခြားစွာ ဒွတ္တဘက်သီး
လုံးဝမသီးပါဘူး။ နှစ်တိုင်းသီးခဲ့ပြီး အခုလိုလုံးဝမသီးတဲ့နှစ် အရင်ကမဖြစ်ဘူးပါ။ဒါကလဲ ထူးခြားချက်တစ်ခုပါ။

မြင့်ဦးရွာကြီး
၇/၆/၂၀၂၁
Credit #

10/05/2024

မိခင်တယောက်ရဲ့ ကံစီမံရာက သူ့သားသမီးကို စောင့််ဆိုင်းရခြင်းပါပဲ။
ကိုယ်ဝန်ရဖို့ စောင့်စားခဲ့ကြတယ်။ ကိုယ်ဝန်ရတာနဲ့ အစစအရာရာ ဂရုစိုက်(လိုအပ်တာတွေ စု OG ပြ)
ပြီး သား/သမီး လူ့လောကထဲ ရောက်လာမယ့် အချိန်ကို စောင့်ဆိုင်းခဲ့ကြတယ်။
သားသမီးတွေ မူကြို/ကျောင်းတက်အရွယ် ကျောင်းဆင်းလာတဲ့အချိန် ကို စောင့်မျှော်ခဲ့ကြတယ်။
သားသမီးတွေ အရွယ်ရောက်လို့ ည အပြင်ထွက်ရင် အိမ်ကနေ ဘုရားစာရွတ်ရင်း သားသမီးတွေ အိမ် ပြန်အလာကို စောင့်မျှော်ကြတယ်။
။
ညစာအတူစားကြဖို့ ထမင်းဟင်းတွေ ချက်ပြီး သားသမီးတွေ အလုပ်ကပြန်လာချိန်ကို စောင့်စားကြတယ်။
ချစ်ခြင်းမေတ္တာနဲ့စောင့်ဆိုင်းရင်း တစ်ခါတလေ စိတ်ပူတယ်။ တစ်ခါတလေ ဒေါသထွက်မယ်။ အိမ်ပြန်ချိန် နောက်ကျရင် ဒေါသထွက် ဆူပူနေပေမယ့် သားသမီးက ရင်ခွင်ထဲ တိုးဝှေ့ ချွဲလိုက်တာနဲ့ ချက်ချင်း စိတ်ဆိုးပြေ ကြတယ်။
ရေခြားမြေခြား မြို့ခြား မှာ ကျောင်းတက်၊အလုပ်လုပ်ရတဲ့အခါ ပိတ်ရက် အိမ်အပြန်လာကို စောင့်မျှော်ကြတယ်။
သားသမီးတွေ အိမ်ထောင်ကျ တစ်အိုးတစ်အိမ်ထူထောင်တဲ့အခါ အိမ်အလည်လာဖို့ မျှော်နေတတ်ကြတယ်။

အမေတွေကို အချိန်အကြာကြီး မစောင့်ခိုင်းပါနဲ့တော့။
အမေနဲ့ ဝေးနေရင် အချိန်ပေးပြီး အမေဆီ အလည်သွားပါ။
ချစ်ခြင်း မေတ္တာတွေ ပေးပါ။
ကမ္ဘာပေါ်မှာ နောက်တစ်ယောက်မရှိနိုင်တဲ့ သင့်ကိုအချစ်ဆုံးသူကို ပွေ့ဖက်ပါ။

ဒီအရာတွေက သားသမီးတွေဆီက မိခင်တွေမျှော်လင့်နေတဲ့ အရာတွေမို့ မိခင်တွေကို ထပ်မစောင့်ခိုင်းတော့နဲ့နော်။
မိခင်တွေက ဆံဖြူသွားကျိုး အိုမင်းသွားပေမယ့် သားသမီးတွေပေါ် ချစ်တဲ့ ချစ်ခြင်း မေတ္တာကတော့ ထာဝရ နုပျိုနေပါတယ်။ အမေတွေကို ချစ်ပါ။ ဂရုစိုက်ပါ။ အထူးသဖြင့် သက်ရှိထင်ရှား ရှိနေတုန်း ပိုချစ်ပေးပါ။Facebook Social Media ပေါ်မှာ ချစ်တာထက် အပြင်ဘဝမှာ လက်တွေ့ချစ်ပေး ဂရုစိုက်ပေးပါ။ ကမ္ဘာပေါ်မှာ သင့်ကို မိခင်လောက် ချစ်မယ့်လူ ထပ်မရှိနိုင်ပါဘူး။

#ဟမ်စိုင်း(ဆေး-မန်း)
ဘာသာပြန်

10/05/2024

မိန်းမတယောက်ရဲ့အလှ ကိုတင်စားကြတာလေ။

၁။ ပိတုန်းရောင်ကေသာ
၂။ ဇင်ယော်တောင်မျက်ခုံး
၃။ သမင်မျက်လုံး
၄။ လမင်းမျက်နှာ
၅။ နှင်းဆီဖူးနှုတ်ခမ်း
၆။ ငါးရံ့ကိုယ်လုံး
၇။ ဆင်စွယ်လက်မောင်း-- တဲ့...
အရမ်းလှမယ်ထင်လို့ ဆွဲကြည့်တာ--။

07/05/2024

🙏 အမေ့ကို ပြန်မအော်ပါနဲ့ 😔😔😔

🙏 သုံးလတိတိ ထမင်းစားပြီးတိုင်း အန်ရတဲ့ ဒုက္ခကို ခံစားရတာ အမေ 👩‍👦

🙏 ဗိုက်ထဲက ရင်သွေးလေးကြောင့် မအိပ်ခဲ့ရတဲ့ ညတွေ 👩‍👦

🙏 ကော်ဖီ ၊ လက်ဖက်ရည် ၊ ကိုယ်ကြိုက်တဲ့မုန့်၊ အစားအစာတွေ မစားရပဲ ရှစ်လတိုင်တိုင် အငတ်ခံ နေရတဲ့ ဒုက္ခကို ခံစားရတာ အမေ 👩‍👦

🙏 ညညအိပ်ရင်လည်း ဘယ်ညာ မစောင်းပဲငြိမ်ငြိမ်လေးနဲ့ ၅ လတိုင် မအိပ်နိူင်ခဲ့တဲ့ ဒုက္ခကို ခံစားရတာ အမေ 👩‍👦

🙏 ၈ လတိုင် ဆော့ကစားတာတို့ လျှောက်လည်တာတို့ ကခုန်တာတို့ မလုပ်ပဲ အိမ်ထဲမှာပဲ နေရတဲ့ ဒုက္ခကို ခံစားရတာ အမေ 👩‍👦

🙏 နာဖျားမှု မရှိအောင် ကိုယ့်ကိုဂရုစိုက်နေရင်း ချဉ် ငံ စပ် ခါး ရှောင်ရှားရတဲ့ ဒုက္ခကို ခံစားရတာ အမေ 👩‍👦

🙏 ၁၄ နာရီအကြာ အသက်နဲ့ရင်းပြီး နာကျင် ကိုက်ခဲတဲ့ ဝေဒနာတွေ ခံစားရတဲ့ ဒုက္ခကို ခံစားရတာ အမေ 👩‍👦

🙏 ဗိုက်ခွဲထားတဲ့ နာကျင်မှုကို မေ့ဖျောက် အနှီးတွေ လျှော်ရတဲ့ ဒုက္ခကို ခံစားရတာ အမေ 👩‍👦

🙏 ကိုယ့်နို့သီးခေါင်းကို ကိုက်ရင် နာပေမယ့် အောင့်အီး သည်းခံရတဲ့ ဒုက္ခကို ခံစားရတာ အမေ 👩‍👦

🙏 ချီးတွေ ၊ သေးတွေ ၊ အန်ဖတ်တွေ ၄ နှစ်တိုင် သုတ်သင် ပေးရမယ့် ဒုက္ခကို ခံစားရတာ အမေ 👩‍👦

🙏 ညညဆိုရင် နှစ်နာရီတစ်ခါ တစ်နှစ်လုံးလုံး အိပ်ရေးပျက်ခံပြီး ထရတဲ့ ဒုက္ခကို ခံစားရတာ အမေ 👩‍👦

🙏 ဒုက္ခဆင်းရဲ စိတ်ပင်ပန်းမှု များစွာနဲ့ လောကဓံကို ကြံ့ကြံ့ခံ ကိုယ့်ရင်သွေးလေးအတွက် ပေးဆပ် အနစ်နာခံတာ အမေ 👩‍👦

🙏 ကိုယ့်ရင်သွေးလေး လူဖြစ်စအရွယ်မှ စပြီး လူလားမြောက်သည်အထိ ၁၅ နှစ်လား အနှစ် ၂၀ လား 👩‍👦

🙏 သေဆုံးမသွားခင် အချိန်ထိ သားသမီးတွေအတွက် ပေးဆပ်နေတာ အမေ 👩‍👦

🙏 ဒုက္ခဆင်းရဲတွေနဲ့ သားသမီးတွေ ရှေ့က မားမားမတ်မတ် ရပ်တည်လို့ ဘုရားနဲ့ တကိုင်းတည်း ထားပြီး အမြဲ ကန်တော့ ခံရတာ အမေ 👩‍👦

❤ အမေ နေရာရောက်တဲ့ မိခင်များအားလုံးကို ရိုသေလေးစားလျှက်ပါ 🙏❤🙏

Credit #

05/05/2024

နေကောင်းကျန်းမာနေတုန်းက ငါငါနဲ့
မကျန်းမမာတော့တဲ့အခါ
ဘယ်မှာလဲ ငါ ?

ချမ်းသာကြွယ်ဝနေတုန်းက ငါငါနဲ့
ဆင်းရဲမွဲတေသွားတဲ့အခါ
ဘယ်မှာလဲ ငါ ?

အောင်မြင်မှုတွေရနေတုန်းက ငါငါနဲ့
ကျရှုံးလဲပြိုသွားတဲ့အခါ
ဘယ်မှာလဲ ငါ ?

လိုချင်တာတွေရနေတုန်းက ငါငါနဲ့
မလိုချင်တာတွေရသွားတဲ့အခါ
ဘယ်မှာလဲ ငါ ?

နုပျိုလှပငယ်ရွယ်စဉ်တုန်းက ငါငါနဲ့
အိုမင်းရင့်ရော်သွားတဲ့အခါ
ဘယ်မှာလဲ ငါ ?

နာမည်ရှိနေတုန်းကတော့ ငါငါနဲ့
နာမည်မရှိတော့တဲ့အခါ
ဘယ်မှာလဲ ငါ ?

အာဏာပါဝါတွေနဲ့ကျော်ကြားနေတုန်းက ငါငါနဲ့
အာဏာပါဝါတွေမရှိတော့တဲ့အခါ
ဘယ်မှာလဲ ငါ ?

လုပ်နိုင် လှုပ်နိုင် ကိုင်နိုင်နေတုန်းက ငါငါနဲ့
မလုပ်နိုင် မလှုပ်နိုင် မကိုင်နိုင်တော့တဲ့အခါ
ဘယ်မှာလဲ ငါ ?

မသေခင်တုန်းက ငါငါနဲ့
သေဆုံးပျောက်ကွယ်သွားတဲ့အခါ
ဘယ်မှာလဲ ငါ ?

တကယ်တော့
" ငါဆိုတာ တဒင်္ဂခဏလေးရယ်ပါ " ။

👉နောက်ဆုံးတော့ပြာဖြစ်ရတာပဲ👈

Credit #

05/05/2024

ငါပြောသားပဲ...
Credit #

05/05/2024

သူ့ ထမင်းထုပ်နဲ့သူ လာတာပါ။

သူ့ ကံ နှင့် သူ လာခဲ့ တာ
================
ကျွန်မသူငယ်ချင်းတစ်ယောက်ရှိတယ်.
အစကတော့သာမာန်ပါပဲ.
နောက်တော့အိမ်ထောင်ကျတယ်.
စီးပွားရေးလေးအဆင်ပြေလာတယ်.

မိဘတွေက၀န်ထမ်းဆိုတော့.
ပင်စင်ယူတဲ့အခါ. နေစရာစားစရာမရှိ.
တသက်လုံးက၀န်ထမ်းဘ၀မှာ.
စိတ်ဖိစီးလာခဲ့တဲ့ဒဏ်တွေနဲ့.
ကျန်းမာရေးကချူချာ.

အားလုံးထက်စာရင်.
နည်းနည်းပါးပါးအဆင်လည်းပြေ.
သားအိမ်ထက်စာရင်.
သမီးအိမ်ကနေရတာ. ပိုအဆင်ပြေတယ်.
ချွေးမနဲ့ကျ ငြူစူမစိုးလို့.
သူမအိမ်ကိုရောက်လာကြတယ်.

သူမက. စီးပွားရေးက.
ခုမှအဆင်ပြေစဆိုတော့.
အဝေးကပဲထောက်ပံ့ချင်တယ်.

အတူနေတဲ့သားသမီးက.
ငရဲပိုကြီးတယ်. ပြောမှားဆိုမှား.
ဖြစ်တတ်တယ်ပေါ့လေ.

ကိုယ့်ခြေထောက်ပေါ်ကိုယ်. ရပ်နိုင်လည်း.
မိဘအရိပ်နေတုန်းကလို. သတိထားပေါ့အေ.
အပြောမမှားစေနဲ့ပေါ့.လို့.
ကျမကပြောလိုက်ပါတယ်.

အသက်ကြီးလာတော့.
စကားများလာတာရှိတာပေါ့လေ.

ကျန်းမာရေးကမကောင်းတော့
စိတ်တိုင်းကမကျ. လူကြီးဆ်ိုတော့လည်း..
ဟိုလို.ဒီလို.ဇီဇာလေးတော့. ကြောင်တာပေါ့..

သူမကဘာပြောလည်းဆိုတော့.
သားသမီးဆယ်ယောက်ကို.
မိဘ၂ပါးကကျွေးနိုင်တာ.
သားသမီးလိုကျွေးရလို့ပါ.

၀န်ထမ်းသားသမီးဘ၀မှာ.
မောင်နှမသားချင်းများတော့.
ဘဲဥတခြမ်းဆို.တခြမ်း.
အကြော်တစ်ခုဆ်ို.တစ်ခု.
၀က်အူချောင်း.
လက်တစ်ဆစ်ဆို.တဆစ်.
ပန်းကန်ထဲထမင်းခူး.
ဟင်းကိုဝေပုံကြနဲ့စားခဲ့ရပေမဲ့.

မိဘကိုတော့.
သားသမီးထားသလို.
ထားမရဘူးလေ.တဲ့.
ပြီးပြီးရော.
ထမင်းထဲဘဲဥတခြမ်းထည့်.
အင့်.စား.ဆိုလို့.မရဘူးတဲ့.

အဲ့လိုလုပ်ရင်...
ငရဲကအော်တိုကြီးတယ်.

ကိုယ်ကအလုပ်ရှုပ်တယ်လေ.
သူတို့က.
ထမင်းခူးမပေးရင်.မစားဘူး.

အားတဲ့အချိန်လေး.
ခူးပေးတော့.မဆာသေးဘူး.

မအားမှ.ထမင်းစားမယ်.. ဆိုတော့.
ငြိုငြင်မိပါတယ်.

ကျမမှာတော့..
အမေနဲ့အဖေရောက်ကတည်းက.
ငရဲ.၀ယ်နေရသလိုပဲ..တဲ့.

တလ.တလ. ဆေးဖိုးကလည်း..
၁၅သိန်း.ထက်မနည်းဘူး.
ဆေးကလည်းစျေးကြီးချက်.
ငွေနဲ့အသက်ဆက်နေရတယ်.

ပိုက်ဆံနှမြောလို့ပြောတာ. မဟုတ်ပါဘူး..
တခြားမောင်ဆီမှာသွားနေရင်.
ကျမပိုက်ဆံကုန်ပေမဲ့
အလုပ်မရှုပ်တော့ဘူးပေါ့. တဲ့.

ကုန်ကျစားရိတ်တွေအကုန်.
ကျမ‌ထောက်ပံ့မှာပါတဲ့.

သမီးဖြစ်သူနဲ့မသေခင်. နွေးနွေးထွေးထွေး.
နေချင်ရှာလို့နေမှာပါ. ညီမရယ်..ဆိုတော့.

အမ.မသိဘူးနော်.
တခါတခါရောဂါဖောက်ရင်.
ကျမအလုပ်တွေ..
အကုန်ဖျက်ပြစ်ရတာ.

တအိမ်လုံး
ဆိုင်ထမင်းဟင်းပဲစားရတယ်.
၀ဋ်ကြီးပါတယ်အမရယ်.

ဒီလိုနဲ့သူမအဖေဆုံးတယ်.

အဖေ့စိတ်နဲ့.
အမေလုပ်သူလည်း.
လပိုင်းပဲခြားတယ်. ဆုံးပါးသွားပါတယ်.

သူမလည်း..
မိဘဆိုတော့ငိုတာပေါ့လေ.

ရက်လည်ပြီးနောက်ပိုင်း..
ကျမအမြင်..သူမက. ခါတိုင်းထက်.
ပိုသွက်လက်ပေါ့ပါးနေပုံပါပဲ.
အိမ်သန့်ရှင်းရေးတွေလုပ်.
ဘုရားပန်းတွေလဲ.
ဖွယ်ဖွယ်ရာရာတွေချက်ပြုတ်.

အမရေ..အရင်ကတော့.
အိမ်ဆို.ညစ်ပတ်နေတာပဲ.
ဘုရားပန်းတောင်မလဲဖြစ်ဘူး. ချက်ဖို့ဝေး..
မီးဖိုချောင်နားတောင်မကပ်ရတာ.
ဘုရားတောင်မကန်တော့ဖြစ်တဲ့.
ရက်တွေရှိတယ်.

ခုတော့..
အချိန်လည်းရ.
ဘာသာရေးလည်းလုပ်ဦးမှ.
စီးပွားရေးပဲ..
ဇောက်ချတော့မယ်အမရေ..

ဒီအရွယ်က.
စီးပွားရှာရမဲ့အရွယ်လေ.
ကျမမိဘတွေကြည့်ပါလား.

ပင်စင်လည်းယူရော. နေစရာမရှိ.
ကျမအဲ့လိုဖြစ်မှာ.
ကြောက်တယ်သိလား.

ကိုယ့်တုန်းက..
အမွေ မရခဲ့ဘူးလေ.
ဒုက္ခတွေပဲရခဲ့လို့..
ကိုယ့်သားသမီးကျ.
အမွေပေးနိုင်အောင်.
ကြိုးစားမယ်အမရေ

အဲ့လိုပြောပြီးမကြာပါဘူး.
ကလေးကိုကျောင်းသွားကြိုတာ.
ကားကို.ဒီဘက်မှာရပ်.
သူ့ကလေးက.
ကျောင်းပေါက်ကအထွက်.
လမ်းကူးလာမှာစိုးရိမ်ပြီး.
သားအဲ့ဖက်နေ.
အမေလာခေါ်မယ်ဆိုပြီး..
ရုတ်တစ်ရက်လမ်းဖြတ်အကူး.
အရှိန်ပြင်းတဲ့. ကျောင်းသားဆိုင်ကယ်က.
၀င်တိုက်ပြီး. ခြေသလုံး၃ပိုင်းကျိုးပြီး.
အရိုးကနည်းနည်းကြေသွားတာ.

စတီးရိုးထည့်လိုက်ရတယ်.

အထဲမှာ.မူလီနဲ့စုပ်ပြီး.
ပြန်ခွဲရတယ်.ဆိုလား.
အိပ်ယာထဲလပေါင်းများစွာ.

ဆေးရုံကဆင်းတော့ ..
ဂျိုင်းထောက်ကကူရ.
စိတ်သွားတိုင်းကိုယ်ကမပါ.

သူ့လုပ်ငန်း.
သူကသွက်တော့ဦးစီး.
ယောက်ျားကနောက်လိုက်.

ဆေးရုံတက်တဲ့ကာလမှာ. မိတ်ကပျက်.
စီးပွားရေးက.
ဇောက်ထိုးပြန်ကျလာတော့.
သူမျှော်လင့်တာတွေနဲ့လွဲ.

ကျမကိုက.ကံဆိုးပါတယ်. အမရယ်..တဲ့.

စိတ်ကကျတော့.
ခွန်အားလျော့ပြီး.
ဘာမှအဆင်မပြေတော့.

ယောက်ျားလုပ်သူကလည်း.
သူဆေးရုံတက်တုန်း.
နောက်ပိုင်းက.သူငှါးထားတဲ့.
စာရင်းကိုင်နဲ့ထင်တိုင်းကျဲ.

ကျမလည်းမြင်ရော.
အော်ငိုပါလေရော.

အမရေ.အမရဲ့..
အမေကလေ.ကျမကို. ပိုက်ဆံသာမပေးခဲ့တာ.
နှလုံးရောဂါအမွေတော့.
ပေးခဲ့တယ်တော့..တဲ့.

ဘာဆိုင်လို့တုန်းအေ..
သေတဲ့အမေကိုဆွဲမထည့်ပါနဲ့.

*သူက..
သူ့ထမင်းထုတ်နဲ့သူ.လာတာပါ.
ညည်းဆီက. ဘာမှမယူပါဘူး..ဆိုတော့.

'ဘယ်လိုအမ'.တဲ့.

*လူဆိုတာ.
ကိုယ်ထမင်းထုတ်နဲ့ကိုယ်.
လာတာပါ.ညီမရေ....
အမြင်မှာတော့...
ညည်းကကျွေးထားရတယ်.. ဆိုပေမဲ့.

*သူ့ဆေးဖ်ိုး.သူ့ကံပါသလောက်.
ညည်းတို့အဆင်ပြေခဲ့တာပဲလေ.

*သူ.ဒီအိမ်မှာနေတုန်းက.
ညည်းပိုက်ဆံရှာရမခက်ဘူး.

*သူ့ကုသိုလ်နဲ့သူ..
သူ့ကုသိုလိကိုမှီပြီး..
ညည်းအဆင်ပြေတာကို.
စိတ်ကြီး၀င်တာကိုး..

*နှလုံးစက်ထည့်ဖို့.စားဖို့. ဆေးကုဖို့..ဆိုတာ.
သူတို့အတိတ်ကပြုခဲ့တဲ့. ဒါနကုသိုလ်ပါလာလို့.
ညည်းအိမ်မှာနေသခိုက်.
ညည်းကိုပါကျေးဇူးပြုသွားတာ.

*သူ့ဆန်သူစား..
ကုန်တဲ့နေ့ပြန်တော့.
ညည်း.ခုလက်ကြည့်ကျန်ခဲ့တာ.

ညည်းဒါန.
အတိတ်ကပါမလာလို့ပေါ့အေ.

Aww..အမ.
သူ့ဆန်သူစား..
သူ့ထမင်းထုတ်နဲ့သူလာတာ.

ကျမ.မသိခဲ့ဘူး..အမရယ်.တဲ့.

တအိအိနဲ့.ငို...

ကျမလည်း.ဒိထက်ပိုပြီး.
မနှစ်သိမ့်တတ်ပါလေတော့.

ဘယ်မိဘကမှ.
အတူနေရင်းလည်း. သားသမီးလုပ်စာ.
အလကားမစားပါဘူး..
ညီမလေးရယ်..လို့...

မေတ္တာဖြင့် မျှဝေသည်။

Credit #

03/05/2024

"ငါဘာလုပ်လုပ်
ငါ့ကိုအကောင်းမမြင်ဘူးဆိုပြီး
အကောင်းမမြင်သူတွေရဲ့ရှေ့မှာ
ကိုယ့်ကိုကိုယ် နိမ့်ကျခံပြီးအားငယ်မပြနဲ့

"အမှန်တကယ်တော့
အကောင်းမြင်တတ်တဲ့သူက
မင်းဘာလုပ်လုပ်
ချစ်ခင် နှစ်သက်တတ်ကြသလို...

"အကောင်းမမြင်တတ်သူက
မင်းဘာမှ မလုပ်ပဲနေလဲ
အပစ်တင် ကဲ့ရဲ့တတ်ကြတယ်။.........,,,

01/05/2024

"မိဘကိုသိတတ်တဲ့သားသမီးဘယ်တော့မှမဆင်းရဲဘူး".............................................................................

မိဘကိုလုပ်ကျွေးတဲ့သားသမီးတွေက ရှာဖွေရပိုလွယ်တယ်။မိဘကိုဖြည့်ဆည်းပေးတတ်တဲ့သားသမီးတွေက ပိုပြည့်စုံလာတယ်။
မိဘကိုလုပ်ကျွေးတဲ့သူက ရှာဖွေရပိုလွယ်တယ်။
မိဘကိုဖြည့်ဆည်းပေးတတ်တဲ့သူက ပိုပြည့်စုံလာတယ်။
မိဘကိုပြန်ကြည့်တတ်တဲ့သူက ပိုအဆင်ပြေလာတယ်။
မိဘစကားနားထောင်တဲ့သူက ပိုစိတ်ချမ်းသာရတယ်။
ဒါကြောင့်ရှိနေတုန်းမှာ သိတတ်ပါ။ အသက်ကြီးမှ ပြန်ကြည့်မယ်လိုမတွေးပါနဲ့
ကိုယ်ပြန်ကြည့်နိုင်တဲ့အချိန်သူတိုရှိချင်မှရှိတော့လိမ့်မယ်။
မချမ်းသာလို မပြည့်စုံသေးလိုဆိုတဲ့ဆင်ခြေတွေအစားကိုယ်တတ်နိုင်သလောက်
အဖေအမေကြိုက်တတ်တဲ့ မုန့်ကလေးတထုတ် နွေးထည်လေးတထည်
ဖိနပ်လေးတရံနဲ့တင် သူ့တိုကိုစိတ်ချမ်းသာစေတယ် ပြည့်စုံစေတယ်။
စကားတခွန်းရှိတယ်။ မိဘအတွက်ကုန်သွားတဲ့ငွေက အမြဲဆယ်ဆပြန်လာတယ်။
ကိုယ့်ဆီက နဲနဲရပီး များများပြန်ပေးချင်သူကမိဘတွေအပြင်မရှိပါဖူး။
လက်ရှိ အောင်မြင်နေတဲ့သူတွေကိုကြည့်ရင် မိဘကို သိတတ်သူတွေ။
ချမ်းသာနေတဲ့သူတွေကိုကြည့်လိုက်ရင် မိဘကိုဘယ်တုန်းကမှမငြိုငြင်တတ်သူတွေ။
မယုံမရှိနဲ့။ သူတိုကြောင့် မိဘအဆင်ပြေတာမဟုတ်ပဲ
မိဘကြောင့် သူတိုအဆင်ပြေနေတာကို သူတိုယုံကြည်တယ်။

မိဘကိုသိတတ်တဲ့သား၊သမီး ဘယ်တော့မှမဆင်းရဲဘူး ဒါဟာတကယ့်လက်တွေ့ပါ။အဆင်မပြေဘူးဆိုရင်တောင် ခဏပဲနောက်ပိုင်း သူ့အလိုလို အဆင်ပြေသွားတတ်တယ်။မိဘဆိုတာ လူပိုကြီးတွေမဟုတ်ဘူးဆိုတာတချိုတွေကို သိစေချင်ပါတယ်။ အိုရင်ပယ်တတ်တဲ့ လူတွေကို အသိစိတ်လေးတစ်ခုလောက်ထည့်ပေးစေချင်တယ်။

အမှန်တော့ မိဘတွေဆိုတာ သူ့ထမင်းထုပ်နဲ့ သူလာတာပါ မိဘနှစ်ပါးကို အိမ်ပေါ်ခေါ်တင်ကျွေးမွေးထားရလိုဆင်းရဲရတဲ့ သားသမီးဆိုတာ မရှိပါဘူး။မိဘကို မိဘမှန်းမသိတတ်လို ပစ်ထားတဲ့သူတွေမှ အများကြီးရှိကြပါတယ်။

မိဘကျေးဇူးဆိုတာ ဆပ်ခွင့်ထိုက်တဲ့သူမှ ဆပ်ခွင့်ရတာပါ ဒါတောင်ကျေအောင်ဆပ်တာမဟုတ်ဘူးနော်
အတုမရှိ ဗုဒ္ဓမြတ်စွာဘုရားရှင်ကမိဘကျေးဇူး ကိုအကုန်ကျေခဲ့ပါတယ်။ကျွန်မတိုလို ပုထုဇဉ်လူသားတွေအဖို သက်ရှိထင်ရှားမိဘနှစ်ပါးကို လက်ရှိအချိန်မှာ ကျွေးမွေးပြုစုစောင့်ရှောက် ရခြင်းကမွန်မြတ်တဲ့ကုသိုလ်ကံကြောင့်ပါ။

အဖေရယ်၊အမေရယ် လိုခေါ်ခွင့်ရ ချိန်ရှိတုန်းလေးမှာ ကျေးဇူးတရားတွေကို သိတတ်နားလည်ပါ။ တချိုဘဝတွေဆိုငယ်ငယ်ကတည်းက အဖေမရှိ အမေမရှိနဲ့ မိဘမေတ္တာကို တောင်းတပေမယ့် ဘယ်တော့မှ မရပဲ ဆုံးရှုးခဲ့ကြရပါတယ်။

ကျွန်မ တရားနာဖူးတဲ့ အထဲကမှတ်သားဖူးတာလေးရှိတယ် မိဘဆိုတာအလှူခံပုဂိုလ်နဲ့တူတယ်တဲ့ အလှူတွေ သဒ္ဒါတရားထက်သန်ရင် ထက်သန်သလောက် မိမိမှာလည်းအကျိုးပေးပါတယ်။

အမေတိုအဖေတိုကို ဘာလေးလုပ်ပေးချင်လိုက်တာလိုစိတ်လေးကူးလိုက်တာနဲ့ စိတ်ကူးထဲကအတိုင်း ဆန္ဒပြည့်သွားမျိုးလေးတွေ မကြာခဏကြုံဖူးတယ် ဒါ့ကြောင့်လဲ မိဘကိုသိတတ်တဲ့သားသမီးက ဘယ်တော့မှ မဆင်းရဲဘူးဆိုတာသေချာပြောနိူင်တာပါ။

မိဘကိုပျော်အောင်ထားရင် ကိုယ်တိုင်လည်းပျော်ရွှင်ရသလို မိဘကိုစိတ်ချမ်းသာအောင်ထားရင် ကိုယ်တိုင်လည်းစိတ်ချမ်းသာရပါတယ် အဲ့ဒါမယုံမရှိနဲ့တကယ့် ကိုယ်တွေ့ပါ။မိဘရဲ့မျက်ရည်ကို မြေကျအောင်လုပ်တဲ့သားသမီးက ဘယ်တော့မှ မကြီးပွားဘူး မချမ်းသာဘူး ဒါကြောင့် အဖေတိုအမေတိုအပေါ် မပစ်မှားမိပါစေနဲ့နော်။

တောင်းဆိုးပလုံးဆိုသာ ပစ်ရိုးထုံးစံရှိပေမယ့် သားဆိုးသမီးဆိုး ဆိုရင် အဖေတိုအမေတိုက သိပ်ချစ်တာ ဘယ်တော့မှ မပစ်ဘူး ဒါပေမယ့် အဲ့ဒီအပေါ်မှာစိတ်ကွက်ပြီး မိဘတွေအပေါ် အထင်မမှားပါနဲ့
မိဘတိုင်းက သားသမီးအားလုံးကိုချစ်ပါတယ် ချစ်လိုပဲ အသက်နဲ့ရင်းပြီး ဝမ်းနဲ့လွယ်မွေးခဲ့တာပေါ့ မိဘ
ဆိုတာ ဘယ်လိုပဲ ဖြစ်နေပါစေ မိဘက မိဘပါပဲ။

မိဘမေတ္တာက ကြီးကျယ်ခမ်းနားလွန်းပါတယ်
ဒါကြောင့်လည်း ဘုရားနဲ့နှိင်းပြီးတစ်ဂိုဏ်းထဲ ထားထားတာပါ ထိုကြောင့် လက်ရှိ မိဘတွေအပေါ် ပစ်ထားခဲ့မိရင် ပြောမှားဆိုမှားရှိခဲ့မိရင်တောင်းပန်လိုက်ပါ။ အဖေတိုအမေတိုအဆင်ပြေရဲ့လား?နေကောင်းရဲ့လား?မေးပါ နွေးထွေးပေးပါ ကြင်နာပေးပါ မိဘဆိုတာ အသက်ကြီးလာတာနဲ့အမျှ သိပ်သနားဖိုကောင်းတာ။

စာဖတ်ဖူးတာလေးရှိတယ် မိဘတွေ အသက်ကြီးလာရင် ခလေးတွေလို ပြန်ဖြစ်သွားတတ်တယ်တဲ့ စိတ်ခံစားလွယ်တယ်၊ဝမ်းနည်းလွယ်တယ်၊အားငယ်နေတတ်ကြတယ် အဝေးက သားသမီးတွေ ပြန်လာလို လက်ထဲဘာမှ ပါမလာရင်တောင် အဖေတိုအမေတိုက သား၊သမီးတွေဆီက မေတ္တာကိုပဲပြန်မျှော်လင့်တာကြောင့် သားသမီးတွေက သူတိုရှိတဲ့ဆီကိုရောက်အောင်လာတယ်ဆိုရင်ပဲ ကျေနပ်ပီတိဖြစ်ပြီး အရမ်းကိုပျော်ကြပါတယ်။

ဒါကြောင့် မိဘတွေသက်ရှိထင်ရှားရှိနေတဲ့အချိန် ကျွေးမွေးပြုစုစောင့်ရှောက်ပါ၊ပေးကမ်းပါ၊စိတ်ချမ်းသာအောင်ထားပါကျွန်မ အပေါ်ကရေးခဲ့သမျှတွေက တကယ့်လက်တွေ့တွေ ပါ မိဘကိုသိတတ်တဲ့ သားသမီးက ဘယ်တော့မှမဆင်းရဲဘူး အခက်အခဲဒုက္ခနဲ့ကြုံရင်တောင် ခဏပဲ သူ့အလိုလိုအဆင်ပြေသွားတာပါ။

သူများတော့မသိဘူး ကျွန်မကမိဘနဲ့ပါတ်သက်လာရင် မျက်ရည်က အလိုလိုကျလာတတ်တယ်။ကျွန်မအသက်ရှင်နေသရွေ့ ကျွန်မမိဘအတွက် ကျွန်မအမြဲရှိနေမှာပါ။

"ချမ်းသာချင်ရင် မိဘကိုချမ်းသာအောင်ထားပါ"ဒီစာစုလေးကိုဖတ်ပြီး စာချစ်သူတိုမိဘကျေးဇူးကိုသိတတ်တဲ့ သားသမီးအလိမ္မာတွေဖြစ်ကြပြီး စိတ်သွားတိုင်းကိုယ်ပါ လိုရာဆန္ဒတွေပြည့်စုံကြပါစေ....❤️❤️❤️
#

01/05/2024

အမေ့လက်တွေ အရေတွန့်နေပြီ
*************************
ဖတ်ကြည့်နော်

လူ့ဘဝက တိုတောင်းလွန်းသလို
အမေ့လက်တွေလည်း
အရေတွေ တွန့်နေပါပြီ။

အရင်တုန်းက အမေဟာ
ငါ့သားလေး ငါ့သမီးလေး ဆိုပြီး
ပါးစပ်က မရပ်မနား ချစ်တဲ့စိတ်နဲ့
အကြိမ်ကြိမ် ခေါ်ခဲ့ဘူးပါတယ်။

အရင်တုန်းက အမေဟာ
ငါ့သားလေး ငါ့သမီးလေး
အဝတ်တွေ ဆိုပြီး နေ့စဉ်ရက်ဆက်
မရပ်မနား လျှော်ဖွပ်ပေးခဲ့ပါတယ်။

အရင်တုန်းက အမေဟာ
ငါ့သားလေး ငါ့သမီးလေး ဆိုပြီး
အကြိမ်ကြိမ် ချော့မြူတေးတွေနဲ့
ချော့သိပ်ပေးခဲ့ပါတယ်။

အရင်တုန်းက အမေဟာ
ငါ့သားလေး ငါ့သမီးလေး ဆိုပြီး
တစ်ကိုယ်ရေ သန့်ရှင်းမှုတွေကို
အကြိမ်ကြိမ် ပြုလုပ်ပေးခဲ့ပါတယ်။

အရင်တုန်းက အမေဟာ
ငါ့သားလေး ငါ့သမီးလေးအတွက်ဆိုပြီး
စားချင်သောက်ချင်တဲ့ ဟင်းတွေကို
မီးပူခံပြီး ချက်ကျွေးပေးခဲ့တယ်။

ခုတော့ အမေ့လက်တွေလည်း
အရေတွေ တွန့်နေရှာပြီ။
ဘဝက တိုတောင်းလွန်းလှပါတယ်။

တိုတောင်းလွန်းတဲ့ ဘဝလေးမှာ
အမေချစ်ခဲ့သလိုမျိုး
အမေ့အပေါ်ကို
အကြိမ်ကြိမ် ချစ်ကြည့်ဖူးပြီလား-?

၁။အမေ့ကို အလွန်ချစ်တာပဲလို့
ဘယ်နှစ်ခွန်း ပြောဖူးပြီလဲ-?

၂။အမေ့ကို အလွန်ချစ်တာပဲ ဆိုပြီး
အကြာကြီး ဖက်ထားဖူးပြီလား-?

၃။အမေ့ရဲ့ လုံချည်အင်္ကျီ
အကြိမ်ကြိမ် လျှော်ပေးဖူးပြီလား-?

၄။အမေကြိုက်တတ်တဲ့ ဟင်းတွေကို
မီးပူခံပြီး အကြိမ်ကြိမ် ချက်ကျွေးဖူးပြီလား-?

အမေ ရှိနေတုန်းလေး
အမေ့လက်တွေ တွန့်နေတုန်းလေး
အမေ့လက်တွေ နွေးထွေးစွာ
ဆုပ်ကိုင်ခွင့်ရတုန်းလေးမှာ
အမေ့ကို ချစ်တတ် သိတတ်ပြီး

အမေများအပေါ်ကို
ကျေးဇူးဆပ်နိုင်တဲ့
သားသမီးများ ဖြစ်ကြပါစေ 🙏

#မေတ္တာဖြင့်မျှဝေသည်

29/04/2024

စကားဆိုတာ သာမန်ကြည့်ရင်
လူတစ်ယောက်ရဲ့တန်ဖိုးနဲ့ မသက်ဆိုင်ဘူးလို့
ထင်ရပေမယ့် လူတစ်ယောက်ရဲ့
အဆင့်အတန်းကိုတော့ စကားလုံးတွေကို
ကြည့်ပြီး ပိုင်းဖြတ်လို့ ရတတ်တယ်။
စကားဆိုတာ "စကား စကားပြောပါများ
စကားထဲက ဇာတိပြ" ဆိုသလို စကားလုံး
ကြမ်းတွေက လူ့တန်ဖိုးကို နိမ့်ကျသွားစေ
တတ်ပါတယ် ။

စိတ်ရင်းဘယ်လောက်ကောင်းကောင်း
အပြောမတတ်ရင် ဆဲသလိုဖြစ်တတ်ပါတယ်။

#စကားဆိုတာ
ချစ်ခင်မှုကို ဖန်တီးပေးတတ်သလို
နာကျည်းမုန်းတီးမှုကိုလည်း
ပေးတတ် ပြန်ပါတယ် ။

ပျော်ရွှင်မှုတွေ
သယ်ဆောင်လာတတ်သလို
အထီးကျန်မှုကိုလည်း
တွဲခေါ်တတ်ပြန်တယ်။

စကားကြောင့် အားဖြစ်စေသလို
စကားကြောင့်ပဲ စိတ်ဓာတ်ကျစေတတ်တယ်

အသွားမတော်တစ်လှမ်း အစားမတော်ရင်
တစ်လုတ် ဆိုသလို အပြောမတတ်ရင်
စကားတစ်ခွန်းတည်းနဲ့ပဲ အရမ်းချစ်ရသူတောင်
ရန်သူဖြစ်သွားစေတတ်ပါတယ်။

စကားဆိုတာ အောင်မြင်မှုတွေရဲ့
ပထမခြေလှမ်းဖြစ်သလို
ဆုံးရူံးမှုတွေရဲ့ အဓိကရန်သူ
ဖြစ်နေတတ်ပြန်တယ် ။

စကားကြောင့် မိတ်ဆွေ ဖွဲ့ပြီး
ရင်းနှီးခဲ့ကြရသလို
စကားကြောင့်ပဲ မိတ်ဆွေကနေ
သူစိမ်းတွေ ဖြစ်သွားတတ်ကြပါတယ် ။

#စကားဆိုတာ ......
အပြောမတတ်ရင် နှစ်ပေါင်းများစွာ
ထိန်းသိမ်းလာတဲ့ ဂုဏ်သိက္ခာတွေတောင်
စကားတစ်ခွန်းကြောင့် ရေစုန်မျောသွားရ
တတ်ပြန်ပါသေးတယ်။

မပြော မဖြစ်လို့ ပြောပြန်ရင်လည်း
အမှားမပါစေဘဲ "ဓါး"တစ်လက်လို
အကျိုးရှိစေတဲ့နေရာမှာ အသုံးချတတ်နိုင်ဖို့ရာ
ကိုယ်နှင့် အခြားသူတွေကိုထိခိုက်စေတဲ့
လူသတ် လက်နက်"ဓါး"တစ်လက်တော့
မဖြစ်ကြပါစေနဲ့ ။

#ဒါ့ကြောင့် ...

နားထောင်ရမယ့်အချိန်မှာ စကားမပြောပါနဲ့ ။

မသေချာ မရေရာရင် မပြောပါနဲ့ ။

အချက်အလက်မပြည့်စုံရင် မပြောပါနဲ့ ။

မိတ်ပျက်စေမယ့်စကားမျိုးဆို မပြောပါနဲ့ ။

တစ်ဖက်လူကို ထိခိုက်စေမယ်ဆို မပြောပါနဲ့ ။

အရှက်ရစေမယ့် စကားဆို မပြောပါနဲ့ ။

အပြစ်ဖြစ်မယ့်စကားဆို မပြောပါနဲ့ ။

စကားဆိုတာ မှားသွားရင်
ပြင်ဖို့ခက်ခဲပါတယ်..

ကိုယ်ပြောလိုက်တဲ့စကားဟာ
ကိုယ့်အတွက် ရယ်စရာဖြစ်နေပေမယ့်

တစ်ဖက်လူအတွက်
ဝမ်းနည်းစရာ ဖြစ်နေတတ်တာမို့
စကားကို ဆင်ခြင်ပြီးပြောတာ
အကောင်းဆုံးပါ

တစ်ခါတစ်လေ
ဘာမဟုတ်တဲ့ စကားလေးတစ်ခွန်းက
တစ်ဖက်လူအတွက် နစ်နာစေသလို
ကိုယ့်ကိုယ်လည်း ပြန်ဒုက္ခပေးတတ်ပါတယ်…

28/04/2024

ကမ္ဘာကြီးကတနေ့တခြား
သစ်ပင်တွေခန်းခြောက်လို့ ယိုယွင်းလာပါပြီ။

ကိုယ့်ဘဝရဲ့ အမှတ်တရ မွေးနေ့လေးတွေမှာ
သစ်ပင်စိုက်ခြင်းဖြင့်
နောက်နှစ်မှာ ပြန်လည်ရောက်ရှိလာမည့်
ကိုယ့်မွေးနေ့မှာ သစ်ပင်လေးရှင်သန်ကြီးထွားနေတာ စိမ်းလန်နေတာတွေကိုကြည့်ရင်း
နောက်နောင်မွေ့နေ့အခါသမယတွေအတွက်
ကိုယ့်ဘဝရဲ့အနာဂါတ်လေးအတွက်
ကြည်နူးပီတိဖြစ်စရာလေး...ဖြစ်နေမှာ
အသေအချာပါပဲ...။

ကိုယ့်ရဲ့မွေးနေ့မှာ သူငယ်ချင်းတွေနဲ့အတူ
သစ်ပင်လေးတွေစိုက်ရင်း
ထာဝရကုသိုလ်လည်းယူ
အနာဂါတ်အတွက် ကြည်နူးစရာအိပ်မက်တခုကို
မိုးဦးကာလမှာ တည်ဆောက်ကြပါစို့။
""""""""""""3A""""""""""""
"A man, A tree & A thousand kyats"

"သစ်တစ်ပင်စိုက်ပျိုးထိန်းသိမ်းခြင်းဟာ- သင့်ရဲ့အနာဂါတ်မျှော်လင့်ချက်ကို သင်ကိုယ်တိုင် ပျိုးထောင်နေခြင်းပါပဲ"

3A အဖွဲ့၏ရည်ရွယ်ချက်
(၁) မြန်မာပြည်၏ မည်သည့်အရပ်တွင် နေထိုင်သည်ဖြစ်စေအနည်းဆုံးသစ်တပင်အမှန်တကယ်
စိုက်ပျိုး၍ရှင်သန်အောင်ထိန်းသိမ်းခြင်းဖြင့်ပါဝင်၍ မိမိတို့ကိုယ်တိုင်စိုက်ပျိုးထားသော သစ်ပင်ကို ချစ်မြတ်နိုးတတ်သော အလေ့အကျင့်ကောင်းရရှိနိုင်ရန်

(၂) မိမိ၏သစ်ပင်စိုက်ပျိုးပြုစုမှုအား လူမှုကွန်ယက်တွင် မျှဝေသိရှိစေခြင်းဖြင့်လူတိုင်း သစ်ပင်စိုက်ပျိုးလာစေရန်လှုံ့ဆော်၍ သဘာပတ်ဝန်ကျင်ထိန်းသိမ်းမှုတွင်အတုယူ
ပါဝင်လာအောင်ကူညီပေးနိုင်ရန်

(၃) သဘာဝပတ်ဝန်ကျင်ထိန်းသိမ်းရေးသည် ကျယ်ပြန့်သည့်လုပ်ငန်းစဉ်အဖြစ် မမြင်စေပဲလူတိုင်း #မိမိတို့ ဘဝ၏ အမှတ်တရ နေ့များ(မွေးနေ့- မင်္ဂလာဦးအထိမ်းအမှတ်)နှင့် #ဘာသာရေးဆိုင်ရာနေ့ရက်များ၌ မိမိတို့တတ်နိုင်သလောက် သစ်တစ်ပင်မှအစပြု၍ သစ်ပင်များစွာ ရေရှည်စိုက်ပျိုးပြုစုထိန်းသိမ်းတတ်သည့် အလေ့အထ မှသည် မြန်မာလူ့ဘောင်ကြား အထိမ်းအမှတ်နေ့များအတွက် သစ်ပင်စိုက်ပျိုးလေ့ရှိသည့်ယဉ်ကျေးမှုတစ်ရပ်ဖြစ်လာစေရန်

(၄)လူတိုင်း၏သစ်ပင်စိုက်ပျိုးပြုစုတတ်သောအလေ့
အထများမှစတင်၍ သဘာဝပတ်ဝန်းကျင်ဆိုင်ရာ
အခြားသောထိန်းသိမ်းစောင့်ရှောက်ရေးလုပ်ငန်များတွင်လည်း လူတိုင်းအားတက်သရောပါဝင်လာစေရန်တို့ဖြစ်ပါတယ်။

"ဒီနေ့ကစလို့ သစ်ပင်စိုက်ကြစို့"

26/04/2024

”စာမဖတ်သောနေ့ကို အဓိပ္ပာယ်မဲ့သောနေ့”လို့
ရှိတ်စပီးယားက ပြောခဲ့တယ်။

”စာဖတ်ချိန် မရှိလောက်အောင် အောင်မြင်ဖို့ ကြိုးစားနေပါတယ် ဆိုတဲ့ သူတွေဟာ ဘယ်တော့မှ အောင်မြင်တဲ့သူတွေ ဖြစ်လာ
မှာမဟုတ်ဘူး” လို့ ကွန်ဖြူးရှပ်က ပြောခဲ့
တယ်။

ဆရာကြီးဦးအောင်သင်းကလည်း ”မင်းကိုမင်း ချစ်ရင် စာဖတ်ပါ၊ပညာသင်ပါ။

မိဘကိုချစ်ရင် စာဖတ်ပါ၊ပညာသင်ပါ။တိုင်းပြည်နဲ့လူမျိုးကိုချစ်ရင် စာဖတ်ပါ၊ပညာသင်ပါ” ပါလို့ ပြောကြားခဲ့ဖူးပါတယ် ........... ။

~ ဦးနှောက်ကို ပိုမိုလှုံ့ဆော်ပေးနိူင်တာ
စာဖတ်လို့ပါ။
~ အာရုံစူးစိုက်မှု အားကောင်းစေတာ
စာဖတ်လို့ပါ။
~ ဗဟုသုတများစွာကြွယ်ဝစေတာ
စာဖတ်လို့ပါ။
~ အတွေးအခေါ် မြင့်တက်လာနိူင်စေတာ
စာဖတ်လို့ပါ။
~ စိတ်ဖိစီးမှု လျော့ကျစေနိူင်တာ
စာဖတ်လို့ပါ။
~ နှစ်နှစ်ခြိုက်ခြိုက် အိပ်ပျော်စေနိူင်တာ
စာဖတ်လို့ပါ။
~ လူတွေကိုပိုပြီး နားလည်ပေးနိူင်တာ
စာဖတ်လို့ပါ။
~ အတွေးအကြံ အတွေ့အကြုံကို
လက်ဆင့်ကမ်းပေးနိူင်တာ
စာဖတ်လို့ပါ။
~ စာအုပ်ကောင်းတစ်အုပ်ဟာ
အခြားကမ္ဘာဆီ ဆွဲခေါ်သွားနိူင်တာ
စာဖတ်လို့ပါ။
~ ဘယ်သူတွေ ဘာပြောနေနေ မင်းကိုမင်း
ချစ်ရင်
ပညာသင်ပါ၊စာဖတ်ပါ။
~ မိဘကို ချစ်ရင်
ပညာသင်ပါ၊စာဖတ်ပါ။
~ တိုင်းပြည်နဲ့လူမျိုးကို ချစ်ရင်
ပညာသင်ပါ၊စာဖတ်ပါ။

မောင်သိမ်မွေ့ (မန်းတက္ကသိုလ်)

Credit

26/04/2024

❝ ပါးနပ်တဲ့ အပြောအဆို ❞

လူတစ်ယောက်ကို
“ခင်ဗျား လွဲနေတယ်” လို့ပြောရင်
ဘယ်သူမှ လက်ခံမှာ မဟုတ်ဘူး။

ဒါပေမယ့် လူတစ်ယောက်ကို
“ဒီလိုလေး လုပ်လိုက်ရင် ခင်ဗျား ပိုပြီးအဆင်ပြေလိမ့်မယ်” လို့ပြောရင်
လက်ခံချင် လက်ခံလာလိမ့်မယ်။

ကိုယ်ဆိုလိုတဲ့ အဓိပ္ပာယ်နဲ့
ကိုယ်ပြောချင်တဲ့စကားတွေကို
တစ်ဖက်သားက လက်ခံဖို့ဆိုရင်
ပြောတတ် ဆိုတတ်ဖို့က သိပ်အရေးကြီးတယ်။

ဘယ်တော့မှ “နင်မှားတယ်၊ငါမှန်တယ်”
ဆိုတာမျိုး မပြောမိစေနဲ့။
ပြောမယ့်ပြော “နင်ပြောတာ မှားတော့မမှားဘူး။
ဒါပေမယ့် ဒီလိုလေးဆို ပိုပြီးတောင် မှန်ဦးမယ်”
ဆိုတဲ့အပြောမျိုး ပြောတတ်အောင်ပြော။

အပြောအဆိုကြောင့်ပဲ
လူတွေရဲ့အထင်ကြီးကိုးစားတာကို ခံရတတ်သလို
အပြောအဆိုကြောင့်ပဲ
လူမုန်းများတတ်တယ်မဟုတ်လား။
ဘာပဲဖြစ်ဖြစ် ပါးပါးနပ်နပ် ပြောတတ်ဆိုတတ်
သူတစ်ယောက်အတွက်ကတော့
အပြောအဆိုကြောင့် လူမုန်းမခံရတတ်ပါဘူးလေ။

25/04/2024

လူ့အသံ ကို ဖမ်းယူပြီး
ပြန်လည် နားထောင် လို့ ရတဲ့
စက် ကို တီထွင်မယ် လို့
အက်ဒီဆင် က ပြောတဲ့အခါ
ဒီကောင် ရူးသွားပြီ ဆိုပြီး ဆေးရုံ တင်ဖို့
လုပ်ကြသတဲ့ ...

လေတိုက် လည်း မငြိမ်း ပဲ
လင်းမြဲ လင်း နေတဲ့ လျှပ်စစ်မီးသီး ဆိုတာကို
လုပ်မယ် ဆိုတုန်းကလည်း
ရေနံဆီ မီးခွက်နဲ့ နေ နေကြ လူတွေက
မိန့်မိန့် ကြီး နဲ့ ပြုံး ခဲ့ ကြတာပါ ...

ဟင်နရီဖိုဒ့် ဆိုတဲ့ကောင်လေး ဟာ
မြင်း ဆွဲတဲ့ လှည်း တွေ မှာ
မြင်း မလို ပဲ စက် ကို ထည့်မယ်
သစ်သား ဘီးတွေအစား ရာဘာ သုံးမယ်
ဒီအတွက် တမြို့ နဲ့ တမြို့ကို
အမြဲတမ်း လမ်း မ တွေ ဖောက် ရမယ် လို့
ဆို တော့ သာမန်လူတွေ မဆိုထား နဲ့
အဲဒီတုန်း က အစိုးရ လူကြီးမင်း တွေကတောင်
ဒါဟာ မဖြစ်နိုင်ဘူး ဆိုပြီး စိတ်မဝင်စားခဲ့ပါ...

ပိတ်ကား ကြီး တွေ မှာ ပေါ်တဲ့
ရုပ်ရှင်ပြစက် တွေ ခေတ်စား နေတဲ့အချိန်မှာ
လူ တယောက်က ( ဂျာမနီ က )
အခု မိတ်ဆွေတို့ ကြည့်နေတဲ့
TV ဖန်သားပြင် ကို တီထွင်မယ် ဆို လေတော့
အရင်းနှီး ဆုံး မိတ်ဆွေ က တောင်
အောက်ပါအတိုင်း ရက်ရက်စက်စက် ဆိုတယ် ..
" မင်းရဲ့ လေးထောင့် သေတ္တာ လေးကို
ဘယ်သူက စိတ်ဝင်တစား ကြည့် နေမှာလဲ " တဲ့
----------
လူတွေ ဆိုတာ လူတွေပဲ ဖြစ်ပါတယ် ...
ဖော်ပြထားတဲ့ အဖြစ်မျိုးတွေမှာ လူ တွေကို
အပြစ် တင် မဲ့ စိတ် သင့်မှာ ဖြစ်ပေါ်
ခဲ့ရင် ချက်ချင်းပဲ ဖျောက် လိုက်ပါ ...
ကျနော်တို့ဟာ
ကျနော်တို့ နားလည် လက်ခံနိုင်တဲ့
ဘောင်အတွင်း က နေပြီး
ရုန်းမထွက် နိုင် ကြ ပါဘူး ...
ကျနော် တို့က
ကျနော်တို့ နားလည် နိုင်တာနဲ့ပဲ
နှိုင်းယှဉ် ပြီး ဒါဟာ ဟုတ်တယ်
ဒါဟာ တော့ မဖြစ်နိုင်ဘူး လို့ပဲ
တတ်နိုင် ကြတာ မဟုတ်ပါလား ...
----------
အိုင်းစတိုင်း က
e= mc 2 ဟာ
သာမန် bomb ထက်
အဆ သိန်းသန်းချီပြီး ပြင်းထန် မယ် လို့
ဆိုတဲ့အခါ အစပထမ မှာ တော့
ပညာရှင်တွေကပါ မယုံကြည် နိုင်
ဖြစ်ခဲ့ကြရတာပါ...
နေ ( the sun ) ရဲ့ သက်တမ်းဟာ
နှစ်ပေါင်း ၄.၅ ဘီလီယံ ကျော် ပါပြီ တဲ့ ...
နှစ် သန်းပေါင်း ၄၅၀၀ ကျော် ပြီလို့
ပြောတာပါ ...
ဒီလို ရှည်လျားလှတဲ့ ကာလ ကြီး
တလျောက် အတွက် သူ့ရဲ့ လောင်စာ
ဟာ ဘာဖြစ်လို့ လုံလောက် နေတာပါလဲ...
အရွယ်အစား ကြီး လို့ များလား
ထင် မယ်ဆိုရင် သင်ဟာ နူကလီးယား
ဓါတ်ပြု ခြင်း ဆိုတာကို နည်းနည်းလေး ဖြစ်ဖြစ်
သဘောပေါက်မှ နားလည် နိုင်မှာပါ...
----------
နောက်ဆုံးတော့
ကောင်းကင်ကို သင် မော့ကြည့်လိုက်ပါ ...
အဆုံးအစ မရှိ ဘူး မဟုတ်ပါလား ...
ကျနော်တို့ဟာ
နိုးထရင်း ဖျတ်လတ်ရင်း မျက်ဝါးထင်ထင်
ရှင်သန် နေရင်း နဲ့ကို အိပ်မက်ကမ္ဘာ ထဲမှာ
နေ ထိုင် ရသလို ဖြစ် နေ တာ ...
----------

Credit

ကျနော် တို့ ရဲ့ ဘဝ ဆိုတာ
အိပ်မက် ဆန် လွန်း လှ ပါတယ်..

မူရင်းရေးသားတင်ဆက်ထားသူအား အစဉ်ချစ်ခင်လေးစားလျက်..

ချစ်ခြင်းများစွာဖြင့်
ဝတ္ထုတို ဝတ္ထုရှည်များ

Royal Shwe Myanmar

22/05/2024

22/05/2024

21/05/2024

17/05/2024

13/05/2024

10/05/2024

10/05/2024

10/05/2024

07/05/2024

05/05/2024

05/05/2024

05/05/2024

03/05/2024

01/05/2024

01/05/2024

29/04/2024

28/04/2024

26/04/2024

26/04/2024

25/04/2024

Address

Website

Alerts

Shortcuts

Share