Bac with Dihia

06/01/2024

06/10/2023

🔴أصعب دقيقتين في عام باك
الاولى: دقيقة قبل مايمدولك الموضوع
الثانية: دقيقة قبل اعلان نتائج الباك
اللهم اجعل شهادة البكالوريا من نصيب كل طاالب تعب وسهر يارب 💗

06/10/2023

بسم الله على بركة الله نبداو نهدرو في الموضوع لي قلتلكم عليه البارح وأغلبكم كتبتولي في التعليقات بلي عندكم مشكل معاه وهو تنظيم الوقت
تنظيم الوقت عامل جد مهم وأساسي لنجاح أي عمل مهما كانت طبيعته كامل عندنا نفس 24ساعة في اليوم بصح الإنتاجية تاعنا تختلف من شخص لآخر حسب تقسيم وتنظيم هذه الساعات
كطالب بكالوريا وش لازم دير بش تعرف تستغل وقتك جيدا
1. أولا اكتب أهداف شهرية قال مثلا هذا الشهر لازم نكمل دروس وحدة تركيب البروتين كاملة مع حل بعض التمارين إن أمكن ذلك ،وهكذا مع باقي المواد
2. ثانيا أنك تقرا بذكاء معنتها تعرف تحدد أهدافك من الجلسة الدراسية مثلا ماتقولش نحل 10تمارين دوال بل قل لازم اليوم نتمكن من المناقشة البيانية وتقعد تحل حتى تولي جيبها صحيحة كامل خير من تحل 10 تمارين وكلهم بنفس الأفكار وتولي تعيا وتحس بالملل
3. نروحو لجانب آخر من تنظيم الوقت وهو كي جي عشية من ليسي بالنسبة للنظاميين تلحقو للدار عيانين بطبيعة الحال لهذا لازم أول حاجة تريحو شوي على الأقل 30 دقيقة ومبعد تكتبو To do list تاعكم (في هذه الفترة ركزو على المواد الأساسية فقط) وابداو على بركة الله في الحل
4. لاتغتروا بعدد التمارين رجااااااء ركزوا على النوعية
5. بالنسبة لليوتيوب ادا حسيتو روحكم فهمتو الدرس ماتضيعوش وقتكم فيه خلاص روحو حلو تمارين مشي تعاودو نفس الدرس وتشتتوا روحكم بكثرة المصادر.
6. و اخيرا حبيت نوّه لحاجة كاين لي كي نقوللهم نوريلكم كيفاش تنظموا وقتكم يستناو مني نمدلهم جدول ولا ولكن هذا خطأ كبييييير لازم كل واحد يدير جدول خاص بيه نظام خاص بيه حسب تقدمه او تأخره في الدروس (الطريقة التي تلائم طالب متفوق ما لا تعني بالضرورة توصلك لنفس النتيجة ) ❤️
Good luck 😘

05/10/2023

💥الأسئلة المحتملة أن ترد في التّقييم النّقدي:
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
✅لماذا سمّي عصر الضّعف بهذا الاسم؟
لأنّه عرف انحطاطا وضعفا في شتّى المجالات مقارنة بالعصر العبّاسي الذي سبقه، خاصّة في ميدان الأدب شعرا ونثرا. ويسمّى هذا العصر كذلك بعصر المماليك وعصر العثمانيين الذين حكموا البلاد العربيّة بعد سقوط بغداد.
✅اذكر ملامح أدب عصر الانحطاط .
ـ الإغراق في البديع.
ـ التنميق اللّفظي.
ـ استعمال الألفاظ العاميّة والكلام غير المعرّب.
ـ شيوع المدائح النّبوية وشعر الزّهد.
ـ كثرة الموسوعات العلميّة.
✅ما أسباب ضعف الأدب بصفة عامّة في عصر الانحطاط؟
ـ الاضطرابات السّياسيّة.
ـ سوء الأحوال الاقتصادية والاجتماعية.
ـ عدم اهتمام الحكّام بالشّعراء وعدم تشجيعهم على الإبداع.
ـ انصراف الشّعراء للحرف والمهن الأخرى.
ـ ضياع الكثير من المؤلّفات بسبب هجمات المغول والتّتار.
ـ فقدان اللّغة العربيّة لمكانتها كلغة رسميّة.
ـ إلغاء ديوان الإنشاء.
✅اذكر أهمّ دواعي ضعف الشّعر في عصر المماليك.
ـ الملوك والسّلاطين أعاجم لا يعنون إلاّ في النّادر بتشجيع الشّعراء.
ـ انصراف الشّعراء عن قرض الشّعر وكسب معيشتهم عن سبل الحرف والصّناعات.
ـ فتور العصبيّة والحميّة اللّتان نهضتا بالشّعر قديما.
ـ قلّة دواعي اللّهو في جوّ الاضطراب السّياسي وصرامة العيش.
✅اذكر أنواع المحسّنات التي افتنّ بها شعراء عصر الضّعف.
ـ التّشطير والتّخميس.
ـ الاقتباس والتّضمين.
✅ما الأغراض والموضوعات الشّعرية التي انتشرت في العصر المملوكي؟
ـ نظم الألغاز والأحاجي.
ـ وصف الأشياء المألوفة كالسجادة والبساط والمسبحة والسّكين والمروحة.
ـ الميل إلى المقطوعات القصيرة التي تحوي نكتة أو فكاهة.
ـ التّأريخ الشّعري.
ـ شعر المدائح النّبوية والزّهد.
✅ما الأوزان الشّعبية التي استساغها السّلاطين العثمانيون؟
ـ القوما ـ المواليا ـ الزّجل ـ الدوبيت ـ الموشّح.
✅عرّف شعر المدائح.
هو غرض شعري قديم يمدح فيه الشّاعر النّبي صلّى الله عليه وسلّم، يذكر فيه صفاته الخُلقية والخِلقية، ويظهر فيه الشوق لرؤيته، وذكر معجزاته والإشادة بغزواته.
✅من هم أبرز شعراء المديح في عصر الضّعف؟
البوصيري، ابن مليك الحموي، ابن نباتة المصري...
✅لماذا شاعت المدائح النّبويّة وشعر الزّهد في عصر الضّعف؟
ـ تردّي الأحوال السّياسية حيث لم يجد الشّعراء ما يمدحون من الحكّام فمدحوا خير البريّة.
ـ ظهرا كردّ فعل عن تيار الفساد الأخلاقي الذي شاع بسبب تراجع الوازع الدّيني والأخلاقي.
ـ اعتبارهما مجالا خصبا لما مال إليه شعراء عصر الضّعف من البديع والزّخرف.
ـ اتّخذهما الشّعراء وسيلة للإصلاح والوعظ.
✅بم تمتاز المدائح النّبوية في عصر الضّعف؟
ـ غلبة التكلّف في أوجه البلاغة والإغراق في الصّناعة اللّفظية.
ـ محاكاة الشّعر القديم في التزام عمود الشّعر وغلبة غرضي المدح والحكمة.
ـ الاستشهاد بالقرآن الكريم والحديث الشّريف والسّير التّاريخية.
ـ السّهولة في الأسلوب والرقّة في المعاني.
✅ما منزلة البوصيري في عصره؟
ـ هو من مشاهير شعر المدائح.
ـ اشتهر أكثر بقصيدة "البردة" التي ترجمت إلى عدّة لغات.
ـ صارت بمثابة المرجع الذي يعود إليه المتعبّد وطالب القدوة.
✅ما ميزات أسلوب البوصيري؟
ـ جزالة الألفاظ ورصانة العبارات.
ـ الاقتباس من القرآن الكريم والحديث الشّريف.
ـ صدق العاطفة والإحساس.
ـ حسن استعمال البديع.
✅عرّف شعر الزّهد.
هو غرض شعريّ قديم يدعو فيه الشّاعر إلى العزوف عن الدّنيا ومتاعها، والدّعوة إلى التمسّك بقيم الدّين الإسلامي، والتّوبة والاستقامة بعد الضّلال، والاستعداد ليوم الآخرة.
✅اذكر أبرز شعراء الزّهد في عصر الضّعف.
ابن نباتة المصري، ابن عربي، ابن الوردي...
✅ما الخصائص الفنّية التي تميّز شعر الزّهد في عصر الضّعف؟
ـ المبالغة في استخدام المحسّنات البديعية.
ـ كثرة التّضمين والاقتباس من القرآن الكريم والحديث الشّريف.
ـ يغلب عليه طابع الوعظ وإظهار النّدم.
ـ المزج بين الإقناع العقلي والتّأثير العاطفي.
✅بم يمتاز أسلوب ابن نباتة؟
ـ التكلّف في الزّخرفة والبديع.
ـ الاعتماد على التّضمين والتّقليد.
ـ كثرة التّكرارات واجترار المعاني.
ـ برودة الأحاسيس وفتور الحالة الشّعوريّة.
✅ما الظّواهر البلاغية التي شاعت في شعر عصر الانحطاط؟ وما سببها؟
ـ التّضمين: سببه أنّ القرائح جفّت، لذا عمد الشّعراء إلى السّرقات الأدبية من فحول الشّعراء الذين سبقوهم
ـ الاقتباس: سببه أنّ الوازع الدّيني في هذا العصر نقص، ممّا جعل الشّعراء ينهلون من القرآن الكريم والحديث الشّريف لوعظ النّاس وإصلاحهم.

05/10/2023

وقتاش نستخدمو le passé composé و وقتاش نديرو l'imparfait و وقتاش plus-que-parfait و واش الفرق ياك كامل passé

1) L'imparfait :
¹ نستعملو l'imparfait باش نعبرو على une action بدات فالماضي و خلاصت فالماضي و ماعندهاش أثر ولا اتصال بالحاضر . أكسيون بدات و كملت
Ex : hier je faisais des courses
البارحة قمت بالتسوق

² نستعملو ايضا l'imparfait كنحكو على عادة une habitude و لا une action répétée فالماضي
Ex : Quand il faisait froid il n'oubliait pas de porter ses gants
كيكان البرد مكانش ينسى يلبس القفازات .يعني كان ملتزم بهذه العادة كيكان البرد .

2) Le passé composé :
Est un passé récent
ماضي حديث يعني معندوش بزاف ملي بدا و معندوش بزاف ملي كمل pour les courtes actions
Le passé composé= le verbe être ou avoir au prèsent de l'indicatif+ le participe passé du verbe conjugué
Ex :
J'ai écrit كتبت
J'ai mangé أكلت
J'ai envoyé un message à ma copine ارسلت رسالة لصديقتي
Je suis venu اتيت
فهذو الامثلة نفهمو بلي هذا الفعل بدأ و انتهى في مدة قصيرة مثلا دوكا راني نكتب فالمنشور و كنكمل و نحطو نقول
Je l'ai publié
نشرته ( يعني كتبتو و نشرتو و ماعندهاش بزاف هذه l'action )

3) كنهدرو فالماضي و طبعا نستخدمو l'imparfait و لكن كنحبو نلفتو انتباه لحدث مهم نستخدمو le passé composé
Ex : je marchais seule soudainement je l'ai vu apparaître dans l'angle de la rue
كنت نمشي و هذا فالماضي و ماشي حدث مهم لكن فجأة لمحته على زاوية الطريق هذا الحدث هو لحبيت نوصلو و باش تمدلو اهمية نستخدم le passé composé

3) Le plus que parfait :
Le verbe être ou avoir à l'imparfait + le participe passé du verbe conjugué
Ex :
•Je l'avais fait
•Nous avions déjeuné
نفهمو بلي action عندها بزاااف ملي بدات و كملت لكن عندها أثر بالوقت الحالي يعني كيما le passé composé و لكن pour les longues actions

05/10/2023

♥️ملخص مبسط لتلاميذ السنة الثالثة ثانوي 👇🏻
🛑الاستمرارية
🛑مبرهنة_القيم_المتوسطة
🛑الاشتقاقية
🛑الدوال_الأسية
🛑الدوال_اللوغارتمية
🛑أسئلة_نظرية_حول_الدوال_الأسية_والدوال_اللوغارتمية
الدوال_الأصلية

05/10/2023

حاجة لازم تحطاها في بالكم ✅🤝

معظم الناس يتفقو انو اللي يقرا ويريفيزي اكثر يجيب des bonnes notes ومعدلات اكبر 🤓📚 وهذ الفكرة صح تجيب نتيجة فسيام ولا فليسي ولكن مش عام الباك 👽🥲 (ولا في الجامعة 💀👍)
علاه؟ لانو ببساطة راح تقرا مواد لحد ما صعبة 🥴🤌 والبنامج طويييل ومكثف ومواد مختلفة ومتنوعة 🙌و الوقت محدود تقراو كلش في فترة قصيرة تع 9 اشهر تقريبا 🫠 ساو لازمكم تديرو سيستام تقراو بيه لي يسهل عليكم المراجعة و✨يبسطها✨
هذ الحاجة راح تخلي مراجعتكم فعالة اكثر وراح تسمحلكم تتفوقو + تلقو وقت لهواياتكم والانشطة الجانبية لي حابين تديراها🫂🤍

نمدلكم فكرة على كيفية مراجعة مواد الحفظ كمثال 🤭؟ تبدو اولا بالقراءة السريعة والاسترجاع 🧠اللي راح تقوي التفكير تعكم وتكثفه وهذا ما يؤدي الى نتائج جيدة الى ممتازة بمعنى راح تستوعبو و تشفاو على معظم او جل ما تدرسونه👽👍

لازم ديما تربطو بين الافكار لي تتحصلو علاها🗂؛ سوا تجمعوها ولا تعاودو تنظموها📚 ولا تقارنو بين المعلومات📊 وبلا ما ننسى تطبيقها في سياقات مختلفة 🧐

يليق تكون عارف نوع المراجعة لي تناسبك 🙌
• اسكو كي تسمع المعلومة برك تحفظها ؟ ولا لازم تعاودها قده من مرة🥲؟ ولا تحب تكتب باه تتثبتلك المعلومة✏️ ؟
• تناسبك المراجعة الجماعية 👥؟ ولا تشوشك برك وتحب تخبش وحدك 👀؟
كي تعرف الطرق لي تعاونك وتريحك راح تنظم روحك حسب احتياجاتك وتقرا بطريقة لي تضمنلك نتائج مرضية باذن الله

05/10/2023

السلام عليكم ☺️ اليوم ان شاء الله راح نقوللكم كيفاش تحصلت على علامة 18.5 في مادة الفلسفة 🥺❤️ ⚫️أول حاجة المادة هاذي شيقة و ممتعة بزاااف و الدروس تاعها واقعية و تخليك تطور تفكيرك و نظرتك لبعض الأمور (يعني متخافوش منها )☑️ ⚫️ أولا كنت نقراها مع أستاذة القسم و نسجل كااامل واش تهدر فالكراس من أمثلة و حجج و أقوال (لأنو مرات يحاصرنا الوقت و منكتبوش كلش فالكراس )…كنت حريصة جدا على تدوين المعلومات لي تقدمهالنا خلال الدرس ☑️ ⚫️ ثانيا كنت نعاود نشوف الدرس فاليوتيوب و اعتمدت على الأستاذين ( عادل مقرود + الهواري )☑️ ⬅️الأستاذ عادل مقرود الدرس يقدمهولك بطريقة رائعة …يعطيك كمية هائلة من الحجج و الأمثلة و الأقوال لي تقدر من خلالها تحقق التميز في مقالتك ☑️ ⬅️الأستاذ هواري يركز على المنهجية أكثر وهذا هو الشيء المهم …يعلمكم المنهجية من الصفر و يركزلكم على أدق التفاصيل الموجودة فيها ☑️ ⚫️ من بعد كنت نحكم المقالات المقترحة أكيد بعد ماكنت قريت المنهجيات مليح و فهمتهم (قريت المقالات المقترحة فقط لأنو مكانش عندي الوقت باش نقرا كلش) و نحاول نخدمهم بطريقة ذكية (يعني منحفظش )☑️ ⚫️ خطتي في تنظيم المقالة دون كتابتها بالتفصيل كانت كالتالي : ⬅️نجيب أوراق بيضاء نكتب المقدمة (نحاول المقدمة نخرج فيها كامل ابداعي باش نلفت انتباه المصحح من البداية )… ثم نقسم الورقة على اثنين بالطول …جهة نكتب فيها الموقف الأول ( مسلمة + أنصار ) ثم نكتب الحجة الأولى باختصار ثم الأمثلة لي فيها ثم الأقوال و نكمل باقي الحجج بنفس الطريقة …و نفس الشيء نعاودو فالجهة الثانية الخاصة بالموقف الثاني ☑️ ⬅️كنت نحاول قدر الامكان نجمع أكبر عدد من الحجج و الأمثلة المتميزة لي متتكررش عند جميع التلاميذ ( راح نحطهملكم باذن الله ) … باش المصحح يحس بلي مقالتي مميزة ☑️ ⬅️ثم من بعدها ندير التركيب و الخاتمة و نحاول نخدمهم مليح باش نضمن علامة ممتازة (لأنو كاين بزاف لي يهملو هذا الجزء من المقالة و من بعد ميجيبوش نقطة مليحة ) ☑️ ⚫️ملاحظة الفلسفة ماش مادة تع حفظ فقط … تجمع بين الحفظ و الفهم ( مثلا الأقوال تحفظ ++ الأمثلة و الحجج تفهم و تعبر عليها أنت كطالب بأسلوبك الخاص و تحط فيها لمستك الخاصة )☑️ ⚫️بالنسبة للمراجع اعتمدت على كتاب هبة جبايرية غني بالأمثلة و الحجج ( لكن لازم تتوسعو فيهم أنتم و تشرحوهم أكثر ) ++مقالات كتاب الهدى خديت منهم بعض الأفكار ☑️ ⚫️ننصحكم متهملوش المادة باسكو فالأول تجيكم شوية صعيبة و متفهموهاش مي راح تتعودو و حاولو تقراوها على الأقل فالأسبوع مرة أو مرتين ☑️
#منقول

16/09/2023

ملخص احدى تلميذاتي في تركيب البروتين
دعواتكم لها بالنجاح

15/09/2023

كي لحقت الصفحة 55k سينيالاوها للأسف تعبت

15/09/2023

ملخص الدوال العددية

15/09/2023

ملخص النهايات

09/09/2023

سلسلة الدوال العددية حل السلسلة عبر التيليغرام

08/09/2023

برنامج شعبة العلوم التجريبية

08/09/2023

⁦☑️⁩النجاح بمعدل ممتاز في البكالوريا يحتاج الانضباط وليس الذكاء
كن منضبطا تصل الى ما تصبو اليه 💎

08/09/2023

برنامج المراجعة في البيت لجميع الشعب 😍👇⁦❤️
🔴برطاجي و لك الأجر و مزيد من الفائدة 🥰✨
البرنامج خدمتو العام الماضي هذا العام مزال ماخدمتش

08/09/2023

🔴🔴🔴حاب تضمن نقطة كاملة في تمرين
🔴🔴الوحدة01: المتابعة الزمنية لتحول كيميائي
🔴 لازم تكون متمكن من:👇👇
✅ حساب كمية المادة n(mol)
✅ حساب الكتلة المولية M(g/mol)
✅ انشاء جدول التقدم وتحديد المتفاعل المحد
✅ تحديد تركيز محلول بالاعتماد على نقطة التكافؤ
✅ معرفة وحدة كل عنصر(كمية مادة، سرعة تفاعل، الناقلية...)
✅ نتعامل مع الكتلة بالغرام (g)وليس الكيلو غرام (kg)لأننا في الكيمياء وليس الميكانيك
✅ علاقات التركيز الموليc(mol/l)، التركيز الكتليCm(g/mol)، الكتلة الحجيةg/l)، الكثافة d
✅ موازنة معادلات أكسدة إرجاع والتمكن من استخراج الثنائيات مؤكسد مرجع (ox/red)في حالة معادلة إجمالية معطى
✅ حساب سرعات التحول الكيميائي(سرعة التشكل للنواتج وسرعة الاختفاء للمتفاعلات)
✅ العلاقة بين السرعات
✅ التمكن من حساب ميل المماسات
✅ التعامل مع البيانات في حساب سرعات التفاعل مثلا يعطى بيان تناقص أحد المتفاعلات ويطلب منك حساب سرعة تشكل أحد النواتج
✅ اثبات العلاقات المعطاة انطلاقا من جدول التقدم
✅ تحديد زمن نصف التفاعل
✅ معرفة خصائص المعايرة وحساب ثابت الخلية k(m) والناقلية G(S)والناقلية النوعية والناقلية النوعية المولية الشاردية
✅ البروتوكولات التجريبية لكل من:
📌 المعايرة بالناقليةالمعايرة اللونية
📌عملية التمديد
📌 تحضير محلول انطلاقا من محلول تجاري مركز 📌تحضير محلول انطلاقا من مادة صلبة
✅تعريفات ترد في بداية التمرين(المؤكسد، المرجع، عملية الأكسدة، عمليةالارجاع، الوسيط...)

08/09/2023

هذا هو البرنامج لي راح نسير عليه للمواد العلمية الثلاثة.
لي يقراو معايا نتبعو لي مايقراوش عندي يقدرو يعتامدو عليه باش يتقدمو في الدروس و ينضمو روحهم ان شاء الله

08/09/2023

#مراجعة
#بكالوريا
#
🔴 المحور الأول : عصر الضعف والانحطاط🔴 الشعر التعليمي

🔶 #تمهيد عرف الشعر التعليمي نشاطا واسعا في عصر المماليك
حيث دعت إليه الحاجة العلمية لتسيير سبل الإلمام بالمعارف والعلوم وحفظها للطلاب
فما هو الشعر التعليمي؟؟ وماهي أسباب إزدهاره في هذه الفترة؟؟
خصائصه!!
# أهم روادده!!!
أولا الشعر التعليمي له كلمات اصطلاحية أخرى مثل
المتون والأراجيز
المتون منظومة في أبيات الشعر يسمى الشعر التعليمي، وتكون غالباً من بحر الرجز، وقد تكون من غيره.
# والرجز بحر معروف من بحور الشعر، وتسمى قصائده الأراجيز مفرده أرجوزة ويسمى قائله راجزاً.
# هذين الأخيرين يضمان أساسيات العلوم على شكل الشعر يسمى الشعر التعليمي
# 🔶 :
◾هو فن شعري قديم إنتقل الى العصر العباسي عبر النقل والترجمة والذي يتضمن تعبيرا عن علم من العلوم بطريقة شعرية قصد تيسير وتسهيل تعليمه وحفظه في الذاكرة
# 🔶 :
# ◾نظم العلوم والمعارف شعرا.
# ◾الموضوعية يعني الابتعاد عن الذاتية
# ◾الأسلوب المباشر و انعدام الخيال.
# ◾الاعتماد على الحقائق العلمية والمعرفية.
# ◾الاعتماد على البحور الخفيفة.
# ◾خلو النص من العواطف لانه يخاطب العقل والمنطق
# 🔶 #أسباب ظهوره
# ◾اتساع العلوم والمعارف والرغبة في حفظ العلوم وتصنيفها
# ◾سهولة حفظ الشعر وتداوله مقارنة بالنثر
# ◾جاء كرد ضد تيار اللهو والمجون
# 🔶
# ◾ابن مالك
# ◾الشاطبي
# ◾متون البغدادي
# ◾منظومة ابن الوردي
# ◾الفية السيوطي
# ◾الفية المكناسي
# ◾محي الدين ابن العربي
# 🔶انماطه
# ◾النمط الارشادي
# ◾واحيانا يقدم الحجج فيكون حجاجيا
# 🔶القيم في الشعر التعليمي
# ◾قيمة علمية يقدم لنا حقائق علمية
# ◾قيمة تاريخية بعض الحقائق التاريخية
# 🔶نزعاته
# ◾النزعة الدينية: كثرة الاقتباس من القرآن والسنة
# ◾النزعة الاصلاحية اذا كان النص عبارة عن نصائح وتوجيهات
# ◾النزعة التعليمية اذا كان النص حفظ للمعارف والعلوم
# _بالتوفيق للجميع_

08/09/2023

سؤال و جواب الدوال العددية

08/09/2023

ملخص شامل في الوحدة الأولى تركيب البروتين

08/09/2023

Résumé du texte historique ❤️
ملخص النص التاريخي

08/09/2023

بعض النصائح لتلاميذ البكالوريا يمكن أن تفقدك نقاطاً مجانية
1-في شفعية الدّالة يجب تبيان ان المجموعة متناظرة بالنسبة للصفر ( كثيرا ماينسى التلميذ هذا الشرط المهم )
2-دراسة اتجاه التغير نعني بها تعيين المجالات التي تكون فيها الدالة رتيبة و يجب ذكرها ثم يأتي جدول التغيرات الذي هو مستقل عنها
3- في نظرية القيم المتوسطة يجب حساب صور الأعداد مهما كانت القيم و لا نكتفي بالجداء أقل من الصفر
4-في اختيار الإجابة الصحيحة ابدأ بالتعليل لان المصحح يمكن أن يرفض الإجابة مباشرة اذا لم توفق في الاختيار و يهمل التعليل الذي يمكن أن تكون فيه خطوة واحدة فقط خاطئة.
5- هناك فرق بين الحساب و الاستنتاج خاصة في تمرين الاحتمالات و المتتاليات ( ترفض إجابتك حتى ولو كانت صحيحة)
6 - اذا لم يعطى اساس المتتالية فحاول لكي لاتفقد نقاط الأسئلة اللاحقة
7 - هناك فرق بين احسب النهايات و بين أن النهاية تساوي فالاولى مباشرة اما الثانية ليست مباشرة فهي مساعدة لك كي تستخدمها
8 - لا تضيع وقت كثير في سؤال لم تفهمه
9 -ترقيم الأوراق يساعد كثيرا المصحح...

08/09/2023

أولا، نكون صريحة معاكم ورح نكون شوي قاسية باه منعطيكمش آمال ووعود، زائفة مكانش فيديو/تطبيق perfect رح يخليك بنادم إنتاجي ومنظم للأبد، يعني تروح تحوس على فيديو وتقول صايي بسبتو نتبدل
هي صح قادر يغير فيك وتستفاد منو
بصح الأهم وصاحب القرار هو"نتا"، مم تشوف تحفيز، المهام تعك مراحش يتحققو وحداهم، لوكان متكونش عندك"العزيمة-المداومة-الصبر-التضحية"صدقني ولو تشوف فيديوهات تع اليوتيوب كامل مراح دير واالو فحياتك، هو يوجهك يعطيك الافكار، بصح نتا صاحب القرار كيصونيلك تلفون صباح تنوض ولا طفيه وترجع، كيلحق وقت المهمة تديرها ولا تقعد مع تلفون، كيأذن تنوض تصلي ولا تكمل شغلك الدنيوي "التافه" مقارنة بها، كتلحق 11 تع ليل وقت رقاد"لي راك مخطط ترقد بكري "ترقد ولا تتفرج مسلسل
باختصار نتا هو سيد الموقف ، ديرها مليح فبالك النقطة هذي2) ممبعد كتلقا روحك تأجل ومقادرش تكمل المهام تعك متلوم حتا واحد، اعرف بلي التقاعس والتأجيل رح يكون من عندك
يعني، تنحي العقلية تع" دور الضحية"، متقعدش تتحجج اااا كنت عيان اامنقدرش ننظم الوقت تعي، اامنيش ملتزم بالجدول وو، اعرف بلي الغلطة يا إما فيك يا إما فالطريقة لي راك تسير بيها، الطريقة ضك نعالجوها، أما نفسك نتا المسؤول عليها، قبل متبدا لازم توقف وقفة معاها وتريڨل طريقة التفكير والانتاجية، وتحبس عفسة وسمها"التسويف"
←وإن كثر التأجيل مات الهدف
ولاازززمممم تبعدو عليكم التلفون والسوشل ميديا، بلاك كتحب تريح تروح تهز تلفون وتدخل للانسطا🙂رح تلقا ساعة فرت ونتا مفيقتش كتحب تريح اخرج لبرا دور مهم، طفي notifications ولا اخدم بالبيسي3)كفاه ندير جدول يوالمني؟
لازم يكونو عندك 3 مخططات
سنوي/شهري
اسبوعي
يومي
←السنوي تحط فيه أهم المناسبات (العطل-الفروض والاختبارات-مواعيد تقديم المشاريع والبحوث...) وتحبو تطبعوه ولا تخدمو بالأجندة تع تلفون
←الاسبوعي مهم بزاف، لازم عليك تدير تخطيط اسبوعي يكون شامل لجميع المواد وإنتاجي، ورح نعطيكم مثال لتحت
←اليومي: هذا ننصحكم تديرو to do list, علخاطرش كون تقعدو تحددو بأوقات ممكن يصرالكم ظرف ومتكملوش فالوقت ويفسدلكم البروغرام، يعني مثلا تتا حاب تدير عفسة اكتب بلي لازم نديرها مش فالوقت الفلاني، والا كنت تلتزم حدد الأوقات
وقرا بطريقة بومودرو (50 دقيقة قراية 10 راحة)••ساو أول حاجة تروح تكتب المهام تعك كامل، وتصنفهم حسب
الأهم ثم المهم، ممبعد تجيب المخطط الأسبوعي تعك وتفرقهم عليه، وكتجي تخطط ليومك تشوف وش عليك فنهار ذا تكتبهم وتزيد مهام جديدة،
هذا مليح بزاف لصحاب الباك، ومم المستويات لخرين يفيدكم:
••تشوف وقت الفراغ لي عندك، مثلا نديروها 6 سوايع(من5 ل11 تع ليل):
من 5-6 تريح تصلي صلواتك واذكار المساء، تفطر وتحب ترتح شويا، ڨصر مع عايلتك مهم مش من قراية للقراية
من 6-8 اقرا مادة علمية، مثلا لي قريتوه ليوم عاود درس من يوتيوب الا مفهمتش لخصو وحل زوج تمارين ولا 3 (مثلا علوم)
من 8-9 ونص راجع مادة اساسية أخرى (مثلا ماط ولا فيزيك تقدرو تقراوهم يوم بيوم)
9.30-10 تريح تتعشا ومتنساوش صلاتكم، وتحب تهز تلفون شويا
10-11 تقرا لغة وكل يوم بدلها
11تروح لبلاصتك مور متوجد حوايجك وتصلي ركعتين وتقرا اذكار النوم وبلاش تلفون وسهر
وكتكون عندك تمارين ولا تحضيرات نقص من الحجم الساعي وبدا بيهم
صباح نوض 5(7 سوايع نوم يكفوك) صلي الفجر حفظ شوي آيات من القرآن ومتنساش اذكار الصباح، واحفظ (إسلامية-تاريخ-جغرافيا)
بالنسبة للجمعة والسبت:
الجمعة قسمها على فترتين،لولة تكون للراحة والثانية للقراية وتحب تدير الراحة صباح وقراية لعشية ولا العكس كما تحب
هذيك تع راحة(راجع وش حفظت قرآن فالأيام كامل+شوف كش فيديو فاليوتيوب تحفيزي +اقرا درس فالعلم الشرعي) وقرا سورة الكهف تحب تاونتريني تخرج مع صحابك...
الفترة الثانية تكون استدراك للنقائص تع السمانة (مثلا كش وحدات مكملتهمش، كش حفاظة تراجعها، كش بحوث ولا مشاريع)
والسبت نفس الشي، بس السبت نخلوها للفلسفة مثلا للشعب العلمية وتكملو فيها النقائص تعكم
شوفو يجماعة، انا منقدرش ندرلك برنامج، كل واحد وحياتو وظروفو ومقدورو، نا عطيتكم مثال باه تهزو فكرة، تقدر تعتمد على هذا وطبعا تبدلو حساب تقدمك فالدروس، ولا تهز افكار وتدير تعك وحدك، واحد ميقدر يدرلك برنامج
الأهم انك كتخلص سمانة تلقا روحك درت كلش الموادهذا نموذج لمخطط اسبوعي دراسي رح يفيدكم
اول حاجة تكتب الفترة تع الاسبوع منين لوين، وتدير الأهداف تعك وش حاب تدير فيه(مثلا درك عندنا مراجعة مكتسبات والتحضير للدخول المدرسي)
ممبعد تروح تكتب المواد تعك كل مادة وش خصك دير فيها
وكتخلص روح وزع المهام على الأيام وتكون واضحة وش لازم دير
كل يوم اجبد هذا المخطط شوف وش لازم دير وزيد المهام الاخرى والأحسن تكون بشكل to do list
وفنهاية كل اسبوع ديرو تقييم والمهام لي اجلتوها وعاودو خططو للأسبوع لي وراهبالنسبة ل15 يوم هذو لي بقاو،
قسمو اليوم على فترات، ومن الاحسن انكم تقسموها حسب الصلوات(بعد الفجر، بعد الظهر، بعد العصر....)
←فترة تراجعو فيها مكتسبات ولي نفسها تتقسم ل2(مادة اساسية-مادة ثانوية-لغة)
تحببو تخلصو المادة الوحدة على ضربة مثلا ف3 ايام، ولا تحبو كل يوم تقراو مادة كما تساعدكم
المهم متكثروش على رواحكم متفوتش 3 سوايع
←فترة تديرو فيها التحضيرات اللازمة وتطلعو الدروس وتوجدو قائمة الأدوات
←فترة للعناية النفسية والراحة وهذي لازم تعطوها الحق الاكبر
←فترة لحفظ القرآن والعبادة وهذي تعطوها الحق الأكبر الكبير المكبر🙂✅
وديرو برنامج كما لي عطيتولكم لفوق برك زيدو المهام تع الجوانب الأخرى، والا حابين صح يومكم يكون انتاجي ادعو ربي بالتوفيق ومتفوتوش صلاة الفجربعض التطبيقات لي تفيدك:
Notion(أفضل تطبيق فالتاريخ، يصلح للبيسي والتلفون هو صعيب شوي بصح. كتفهموه من يوتيوب رح تكراشو فيه)
Any do
Microsoft to do
Tick tick
School planner
My study life
To do list(schedule planner)
Forest