Azrou Passion

20/11/2023

We are the nightmare of your dreams.....

18/11/2023

بنسبة لمكان الإنطلاقة غذا قرب مسجد العدل ( البارطامات ) على الساعة 11 صباحا .
AZROU .
G . S . A

16/11/2023

أزول .
كما يعرف الجميع أنه يوم الأحد إن شاء لله عندنا مبارة مهمة للفريق وللمجموعة خاصة ، الغياب ديال المجموعة لمبارة أخيرة كان لأسباب ليغاذي تعرفوها من هنا القدام ، نهار الأحد غاذي نكونو ف موعد ف ملعب سيدين بلخير بإحشاش والمجموعة كضرب ليكوم موعد مع إحتفالية ف قلب الملعب لي كتليق ب الفريق و بالمجموعة .
دمتم أوفياء .
أزرو .

16/11/2023

We are coming......⏳

10/11/2023

⏳🖤

السلام عليكم.

تعلن مجموعة سيبورتير أزرو عن مقاطعة المباراة القادمة ضد تمدولت أقا بالملعب البلدي أزرو ايت ملول.

30/10/2023

واحد توضيح .
فاش كلنا صراع بين أبناء فصيلين فراه مكذبناش
حيث أنك جيتي الماتش بسوء ، باش تجي وتشد دري لي مع الفصيل المنسحب أخيرا ولي دار غلط أنه لبس توني تاع فرقة لي مكروهة ف مدينة أكادير و وكلتوه العصا ديال بصاح فهذا وبكل وضوح انك جاي حاقد عليه ، ولكن متجيش وضربو ف الكورفا ولا ف الماتش تاع فرقتنا سير أخويا فك الحسابات ديالك معاه بعيد على تيران
خلاصة القول ، أزرو برجالها ، كنحترمو أي واحد ولكن نهار يتقاس الكروب فرآه حاجة خرا هاذيك .

30/10/2023

أزول .
البداية ديالنا عمرها كانت على شرف نشر العداوة مع أبناء الحي أو حتا مع الجمهور الضيف ، قبل مندخلو ف نقاش تاع الصراع لي كان البارح غاذي نهضرو على واحد الحاجة ولي هي مهمة لأي أزراوي .
قبل متجي لتيران تفكر بلي رآه واحد الميمة كتسناك ترجع ، واش ترضا أنه تجي الميمة ديالك تكلس حدا الكوميسارية وتسناك وتبكي بطبيعة الحال لا .
المهم البارح بدا الماتش كولشي غاذي مزيان وكولشي كيسيبورطي وخا شي ( مكاريب ) .......
قبل نهاية شوط الأول من المبارة لاحظو أعضاء المجموعة أنه شباب حي إخربان داخلين ب إيشاربات ومعاهوم الماطوس ( الباش ) ، هنا الكروب حس بخطر لي كبير وعرفنا بلي غاذي توقع شيحاجة لي الضحية هو الكروب و الفرقة ،
متيفكساش الباش بحجة أنه نتوما معولين علينا .
مع نهاية المبارة وكولشي غاذي بخير ومع الخرجة ديال الملعب غاذي نتصدمو ب صراع بين أبناء فصيلين ( إيمازيغن ، وريد ريبلز ) وفي لقطة دخل أبناء حي أخر من نفس الفصيل الأخير ، بحجة أنه ( تعدا عليه ) .
الميساج لي بغينا نوصلو لأي ولد شي سيكتور كيما كان من تيمرسيط تال دوار حمو ، كنتي بغيتي تسيبورطي الفرقة مرحبا بيك نديروك فوق راسنا ، بغيتي تفك الحسابات ديالك وفوقت المبارة ديال الفرقة ديالنا فرآه حنا هوما لي لولين لي غاذي تلقا ضدك .
الحكمة لها شروط ........
وتشجيع الفريق له شروط ......
AZROu
G .S .A 💙☠️

29/10/2023

☠️💙

السلام عليكم .

بمناسبة المباراة الأولى من منافسات القسم الشرفي الأول عصبة سوس لكرة القدم لموسم 2023/2024 .
حيت سيستقبل فريقنا الغالي مستقبل ازرو جاره ترجي إخربان على أرضية الملعب البلدي بأزرو أيت ملول على الساعة 12:00 زوالا .
فبذلك ندعو الأوفياء الى الحضور باللون الأسود و بكثافة خلف المجموعة لمساندة فريقنا للفوز في هده المباراة الأولى و تتبع تعليمات أعضاء المجموعة لكي تمر المباراة في جو أخوي .


🔵⚪️⚫️

26/10/2023

ازول .
غاذي ندخلو ديريكت ف الموضوع .
فأقل من 48 ساعة ليدازت ضارت الهضرة بين أبناء حي ازرو ، أنه تأسس كروب ف تمسية ( القرية المجاورة ) ، خصوصا نهار الأحد كاين ماتش مهم ولي هو البداية ديال العام وهو مفتاح الموسم بأكمله ومع فريق لي كينحادر من جماعة تمسية ( إخربان ) ، بنسبة الكروب ديالهوم كاين لي كيكول غاذي يباشيو كاين لي كيكول مغاذيش يباشيو ( وحنا معلابالناش بيهوم ) .
الخلاصة أنه حنا غاذين باش نسيبورطيو لعابا ونشرفو بالحي ديالنا و الفرقة والمجموعة ديالنا من غير هاذشي ممحسوبش على الكروب .
( أي لقطة منك ولا أي محاولة ديال أنك تحدا المجموعة ، تحمل العواقب .)
Azrou .

25/10/2023

ازول .
المجموعة كتعلن على إجتماع مفتوح فوجه أي ازراوي كضربو نفس وبغا الخير الفرقة والحي ديالو ، غاذي يكونو بزاف ديال المواضيع ليغاذي تهضر عليهوم المجموعة ، وفنفس الوقت غاذي يكونو الأسئلة مفتوحين لأي واحد بغا يسول على شيحاجة ، وأهم موضوع ولي هو نهار الأحد مع 12 .........⏳
دمتم اوفياء.
Azrou.

18/10/2023

ازول .
الكروب من نهار تأسيس ديالو وهو الهم ديالو الفرقة والحي ديالو لاشئ غيره ، الكروب بدا كيكبر نهار على نهار وخا العراقيل ولكن كاينين رجال واقفين مورا الستااار
لذلك المجموعة ديالنا كتعلن فتح باب الإنخراط فوجه أي واحد كضربو نفس على حي ازرو و الفرقة ، مرحبا بيه ف العائلة كبير كان ولا صغير ، الهدف ديالنا نتقاسمو المبادئ و الأفكار ونطلعو بهاذ الحي إن شاء لله .
للحجز او الإستفسار
0646293940 Amin
0697850740 Adam


دمتم اوفياء

01/10/2023

أزول .
غاذي نهضرو بدارجة باش كولشي يفهمنا
فهاذ الأيام الأخيرة لي دازت وقعو شي احداث بالحي ديالنا لي اقل ميمكن القول عليهم انهم مخزين ومكيشرفوش بالحي ديالنا او بلأخص المدينة ديالنا ، على العموم ناضو منواشات بين 2 كروبات ( اولتراس إيمازيغن . أولتراس ريد ريبلز ) وتخصرو اغلبية الطيكان لي مرسومين ف الحي ديالنا . ومنهوم تاع الكروب تاعنا ( ازرو )
برغم انه الكروب مداخلش فهاذ الصدااع لي واقع ، والمخزي فهاذشي كاملو انه ولاد الحي هوما لي خسروه وحشا تكونو ولاد الحي ( ولاد الق****)
خلاصة القول ، لي بغا هاذ الكروب يبقا فهوا باقي وعمرو يوقف ولي مكيحملوش فراه مكتزيدنا إلي حماس انه نزيدو نخدمو ونسدو الأفواه تاعكوم ، فكما يقولون .
الكلاب تنبح والقافلة تسير .
G . S . A
AZROU

27/09/2023

عيد مولد نبوي سعيد لكافة المسلمين ولأبناء حي ازرو خاصة .

26/09/2023

ازول .
فهاذ الصفحة إن شاء لله غاذي نبقاو نقربوكوم من المجموعة اكثر ونطرقو لمواضيع لي مكيتكالوش ف الصفحة الرسمية و غاذي نبقاو نوصلو ليكوم أخير الأخبار لي كتهم الحي ديالنا و بلأخص المجموعة ديالنا .
دمتم أوفياء
. S . A