25/04/2019
كلنا كانخدمو ب "Gmail" ولكن واش كلنا خدامين بيه مزيان؟
هاك 7 د الحوايج لي غادي يعاونوك بزاف فاستعمالك ليه :
*****************************
1: بعد المرات كاتصيفط مايل و كاتفكر نسيتي شي حاجة ولا زبلتيها ف شي قنت ولكن الغالب الله بركتي علا "Envoyer" و بغيتي تنتاحر عاود، كيف ديما الإنتحار ماشي هو الحل، "Gmail" عاطيك إمكانية تلغي المايل لي صيفتي.
سير ل "Settings->General" و قلب علا "Undo Send" و آكتيڤيها، غادي يعطيك تحدد الوقت لي يعطيك فيه فرصة تلغي المايل، من 5 ثواني تال 30. ماتنساش "Enregistrer" فالتالي.
*****************************
2: صيفتي شي مايل و ما كرهتيش تعرف واش قراه المتلقي ولا لا، طيليشارجي هاد "l'extension" د جوجل "Mailtrack" من هنا :
https://goo.gl/EFJN1H
هادا داير بحال واتساب، فاش كايشوف شي حد المايل لي صيفتي ليه كايطلع "Double Check" و إلا بغيتي چاع يصيفطلك نوتيفيكاسيون بلي راه الميساج ديالك تقرا.
(فاش غادي تبغي تصيفط المايل غادي تلقا فالتالي ديالو واحد "Sent with MailTrack" يمكن ليك تحيدها ب "Remove" ).
*****************************
3: فاش قريتو 2 وليتو تقولو إيوا دابا كي غادي ندير نعرف واش شي حد مصيفطلي مايل ب "Tracking" و ما باغيتش نتفرش، هاك الحل عاود، "UglyEmail" طيليشارجيه من هنا :
https://goo.gl/VSNFi1
تا هو نفس البلان، إلا وصلك شي مايل مطراكي غادي يآفيشيلك واحد العين حدا المايل قبل ما تحلو.
*****************************
4: وصلك شي مايل و بغيتي تعرف معلومات علا مولاه بلا ما تعدب، كاين واحد "l'extension" تا هي بحال فاطمة البرڭاڭة لي فحومتكوم سميتها "Rapportive"، كاتعطيك جميع المعلومات لي "liés" لديك الإيمايل لي مصيفطلك الميساج.
طيليشارجي من هنا :
https://goo.gl/yhiCRe
*****************************
5: كان خاصك شي نهار تصيفط مايل فشي وقت معين ولكن نتا ما غاديش تكون ديسبو فديك الوقيتة، يمكن ليك تبروغرامي مايل يتصيفط فشي ساعة محددة ب "Boomrang Gmail"، آنسطاليه من هنا :
https://goo.gl/oA2j69
و فيه بزاف داللعيبات آخرين نبشو شوية و كتاشفوهم.
*****************************
6: إلا كنتي باغي تصيفط شي مايل لشي حد ولكن شاك يقراه شي حد آخر، يمكن ليك تصيفطو "Crypté" ومعاه "Password" مايتقرا المايل تا يكتب المتلقي ديك الباص لي درتي، عن طريق "Secure Gmail" طيليشارجي من هنا :
https://goo.gl/fsr15T
فاش تآنسطاليها غادي يبانليك واحد القفل حدا "Compose"، نهار تبغي تصيفط شي حاجة مهمة ونتا مرتاح استعملها.
*****************************
7: هادي ماعرفت واش تنفع ولا لا المهم كاتجيني غير تخربيقة :3 إلا بغيتي تحس براسك ف "Mission Impossible" و تصيفط مايل يتمسح راسو مور شي ثواني م يتقرا (داكشي د "Auto Destruction") طيليشارجي "Snapmail" من هنا :
https://goo.gl/iccipn
فاش تآنسطالا غادي يتزاد بوطون حدا "Envoyer" مكتوب عليه "SnapSend"
******منقول*******
Free and unlimited email tracking for Gmail & Google Inbox. Real-time notifications and link tracking. Works in Chrome, Firefox and Opera.
