Kaleb Press

13/01/2024

በዓላት እሴቶቻቸውን ጠብቀው እንዲከበሩ ሁሉም የድርሻውን ሊወጣ እንደሚገባ ተጠቆመ

የአዲስ አበበ የፖሊቲካ ፓርቲዎች የጋራ ምክር ቤት የጥምቀት በዓል ሀይማኖታዊና ባህላዊ እሴቱን ጠብቆ በድምቀት ተከብሮ በሰላም እንዲጠናቀቅ የድርሻውን ለመወጣት በሚያስችሉት ጉዳዮች ላይ ተወያይቷል።

በዩኔስኮ በመመዝገቡ ከኢትዮጵያውያን አልፎ የዓለም ቅርስ የሆነው የጥምቀት በዓል እንደ ሌሎች አገራዊ በዓላት ሁሉ ወንድማማችነትና አብሮነትን በሚያጠናክር መልኩ እሴቱን ጠብቆ እንዲከበር ሁሉም የድርሻውን እንዲወጣ ጠይቋል።

ከበዓሉ እሴት የሚፃረሩ ከማንኛውንም እንቅስቃሴዎች በመታቀብ በዓሉ የታለመለትን ሀይማኖታዊ ባህላዊ እንዲሁም የአገርን መልካም ገፅታ የማጉላት ግብ እንዲመታ የተለመደውን አብሮነትን ማንፀባረቅ እንደሚገባም ተገልጿል።

ከፊታችን ጥር 10/2016ዓ.ም ጀምሮ በከተማችን በድምቀት የሚከበረው የጥምቀት በዓል ሃይማኖታዊ እና ባህላዊ ትውፊቱን ጠብቆ ያለምንም የፀጥታ ችግር እንዲከበር መንግስት ፀጥታን የማስከበር ሃላፊነቱን እንዲወጣ፣ ህዝባችንም ኢትዮጵያዊ ጨዋነቱንና መከባበሩን አስጠብቆ በሰላም እንዲጠናቀቅ የድርሻውን እንዲወጣ ምክር ቤቱ ከመልካም ምኞት ጋር መልዕክቱን አስተላልፏል።

13/01/2024

ወንድማማችነትና እህትማማችነትን ማጽናት ለህብረ ብሄራዊ አንድነታችን መሰረት ነው!

በህዝቦች መካከል ጸብ በመዝራት እና የልዩነትን አድማስ በማስፋት አገር ማጽናት አይቻልም፡፡ እርስ በእርስ መከባበር ትርፍ እንጂ ኪሳራ የለውም፡፡ ጥቅም እንጂ ጉዳት አያስከትልም፡፡ እርስ በእርስ የምንከባበረው አንዳችን ከሌላችን የምናገኘው ጥቅም ስላለ ብቻ ሳይሆን የማንነጣጠል ወንድማማቾችና እህትማማቾች ስለሆንም ነው፡፡

በአንድ ሀገረ መንግስት ጥላ ስር እየኖርን እርስ በእርስ የማንከባበር፣ የማንቻቻል እና የማንተባበር ከሆነ ውጥናችን ይሟሟል፤ ጅምራችንም ይኮሰምናል፡፡

ስለሆነም ህብረ ብሄራዊ ወንድማማችነት እና እህትማማችነት የሰላማችንና የደህንነታችን ብሎም የብልፅግናችን ቁልፍ እና አበይት ተግባር ነው፡፡ የችግሮቻችንን ሁሉ መፍትሄው ህብረ ብሄራዊ ወንድማማችነት እና እህትማማችነት ማጽናት ነው፡፡ ወንድማማችነትና እህትማማችነትን ማጽናት ለህብረ ብሄራዊ አንድነታችን መሰረት ነው፤

ተከባብረን እና ተፈቃቅደን በምንኖርባት ሀገር የህዝቦች ሰላምና ጸጥታ ተከብሮ የምንናፍቀውን ብልጽግናችንን እውን ለማድረግ እኛ ኢትዬጵያዊያን እርስ በእርስ ወንድማማችነትን እህትማማችነትን ይበልጥ በማጎልብት ህብረ ብሄራዊ እንድነታችንን ልናጸና ይገባል፡፡

12/01/2024

12/01/2024

03/01/2024

ታሪክ ከመዘከር ባለፈ ለትውልድ የሚተላለፍ ታሪክ ሆኖ የተገነባ በሁሉም መመዘኛ ምልዑነትን የተላበሰ የኛ ትውልድ አሻራ!

ኢትዮጵያዊያን እንደ ድር ተጋምደን ያስመዘገብናቸው በዓለም አደባባይ ከፍ ያደረጉን አንፀባራቂ ታሪኮች አሉን።

ለአፍሪካውያን እንዲሁም ለመላው ጥቁር ህዝቦች የነፃነት፣ የእኩልነትና የአትንኩኝ ባይነት አብነት የሆነው የአድዋ ድል የብሔር፣ የሀይማኖት እና መሰል ልዩነቶች ሳይገድቧቸው ሁሉም ኢትዮጵያዊያን አሻራቸውን ያሳረፉበት የወል ታሪካችን ነው።

አባት እናቶቻችን ደማቸውን አፍስሰው አጥንታቸውን ከስክሰው በጋራ ዘመን ተሻጋሪ ደማቅ ታሪክ ሰርተዋል፤ የጋራ ታሪካችንን በአብሮነት ለመዘከር ግን በረባ ባልረባው ስንነታረክ ቆይተናል።

የአዲስ አበባ ከተማ አስተዳደር አቧራ ተነስንሶበት የነበረው የአድዋ ድል ታሪክ ተገልጦ ወርቅነቱ እንዲታይ ለማድረግና በዓመት አንድ ጊዜ ከመዘከር ባለፈ ዓመቱን ሙሉ እንዲወሳ የሚያደርገውን ግዙፉን የአድዋ ዜሮ ዜሮ ኪሎ ሜትር ላለፉት የለውጥ ዓመታት ሲገነባ ቆይቷል።

ሙዚየሙ ሁሉም ኢትዮጵያዊያን የአድዋን ድል ታሪክ በአብሮነት እንዲዘክር የሚያስችል ቦታ ላይ ያረፈ ከመሆኑም በላይ ታሪኩን በተሟላ መልኩ እንዲዘክር ተደርጎ የተሰራ ከታላቁ የኢትዮጵያ ህዳሴ ግድብ ቀጥሎ ግዙፉ አገራዊ ፕሮጀክት ነው።

የአድዋን የድል ታሪክ ከአርበኞችና ከመሪዎች ነጥሎ ማየት ስለማይቻል በአድዋ ዜሮ ዜሮ ኪሎ ሜትር ሙዚየም በተገቢው መልኩ የሚዘከሩበት ዕድል ተፈጥሯል።

የአድዋን ድል ስናነሳ የፈረሶቻችን ውለታ ባናወሳ የአድዋ ተራሮችም ጭምር ይታዘቡናል። በመሆኑም በሙዚየሙ የፈረሶቻችንን አሻራ የሚዘክሩ የጥበብ ስራዎችም ተካተዋል።

የአርበኞቻችንን ድል ከፍ ከሚያደርጉ ምክንያቶች መካከል ዘመናዊ ጦር ታጥቆ የመጣውን ወራሪ ሀይል ጦር፣ ጋሻ፣ እና ጎራዴን በመሳሰሉ መሳሪያዎች በልበ ሙሉነት ገጥመው ድል ማድረጋቸው ነው።

በአድዋ ዜሮ ዜሮ ኪሎ ሜትር ሙዚየምም የመሰባሰቢያ አዋጁ የተጎሰመበትን ታሪካዊ ነጋሪት ጨምሮ ጋሻ እና ጦራችን በሚገባ እንዲዘከሩ ሆኗል።

የአርበኞቻችንን መውጣትና መውረድ ለማሳየት በአድዋ ሰንሰለታማ ተራሮች አምሳል የተገነባው የአድዋ ሙዜም ባረፉበት የጥበብ አሻራዎች ታሪክ ከመዘከር ባለፈ ለትውልድ የሚተላለፍ ታሪክ ሆኖ የተገነባ በሁሉም መመዘኛ ምልዑነትን የተላበሰ የኛ ትውልድ አሻራ ነው!

በብልፅግና ፓርቲ የአዲስ አበባ ቅርንጫፍ ፅ/ቤት

21/12/2023

20/12/2023

የብሔራዊነት ወርቃማ ትርክት ምሳሌ የሆነቸው የሁላችንም ከተማ!!

ከተማችን በአዲስ መንፈስ ታድሳ፣ ብሩህ ተስፋ ሰንቃ የአፍሪካ መዲና የሆነች ሁሉ ሚናፍቃት የብዝሀነት ማዕከል ናት። እንደ ስሟ እያበበች ያለችው አዲስ አበባ የጀመረችውን የተስፋ ጉዞ አጠናክራ በመቀጠል የኗሪዎችን ሁለንተናዊ ችግሮቿን ፈታ ውጥን ትልሞቿን አሳክታ ያቀደችዉን ብልፅግና አሳክታ በፈጣን እድገት ላይ የምትገች ውብ ከተማ ናት።

ፓርቲያችን ሊገነባው ለሚፈልገው የብሔራዊነት ትርክት ቀደምት ምሳሌ የሆነች የብሔር የሀይማኖት፣ የሀሳብ ብዝሀነትን በውስጧ አቅፋ በፍቅር በሰላም እና በአንድነት የምታኖር መሰባሰቢያ አውዳችን ናት!!

በከተማችን በብልፅግና ፓርቲ የሚመራው መንግስት የተለያዩ ሰው ተኮር ተግባራትን እየተገበረ ፣ የተለያዩ የገበያ ማእከላት፣ ትምህርት ቤቶች፣ ሆስፒታሎች፣ የመመገቢያ ማእከሎች፣ የወጣቶችን ጥያቄ ለመመለስ የተለያዩ የወጣቶች ማእከሎች እና የተለያዩ ስታዲየሞች እየገነባ ይገኛል።

የከተማችን አስተዳደር የኑሮ ውድነትን ለመቀነስ የክ/ከተሞች የእሁድ ገበያን በማቋቋም ህብረተሰቡ በቀላል ዋጋ የግብርና እና የኢንዱስትሪ ምርቶችን እንዲሸምቱ እየተደረገ ያለው ተግባር የሚበረታታ ነው።

ይህ ተግባር ፓርቲያችን በምርጫ ወቅት ለዜጎች ቃል የገባውን ሁሉንም አንድ በአንድ እየመለሰ መሆኑን የሚሳይ ነው።

የለውጡ አመራር በከተማችን ባስመዘገበው ዘርፈ ብዙ ተግባራት በአለም መድረክ የተለያዩ እውቅናዎችን እና ሽልማቶችን እየተቸሩን ይገኛሉ።

ከተማችን ሁለንተናዊ ብልፅግናን አረጋግጣ ለሁሉም ነዋሪዎቿ ምቹ እና ሁሉም ዜጎች በእኩልነት የሚኖሩባት ህብረብሔራዊ አንድነት የሰፈነባት ከተማ ሆኗ ትቀጥላለች።

17/12/2023

ብልፅግና ህዝብን የሚያዳምጥ፤ ለህዝብ የቀረበ ፓርቲ ነው!

የሁላችን ከተማ የሆነችው አዲስ አበባ የኢኮኖሚ፣ የባህል እና የፖለቲካ ማዕከል ከመሆኗም ባሻገር የአፍሪካ መዲና፣ የዓለም አቀፍ ተቋማት መቀመጫና የዲፕሎማቶች መሰባሰቢያ ከተማ ስትሆን በፓርቲያችን የሚመራው መንግስት የሀገራችንን ስብራቶች በማጤን ሀገራችንን ወደ ብልፅግና የሚወስድ የሀሳብ ፍኖት በመንደፍና ፓሊሲዎችን በመቅረፅ ለውጡን ወደ ፊት ለማራመድ ተጨባጭ ስራዎችን እያከናወነ ይገኛል፡፡

በሁለንተናዊ አሳታፊነት የሚያምነው ፓርቲያችን ብልፅግና በተለያየ ጊዜ ከተለያዩ የህብረተሰብ ክፍሎች ጋር በማህበረሰቡ አንገብጋቢ በሆኑ ጉዳዮች ላይ ቀርቦ የምክክር መድረኮች በማካሄድ ከህዝብ የሚነሱ ሀሳቦችና አስተያየቶችን መነሻ በማድረግ ህዝቡን የሚጠቅሙ ትላልቅ ስራዎች እያከናወነ ውጤትም እየታየበት ይገኛል።

ከተማችን አዲስ አበባ በርካታ ኢኮኖሚያዊ፣ ማህበራዊ እና ፖለቲካዊ ውጤቶችን እያስመዘገበች ትገኛለች፡፡ እነዚህ ውጤቶች ሊመዘገቡ የቻሉት አስተዳደሩ ከመቼውም ጊዜ በላይ ከህዝቡ ጋር ተቀራርቦ በቅንጅት መስራት በመቻሉ ነው፡፡

በዛሬው ዕለትም በከተማ አስተደደሩ ስር በሚገኙ በሁሉም ወረዳዎች የንግዱ ማህበረሰብ ያሳተፈ "የዘመነ የንግድ ስርዓት፣ ለላቀ ገቢ እድገት!" በሚል መሪ ሀሳብ የውይይት መድረክ እየተካሄደ ይገኛል።

በብልጽግና የሚመራው የከተማ አስተዳደሩም የንግዱን ዘርፍ ለማዘመንና የከተማውን የእድገት ደረጃ የሚመጥን የንግድ እንቅስቃሴ እንዲኖር ከንግዱ ማህበረሰብ ጋር በጋራ እየሰራ ሲሆን የንግዱ ማህበረሰብም በከተማው የሚታየውን የንግድ እንቅስቃሴ የማዘመን ስራ በአዎንታ በመቀበል ለተፈጻሚነቱ የድርሻቸውን እየተወጡ ይገኛሉ፡፡

ስለሆነም በንግዱ ዘርፍ የሚስተዋለው አንዳንድ ህገ ወጥነትና ኮንትሮባንድ ህጋዊ የንግድ አሰራርን በከፍተኛ ሁኔታ የሚያቀጭጭ በመሆኑ ህጋዊ አሰራርን ተከትለው የሚሰሩ
ታማኝ ግብር ከፋዮችን የሚያበረታታ የንግድ አሰራር በመዘርጋትና በህገ ወጥነት ላይ የሚሳተፉትን አስተማሪ አስተዳደራዊና ህጋዊ እርምጃ በመውሰድ ለበለጠ ስኬት መትጋት ያስፈልጋል፡፡

ፓርቲያችን ብልፅግና ህዝብን የሚያዳምጥ፤ ለህዝብ የቀረበ ፓርቲ ሆኖ ይቀጥላል!

15/12/2023

ኢትዮጵያ ሲባል አንድ እንሁን ‼️ "ለምንለያይበት ሳይሆን ለምንገናኝበት፣ ለምንገፋፋበት ሳይሆን ለምንሳሳብበት፣ ለምንሻኮትበት ሳይሆን ለምንተባበርበት ቅድሚያ ሰጥተን፣ አንድ ትልቅ ሕዝብ እንሁን፡፡ ከልዩ ልዩ ቦታ ብንመጣም፣ ልዩ ልዩ ማንነት ቢኖረንም፣ የተለያየ ቋንቋ ብንናገርም፣ የተለያየ ሃይማኖት ብንከተልም፣ ኢትዮጵያ ሲባል አንድ እንሁን፡፡"

የብልፅግና ፓርቲ ፕሬዚዳንት ዶ/ር ዐብይ አህመድ

15/12/2023

ሀገራዊ ገዥ ትርክት በመፍጠር አብሮነታችንን ማጠናከርና አገራችንን መገንባት የሁላችንም ሃላፊነት ነው!

በኢትዮጵያ የህዝብን አንድነት የሚያጠናክር አሰባሳቢ ትርክት መገንባት ላይ በአግባቡ ባለመሰራቱ ዜጎች በተለያዩ ጊዜያት ዋጋ ሲከፍሉ ቆይተዋል። ልዩነቶችን ቁጭ ብሎ ተነጋግሮ መፍታት አለመቻል ዜጎችን ለሞት፣ ለመፈናቀልና ለንብረት ውድመት ሲዳርጋቸው ይስተዋላል።

በመሆኑም ብዝሃነትን ማዕከል ያደረገ አሳባሳቢ ትርክት መገንባት ለኢትዮጵያ ሁለንተናዊ እድገትና ብልፅግና ወሳኝ ሚና ያለው በመሆኑ የተቃርኖ ገጽታዎችን በማከም፣ ልዩነትን በማጥበብና ስብራትን በመጠገን ሀገርን በሚያጸና አሰባሳቢ ትርክቶች ላይ አተኩረን መሥራት ይገባል።

ኢትዮጵያ ውስጥ የተፈጠሩና እየተፈጠሩ ያሉ ችግሮች ዋነኛው መነሻቸውና አባባሽ ጉዳይ ነጠላ ትርክት መሆኑንና አንድ አገር የሚጸናው በአገሪቱ በተገነባው የጋራ ትርክት መሆኑን በመረዳት ሁሉም ኢትዮጵያውያን በተለይም ወጣቱ ትውልድ የተናጠል ትርክት ሰለባ እንዳይሆን ወላጆችና ማሕበረሰቡ ብዝሃነትን ማዕከል ባደረገ መልኩ ለአሰባሳቢ ትርክት ቅድሚያ በመስጠት የሚያግባባንን አሰባሳቢ የጋራ ትርክት ማጉላት ይጠበቅብናል።

ትርክት በራሱ እርግማንም ምርቃትም አይደለም የትርክት ጠቀሜታ እድል ብቻ ነው እድል ማለት አሁን ያገኘነው የመደመር ትውልድ ትርክት ይህ ትርክት በሁሉም እና ለሁሉም የሆነ ብሔራዊነት ማለታችን ቀለመ ብዙ አንድነት በአንድነት ቀለመ ብዝሀነት ማለታችን ነው። የኢትዮጵያ ሎአላዊነት፣ ህብረ-ብሔራዊ (ወንድማማችነትን እና እህታማማችነት)፣ የዜጎች ክብር እንዲሁም በሀገር ሁለተናዊ ብልፅግና በመስፈንጠር የተመረጡ ገፆቻችን ናቸው።

የመደመር ትውልድ ስንኖር ኢትዮጵያዊ ስንሞት ኢትዮጵያ የሚል ትርክት ፈጥረናል ። ኑ አብረን እንጋራው ብለናል። የፈጠርናት አዲስ ሀገር ባትኖርም በአዲስ ትርክት አዲስ ሀገራዊ ለውጥ፣ ብሔራዊ እይታ ፣ አቃፊ ትውልድ ወጀብ የማይንደው ኢትዮጵያዊነት ማለታችን ነው።

03/10/2023

Irreechi Madda Qaroomina Oromootati!
ኢሬቻ የኦሮሞዎች የሥልጣኔ ምንጭ!
Irecha is the source of Oromo civilization!
⚫️🔴⚪️

03/10/2023

Irreechi Mallattoo Tokkummaa fi Nageenyaati!
ኢሬቻ የአንድነትና የሰላም ምልክት ነው!
: A Symbol of peace and Unity!
⚫️🔴⚪️