22/11/2023
အာရက္ခပြည် ပေါက်တောမြို့မှာ စစ်ကောင်စီက လူသားဒိုင်းအနီနန့် ဓါးစာခံ ဖမ်းဆီးထားရေ သံဃာတော်တိအပါအဝင် အာရက္ခပြည်သူ ၁၀၀ နီးပါးကို ရခိုင့်တပ်တော်က ကယ်ထုတ်
Akyab News| November 22
ရခိုင်ပြည်နယ်၊ ပေါက်တောမြို့နယ်မှာ စစ်ကောင်စီက လူသားဒိုင်းအနီနန့် ဓားစာခံ ဖမ်းဆီးထားရေ သံဃာတော်တိအပါအဝင် အာရက္ခရခိုင်ပြည်သူ ၁၀၀ နီးပါးကို ရခိုင့်တပ်တော် (AA) က ကယ်ထုတ်ခကြောင်း ရခိုင့်တပ်တော် က တရားဝင် ထုတ်ပြန်ပြောဆိုပါရေ။
နိုဝင်ဘာလ ၂၁ ရက်နိ၊ မွန်းတည့် ၁၂ နာရီ ၀၂ မိနစ်လောက်က အာရက္ခပြည်၊ ပေါက်တောမြို့ အတွင်း နိန်ရာတချို့နန့် လောကထိပ်ပန်ဘုရားကုန်းရို့မှာ စစ်ကောင်စီတပ်နန့်ရက္ခိုင့်တပ်တော် (AA) ရို့ မြိုတွင်း တိုက်ပွဲဖြစ်ပွားခပနာ၊ စစ်ကောင်စီက ပေါက်တောမြို့က ရဟန်းသံဃာ အပါအဝင် အာရက္ခပြည်သူလူထု ၁၀၀ နီးပါးကို ဓါးစာခံနန့် လူသားဒိုင်းကာ လုပ်ဖို့ ပြန်ပီးဆွဲထားစွာ ၆ရက်ဟိယာလို့သိရပါရေ။ ယေဇုနန့် ရခိုင့်တပ်တော်က အာရက္ခပြည် ပေါက်တော်ြမို့ထဲက စစ်ကောင်စီတပ်ဖွဲ့တိဟိရေနိန်ရာတိကို ရဲရဲဝံ့ဝံ့ဝင်ပနာ တိုက်ခိုက်ပြီးကေ စစ်ကောင်စီက ဖမ်းဆီးထားရေ အာရက္ခပြည်သူတိကို အန္တရာယ်စိလေ့မဟိစီရဘဲ ကယ်ထုတ်ဖို့ ကြိုးစားစွာကနိန် တိုက်ပွဲအကြီးအကျယ်ဖြစ်ခကတ်ပါရေ။ ဒေတိုက်ပွဲမှာ စစ်ကောင်စီတပ်ဖွဲ့ဝင်တိ အထိနာ၊အကျဆုံးများပြီးကေ လက်နက်ခဲယမ်းတိအများကြီးကိုလေ့ ရခိုင့်တပ်တော်က သိမ်းဆည်းရမိရေလိုသိရပါရေ။ စစ်ကောင်စီက လေကြောင်း၊ ရီကြောင်းကနိန်ပြီးကေ လက်နက်ကြီးတိ၊ အတွဲလိုက်ဒုံးတိနန့် တိုက်ပွဲဖြစ်ပွားရေနိန်ရာတိကိုပါ၊ ပေါက်တောမြို့ထဲကိုပါ ရမ်းသမ်းပနာပစ်ခတ်နိန်စွာတိကို ရခိုင့်တပ်တော်အနိန်နန့် ထိထိရောက် လက်တုံ့ပြန်လားဖို့လို့ ရခိုင့်တပ်တော်က ပြောဆိုထားပါရေ။
News
#အာရက္ခပြည်ကို အာရက္ခပြည်သူပြည်သားတိ ဝိုင်းဝန်းကာကွယ်ကတ်ပါမေ။
#ရခိုင့်တပ်တော်ကို အာရက္ခပြည်သူပြည်သားတိ ဝိုင်းလို့ကူညီကတ်ပါမေ။
