11/12/2023
~Buwan~
Lumipat na naman ang oras sa orasan
Isang araw na naman ang lumisan
Kagandahan mo'y muling masisilayan
Hatid nito saaki'y katahimikan
Hugis bilog sa kataasan
Tila mundong walang katapusan
Sa gabing puno ng kalungkutan
Mga problemang di mapigilan
Tila matang ako'y pinagmamasdan
Mga paa't kamay handa akong gabayan
Nakatago man kung minsan
Alam ko'y ika'y laging nariyan
Pag-asang nais makamtan
Liwanag mo'y naging sandigan
Lakas ko'y ikaw ang pinagmulan
Sa mga oras na ako'y pinanghihinaan
Tanglaw na mula sa kalawakan
Bagay na di man mahawakan
Kapayapaa'y akin namang naramdaman
Salamat sayo, oh aking buwan!
-Hachi
