24/04/2017
රත්නපුර පැරණි දුම්රිය ස්ථානය
මෙය මෙම පිටුවට අදාල නොවුනද කැළණිවෙලි දුම්රිය මාර්ගය හා සම්බන්ධ අතීතයේ පැවති ප්‍රධාන දුම්රිය ස්ථානයක් නිසත් බොහෝ දෙනෙක් මේ පිලිබඳව නොදන්නා නිසාත් මෙම post එක පල කිරීමට සිතුවෙමි.
මෙහි දැක්වෙන්නේ පැරණි රත්නපුර දුම්රිය ස්ථානයයි.ඕපනායක් දක්වා කැළණිවෙලි දුම්රිය මාර්ගය තිබූ කාලයෙහි රත්නපුර දුම්රිය ස්ථානය මෙම මාර්ගයේ පැවති ප්‍රධාන දුම්රිය ස්ථානයක් විය.මෙහි එකල දුම්රිය ධාවනාගාරයක්ද තිබී ඇත.එමෙන්ම මෙම දුම්රිය ස්ථානය එකල ප්‍රමාණයෙන් විශාල දුම්රිය ස්ථානයක් බව චායාරූප වලින් දැකගත හැක.වරථමානයේ මෙම පැරණි දුම්රිය ස්ථානය රත්නපුර බස් නැවතුම්පොල වශයෙන් භාවිත කෙරේ.නමුත් දුම්රිය ස්ථානයට සම්බන්ධ ඇතැම් පැරණි ගොඩනැගිලි තවමත් දක්නට ලැබේ.වරථමාන බස් නැවතුම්පොලෙහි නව නගරය, ඇඹිලිපිටිය, කහවත්ත, රෝහල යන බස් රථ නවත්වන කොටසෙහි දක්නට ඇත්තේ මෙම පැරණි දුම්රිය ස්ථානයේ කොටසයි.මෙහි ඇති පළමු චායාරූපය ගොඩක් පැරණි වන අතර ඉතිරි චායාරූප තුනෙහි ඇත්තේ 1975 හා ඒ අවට කාල සීමාවන්වල චායාරූප වේ.මෙහි අවසානයට ඇති චායාරූපයෙන් දැක්වෙන්නේ එකල පැවති දුම්රිය ධාවනාගාරයයි.
මෙම post එක මගින් ඔබ නොදත් දේවල් දැන ගත්තා යැයි සිතමි.මෙම post එකෙන් ඔබ යම් දෙයක් දැන ගත්තා නම් පිටුවට like එකක් එකතු කරන්න.ඔබේ අදහස්ද ප්‍රකාශ කරන්න.
සැ.යු. :- මෙහි ඇති සියලුම චායාරූපවල අයිතිය ඒවායේ මුල් හිමිකරුවන්ට හා පසුව පල කල පුද්ගලයින්ට හිමිවිය යුතුය.
