05/04/2024
لعشران بالنسبة ليا إلا خيروني بين المنتخب يربح كأس إفريقيا جاية ولا يعاود يوصل لنصف نهائي المونديال في مريكان
غانفضل نصف نهائي
هادي لقناعة ديالي
حيت إلى عاودتي نفس الإنجاز صافي غادي تقييد عليك منتخب عالمي
راه كأس إفريقيا عندو رمزية و مهم بالنسبة لينا ولكن حتى حاجة ماكتقارن بالمونديال
كوت ديفوار ربحات الكاس تاحد ماتسوق ليها
الإنجاز ديال المنتخب العالم دوا عليه و غاع الصحف العالمية كتبات عليه
غاتمشي تسول واحد في اليابان ولا سيريلانكا غايعرف المنتخب المغربي ، أما إلا سولتيهم على شكون ربح الكان محال يعرفوه
هاد صورة لي التحت كاتبين شحال هاد الإنجاز صعيب و بنادم كي حاول يقلل منو
راه في جميع نسخ ديما كاتلقى نفس المنتخبات من غير نسخة كوريا
تخيلو إسبانيا بلاد الكرة و صلات لنصف غير جوج مرات في تاريخها و في مرة منهم ربحاتو، البرتغال حتى هي غير جوج مرات واا نغليز فين تخلقات كورة و غير تلاتة المرات
(هاد البوصط درتو غير باش بنادم مايقللش من هاد الإنجاز و نحاولو نخليوه في قيمتو و لكن في نفس الوقت خاصنا نفكرو في الحاضر و المستقبل )
