06/11/2023
🛑Beny chans 🛑
👉Pataje ! Pataje ! Pataje pou enfòme yon lòt Moun
Anpil Moun pa konnen kisa ki yon beny chans , gen anpil Moun ki panse lè yo pran yon beny chans se lajan yo pral ramase atè San travay. Yon beny chans se yon beny ou pran pou lavi , se yon beny ou pran pou mete enèji pozitiv sou ou , si beny giyon retire movèz enèji sou ou , beny devosyon an pirifye w pou prepare kò w pou w resevwa nouvèl enèji a ki se beny chans lan, Ou paka leve w chwazi di w pral bay tèt ou yon beny chans san w pa konnen sous blokaj ou , beny chans lan la pou ede w retwouve enèji Pwòp ke w te pèdi a men beny chans pa pral fè w ramase lajan atè san w pa travay, beny chans la pou fè Moun wè w paske te nan fènwa ou vin nan limyè , si'w pral postule pou yon travay ou gen plis chans pou yo rele w ke yon lòt ki chaje giyon sou li , si w nan yon travay ou gen giyon sou ou menm ke lè w te konpetans si yap bay yon pwomosyon se pa ou yap wè pou yo bay li, ou konn wè w nan yon travay Moun ki vin aprè w jwenn pwomosyon epi w la ou pa janm jwenn anyen ou nan fènwa kijan yo pral fè wè w si chandèl ou etèn , gen Moun depi w site nom li nan yon bagay li tou bloke sa se Moun ki gen gwo devèn giyon sou li.
Pou Zafè beny chans pa gen yon fòmil pou bay beny chans , Chak lakou /Chak Bitasyon gen règleman yo , paske Kay Ougan Jak yo te ba w li yon jan, Kay manbo Liline yo ba w li yon lòt fason sa pa vle di li pa bon, gen lakou se dòmi reve ki fè li , tout sa Moun nan ap fè se nan dòmi yo vini pale avèk li , nan vodou a gen plizyè ritm , Chak Ougan/Manbo travay sou ritm pa yo , se pa tout Ougan /Manbo ki fèt avèk lwa yo , gen Moun se lwa yo ale achte oswa yo achte yon dyab pou yo travay, gen Moun ki travay sèlman avèk dyab, gen lòt ki se bon ginen ki vin melanje ginen + dyab, gen lòt se ginen 100% ki pa melanje nan anyen , ginen an travay li lan men wap jwenn rezilta nòmal e rezilta w ap dire , men dyab la travay li rapid fò w toujou ap chofe pwen , anpil Moun Ougan ba yo pwen yo panse se beny chans , Ginen an pran lajan medikaman nan men w li travay aprè li fè pri travay li lè w jwenn rezilta ou vin peye , lè w rive sou ginen an wap gentan konnen li , li chaje lwa, tout nasyon yo reyini , ou pap tande nom lwa dwòl, Chak lwa gen travay pa yo Lakay ginen an , ginen trete w avèk fèy nan bwa, ginen pa nan ba w beny dlo santi, se bon parfum lap itilize nan beny chans li...
Nòmalman pa Okipe okenn Moun ki di w ou ka pran beny sa yo pou kont ou san yon "Guide spirituel" , ou ka toujou fè afè w gade si w pap rete menm jan an.
PS: Beny chans pa gen Zafè konyen pou Moun transmèt ou enèji... Sispann panse lè w pran yon beny chans se lajan w pral ramase atè men ou jis gen avantaj sou lòt Moun ki Giyonnen , CV pa w la se li yo wè... , gen Moun ki pa janm ka reyisi konkou , egzamen akademik , egzamen bawo...etc se yon beny ki debloke yo aprè plizyè echèk...
