16/10/2023
මෙරට වෛද්ය ක්ෂේත්රය තුළ රෝගී ප්රතිකාර වෙනුවෙන් සිදුකරන කැප කිරීම ඇත්තෙන්ම ප්රශංසනීයයි..
ඒ වෙනුවෙන් අලුත් අලුත් දේවල් අත්හදාබලන එක සාමාන්යයි...
මේ කියන්න යන්නෙත් අන්න ඒ වගේ කතාවක්.... මේ කතාව අපට ඇහෙන්නේ අනුරාධපුර රෝහලෙන්...
පූර්ණ නිර්වින්දනයට ලක් නොකර අවම නිද්රාශීලි තත්ත්වයේ සිටියදී රෝගියෙකුගේ මොළයේ ගෙඩියක් ඉවත් කිරීමේ ශල්යකර්මයක් අනුරාධපුර ශික්ෂණ රෝහලේ ස්නායු ශල්ය අංශය මගින් පසුගියදා සිදු කෙරුණා....
මෙරට රජයේ රෝහලක මෙවැනි ශල්යකර්මයක් සිදුකර ඇත්තේ පළමු වරටයි....
ශල්යකර්මය සිදුකර ඇත්තේ අනුරාධපුර ශික්ෂණ රෝහලේ ස්නායු ශල්ය විශේෂඥ වෛද්යවරුන් වන වෛද්ය මධුශංක ගෝමස්, වෛද්ය රොහාන් පාරිස් සහ නිර්වින්දන විශේෂඥ වෛද්යවරුන් වන වෛද්ය ලෙවන් කාරියවසම්, වෛද්ය විශාඛා කර්නර් යන කණ්ඩායම විසින්....
මෙලෙස ශල්යකර්මයට භාජනය වූයේ අනුරාධපුර නොච්චියාගම ප්රදේශයේ පදිංචි 36 හැවිරිදි සමන් ජයසිංහ නමැති පුද්ගලයෙක්...
ඔහු වෘත්තියෙන් බුදු පිළිම ඇතුළු වෙනත් ප්රතිමා නිර්මාණය කරන ශිල්පියෙකු ද වනවා...
ඔහුගේ වම් මොළයේ ඉදිරිපස, ශරීරයේ දකුණු අර්ධයෙහි ක්රියාකාරකම් පාලනය කරන ප්රදේශය ආසන්නයේ හටගත් ගෙඩියක් ඉවත් කිරීම මෙම ශල්යකර්මයේ අරමුණ වුණා...
මෙවැනි සංකීර්ණ ශල්යකර්මයක් සිදුකිරීමේදී සාමාන්යයෙන් රෝගියා සම්පූර්ණයෙන්ම සිහි මුර්ජා තත්ත්වයට පත්කිරීම සිදු කෙරෙන නමුත් මෙම ශල්යකර්මයේදී රෝගියා සම්පූර්ණයෙන් නිර්වින්දනය නොකෙරුණු අතර, වේදනාවක් නොදැනෙන පරිදි අවම නිද්රාශීලී තත්ත්වයකින් එය සිදු කෙරුණු බවයි වෛද්යවරුන් පැවසුවේ...
මෙම ශල්යකර්මයට භාජනය වූ ප්රතිමා නිර්මාණ ශිල්පී සමන් ජයසිංහ ශල්යකර්මය අතරතුරදී නෙළුම් මලක් චිත්රයට නැගුවේ වෛද්යවරුන් කණ්ඩායම ද පුදුමයට පත්කරමින්...
ශල්යකර්මය අතරතුරදී රෝගියා සමග නිරන්තරයෙන් කතාබස් කරමින්, ඔහුගේ මතකය පරීක්ෂා කිරීම, දකුණු පස අත හා කකුල චලනය වැනි ක්රියාකාරකම් අතරතුර මොළයේ ගෙඩිය ඉවත් කිරීම සිදුවුණා...