Jigawa online

  • Home
  • Jigawa online

Jigawa online Contact information, map and directions, contact form, opening hours, services, ratings, photos, videos and announcements from Jigawa online, .

05/06/2024

ASSALAM ALAIKUM

YAU LARABA

28 GA ZUL QIDAH 1445

05/06/2024

🇳🇬Shugaban kasa Bola Ahmed Tinubu ya dauki matakin gaggawa kan mafi ƙarancin albashin ma'aikata a Najeriya Tinubu ya ba ministan kudi, Wale Edun umurnin tattaro da gabatar da sabon tsarin mafi ƙarancin albashi da gaggawa Umurnin ya zo ne jim kaɗan bayan kungiyoyin NLC da TUC sun janye yajin aiki na mako guda domin cigaba ta tattaunawa

🇳🇬Jam’iyyar APC reshen jihar Osun ta yi hannun riga da tsohon gwamnan jihar, Rauf Aregbesola.

Haka zalika, APC ta yi karar Aregbesola ga kwamitin zartarwa na jam’iyyar na kasa.

Jam'iyyar dai na zargin tsohon ministan Buhari da gudanar da ayyukan zagon kasa.

🇳🇬Dakarun sojoji sun samu gagarumar nasara kan ƴan ta'adda a yankin tafkin Chadi.

Jami'an tsaron sun hallaka miyagu 140 bayan sun kai musu hare-hare.

Wasu daga cikin masu tayar da ƙayar bayan sun miƙa wuya bayan sun sha wuya.

🇳🇬Aƙalla maniyyata sama da 4,000 ne daga Jihar Kaduna da za su yi aikin Hajjin bana aka kammala jigilarsu a jihar.

Kashi na ƙarshe na maniyyatan sama da 300 sun tashi tare da Amirul Hajj na jihar, kuma Sarkin Lere, Injiniya Sulaiman Umar, da sauran jami’ai.
Jirgin Max Air, da aka ware ne don jigilar alhazan Kaduna ya kammala jigilar tasu.

A halin da ake ciki, Gwamna Uba Sani ya yaba wa jami’an hukumar jin daɗin alhazai, bisa jajircewarsu wajen ganin an samu nasarar aikin hajjin 2024.

🇳🇬Mutane 3 sun hallaka sak**akon fashewar tankar mai a gadar Saman Obiri zuwa Ikwerre dake kan hanyar gabas zuwa yamma ta birnin Fatakwal, fadar gwamnatin jihar Rivers a yau Talata.

Al’amarin daya afku da misalin karfe 9 da rabi na safiya ya hada da wata tanka da ake zargin tana dauke ne da iskar gas wacce ta latse wata karamar mota tare da tarwatsewa a yayin da take kokarin shiga shatale-tale.

🇳🇬NDLEA ta k**a riƙaƙƙen dilan ƙwaya a Sokoto

Hukumar hana sha da fataucin miyagun kwayoyi ta kasa NDLEA reshen jihar Sokoto, ta k**a Musa Arzika dan shekaru 65 da haihuwa, bisa zarginsa da mallakar kilogiram 12.7 na tabar wiwi da kuma tiramol giram 12.

Kwamandan NDLEA na jihar, Adamu Iro ne ya bayyana haka a wata tattaunawa da manema labarai a Sokoto ranar Talata.

A cewarsa, an k**a wanda ake zargin ne a cikin tungar ‘yan ta’adda a yayin wani samamen da jami’an rundunar ‘yan sandan jihar s**a yi a ranar Litinin, tare da goyon bayan wasu sojojin Najeriya.

Ya ce an k**a Arzika, wanda ke da matsalar ji a gidansa da ke karamar hukumar Gada a jihar.

“Babban abin da ke damun shi shi ne shekarun wanda ake zargin da kuma yankin da aka k**a shi, wanda aka sani cewa tungar ‘yan bindiga ce a jihar.

“Ba za mu iya yin watsi da gaskiyar cewa mafi yawan wadanda ake zargin su ne ke ba ‘yan bindiga da abubuwa masu hadari da ke taimaka musu muggan ayyukansu ba.

“A yau, muna fuskantar manyan kalubalen tsaro a Sakkwato kuma muna sane da cewa ‘yan bindiga sun sake sabunta hare-haren su kan ‘yan kasa da ba su ji ba ba su gani ba.

"A bayyane yake cewa shaye-shayen miyagun kwayoyi da 'yan fashi suna da alaka da juna yayin da kwayoyi ke taka muhimmiyar rawa a irin wadannan ayyukan," in ji shi.

Shugaban hukumar ta NDLEA na jihar ya kara bayyana wanda ake zargin a matsayin “baron kwaya kuma dila, wani bangare na kurame”.

"Duk da haka, duk da yanayin da yake ciki, ya ci gaba da yin ayyukan da ba bisa ka'ida ba," in ji Iro.

Ya kara da cewa wanda ake zargin ya kasance a kan radar Rundunar, kuma ya ba da bayanai masu amfani game da ayyukansa da hanyoyinsa

DAGA ƘASASHEN WAJE

🌍🗞️ Shugaba Joe Biden, wanda ke kara s**ar yadda Isira’ila ke yaki da mayakan Hamas a Gaza da kuma yawan mutuwar Falsadinawa, a wata sabuwar hira da aka yi da shi ya ce akwai “kwakkwarar hujjar” da za’a iya cewa Firaiminista Benjamin Netanyahu ya jawon rikicin ne don ya samu ceton kan sa a siyasance.

🌍Wani dan kasar Afrika ta Kudu ya bayyana a gaban kotu a jiya Talata bisa zargin daba wa wata mace wuka har lahira tare da raunata mijinta da danta saboda ra’ayinsu na goyon bayan Falasdinu.
.,................----------___
Allah ya haɗa mu da alherin wannan rana ta Laraba.Allah ya gafarta mana mu da iyayen mu.
-------------.........-------
MUHAMMAD AUWAL SULEIMAN DUTSE

23/05/2024

ASSALAM ALAIKUM

YAU ALHAMIS

15 GA ZUL QIDAH 1445

23 GA MAYU 2024

🇳🇬Shugaba Bola Tinubu zai tafi Chadi a yau Alhamis domin halartar bikin rantsar da Mahamat Déby a matsayin shugaban ƙasar.

Mai bai wa shugaban ƙasar shawara na musamman kan harkokin yaɗa labarai, Ajuri Ngelale, ne ya bayyana hakan a wata sanarwa da ya fitar a jiya Laraba.

🇳🇬Ministan Yaɗa Labarai da Wayar da Kai, Mohammed Idris, ya ce ba za a yi wani gagarumin biki a ranar cikar gwamnatin Shugaban Ƙasa Bola Tinubu shekera ɗaya ba.

Idris ya bayyana haka ne a taron manema labarai na ministoci a ranar Laraba a Abuja.

A cewar sa, matakin ya yi daidai da muradin Tinubu na yi wa ƙasa hidima, da kuma amfani da albarkatun ƙasa yadda ya k**ata domin amfanin ɗaukacin ‘yan Nijeriya.

Ya ce, “Ba za a yi gagarumin biki a ranar cikar gwamnatin shekara ɗaya ba, ba za a yi biki ba, ma’aikata daban-daban ne za su gabatar da jawabai.

🇳🇬Yayin da aka yi ta cece-kuce kan nadin na hannun daman Nyesom Wike, Shugaba Bola Tinubu ya janye nadin da ya yi Tinubu ya maye gurbin Chukwuemeka Woke da Dakta Adedeji Ashiru a matsayin daraktan hukumar Ogun-Osun River Basin Yayin da Tinubu ya ji korafe-korafen jama'a, ya mayar da Woke zuwa hukumar da ke kula da mai ta NOSDRA

🇳🇬Wata Babbar Kotun Tarayya da ke Abuja, ta bayar da belin tsohon kwamandan rundunar leken asiri ta ’yan sandan Nijeriya, DCP Abba Kyari bayan shafe watanni 27 yana tsare.

Da wannan dama ta belin makonni biyu da kotun ta bai wa tsohon jajirtaccen ɗan sandan, zai halarci zaman makokin mahaifiyarsa, Yachilla Kyari da ta riga mu gidan gaskiya a bayan nan.

🇳🇬Majalisar Dokokin Katsina ta gargaɗi kamfanin sadarwa na MTN dangane da yawan ɗaukewar sabis ba tare da yi wa al’umma wani gamsasshen bayani ba.

Majalisar na bayyana takaicinda cewa yawan ɗaukewar sadarwar na cutar da kasuwanci da zamantakewar al’ummar jihar.

🇳🇬Majalisar Dokokin Jihar Kuros Riba ta tsige kakakinta, Honarabul Elvert Ekom Ayambem a jiya Laraba.

Honarabul Effiong Ekarika mai wakiltar Calabar ta Kudu 1 ne ya gabatar da ƙudirin tsige kakakin yayin da Omang Omang mai wakiltar Ƙaramar Hukumar Bekwara ya goyi bayansa.

Bayanai sun ce mambobin majalisar 17 daga cikin 25 ne s**a amince da tsige kakakin nata sak**akon zarginsa da ɓarnatar da kuɗi, rashin kiyaye dokokin majalisar da sauransu.

🇳🇬Gwamnatin Kano ta kafa wani kwamitin da zai bincike mummunar faduwa da daliban jihar kimanin 103,777 s**a yi a jarrabawar 'qualifying' da ya kammala a baya-bayan nan Daliban aji biyar, wato SS2 a makarantun gwamnati na rubuta jarrabawar domin neman hukuma ta dauki nauyin su rubuta jarrabawar WAEC ko NECO idan sun yi nasara Ana bukatar akalla dalibi ya yi nasara a darussa biyar ciki har da lissafi da turanci, sai dai a wannan karon an samu bullar labarin mummunar faduwa domin dalibai 28, 333 ne kawai su ka yi nasara.

🇳🇬 An kori wasu ɗalibai ƴan Najeriya daga makaranta tare da ba su umarnin barin Birtaniya saboda gazawa wajen biyan kuɗin makaranta sak**akon faɗuwar darajar kuɗin ƙasar tasu naira.

Hakan dai ya faru ne a Jami'ar Teesside, wadda ta dakatar da ɗaliban daga shiga aji saboda rashin biyan kuɗin makaranta a kan lokaci.

Wasu daga cikin waɗanda lamarin ya shafa sun shaida cewa, matakin Jami'ar ya sanya sun ji k**ar su kashe kansu, inda s**a zargi jami'ar da ɗaukar mataki na rashin tausayi

🇳🇬Rundunar hadin guiwar jami’an tsaro ta ceto wani yaro dan shekara biyu da kuma wasu mata ’yan kasuwa 11 da ’yan bindiga s**a sace a Jihar Kwara.

An yi garkuwa da mutanen ne a hanyar Ajase zuwa Ipo bayan an yi musu kwanton bauna da dare a lokacin da suke dawowa daga kasuwar Oke-Ode da ke Ifelodun, inda s**a je kasuwanci a Larabar da ta gabata.

An ce ’yan kasuwar sun fito ne daga yankunan Offa, da Yaaru da kuma Ikirun da ke jihohin Kwara da Osun

🇳🇬Ana zargin ɗan China ya kashe wata 'yar Najeriya saboda ta ki amincewa su yi soyayya.

An ce dan kasar Sin din ya tunkudo Miss Ocheze Ogbonna daga kan wata babbar mota.

Wannan dai na zuwa ne bayan da a baya wani dan China ya sheke masoyiyarsa a Kano.

DAGA ƘASASHEN WAJE

🌍Aƙalla Falasɗinawa 35,647 ne aka kashe tare da jikkata 79,852 a hare-haren da Isra’ila ke kaiwa a Zirin Gaza tun ranar 7 ga watan Oktoba, in ji ma’aikatar lafiya ta ƙasar.

Ma’aikatar ta ƙara da cewa an kashe mutane 85 tare da jikkata wasu 200 a cikin sa’o’i 24 na baya-bayan nan zuwa ranar Talata

🌍Kungiyar fafutikar ’yancin Palasdinawa (PLO) ta sanar cewa, kasashe 130 daga cikin mambobin Majalisar Dinkin Duniya 193 sun amince da ba wa kasar Palasdinu cikakken ’yanci, k**ar yadda kafar yada labarai ta CNN ta ruwaito.

Kazalika, manyan kasashen Turai uku, Spain, Norway da Ireland sun janye jakadunsu daga kasar Isra’ila kan yakin da take da kuma kashe Palasdinawa a Zirin Gaza.

Firaministan Ireland, Harris Simon, shaida wa taron manema labarai a birnin Dublin a ranar Laraba, cewa kasashe ukun sun yi itifakin mu’amala da Palasdinu a matsayin kasa mai cikakken ’yanci

🌍Firaiministan Birtaniya Rishi Sunak ya sanar da cewa zai rushe majalisar zatarwar ƙasar a mako mai zuwa gabanin zaɓen ƙasar da za a gudanar a ranar huɗu ga watan Yuli.

Hakan na zuwa ne kwana guda bayan cece-ku-ce da raɗe-raɗin da aka riƙa yi, bayan hauhawar farashi a ƙasar ta kai wani mataki da ba ta taɓa kaiwa ba cikin shekara uku.

Jam'iyyar da ke mulkin ƙasar ta ƴan mazan jiya za ta shiga zaɓen yayin da take baya a ƙuri'ar jin ra'ayin al'umma, yayin da jam'iyyar Labour take gaba.

Jam'iyyar Conservatives ta kwashe shekara 14 a jere tana jagorancin ƙasar ta Birtaniya

🌍Ɗaruruwan Isra'ilawa sun yi zanga-zanga a ƙofar ofishin Firaminista Benjamin Netanyahu lokacin taron majalisar ministoci ta yaƙi, suna neman a sako mutanen da aka yi garkuwa da su a Gaza.

FAGEN WASANNI

🏐Ipswich ta gabatar da sabon kwantiragi mai kwaɓi ga kocinta Kieran McKenna, a kokarin hana shi tafiya adaidai lokacin da Manchester United da Chelsea da kuma Brighton ke zawarcin.

⚽Ƙwallaye ukun da Ademola Lookman ya zura a ragar Leverkusen ne s**a bai wa Atalanta nasara akan zakarun na Jamus, kuma wannan ce rashin nasarar da s**a yi a karon farko cikin wasanni 51.

Wannan ne kuma kofin Atalanta na farko a nahiyar Turai.

⚽Kwamitin zartarwa na hukumar UEFA ya yanke cewa za a gudanar da wasannin ƙarshe na gasar Europa ta 2026 da na Conference na 2027 a filin wasa na Besiktas da ke birnin Istanbul.
..........................

Allah ya yaye mana dukkanin matsalolin day S**a addabe mu,ya gafarta mana,ya albarkaci Zuri ar mu,ya sanya alherin sa a gidajen mu...............----------
MARUBUCI
MUHAMMAD AUWAL SULEIMAN DUTSE

18/05/2024

ASSALAM ALAIKUM

YAU ASABAR

10 GA ZUL QIDAH 1445

18 GA MAYU 2024

🇳🇬Majalisar Dinkin Duniya ta yabawa salon mulkin Shugaba Bola Tinubu.

Majalisar ta ce Tinubu a cikin shekara 1 kacal, ya inganta tsaro da tattalin arziki.

Wannan na zuwa ne yayin da ƴan kasar ke kuka kan halin matsi da s**a shiga a mulkin Bola.

🇳🇬Ministan Yaɗa Labarai Da Wayar Da Kai, Mohammed Idris, ya yi alƙawarin tallafa wa manufofin gidan rediyon Hukumar Yaƙi da Cin Hanci da Rashawa mai suna EFCC Radio.

Idris ya bayyana hakan ne a wurin taron ƙaddamar da gidan rediyon da ke kan lamba 97.3 a zangon FM wanda aka yi a hedikwatar hukumar a Jabi, Abuja a ranar Alhamis, 16 ga Mayu, 2024

🇳🇬Hukumar EFCC ta ce ana amfani da wasu matasa da ke kasuwancin crypto wajen daukar nauyin ayyukan ta’addanci a Najeriya ba Shugaban EFCC, Ola Olukoyede, ya ce 'yan ta'addan na amfani da irin su Binance wajen yin hada-hadar kudaden ayyukan ta’addanci Olukoyede ya ce akwai bukatar a yi amfani da fasaha wajen bin diddigin kudaden da ake amfani da su wajen aikata laifuffuka

🇳🇬Watanni takwas bayan sanarwar shirin bayar da lamuni ga ɗaliban manyan makarantun gaba da sakandare, gwamnatin Najeriya ta bayyana cewa a ranar 24 ga Mayu za ta buɗe manhajar shiga a nemi lamunin ta intanet, wato ‘portal’.

Hukumar Kula da Asusun Lamunin Ɗalibai (NELFUND) ce ta yi wannan sanarwar. Kuma ita ce za ta bada lamunin ga duk wani ɗalibin da ya cancanta bayan ya cika sharuɗɗan karɓar lamunin.

Da farko Shugaba Tinubu ya ce za a fara bada lamunin cikin Satumba, 2023. Daga baya ya ce sai Janairu 2024

🇳🇬Kotu Ta Daure Wata Likita A Gidan Yari Bisa Laifin Yin Kuskuren Tiyata Ga Wani Majinyaci

Babbar kotun tarayya da ke zamanta a jihar Legas ta samu wata likita kuma wanda ta kafa kamfanin MedContour Services, Anuoluwapo Adepoju, tare da yanke mata hukunci bisa samunta da laifin gaza yin wata tiyatar roba yadda ya k**ata da ta yi sanadin mutuwar wani Nneka Onwuzuligbo a shekarar 2020.

Mai shari’a Mohammed Liman ya same ta da laifi kuma ya yanke mata hukuncin daurin shekara daya a gidan yari.

🇳🇬Tsohon dogarin marigayi Sani Abacha, Manjo Hamza Al-Mustapha ya yi magana a kan matsalar tsaro da ta addabi Najeriya Al-Mustapha ya ce babban matsalar da aka samu kan rashin tsaro a Najeriya laifin Shugabannin baya ne da s**a gaza yin wani abu Tsohon sojan ya koka kan yadda aka bar matsalar ta girma har zuwa yadda ba za a iya dakile ta da sauki ba, inda ya ce sai dai ayi amfani da kimiyya da dabaru

🇳🇬Gwamnatin Kano ta ce, kashi 28.5 cikin 100 na mutanen jihar masu shekaru tsakanin 30 zuwa 79 na fama da cutar hawan jini inda aka gano kusan kashi biyu bisa uku (60.7 cikin 100) sabbin waɗanda s**a kamu da cutar.

Kwamishinan Lafiya na jihar, Abubakar Labaran Yusuf ne ya bayyana haka a lokacin da yake zantawa da manema labarai a bikin ranar hawan jini ta duniya na shekarar 2024 mai taken: “Ku Auna Hawan Jininku, Ku Daidaita Shi Domin Samun Rayuwa Mai Tsawo.
Ya ce, “Hawan hawan jini ne babban abin da ke haifar da ɗimbin matsalolin lafiya k**ar shanyewar ɓarin jiki, ciwon zuciya da ciwon ƙoda da sauransu.

🇳🇬Tsohon Janar din soja a Najeriya, Garba Duba ya kwanta dama.

Janar Duba ya rasu ne a jiya Juma'a inda aka binne shi a birnin Abuja.

Marigayin ya mulki jihohin Bauchi da Sokoto a lokacin Olusegun Obasanjo da Muhammadu Buhari.

FAGEN WASANNI

⚽A Hukumance | Mohamed Elneny mai shekaru 31 zai bar Arsenal a karshen kakar wasa ta bana!

Dan kasar Masar di dai ya shafe shekaru 8 yana Gunners, inda ya buga wasanni 161 kuma ya lashe kofuna 3.

Zai zama dan wasa na kyauta a lokacin bazara.
................,.......

Allah ya gafarta mana mu da iyayen mu Allah ya amshi ibadar mu ya haɗa mu fa alherin wannan rana ta Asabar.........

MARUBUCI MUHAMMAD AUWAL SULEIMAN DUTSE

Journalist

17/05/2024

ASSALAM ALAIKUM

YAU JUMA A

10 GA ZUL QIDAH 1445

17GA MAYU 2024

🇳🇬Shugaban Najeriya Bola Ahmed Tinubu ya gana da sabon shugaban Senegal Bassirou Diomaye Faye, a ziyarar farko da sabon shugaban ƙasar ya kai Najeriya.

A ranar biyu ga watan Afrilu ne aka rantsar da Bassirou Faye a matsayin zaɓaɓɓen shugaban ƙasa mafi ƙarancin shekaru a Afirka bayan nasarar da ya yi a zaɓen ƙasar da aka gudanar.

Faye ya lashe zaɓe ne bisa alƙawurra da ya yi na kawo gagarumin sauyi a ƙasar.

Matsalar ƙarancin aikin yi da rashin kyawun tattalin arziƙi ne manyan matsalolin da ke addabar ƙasar ta Senegal.

🇳🇬Shugaban kasa Bola Tinubu ya rubuta wasika ga majalisar dattawa domin neman izinin biyan jihohin Nasarawa da Kebbi N24.6bn Mai girma Shugaban kasar ya bayyana cewa za a biya jihohin kudaden ne bayan gwamnatin tarayya ta karbi filayen jiragen saman su Ya kuma bayyana adadin da ko wace jiha za ta samu da yadda doka ta ba gwamnatin tarayya izinin karbar filayen jirage.

🇳🇬Hedikwatar tsaron Najeriya DHQ ta bayyana cewa a cikin makon jiya dakarunta sun kashe Ƴan ta’adda 227, sun k**a wasu 529 sannan sun ceto mutum 253 da maharan s**a yi garkuwa da su a faɗin kasar nan.

Jami’in yada labarai na hukumar Edward Buba ya sanar da haka ranar Alhamis a Abuja.

Buba ya ce a wannan mako dakaru sun kwato bindigogi 231, harsasai 6,441, jirgin sama kiran ‘Eastern Bloc’ daya da tankan yaki kirar ‘MRAP’ daya

🇳🇬Rundunar sojin Nijeriya ta nemi maƙwabciyarta Nijar da ta k**a wani shugaban 'yan bindiga da ta ce tana nema ruwa a jallo a ƙasar. k**ar yadda mai magana da yawun hedkwatar tsaro ya faɗa a ranar Alhamis.

Mai magana da yawun Hedkwatar Tsaron Edward Buba ya ce Halilu Buzu ɗan ƙasar Nijar kuma shi ne babban mai samar da mak**aki a Nijeriya daga masu sayar da su a Libiya.

A wata sanarwa, Buba ya ce Buzu yana kuma aiki a wani wajen haƙar zinare a Zamfara, ɗaya daga cikin jihohin da ke fama da matsalar satar mutane

🇳🇬Hukumar da ke yaki da masu yi wa tattalin arzikin kasa zagon kasa(EFCC) ta k**a wasu mutane goma sha biyar da ake zargi da damfara ta yanar gizo a garin Zaria ta jihar Kaduna.

🇳🇬Mai Ɗakin Shugaban Turkiyya Emine Erdogan na ziyara a Nijeriya don wani gagarumin taro kan wayar da kai dangane da sankara.

🇳🇬Nan Ba Da Jimawa Ba Iskar Gas Zata Kawo Wa Najeriyar Arzikin Da Ba A Tsammani - Mele Kyari

Shugaban kamfanin man fetur na Najeriya NNPCL Mallam Mele Kolo Kyari ne ya bayyana hakan a yayin kaddamar da cibiyoyin samar da iskar gas a jihohin Imo da Delta.

🇳🇬FIRS ta tara Naira Tiriliyan 3.94 na kudaden haraji a watanni 3 na farkon shekarar 2024.

Hukumar ta na da burin tara Naira tiriliyan 19.4 a watanni 12 na wannan shekarar.

Shugaban FIRS, Zacch Adedeji ne ya bayyana adadin kudaden a ranar 15 ga watan Mayu.

🇳🇬Tsohon mataimakin shugaban Najeriya kuma ɗan takara na babbar jami'ya mai adawa PDP Atiku Abubakar ya zargi gwamnatin shugaba Tinubu da yunkurin sake tafka wani almundahana ta anfani da Naira tiriliyan 20 na Fansho ta yi wasu ayyuka na daban.
Atiku ya ce wannan yunkuri na gwamnatin Tinubu abu ne mai matuƙar hadari, wadda kan iya haifar da matsanancin yanayi ga 'yan Najeriya waɗanda s**a daɗe suna tãra kuɗin su na fansho domin su dogara da shi bayan yin ritaya daga aiki.

🇳🇬Bayan dakatar da aiki a watan Oktoba, 2022, kamfanin jiragen sama na Emirates ya sanar da cewa zai dawo jigilar fasinjoji a Nigeria Kamfanin Emirates ya bayyana ranar 1 ga watan Oktoba, 2024 a matsayin ranar tashin jirgin farko daga Dubai zuwa birnin Lagos Mataimakin shugaban kamfanin Emirates, Adnan Kazim ya mika godiyarsu ga gwamnatin Najeriya kan gudunmawar da aka basu

🇳🇬Babbar mai shari’a a jihar Kano, Dije Abdu Aboki ta sahale wa hukumar kula da gidajen gyaran hali ta saki fursunoni 5 Matakin na zuwa ne a lokacin da hukumomi a jihar ke kokawa kan cunkoso a gidajen gyaran hali da ke jihar Kano Hukumar kula da gidjen yarin jihar ta bayyana cewa an saki fursunonin ne saboda dadewa da kuma rashin lafiya.

🇳🇬Gwamnatin jihar Niger ta cafke wasu mutane 30 bisa zargin hakar ma’adanan kasa ba tare da sahalewar gwamnati ba Daga wadanda aka k**a akwai maza 12 da mata 18, wanda mutane 15 daga cikinsu yara ne masu karancin shekaru, lamarin da ke jefa rayuwarsu cikin hadari Darakta a ma’aikatar ma’adanan kasar jihar, Adamu Garba shi ne ya jagoranci sumamen da aka kai yankin Maitumbi inda ake hakar ma’adanan
🇳🇬ANA WATA SAI GA WATA!

Yayin da ake kai ruwa rana kan aurar da ƴan mata 100 a jihar Niger, kotu ta dauki mataki kan lamarin a Abuja.

Babbar kotun Tarayya ta dakatar da shirin gudanar da auren da aka shirya a karshen wannan wata da muke ciki

Har ila yau, kotun ta ba Minista Uju ikon dakatar da shirin gudanar da auren da aka shirya a karamar hukumar Mariga.

Hakan ya biyo bayan maka kakakin Majalisar Niger, Abdulmalik Sarkin-Daji da Ministar mata ta yi a kotu kan lamarin

Daga bisani Uju ta yi alkawarin cewa ma'aikatarta za ta dauki nauyin karatun ƴan matan da kuma koya musu sana'o'i.

DAGA ƘASASHEN WAJE

🌍Tsohon shugaban Gabon, Ali Bongo ya shiga yajin cin abinci domin nuna fushinsa kan yadda hukumomin ƙasar ke musguna masa da iyalinsa. (16/05/2024)

🌍Amurka ta gabatar wa hukumomin Nijar tsarin jadawalin ficewar sojojin ta daga kasar.

Tawagar kasar Amurka karkashin jagorancin wasu manya a ma'aikatar tsaron kasar sun gana da ministan tsaron Nijar Janar Salifou Mody domin tattaunawa kan tsarin janye jami'an sojin Amurka da ke jibge a Nijar bayan gwamnatin kasar ta bukaci ficewar su a watanni biyu da s**a gabata.

DAGA FAGEN WASANNI

⚽Mujallar Forbes ta bayyana Cristiano Ronaldo a matsayin ɗan wasan da ya fi kowanne ɗan wasa ƙarbar albashi mafi tsoka a duk fadin duniya a bana, inda aka biya dala miliyan 260 kwatankwacin naira biliyan 400.

🏐A Hukumance! Alex Ferguson ya koma Manchester United!

Sir Alex ya koma aiki a Manchester United a matsayin mai bada shawara akan fasaha da samar da igancin yan wasa da gogewarsa ga Red Devils.
...............

Allah ya gafarta mana mu da iyayen mu ya haɗa mu da alherin wannan rana ta Juma a.

02/05/2024

ASSALAM ALAIKUM

YAU ALHAMIS

23 GA SHAWWAL 1445

2 GA MAYU 2024

🇳🇬Kungiyoyin kwadagon sun baiwa gwamnatin tarayya wa’adin zuwa karshen watan Mayu da ta kammala shirin aiwatar da sabon mafi karancin albashin ma’aikata na kasa.

Shugaban kungiyar kwadago na Najeriya (NLC), Joe Ajaero, ya bukaci hakan a ranar Laraba a Abuja a bikin ranar ma’aikata ta duniya na bana.

Ajaero ya ce har yanzu ana ci gaba da tattaunawa kan sabon mafi karancin albashin ma’aikata na kasa kuma ya ce ana samun gamsuwa zuwa yanzu

🇳🇬Gwamnatin Kano za ta maido da tsarin samar da gidaje ga ma’aikatan jihar bayan shekaru 20 da sauka daga kan tsarin

🇳🇬Ƙungiyar 'yan kwadagon Najeriya reshen jihar Borno ta ce wasu mutanen da s**a yi ritaya a jihar har yanzu ana biyansu dubu hudu a matsayin kuɗin fanshonsu a wata.

Shugaban ƙungiyar Mista Yusuf Inuwa ne ya bayyana haka yayin bayanin da ya gabatar a bikin ranar ma'aikata na 2024 wanda aka yi a jihar Borno.

Ya nemi a sake duba yadda za a kyautata kudin da ake biya domin faranta rayuwar 'yan fanshon.

🇳🇬Gwamnan jihar Kaduna, Uba Sani ya kaddamar da shirin bayar da rance na Naira miliyan 500 ga ma’aikatan gwamnati.

Sani ya bayyana hakan ne a ranar Laraba a Kaduna yayin bikin ranar Mayu na 2024.

Ya kuma jaddada aniyar sa na ba da fifiko ga jin dadin ma’aikata da kuma samar musu da kayan aiki yadda ya k**ata.

Sani ya jaddada muhimmancin hada karfi da karfe domin samun nasarar shirin gwamnatinsa na kawo cigaba a karkara da kananan hukumomin mu.

🇳🇬Rundunar ‘yan sandan jihar Kaduna ta ce jami’anta sun k**a wani da ake zargi da sace wata yarinya ‘yar shekara 10 tare da boye ta a cikin firiji.

Mai magana da yawun rundunar, Mansir Hassan, ya tabbatar da k**a wanda ake zargin ga Kamfanin Dillancin Labarai na Najeriya (NAN) ranar Talata a Kaduna.

Hassan ya ce a ranar Asabar da ta gabata da misalin karfe biyu na rana, mahaifiyar yarinyar da aka sace, Uwaila Idris da ke kauyen Unguwar Gara a karamar hukumar Kauru ta jihar, ta kai rahoton bacewar diyarta ofishin ‘Yan sanda.

“Ta zo ofishin ‘yan sanda ne ta ba da rahoton cewa a ranar 26 ga Afrilu, da misalin karfe daya na rana, wani Aminu Garba ya sace ‘yarta ‘yar shekara 10 mai suna Hanifa Garba a cikin shagonsa.

Hassan ya ce da aka tambayi wanda ake zargin game da inda Hanifa take, ya musanta cewa bai san inda take ba.

Daga nan sai ya koma shagonsa ya rufe bakinta da hijabinta sannan ya turbudata a cikin Firijin sa ya kuma saka kwado ya kulle.

Matasan unguwa ne s**a ce lallai sai an binciki shagon sa kaf kafin a yarda cewa ba shi ya sace yarinyar ba k**ar yadda ya ke ta cewa, Da aka b***e firijin sai aka ga Hanifa ciki kwance.

Zuwa yanzu dai an cafke she yana tsare wajen ‘Yan sanda a na ci gaba da bincike

🇳🇬Yayin da ake bikin ranar ma'aikata a Najeriya, gwamnan jihar Kuros Riba ya amince da sabon mafi karancin albashi Gwamna Bassey Otu ya amince da biyan N40,000 ga ma'aikatan jihar inda ya ce sun yi karin ne duba da halin da jihar ke ciki Wannan na zuwa ne bayan Gwamna Godwin Obaseki ya amince da mafi karancin albashi har N70,000 a jihar Edo.

🇳🇬Attajirin da ke kan gaba a Afrika kuma dan asalin Najeriya, Alhaji Aliko Dangote ya bayyana cewa, babbar musibar da ta afka wa kamfaninsa a bara, ita ce faɗuwar darajar naira daga naira 460 zuwa naira 1,400.
Kamfanin ya sanar da tafka asarar naira biliyan 164 sak**akon tabarbarewar tattalin arziki saboda faɗuwar darajar naira a bara.

🇳🇬Sakataren Ƙungiyar Dillalan Man Fetur ta Ƙasa (IPMAN), James Tor, ya bayyana rikicin Isra’ila da Iran a matsayin babban dalilin ƙarancin man fetur da ake fama da shi a Najeriya.

A cikin ‘yan kwanakin nan dai ƙarancin man fetur ya haifar da dogayen layuka a gidajen mai baya ga tsada da kuma tashin farashin sufuri.

🇳🇬Fasinjoji 16 da ke cikin wata motar bas ƙirar Toyota Hummer sun ƙone ƙurmus sak**akon haɗarin da ya rutsa da su a kan titin Enugu/Opi/Nsukka da ke yankin Ekwegbe a Ƙaramar Hukumar Igbo-Etiti ta Jihar Enugu.

Jami’in hulɗa da jama’a na rundunar ‘yan sandan jihar, DSP Daniel Ndukwe cikin wata sanarwa da ya fitar a daren ranar Talata, ya ce lamarin ya faru ne bayan da motar ta k**a da wuta sak**akon afka wa wata katanga da ta yi a kan hanyar

DAGA ƘASAHEN Duniya

🌍Yan sandan a ƙasar Amurka sun k**a gomman ɗaliban Jami’ar Columbia yayin zanga-zangar nuna goyon baya ga Falasɗinawa da ke fuskantar hare-haren Isra’ila.

’Yan sandan dai sun fara k**a ɗaliban ne da karfe 9 na daren Talata, suna jefa su cikin motoci, yayin da wasu ɗaliban ke yi wa ’yan sandan ihu.

🌍Shugaban Colombia Gustavo Petro ya sanar da yanke duk wata huldar diflomasiya da Isra'ila, yana mai kiran Firaminista Benjamin Netanyahu a matsayin "mai kisan kiyashi".

FAGEN WASANNI

⚽Dortmund ta doke PSG da ci 1-0 a wasan kusa da na karshe na gasar zakarun a jiya Laraba 1 ga Mayu 2024,kungiyoyin za su sake haduwa ranar 7 ga Mayu Faransa,wanda ya kuma zama dole PSG ta lallasa Dortmund idan ta na son ta ci gaba a wannan gasa.

⚽Yau fitaccen 'dan wasan Faransa, Kylian Mbappe zai fara ganin haske ko kuma akasin haka dangane da bukatar sa na lashe gasar cin kofin zakarun Turai a karawar da kungiyar sa ta PSG za tayi da Borrusia Dortmund.
Kafin wannan karawar, PSG ta kawar da Barcelona daga gasar, yayin da Dortmund ta kori Atletico Madrid.
A shekarar 2020, PSG dauke da fitattun 'yan wasan ta irin su Neymer Jnr tare da Mbappe sun gaza lashe kofin lokacin da Bayern Munich ta doke su a wasan karshe, yayin da zuwan Lionel Messi ma bai sauya komai ba. Gabriel Adeyemi, 'dan Najeriya na cikin taurarun Dortmund a wannan gasar.
Muna bukatar ra'ayoyin ku dangane da hasashen da kuke da shi a kan wannan karawar.
...................................------__________

Allah ya Biya mana buƙatun mu duniya da lahira ya yaye mana matsalolin da S**a addabe mu,Allah ya kawo mana sauƙin Al amuran rayuwa.
---------------------------_____________----

MARUBUCI MUHAMMAD AUWAL SULEIMAN DUTSE

Address


Website

Alerts

Be the first to know and let us send you an email when Jigawa online posts news and promotions. Your email address will not be used for any other purpose, and you can unsubscribe at any time.

Videos

May your soul rest in peace

Shortcuts

  • Address
  • Alerts
  • Videos
  • Claim ownership or report listing

  • Want your business to be the top-listed Media Company?

Share