Bombo Radyo Iloilo (2024)

18/11/2023

PBBM, GINAPAHULAG ANG NAGKALAIN-LAIN NGA MGA AHENSYA SANG GOBYERNO KASUNOD SANG LINOG SA MINDANAO

Nagmandu si President Ferdinand Marcos Jr. sa tanan nga nagakaigu nga ahensya sang gobyerno nga maghulag kag magbulig kasunod sang magnitude 6.8 nga linog nga nagtay-og sa lain-lain nga bahin sang Mindanao.

Suno kay Presidential Communications Office Sec Cheloy Garafil, ginapasigurado man sang presidente nga hilway sa katalagman ang mga Pinoy.

Gin-activate man ang National Disaster Risk Reduction and Management Council kag ang Civil Defense Regional Offices agud may koordinasyon sa local responders.

Nagapabilin si Marcos s United States agud magtambong sa Asia-Pacific Economic Cooperation Summit.

Natabo ang linog pasado 'las kuatro kahapon sang hapon.

Una nga na-rehistro sang Philippine Institute of Volcanology and Seismology (Phivolcs) ang magnitude 7.2 apang gin-revise man ang amo nga data.

Natabo ang undersea tectonic quake sa kadalumon nga 72 kilometers kag 34 km northwest sang Sarangani Island sa Davao Occidental.

Gin-athag sang Phivolcs nga wala sang tsunami threat kasunod sang amo nga hitabo.

12/11/2023

LOOK | NAGKALAIN-LAIN NGA SALAKYAN, NAULAMID SA VEHICULAR ACCIDENT SA DISTRITO SANG MOLO SUBONG GID LAMANG NGA GAB-I

Photos from: Kgwd. Rhomar Martirez

This is a developing story. Please refresh for updates.

12/11/2023

ARAB KAG MUSLIM LEADERS, NAGPANAWAGAN SANG CEASEFIRE KAG GINPAKAMALAOT ANG WESTERN COUNTRIES SA ISA KA SUMMIT

Text by: Bombo Rezzy Bordon

Nagpanawagan sang ceasefire sa tunga sang Israel kag Hamas ang mga lider sa ginpatigayon nga Joint Arab-Islamic Extraordinary Summit sa Riyadh kasunod sang nagalala pa nga humanitarian situation sa Gaza.

Si Iranian President Ebrahim Raisi ang yara sa Saudi capital para sa summit nga nagamarka sang pinakauna nga byahe sang isa ka Iranian leader sa Saudi Arabia sa sulod sang 11 ka tuig.

Suno kay Raisi, ang mga nagtambong ang nagtipon para sa Islamic world agud nga salbaron ang Palestinians.

Samtang, ginpahayag ni Saudi Crown Prince Mohammed bin Salman nga ginabasura nila ang brutal nga inaway.

Ginpahayag man ni Palestinian Authority President Mahmoud Abbas nga ang Estados Unidos nga may pinakadako nga impluwensya sa Israel ang may responsibilidad sa kakulang sang political solution.

Nagpanawagan man ini nga untaton na ang Israeli aggression kag ang Israeli occupation sa ila.

Ginpakamalaot naman ni Turkish President Recep Tayyip Erdogan nga wala sang Western countries nga nagpanawagan sang ceasefire.

Gipahayag man niya nga ang Israel ang nagatimalos sa pagpang-atake sang Hamas sang Oktubre 7.

Suno sa iya, matuod nga wala sang may nagasuporta sang natabo sang amo nga adlaw apang indi ini rason agud nga magpatay sang mga sibilyan ang Israel.

12/11/2023

BONGBONG YTURRIAGA NGA NAGTIRO-PATAY SA MEMBER SANG SWAT, GINPASAKAAN NA SANG SAMPAW-SAMPAW NGA KASO; DUHA SINI KA KAUPDANAN, GINPASAKAAN MAN SANG KASO

Text by: Bombo Rezzy Bordon
Reported by: Bombo Ria Momblan

Napasakaan na sang kaso ang subject sang drug-buy bust operation sa Barangay Concepcion, Iloilo City Proper nga nagtiro-patay sa katapo sang Special Weapons and Tactics.

Ang subject amo si Glen "Bongbong" Yturriaga nga nakuhaan sang masobra P7 million nga balor sang iligal nga droga.

Lakip man sa ginpasakaan sang kaso sanday alyas Ivan kag alyas Kate.

Napatay sa amo nga operasyon si Police Staff Sergeant Michael Malan nga katapo sang Special Weapons and Tactics.

Sa interview sang Bombo Radyo kay Pol. Lt. Col. Antonio Benitez, Jr., pinuno sang Iloilo City Drug Enforcement Unit, iya ginpahayag nga ang mga kaso nga ginpasaka batuk kay Yturriaga amo ang murder, paglapas sa section sang Republic Act 9165 ukon Comprehensive Dangerous Drugs Act of 2002, Article 151 sang Revised Penal Code ukon Resistance and disobedience to a person in authority bangud sa pagtiro man sa iban nga mga operatiba.

Suno kay Benitez, murder ang ginpasaka nga kaso batuk kay Yturriaga base sa ila pagkonsulta sa legal unit sang Philippine National Police.

Ginpasakaan man sang kaso nga paglapas sa Comprehensive Dangerous Drugs Act of 2002 sanday alyas Ivan kag alyas Kate.

Samtang, padayon man nga gina-validate sang kapulisan ang impormasyon nga may iban pa nga kaupdanan si Yturriaga sa amo nga lugar.

12/11/2023

LOOK | ILOILO CITY GOVERNMENT, NAGPATIGAYON SANG PASALAMAT SA KADALAG-AN KAG PAGKILALA SA SIYUDAD BILANG UNESCO CREATIVE CITY OF GASTRONOMY

Text by Bombo Angel Tan

12/11/2023

OLIVIA RODRIGO, MAY ANUM KA NOMINATIONS SA 2024 GRAMMY AWARDS!

Text: Bombo Jissa Padios
📷: Olivia Rodrigo, Recording Academy/YouTube

Balantayan ang Filipino-American singer nga si Olivia Rodrigo sa 66th Grammy Awards ukon ang ginakabig nga "highest honors" sa patag sang musika sa bilog nga kalibutan!

Pareho kanday Taylor Swift, Billie Eilish, kag Miley Cyrus, may anum man ka nominations si Olivia para sa amo nga prestihiyoso nga seremonya.

Ini amo ang mga masunod:

* Album of the Year ("GUTS")

* Song of the Year ("vampire")

* Record of the Year ("vampire")

* Best Pop Solo Performance ("vampire")

* Best Pop Vocal Album ("GUTS")

* Best Rock Song ("ballad of a homeschooled girl")

Matandaan nga sang 2022, ginbulsa ni Olivia ang Best Pop Solo Performance para sa 'drivers license'; Best Pop Vocal Album para sa "Sour"; kag ang Best New Artist award.

Para sa 2024 nga Grammys, patigayunon ang seremonya sa Pebrero 4 sa Los Angeles. #

12/11/2023

LOOK | SITWASYON SUBONG SA IMMACULATE CONCEPTION PARISH CHURCH, TANZA, ILOILO KUNG SA DIIN PAGAMISAHAN ANG BANGKAY NI PSSG MICHAEL F. MALAN

Text by: Bombo Hanna Joy Andasa

12/11/2023

SHELLFISH SA GIGANTES ISLANDS SA CARLES, ILOILO, POSITIBO SA TOXIC RED TIDE

Text: Bombo Ian Gajete

Nag- release ang Bureau of Fisheries and Aquatic Resources sang bulletin sang mga areas sa pungsod nga nagpositibo sa paralytic shellfish poison ukon toxic red tide nga lapaw sa regulatory limit

Suno sa ahensya, ang mga shellfish gikan sa sini nga mga areas ang indi safe para sa human consumption.

Samtang, ginakabig naman nga safe para sa human consumption amo ang isda, squids kag crabs sa kondisyon nga preska kag ginhugasan sang maayo kag ginkuha ang internal organs antes lutuon.

Yari ang mga lugar nga positibo sa toxic red tide:

*Coastal waters sang Gigantes Islands sa Carles, Iloilo
*Sapian Bay sa Capiz (Ivisan kag Sapian sa Capiz; Mambuquiao kag Camanci sa Batan,Aklan)
*Coastal waters sang President Roxas in Capiz
*Coastal waters sang Panay sa Capiz
*Coastal waters sang Pilar sa Capiz
*Coastal waters sang Dauis kag Tagbilaran City sa Bohol
*Dumanquillas Bay sa Zamboanga del Sur
*Coastal waters sang San Benito sa Surigao Del Norte
*Lianga Bay sa Surigao del Sur

12/11/2023

HALOS KADAM-AN SANG MGA BARANGAY SA SYUDAD, NAPAIDALOM NA SA INVENTORY

Text by: Bombo Gladwyn Gustilo/ Bombo Rezzy Bordon
Reported by: Bombo Gladwyn Gustilo

Halos 60 na gid lamang sa 180 ka mga barangay sa syudad ang wala pa nakakumpleto sang inventory kag turn-over sang mga propyedad para sa magapungko nga incoming officials.

Sa interview sang Bombo Radyo kay Mr. Oscar Lim, Jr., pinuno sang Department of Interior and Local Government- Iloilo City, iya ginpahayag nga ginalauman nga matapos ang inventory sa Nobyembre 17.

Suno kay Lim, sa tagsa ka adlaw, tatlo ka mga barangay ang ila nga ginapaidalom sa inventory.

Dugang pa niya, natapos na ang kadam-an sa 92 ka mga barangay nga may bag-o nga chairman lakip na ang tatlo ka mga dalagko nga barangay nga amo ang Calumpang kag San Juan sa Molo kag Calaparan sa Arevalo.

Ginalauman naman nga wala sang mangin problema ang opisina sa pag-turn over sa mga 88 ka mga lugar nga may re-elected punong barangay.

Samtang, ginpahayag man ni Lim nga may salabton sa gihapon ang outgoing punong barangay kun may yara sang kakulangan sa mga propyedad.

Suno kay Lim, kun mapamatud-an nga may kapaslawan ang anay opisyal, indi ini makabaton sang mga benepisyo nga nabilin.

Mahimo man ini nga mapasakaan sang kaso.

12/11/2023

POLITICAL OFFICER SANG NPA, ARESTADO BANGUD SANG SAMPAW-SAMPAW NGA KASO-KRIMINAL

Text: Bombo Jissa Padios
Interview: Bombo Gladwyn Gustilo

Arestado ang isa ka political officer sang New People's Army (NPA) sa Brgy. Hipodromo, Iloilo City Proper bangud sa sampaw-sampaw nga kaso-kriminal.

Ini amo si alias Bambie nga ginapahayag nagapungko bilang vice commanding officer sa Front Operational Committee sang Front 11- Komiteng Rehiyon-Panay, kag ginakabig man nga Top 8 Most Wanted Person sa probinsya sang Iloilo.

Sa interview sang Bombo Radyo kay Pol. Lt. Col. Antonio Benitez, Jr., head sang City Intelligence Unit (CIU) sang Iloilo City Police Office (ICPO), iya ginpahayag nga gindakop ang lalaki bangud sang gina-uyatan sang otoridad nga warrant of arrest sa kaso nga double attempted murder, attempted murder, kag attempted homicide.

May kaso man ini nga frustrated murder sa San Joaquin, Iloilo; multiple attempted murder sa Tubungan kag Miagao; kag direct assault with attempted homicide sa Igbaras.

Nagtingob-pwersa ang Regional Intelligence Division 6 kag ang ICPO agud madakpan ang nasambit nga suspek.

Gintugyan na ang amo nga lalaki sa custodial facility sang Iloilo City Police Station 1. #

12/11/2023

2TRANSPORT AND PEOPLE'S FORUM, GINHIWAT SA ILOILO CITY AGUD PAMATUKAN ANG FULL IMPLEMENTATION SANG PUV MODERNIZATION PROGRAM

Text: Bombo Jissa Padios
Interview: Bombo Gladwyn Gustilo

Nagtipon ang grupo sang commuters, drivers, kag operators sa syudad sang Iloilo agud mag-isa kag tunugon pa ang pagpanawagan nga punggan ang full implementation sang Public Utility Vehicle (PUV) Modernization Program.

Nangin dinapit man nga bisita sa amo nga Transport and People's Forum si Kabataan Party-list Rep. Raoul Manuel.

Sa interview sang Bombo Radyo kay Mr. Elmer Forro, secretary-general sang Bayan-Panay kag lead convenor sang “NO to Jeepney Phaseout Coalition”, iya ginpahayag nga ginpaathag sa mga tumalambong ang malain nga epekto sang modernization program ilabi na bangud nagahilapit na ang deadline para sa jeepney drivers kag operators nga mag-consolidate sa cooperative ukon corporation.

Sa amo man nga forum suno kay Forro, ginpabutyag sang operators ang kalain sang buot nga madula na ang ila mga salakyan nga ginpangabudlayan nila nga mapundar.

Nagalaum ang natungdan nga paagi man kay Manuel kag sa Makabayan bloc, ma-aktuhan sang Kongreso ang petition nga ginpadala sa separado nga mga komite sa Kamara kag Senado agud nga maimbestigaran ang PUV Modernization Program.

Ginpahangop sang natungdan nga indi lamang palangabuhian sang operators kag drivers ang mabutang sa katalagman kundi mangin ang mga commuters. Suno kay Forro, pat-od nga magasaka ang minimum fare bangud kinahanglan nga bawion ang gasto sang ginbakal ang imported mini-buses kag mahal man nga maintenance para diri.

Una na nga gin-athag sang Land Transportation Franchising and Regulatory Board (LTFRB) nga ang Disyembre 31, 2023 amo ang deadline nga gin-set para sa consolidation sang mga driver ukon magsulod sa kooperatiba kag indi amo ang phaseout sang traditional jeepney units.

'ANTI-PEOPLE MODERNIZATION PROGRAM'

Sa bahin naman ni Kabataan Party-list Rep. Manuel, iya ginpahayag ng

12/11/2023

DANIEL PADILLA KAG KATHRYN BERNARDO GINAALEGAR NGA BULAGAY NA; ACTRESS NGA SI ANDREA BRILLANTES, GINATUDLO NGA RASON SANG BREAK UP

Text by: Bombo Rezzy Bordon

Daw kaangay nga ginpanginwala sang Filipino actor kag recording artist nga si Daniel Padilla ang ginbati-bati nga breakup nila sang iya long-time girlfriend nga Kathryn Bernardo.

Ginpakigbahin sang aktor ang video ni Kathryn sa isa ka fashion magazine cover kag nagpahayag sang suporta diri.

Naggwa ang mga speculations nga ang power couple ang nagbulagay na bangud nga na-link ang aktor sa isa pa ka aktres nga si Andrea Brillantes.

Ginpahayag sang comedian-talent manager nga si Ogie Diaz nga base sa iya nahibaluan, sekreto nga nagakit-anay sanday Daniel kag Andrea.

Bangud sini, nakabaton sang kritisismo si Ogie nagikan sa fans sang couple bangud sa pagpagwa sang indi kumpirmado nga impormasyon.

Sa isa ka vlog, ginpahayag ni Ogie nga nagalaum ini nga i-address sang celebrities ang rumors.

Sanday Daniel kag Kathryn ang magkarelasyon na humalin sang 2012.

Una na nga ginpahayag sang aktres nga gusto nila anay ni Daniel nga magtutok sa ila tagsa ka priorities kag indi pa ini ang tion agud nga magpakasal.

10/08/2023

LALAKI NGA NANGAWAT SANG BUGAS, GIN-GABAAN SANG NAHULOG SA TRUCK

Text: Bombo Ian Gajete

Gilayon nga gin-gabaan ang isaa ka lalaki nga nagtuyo nga magkawat sang isa ka sako sang bugas gikan sa isa ka truck sa Cebu City.

Ginahakwat na sang lalaki ang bugas sang nag-andar kag naglarga ang truck gani nahulog ini kaupod sa bugas sa karsada.

Nagakiang-kiang nga nagtindog ang lalaki gani wala na lang niya ginhakwat ang nahulog nga isa ka sako nga bugas.

10/08/2023

MALACAÑG, NANINDUGAN NGA INDI PAGKUHAON ANG WARSHIP SA AYUNGIN SHOAL

Text by: Bombo Chris Jan Hechanova Lozada

Gin-athag sang Malacañang nga wala sila nagbuya sang promisa nga kuhaon ang BRP Sierra Madre sa Ayungin Shoal sa West Philippine Sea.

Suno kay Presidential Communications Office Secretary Atty. Cheloy Garafil, wala sang kamatuuran ang ginbuy-an nga pahayag sang China nga nagpasalig ang gobyerno sang Pilipinas nga kuhaon ang vessel sa Ayungin Shoal, nga ginatawag sang Beijing nga Ren’ai Jiao.

Ang BRP Sierra Madre ang yara na sa Ayungin Shoal humalin pa sang tuig 1999.

Ang barko nga ginadumalahan sang masobra dinosena ka mga Marines kag sailors, ang nangin simbolo na sang soberenya sang Pilipinas sa nasambit nga teritoryo.

Ginpahayag naman ni Department of Foreign Affairs spokesperson Tess Daza nga ang BRP Sierra Madre ang permanente nga ginpahamtang sa lugar agud protektahan ang kinamatarong sang Pilipinas sa West Philippine Sea.

Apang ang Chinese Ministry of Foreign Affairs, ang may lain man nga claim.

Ang Ayungin ang nahamtang sa 105.77 nautical miles halin sa Palawan kag kabahin sang 200-nautical mile continental shelf sang pungsod santo sa United Nations Convention on the Law of the Sea (UNCLOS).

Matandaan nga sang Sabado, illegal nga ginbombahan sang tubig sang Chinese Coast Guard ang Philippine Coast Guard vessels nga padulong sa Ayungin Shoal para sa resupply mission sa BRP Sierra Madre.

Ginkumpirma naman ni President Ferdinand "Bongbong" Marcos Jr. nga nagpadala na ang Pilipinas sang diplomatic communication sa China kasunod sang insidente.

Sang nagligad nga bulan, ginpanindugan sang China nga indi nila pagbatunon ukon pagkilalahon ang Arbitral Tribunal Ruling sang 2016 sa diin ginabasura ang tanan nga claim sang China sa West Philippine Sea.

Bombo Radyo Iloilo

18/11/2023

12/11/2023

12/11/2023

12/11/2023

12/11/2023

12/11/2023

12/11/2023

12/11/2023

12/11/2023

12/11/2023

12/11/2023

12/11/2023

10/08/2023

10/08/2023

Address

Website

Alerts

Shortcuts

Share